Ka Nupepa Kuokoa, Volume XXXV, Number 19, 8 May 1896 — Page 5

  Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

MAI A MAHOPE AKU O IULAI 5, 1895

 

                               a.m. Wili o Ewa, Kaa Ukana, na la a pau,

Haalele ia Honolulu           6:40

Haalele ia Manana             7:40

Haalele Wili o Ewa            8:10

Hiki i Waianae               -

 

                                    a.m.  Hiki i Waianae, na la a pau.   

Haalele ia Honolulu                9:15

Haalele ia Mauana                  9:58

Haalele Wili o Ewa                 10:19

Hiki i Waianae                      10:54 

                                     p.m Hiki i Wili o Kua, na la a pau.

Haalele ia Honolulu                         1:45

Haalele ia Mauana                           2:28

Haalele Wili o Ewa                          2:49

Hiki i Waianae                               -

 

p.m. Hiki i Waianae,

                                                              Na Poaono Ino, Sabati wale no.

 

Haalele ia Honolulu                                    1:45

Haalele ia Mauana                               2:28

Haalele Wili o Ewa                              2:49

Hiki i Waianae                                   3:24

 

 

                                                                                      p.m. Hiki i Waianae, na la apau.

Haalele ia Honolulu                                  5:10

Haalele ia Mauana                                   5:53

Haalele Wili o Ewa                                  6:14

Hiki i Waianae                                       6:49

 

 

 

                              a.m. Waianae na la a pau.   

Haalele ia Waianae            6:44

Haalele Wili o Ewa                 7:19

Haalele ia Manana                   7:50

Hiki i Honolulu                       8:23

 

 

                                    a.m. Wili o Ewa, Kaa Ukana, na la a pau.                                  

Haalele ia Waianae                              -

Haalele Wili o Ewa                       9:10       

Haalele ia Manana                  9:48

Hiki i Honolulu                             10:30

 

                                             p.m. Koo Sabati, Waianae na la apau.

Haalele ia Waianae                                          1:32    

Haalele Wili o Ewa                                   2:07

Haalele ia Manana                                           2:28

Hiki i Honolulu                                               3:11

 

                                                                                                   p.m. Wili o Ewa, na la a pau.

Haalele ia Waianae                                               -

Haalele Wili o Ewa                                             3:51

Haalele ia Manana                                 4:22

Hiki i Honolulu                                                   4:55

 

                                                     p.m. Hiki i Walauao na Poao, no me Sabati.

Haalele ia Waianae                                                      4:16

Haalele Wili o Ewa                                                     4:51

Haalele ia Manana                                                       5:22

Hiki i Honolulu                                                           5:35

 

E lawe ana na kaa ahi hali ukana i na kaa ohua o ka papa ekahi.  G. P. Denison, Luna.  F. C. Smith, Luna Kuai Palapala @lo.

 

NU HOU HAWAII

Ua lonolonoia mai ua ano akakuu mai ka ikaika o ka a ana o ka Pele maluna o Mokuaweoweo.

 

Auhea oe e Mr. Mose Kaluna o Wahiawa, Kauai.  Aole i hoea mai ka elele lau oliva au i hoouna mai ai me na pua oliva ($5) no ke “Kilohana Pookela o ka Lahui Hawaii.”

 

Nui ka mahaloia o ka Aha Mele i haawiia e ka kula keikikane o Kamehameha ma ke ahiahi Poaono aku nei.

 

Ma ka hora 4 ahiahi o ka la apopo (Poaonao) e huli hoi aku ai ka mokuahi Auseteralia no Kapalakiko.

 

He elua mau kaoo hoolewa i kamoe ae ma ka Poakolu nei. ma ke Alanui Moi.  He mau ewe no Hawaii nei.

 

Ma ka Poakahi nei i noho ai ka Aha Kaapuni o Oahu nei, no keia Kau Klure o Mei.  Aole no i mahuahua loa na hihia o keia Kau.

 

Ua paa ae nei ka Hoike a ka Papa Hoonaauao. ma ka buke Olelo Enelani. a o ka buke Olelo Hawaii koe.  He hoike waiwai nui keia.

 

Ma ke kahiaka o ka la Sabati aku nei, ua holo pukalaki mai kekahi lio me ke kaapi’o mauka mai o ke Alanui Nuuanu a hookui aku ia i kahi maopopo ole.

 

Ma ka auwina la Poakolu nei, ua ulu ae la he hakaka hoolei puupuu mawaena o na Pake ame na Iapana o luna o ka mokuahi Kina. aole nae aoao i lanakila.

 

Ua hoopaiia kela Pake puhi “lemuhao” o uka ae nei o Kalihi, nona ka inoa o Akana, imua o ka Aha Apana o Honolulu nei.  Ekolu mahina hoopaahao ma ka hana oolea ame $200 hoopai.

 

Ua waiho mai o D. Shahan. ka luna hoohana nui o ka mahele pai palapala o ko makou halepai nei i ka hana. a e huli hoi aku ana oia no Amerika.  Ua paniia iho kona wahi e Jacob Bearwald.

 

Ua huli hoi mai nei o Prof. A. B. Lyons, kumukula mua o ka mahele akeakamai o ka mea kino kawiliia ma ke Kulanui o Oahu, (Kapunahou) ma keia mokuahi Auseteraiia mai nei, a ua lilo ae nei iaia ka oihana ma ka Hale Dute i waihoia iho o Mr. Stratemeyer i hookiekieia ae.

 

E haiolelo ana o Mr. J. K. Kaulia imua o ka Ahahui Hawaii Opio ma ke ahiahi o ka Poaha ekolu o keia mahina no ka mea e pili ana i ka Oihana Kahuna Hawaii.  He haiolelo keia i hoopaneeia mai kela mahina mai.

 

HE PALAPALA AFIDEVITA.

He mea hooiaio keia, ma ka la 11 o Mei, ua hele aku ia au i ka halekuai lapaau o Melick me na laau kookoo poaone, a kuai aku la i omole o ka Laau Hoopau Eha a Kamalena, no ka hoola ana i ka ma’i rumatika, ka ma’i hoi nana au i hoolilo i luahi na ka oopa.  Mahope iho o ko’u hamo ana i ekolu omole o keia laau, ua ola loa ae la au.  A ke hooia aku nei au ia mea me ka hauoli. Charles H. Wetzel, Sunbury, Pa.

 

Hoohikiia a kakauinoaia imua o’u ma ka la 10 o Augute, 1894.  Walter Shipman, J. P. He 50 keneta no ka omole.  E kuaiia aku ana e na poe kuai laau lapaau apau.  Benson & Smith, no Agena ma ko Hawaii Pae Aina.

 

He halawai ano nui kai malamaia e ka Hui Hooulu Lahui ma ka Poakolu nei, a ma ia halawai ana i hooholoia ai e hoomahuahua ia ae ka uku o Mrs. Lemon. ka lede nana e malama nei ia wahi.

 

Ua lawe aku o Mr. Dilinahama i ke Kuhina Amerika Dunn ame kekahi poe ohua e ae o ka mokuahi Kina. i ka holo kaa ahi. ma ka Poakolu nei, a hoea i Waianae. Elua hora ame 6 minute hoea ke kaa i Waianae mai Honolulu aku nei.

 

Ma ka mokuahi Monowai o ka Poalima o kela pule aku nei i huli hoi aku ai o J. R. Farrington. luaui o ka lunahooponopono o ka nupepa Advertiser, no kona home ma ka mokuaina o Maine. Amerika Huipuia.

 

Ma ka mokuahi Malulani o keia Poalima aku nei i holo aku ai o J. M. Vivas ame kekahi mau Pukiki e ae no ka Mokupuni o Hawaii.  Aole i maopopo loa ke ano o ka lakou huakai.  I ka nana’ku he huakai kolo paha ka lakou i ka nui manu o ko lakou poai e like me kahi Elepaio.

 

He mea auanei e hauoli ae me ka pina pahaohao no ka poe i loohia i na umii ana aa ke nahu hoholo iloko o ka opu, ke ike iho e loaa no ka hoola hikiwaweia ana mamuli o ka inu ana i ka laau hoola a Kamalena.  Ma na wa he nui, e hiki ana i keia laau ke hoopau hikiwawe loa i na hoea mua loa ana mai a ka ma’i ma ka inu ana i keia laau.  He 25 a 50 keneta ko ka omole.  

E kuaiia aku ana e na poe kuai laau lapaau a pau.  Benson & Smith, na Agena ma ko Hawaii Pae Aina.

 

O ka hookuku kinipopo makaupena i malamaia ma ke kihi o na Alanui Moi me Rikeke, aoao Waikiki, ua ikeia:  Eo o S. G. Wailaia Wilder Wight; eo o Kauka Nichols ia Kale Atetona; eo o W. H. Coney ia C. K. Haida (keiki a Kauka Hai); eo o Kauka Howard ia W. Godfred; eo o Kale Atetona ia W. F. Dilinahama.

 

E loaa no ka Lunahooponopono o keia pepa ma ka Poakolu ame Poaha o kela ame keia pule, ma kona keena oihana maloko o ka Halepai o ka Hawaiian Gazette, ma Alanui Moi, a ma na la e ae (koe ka la Sabati,) ma kona keena loio, maloko o ka hale-pohaku ma ke kihi o na Alanui Betela me Moi, pili pu me ke keena o ka Loio J. L. Kaulakou.

 

Oiai ke kaa helu 101i huli hoi mai ai mai kana huakai hele mai, ma ke kakahiaka Poalua nei, a ku iho ma ke kahua hoolulu ma ka aoao makai o ka huina o na alanui Moi me Nuuanu, a lele ae la kahi kalaiwa a ku ilalo, o ka wa no ia i ekeu ae ai o kahi lio o ua kaa la a pukalaki pupuahulu mai la, me ka holo pololei ana mai no ka hale inu rama ma ke kihi mauka, aoao Waikiki, o ua mau alanui ia no. a hookui pu me ka pou uwea telepone, a hoopalahuliia he haole me ke kaa hehihehi wawae a hina he wahi keiki uuku nona paha na makahiki he ehiku a oi.

 

PEPEHI KEIKI HOOMANAONAO.

 

(MAI KA MAKAAINANA MAI.)

Ma ka Poaha nei, ua oki iho la o Kauluwehiwehi (w) i ka a-i o ka laua bebe a lele e ke poo i kahi e, i paa wale no ia kekahi aa me kekahi alualu uuku,  Penei kahi moolelo e pili ana i keia hana mainoino:

 

I na mahina mamua aku nei, ua hoomaka keia wahine ame kana kane, Josiah Robert, e loaa i ka ma’i pupule.  I kekahi wa oluolu ka wahine, a ili aku no keia ma’i i ke kane. Pela ke ano o ko laua noho ana a hiki mai i ka Poakolu, Aperila 29, ua uluhia loa iho la oia i ua ma’i la a holo aku la a pii iluna o kekahi kumulaau e ku ana ma lihi pali, a e ole e loaa ia Ku Panui, pakele ai ke ola.  Ua hoihoia oia a hiki ika hale a ua noho ia po a ao ae.  I ke kakahiaka ae, me ka manao ole o ke kane e loaa ana keia poino, ua hele aku ia ke kane malalo o ka hale e hoomo’a palaoa ai na lakou, malalo pu no me keia wahine; a mo’a ae nei ka palaoa, olelo aku la ke kane i ka wahine e hoi lakou i ka paina kakahiaka, hoi e aku nei ka wahine mamua, a ano liuliu hoi aku nei ke kane me ka ipuhao palaoa a komo loa iloko o ka rumi nui o ka hale.  Aole i liuliu lohe aku nei oia i ke pa-hu o kekahi mea ma ka rumi mahope, ia wa no oia i hele aku ai ma ka lanai a wehe i ke pani puka, aoia hoi, ua paa i ke kiia maloko mai.  Holo loa ae nei oia ma ka pukaaniani a wehe mai la aohe no he hemo; hoi hou oia ma ka puka komo a peku aku la a hemo, a ike aku la i ka bebe e waiho mai ana ua kaawale ke poo, a e paa ana ka wahine i ka pahi huki a na poe kamana (draw knife).  Ua noke iho la oia i ke aumeume me ka wahine a hiki i ka paa ana o ua wahine la i ke kaula.  O laua wale no me na keiki eha malaila, a o ka lima kai make aku la.  O Ku Panui ke kanaka i hiki malaila ia wa, a i kana hoomaopopo ua make mua loa kela bebe mamua o kona hiki ana aku.  Nana i hoike koke aku ka lohe i na luna Aupuni, a ua hopu koke ia kela wahine a laweia no ka halepaahao ia ia.

 

Ma keia la, Poalima, Mei 1, ua noho ka aha koronelo e niele pono i na kumu o ka make ana, a ua loaa ia lakou ka olelo hooholo penei:  “Ua make kela bebe mamuli o ke okiia ana o kona a-i a kaawale ke poo e kona makuahine, mamuli o kona pupule.”

 

He opulepule no ka makuakane.

 

Ma Huleia, maloko o ka Apana o Lihue, keia hana i hanaia ai me ka mainoino.  Ke Kiai.  Lihue, Kauai, Mei 1, 1896.

 

AHAOLELO 0 -1896

KE KAU MAU O KA REPUBALIKA O HAWAII.

(KOENA MAI KELA PULE MAI.)

LA HANA 35.

KA HALE O NA SENATE.

POAKOLU, APERILA 1.

Na Makanalesa i waiho mai he pauku pani no kekahi pauku o loko o ka bila e pili ana i na laikini kuai lole a pela aku,  Oia hoi, he $50 no ka laikini no na waiwai i lilo ma ke kuai, i hiki aku ka huina kiekie i ka $20,000, a he 3/8 o hookahi keneta no na huina a pau ma na waiwai i lilo, e kaa ana hoi maluna o ka huina o $20,000.  O ka nui o na laikini i hoopukaia i ka makahiki i hala, 801 a o ka huina dala i loaa mai he $54,075.  Mamuli o keia hoololi e oi aku ana ka mea loaa mai i ko kela ae la.  Mahope iho o ka hoakaka ana a kekahi mau hoa no ka mea e pili ana i na hoololi la, ua hoopaneeia ka noonooia ana a kahi wa okoa aku.  Ua hooholoia he $5 ka laikini no na hana keaka a hana hoikeike.  Ka laikini kuai Samano, hoemi mai ka $20 a ka $10.  Laikini kuai paka, ki-ka ame kikarita, he $25 no Honolulu a he $10 no na wahi e ae mawaho aku o Honolulu.

 

Hora 11:45 hoomaha ka Hale.

 

KA HALE O NA MAKAAINANA.

Na Robikana mai o ke Komite Hookolokolo, e apono ana i ka Bila Senate Helu 17, e hoololi ana i ka Pauku 56 o ka Mok. 57 o na Kanawai o 1892, no ka hoomahuahua ana ae i na hoa e noho ai ma ka Aha Kiekie ma ka wa e pilikia ai na hoa o ia Aha, oia hoi, e aeia i elua mau hoa kuikawa e pani ma kahi o elua lunakanawai o ia Aha ke pilikia.  Waihoia ka hoike ma ka papa a noonoo pu ia me ka bila kanawai.

 

No ka hoea ole ana mai o na hoa o ka Aha Kuhina ua hoopaneeia ka noonooia ana o ka Bila Haawina a hoea i ka Poalima.

 

Hapaiia ka noonooia ana o ka Bila Kanawai Helu 17, e pili ana i ka Aha Kiekie.  Olelo o Robikana e hookomo ma kahi o ka huaolelo “Lunakanawai” i na huaolelo “na Lunakanawai.”  Aponoia.  Nonoi o Hanuna e kakau mikini ia ka Bila Kanawai a e heluhelu ekolu ia ma ka Poaono.

 

Nonoi i Kamauoha e kapaeia na rula i hiki ai oia ke heluhelu i kekahi palapala hoopii mai Kohala mai. e nonoi ana i $3,000 no na alanui o laila.  Waihoia i ke Komite o na Aina Aupuni.  Ma o ke kapaeia ana o na rula, ua heluhelu mai o Rikeke he palapala hoopii mai Hamakua mai, e hoike ana aole i lawa na dala 1500 no na alanui o ia apana. aka, i $5000 ka lawa pono.  Waihoia i ke Komite o na Aina Aupuni.

 

Na Kamauoha mai he palapala hoopii mai Hawaii mai no kekahi mau itamu o loko o ka Bila Haawina.  Ua haawiia i ke Komite Waiwai.

 

Waiho mai o Winesetona o ke Komite Kalepa he hoike no ke kanawai e ae ana i ka hookomoia ana mai o ka aila mahu i wahie a hana akamai e ae.

 

LA HANA 36.  POAHA, APERIAL 2.

KA HALE O NA SENATE.

Waiho mai o Northrup he mau olelo hooholo mai kekahi halawai makaainana mai i malamaia ma Hilo, ma ka Poaono, Maraki 28.  Waihoia i ka Mana Hooko.  Na Laimana i heluhelu mai i kekahi palapala hoopii mai Kohala Akau mai e nonoi ana i $3000 no kekahi alanui hou oia apana.  Haawiia i ke Komite o na Aina Aupuni.  Na Hona mai, o ke Komite Huikau, he hoike no kekahi mau pauku o ke Kanawai Laikini.  Waihoia a noonoo pu me ka bila kanawai.  Hoike mai o Wilikoki e lawe mai ana oia i bila kanawai no ka hoonohonoho hou ana i ka Buro Hoonaauao.

 

Hapaiia ka noonooia ana o ke Kanawai Laikini.  Laikini kuai bipi, &c., $40 no Honolulu a he $20 no na wahi e ae.  Na lakou ponoi no e malama i ka lakou mau buke hoike.  Laikini kumeka kamaa, ma ke noi a Kikila he $20, aka, hoololi ke Kuhina Waiwai i $10.  Hooholoia.  Laikini no na poe tela lole, $25 no Honolulu, a he $10 no na wahi e ae.  Hooholoia.  Noonooia ka laikini kuai waiwai maoli, elike me ka lole a pela aku.  Olelo o Makanalesa i $50 no na kuai he $20,000, a he 3/8 o ke keneta maluna o ka huina loaa nui ma na kuai i kuaiia aku.  Hoakaka mai hoi o Balauwina, mamuli o ka Makanalesa, he mea pono ke kaula ka 3/8 o ke keneta maluna o kela ame keia kanaka kalepa, ina paha o kona huina loaa ma ke kuai ana ua hiki ia i ka $100, $1000 a $10,000 paha o ka makahiki.  Hooholoia ka hoololi ma ke koho ana a 7 ma ka apono a he 4 ma ke kue.  Mahope iho o ko Makanalesa unuhi hou ana aku i kana hoololi no ka auhau ana i na amara kapili kapuai lio, ua hooholo loa ia ka bila, ma ka heluhelu elua, a waihoia i ke Komite Hooponopono Bila Kanawai.

 

Na Kikila Baraunu, malalo o ke kapaeia ana o na rula waiho mai ola he noi mai ka Hui Mahiko mai o Kahuku ame ka Hui o Hakapila, e hoakaka ana, ma ka makahiki 1891. ua hookomoia mai e lakou iloko nei o ka aina he mau lako hoohana wili-ko no ka Hui Mahiko o Kahuku, a ua ukuia aku i ke Aupuni he $4,876 no ke dute.  Aka, malalo nae o ke kulana hana ano hou ioa o ka oihana wili-ko, ua lilo keia mau mea paahana i hookomo mua ia mai i mau mea waiwai ole a ke manao nei na poe noi e hoihoi hu aku keia mau mea paahana i na aina e no ke kuai ana. a ke nonoi nei lakou e hoihoiia aku ia lakou ke dute a lakou i hookaa ai i ke Aupuni.  Haawiia i ke Komite Waiwai.

 

Na ke Kuhina o ko na Aina E i waiho mai i ka hoike a ke Komisina Kaa Uwila i kohoia ai e ka Peresidena.  Aole e aeia kekahi hui e lawelawe hana hoomoe alanui oia ano ma kekahi wahi o ke alanui Hotele, Kamaki Kuea ame ke alanui pili aekai makai o Kalia, a ina e makemake ana kekahi hui e hana alanui ma ke alanui Aupuni ma Kalia, alaila, maluna no ona na lilo o ka hana ana i alanui malaila.  Waihoia i ke Komite Hui no na Aina Aupuni.

 

Heluhelu elua ia ka Bila Kanawai Waihona Buke o Hilo, a ua hooholoia me kekahi hoololi e kauoha ana e hoihoiia mai ka aina no ke Aupuni ke hoohana ole ia.  Waihoia no ka heluhelu ekolu no ka Poakahi.  Heluhelu elua ia ka Bila Kanawai a Holstein, no ka hana ana i ka waina, a haawiia i ke Komite Kalepa. 

 

Hoopanee ka Hale.

 

AUWINA LA.

Heluheluia ka Bila Kanawai e pili ana i ka hoopae limahana Pake, me ka hoike pu hoi a ke Komite.  Aia maloko o keia kanawai ua kauia he kanawai, ina e noho kekahi Pake kaahele a makaikai wale no ia nei, iloko o ka aina nei a hala na mahina eona o kona ae ana e noho ia nei ma ia ano, e pili no iaia ka hewa mikamina, a e hookolokoloia oia imua o kekahi Lunakanawai Apana.  Hapaiia ko ka Hale noonoo ana no ka Bila Senate e pili ana i na noho i hoopaapaaia o loko o ka Hale.  Maanei i ulu mai ai he hoopaapaa kulana ike piliolelo mawaena o ka Lolo Kuhina ame ke Kuhina o ko na Aina E no kekahi huaolelo Beritania e kupono ai ke komo iloko o ke kanawai.  Manao ka Lolo Kuhina ua pololei no o “which,” a manao hoi ke Kuhina o ko na Aina E o “wh” ka pololei.  O ka unuhina Hawaii (i manaoia) no keia huaolelo i hoopaapaaia ae la, oia keia, “ka me, ke kanaka.” a pela aku.  Aka, ua hooholo ia ka ka Lolo Kuhina.  Waihoia i ke Komite o na Bila Kanawai i hooholoia.

 

Holo ma ka heluhelu ekahi ka Bila Kanawai e hoakaka ana i ka nui o ka hae Hawaii pili Aupuni.  Ma ke kapae ia ana o na rula, hooholoia ma ka heluhelu elua, a waihoia no ka Poakahi.

 

Hoopanee a Poakahi.

 

KA HALE O NA MAKAAINANA.

Na Bona, o ke Komite Ola a Hoonaauao, i hoike mai no ke noi mai Kona Hema mai, e kukuluia ona halekula me ona hale noho no ka kumu ma Alae, e apono ana i ua noi la.  I $600 no ka hale o ke kumu.  Aponoia ka hoike a waihoia a noonoo pu ia me ka bila haawina.

 

Na ke Kuhina o ko na Aina E i waiho mai i ka hoike a ke Komite Hui no ka pono alanui kaa uwila.  Aponoia keia hoike me ka heluhelu ole ia mai.

 

Mahope iho o ka hooholo lokahi ia ana o ka Bila Kanawai Helu 6, ma ka heluhelu ekahi, ua haawiia na Bila Helu 16 “He Kanawai e hoololi ana i ke Kanawai 21 o na Kanawai o ke Aupuni Kuikawa” e pili ana i ka Piliwaiwai; Bila Kanawai Helu 17, “He Kanawai e hoopai ana i na hana hoowalewale moekolohe;” Bila Kanawai Helu 19, “He Kanawai e hoopau ana i ke Kanawai no ka hookamakama, “ i kekahi Komite Wae o elima iaia.  O ke Komite, oia o Bona, Hanuna, Davis, Kaeo ame Raikorofa.  Hoopanee ka Hale a noho hou ma ka Poakahi.

 

He mea pono i kela ame keia ohana ke loaa ona laau lapaau mama no na ma’i o ka opu.  I laau lapaau puhili ole no ka “Moku ino loa o lepo” (Diarhea) Nahu, Umii, Kolera ame na ma’i apau o ka pu, aole he laau lapaau oi aku o ka makai, elike me ka Perry Davis Laau Penikila (Pain Killer).  Ua lawelaweia keia laau no na makahiki ha kanalima, a ke hana mau ia nei i kela ame keia la, ma na aina apau o ke honua nei.  O ka Hui Kua Laau Lapaau o Holister, ka Agena

 

HOOLAHA MANA HOOKOLOKOLO.

Aha Kaapuni Apana Kaapuni Ekahi o ko Hawaii Pae Aina.  Ma ka Hooponopono Waiwai, ma ka hana e pili ana i ka nohona Kahu Malama no Kaohimaunu (w), Malia (w), Kapaona (k), Ikeole (k) ame Simeona Opio (k), poe keiki oo ole.

 

Ma ka heluhelu ana ame ka waihola ana mai o ka palapala noi a Lahela David Kaili, e nonoi ana e hoonohoia oia i Kahu, a e loaa hoi ke kauoha no ke kuai ana aku i kekahi mau kuleana i mahele ole ia o ua poe keiki oo ole nei:  ma ke ano he poe hooilina lakou no Simeon, ko lakou makukane, maloko o ke Ahupuaa o Holualoa 1 me 2, maloko o laila he wahi hakina e oi ana mamua o ka 5 mailoko mai o na mahele 355 i hookaawale ole ia, e hoike pu ana hoi i na kumu ma ke kanawai e pono ai ke kuai ia aku ua mau kuleana la.

 

Ua kauohaia ma keia. o ka poe apau i kuleana ma na waiwai la e hele mai lakou imua o keia Aha ma ka Poakahi, la 25 o Mei, A.D. 1896, ma ka hora 10 a.m. (kakahiaka) maloko o ke Keena hookolokolo o keia Aha, ma Aliiolani Hale, Honolulu, Mokupuni o Oahu, ma ia wa a ma ia wahi hoi e hoike mai ai i kumu e hiki ole ai oia ke hoonohoia i Kahu no ua poe keiki oo ole ia, a heaha hoi ke kumu e haawi ole ia ai ke kauoha e ae ana e kuai i ke kuleana waiwai paa.  Na ka Aha:  J. A. Thompson, Kakauolelo.  Honolulu, Aperila 27, 1896.  2596-3

 

KELA AME KEIA.

OLELO HOOLAHA.

Ke hoolaha aku nei na mea no laua na inoa malalo iho nei, ua kukulu ae nei laua i Hui, malalo o ka ino hui Tong Hing Co., no ka lawelawe ana i ka Oihana Kuai Liilii ma Waiakea, Hilo, Mokupuni o Hawaii.  Ahoon, hoa hui.  Ah Moon, hoa hui.  Hoike:  R. A. Lyman.  Hilo, Hawaii, April 25, 1896.  2597-3t.

 

NA LETA E WAIHO NEI ILOKO O KA HALE LETA A HIKI I KA LA 30 O APERILA,  M.H. 1896.

APUA.

Mrs Kamopuna  Kekoa Haolehookano

KULAOKAHUA

Mrs Akamakiu  Mrs Mary Matana

KAAKOPUA.

Miss Laia Kaopukui  Mr D Nahoolewa   

Mr Kime  Mrs Komalia

Alice Thompson

KUNAWAI.

Mrs Luhipo Kohoeha Kewiki

Waianuhoa

KIKIHALE.

Miss Kaale  Kamaha

Mrs Mele Kaleo Hoomana  Mrs Kamoonohu

J Kahaku

Mrs Paea Ailaau  Miss Pepe

Mrs Julia Aki  Mrs Kaluhi

Mrs Leialoha

KAUMAKAPILI.

Kaleokekoi  Kailihao

Miss Marie Ah Lanam 2  Miss Hakoilani

Mr K W Keahona

Mrs Haiola Kumahoa  Mrs Maraea Lokai

Mrs Hanaialii Kawaiku

KAKAAKO.

Mr Rowland  Lepeka Kaui

Kalaniwea

WAIKAHALULU.

Mr William Thomraan  Miss Martha Adams

John Kaimiola

MAKIKI.

Mrs Malia Akoni

KAWA.

Mrs Mary Kaaua  Keliiwahine

David Mahoe  D Kaiewe

Namakaokeahi

MANOA.

S Kamokuiki  Moke Kahalekula

J Paaniani  Mrs Malaea Kopena

Miss Kaonohi Holi  Kaulahawane Keawe

KULOLOIA.

J Kaoaka  Mr Namakaelua

Mrs Kaiona  Lilia Keawe

MAKIKI.

Mr J F Sulva  Sam Hookano

Miss Annie Makanui  Miss Coleka Kanahele

AALA.

Ton Hai  Miss Stella Waiamau

Mr Elia Napohaku

KAWAIAHAO.

Mrs Mele Lono  Mr S Kaili

Kaholo Jop Nahua 2  Rev M Lutera

Joseph Kainoa 2  Mr Mahi

Mr Pukooku Helela  Miss Mahoe 2

Mrs Mary Lonokai  Moses Kaailau

Sam Kaili

IWILEI.

Wile  Mrs Kaaiohelo

Maemae  Mrs Kaliko Kalani

Moke Kamalani  Emalia

Mrs Elen Kahooulu  Mrs Mary Kahoonei

Mr Nui  Mr Alfred Roch 2

Mrs Kenahu

MAUNAKIEKIE.

Messe  Miss Mary Kuuku

Malaea Kauhane  Mrs Keluia

Mrs Lepeka Enoka  Mrs Pili Kalahiki

Kama Luika

KALIHI.

Kaiminaauao  Maria Anne

Joseph Kauhane

L M Kahalaoaka  Kumuh@2

Kealoha  J Kaialoa

John Kalina  Miss Emma

W P Kekini

KAPUUKOLO.

Mrs Kaleikohu 2  Meleana Maliana

Kaailanai Esau  Imiola

Miss Ida Hanuna  Miss Hattie Pualoke

Miss Malia Hale  James Uwa

KAMANUWAI.

Lahapa Papu  Akai

Baboa  Keoni

Mr Kaluahine  James Beniamina

Lilia Wahineiki

KAMAKELA.

Mrs Ane Nioi  Mrs Beni Lolona

Hikimalama  Mrs Frances Holokai

Puoina 2  J K Naeole

Geo Kaomea  Benigno

Mary Kaipo  Kaluapuu

KEPOHONI.

Mas Kauakahi  Miss Debora Kuawela

Kupihea  Lahapa Nahale

S W Hilo opio

MAKAHO.

Mrs Emalia B Hiral

KAULUWELA.

Mrs. E A Hoapili  Mr Uilama

Mrs Viot Kahoomana

HOLOAKEAHOLE.

Hapa Esq  Mrs Annie Kealoha

Mrs Kala

KAHEHUNA.

Mrs Keliipelekane 2  Naheina

NIOLOPA.

Mrs Kamaka  D Hauola

LELEO.

Miss Lucy Kalanipo

AUWAIOLIMU.

Hana Kuamoo  Hana

W Nailima  Miss Amelia Laukiona

Mrs Lewi

NA ALANUI.

S Peleholani  Ah Sam Long

B W N Namaka  Kahiamoe Lonohai 2

Kalepe  Mr Keawekolohe

Mrs Mele Kaiokea

KALIA ME PAWAA.

Mr D Puhi  Mrs Kalai

Mrs Malaea Alapaki  John Kapahu

Mr Kalama  Keano

Mr Hahale  Mrs Kahuki

Mr Willerston

KAPALAMA.

Mrs Keikiheleloa  R W Kalalauwale

Mrs Ikuwa 2  Mr Mika Pakeekee

Miss Ellins  Mrs Waolole

Miss Elizabeth Kumana  Mrs Kualaku

Mrs Keanu Kekohai

Wahinelili  Mrs Marie A

Miss Kealoha  Mrs Lehu Liilii

Waiopua  Mrs Kamaka Nalu

G W Keua  Kaaekamala

John Kuaana

J M Mahiai  D M Kaialoa

Kaniela  Kalua Kaili

Mr Pa  Miss Kamoonohu

Moses Kumohoa  Miss Lewaina Iokua

E B Mikalemi  Mary Wainee

Mrs Kamakaliilii  J L K Kawaha

Palenapa Parey  E K Niauhoe

J H Nahuakai  Kahiamoe

Mrs Kaunuhi  Lahela Kaleikumohoa

HONOLULU.

Elia  Willie liilii

Kahana  Mrs P Hiram

Kawai w  Lee Dow Ma

S Keola David Kaoohana

James Kalohi  Kualaku

Mr Hoomanua  Mr Kania

Mr K Waka  Kinohou

Ben Haaheo  Mrs Kapika Koa

Mr Kamai  J Akini

Peter Lahau  J Ah Kuina

Eleahau  H Haaheo

Willie Kahano  Mrs Haoma

Kahuahinua  Kalahookahi

Mr Ah Walo  Mrs Emalia

Mrs H Aiapau  Nihoa

Mrs Aoh@ck  Lokai

Sam Kaula  Mary Mailohi Ahia

R W Kalalaawale  James Kuoihi

Mr Kahalewai  Keliihaleole

Mrs Kino  D Kaai

Kananimauloa  Kawako Welehini

Mrs Kalawaia  D W Kawaha

J Aiea  O Kane

Kalehua Halulu  Chas Hapai

D H Kahane Moku  Kailioha Kukololani

A N Kapoikai  D Kapu

Joe Mahoe  Lukealoha

 

Na Leta i hoihoia mai na Mokupuni mai.

KAUAI

Ino. Ele@  Mr Kaili

Mr Kapo  8 W Wahilani

Mr H Naehaeiua

MAUI

Mr William  Kaaikuo Pua

B Likelike  Hekekia

MOLOKAI.

Sarah Kalei  John Paakiki

Waihoikaaa  Malahoa

Makana  Kumakalehua

Ioaia Kaina  Mrs Esetle Aseu

8 Lulu  Kaaiohelo

Kailiku Kahuli  Anuhea

Geo Harb@lo  Mai Kiai

OAHU.

Laiku  Paleaaluhi w

Imihia

J. M. OAT, LUNA LETA NUI.

Honolulu, Apr. 30, 1896.

 

HOOLAHA HOOPAU HUI.

O makou o na poe hoa hoa hui no lakou na inoa malalo iho nei, e lawelawe ana mamua aku nei. i ka Oihana Kuai a Hana Wai Momona a mau wai momona e ae, ma Hilo, Hawaii, malalo o ka inoa hui o ka “Pacific Soda Works.” ua kuai lilo aku ia makou i na oihana ia na mea paahana ame na hale ia L. C. Laimana, R. B. Anderson, W. J. Forbes. ame H. J. Laimana, a ma keia ia hoi, mamuli o ka aelike lokahi ana, na hoopauia ka hui o makou. o na ko makou poe pani-hakahaka e uku a e hookaa aku i na ale o ka Pacific Soda Works, a na lakou hoi o hoi mai i na ale a pau i ale ia mai ia makou. mai ka la 7 aku o Aperila, 1896, a hele aku imua. 

MANUEL MACHADO,

JOHN VIERRA,

ROBERT KELLEY BAPTISTE.

Hilo, Hawaii.  Aperila 16, 1896.  2596-3

 

HOOLAHA A KA LUNAHOOPONOPONO WAIWAI.

Ua hookohuia ka mea nona ka inoa malalo iho nei i Lunahooponopono Waiwaai no ka waiwai o Frederick Scholtz, o Wailuku, Maui i make, ma ke kauoha a ka Mea Hanohano J. W. Kalua. Lunakanawai Kaapuni o ka Apana Hookolokolo Kaapuni Elua, ke hoolahaia aku nei ma keia, o ka poe apau he mau koi ka lakou maluna o ka waiwai, e waiho mai ia mau mea me na hooialo i hooia pono ia. imua ona, ma ke Keena Oihana o ka Hope Makai Nui ma Wailuku Maui, iloko o eono mahina mai keia la aku, a i ole, e hoole mau loa ia aku no ia mau koi.

 

Ke hai ia aku nei hoi ka lohe i na poe a pau i ale mai i ua waiwai la, a ke kauohala aku nei e hookaa mai ia mau ale i ka Lunahooponopono wale t.o.  WM. H. HALSTEAD, Lunahooponopono o ka Waiwai o F. Scholtz.  Wailuku, Maui, Aperila 18, 1895.  2596-4

 

KUAI O KEKAHI AINA WAIWAI NUI.

I kulike ai me kekahi kauoha o ka Aha Kaapuni o ka Apana Kaapuni Ekahi, e kuai aku no ka mea nona ka inoa malalo iho nei ma ke Kuai Kudala Akea, ma ke alo iho o ka Hale Oihana Hookolokolo (Aliiolani Hale), Honolulu, ma ka Poaono, Mei 9, 1896, ma ka hora 12 awakea.

 

Keia aina a pau i hoakakaia:  E hoomaka ana ma kekahi kiko ma ka aoao Hikina o ke Alanui Kapiolani, kanawalu (80) kapuai mai ka laina mai ma mauka o ke Alanui Lunalilo, a e holo ana ma na holo olaio ana.  Ak. 21 deg. 12 min. Hik. kanahiku (70) kapuai ma ke Alanui Kapiolani, alaila, Hem 68 deg. 48 min. Hik., hookahi haneri (100) kapuai ma ka pa-hale o Baldwin Mehner, alaila, Hem. 21 deg. 12 min. Kom. kanahiku (70) kapuai, alaila, Ak. 68 deg. 48 min. Kom. hookahi haneri (100) kapuai i kahi i hoomaka ai.  Maloko o laila he 7000 kapuai kuea ka area.

 

Kuike ke dala, a ma ke Dala Gula o Amerika.

 

Na ka mea e lilo ai ka aina e uku i na lilo o na palapala.

 

Kumukuai oi maluna aku o $1800.  PAI KAMAKA, Kahu o Sam Kamaka, Kapaululana, Namahaokalani.

 

He wahi maikai loa kahi e waiho nei keia apana aina, a he oi aku o ka nani na wahi e hoopuni ana ia laila, ame ka nanaina o na wahi e ae mai laila aku.  2594-4t.

 

OLELO HOOLAHA.

O na poe lawelawe hana ole a pau me ka Hui Hanai Hipa o Humuula, ke papa loa ia aku nei akou aole e hele maluna o na alanui a al liilii o na aina e noho mana ia nei e ua Hui la ke loa a ole ka ae ia mamua.

 

O na ilio e loaa aku ana maluna o ka aina. o pepehiia no; aole loa e ae ia ka ho’a pua ana ma alanui.

 

Humuula Sheep Station Company.  Kalaleha, Apr. 20, 1896.  2544-1

 

MIKINI HUMUHIMU

HOOMAEMAE A HANA HOU

I KA WA POKOLE.

Percy J. Blick.

Alanui Moiwahine, Mawaena o ke Alanui Puowaina ame Kawaiahao, aoao mauka.

 

Hanaia no ka hana ma kahi noho o ka mea no nana ka mikini, a ma kahi o ka mea nona ka inoa maluna ae.  2589-1m.

 

HOOLAHA MORAKI.

Manao Hooko Moraki a Kuai aku a ka Mea Paa Moraki.

Ke hoolaha ia aku nei ma keia, mamuli o kekahi Mana Kuai maloko o kekahi Moraki i kakauia ma ka la 3 o Novemaba. A. D. 1888, i hanaia e Kealina o Puehuehu, Kohala Akau, Mokupuni o Hawaii, ia Edward Furtonau o Bremen, Geremania, i kopeia ma ke Keena o ka Luna Kakau Kope Palapala. maloko o ka Buke 113 ma na aoao 392-393. ke makemake nei o Edward Fursienau, ka mea paa moraki e hooko aku i ua Moraki la, no ka uhakiia ana o na kumu maloko o ua moraki la, ola hoi ka uku ole ia ana o ke kumupaa a me ka ukupanee ma ka wa e oo ai. ma kela. ke hoolahaia aku nei e kuai kudalaia aku no ma keakea na aina, na pono apau maloko o ua moraki la, a i hoakaka la hoi malaila, ma ke Keena Kudala o Jas. P. Morgan, ma Alanui Moiwahine, ma Honolulu i oleloia. ma ka Poakahi, ma ka la 16 of Mei. 1895, ma ka hora 12 o awakea o ua la.

 

A penei i hoakakaia ai ka waiwai ma ua moraki la:

 

1. O kela apana aina apau e waiho la ma Honomakau.  Kohala, 1 oleloia. maloko o laila he ili o 15 Eka 145 anana, e koe ana nae he apana, aneane he hapalua eka ma Kihi Hema Hikina o na apana aina ia, a i hooiiloia mai o Kealina i oleloia, ia John Bell, ma ka Palapala Kuai i hanaia i ka la 3 o Novemaba, 1886, a i kopeia ma ka Buke 112 aoao 212; ua kualia aku hoi ua aina la ia Kealina i oleloia ma ka Palapala Kuai o H. N. Castle, i kakauia ma ka la 15 o Okatoba, 1888, a i kopeia ma ka Buke 115, aoao 84; a oia no ka aina i hoakakaia ma ka Palapala Sila Nui 7340 ia Kumauli.
2. He apana aina me na hale maluna iho, e waiho ana ma Kainapuaa, Kapalama, Honolulu Oahu, maloko o laila he 6000 kapuai kuea, i hoikeia maloko o ka Palapala Kuai a H. N. Castle a me W. A. Bowen ia Kealina i oleloia, i kopeia maloko o ka Buke 94 ma ka aoao 397.  EDWARD FURSTENAU, Mea Moraki.

 

Na Hoakaka – Na ka mea e lilo ai ka aina, na ilio o ka palapala kuai a hoolilo.  No na mea i koe, e ninauia ia.  J. M. MONSARRAT, Loio no ka Mea Moraki.  Honolulu, Aperila 24, 1895, 2596-4