Ka Nupepa Kuokoa, Volume XXXV, Number 17, 24 April 1896 — Page 3

Ka Nupepa Kuokoa

KE KILOHANA POOKELA NO KA LAHUI HAWAII

PEPA PANAI NO KE KUOKOA, APERILA 24, 1896.   

 

MA KE KAUOHA.  KANAWAI 11.

 

HE KANAWAI

E HOOLOLI AI I KA PAUKU 12 O KE KANAWAI 8 O NA KANAWAI O KA AHA HOOKO A ME KA AHA KUKA O KA REPUBLIKA O HAWAII, I APONOIA MA KA LA 4 O OKATOBA, 1894, E PILI ANA I NA KOHO BALOTA ANA A ME NA NOHO I HOOPAAPAAIA ILOKO O KA AHAOLELO.

 

E Hooholoia e ku Ahaolelo o ka Republika o Hawaii:

            Pauku 1.  O ka Pauku 12 o ke Kanawai 8 o na Kanawai o ka Aha Hooko a me ka Aha Kuka o ka Republika o Hawaii, i kapaia "He Kanawai e pili ana i na Koho Balota ana a me na Noho i hoopaapaaia ilokoo ka Ahaolelo, i aponoia ma ka la 4 o Okatoba, 1894, ma keia ke hoololiia nei i heluheluia ai e like me keia mahope iho nei:

            "Pauku 12.  Ma ka hooloheia ana e kauoha ka Aha e kakau ia na olelo ike a pau loa, a i ole ia ma ke ano e lawa ai ka hoomaopopo pono ana i na mea a pau e pili ana, a ma ia wa e haawi i olelo hooholo me ka hoakaka i na mea a pau i maopopo mamuli o na olelo ike a me ke kanawa e pili ana, alaila e hooiliia aku ia olelo hooholo ma ke ano piha i ke Kuhina Kalaiaina.  Ina oia olelo hooholo ua mana ole ke koho ana, a i ole ia ua hakahaka ka noho, e kauoha koke ke Kuhina i oleloia e koho hou, aka ina ua hooholo ka Aha i oleloia i ka mea iwaena o na moho holo balota i kohoia, alaila e kakauinoa koke ke Kuhina i oleloia a hooili aku i ua mea la i kohoia i palapala hoike no kona kohoia ana."

            Pauku 2.  E lilo keia i Kanawai mai ka la o kona hoolahaia ana.

            Aponoia i keia la 13 o Aperila, M.H. 1896.

SANFORD B. DOLE, Peresidena o ka Republika o Hawaii.

 

KANAWAI 12.

 

HE KANAWAI

E HOOLOLI AI I KA PAUKU KANALIMA-KUMAMAONO O KA MOKUNA KANALIMA-KUMAMAHIKU O NA KANAWAI O KE KAU O KA MAKAHIKI 1892, I KAPAIA "HE KANAWAI E HOOPONOPONO HOU AI I KA OIHANA HOOKOLOKOLO."

 

E Hooholoia e ka Ahaolelo o ka Republika o Hawaii:

            Pauku 1.  O ka Pauku kanalima-kumamaono o ka Mokuna kanalima-kumamahiku o na Kanawai o ke Kau o ka makahiki 1892, i kapaia "He Kanawai e hooponopono hou ai i ka Oihana Hookolokolo," e hoololiia i heluheluia ai e like me keia mahope iho nei:

            "Pauku 56.  He kuleana ko na mea a pau ma na hihia e waiho ana imua o ka Aha Hookolokolo Kiekie e hooloheia imua o na Lunakanawai a pau o ia Aha, a aole no hoi e kauohaia e hele i ka hookolokolo imua o na Lunakanawai i emi malalo o kona helupa piha; aka nae hoi, ina kekahi Lunakanawai o ka Aha Hookolokolo Kiekie e kupono ole ana e noho ma kekahi hihia e waiho ana imua o ka Aha Hookolokolo Kiekie, a na hiki ole paha ke hele mai no ka ma'i, ulia poino, kaawale a kumu e ae paha, e hoopihaia no kona wahi no ka hookolokolo a me ka hooholoia ana o ia hihia e kekahi o na Lunakanawai Kaapuni i hui ole loa me ia hihia i oleloia ma kona ano he loio a ma kona ano pili oihana paha, a ma o kekahi mea i kupono a he hoa no ka Papa Loio o ka Aha Hookolokolo Kiekie e hiki kuleana ole, i hoomanaia ma ia hana ma ke kauoha i kakauia e na Lunakanawai a i ole ia e ka Lunakanawai i koe iho.  O kekahi olelo hooholo, hoopuka manao ana, kauoha ana, kuahana paha i hanaia a palapala kauoha paha i hoopukaia e ia Aha e like me ia i hoonohoia ai, e like no kona ikaika a me kona mana me he mea la ua hanaia a ua hoopukaia paha e ka Aha Hookolokolo Kiekie oiai e noho piha ana."

            Pauku 2.  E mana keia Kanawai mai kona la aku e hoolaha ia ai.

            Aponoia keia la 13 o Aperila, M.H. 1896.

SANFORD B. DOLE, Peresidena o ka Republika o Hawaii.

 

KANAWAI 17.

 

HE KANAWAI.

E KOKUA AI I KA AHAHUI WAIHONA BUKE A KEENA HELUHELU O HILO.

 

E Hooholoia e ka Ahaolelo o ka Republika o Hawaii:

            Pauku 1.  Ma keia ua haawiia ka mana a ke kauohaia nei ke Kuhina Kalaiaina e hookoe a hookaawale no na hana o ka "Ahahui Waihona Buke a Keena Heluhelu o Hilo," he hui i hoohuiia malalo o na Kanawai o ka Republika o Hawaii, i keia apana a pauku aina a pau e waiho la ma ka aoao Komohana-akau o Alanui Waianuenue, nona ka iaula ma ke alanui o kanalima kapuai a he hookahi haneri kapuai ka loa, e pili pu ana me ka apana e paaia nei i keia manawa e H.Porter, ma ke taona o Hilo, Mokupuni o Hawaii, i hui pu ia me ka wai o ke Aupuni, me ka uku ole.

            Pauku 2.  E paaia ka apana aina i oleloia e ka Ahahui Waihona Buke a Keena Heluhelu o Hilo, a e hokuuia mai ka uku hoolimalima a me na auhau, e like me ka loihi o ka manawa e lawelaweia ai no na hana Waihona Buke a Keena Heluhelu, aka, ina e pau ka lawelaweia ana o ia apana aina i oleloia a o kekahi hapa paha no ia mau hana e hoihoi hou ia aku no i ke Aupuni.

            Pauku 3.  O ka Waihona Buke a me na Keena Heluhelu maluna o ka aina i oleloia, e hamana no i ka lehulehu, malalo na rula a me na hooponopono ana a ka Ahahui i oleloia.

            Pauku 4.  E mana keia Kanawai mai kona la aku e hoolaha ia ai.

            Aponoia i keia la 20 o Aperila, M.H. 1896.

SANFORD B. DOLE, Peresidena o ka Republika o Hawaii.

 

Kuai o na Aina Aupuni ame na Hoolimalima.

            Ma ka POAHA, Aperila 23, 1896, ma ka hora 12 awakea, ma ke alo iho o ka Hale Hookolokolo, ma Honolulu, e kuai kudala ia aku ai keia mau aina ame na hoolimalima ma Puna, Hawaii:

            1: Aina o Iliililoa, Puna, maloko o laila 75.32 eka.

            Kumukuai maluna akuo $301.28, Uku no ke ana ana 70.00=$371.00

            2.  Aina ma Oneloa, 14.78.  Kumukuai maluna aku o $22.17.  Ma ke Dala Kuike, Dala Gula o Amerika.

            Na Aelike:   He Kuike ke Dala, ma ke Dala Gula o Amerika.

            3.  Hoolimalima o ka apana aina ma Waiakolea, Puna, maloko o laila he 18 eka, oi aku a emi mai, me na i'a ame na opau loko apau, ma ia wahi.  E koe nae, he pono alanui, maluna aku o ka aina, a hoea i ka Pa Aupuni.  Manawa hoolimalima, he 15 makahiki.  Hoolimalima oi aku mamua o $40.00 no ka makahiki, e hookaa mua ia ana i kela ame keia makahiki.

            E ikeia no na kii o na aina maluna ae nei, a loaa no na hoakaka piha ma ke Keena o ka Agena o na Aina Aupuni, Honolulu, a i ole ia, ia E.D.Balauwina, Hope Agena, ma Hilo.

J.F.BROWN, Agena o na Aina Aupuni.  Keena Aina Aupuni, Honolulu, Maraki 24, 1896.                       2591-1m

 

Hoolaha o'a Aina Aupuni.

            Ke hoolahaia aku nei ka lohe ma keia, e weheia aku ana na aina i hoakakaia ma ka Papa Hoike mahope iho nei, no ka hookuonoono ana, malalo o na olelo o ka Mahele VI. o ke Kanawai Aina o 1895, no na Home Hookuonoono ma ka Hoolimalima, mai ka la 3 aku o Mei, a mahope aku noi:

            A HUI ALAHAO ME AINA O OAHU MANAWA HOLO.

Mai a Mahope aku o Iulai 5, 1895

:Wili o Ewa, Kaa Ukana, Na la a pau, Koe Sabati, Hiki i Waianae na la a pau, Hiki i Wili o Ewa na la apau, Hiki i Waianae, Na Poaono me Sabati wale no Hiki i Waianae na la a pau.

Haalele ia Honolulu 6:30A.M., 9:15A.M., 1:45P.M., 1:45P.M., 5:10P.M.

Haalele ia Manana 7:40A.M., 9:58A.M., 2.28P.M., 2:28P.M., 5:53P.M.

Haalele Wili o Ewa 8:10A.M., 10:19A.M., 2:49P.M., 2:49P.M., 6:14P.M.

Hiki i Waianae - 10:34 - , 8:24P.M., 6:49P.M.

Waianae na la a pau. Wili o Ewa Kaa Ukana Na la a pau Koe Sabati Waianae na la a pau. Wili o Ewa na la a pau iki i Waianae na Poaono me Sabati.

Haalele ia Waianae 6:44A.M.,  - 1:32P.M., - 4:16P.M.

Haalele Wili o Ewa 7:19A.M., 9:10A.M., 2:07P.M., 3:51P.M., 4:51P.M.

Haalele ia anana 7:50A.M., 9:48A.M., 2:35P.M., 4:22P.M., 5:22P.M.

Hiki i Honolulu 8:23A.M., 10:31A.M., 3:11P.M., 4:55P.M., 5:55P.M.

            E lawe ana na kaa ahi hali ukana i na kaa ohua o ka papa ekahi.

G.P. DENISON, Luna.

F.C. SMITH, Luna Kuai Palapala Holo.

 

NU HOU HAWAII

            Ua Hala aku nei no Kauai o Hon. S.K.Kaeo, kekahi lunamakaainana mai ia mokupuni mai.

 

            Puka hou ka Pele ma Mokuaweoweo.  Oia ka lono maluna mai o ka mokuahi Kinau o ka Poakolu nei.

 

            Iloko o ka makahiki 1895 aku nei ua hookomoia mai i Hawaii nei mai na aina e mai he 282 kaa hehihehi wawae, no lakou ka waiwai io i hiki aku i ka $16,413.93.

 

            Eia Ka Leo o ka Lahui ke hookikakaha hou mai nei i keia mau la, mahope iho o ka hala ana o kahi mau la o kona hoomalolo ana.  A he hookolohe ae hoi Ka Makaainana.

 

            E uleleia ana i keia ahiahi, maloko o ka Hotele Hawaii, he paani hookuku biliodi mawaena o Morris Keohokalohe ame A.W.Howe.  O na paina (helu) e alualuia ana e laua, he 200.

 

            Aia ma ka hale maluna o ka hale pohaku ma Waikiki iho o ko makou halepai nei ke keena oihana o ka Banako Iapana, nona ka inoa "Ka Banako Dala o Iokohama."  Ke nee mua nei no na Iapana.  Pehea la kakou Hawaii."

 

            Ma ka la "Sabati Karistiano" aku nei i hoolaaia ai ka luakini o ka Ekalesia Metodita e ku nei ma ke kihi o na Alanui Mila ame Beritania, he mau wahi ka-i-na wawae wale no mai Kaukeano Hou aku.

 

            Aia kekahi poe lunakahiko o ka Ekalesia, Moramona o Uta, nona hoi na lala ekalesia he nui ma Hawaii nei.  Ke paahana la ma ka mokuaina o Misouri, ma kahi i kapaia "Ke Kahua Hale Luakini o Ziona."

 

            Ma ka palapala akea a Mr. Theo. H. Davies i hoopukaia ai maloko o ka nupepa P.C. Advertiser o kela Poaha aku nei, ua ike iho makou he manao hoakaka kona e auhauia na poe he mau loaa makahiki ko lakou, elike me ka makou i hoaiai mua aku ai.

 

            Ua hopuia e ka makai kiu Hawaii David Kaapa mauka ae nei o Kalihi he poe puhi "lemu-hao."  Ua paa i ka hopuia na poe kupueu o ia hana, a ua pau na mea paahana i ka lawe pio ia mai e ka makai kiu.

 

            No ka piha loa o ka makou pepa o keia pule i na Kanawai Aupuni, a no ka loaa ole ana ia makou he kowa pono e hiki ai ke hoopuka aku i na mea hou mai na aina e mai, nolaila, ua hookauluaia ia mau mea a keia pule ae.

 

            Mai poina e na makamaka i ka Aha Mele a na kaikamahine o ke Kula Hanai o Kawaiahao ma keia po Poaono iho ma ka Paka Kuokoa.  O ka "Pupu kani oe a Kahuli leo lea" (Mele Kuke) kekahi e himeni mai ana ma ia po.

 

            Ua lohe wale ia mai e ku hou aku ana kekahi halepule haole hou ma ka aoao makai o ke Alanui Moi, mauka ae nei o Leleo, ma ka aoao ma Waikiki o kela lua puna kahiko ma ke poo o Alanui Liliha.

 

            Ma ke kakahiaka o ka Poakolu nei i holo aku ai ka Lunakanawai Kiekie Alapaki, Mrs. Judd ame Miss Judd no luna o ka mokukaua Amerika "Comcord," a ua haawiia mai na pu aloha he 17 no kekekahi o na luna aupuni koikoi o ka Republika.

 

            Ma ka Poakolu nei i hoouka mai ai ka Aha Apana ma Honolulu nei i kana olelo hooholo no na Pake kipe i kekahi luna kiai o ka Hale Dute.  O keia poe Pake oia o Yee Chin.  Kat Poo ame Loo Chit Sam.  He $500 ka hoopai o ka mea hookahi, ua like ia me $1,500.  Pohaku no Honolulu.

 

            Ma ka Poalua nei i hoopuka mai ai ka Aha Apana o Honolulu nei i kana olelo hooholo e ahewa ana ia Julien D.Hayne, no ka hewa "na mea ino wale," a ua hoopaiia oia he $100 me na koina.  O keia ka haole nana kela wahi nupepa buke, e puka ana i kela ame keia mahina, nona ka inoa "Ka Hawaii" (The Hawaiian).

 

            O ka wa kupono loa keia i ka Hui Republika Hawaii e hoala ai i na halawai kalai manao akea, ma na mea e pili ana i na ninau ano nui e ko ia nei ka noonoo o ka Ahaolelo i keia wa.  Heaha la ke kumu o ka hoopalaleha o na luna nui o keia ahahui aohe hoonioni mai?  Heaha hoi!

 

            Ma ka po Poalua nei i haalele mai ai o John Bolabola i keia ola ana ma kona wahi noho ma Alanui Moiwahine.  Ma ke kakahiaka o ia la, iho oia i ka makeke a hora 10 paha hoi aku la oia i ka hale, a hoi aku la e hiamoe, oiai loohiaia oia i ke anawaliwali.  Eia ka he moe kau a hooilo kana o ka nipo ana aku.

 

            E hoouna aku ana o Mr.J.C.Quinn maluna aku o ka moku pe'a "Irmgard" i kekahi o kona mau kaa Hawaii ame kekahi o na "kaa alii" i lilo iaia no Kapalakiko, a mai laila ae a i Guatemala, Amerika Waena.  O keia kahi ana i manao ai e paahana ana i ka oihana kalaiwa kaa.