Ka Nupepa Kuokoa, Volume XXXV, Number 16, 17 April 1896 — APONO OLE IA KA KUHINA WILLIS HANA. Hehi hewa oia i ka Limu ka Kanaka o Manuakepa. [ARTICLE]

APONO OLE IA KA KUHINA WILLIS HANA.

Hehi hewa oia i ka Limu ka Kanaka o Manuakepa.

I kahi wa i hala ae nei, iloko no o keia makahiki, ua nui ke paheneheneia 0 ke Aupuni e ku nei, no ka hoohoka ana a Kuhina WilliB i ke Aupuni. mao kona ae ole ana e hoea kino aku ma ke anaina ike Aupuni i haawiia ai e ke Aupuni ma ka la 17 o lanuari aku n*i, ka la hoi a ka mana Aupuni o ka Repubalika o Hawaii i kukala ai he La Kulaia Aupuni ia. Ua hauoli ka poe kue Aupuni no keia hana a ke Kuhina Willis, a ua kahoahoa ae kekahi poe ua hoea mai ka wa e ka-ia ai ke Aupuni i ke pohuehue; aka. o ka poe i loaa na hookamaaina nui ia ana me na kanawai lahui, ua ike lakou he keehina kuhihewa loa ka. ke Kuhina i hana ai. a o na mahalo ana a kekahi poai mawaena o kakou nei, no keia hana a ke Kuhina, ua ku ia mau mahalo ana ma ka papahele o ke kuhihewa. Mamuli o keia hana ana a Kuhina Willis, ua ikeaia he mahae mawaena ona ame ke Aupuni eku nei. Aole no 1 hopo ke Aupuni no keia mea, oiai, e hilinai ana na Kahu Aupuni maluna o na rula alakai o na kanawai lahui i nana ole ia eke Kuhina. He mea pono a ku hoi i ke kanawai lahui no ua Kuhi%a la e malama i ka la kulaia a ke Aupuni e wae ai. me kona nana ole ae i ke ano o ka la i waeia e ke Aupuni. Ua kupaa ka Mana Hooko ma ka aoao e apono ole ana i ka hana a ke Kuhina Amerika, a ua hooholo e waiho loa aku i keia kumuhana imua o ke Aupuni o Amerika, ma o ke Kuhina Hawaii la e noho ana ma Wasinetona. He mea oiaio, ua hoounaia aku na palapala pili Aupuni no keia pohihihi i ke Kuhina Hawaii ma Wasinetona, a nana hoi i waiho aku imua o Kuhina 01ney. He ekolu pule o ka waiho ana 0 keia kumuhana iloko o na lima o ke Kuhina 01ney me ka loaa ole he pane. A o ka mea i ikeia ma ia mau pule ekolu. oia ka mau ana o na launa oluolu ana mawa>na o na hoa o ka Oihana Kuhina Hawaii ame na Luna Aupuni koikoi o Ameiika ma Wasinetona. Nolaila. o ka poe i kamaaina me keia mau ano o ke ku ana o na launa ana mawaena o na luna koikoi o na Aupuni a elua, oiai hoi e noonooia ana kekahi ninau pili Oihana Aupuni Kuwaho ma ko Amerika aoao. ua hiki koke ia lakou ke olelo ae i ola-honua no ke ano o ka olelo hooholo a Kuhina 01ney e hoopuka mai ai no ke kumuhana a ke Aupuni Hawaii i waiho aku ai imua ona. oia hoi, aole ia he olelo hooholo e | ahewa mai ana i ke Aupuni Hawaii no [ kana keehina hana i lawelawe ai, a e apono ana hoi i ka hana a ke Kuhina Amerika. A ua loaa mai nei hoi ka lono maopopo loa mai Wasinetona mai, e hoike ana ua apono ole ia kg. hana a Kuhina Willis i hana ai, mamuli o kona ike ole ana i ka la kuiaia Anpuni' a ka Repuhalika o Hawaii i kukala akea ai, oia hoi, ka la 17 o lanuari. He mea i hoomaopopo loa ia, mai ka la 17 mai o lanuaii aku nei, i loaa ole ai he mau laana oluolu hou ole ana mawaena o ke Aupuni e noho mana nei 1 keia wa ame ke Kuhina Willia.