Ka Nupepa Kuokoa, Volume XXXV, Number 16, 17 ʻApelila 1896 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

 

II. 5. Mei 3. Ka manaoio. Luka 17:5-19.

ALAILA olelo aku la ka poe lunaolelo i ka Haku, E hoomahuahua oe i ko makou manaoio.

6 I mai la hoi ka Haku, Ina he manaoio ko oukou e like me ka hua makeke, e hiki ia oukou ke olelo aku i keia laau sukamino, E hehula’ku, a e kanu hou ia aku i ke kai, a e hoolohe no ia ia oukou.

7 Owai kekahi o oukou he kauwa kana e mahiai ana, a e hanai holoholona ana paha, a hoi mai ia mai ka waena mai, e olelo aku, E hele koke mai oe a e noho oe ilalo e ai? 8 Aole anei e olelo aku ia ia, E hoomakaukau oe i ai na’u, e kakoo ia oe iho e lawelawe mai na’u, a pau ka’u ai ana, a me ko’u inu ana; a mahope iho e ai oe a inu hoi? 9 E haawi aku anei oia i ke aloha i ua kauwa la, no kana hana ana ina mea i kauohaia’i? Ke manao nei au aole. 10 Pela hoi oukou, aia pau i ka hanaia e oukou ka oukou mau mea a pau i kauohaia’i, e olelo oukou, He poe kauwa makou e waiwai ole aku ai; o ko makau pono wale no ka makou i hana’i. 11 Eia kekahi, i kona hele ana i Ierusalema, hele ae la ia mawaena o Samria, a me Galilaia. 12 A i kona komo ana i kekahi kauhale, halawai pu me ia na kanaka lepero he umi; ku kaawale aku la lakou. 13 Hookiekie ae la lakou i ka leo, i aku la. E Iesu ke Kumu, e aloha mai ia makou. 14 A ike mai la, i mai la oia ia lakou, E hele oukou e hoike ia oukou iho in a kahuna. Eia kekahi i ko lakou hele ana, hoomaemaeia’i lakou. 15 A o kekahi o lakou i kona i ke ana, ua hoolaia ia, huli mai la ia, hoonani aku la i ke akua me ka leo nui. 16 A moe iho la ilalo kea lo, ma kona mau wawae, hoomaikai aku la. No Samaria no hoi ia. 17 Alaila olelo mai la Iesu, ninau mai la, Aole anei he umi ka poe i hoomaemaeia? Auhea la na mea eiwa? 18 Aole anei i ikeia kekahi mea e ae i huli mai a hoonani i ke Akua, o k@ kanaka e wale no anei? 19 I mai la hoi oia ia ia, E ku oe iluna e hele aku; ua ola oe i kou manaoio. Pauka Gula. Luka 17:5. E hoomahuahua oe i ko makou manaoio. Manao Nui. E pono ia kakou ke hana mau mamuli o ka manaoio e hoomahuahua ana. Olelo Hoakaka. Mai Peria mai, ua pii o Iesu i Ierusalema e malama ai i ka ahuaaina o ka hoolaa hou ana i ka luakini. Ua hoohaumia o Auetegino, ka moi o Suria i ka luakini, M. H. 164, aka nae, ua lanakila o Ioene Makabaio maluna o na pualikoa o Suria, a hoomaemae a hoolaa hou i ka luakini. Ua mala maia he la kulaia no ka hoomanao mau ana i keia pomaikai, ka ahaaina hoolilo luakini, aka, no ua manao i no o ka poe Parisaio, ua huna hou o Iesu iaia iho no ka manawa. Ma kona hoi hou ana ia Ierusalema, ua hooholo oia i ka hana mana i olelo ia, p. 11-19. 5. Hoomahuahuaia,--oia hoi e hoonui ae i ko makou manaoio, a i ole e pakui i ka manaoio. 6. Makeke, --i kapaia he anoano liilii loa o na anoano a pau. Sukamino, --ka laau sikima eleele. Hoolohe, --he olelo malamalama keia, oiai ua moakaka ke ano maoli. 7. Kauwa, --nona kea no hoolohe, oiai no ka haku ka mana. 8. Mahope, --i kona wa kupono. Aole maikai ka hoonoho ana i ke kaa umua o ka lio, aka nae, ua hoopaa ia ka lio imua o ke kaa. 9. Haawai, --ma ke ano o kekahi kanaka ana i loaa ai kekahi pomaikai ano e. 10. Oukou, --ka poe a ke Akua i hoolako ai: aole hiki in a kanaka ke hookuonoono aku i ke Akua. 11. Hele, --mahope o kona noho ana ma Eparaima kahi ona i humaia ai. 12. Kauhale, --aole i oleloia ka inoa. 13. Hookiekie, --mamuli o ke kanawai, Oih. K. 13:45. 14. Hoike, --mamuli o na kauhoha, Oih. K. 14:2:32. 15. kekahi, --oiai he umi lakou. 16. Samaria, --me he mea la o na kanaka i koe he poe Iudaio lakou. 17. Auhea, --me he mea la, ua kahaha o Iesu i ke ole o ko lakou aloha hoomanao. 18. Hoonani, --oiai ua nui na noi, he auhau no ka malihini. 19. Oia, --me he mea la, ua loaa i keia mea hookah ka palekana piha pono. 1. Ka mana o ka manaoio, 5-10. Heaha ke noi a ko Iesu mau haumana, p. 5? Heaha kekahi mau kumu no keia noi? Ua nele anei oe i ka manaoio ole? Ua iini anei oe i wahi manaoio nui oe? Heaha ka Iesu olelo hooikaika e pili ana i ka mana o ka manaoio? heaha kea no maoli o ka Iesu olelo hoohalike? Hiki anei ia kakou ke ana i ka manaoio, ke aloha, ka makewai e like me ko kakou ana ana i ka lole? Heaha ka mea ana i ka nanaoio, Mat. 7:16? Pehea e nui ai ka manaoio? Ua hanaia anei na hana mana i oleloia, Mat. 17:20; Mareko 11:28? Ua makemake anei o Iesu i kana mau haumana e hana pela? Heaha ka manao maoli o keia olelo hoohalike? Heaha ka manao e pili ana i kea no noho kupono o ka mea manaoio, p. 7-10? Heaha kekahi pilikia o ke kanaka non aka mana nui? Ua makemake anei oie e lilo i moi me ka mana palena ole? Heaha ka olelo ao o Iesu i kana mau haumana, Mat. 20:27? Ua kappa anei oie ia oe iho “he kauwa waiwai ole?” Ua hana anei oe a oi aku mamua o ka hana i kauoha ia, i mea e hoopukapuka nui ai kou haku hana? Ua kaupalena anei oe i kau mau hana mamuli o kea no oluolu ia oe wale iho no? Ua mahalo anei ke akua i kou poe paahana, 2 Tim. 2:21? Pehea kou manao e pili ana i ka Iesu olelo ao. Luka 12:37? Hiki anei ia oe ke hana e pono ai ke Akua a nui ae mamua aku o kea no hana kupono ia oe? O keia olelo hoohaahaa, p. 10, he olelo hoomalimali anei ia, a hoohanohano wale no paha?

            II. Na lepera he um ii hoomaemaeia, 11-16. Owai ka poe i halawai ai me Iesu i kona wa i kaahele ai? No keaha la ko lakou kaawale ana? He mai lele anei keia mai lepera? Heaha kekahi mai oi aku o ka poino mamua o keia mai hookaawale ohana? he mai hoohaumia anei ia? He mea hiki anei ke hoomaemae i ka lepera a loaa ke kino maemae mau? Heaha ka olelo kahea a keia poe mai lepera, p. 13? Ua hoike mai anei o Iesu i kona makaukau e hooholo i ko lakou iini? Ua uhi anei kana kauoha i kona manao paa e hoopau koke ae i ko lakou pilikia ma ke kino? heaha ke kumu no kona hoopa ole ana i keia poe? heaha ke kumu o kona kauoha ana ia lakou e hele aku i ke kahuna mohair? heaha ka oihana a na kahuna mohair e pili ana in a lepera i hoomaemaeia? Ua like a anei ka mai lepera o ka Baibala me ko Hawaii nei? Ua hoomaemaeia anei keia poe he umi mamuli o ko lakou ano hoolohe? Hiki anei ia o eke hoike aku i kou manaoio ke ole kou hoolohe mau ana i ke akua Hemolele?

            III. Na mea eiwa nele i ke aloha hoomanao, 17-19. Eha ua lepera i huli ihope? Heaha ke kumu o kona huli ana? Ua lohe anei oia i ka Iesu kauohe? Ua kue anei kona aloha hoomanao i kona aloha hoolohe? Ua kupono anei kona moe ana ilalo kea lo? heaha kona lahui ana i pili ai? Owai ka poe Samaria? Oi aku anei ko lakou kulana maikai mamua o ko ka poe Iudaio? Heaha ka Iesu ninau, p. 17? Ua minamina anei oia i ka hoi hou ole ana mai o na lepera eiwa? heaha ka Iesu ninau, p. 18? He ninau anei keia ma ka Baibala Enelani? No keaha la ko Iesu kappa ana i keia mea hookah “keia kanaka e?” Heaha ke oia maoli e loaa ai ia kakou mai ia Iesu mai? Pehea e pili nei keia ola i ko kakou manaoio? Heaha ka palekana ano nui loa au e malama nei? heaha na ano like o ka hewa me ka mai lepera? Owai ka poe e hana like ana me keia poe lepera eiwa? Ia wai kou aloha hoomanao me ka Mililani mau, Halelu 103:1-5? Ua ku anei i ka noonoo o na kanaka ka Iesu mau oleloao e pili ana i ka manaoio a me ke ola hou? Hiki anei ia kakou ke hana me ka manaoio in a hana hiki ole i ka poe manaoio ole ke hoolohe iki?

            Manao Pili. 1 Ua pili anei ka mana huikala i ka manaoio? 2 ua loaa anei ia o eke ano hoohaahaa o ko Iesu mau mea manaoio? 3. Ua hoike iki aku anei kou aloha hoomanaoio i ke Akua Hoolapanai? 4 Ua hiki anei ia o eke hooholo aku i ka hana a ka Haku mamuli o kou manaoio nui ae? 5 A pau kau mau hana maikai loa a nui loa, heaha kau mea e paulele aku ai?

Ahahui Euanelio Mokupuni o Hawaii.

 

Halawai ka Aha ma ka luakino o Pukaana, ma ka la 12 o Maraki, 1896, hora 10 a.m. Lunahoomalu Rev. S. L. Desha ma ka noho, malamaia ka hapalua hora haipule, a hoomaopopoia na lala o ka aha.

Ekalesia.                      Kahu.                          Elele.

Haili, Hilo                   S.L. Desha.                 S. Kalilikane.

Onomea.                      Kamakawiwoole.        (Aole.)

Hakalau.                      “          “          “          “

Hamakkua Hikina.      “          “          “          “

Laupahoehoe.                          (Aole.)             “

Hamakua Huiia.                      “                      “

Waimea.                      Kalino.                                    “

N. Kohala.                   Kekuewa.                    Kaehu.

W. Kohala.                  (Aole.)                         (Aole.)

S. Kohala.                   Kalino.                                    Nakanelua.

Kekaha                        Kalaiwaa.                    Kaumuloa.

Kailua & Helani.         “                                  Kawewehi.

Kealakekua.                Lono.                           Samesona.

Pukaana.                      G.W. Waiau,               G. Waiau.

Kaohe.                         “          “                      Komite M. Hu.

Milolii.             Lono.                           Keouli.

Kau                             (Aole.)                         Keouli.

Kalapana.                    Kalawe.                       Naahumakua.

Puuia.                          “          “                      (Aole.)

Olaa                             (Aole.)

Lala mau Rev. O. H. Kulika. Ma ke kapae ana o na rula, na kohola o Rev. C. M. Kamakawiwoole i lunahoomalu, a o Rev. W. M. Kalaiwaa i kakauolelo. Kono ka lunahoomalu in a komite mau. Kulika, Desha ame kekuewa; komite imi hana. Waiau, Kalawe ame Naahumakua; ko,ite imi haawina. Waiho mai o Kulika ka luna hoomalu o ke komite imi kumuhana; aponoia ka hoike. Hapaiia ke kumuhana 2; hoike kihapei. Na Desah i ko Haili, na Kamakawiwoole i ko Onomea a me Kahalau, na ke Kakauolelo i ko Laupahoehoe, na Kamakawiwoole i ko Hamakua Hikina, na ke Kakauolelo i ko Hamakua Huiia. Ma ka hoike o Laupahoehoe, ua hooholo ka Aha e pane aku i ko laila kahu, aole pono e hookomo in a loaa o ka Papa no ka Ekalesia. Na Kekuwa i ko Kohala Akau, na ke Kakauolelo ko Kohala Komohana, na Kalino ko Waimea me Kohala Hema, na Kalaiwaa i ko Kekaha. Hoopanee ka halawai a hui hou ma ka hora 1:30, me ka pule Kulika. Akoakoa hou ka Aha, hoomakaia na hana me ka pule a ka lunahoomalu. Na Kalaiwaa i ka hoike o Kailua me Kelani, na Waiau i ko Pukaana me Kaohe, na Lono i ko Kealakekua, Kona-waena ame Milolii, na ke Kakauolelo i ko Waiohinu, na Kalawe i ko kalapana me Opihikao, nana no i ko Puuia, a waihoia k@ ka hoike o Puuia a noonoo puia me ke kumuhana o na hale kahu; na ke Kakauolelo i ko Olaa.

            Hapaiia ke kumuhana 3. Na palapala hoolii. Na ka Kakauolelo i ka pala pala kahea kahu o Kekaha, o kahea ana ia c. A. Lazaro, nana n i ka Kalawe i haleaina no ke kahu hoihoi houia ia Kalawe. Na ke Kakauolelo i ka palapala hoopii a ka poe kue o Kohala akau i ke kahu, ma ke kuka ia ana, ua waiho ia a hapai ia ke kumuhana 10. Ma ke noi, na hapaiia ke kumuhana 10, na hoike k0omite. Ua hoike mai o Kamakawiwoole i kna hoike, aole i pau ke kuee o ua Ekalesia la, a waihoia ka palapala iloko o ka lima o ke komite, Kulika, Waiau a me Kaae @uahiwi. Heluheluia e ke Kakauolelo mai o Rev. W. Kamau mai he palapala aloha i ka Aha, me ke noi ia Naahumakua i haiolelo no kalapana me Opihikao. Hooholo ka Aha e kakau leta aku in a hoa i kau leta mai, oia o W. Kamau a me Rev. S. C. Luhiau. Hoopaneeia ka halawai me ka himeni a me ka pule pule a ke Kakauolelo, a hui hou i ka hora 9 apopo. La hana 2, Mra. 13—Akoakoa ka Aha e like me ka hoopanee ana. Lunahoomalu ma ka noho, hapaiia ke kumuhana 1, hapalua hora haipule, kaheaia na inoa a heluheluia ka moolelo a aponoia. Hapai houia ka palapala a Kamau. Ma ke noi, ua waihoia mai he olelo hooholo; he mea pono i keia Aha e haawi aku i palapala haiolelo no Z. M. Naahumakua no akahi makahiki. Kumuhana 11. koho ana i komite hooponopono kumukanawai no keia Aha. Ma ka noonoo ana, ua koho la o Desha, Kulika ame Kekuewa. Hapai houia ke kumuhana 10, na hoike komite. Na Naahumakua komite hoeueu, i ka hoike no kana hana in a ekalesia o Kalapana, Opihikao ame Onomea, aponoia; na Kawewehi, komite noi dala o Mokuaikaua, aponoia; no ka loaa ole ana iaia he hookohu mai ka Aha aku, ua hooholo iho ka Aha e haawi aku i palapala hookoho no Kawewehi no ka hele ana e noi dala iwaena o na Kihapai o keia mokupuni, ua kohoia o Kulika, Kamakawiwoole a me Kalaiwa e kakauinoa aku malalo o ia palapala hookohu, Na Kulika i ka hoike a ke komite no ka palapala kahea o ka Ekalesia o Kekaha, aponoia ka hoike a ke komite a waihoia ka palapala kahea ia Lazaro, ua pane mai oia, ua ae oia ia palapala. Ua koho ka Aha i ke komite ninaninau, oia ke komite iwi hana. Na Kulika i ka hoike a ke komite no ka palapala kue a ka poe o Kohala Akau. Ke hoike nei ke komite i ka palapala hoopii mai Kohala Akau mai, e ahewa ana i ke kahu o ko laila ekalesia. Hookahi wale no inoa i kakauia ma keia palapala hoopii ma kea no lunahoomalu no kekahi komite. O ka io o keia palapala, he manao hoahewa i ke kahu ma na mea pili i ke kalai aupuni. Aole e hiki ia makou ke komo aku iloko o ka hoopaapaa no na manao kalai aupuni, aole kuleana o keia Aha e hoopili aku i kekahi manao kalai aupuni, a e kue aku i kekahi. O ka noho maluhia am eke aloha o kekahi i kekahi iwaena o na hoahanau, oia ka mea a keia Aha e imi ai. A ke uwe aloha aku nei keia Aha in a hoahanau he nui o Kohala Akau, in oho kaawale aku i keia mau mahina he nui, aole i pau ke aloha o keia Aha ia lakou, a ke noho nei ka Aha me ka minamina no ke kaawale looihi ana o lakou. Ke pule nei makou i ke Akua no lakou, i ulu hou mai ke aloha iwaena o ua hoahanau a pau, e hoi mai a noho hou iloko o ke apo o ke aloha am eke kuikahi like o na hoahanau. ke paipai aku nei makou in a mea apau iloko o keia poino o ke kuee o kekahi i kekahi, e waiho aku ina olelo a me na hana hoehaeha, a e imi in a mea e ulu hou ai ke kuikahi ama ke aloha. E waiho ana ina mea i hala, a e kikoo aku in a mea mamua. O keia palapala hoopii i haawiia ma ii kou komite e noonoo ai, aole i kakauinoaia e kekahi hoahanau malalo o ka malu keia Aha e hiki ai ke nana ia. O ka inoa hookah i kakauia, he inoaia no kekahi mea hookah mawaho ae o ka ekalesia o kakou. Ke manao nei ke kiomite e waiho i keia hoopii ma ka papa. Hapaiia ke kumuhana 4, oihana wuwaho. Hooholoia ka mahela (m) o ka oihana kuloko, oia hoi, (Na haawina kokua o na ekalesia o keia mokupuni i ka Papa Hawaii @ Hooholoia e hoi na Elele a hooikaika e hoouna e in a dala mamua o ka la 15 o Mei ae nei. Hapaiia ke kumuhana 5, oihana kuloko, mahe (a) Misionari in a lahue e. Na Desha ame Kulika i hoakaka mai no na Kepani, mahele € Na hale kahu, halepule a hale halawai. Na na kahu amen a elele i hoike mai na na hale kahu, hale pule a hale halawail. ma keia hoike ana, ua maikai ka hapanui, a he poino ko kekahi mau hale pule, a aohe hoi he hale kahu o kahi mau ekalesia. Ua aponoia ke Kakauolelo e lilo i lala no ka ninaninau ana ia C. A. Lazaro. Hoopane ka Aha a hui hou i ka hora 1:30, me ka pule a Kalino. Akoakoa hou ka Aha, hoomaka na hana me ka pule a P. Kaaekuahiwi. Lilo ka Aha i ka ninaninau ana ia Lazaro no kona kupono e lilo i kahu, Ia Kulika ka Baibala, ia Kalaiwaa ka “Hoike o ko ke Akua ano,” ia kekuewa ka “Hooponopono ekalesia.” Ma ke kuka ana , ua apono ke komite e poni ia Lazaro, a ua aponoia ka hoike a ke komite. Ma ke kuka ana, ua hohoia o Kalaiwaa, Lono ame Kekuewa i komite poni ia Lazaro o Kekaha, i ka wa kupono a lakou i ike ai. Hoopanee ka Aha me ka himeni a me ka pule a ka lunahoomalu, a noho hou i ka hora 9 apopo. La hana 3, Mr. 14.—Akoakoa ka Aha e like me hoopanee ana. Hapaiia ka mahele (i) o ka oihana kuloko, oia ke ola o na kahu. Koho ia o Kulika i komite hai aku i ka Papa Hawaii, e hoounaia na haawina no D. Kahooio ame S.C. Luhiau. Kohoia o kekuewa i komite paipai aloha aku i mea a hoopauia ai ke koena hanai kahu o ka Ekalesia o Waimea. Hapaiia ka mahele (o) oihana kuloko. Na kula hanai. Na Desha i ko ke Kulahanai o Hilo, a na Kekuewa i ke Kula Kaikamahine o Kohanal. mahele (u), Na Ekalesia kahu ole. Kohoia C. M. Kamaka no Onomea me Hakalau, Kalino no Hamakua Hikina me Kohala Hema, ia Lono O Kealakekua, Kona-waena me Milolii, ia Waiau o Kaohe, ia Kalawe a Kalapana me Opihikao. Kohoia ke Kakauolelo i komite no ka hui aloha ana me na haipule o a Kaohe me Milolii, e hoohui i ua mau ekaleisia nei. Hoomauia o J. N. Kamoku no Olaa. Noonooia ka mahele (h), Na keiki a ka Aha. Waihoia mai o Geresoma Waiau, John Keale me Namuo, a waihoia i ke komite imi hana ka ninau ana. Noonooia ka mahele (k), Na haha hoeueu. Hoopanee ka Aha a hui hou i ka hora 1:30. Akohakoa hou e like ma ke mau, a waiho mai o Kulika i ka hoike no ka ninau ana in a keiki a ka Aha. Ma ka noonoo ana, ua apono loa ia ka hoike a ke komite. Kumuhana 6, heluhelu haawina. Na Kalino i heluhelu ma ii ka haawina i haawiia n aka Aha, ma 1 Kor. 1:24. Hoike mai o Kalawe i ka hoie a ke komite imi haawina. Heaha ka manao paa o ke Akua, Daniela 4:24. Kumuhana 7, koho ana i ke komite hoike i ka Aha nui ma Honolulu; ua kohoia o Desah no na ekalesia, a o kekuewa no na hana a ka Aha. Kumuhana 8, koho ana in a elele i ka Aha nui ma Honolulu. Kohoia o Naahumakua, Keouli, Geresoma Waiau, Kawewehi, Keohoehu ame Kaaekuahiwi. Heluhelu mai ke Kakauolelo he olelo hooholo:

OLELO HOOHOLO.

E Hooholia:--Ke haawai aku nei keia Aha i ko lakou hoomaikai nu ii na haipule o Pukaana amen a hoaloha, i ko lakou malama pono ana ma ii na lala o keia Aha ma na mea e oluolu ai ke ola kino. Kumuhana 9, kahi e noho ai ka Aha. Hooholoia ma Hamakua Hikina, i Sepatemaba 1896. Hoopanee ka Aha me ka pule a Kulika. W. M. Kalaiwaa, Kakauolelo.

EBINE LANOKA.

MOKUNA III.          

“E owaka ana na makakila,

E lele ana na hunahuna ahi,

E lohe ia ana na leo kaniuhu

Me ka halulu o na kilo,

E hiolo makawalu ana,

I ka ili o ka honua”

 

I ko lakou ike ana hoi i ke kino make o ka alihikaua nui, Don Kalos, ua papalua ia ka weliweli o na koa o ua kahuna ia, no ka mea, o Don Kalos, ke pookela ma na mea kaua, maluna o ka lio a malalo hoi, aole he mea ma Italia holookoa e pa ii kona poo; a o kona make ana i keia opio, he mea e hookomo loa ai i ka weliweli iloko o ko lakou mau naau. I keia wa, ua pane aku la kekahi kanaka mai waena ae o na koa o ke kahuna ia Ebine ke koa opio: “E ke koa! Ano, ke ike nei makou, ua oi aku kou ikaika a me kou makaukau imua o makou holookoa; nolaila, he mea makehewa ia makou ke kiola wale ana i ko makou mau ola e make!” Ia wa, ua huli ae la ua kanaka hookah la no a haliu pono aku la imua o ko lakou alakai, a me ka moakaka, ua pane aku la oia: “E Don Fariosa, ke poo hoi o ka oihana laahia! Ano, e lohe ana oe i ko makou mau leo hole i kau kauoha! O keia ka makamua loa o ko makou kapae ana i kou leo, a o ka hopena no paha keia! I keia wa ano, e haawai pio ana makou iloko o ka lima o keia naita opio; a ina oe e paakiki ana, alaila, ke puana aku nei makou, e hakoko kino aku no oe imua ona, a ina i lanakila oe maluna ona, alaila, ua makaukau makou apau e moha aku i ko makou mau ola ma ke paepae oki poo a kou kiekie!!” “E ka poe ilio hohe wale, ke kauoha aku nei au ia oukou e hele aku imua i keia wa ano!” wahi a ua kahuna la me kona hele awiwi pu ana mai a kokoe=ke ma kahi o ke kanaka nana ka olelo mua, ame ka palanehe loa ua hapei ae la oia i hana pahikaua a oki ae la i ke poo o ua kanaka la, aka, elike hoi me kona hikiwawe ua lele koke mai la ka naita opio, a mamua hoi o ka halawai ana o ka pahikaua a ua kahuna ia make kani ai o ke koa, ua loaa e mai la ke kumu o kana pahikaua i ka makakila o k aka naita opio pahi kaua, a lele koheoheo an aka pahikaua a ua kahuna la i kahi e, a kani kuho aku la maka paia o ke ana. me he la, he hapanui kumamaono o ka iniha wale no kahi i koe, a loaa aku ke kan-ai o ke koa i ka oi o ka pahikaua a ua kahuna la, eia nae, ua pakele ke ola o kela koa mamuli o ka elelu lua ole, a me ka puuwai waipahe o ka naita opio. I ka hoomaopopo ana o kela poe a pau i kela hana puuwai eleele a ke kahunapule ino, ua hoopiha loa ia ka inaina iloko o ko lakou mau naau, a ua haawi hoi ko lakou mahalo kiekie ana i ka naita opio. Ua ku lohaloha iho la ua kahuna ia me ka hele o kona helehena a ano haul ii ka ua mea he anaina; a me ka leo ua hooho ae la: “Pehea la oe e ke akua i hoohoka mai ai ia’u.” I ka lohe ana o na poe a pau i kela mau mamala olelo a ua kanaka la, ua nui ko lakou hoowahawaha nona. I na poe hoi apau e ku malie nei me ka mihi ana hoi o kela koa i pakele ai iloko iho ona i kona laki mamuli o ka lokomaikai o ka naita opio. me ka palanehe i oi aku mamua o na palanehe apau, ua unuhi ae la ka naita opio i kekahi kupee kila ipailoko ae o kona poli, a hoopaa iho la in a lima o ke kahuna me ka opea ia ana ma ke kua mamua o ka hiki ana i ua kahuna ia ke hoomaopopo in a mea i hanaia mai maluna ona. I kela wa ua kamilio aku la o Ebine Lenoka imua o ua poe koa la me ka ninau pu ana aku: “Pehea, o ke kue anei i ka pono ame ka hana ino i ka poe nawaliwali ka oukou e makemake ai e hana mau aku ma keia mua aku, a i ole, o ka hana paha i ka pono oiaio, a me ke kokua i ka poe nawaliwali?: “Ke olelo aku nei au ma ko makou aoao!” Wahia ke koa i hoopakeleia e ka naita opio: “Mai keia minute aku a hiki i ka uhi ana mai o ka lepo maluna o ko makou mau kino, e haalele loa ana makou i keia mau hana puuwai eleele a makou i lawelawe ai no na makahiki lehulehu i hala. He mea oiaio, he nui na poe iwaina o makou i makemake ole loa i keia mau hana powa limakoko, aka, ua hiki ole nae ia makou ke haalele aku, no ka mea, ua kau ka weli maluna o makou no keia poe: Keia Don kalos e waiho nei, malalo ou, a me keia kanaka e kappa ia nei o ka Hope o ka Haku Iesu Karisto ma keia ao! Ua hoohiko paaloa ia makou e keia poe, a o ka mea e hahaki ana i kekahi liho o na kanawai o keia hui powa, e make ia mea me kona ohana pu apau loa. E hoomaopopo oe e ke koa oiaio, ua hoopaa iamakou malalo o na kanawai weliwelili loa. Aole loa makou i hapai i ka pahikaua me ko makou mau noonoo maikai, aka, ua hana mamuli o ka uahoa ame ka weliweli o na hana a ko makou mau poo. Mahope iho o ia wa, ua hoomau aku la oia i kana olelo ana: “E na makamaka: E pono e kappa aku au ia oukou ma ia inoa: Eia ka’u mea hoike aku ia oukou: I keia wa ano. e lawe ia aku keia lawehala a hoopaaia maloko o kekahi keena o loko o keia wahi a oukou i ike ai he wahi paa loa, a mahope o ke ki ana a paa, e lawe ma ii ke ki a haawi mai ia’u. No oukou hoi, e hele aku oukou a e hue ma ii na waiwai apau i lawe pio ia mai e ou oukou a huna ia maloko o keia wahi, oia hoi ke dala am eke gula, amen a pohaku momi, a e hoahu iho ia mau mea apau ma keia wahi i hiki ai ia’u ke nana pono aku pehea la au e hana aku ai ia mau waiwai? wahi a ka naita opio. me ka elelu, ua laweia aku ia ke alakai Don Fariusa ke kahunapule puuwai eleele a hoopaaia maloko o ke keena i maa mau i ka hoopaala o na pio, a oiai ia mea e hanaia ana, ua wehe ia ae la ke keena i hoahuia ai ke dala am eke gula, a ohikihiki koke mai la na koa in a eke dala a ma kahi a ke koa opio i kauoha aku ai. He oi a ka nui o na waiwai i hoahuia maloko o ua luahuna ia o na powa. I ka pau ana o ia mau mea ke dala me ke gula, ua hue ia mai ia na pohaku momi makamae. i ka akoakoa ana o ia mau mea apau, ua maopopo, aole e pau in a piha kaahe umi ke lawe. Ia wa, ua ninau hou aku la ke koa opio: “E ae ana anei oukou e ukali mahope o’u, no ka holo ana e ukali mahope o’u, no ka holo ana i Parisa ma Farani, no ka hoopio ana i ka poe powa o ia wahi?” Me ne leo huro hauoli lakou i hooho like mai ai, me ka i ana: Imua makou apau no ke kinai ana i ke ino mai ka ili honua ae! E ola mau lo aka naita o ke Kakela Ulaula! Ma kau wahi e kauoha ai, malaila makou a hiki i ka lanakila ana @ i ole i ka meka ane!”

 

O ka nui o na ia i komo iloko o ka makeke hou, iloko o ka hebedoma e pau ana i ka la 15 o keia mahina, he 53,156.

 

Hoolaha Kumau.

Aole loa e maikai a oluolu ke ola ana o kekahi mea kino uhane ola ina he aaiole kona akepaa a hiki ole ke lawelawe i kana mau hana me ka hololea. E hahai an aka nalulu a me na waliwali e ae ma ka moali o ke ake pouaio. He mea oiaio keia i hoolaio ia ma na wahi o na poai oluolu akau iloko o ka hapaha keneturia, o na

HUALE A AYERS

oia wale no ka LAAU HOOL AKE maikai loa i ikeia. E hoola ana i ka lepopaa, ka na ulu eha, na ma’i oloko o ka opu, a ma ke ano LAAU OHANA aohe ona lua e like ai. O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me ka hooponopono ana ia loko o ke kino o ke o ka ili, e hoopau ana in a maluhilukanaka. E pepehi a ulupa ana in a PUHA, e hoola ana in a pohapoha hi o ke ola ana a e kipaku loa ai in a ano ma’i a pau. O ka poe ma’i no ka wali pono ole o ka ai, ka nawaliwali mau a ano ma’i e ae i ulu ae mai ke koko ino mai, he mea pono e inu i ka laau.

SASAPARILA A AYERS.

He laau e hooikaika ai i ka nawliwali, a e hoopuipui mai ai i ke kino. Ma ka inu ana i keia laau, e hoonono ia ai ka ai ana, oluolu ka moe ana a maikai ke ola ana. O ka Ayers Cherry Pectoral laau, aohe lua ma ka hoola awiwi ana in a KUNU, ANU a me na PUU EHA. E hoola ia na KUNU KALEA a me na ma’i pili i ke ako ma ka hikiwawe loa. O na Huaale a Ayers, na Sasaparila a me ka Ayers Chrry Pectoral, aia kahi e loaa ai ma ka Halekuai o ka Hollister Drug Co. Lt. Na Agena ma ka Paeaina Hawaii. 2514.

KAKELA ME KUKE KA Halekuai Nui o na WAIWAI LIKE OLE NA MEA HANA KAMANA A PAU

Na lako pili hao kukolo hale, Na kepa, Na lei ilio, Na kaulahao ilio, Na Pahi, Na Upa, Na kope huio, Na Pulupili. PALAU LIO Na mea mahiai. Na au ho. Na au koi. Na kua bipi. Na lei bipi. Na kaulahao bipi. Na uwea na. Na kaa palala, Na mea piula, Na ipuhao. Makau me Aho Lawaia Na iliwai Na kaula, Na hulu poua, Na pulumi, Na pena, me ka aila. Na kopa, Na aila mahu Na pakeke Na uakeke hao, Na kapu hao. Na pauda, Na kukaepele, Na owiki, a me Na ipukukui. Mikini Humuhumu Kaulana Wilcox, & Gibbs Hookahi Lopi ka Remington, Elua Lopi. A ma na ukana he nui loa. kei a ano me keia ano. Kakela me Kuke. @