Ka Nupepa Kuokoa, Volume XXXV, Number 13, 27 March 1896 — Moe Kaoo a na Pakiki o Honolulu nei. [ARTICLE]

Moe Kaoo a na Pakiki o Honolulu nei.

Ma ke. kakaMaka Poakolu nei i houluulu ae ai na Pukiki ma ko lakou hale hui. a ma ka hora ld. ua kai huak&i aku la iakou no ka Hale o ka Oihana Hooko. Ua manao wale ia, ua hiki ko iakou nui i ke 1000 a oi. e alakaiia ana lakou e kekahi Komite 021 lala. Haalele ka huakai 1 hui, hele ae la ma Alanui Beritania, kamoe ma Alanui Papu a pii ma Alanui Moi no ka Hale Aupuni. Aia hoi ia wa e lehau ana na alanui ina poe makaikai. Ma> waho iho o ka pa o ka Hale Oihana Hooko e muia ana na poe makaikai, na kane, na wahine —haole, Hawaii, Pake, lapana. Pukiki a lahui e ae —na poe makua ame ka poe liilii. I ka hoea ana o ke kaoo hooheihei kalaiaina a na Pukiki. a komo ma ka puka pa makai aku nei o ka Hale Aupuni o ka Oihana Hooko, a hoea paha i ka hapalua like o ke alahele, ua hoea mai la imua o lakou ke Konela o ka pualikoa Aupuni me ka ninau ana mai i ko lakou makemake. a hoikeia mai la ko lakou wahi eku ai. Ua nee aku la lakou a hoea i ka uakee o ke alanui ma ka aoao ma Waikiki. malaila hekau na waa o "Keawenuiaumi ma." Oiai lakou e ku ana malaila, aohe puai leo, aohe hamumumu. meha ke kula. aohe lele pueo. Ia wa haalele iho la ke Komite Kuwaena o ka hui i ka "piha kanaka e lulana ana," a pii aku la no ka Hale Oihana Hooko, a malaila i halawai aku ai me ke Kuhina o ko na Aina E. Ua waiho aku la o J. M. Vivas. ka lunahoomalu o ke Komite i ka palapala hoopii a na Pukiki ma ka lima o ke Kuhina o ko na Aiaaa E, me ke kamakamaka wahi olelo ana nohoi, mawaena o ka lunahoomalu o ke Komite ame ke Kuhina. A eia iho ke ano nui o ka palapala hoopii a na Pukiki: I ka Mea Mahaloia Sanford B. Dole, Peresidena o ka Repubalika o Hawaii, a i ka Ahaolelo Hanohano o ka Repuhalika o Hawaii. O na poe no lakou na inoa malalo iho nei. ke Komite Kuwaena o ka hui Uniao Portugueza, lie Ahahui i lilo i wahaolelo no ka lahui Pukiki holookoa, no ko Honolulu nei poe ame na mokupuni apau, na poe i loaa mai ai ia makou na hooia ana no ka lakou mau kokua ana. ke waiho haiihaa aku nei imua o ko oukou Aha Hanohano, i keia mau kumu maopopo: O ka hapanui o na Pukiki e noho nei maanei. a he poe hookaa auhau nohoi, no loko o keia mau mokupuni, ua poloaiia lakou a ua konoia e hele mai ia nei, e ke Aupuni i pau aku nei, a e keia Aupuni nohoi e ku nei. "Ua heie mai lakou i keia mau kapakai, aole ma ke ano he poe limahana wale no. aka. e lilo lakou i poa hoolaupai aina. "A mahope iho o na makahiki o ka

noho'na hooikaika ana i ka hana, o ka hapanui hoi oia wa, malalo no o na aelike uahoa, he lehulehu o lakou, mamuli o ko lakou hoomakaulii ana, ua lilo i poe hoolaupai aina. ma na ano he nui. "Ua lawe pu mai lakou ia nei i ko lakou mau ohana, a ua loaa hoi na ohana o kahi poe maanei, a iloko o 16 makahiki o ko lakou noho ana maanei. ua pii mahuahua aku la lakou a hoea i ka huina i oi aku, i keia wa, mamua o 13.000. •Mamuli hoi o na konio ana mai o na Pake ame na lapana, iloko o na maka- ] hiki kakaikahi i hala ae nei, iloko nei 0 keia mau mokupuni, ua hoemi loa ia niai la ka uku hana a hoea i ka huahelu. e hiki ole ai i ke kanaka Europa a poe kanaka hana e ae ke ola no na uku i haawiia mai. "A ma ia manawa hookahi nohoi, aole no i hoemiia iho na lilo o ke ola ana maanei. oiai no nae e pii mahuahua ana na auhau maluna o ka poe ilihune, ke hookukuia ae me na auhau e ukuia ana e na poe mea aina nui ame na hui 1 hoohuiia. ka poe hoi i malama pono ia ko lakou mau pono e na kanawai, e hui pu ana me ko lakou noho'na mana maiuna o na hana o ka aina. l *Ua ike na Pukiki e noho ana maanei i ko lakou kulana pilikia, he mamao loa lakou mai ko lakou aina hanau mai, a oiai hoi, ke ku kaawale nei keia mau mokupuni, ua lilo ia i mea no lakou e akeakeaia al no ka hiki ana e imi hou aku i mau wahi e loaa ai ia lakou na naho'na maikai ae, no lakou iho ame ko lakou mau ohana. "Malalo o keia mau kumu, ua ike makou I ko makou ku ana ma ke kulana kupllikii e pahola ana maluna o ka makou poe keiki i hanau maanei, a no iakou na noho'na o keia mua aku i ho~ eweia ma Hawaii nei. 'Ma ke ano lahui, aole makou e koi &na ua kuieana makou ma na pono kivi!a i kaokoa aku i ko kekahi lahui e : ae. aka, ua Ike nae makou ua iii iho ko makou mau kulana kupilikiī no ke ano i o ko makou noho'na ma keia mua aku ame ka makou mau keiki, maiuna o na hokua o ka poe na iakou makou i lawe mai ia nei. "NoLaila. o makou o na kamaaina a poe hookaa auhaa o ka Repubaiika

Hawaii, ke nonoi haahaa aku nei imua 0 ko oukou aha hanoh&no e hooholoia na keehina hana, oiai ka noho ana o keia Kau Ahaolelo e kaupale aku ana 1 ke komo nui ana mai o na Pake ame na lapana iloko nei o ka aina: e h&naia i kanawai auhau kaulike, a pela pu na keehina hana e malamaia ai ka pono o na poe paahana o loko nei o keia mau mokupuni. J. M. VIVAS, Peresidena. M. A. GONSALVES. A. V. PETERS, A. FERNANDE3. A. G. CORREA, M. T. MARSHALL. A. G. SILVA. JR-, ame kahi poe e ae.