Ka Nupepa Kuokoa, Volume XXXV, Number 2, 10 January 1896 — Ka Hoakaka a Luna Senate Morgan no ke Keehina Hana a Peresidena Kalivalana no ka Ninau o Venezuela. [ARTICLE]

Ka Hoakaka a Luna Senate Morgan no ke Keehina Hana a Peresidena Kalivalana no ka Ninau o Venezuela.

Ma ka wa i noonooia ai o ka Uila Kanawai no na lilo o ke Komisina i Venezuela, niakala J9 q Oekeuaaha aku nei, iuiua <> na Hale ona Senale, ua loihi ae o L«una »Senate Morgān o ka 3lokuaina o Alahama, ka Luua Hoouaalu o ke Komite o ko na Aiua E, a naa kana haiolelo ana, ua hoike ae oia i kahi mau ole|o e pili ana i ka hana hookohu Komisina mua n Peresidena Kalivalana i hana ai ma ka ninau o Hawaii, ame ke Komisina e inakemake ia ana no ka ninau o Venezuela. A eia ke ano nui o kana mea i hoike ae ai: Ma ka mea e pili ana ia Hawaii, ua hoouna aku la o Mr. Kalivalana, mamuli o kona hoohaua ponoi ana iho i ka mana i loaa iaia, he Komiaina no ka noii ana i kahi mau olelo hoike. Ua lawe oia Ia hana, me ke ao ole ia a ae ole ia lioi e ka Aha Senate, a ma ka wa i lilo ai ka hoike a Mr. £lount i kumuhana e paio ia ai, ua lilo nui ia paio ana ma na hoakaka ana ma ka ninau e pili ana i na mana o ka Peresidena, na manao, a pela aku. A ma kekahi oleio ana ae hoi, inai hookohuia o Mr. Blount e ka mana o kekahi kanawai Ahaolelo, alaila, o ka Ahaolelo Nui (Congress) auanei ke paa malalo oia hoike, aole hoi o ka Mana Hooko, a ina la, aole e loaa he ninau moakaka o ke kuee ana mawaena o ka Mana Ahaolelo ame ka Mana Hooko. Nolaila, ma keia ninau e noonooia nei (oia hoi, ka ninau o Venezuela, L. H.) ina paha e kakoo ana ī keia wa e ka Ahaolelo Nui i ka Rula Alakai Aupuni o na mokuaina Huiia o Amerika, a i ole, e waiho aku no paha ia mea iloko o o na lima o ka Peresidena, a ma ia ano ua ku no ua nlnau la ma ka poai 0 na kuka pili aupuni Kuwaho ana. ;; O keia maoli ae la no ka hoike maopopo no ka mea e pili ana i ke kuhlhewa loa o ke keehina a Peresidena Kalivalana i lawelawe ai ma ka ninau o Hawair nei, oia hoi, aole oia i kakoo iki ia e ka Aha Sehate ma ia kumuhana i lawelaweia ai e ia ponoi iho, mamuli o kona manao ponoi iho; a ua ike oia i keia hana kuhihewa ana, nolaila oia i hoihoi ae ai, i keia wa, na ka Ahaolelo e apono i ke Komisina, e hoounaia ai 1 ke aupuni o Venezuela, i paa ai ka Ahaolelo mamuli oia hooholo ana i ke kanawai e hoomana ana i ua Komisina la, a ili hoi ke koikoi ona hanaa kela Komisina ame na hana e ea e ulu mai ana, ma o keia ninau la, maluna o ka mana kaukanawai o Amerika, ka Mana hookahi e hiki ai ke kukala i ka olelo kuahaua no ke kaua, ina oia iho la ka mea e kakoo ia ai ka ihiihi o ka olelo hooholo i hoopuka ia e ia mana, a o ka Mana hoi e hiki ole ai i ka Mana Hooko ke hana, e like me ia i ikeia ai ma ka ninaa o Hawaii nei.