Ka Nupepa Kuokoa, Volume XXXV, Number 2, 10 January 1896 — Na Home Hookuonoono. [ARTICLE]

Na Home Hookuonoono.

O ko ke aupuni mahelehele ana i na aina aupunl no ke kuai ana aku i na kanaka Hawaii, e like me na hoakaka o ke kanawai no na Home Hookuonoono, he hana waiwai nui no ia. Ma na apana i loaa na alanui maikai i kupono no ka hele ana o na iio ame na kaa, ua lilo na aina a ke Aupuni i hookaawale ai i mea kokua nui i ka hoooholomua ana o ka pomaikai imi hookuonoono naawaena o ka poe I iawe Ia mau apana aina, aka, o na apana aiaa i nele i na alanui o keia ano, ua lilo ia mau apana aina i mau mea hookuia nui 1 ka hooholomua ana i na hana kalai waiwai a ka pee i iawe ae ia mau apanaaina ia. Aole hewanokeaupuni ka hoopaa ana i aelike me ka poe e lawe ana i na apana aina aupuni o kela ano, ma na wahi i loaa ole ai na aianui maikai, e hana no k9 Aupuni i na alanui no ia mau wahi ke hookaaia mai ka ekolu* hapaha o ke kumukuai i kinohi, a i oie ia, o kekahi kumu aeiike maikai e ae paha a ke Aupuni e ike ana he maikai a e palekana ai hoi ke Aupuni ma ia hana ana. O ko ke Auponi ae ana ma kona aoao e hana i keia hana wehe alanui ma na wahi i neie ia mea, he kumu ia e hoomahuahua ia ae ai ke kumu kuai o ka aina, e kanalua ole ai ka mea dala i kā iawe ana. Ua ike makou, he mau auwaha keia e hoomahuahua mai ai ina loaa Aupuni, a e pomaikai ai hoi na poe Hawaii ake hookuonoono e noho nei ma kela ame keia pea a kaiauiu o Hawaii nefr. O ka mea nui a makou e paipai nel i ka lahui oiwi e ku maluna o ka hoopono, ka hoomanawanui i ka ilihune a e malama 1 kahi loaa uuku me ka makemake e loaa ona aina ponoi a nohona leo oie no ka oiwi iho. Aole keia 1 pili ina Hawali i loaa ka nohona he «lani iluna a he honna ilalo neij" aka y no ka poe nele no. * 2