Ka Nupepa Kuokoa, Volume XXXV, Number 2, 10 January 1896 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

 

Ko Hawaii Paeaina i Huiia

 

No ka Makahiki          $2 00

No eono Mahina         1 00

Kuike ka Rula

 

HOOPUKALA E KA

 

HAWAIIAN GAZETTE CO.

 

C.G. BALLNTYNNE, Luna Nui.

 

JOSEPH M. POEPOE, Lunahooponopono

 

Honolulu, Oahu.

 

Poaono,           IANURI 10, 1896

 

KULA SABATI.

 

I:3. Ian. 119. Ka oihana o Ioke ka apetite. Luka 3:15-22

 

15 Ai i ke kanalua ana o na kanaka, kukakuka iho la ka naau o lakou a pau, no Ione, o ka Mesia paha ia?

 

16 Olelo mai la o Ioane la lakou a pau, i mai la, Owau no ke bapetizo nei la oukou me ka wai; aka, e hele mai ana kekahi, he oi aku kona mana i ko`u, aole au e pono ke wehe ae i na kaula o kona mau kamaa; oia ke bapetizo ia kakou me ka Uhane Hemolele a me ke ahi.

 

17 A o kona peahi aia no i kona lima, a e hoomaemae loa oia i kana huapalaoa, a e hoiliili i kana huapalaoa iloko o kona hale papaa, a e hoopau hoi oia i ka opala i ke ahi pio ole.

 

18 He nui no hoi na mea e ae aua i hoike mai ai i na kanaka i kana olelo hooikaika.

 

19 A o Herode ke alii kaiaina, ua aoia e ia no Herodia ka wahine a Pilipo a kona hoahanau, a no na mea hewa hoi a pau a Herode i kana`i.

 

20 Hoohui hou no oia i keia mea ia mau mea a pau, a hana paa oia ia Ione iloko o ka hale paahao.

 

21 Eia hoi kekahi, i ka bapetizo ia`na o na kanaka a pau, o Iesu no kekahi i b apetizoia; a i kana pule ana`e, weheia mai la ka lani,

 

22 A iho mai la maluna ona ka Uhane Hemolele me ko ke kino ano o ka manu nunu, a pae mai la ka leo mai ka lani mai, e i mai ana, O oe no ka`u keiki punahele, he oluolu loa ko`u ia oe.

 

PAUKU GULA. IONE 1:29. E NANA I KE Keikihipa a ke Akua, nana e lawe aku i ka hala o ke ao nei.

 

MANAO NUI. No na makahiki he 30 ua noho o Ioane ma ka waonahele. A pau keia mau makahiki, ua kau ka Uhane Hemolele maluna ona, a hoomaka oia i kana oihana haieuanelio. O kana kumuhana, oia no ua kokoke mai ke aupuni o ka lani, oia no ko ke Akua hooponopono hou ana i na hana o na kanaka, a ua pono i ka lahui Iuaio e makaukau e i mea e hookipa pono ai i ko lakou Mesia,, i oleloia ma na wanana kahiko. Ua maa mau ma na Aina hikina e kukulu hou i mau alaloa i mea e holopono ai ka hukai hele a ka Moi. Ua maa mau no hoi ma na kulanakauhale iwaena o na wahi laukanaka, e holo kukini imua o ke kaa o ka mea koikoi hanohano, a kahea aku i na kanaka e kaawale i mea e holopono ai ke kaa o ka mea kiekie. Ua like ko Ione nanaina me ke ke Kaula Elia. Kalakala ka lole, he pauku ili maoli kona kaei, ka meii a me ka uhini kana mau mea ai. Ua mahalo nui na lehulehu i ka wiwoole ma kona halolelo hoohulihuli i ka pono.

 

15. KANALUA,--manaolana me ka pihoihoi nae, no ka mea, ua moakaka ua wa la oia no ka wa i oleloia ma ka buke a Daniela. KUKAKUKA,--noonoo me ka hoopaapaa ana.

 

16. BAPESIZO,--ma ke kapipi ana i wai aole ma ka hookomo ana ilalo o ka wai, ua bapetizo o Ione. He oihana hoailona keia o ko lakou mihi ana i mea e hookipa pono ai i ka Haku e hiki mai ana, me ka maemae o na manao.  KAMAA,--o ka wehe aua i ke kamaa, oia no ka hana a ke kauwa haahaa loa.  AHI,--aole no ka hoomaemae wale no, ka hoopai ana kekahi. 17. PEAHI,-no ka hookaawale aua i na opala, a koe na hua huita, pau ka pa ana o ka makani.  HOOPAU,--he hoailona ia o ka hoopai mau loa ana no na uhane ino. 18. HOIKE, ua hoao oia i kela ano keia ano o ka haiolelo ana i mea e hoeueu ai i na kanaka, a hoololi i ka poe hewa i peo hoopono. 19. AOIA,--wiwoole oia ma ka hoohala ana i ka moi iho, mamuli o ka olelo hooike, Mareko 6:14-20. 20. PAAHAO,--a noho oia ma ua hale paahao la hookahi mamua o kona okipooia ana. 21. EIA,--mamua o ko Ioane noho paahao ana: ua huli o Luka i hope i ka mua o ko Ioane haiolele ana. PAU,--ka poe a pau i makam@ ma ua la`la. IESU,--mamuli @ kona ano kanaka: ina paha ua @ ka poe imi pono, oia no ko @ makemake. WEHEIA,--Keka@ hou i ikeia maluna ma ka @ 22. IHO,--aole moakaka k@ o ka aUhane Hemolele: ua @ mea i iho ai me ka lele ana o ka manu nunu ilalo i ka lepo paha, i ke kumulaau paha. LEO,--pakolu keia mea kupaianaha, ma keia bapetizo ana, ma ko Iesu hoopahaohao ana, Mareko 9:7, ma kona haiolelo ana ma ka luakini mamua o kona kaulia ana ma ke kea, Ioane 12:28.

 

I. Ko Ione Haiolelo ana, 15-1. Heaha ka mea a ka lahui Iudaio i kanalua ai? Heaha kekahi mau wanana e pili ana i ka Mesia e hiki mai ana? Heaha na mea e hooiaio ai i ko Iesu Oihana Mesia? Heaha ka Ioane oihana Heaha ke ano o ka huaolelo Mesia? Heaha ka manao i hooko ai mamuli o keia inoa? Heaha ke ano o ka inoa Iesu? Heaha ka hana a Ioane i hooholo ai i mea e makaukau ai ke aiahele imua o Iesu? Heaha na hana ana i paipai ai ma kana haiolelo ana? Heaha ke ano waiwai o kona bapetizo ana Ua hoomaemae anei ka wai i ka uhane, aole paha? Heaha ka mea e maemae ai ka mea hewa? Heaha ka manao ma ka mamala olelo, “aole au e pono ke wehe ae i ke kaula o kona mau kamaa?” Heaha ko Iesu bapetizu ana me ka Uhane Hemolele a me ke ahi? Heaha ka mea i hoailonaia ma ko Iesu peahi? Ma kona hale papaa? Ma kona hoopau ana i ka opala i ke ahi pio ole? I ka wa hea e hookaawaleia ana ka hua huita a me ka opala e ko Iesu peahi?

 

II. Ko Ioane paahao ana, 18-20. Ua haiolelo anei o Ioane i ka poe lehulehu wale no, a i ole i na kanaka koikoi kekahi? Heaha kana olelo ao i ka moi ia Herode? Heaha ke ano hana a ua moi la? Ua noho anei na`lii mawaho a maluna o na kanawai? Ina paha aole e ao ia na`lii mamuli o ka pono, heaha ke ano noho o ka lahui? Heaha ke kumu o ko Herode hoopaahao ana ia Ione? Heaha ka Herode hanahewa hope loa ia Ione? Ua lilo anei ka Ioane oihana i mea ole?

 

III. Ko Ioane bapetizo ana ia Iesu, 21-22. I ka la hea ua bapetizo ia o Iesu?  Pehea i moakaka ai ka Iesu oihana maoli ia Ioane? Pehea i hoike ai o Ioane i ko Iesu oihana Mesia i na`lii Iudaio? Ua bapetizoia ane ka lahui halookoa: Ua bapetizoia anei lakou i ka la hookahi? Heaha ke kumu kupono no ko Iesu bapetizoia ana? Heaha na mea ano nui i hoailonaia ma ka bapetizo ana? He hoailona anei ia o ko Iesu make ana, a i ole paha o kona hoomaemae ana i ka poe lawehala? Ua hiki anei i ke Akua ke hookomo i ka pomaikai lani i ka poe hewa, ina paha aole mihi lakou? Pehea ka poe i bapetizo ole ia? Heaha ka iho ana o ka Uhane Hemolele maluna o Iesu? Pehea i like ai me ka lele ana o ka manu nunu? Heaha ka leo mai ka lani mai no ko ke Akua hoapono ana ia Iesu? Ua hiki anei i na kanaka ke lilo i poe keiki na ke Akua?

 

MANAO PILI. 1. I ka wa popilikia, ua pono anei ia oe ke kanala i ka olelo o ke Akua? 2. He hua huita anei oe, he opala paha? 3. Na bapetizoia anei oe e ka Uhane Hemolele? 4. Ua pono anei ia oe ke hoike manaoio? 5. Ua makaukau anei oe e hookipa ia Iesu ke Akua hooiapanai?

 

He Anaina Haipule Karisimaka ma ka Luakini o Pukaana, Hookena, Kona Hema, Hawaii.

 

Mr. Lunahooponopono;

 

            Aloha Karisimaka oe:--

 

            E oluolu mai kou ahonui, e hookomo iho i keia mau mea e pili ana no ka wehe ia ana he anaina haipule Karisimaka ma ka luakini o Pukaana, a nau hoi ia e uwila aku ma na kihi eha e ka honua nei, a oia iho keia malalo:

 

            Ma na hora poniponi o ka wanaao hora 3 o ka 25 o Dekemaba, A.D. 1895, ua hoomanao ae na Luna Ekalesia o ka Ekalesia o Pukaana, na Hoahanau, na lala o na Ahahui Opiopio a me ka Ahahui Kula Paio Imipono Karistiano o Pukaana, a wehe ae la he Anaina Haipule Karisimaka.

 

            I ka mauliawa loa ana ae o na hora hope loa o ka po o ka la 24 o Dekemba, ua eleu ae la o Manuel Keomau a liuliu ae la ma kana apana hana i hele wale a maa a i noho hoi a kupa a kamaaina i ka leo, a puili malie ae la kona mau lima punahele i ke kaula huki o uwe-hone (bele), a hoomoliolio pono iho la oia a malo pono ke kaula huki, a ia wa oia i kuupau iho ai i na wala a-i a wahie, ke hele la a walawala ka bele i ka makani, e hone ana i ke kulukulu aumoe, e lawe ia ana e na welelau aheahe makani o ua Aina nei. O “Kona kai Opua i ka lai, Opua hinano ua malie;” a e kaomi iniki huihui iho ana ka hau o Maihi mauka pono iho e au ana i ke kai, aka, he mea ole wale noia mea na keia hookele.

 

            Oiai no o Manuel Keomau e hoomau ana i ka hookani ana i ka bele kani o-o-o, e wawalo ana ma ka paia paa o ka lani, a nakolokolo loa aku la ma na kihi eha o ka honua, a hala loa aku i o Milu la. E wawahi ana i ua ao aakipaa o ka pouli maloko o ka naau o na keiki a kanaka o keia ao, e haehae liilii ana i na hoomalau iloko o ka pouli, a e hookaawale ana i ka malamalama mai ka pouli mai. Oiai, e hoea mai ana ka Malamalama o ko keia Ao.

 

            I ke kuu ana iho o ka leo o ka bele, ua ike ia aku la na ipukukui hele po a na magoi o na aina hikin a (n a komite hoomakaukau inu cofe), me na makana like ole maloko o ko lakou waihona waiwai, a e makana aku ana lakou noia wanaao ma ka inoa o ka Ahahui Kula Paio Imipono Karistiano o Pukaana, i na poe a pau i hele mai no ia wanaao. A eia iho na inoa o ua poe magoi nei mai ka aina hiki na ma (na komite hoomakaukau inu cofe), ka Peresidena o ka Ahahui James H. K. Keawehaku a Lunahoomalu o ia Komite, ke Kakauolelo Daniel Keawehawaii, ke Kokua Kakauolelo Lewis M. Hanohano, Ilamuku Enoka Kapa a me Sameson Waiau, kekahi lala hanohano o ia Ahahui. A eia iho na mea i hoomakaukau ia e na komite: He mau tini bana palaoa lawalu ono loa, bakeke meaono hua kuhikuhinia, na epe ko momona, na tini waiu e ko`uko`u ai ka puu ke moni, na paona waiu bata pahee e kokohi ai ka puu moni ai a Chas Hooper Jr. o ke kuahiwi o Mauna Loa.

 

            I ke kani ana ae o ka hora 2:30 o ia wanaao, ua hookani hou ae la o M. Keomau i ka bele, e hea hou ana i na haipule oiaio o ke Akua e noho ana ma na aina hikina o Waiea, i ka wai luu a ea mai o Kalahikimahaehae, e Kauhako i ka huikau lua o Waiolomao a me Hikiau, e Hookena i ke kai nehe o Hawele, e na Kealia i ka lokowai o Halekuamaikahikiokalani-ewalu-ka-wa; E ala, e ala, e ala e na haipule oiaio, oiai, ke kokoke mai nei ka manawa, he mau minute helu wale no koe a e ike no kakou i kona Hoku ma Belelehema i Iudea nei (Pukaana), a kukuli hoomaikai aku imua o ka Haku o na Haku, ke Alii o na`Lii, ka Mesia ka Hoola o ko ke Ao nei. A e hanau mai ana oia na ka wahine puupaa i ike ole i ke kane, elike me ka hoike a ka anela ia Iosepa ma ka moe, Mat. 1:21-23.

 

            I ka hookuu malie ana ae o M. Keomau i ke kaula o kaua melmodia, ua akoakoa mai la he mau kauna o na haipule oiaio o ke akua, a pela no me na laia o na Ahahui Opiopio ame ka Ahahui Paio Imipono Karistiano o Pukaaua.

 

            Ua liuliu ae la na komite no ka lakou mau apana hana, hao ke ahi me ka momoku a ke kuke, hiu ka pahi okioki palaoa i kana hana, nakeke na pa ame na pola a na kuene a i ka hiki pono ana ae i ka hora 3 a.m. ponoi, ua akoakoa aku na mea a pau i hiki mai ma ia wanaao maloko o ka luakini o Pukaana; a kaomi malie hou iho la o Manuel Keomau i ke kaula huki o kana pila (bele) punahele a o ka wa ia i halii iho ai ke anoano eehia maluna o na mea a pau i akoakoa mai, a o na hamumu ame na hoonakeke mamua iho, ua hoauhee koke ia iho la ia iloko o na sekona pokole.

 

KE ANAINA ILOKO O KA MALUHIA.

 

            I ke anaina e noho ana iloko o ka maluhia, na ike ia aku la ka hele ana ae o ka mea nana e wehe ka olelo imua o ke anaina me na kapuai palanehe, a ma kahi i hoomakaukauia nona, oia no o d.W. Kanui, ua mele mai la ke anaina ma ka himeni 106 o ka Hoku Ao Nani, a i ke kuu ana iho o ka leo o na kahuli leo lea, ua ku mai la o D.W. Kanui a nonoi mai la i ke anaina e pule kakou, a i ka amama ana ae o ke kalokalo ana o kana mau hua pule i ke Akua, ua haawi hou mai la ke anaina ma ke mele ana i ka himeni 206 Hoku Ao Nani, a i ka hoomaha ana iho o ke anaina me ke anoano, ua ku mai o D.W. Kanui a hoike mai la i ka olelo paipai, Luka 3:11, a ua nui ke eehia o ke anaina no kana mau wehewehe naauao ana. I ke kuu ana iho o kaua, ua ku mai  G.W. Waiau Jr. a nonoi mai la i ke anaina e pule kakou, a i ka amama ana ae o kana pule ana, ua ku mai la o Manuel Keomau ma ia haawina hookahi. Ua ku hou mai ke anaina ma ke mele ana i ka himeni 254 Hoku Ao Nani, a i ke kuu ana iho o ka leo hanehane o ke anaina, ua ku mai o John Keala, a kokua mai i ka olelo paipai, a ua nui no ka momona o kana mau olelo.

 

            Ua ku mai o G.W. Waiau Jr. a kokua hou mai i ka olelo paipai, a ua kohu waimeli ka ono o kana mau olelo, a i ke kuu ana iho o kona leo, ua ku mai o James H. K. Keawehaku a kokua hou mai i ka olelo paipai me ka noeau o na olelo, me he me mea `la e kikeke maoli mai ana no i ka puuwai o ke anaina i kela manawa o ke eehia anoano maoli, a i ke kuu malie ana iho o kona leo i ka nahe, ua haawi mai la oia no ka panina hope loa o kana olelo paipai, he leo ao naauao imua o ke anaina, oia keia: Ia oukou e hoi aku ai no ko oukou mau home pakahi iho i keia kakahiaka, a i makemake oukou e hauoli i keia la, e hauoli oukou e like me ko Iesu hauoli ana, Mele Karisimaka oukou a pau me ka mahalo.

 

            I ke kuu ana iho o kana mau olelo waiwai nui, ua ku mai la o Chas. Naope a nonoi mai la i ke anaina e pule kakou, a i ke ku malie ana ae o kana mau hoomaikai aka i ke Akua, me ke anoano eehia, ua ku mai o Manuela Keomau a nonoi mai la i ke anaina e pule kakou a me ke kokua ana i ka olelo paipai.  Ua ku mai o Mrs. Waiaua a nonoi mai la i ke anaina e pule kakou, a i ka pau ana o kana leo pule, ua ku mai la ka Rev. G.W. Waiau a kokua mi la i ka olelo paipai, a ua nui ke eehia o ke anaina no ka ka makua mau olelo naauao, a i ke kuu ana iho o kana mau olelo ao, ua ku mai o Mr. Kanui no ka panina hope o na hana oia kakahiaka.

 

            Ua ku ke anaina a pau iluna, a hosana ae la ma ke mele ana ma ka himeni 85 o ka Buke Himeni Euanelio, a ua hookuu ia na hana ma ka pule ana a ka Rev. G.W. Waiau, i ka amama loa ana ae o ka ka makua pule ana, @a ku mai o Mr. Keawehaku a nonoi mai la i ke anaina e ka-ua iki iho oukou, he kakahiaka puanuanu keia, e ai ana kakou i ka palaoa mahanahana a me ka inu ana i ke bola cofe, he makana Karisimaka na ka Ahahui Paio Imipono Karistiano o Pukaana. Ia oukou a pau, a ai a e mu pu ana kakou me ka hauoli me ko kakou Haku me Iesu Kristo, ko kakou hoola.

 

[@ seems to be line blurred]

 

            I ka noho ana iho o ke anaina ilalo, ua komo koke mai la o Mrs. E. Kapa ame Mrs. Haae e lawe a@ i na bola cofe, a o Mrs. Keawehaku me Wm. N. Punikala, e lawe ana i na pa palaoa me meaono Ua ai ke anaina a ua lawa, ua inu no hoi a ua kena, a ua koe aku ka elua hapakolu a na mea ai i hoomakaukauia no ia wanaao, a ua hoi aku hela ame keia me ka piha mahalo i ka Peresidena ame na lala o ka Ahahui nana i kokua i keia hana maikai a ano hou no hoi i hanaia ma Pukaana nei, aole no hoi mai kahiko mai.

            He ma-u wahi mea hou ia o ke kuaaina nei, e pili ana no ka la Karisimaka.

 

            Na`u no me ka haahaa,

 

            DANIEL KEAWEHAWAII.

 

            Kakauolelo o ka A.K.P.I.K.

 

            HE HOALOHALOHA.

 

Kalaupapa, Dec. 19, 1895.

 

Mrs. H. Kawainui:

 

            Welina oe a nui me ka ohana. Oiai, ua oluolu ia e ke Akua e ka Makua Mana Loa, ka lawe ana `ku i ka hanu hope o kau kane i aloha nui ia, Hon. J.U. Kawainui no ke aupuni Paredaiso ma o ma ka po Poakolu, Oct. 23, 1895.

 

            Anoai wale! O kau kane i aloha nui ia e oe, ua kamaaina au me ia, kona mau makua a me kona mau pokii a pau ma Kamoiliili, Waikiki waena, i ka A.D. 1858-65, ua kaawale au no Hawaii. A oiai kona mau la opio e hele ana i ke kula olelo Beritania ma Kahehuna, ua ike ia kona holomua ma na buke a me kona kulana akahai.

 

            Nolaila, ke nonoi aku nei haahaa aku nei au i ka oluolu o na Mana Lani, e lawe ae i na kaumaka apau mai ia oe ae.

 

Me ke aloha nui ia oe,

 

S.H.P. KALAWAIAOPUNA.

 

            Arago, Coos Co., Oregon Nov.10, 1893.—Ke makemake nei au e hoike kah ia oe i ka waiwai nui o ka Cuamerlain’s Pain Bal@ laau maikai i hoola ai i ka`u wahine. Ua loaa iaia ka ma`i rumatica ma ua lima no e malama, a ua hoao oia i na laau lapaau i kuhikuhi ia no ia ma`i, aka aohe nae oluolu iki ahiki i ka wa i hamo ai i keia laau Pain Balm; hookahi wale no omole o keia laau, ua ola loa oia. Nolaila ke lawe nei au i keia wa ma ka hoikeike ana aku he laau ola keia no ia ma`i. Owau iho no, o C.A. Bullord. He 50 keneta a he $1.00 o ka omole, a e kuai ia e ka Hale kuai Laau Lapaau o Benson, Smith & Co. na Agena.

 

            He mea pono i kela ame keia ohana ke loaa ona laau lapaau mama no na ma`i o ka opu. I laau lapaau puhili ole no ka “moku ino loa o lepo” (Diarhea) Nahu, Umii, Kolera ame na ma`i apau o ka opu, aole he laau lapaau oi aku o ka maikai, elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Holister, ka Agena.

 

            I ka haulelau o ka 1893 loaa iho a ke keikikane a Mr. T. A. McFarland, he haole kalepa, ano maka hanohano o live Oak Sutter Co. Cal. I ka mai kunu koikoi loa. Mamuli o ka ikaika loa oka eha ma  ka umauma ua loohia i ka umil a me he mea la e loaa ana i ka wela ma ke akemama. Ua hoohainu aku kona makuakane i na olopu n unui lehulehu o ka CHAMBERLAIN’S Laau Kun, a pela i pau ai a ola loa ke kunu. Ke olelo nei o Mr. McFarland i na wa a pau e loaa aia kana mau keiki i ka nae e haawi ana oiai ka CHAMBERLAIN’S  COUGH REMEDY (Laau Kunu Ola, a he ola io maoli no. Ke manao paa nei oia he laau kunu oi loa keia ma ka makeke. E loaa no ma na Halekuai Laau Lapaau a pau, a o BENSON SMITH & CO., na Agena ma ko Hawaii Paeaina. Tf

 

            E heluhelu i keia malalo iho i lawe ia mailoko mai o ka palapala a Chas M. Gutfield o Reedley, Fresne Co. Cal.

 

            “Me ka hauoli au e hoike aku nei ma ko`u inu ana no hookahi la i ka CHAMBERLAIN’S Laau Kunu, ua hoola i ke kunu koikoi i oaa ia`u. Ua nalulu ino loa ia ko`u poo a hiki ole ke moe i ka po.  Ke hoikeike aku nei au i keia laau laapau ola. O ke anu i kokoke loa e komo iloko o ke poo a mahope hoohele aku i ka puu a me na ake. Ma o ka inu ana la i keia laau i ka wa koke e loaa ai i ke anu, e hoola koke ia i ka wa pokole a keakea ia ke komo loa ana aku iloko o na ake. E loaa keia laau ma na Halekuai Laau Lapaau a pau, a o BENSON, SMITH & CO. na Agena ma ko Hawaii Paeaina. Tf

 

Nalowale.

 

            UA HAULE A NALOWALE @HE BILA Kikoo Dala ma ka Banako o Bihopa, nona ka Helu 23884, nona hoi ka huina dala he $69, no ka pomaikai o ka Papa Ola, a ua Kaohila ka uku ia ana o ua bila ia.

 

M.S. GRINBAUM & CO., Ltd.

Honolulu, Nov. 20. 1896

2576-3

 

Hoolaha Waiwai o Mele Hoomoeapuli i make.

 

            KE HOOLAHYAIA AKU NEI, O NA POE A pau he mau koi ka lakou i ka waiwai e MELE HOOMOEAPULI i make, e waiho mai i ka lakou mau koi i hooiaio [@the next several lines are blackened]. Hanaia ma Kawaihapai, Mokupuni o Oahu, Dekemaba 7, 18@

G.W. KAHANAUMAIKAI,

Lunahooponopono o ka waiwai o Me@

Hoom@

 

HOOLAHA HOU.

 

OLELO HOOLAHA.

 

O MR. JOAQUIN DUTRO JR.  o Waliuku, Maui, aole loa ia iloko o ka makou hana, a, aole no hoi oia i hoomanaia aku e lawelawe hana no ka makou Hui O Kana palapala hookaa dala o hana ai, aole ia i mana.

CALIFORNIA WINE CO.

Honolulu, Ianuri 2, 1896

3 wks-2579

 

OLELO HOOLAHA.

 

O MR J P SYLVA, o Hana, Maui, mamua, aole la i keia wa maloko o ka makou hana, a aole no hoi oia i hoomanaia e lawelawe hana hou aku no ko makou Hui.

CALIFORNIA WINE CO.

Honolulu, Ianuari 2, 1896

3 wks-2579

 

Kuai a ka Ilamuku.

 

MAO KA MANA O KA PALAPALA HOOmalu Waiwi i hoopukaia e ka Aha Apana, ma ka la 19 o Dekemaba, A.D. 1895, e kue ana ia Poe Wallace, mea hoopiiia, no ka pono o J.I. Dowsett mea hyoop@, no ka huina o $203.00, ua hoomalu a e kuai aku ana ma ka Hale Hookolokolo maloko o ka Apana o Waianae, Mokupuni o Oahu, ma ka hora 12 o ke awakea, o ka la 3 o IANUARI, A.D. 1896, i ka mea koho kiekie loa, i na pono, kuleana a waiwai o na e Poe Wallace ka mea hoopiiia, i olelo iaa, iloko o na waiwai i hoikeia mahope ae nei, aia wale no a hookaa e ia mai ka olelo hooholo i oleloia, ka ukupanee, na koina ame na lilo:

 

PAPA HOIKE O NA WAIWAI B KUAI IA ANA.

 

            1. Aina hoolimalima, Poe Wallace a me “Kealiikoa” e waiho ana ma Waianae-uka, Palapala Sila 471, Kuleana Helu 2999, e nohoia nei e Geo. Wallace.

 

            1. Hale laau ame na pono maluna iho o ua aiua la.

 

            2. Loi kalo.

 

            1. Hale uuku, kokoke i ke Alanui Aupuni, ma Waianae, Oahu, e nohoia nei e kekahi mea o “Riki” (Pukiki).

           

            1 Paa pipi hana.

 

W. J. SHELDON,

Hope Makai Nui o Waianae, Oahu.

2578-3t

 

Olelo Hoolaha Hui

            KE HOOIAIO AKU NEI KEIA O GEORGE McDONGALL a me GEORGE W. McONGALL o Kailua, Mokupuni o Hawaii, a me William P McDongall o Kohala, o ka Mokupuni o Hawaii i oleloia, oia ko loko o ka Hui o G. McDongall & Sons e lawelawe oihana ana ma Kona Akau, ma ka Mokupuni o Hawaii i oleloia, ae nei ma na hana Hanai Pipi, Kanu Kope, Malama Haleai a Poe Kalepa Waiwai o kela ame keia ano. G McCongall & Sons.

2579-2ts.

 

Olelo Hoolaha i na_Poe Aie.

 

            OIAI, UA HOOKOHU PONO IA MAI KA           mea nona ka inoa malalo iho nei i Lunahooponopono no ka Waiwai e Mahoe (2w) e Koloa, Kauai mamua iho nei, a i make hoi; ma keia ke haawiia aku nei ka lohe i na kanaka a pau, he mau koi ka lakou ia Mahoe (w) i olelo ia, e hoouna mai ia mau koi i ka mea nona ka inoa malalo iho nei, ma kona keena ma koloa, iloko o eono mahina mai keia la aku, a i ole ia, e hoole mau ia aku no lakou.

 

            Kakauia Koloa, Dekemaba 18, 1895.

J. K. FARLEY,

Lunahooponopono o ka Waiwai o Mahoe (w).

2578-3t

 

Olelo Hoolaha i na Poe Aie.

 

            OIAI, UA HOOKOHU PONO IA MAI KA           mea nona ka inoa malalo nei i Lunahooko Kauoha no ka Waiwai o S.K. Holokai o Hauula, Koolauloa, Oahu, mamua, a i make; ma kei, ke haawiia aku nei ka lohe i na poe a pau e waiho mai i ka lakou mau kei no ua waiwai la o S.K. Holokai, i hooiaio pono ia, iua paha ua hoopaa ia ma ka morraki a ano e ae paha, ia Kikila Baraunu (Cecil Brown) ma kona Keena, ma Alanui Kalepa, Honolulu, Oahu, iloko o eono () mahina mai keia la aku, a i ole e hoole mau loa ia akuno. A o ka poe a pau i aie i na waiwai la, ke kauoha ia aku nei ma keia e hookaa koke mai i ka mea nona ka inoa malalo iho nei, ma ke Keena o Kikila Baraunu.

 

            Ilanaia ma Honolulu, Dek. 28, 1895

ELENA KAHELE,

Lunahoponopono Hooko Kauoha no ka Palapala Kauoha Hope a Hooilina a s. K. Holokai, i make.

2578-1t

 

Olelo Hoolaha.

 

            MAMULI O KA MANA O KEKAHI PALApala Ohi Waiwai i hoopukaia e ka Aha Apana o Koolaupoke Oahu, ma ka la 21 o Dekemaba M.H. 1895, no ka pono o Yum You Co. kue ia Sun Lee mai i na dala he $7130. Nolaila ua ohiia a hoomaluia e a`u a e kuai kudala ia aku ana ma ka Hale Hookolokolo ma Kaneohe, Koolaupoko, Oahu, ma ka hora 12 awakea o ka Poalua, la 21 o Ianuari M.H. 1896, na pono, na pomaikai ame na kuleana o na ano a pau o Sun Lee ma i na waiwai i hoakakaia malalo nei, ke ole e uku ia mai ka olelo hooholo i oleloia ame ha koina a pau e pili ana ia mea.

 

NA WAIWAI.

            2 Lio, 2 Upena nui, 1 Waapa me 3 hnoe, 9 Manu kaka (Buck), 4 Moa, 21 puhao, 1 Pohaku hoana, 2 Noho lio. 1 Hoolimalima kai lawaia o Heeia no eiwa (9) makahiki i koe.

(Kakauinoaia)  F. PAHIA.

            Hope Makai Nui no na Koolau, Oahu.

Dekemaba 28 1885.  2578-4

 

Hoolaha a ka Lunahooponopono Waiwai.

 

            MAMULI O KA HOOKOHUIA ANA O KA mea nona ka inoa malalo iho, he lunahooponopono o ka waiwai o HONUAKAHA k@ o Ewa, Mokupuni o Oahu, i make kauoha oie, nolaila, ke hai ia aku nei ka lono i kela a me keia mea ina he kei ka lakou, e waiho ae imua o ka lunahooponopono ma kona keena ma Aliiolani Hale, Honolulu, Oahu, mamua o ka pau ana o na mahine eono, a i ole, e hoole loa ia ana ia mau koi. A o ka poe i aie i ka mea i make, ke kauohaia aku nei lakou e uku koke ae i ka lunahooponopono.

 

HENRY SMITH,

Lunahooponopono Waiwai o Honuakaha k.

Honolulu, Dekemaba 6, 1895.

2576-5

 

Hoolaha a ka Lunahooponopono Waiwai.

 

            NO KA MEA, o ka mea nona ka inoa malalo iho, ua hookohu pono ia mai oia e ka Mea Hanohano W.A. Whiting Lunakanawai Ekahi o ka Aha Kaapuni Ekahi, i Lunahooponopono no ka waiwai o Clarisa E. Cummings i make.

 

            Nolaila, ke hoolahaia aku nei o na poe a pau ho mau koina ka lakou i ka waiwai o ka mea i make.

 

            E waiho mai i ka lakou mau koi iloko o na malama eono mai keia la aku, ina paha ua hoopaa ia a hoopaa ole ia paha ma ka moraki, a ina aole e waihoia mai iloko o ia manawa, alaila e hoole mau loa ia aku no. O na poe a pau loa i aie i ka mea i make, ke kauohaia aku nei lakou e uku koke mai i ka mea nona ka inoa malalo iho, ma kona keena ma Kapuaiwa Hale, ma Honolulu.

 

            Hanaia ma Honolulu, Iulai 29, 1895

W.H. CUMMINGS.

            Lunahooponopono o ka waiwai o Clarisa E. C mmings i make.

2559-2-17-96

 

Hoolaha Hooko o ka Moraki a me ke Kuai.

 

            KE HOOLAHAIA AKUNEI KA LOHE I NA mea a pau, i kulike ai me ka mana kuai i hookomoia iloko o kekahi moraki i hanaia i ka la 21 o Dekemaba, 1891, e Charles Molteno o Honolulu, Mokupuni o Oahu, ia Robert McKibbin o ua Honolulu la, kopeia ma ke Keena Kakau Kope o ke Aupuni Buke 129, aoao 393-394, ke makemake nei ua Robert McKibbin nei, mea e paa ana i ka moraki, e hooko aku i ua moraki la no ke kumu o ka uhakiia o ka aelike iloko o ua moraki la, oia ka hookaa ole ia o ke kumupaa a me ka ukupanee i ka wa e hookaa ai.

 

            Ke hoolaha hou ia aku nei ka lohe, o keia mau aina a pau, na pono hoaaina a me na pili kana iloko o ua moraki la, e kuai ia aku ana ma ke kudala akea ma ka haledukala o James F Mogana ma Alanui Moiwahine, Honolulu, ma ka Poakahila 27 o Ianuari 1896, hora 12 awakea oia la.

 

            O ka waiwai paa maloko o na moraki la, oia keia malalo iho nei:

 

            O kela aina e waiho ana ma Kamuliwai, Manana, Ewa, ma ua mokupuni la Oahu, a oia ka aina i kuhikuhiia maloko o ka Palapala Sila Nui Helu 233 Mahele Aina Helu 7448 ia Kamaka, nona ka ili he hookahi eka, 2.06 mau anana a. i hoolilo ia mai ia Charles Molteno nei ma ka palapala kuai i hanaia i Novemaba 24, 1890, kepeia ma ka buke 1333 aoao 255

 

            O kela apana aina hihia ole e waiho la ma Mananaui ma ua Ewa la, oia ka Apana 2 o ka Palapala Sila Nui Helu 175 Mahele Aina Helu 7439, a penei na kuhikuhi ana:

 

            Apana 2—Pahale ma Manana nui, Ewa, MokKom 18 50

upuki o Oahu E hoomaka ana ma ke kihi Hema, alaila, holo aAkau 5 ^o Hik 121,44 kaputai e pii ana i ka pa lepp, alaila Akau 4 ^o [@from here the next several lines are blurred.] Robert McKirbin

Mea e paa nei i ka Moraki

            Kuike ke dala Na uku hana palapala a ka mea o lilo ai  no na mea i koe, o ninau @ J M Mansarrpi Loio no, ka mea a pau pei i ka moraki

 

            Honolulu, Ianuari 3, 1896.  1ts-2579

 

Ka Hawaiian Gazette

 

He Nupepa Namu Elua

Puka ana o ka Hebedoma, ma na

 

POALUA a me POALIMA

 

e hoopuka ia nei e ka Hui

 

HAWAIIAN

GAZETTE

COMPANY

 

O ka Nupepa Kuloko

Alakai keia ma ka Olelo

Beritania e hoolahaia nei

maloko o ka Paeaina a

hala loa aku i na Aina E

a ke heluhelu ia nei e na mea a pau ma na oihana na Halekula a komo loa

iloko o na ohana.

 

Ka Uku Pepa Laulaha.

 

No ka Malama                         $   50

No ka Makahiki Kuloko           5.00

    “        “  Kuwaho           6.00

 

Keena Hana Helu 318.

 

Alanui Kalepa-

 

Pahu Leta O Honolulu Oahu

 

2531-tf

 

Halepai Hawaiian Gazette.

 

O keia ka Halepai Nupepa Alakai o ke Kulanakauhale o Honolulu nei. Ua lako i na Hua Kepau o na ano a pau a ka makemake e ui ae ai.

 

Eia ma keia Halepai e pai ia nei ka Nupepa KUOKOA, a me Nupepa HAWAIIAN GAZETE PACIFIC COMMERCIAL ADVERISER CHURCH CHRONICLE a me PLANTER’S MONTHLY.

 

Ua hiki loa i keia Hale pai ke pai aku i na pepa nunui hoolaha alanui, na buke, na bila kikoo, na bila hookaa, na palapala poloai ahaaina a me na hana e ae a pau o ka Oihana pai.

 

Eia moloko o keia Halepai he Keena Humuhumu Buke, kahi e humu ia ai na Buke, na pepa a me na mea a pau i pili i ka humuhumu ana i na palapala. He oluolu ke kuka ana a he emi kupono na auhau.

 

Keena Hana, Helu 318 Alanui Kalepa, Honolulu ka Hale iluna. 2531-tf

 

Na Hua Kuni Inoa

 

Eia ka Hui Hawaiian Gazette Co., ke hana paka maoli nei i na Hua Kuni Inoa @ kela a me keia ano, nui a liilii e like me ka iini a ka manao.

 

O keia mau Hua Kuni Inoa, ua lawa ia no ke kahakaha ana ma ke kanana a pepa a ae e hoailona ai i ka Inoa a kohu maluna o ke kahi mea i makemake ia e kuni a kaha paha. He like ole na uku o na Papa Kuni Inoa, no ka mea aia no ke kau ia o ka uku a maopopo ke ano o ka Papa Inoa au i makemake ai, he nui a he liilii paha. Aka he oluolu ka uku a he waipahe na kuka ana.

 

[@the bottom of the column is blackened out.]

 

Hoolaha Humau.

 

Aole loa e maikai a oluolu ke oia ana o kekahi mea kino uhane oia ina he aaiole kona akepaa a hiki ole ke lawelawe i kana mau hana me ka hololea. E hahai ana ka nalulu a me na nawaliwali e ae ma ka moali o ke ake ponalo. He mea oiaio keia i hooiaio ia ma na wahi o na poai oluolu akau-iloko o ka hapaha keneturia, o na

 

HUALE A AYERS,

 

Oia wale no ka LAAU HOOLA AKE makai loa i ikeia.. E hoola ana i ka lepopaa,a ka nalulu eha, na ma`i oloko o ka opu, a ma ke ano LAAU OHANA aohe ona lua e like ai.

 

O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilukanaka. E pepehi a ulupa ana i na PUHA, e hoola ana i na pohapoha hi o ke oia ana a e kipaku loa ai i na ano ma`i a pau. O ka poe ma`i no ka wali pono ole o ka ai, ka nawiliwali mau a ano ma`i e ae i ulu ae mai ke koko ino mai, he mea pono e inu i ka laau

 

SASAPARILA A AYERS

 

He laau e hooikaika ai i ka nawaliwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

 

O ka Ayers Cherry Pectoral laau, aohe lua ma ka hoola awiwi ana i na KUNU, ANU a me na PUU EHA. E hoola ia na KUNU KALEA a me na ma`i pili i ke ake me ka hikiwawe loa.

 

O na Huaale a Ayers, na Sasaparila a me ka Ayers Cherry Pectoral, aia kahi e loa ai ma ka Halekuai o ka

 

Hollister Drug Co. Lt@

Na Agena ma ka Paeaina Hawaii,

2514

 

KAKELA

ME KUKE

 

Ka Halekua Nui

 

O NA

 

WAIWAI LIKE OLE

 

NA MEA

HANA KAMANA A PAU

 

Na lako pili hao kukulu hale,

Na kepa,

Naa lei ilio,

Na kaulahao ilio,

Na Pahi,

Na upa,

Na kope hulu,

Na Puiupuiu

 

PALAU LIO

 

Naa mea mahiai,

Na au ho,

Na au koi,

Na kua bipi,

Na lei bipi,

Na kaulahao bipi,

Na u wea pa,

Na kaa palala,

Na mea Piula,

Na ipuhao.

 

Makau me Aho Lawaia

 

Na iliwai

Na kauia,

Na hulu pena,

A puiumi,

Na pena, me ka aila,

Na kope,

Na aila mahu

Na pakeke

 

Na pakeke hao,

Na kapu hao,

Na p@da,

Na kukaepele,

Na uwiki, a me

Na ipukukui.

 

Mikini Humuhumu Kaulana

Wilcox & Gibbs Hookahi Lo@

 

[@again, this bottom portion is all blackened]