Ka Nupepa Kuokoa, Volume XXXV, Number 1, 3 January 1896 — Page 3
| This text was transcribed by: | Siira Phoenix |
| This work is dedicated to: | beauty, truth, and understanding |
Ka Nupepa Kuokoa
KE KILOHANA POOKELA NO KA LAHUI HAWAII.
@A HUI ALAHAO ME AINA O OAHU
MANAWA HOLO.
@ai a Mahope aku o lulai 5, 1895.
Hiki i Waia nao la pau Hiki i Wili o Ewa na la a pau. Hiki i Walanae na la pau. Wili o Ewa Kaa Ukana Na la a pau ko@ Sabati
A.M. A.M. P.M. P.M.
HAALELE IA HONOLULU 6:40 9:15 1:45 5:10
HAALELEIA IA MANANA 7:40 9:55 2:23 5:53
HAALELE WILI O EWA 8:10 10:19 2:49 6:14
HIKI I WALANAE ----- 10:54 ------ 6:49
Wili o Ewa na la a pau. Waianao na la a pau. Wili o Ewa Kaa Ukana Na la a pau Koe Sabate Waianao na la a pau.
A.M. A.M. P.M. P.M.
HAALELE IA WAIANAE 6:44 ------ 1:32 ------
HAALELE IA WILIO EWA 7:19 9:10 2:07 3:51
HAALELE IA MANANA 7:50 9:48 2:38 4:22
HIKI I HONOLULU 8:23 10:30 3:11 4:55
Ma pa po Poaono a me Sabati e hiki ana ko ka Wili o Ewa mai kaa i Honolulu ma ka 5:55 aole @a ka 1:55 P.M.
E lawe ana na kaa ahi hali ukana i na kaa hua o ka papa ekahi. G. P. DENISON, Luna, F. C. SMITH, Luna Kuai Palapala Holo.
NU HOU HAWAII
Ke hoomaka nei ka moe ana o @e alahao mawaena aku o kahawai @ Nuuanu, mai ka uwapo aku o Ha@liliamanu.
He papa ahaaina Hapenuia ka ka @" Hui na Kaikamahine o Ziona" i haawi ae ai ma ka la Hapenuia nei maloko o Mililani Hale.
O ka mea iaia ke tikiki helu 827, aia 1 lilo ai kekahi lakeke kilika i hookinohinohi ia, mai ka halekuai aku a Iwakami, ma Alanui Hotele.
Ma ka heihei o na tikiki e lilo ai ke kaa hehihehi wawae o ka halekuai o Egan, ua lilo ae la ia James Holeao o ka Hui Kaa Li'o o Hus@ace. O ka helu o kana tikiki, he @656.
Ua hauoli na poe mikiala hana ma ka la Hapenuia nei, oia na kaikamahine kuipua, ne keiki kaa-pio @me na poe hanai holonolona, no ka @ui o na hua hoopomaikai i loaa ia makou, ma ka lakou mau hana.
Eia ke nee mua nei ka hanaia ana o ka hale holoi lole o ke Aupuni ma Kohololoa ae nei, e kokoke @na i Iwilei, Aole liuliu loa na ia, @ hoopau ia ae ke kahua holoi lole i keia wa ma ka uapo o Haahiliama@u.
O ke kohokoho hua (anoano) @ou pu e lilo ai ka Piano i haawiia @e e L. B. Kerr, ua lilo aku la ia W. E. Wall. Koho oia he 745 ano@no, a o Mrs, H. H. Williams, 744. O ka nui e na anoano o ka ipu pu, 747. Ua lilo i ka mea koho kokoke @oa.
Ua hopuia a hoopaaia ma kahi hoopaa lawehala ma Kuapapanui ma ka po Poakolu nei o Mr. Keanu, @o kona hoao ana e hoohaumia i kekahi kaikamahine uuku nona na makahiki mawaena o ka ewalu ame ka eiwa. Ma uka o Niolopa i hana @a ai keia hana ekaeka lapuwale, he keiki keia i kamaaina i na poe auau @o Niolopa, mai hana hou aku e ka mea kolohe.
KO HAWAII NEI MUA AKU.
Ka Ninau o Hawaii na ka Ahaolelo ia e Oehu mua ae.
Wasinetona, Dek. 13--Aole o Peresidena Kalivalana e kakoo ana i @ka hoohui ana mai i na Pae Aina o @Hawaii. O keia ka manao i hoike ia ae e na kanaka i ku ma ke kulana e ike ai i kahi mea e pili ana i keia kumuhana.
He mau hebedoma kakakahi i hala ae nei, ua hoouna ia aku la he mau lono olelo mai Wasinetona aku i na nupepa lehulehu, ua hoololi ae o Kalivalana i kona manao no ka mea e pili ana i ka ninau o Hawaii, a e hoike aku ana oia imua o ka Ahaolelo Nui, maloko o kana hoike makahiki, he hoakaka ana no ka @@ohui ia ana mai o na Pae Aina. Aole i manaoioia maloko o na Poai o na Luna Aupuni o ko na aina e, e lawe ae ana oia i keehina oia ano, aole no i manaoioia e kakoo ana oia i kekahi kumuhana elike me ia, ma keia mua aku. O ka lono lauahea no kona hoololi ana ae i kona manao, aole i manaoio iki ia, he wahi kahua oiaio kekahi i ku ai ia mea. O na lono hope loa e pili ana i keia mea, ua hoea mai ia, mai Hawaii mai. Aia no ka Peresidena i keia wa ma kana huakai ke Koloa, a nolaila, aole loaa mai kahi olelo hoakaka mai iaia mai, a mai kona mau hoa luna aupuni paha no keia mea.
E like me ka hiki ke hoomaopopo ia i keia wa, aole loa i loaa mai he hoike o keia ano i na luna aupuni o ke Aupuni Hawaii e noho nei ma Wasinetona. Ua olelo ae ke Kuhina Hawaii oia o Mr. Haki, aole i loaa mai iaia he lono o keia ano mai kona Aupuni mai, ina paha he lono oia ano, ina ua telegarapaia mai, mai Kapalakiko mai , ma ka la inehinei, ma ka wa i ku mai ai ka mokuahi mai ka Pae Aina mai. Ua olelo ae nohoi o Frank C. Hasting, ke Kakauolelo o ka Oihana Kuhina [Hawaii] ina ua hana o Peresidena Kalivilana he manao elike me ia, alaila, he nuhou loa ia iaia, a hoike ae nohoi oia he manao, ina ua upu ia he manao oia ano, ina ua olelo ka Peresidena i kekahi mea e pili ana ia manao, iloko o kana palapala hoike imua o ka Ahaolelo Nui. Aole i lawa ka manawa i hala ae, mai ka wa i waihoia aku ai ka palapala hoike makahiki [a ka Peresidena] e hiki ai ke poounaia aku kekahi lohe i Hawaii a e loaa mai ai hoi he hoike no ia mea i keia Aupuni, a no keia kumu, ua manao kanalua o Mr. Hastings i ka oiaio o keia lono.
KA MANAO O KE "KEIKI HAWAII" KAKELA.
Wasinetona, Dek. 20.--Mamua ae o kona huli hoi ana aku i Hawaii, ma ka Poaha nei, ua hoike kipo'ipo'i ole ae la o Kuhina Kakela (i pau) no ka mea e pili ana i na mea i upuia no kona aina, ma keia mua aku: "Oiai ua hanau ia au ma Hawaii," wahi a Mr. Kakela, "nolaila, he kanaka Hawaii piha maoli au, a ma ia ano, ua komohia loa ka hiaai ana; ma na mea a pau e pili ana i ka pomaikai o ko'u aina. I ko'u hoea ana'ku i Hawaii, e lilo auanei i kumu no'u e haaheo ai, a e hauoli ai nohoi, ka hoike ana'ku imua o na wahaolelo o ko'u Aupuni, aole he wa e ae i hooi ia aku ai ka mohala maikai ana ae o na keehina no na launa aloha ana mawaena o Hawaii ame na Mokuaina Huiia. Aka nae, aole i loaa ia'u he hooia pololei ana mai ka Hale Keokeo mai ua loaa nae ia'u ka hoomaopopo ana e kauo ia aku ai au no ka Hale Keokeo-White House, ka inoa keia o ka hale e noho ai ka Peresidena manaoio ana, o ke keehina hana auanei e hooholoia ana e ka Ahaolelo Nui, no ka mea e pili ana ia Hawaii, e apono koke ia ana ia e Peresidena Kalivalana. Ina i hooholoia ana he bila kanawai e na hale elua o ka Ahaolelo Lahui (National Legislature) e kakoo ana i ka hoohui aina, a i kekahi alahele e ae paha e pili ana ia Hawaii, aole hopohopo ana no ka hoea ana ae he mana hoole [viio] ma ka Hale Hooko.
"Ua hoohoihoiia ko makou poe kanaka, no ke kulana kuoo a oolea o ka palapala a Peresidena Kalivilana, no ka mea e pili ana ia Venezuela, no ka mea, he hooia ana'ku keia ia lakou no ko Beritania maua'e hou ole ana maloko o ka moana Pakipika. E apoia mai auanei keia lono, me ka hauoli a me ke ohohia, e ka poe i komohia iloko o na kiai ana a me ka malama ana i ka Repubalita o Hawaii, a e lilo auanei ia i kumu e hauoli ai au, no ko'u lilo ana i ahai-lono no na nuhou maikai i kuu hoa lahui.
KULA SABATI
HAAWINA I.-JAN.12.
O Iesu ke keiki. Luka 2 : 40-52.
40 A nui ae la ua keiki la, a ikaika ae la hoi kona manao, a piha i ka naauao, a maluna ona ke aloha o ke Akua.
41 Hele na makua ona i Ierusalena i kela makahiki i keia makahiki i ka ahaaina mohiaola.
42 A i ka umikumamalua o kona mau makahiki, pii ae la lakou i Ierusalema mamuli o ka oihana o ka ahaai@a.
43 A pau ia mau la, hoi ae la laua, noho iho la ke keiki o Iesu, ma Ierusalema, aole hoi i ike o Iosepha a me kona makuahine.
44 Manao no laua, aia no ia maloko o ka huakai, hele no laua i ko kekahi la hele ana: a imi iho la laua ia ia mawaena o na hoahanau a me na hoalauna.
45 Aole oia i loaa ia laua, hoi hou ae la laua i Ierusalema, e imi ana iaia.
46 Eia kekahi, a hala na la ekolu, ike aku la laua ia ia iloko o ka luakini e noho ana mawaena o ka poe kumu, e hoolohe ana ia lakoa, a e ninau ana hoi ia lakou.
47 A o ka poe a pau i lohe ia ia, mahalo iho la i kona naauao a me kana olelo ana.
48 A ike laua ia ia, pihoihoi iho la; a i aku la kona makuahine ia ia. E ka'u keiki, no ke aha la oe i hana mai ai pela ia maua? Ea, ua imi ae nei maua me kou makuakane ia oe, me ke kaumaha.
49 I mai la kela ia laua. No ke aha la olua i imi mai nei ia'u? Aole anei olua i manao he pono no'u e lilo ma ka ko'u Makua.
50 Aole laua i ike i ke ano o kana mea i olelo mai ai ia laua.
51 A iho ae la ia me laua a hiki i Nazareta, a noho ia malalo iho o laua: a malama iho la kona makuahine ia mau mea a pau ma kona naau.
52 A nui ae la ka naauao, a me kino o Iesu, a me ke alohaia e ke Akua a me na kanaka.
PAUKU GULA. Luka 2:52. A nui ae la ka naauao a me ke kino o Iesu, a me ke alohaia mai e ke Akua a me na kanaka.
MANAO NUI E pono i na keiki ke imi i ko lakou hoomahuahua ana ma ka ike a me ka hoopono ma ke ano like pu me ia ma ka ikaika pouo, a loaa ia lakou ka hoaponoia e ke Akua a me na kanaka pu no hoi.
OLELO HOAKAKA. Ua noho o Iesu ma Nazareta a hiki i kona mau makahiki he 30. He wahi noho oluolu keia, a nani ma ka nana aku, e like me Waiohinu ma Kau. Ua piha loa ko Iesu mau haiao i na olelo hoike o na manu, pua, holoholona, mauna, makani a me na mea ana i ikemaka ai a noonoo ai ma kona wa kamalii. He mau mea haipule kona mau makua. Ua hoomaluia ka home mamauli o ko ke Akua mau kanawai. Ua hoonaauao ia oia ma na palapala hemolele ma na kula i pili ai i na hale halawai Iudaio. Ua namu oia i na olelo lahui ekolu, ka Hebera, ka Suria, ke Helene. Ua nui na malihini e kaahele ana i "Galilaia o ko na aina e." Ua kaahele oia i na mokuaiana okoa ma ka hele pu ana me kona mau makua i kela a me keia makahiki i na ahaaina nui Iukaio. Oiai, aole a Nazareta he kulanakauhale nui, he wahi noho maluhia oia, me na wahi kaulana a puni. O ka moolelo Iudaio, he olelo ao kupono e hoala a hoomahuahua i ke aloha aina ma kona naau. Ua ilihuue oia a hana lima pu me kona makuakane no kona ola kino. He oihana kamana kana. Ina paha ua kalai oia i na lako keena, na mea paahana no ka poe mahiai, a kukulu hale paha, ua pololei loa kana mau hana. Oia no na mea ano nui e pili ana i kona ano noho i kona wa kamalii. Ua kokua pu lakou ma ka hoomakaukau ana iaia no kona oihana ke kumuao, ka mea alakai, ke kumu hoohalike ma ka pono. Ua nui ka manaolana i hoolahaia e pili ana i ka Mesia Iudaio, oiai ua noho ka lahui Iudaio malalo o ke aupuni Roma me kona mau koa hookaumaha, a me na luna auhau alunu loa.
40. PIHA--a nui ae, a piha hou, a nui ae, a pela aku. 41 HELE---manuli o na kanawai, Kanawailua 16 :14. 42 MAKAHIKI--oia ka wa oo o na keiki Iudaio, a malama lakou i na hana haipule me ko lakou mau makua, pau na makahiki he 12. 43 NOHO--ma ka ike ole ana i ka wa a kona mau makua i haalele ai i ke kulanakauhale. He mau malihini 2,000,000 ia manawa ma Ierusalema, a nui na pilikia ma ka pili pu ana o na ohana pakahi. 44 MANAO--aole makau laua, no ka mea he keiki ike pono a hoolohe pono oia. 45 IMI--me ka pihoihoi nui, o nalowale loa oia. 46 LUAKINI--ma na poai o na Ala Kia, kahi a na kumu kaulana i ao aku ai i ko lakou mau haumana ma na palapala hemolele a me na hana, aole me ka paipai ana i ka pono maoli. 47 MAIIALO--makahehi, pihoihoi a oluolu no hoi. 48 PIHOIHOI--kahaha me ka mahalo ana. 49 LILO--o ka makamua keia o ko Iesu hoomaopopo ana i kona ano e, aole he kanaka wale, he mea lani no hoi oia. 50 OLELO--e pili ana i kona Makua. 51 MALALO--hoolohe mau. 52 ALOHAIA--oluolu a waipahe oia.
I. KO IESU PII ANA AKU I IERUSALEMA, 40-42. Mahea ko Iesu wahi noho i kona wa kamalii? Mahea o Nazareta? Heaha kona nanaina? Heaha ke ano noho o ko Iesu mau makua, ilihune paha, kuonoono paha? Heaha ke ano kona hoonaauaoia ana? Heaha ke ano o kona launa pu ana me na makamaka? Ua aloha anei ke Akua i na keiki noho pono wale no? Ua kupono anei ia kakou ke imi i ke aloha ia e na kanaka? I ka wa hea ua pii aku na kanaka Iudaio i Ierutalema? Ua hele pu o Iesu me kona mau makua i ka wa hea? Heaha na na kumu no keia pii ana aku i ka luakini?
II. KONA KALI ANA MA KA LUAKINI, 43-47. Ehia mau la ua noho anei na kanaka malihi ma Ierusarema? Ehia mau ia no ka hele ana mai Nazareta a hiki 1 Ierusalema? Ehia mau mile ma ka la hookahi? A pau ka la mua o ko laua hele hou ana, heaha ke mea a ko Iesu mau makua i hoomaopopo ai? No keaha la ko lakou ike ole ana ia Iesu? Hea ko laua ana ma ka ike ole ana ia la? Ua imi laua iaia ma ke alahele? Mahea i loaa ai o Iesu i kona mau makua? Heaha kana hana ma ka luakini? Owai keia poe kumu? Heaha ke ano o ka lakou ao ana aku i ka lakou poe haumana? Heaha paha ko Iesu ma ninau? Ua hoomaopopo anei oia i kana oihana maoli? No ke aha la ka mahalo ana ia ia?
III. KONA HOOLOHE MAU ANA MAU MAKUA, LAUA A ELUA, 47-52. I ka wa o ko Iesu mau makua i halawai hou ai me ka laua keiki, heaha ko laua manao ma ka ikemaka ia ia? Heaha ka ninau a kona makuahine? Heaha kana olelo pane? Heaha ke ano o kona manao? Pehea e pono ai iaia ke lilo ma ka kona Makua? Owai kona Makou? Heaha ka oihana a Iesu? Ua kue anei kona Maku ia ia ma ka hooholo ana i kona manao? Pehea kona hana aku ia laua? Heaha na manao o na mea e ae e pili ana ia ia?
MANAO PILI.
1. Heaha kekahi mau kumu no kou malama pono ana i kou mau mea kino? 2. Heaha na hana kupono o na makua ma ka malama ana i ka lakou mau keiki? 3. Ua kahea ia anei na keiki e lawelawe i ko ke Akua? 4. Pehea i lilo ai o Iesu i kumu hoohalike no na keiki e hoomahui ai? 5. Heaha na kumo kupono a na kanaka e mahalo ai ia oe?
He mea pono i kela ame keia ohana ke loaa ona laau lapaau mama no na ma'i o ka opu. I laau lapaau puhili ole no ka "Moku ino loa o lepo" (Diarhea) Nahu, Umii, Kolera ame na ma'i apau o ka opu, aole he laau lapaau oi aku o ka maikai, elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Holister, ka Agena.
I ka haulelau o ka 1893, loaa iho la ke keikikane a Mr. T. A. McFarland, he haole kalepa, ano maka hanohano o Live Oak Sutter Co. Cal. i ka mai kunu koikoi loa. Mamuli o ka ikaika loa oka eha ma ka umauma ua loohia i ka um@ a me he mea la e loaa ana i ka wela ma ke akemama. Ua hoohainu aku kona makuakane i na oloup nunui lehulehu o ka CHAMBERLAIN'S Laau Kunu, a pela i pau ai a ola loa ke kunu. Ke olelo nei o Mr. McFarland i na wa a pau e loaa ai kana mau keiki i ka nae e haawi ana oia i ka CHAMBERLAIN'S COUGH REMEDY (Laau Kunu Oia), o he ola io maoli no. Ke manao paa nei oia he laau kunu oi loa keia ma ka makeke. E loaa no ma na Halekuai Laau Lapaau a pau, a o BENSON SMITH & CO., na Agena ma ke Hawaii Paeaina. tf
Hoolaha Hou.
Na Leta e waiho nei Maloko o ka Hale Leta a hiki i ka la 31 o Dekemaba 1895.
APUA.
Napahu J.D. Robinson
Mas. Papa Kanahoa
HONUAKAHA.
N. J. Kabauanu Miss Kaiona
KULAOKAHUA.
Thomas Warren Miss Mary Kalalakoa
Miss Maria M Mrs. Halaki
Miss Hattie Kekuku
KAPAUHI.
Mattie Wabine 2 Miss Brecilla
Miss Malie Kimo Mr. Kepe
KAAKOPAU.
Kanui Kaumano k Kahumoku Waialoha
Makimana Nakaikuana
Keoaha w
KUNA WAI
Kenala Mikioi k
MAKIKI.
Kela Kimeko Frank W. Palei
PELEULA.
Mrs. Aho Akona 2 Luahiue Waakahuli
Edward J Keola
Miss Emma Amanahini
WAIKAHALULU.
Muli Napua w Miss Lono Pekelo
J. Wahinemaikai
WAIKAHALULU.
Muli Napua w Miss Lono Pekelo
J. Wahinemaikai
KAKAAKO.
Peniamina Kailua Mr. B. K. Keanohalia
@. K. Kahiamoe Marie Kekuni
Kahikolu Iakopa Chas. Jones
H P. Wahineaea John Kaiama
KAUMAKAPILI.
Miss Kalehuamakanoe
Oili Kauihana Lahana Poepoe
Mrs. Annie
Lakaro Salamauka Ioela Kiakahi
Mrs. H. P. Haiha Mas@er Aki
KIKIHALE.
Kaipo Henare Miss Peai
Henry Keonaona David Koa
Miss Kelupaina Kamakahiki
KAWAIAHAO.
Sam Keaoeleele Miss Hina Kualapai
Burooku Helena Miss Keahi
Dan Uu 2 Ema Paakaula
Maria Kaanaana Mrs. Kaiuala
AALA.
Noholoa Martha Muli
Kanepaiki Miss Kahananui
Hattie Hoopii
WAIKIKI.
Kaaeamoku Mrs. Manuel
MANOA.
Moses Kekahio Wm. H. Kekahimoku
Mas. John K.
KAWA.
Mr. Hoomana Mr. Halekukana
Joe Puakalehua
KAMANUWAI.
Joseph Loulu Mrs. Meleana Kunane
Mas. A. Lyall Kilauea Naauao
S. K. Kenoa Mrs. Kamahuilani
KAPUUKOLO.
Lukela Kaholo Kalaiu Maele
Panako Mr. Lukela
Mr Sam Kala Mrs. Maria Kalahi i
Mr. S. W. Maiola
KALIHI.
Mr. Kapua Emaria Kauluwale
Miss Hattie Kekuuu D. L. Keliihananui 2
Marie Akoni Miss Hilahila Kaaihue
Hololani Kanalo Mr. Manewa
Mr. Iokepa Kalili Mr. D. Waiula
Pane Moke Mrs. Kinolau J. Mailo
Timoteo Kapualei W. H. Kaauwai
Kelina Mrs. Kaanaana
Mrs. Haili Keanu Mr. A. B. Loma Hao
P. Keloha Miss Moohila Kaaihue
Mr. Geo. Kahalekomo3
MAUNAKIEKIE.
Kanani Mrs. Pile
Sam Mahelona
MAEMAE.
Mrs. Melekule Lehua
WAIALAE
Koanui w Makalena
Annie Alapai
IWILEI.
Miss Kahalelaau Mas. P. M. Haili
Mrs. Roses Kaahanui
MANAMANA
Luka w
MOANALUA
Miss Ana
KAMAKELA.
Mr. Joseph Napala Ohas Kalili2
Joseph Keakahiwa
KAMOILIILI.
Miss Saro
ULAKOHEO.
Mr. Josiah Kini
KEPOHONI
Mas. James Pakele Moanauli Waianuhea
Mr. Kamai Ahonui
HAUHAUKOI.
John Punahoa
KAHEHUNA.
Houlu k
KAULUWELA.
Mrs. Palekai Emma Kalamakiui
KAOPUAUA.
Mas. Chas. Haole Mr Robert Palau
Miss Kamaka Mrs. Annie Apua
MAKAAHO.
Lobata Halai
AUWAIOLIMU.
Malaea Wahine Wikolia
Mrs. N. Hiram Mrs. Kaimi Kalino
James D. Mohina Kawehe
Mrs. Kauina P. M. Pakualani
Mr. Palenapa Likelio
LELEO.
Mrs. Louisa Blake Mr. Moke Kahipa
PAUOA
Kaahuna k S. K. Kauiainamoku
Kaholua Aster Maluiki Pahau
Mrs. Julia Kuakini Waipa
Kapela k
HONOKAUPU.
Miss Hanohano Lipeka
NIOLOPA.
Mrs. K. Pohili
NA ALANUI.
Mrs. Annie Kaina Wahinehelela
Mele Kepilino Lui Keoneohilo
B. Ka Mrs. Wahinekapu
Eddie Kahawaii Kaainoa
Euniki
KALIA
Miss L. Koleiki Mrs. Mele Kanohola
Kenakalani Hoopii Mrs. Kukona Kawa
Mrs. Hiwauli Kaluahine
Mrs. Anna Henry Keake
Mrs. Joe K. Luna
NIUHAIPAI.
Keoki Pauole
KAPALAMA.
Luha Henry Kaaa
Miss Kealalaina Makia Opio
W. Kapule Mr. M. Kuka
W. K. Wailemi Julia Kuakiai
Lokai Mas. Albert Kapahi
Mr. D. Kealoha Mrs. Kawaiopua
Mrs. Laika Keaka Pahik@lope
Kauila w Christina Kepiline
Mr. Kauhikoa Mr. J. Makaila
Miss Aggie Kapu Mrs. E. Kaohimaunu
Miss Virginia Kalili L. W. Wailemi
S. W. Kawelohelii Mr. Tom Mollie
Mrs. Malaia Kealia Mrs. Kalai Kaleikau
Mrs. Kaholoaa Mr. David Kaoehana
HONOLULU
S. Kanahele Mrs. E. Kaahananui
Frank Manaha Esq. Geo. Washington
S. K. Kaulliii Mr. J. W. Keeke
Pepena J. W. Hookano
Mr. J. Kalaualii J. Kealoha
J. N. Kaiaikawaha Kaahanui Pomaikai
L. Kaweawea D. Kapu
Mr. Ekela J. W. Lota
Mr. Kapea L. J. Kifu
Mr. S. Kaohi waena Mrs. Puakalani
Aloi Kimo M. Kealoha
J. Kawelo Kahanu Lula Lilloakeana
Luka Kipi Mr. Lukealoha
Sarah Bookela Mrs. Kelakoeoa
Mr. Kaleikoa Mrs. Mele Hookani
Mr. Waiolaura Mr. J. Kaea
Mrs. Kikina Hulu
Karuaine Kaili
C. Kane Kelukuihiwa
Mrs. Emalia Wahinealoha
Kahanaia Kahalewai
Kaluahunia Kamai
Miss Lizzie Kanai Ioela Kahinu
Saniela Keoki Geberon Koloa
Solomon Kaleipio I. Wahineailaau
Miss Pauoa Kamaka Holokahana
M. A. Kealakei Mas. J. Kikai
John Kapule Haoma
Master Charley
N. B.--O na poe na lakou na leia maluna ae, oluolu e ninau mai i na leta i hoolahaia. J. M. OAT, Luna Leta Nui. Honolulu, December 31, 1895.
Hoolaha Hou
Mau Aina Kalo me Kahuahale Wawiai, ma ke Kuai, e ke Komisina.
E NANA MAI NA POE MEA DALA.
MAMULE O KEKAHI OLELO KAUOHA I hanaia e ka Hon. W. A. Whiting, Lunakanawai mua o ka Aha Keapuni o ka Apana Hookoiokole Ekahi, ma ka hihia o Wong Wa Foy et al. kue ia Kaili Kakei et al. i waihoia ma ia hihia i ka la 24 o Dekemaba, 1895, e kuai aku ana ka mea nona ka inoa malalo iho, ma ke akea, ma ka aoao mauka o Aliiolani Hale, Honolulu, i ka
POALIMA, IANUARI, 6TH, 1896, Hora 12 awakea,
i na aina a pau loa i hoikeia malalo iho, e waiho nei iloko e ka mokupuni o Oahu, oia hoi na aina o PEKELO KAKOI, i make kauoha ole. Oiai hoi, e haawi ia aku ana i ka wahine kanemake kona hapakolu (dower) ma ke kanawai, ina ka mahele dala ana, nolaila ma keia kuai e hoolilo ia ku ana kona kuleana iloko o na apana aina a pau loa.
PAPA HOIKE O NA AINA.
Mahele 1.
Hookahi apana aina me ka hale ma Kapuukolo, Honolulu, oia hoi ka P S Nui 5628. Kuleana Helu 548 ia Kinopu, he 40-1000 eka, oi aku a emi mai paha.
A me hookahi aina i pili pu ana, oia hoi ka P S Nui 7332 Kuleana Helu 66 ia Napahi, he 79-1000 eka, oi aku a emi mai paha. E komo aku i keia mau aina ma ke alaliilii mai Alanui Moi malalo e Alanui Maunakea, a puka loa aku i ke Alanui Moiwahine makai. Eia na palapala kuai e pili ana i keia mau aina:
(1) Mai a J Kaona Iulai 5, 1860, Buke 13, aoao 82.
(2) Mai a Keananakahi ma, Dek 18, 1871 Buke 33, aoao 410.
(3) Mai a Kalama ma, Aper 20, 1874, Buke 38, aoao 226.
(4) Mai a Keonipulu, Nov 8, 1875, Buke 43, aoao 473.
Mahele 2
Elua apana aina ma Malamalama, Kailua, Koolaupoko oia hoi ka Palapala Sila Nui 5431, Kuleana Helu 5550 ia Kakoi, he 1.28 eka, oi aku a emi mai paha.
A me elua apana aina ma ia wahi no, oia hoi ka Palapala Sila Nui 6602, Kulena Helu 2697 ia Wana, he 1.20 eka, oi aku a emi mai paha. Ua hoolimalimaia keia mau apana aina eha no 5 makahiki mai Ianuari 1, 1894, no $40 o ka makahiki.
Mahele 3
Hookahi apana aina ma Moa@alua, oia hoi ka P S Nui 351, Kuleana Helu 1217 ia Puhiki, he 35-100 eka oi aku a emi mai paha.
Mahele 4
Hookahi apana aina ma Alanui Liliha, kokoke i na aina o Gaspar Sylva o Waialua, a me Jonathan Shaw o Honolulu, oia hei ka P S Nui 1650, Kuleana Helu 1123 ia Honu, he 91-100 eka, oi aku a emi mai paha.
A me elua apana aina ma ia wahi no, oia hoi ka P S Nui 4467, Kuleana Helu 1727 ia Kupau, he 548 anana, oi aku a emi mai paha. Ua hoolimalimaia keia mau apana ekolu e ka lunahooponopono no 10 mak. mai Ianuari 1, 1895, no $120 no ka makahiki: aole i kakauinoa na pilikoko, nolaila, aole i akaka ka mana oia palapala hoolimalima.
Mahele 6
Hookahi apana aina ma Kaaipu, Manoa, oia hoi kekahi mahele o ka P S Nui 4470, Kuleana Helu 11029, (Pauku 1, Mekuna 3) ia J Stevenson, he 2.016, oi aku a emi mai paha. Ua hoolimalimaia ia Maria Apai no 10 mak. mai Ianuari 1, 1888, no $50 o ka makahiki.
Mahele 6
Hookahi apana aina ma Kaloiiki, Manoa, oia hoi ka P S Nui (Grant) 639 is H liaalilio, he 2 10 eka, oi aku a emi mai paha.
A me hookahi apana aina ma ia wahi no, oia hoi ka P S Nui (Grant) 41 ao Make, he 2.76 eka, oi aku a emi mai paha.
A me hookahi apana aina ma ia wahi no, oia hoi ka P S Nui (Grant) 42 ia Hana Hupa, he 8,18 eka, oi aku a emi mai paha. O keia mau aina he elua mau hoolimalima i hanaia e ka mea i make no na apana kula wale no, hookahi no 10 makahiki mai Ianuari 6, 1894, no $60 o ka makahiki, a o kekahi n@ 6 makahiki mai Iune 20, 1894, no $15 o ka makahiki.
O ke koena o keia mau aina he 25 mahele huikau i hoolimalimaia e na piliho'@@ @o 10 makahiki mai Ianuari 1, 1895, no $8@@@@@@ maka hiki, a o ka 3-5 mahele huikau ke @ aino wale nei, aka ua hanaia e ka lunahoopo @pono he hoolimalima no 10 makahiki mai Ianuari @ 1895 no $260 o ka makahiki, me ka manao e lilo keia 3 5 ma ia hoolimalima ana. O na loaa makahiki o keia mau apana aina he $415 no ka makahiki hookahi, aole nae i maopopo ka mana o ka hoolimalima hope loa.
Mahele 7
Hookahi apana aina ma Lualaea, Manoa, oia hoi ka P S Nui (Grant) 254 ia Amama, he 7.82 eka, oi aku a emi mai paha.
Mahele 8
Elua apana aina ma Kahoiwai, Manoa, oia hoi ka P S Nui 6426, Kuleana Helu 4605 ia Hakau, he 1.28 eka, oi aku a emi mai paha.
Mahele 9
Ka hookahi hapakolu (kuleana huikau) o Pekelo Kakoi, i make, iloko o ka apana aina e waiho la ma Kolealu, Manoa, oia hoi ka P S Nui (Grant) 19 ia Makulu, he 4.50 eka, oi aku a emi mai paha.
He wa kupono keia e makaala na poe makemake e hoomahuahua i ke ola dala a me ka poe @na aina e pili pu ana. He nui wale na wahi i kupono no na kahuahale, a he oluolu ka nohona ma Manoa.
Dala kuike ka rula, e ukuia ma ke dala gula o Amerika Huipuia; a o na lilo no na palapala me ka poe koho no ia.
Na ka Aha e apono mai i keia kuai ana.
No na mea e ae a pau e ninau i ka mea nona ka inoa malalo iho ma kona k@ena ma Aliiolani Hale, Honolulu. HENRY SMITH, Komisina 4ts-2579
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hooponopono waiwai. Ma ka hana o ka waiwai o GEORGE AHUAI o Honolulu mamua, a i make.
Ua waihoia mai he palapala i oleloia oia no ka Palapala Kauoha hope loa a George Ahuai o Honolulu i make ma ka la 2 o Ianuari 1896, imua o ua Aha Hooponopono Waiwai la, a me ka palapala e noi ana e hooiaio ia ua palapala kauoha la, a e hoopukaia na palapala lunahooponopono waiwai ia P C Jones, i waihoia mai e ua P C Jones la.
Ke kauohaia noi, o ka POALIMA, la 31 o IANUARI, M. H. 1896, hora 10 kakahiaka o ua la la, ma ke Keena Hookolokolo o ka Aha ma Aliiolani Hale, Honolulu, oia kahi a me ka manawa i kohoia no ka hoolohe ana i ua nonoi la a me ka hooiaio ana i ua palapala la, a malaila e hele mai ai na poe a pau i kuleana no ke kue ana i ua palapala la ame ka hoopuka ana i na palapala lunahooponopono waiwai.
Hanoia ma Honolulu, Ianuari 2, 1896, Na ka Aha: GEORGE LUCAS Kakauolelo. 2579-3
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka Hooponopono Waiwai o Samuela Kamaka o Honolulu.
Ma ka heluhelu a me ka waihoia ana mai o ka Palapala Noi a Pai Kamaka wahine kanemake, e hoike ana ua make kauoha ole o Samuela Kamaka, no Honolulu, Oahu, ma Honolulu i olelo ia ma ka la 18 o Okatoba, 1895, a e noi ana e hoopaka ia ka Palapala Hookohu Lunahooponopono Waiwai iaia.
Ua kauohaia o ka POALIMA ka la 17 o IANUARI, M. H. 1896, ma ka hora 10 kakahiaka, oia ka manawa i kohoia no ka hoolohe ana i na noi la, ma ka Hale Hookolokolo, ma Honolulu a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la.
Kakauia ma Honolulu, ke Hawaii Pae Aina, Dekemaba 16, M. H, 1895. Na ka Aha: GEORGE LUCAS, Kakauolelo. 2577-3
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hana o ka waiwai o ANTONE KAAHA SYLVA i make kauoha ole.
Ma ka heluhelu a me ka waihoia ana mai o ka palapala noi a Cecilia Keolahilani Sylva e hoike ana ua, make kauoha ole o Antone Kaaha Sylva no Honolulu, ma Honolulu, ma ka la 15 o Okatoba, 1895, a e noi ana e hoopukaia ka Palapala Hookohu Lunahooponopono Waiwai ia Hermann Kaoli.
Ua kauohaia, o ka POAKAHI, la 27 o IANUARI, M. H. 1896, hora 10 kakahiaka, oia ka manawa i kohoia no ka hoolohe ana i ua noi la, ma ke Keena Hookolokolo o ka Aha ma Aliiolani Hale, Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.
Kakauia ma Honolulu, Oahu. K. H, P.A. i keia la 26 o DEKEMABA, M. H. 1895. Na ka Aha: J. A. THOMPSON Kakauolelo. 2578-3
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hooponopono waiwai. Ma ka hana o ka waiwai o Kahula Drew o Honolulu iho nei i make.
Ma ka waihoia ana mai imua o ka Aha Hooko Kauoha, ma ka la 18 o Dekemaba, M. H. 1895, he Palapala i oleloia, oia ka Palapala Kauoha Hope Loa o Kahula Drew i make, ame kekahi Noi e hookoia ua Palapala la, a no ka hoopuka ana aku hoi i na Palapala, Hooko ia S N. B. Hanaia, ka mea nana i waiho mai e Akona Aniana.
Ua kauohaia ma keia, o ka POAKAHI, la 20 o IANUARI, M. H. 1896, hora 10 a.m. o ua la la, ma ke Keena Hookolokolo, ma Aliiolani Hale, ma Honolulu, oia kahi a me ka manawa i koho ia no ka hooiaio ana i ua Palapala Kauoha la, ame ka hoolohe ana i ua noi la, a ma ia wa hoi a ma ia manawa e hele mai ai kekahi mea kuleana a kue i ua Palapala Kauoha la, ame ka haawiia ana o na Palapala Hooko Kauoha.
Hanaia Honolulu, Dekemaba 18, 1895. Na ka Aha: J. A. THOMPSON, Kakauolelo. 2577-3t
HOOLAHA HOU.
AHA HOOKOLOKOLO KAAPUNI APANA Eha o ko Hawaii Pae Aina. Ma ka hooponopono waiwai. Ma ka hana o ka Waiwa o Luisa Kaolohu Conradt i make, o Hilo, Hawaii.
Ma ka heluhelu ana a me ka waihoia ana mai o ka Palapala Noi a me ka Iloike Waiwai a Wm Conradt Lunahooko kauoha o ka Waiwai o Louisa Kaolohu no Hilo, i make, a maloko o ia noi i nonoi mai ai oia e ae ia ka huina $560.38 a e "kaki" ana ma ona iho, $92.00, a nonoi pu mai e uanaia a aponoia ua hoike la, a e hoopukaia ke kauoha hope no ka mahele ana i ka waiwai e koe nei ma kona lima i na poe i kuleana ma ia mau waiwai, a e hookuu ana iaia a me kona mau hope mai na koikoi mai a pau o -----
Ua kauohaia, o ka POALIMA, la 17 o IANUARI, M. H. 1896, ma ka hora 10 a.m. mamua o ua Lunakanawai nei, ma ke Keena, ma ka Hale Hookolokolo ma Hilo, oia ka manawa a me kahi no ka hoolohe ana i ua Noi la a me ka Hoike Waiwai, a malaila a ma ia wa e hele kino ae ai na poe a pau a e hoike mai i kumu, ina he kumu ka lakou, heaha la ka mea e ae ole ia ai noi, a e waiho pu mai lakou i na mea hoike no ka poe i kuleana i ua waiwai la.
Hanaia ma Hilo, Hawaii, i keia la 14 o Dekemaba. M. H. 1895. Na ka Aha: DANIEL PORTER, Kakauolelo. 2577-3
AHA HOOKOLOKOLO KAAPUNI APANA Elima o ko Hawaii Pae Aina. Ma ke Keena Hooponopono Waiwai. Ma ka hana o ka waiwai o
W. B. Naumu o Kekaha, Kauai i make. Imua o Lunakanawai Hardy. Kauoha no ka hoolaha no ke noi e hooponopono ia ka waiwai.
Ma ka heluhelu ana a me ka waihoia ana mai o ke noi a S. Brandt o Waimea, Kauai, e hoike ana, ua make kauoha ole o W. B. Naumu o Kekaha, Kauai, ma Kekaha, Kauai, ma ka la 27 o Ianuari, M. H. 1895, e waiho ana he waiwai maloko o ko Hawaii Pae Aina i kupono ke hooponoponoia, a e nonoi ana e hoopukaia aku na Palapala Hookohu Lunahooponopono Waiwai iaia, ia T. Brandt i olelo ia ae la maluna.
Ua kauohaia o ka POAHA, la 9 o IANUARI, M. H., 1896, hora 10 kakahiaka, oia ka la i hookaawaleia no ka hoolohe ana i ua noi la, ma ke keena hookolokolo o keia Aha me Nawiliwili, a ma ia manawa a ma ia wahi hoi, e hele mai ai ka poe a pau i pili i na hana o ua waiwai la a hoike mai i kumu, ina he kumu ka lakou e aea ole ia ai ua noi la, a hoolahaia keia olelo hoolaha ma ka olelo Hawaii no ekolu pule kai-like maloko o ka Nupepa Kuokoa ma Honolulu.
Hanaia ma Lihue, Kauai, K. H. Pae Aina, Dekemaba 2, M. H. 1895. (Kakauinoaia) JACOB HARDY,
Lunakanawai o ka Aha Kaapuni o ka Apana Elima. Ikeaia: Kakauolelo o ka Aha Kaapuni Apana Elima. 2576-4t
Olelo Hoolaha a ka mea Paa Morika no ka Makemake o Hooko i ka Moraki a e Kuai aku.
I KULIKE AI ME NA OLELO O KEKAHI Moraki hauaia e CHRISTINA GERTZ a me ANNA GERTZ, kana wahine, ia J A Magoon he KAHU MALAMA WAIWAI no C. H. Banning a me B R. Banning, i hanaia Dek. 11, 1894, kopeia maloko o ke Keena Kakau Kope, Oahu, maloko o ka Buke 150, aoao 272 a pela aku, ke haawila aku nei ka lohe, ma keia, ua makemake ka mea paa moraki i oleloia e hooko aku i ua moraki la no ka uhaiia ana o ka aelike, oia hoi, ka hookaa ole ia ana o ke kumupaa a me ka ukupanee, ma ka wa no ka hookaa ana.
Ke haawi pu ia aku nei ka lohe, mahopo iho o ka pau ana o na pule ekolu mai keia la aku, e hoolahaia aku no no ke kuai, a e kudalaia aku nohoi, mo ka hale kudala o W. S. Luce, Honolulu, mu ka Poakolu, Ianuari 29, 1896, ma ka hora 12 o ke awakea o ua la 'la.
No na mea i koe, e ninau ia J. A. Magoon, Kahu, a i ole, ia. DORATHEA LAMB Hanaia, Honolulu, Dek. 28. 1895. Honolulu Hale, Alanui Kalepa.
Eia iho na waiwai e kuai ia aku ana:
Akahi O kela apana aina apau e waino la ma Alanui Moiwahine, Honolulu. Oia kekahi hapa o ke Kuleana 16.
Alua O kela apana aina apau e waiho la ma Kawaiahao, oia kela Apana (Lot) 13, Palapala Sila Nui 1758 a 1958 paha.
Akolu Lako hale ma ka pahale e noho ia nei e Gertz i oleloia ai la ma Kawaiahao.
Ahe Na waiwai--na Kamaa Buti a me na Kamaa haahaa e waiho, nei i keia wa maloko o ke Keena Kudala o W. S. Luce i oleloia.
Kuike ke dala, ma ke Dala Gula o Amerika. O na palapala kuai, na ka ma i lilo ai keia mau waiwai e uku. 4ts-2579
Hoolaha Manao Hooko Moraki ame ke Kuai.
Ke hoolahaia aku nei ma keia, mamuli o kekahi mana hoolilo i hoikeia maloko o kekahi Palapala Moraki i hanaia i Iune 1, 1895, e Henry Johnson o Honolulu, mokupuni o Oahu, ia H. F. Lewis, F. M. Lewis & E. L. Lewis, @ lawelawe oihana ana malalo o ka inoa hui o LEWIS & CO, o Honolulu i oleloia, i kopeia ma ke keena o ka Luna Kakau Kope Aupuni iloko o ka Buke 153, ma na aoao 293, 294, 295, eia o Lewis & Co i oleloia, o na Poe Paa Moraki, ke manao nei i paniku aku i ka moraki i oleloia no kekahi uhaki ana i na kumu i hoikeia maloko o ka moraki i oleloia, eia hoi, he hookaa ole i ke kumupaa a me ka ukupanee i ka wa i kupono ai e hookaaia.
A ke hoolahaia aku nei no hoi ma keia, o na pono a me na waiwai a pau loa i hoikeia a i hoakakia ma ka Moraki i oleloia, e kuai ia aku ana ia ma kekahi kuai kudala akea ma ka hakekuai ma na kauhale a Burua, ma Alanui Hotele, me Honolulu i oleloia, i akaka ma ka inoa o ka "Palace Candy Store," ma ka POAKAHI, ka la 29 o Ianuari, 1896, ma ka hara 12 awakea o ka la i oleloia.
Penei iho ka hoakaka ana o ka waiwai ma ka moraki i oleloia, oia hoi, "o ka oihana a pau i lawelaweia mamua aku make kahua ma na kauhale o Burua ma Alanui Hotele, ma Honolulu, malalo o ka inoa o ka "Palace Candy Store," a pau pu me na kopaa, glucose, ko-omo-omo, na kika, na pahu hoikeike auiani, waihona wai-momona, mau apana pohaku mabala, na mea hoopihapiha, mikini a me na lako hana, a pau no hoi me na lako palapala, na buke, na palapala i paiia, na nupepa, na mea paani a na kamalii a me na waiwai o na ano e ae maloko o ua halekuai la. LEWIS & CO, Poe Paa Moraki
Kuike na kumu. I ka mea kuai na lilo hana palapala. No na mea hou aku i koe, e ninua ia. W. S. EDINGS. Loio no na Poe Paa Moraki
Honolulu, Ianuari 6, 1896 tf-2597
Hoolaha Hooko o ka Moraki a me ke Kuai.
KE HOOLAHAIA AKU NEI KA LOHE I NA mea a pau, i kulike ai me ka mana kuai i hookomoia iloko o kekahi moraki i hanaia i ka la 21 o Dekemaba, 1891, e Charles Molteno o Honolulu, Mokupuni o Oahu, ia Robert McKibbin o ua Honolulu la, kopeia ma ke Keena Kakau Kope o ke Aupuni Buke 129, aoao 393-394, ke makemake nei ua Robert McKibbin nei, mea e paa ana i ka moraki, e hooko aku i ua moraki la no ke kumu o ka uhakiia o ka aelike iloko o ua moraki la, oia ka hookaa ole ia o ke kumupaa a me ka ukupanee i ka wa e hookaa ia.
Ke hoolaha hou ia aku nei ka lohe, o kela mau aina a pau, na pono hoaaina a me na pilikana iloko o ua moraki la, e kuai ia aku ana ma ke kudala akea ma ka halekudala o James F. Mogana ma Alanui Moiwahine, Honolulu, ma ka Poakahi la 27 o Ianuari 1896, hora 12 awakea oia la.
O ka waiwai i paa maloko o ua moraki la, oia keia malalo iho nei:
O kela aina e waiho ana ma Kamuliwai, Manana, Ewa, ma ua mokupuni la o Oahu, a oia ka aina i kuhikuhiia maloko o ka Palapala Sila Nui Helu 233 Mahele Aina Helu 7448 ia Kamamaka, nona ka ili he hookahi eka, 2.06 mau anana a i hoolilo ia mai ia Charles Molteno nei ma ka palapala kuai hanaia i Novemaba 24, 1890, kepeia ma ka buke 133 aoao 255.
O kela apana aina hihia ole e waiho la ma Manananui ma ua Ewa la, oia ka Apana 2 o ka Palapala Sila Nui Helu 175 Mahele Aina Helu 7439, a penei na kuhikuhi ana:
Apana 2--Pahale ma Manana nui, Ewa, Mokupuki o Oahu. E hoomaka ana ma ke kihi Hema, alaila, holo Akau 5` Hik 121, 44 kapuai e pii ana i ka pa lepp, alaila Akau 4` Kom 148.50 kapuai, alaila, holo Hema 55` Kom 122.10 kapuai e pili ana i ko Kamamaka, alaila, holo Hema 40` Hik 148.50 kapuai a hiki i kahi o ka hoomaka ana, o ka ili he 3.66 kaulahao kuea, oi aku a emi iki paha, a oia no ka aina i hooliloia mai i ua Charles Molteno ma ke kuai i Okatoba 3, 1891, kopeia ma ke Keena Kakua Kope Buke 133 aoao 391--493. ROBERT McKIBBIN. Mea e paa nei i ka Moraki.
Kuike ke dala. Na uku hana palapala i ka mea e lilo ai. No na mea i koe, e ninau ia J. M. Mansarrpt Loio no ka mea e paa nei i ka moraki.
Honolulu, Ianuari 3, 1896. 4ts-2579
Hoolaha Waiwai o Mele Hoomoeapuli i make.
KE HOOLAHAIA AKU NEI, O NA POE A pau he mau koi ka lakou i ka waiwai @ MELE HOOMOEAPULI i make, e waiho mae i ka lakou mau koi i hooiaio pono ia iloko e @a malama eono mai keia la aku, ina paha ua hoopaa ia a hoopaa ole ia ma ka moraki; ia'u ma ko'u hale ma Kawaihapai, Waialua, mokupuni o Oahu.
Aina aole e waiho ia mai iloko o ia manawa, alaila, e hoole mau ia aku no lakou. O na poe apau i aie i ua waiwai la, ke kanoha ia aku nei lakou e uku koke mai ia'u.
Hanaia ma Kawaihapai, Mokupuni o Oahu, Dekemaba 7, 1895. G. W. KAHANAUMAIKAI. Lunahooponopono o ka waiwai o Mele Hoomoeapuli i make. 2575-5ts
HOOLAHA HOU.
OLELO HOOLAHA
O MR. JOAQUIN DUTRO JR., o Waliuku, Mani, aole loa ia iloko o ka makou hana, a, aole no hoi oia i hoomanaia aku e lawelawe hana no @a makou Hui. O kana palapala hookaa dala @ hana ai, aole ia i mana. CALIFORNIA WINE CO. Honolulu, Ianuari 2, 1896. 3wks-2579
OLELO HOOLAHA.
O MR. J. P. SYLVA, o Hana, Maui, mamua, aole @a@i keia wa maloko o ka makou hana, a aole no hoi oia i hoomanaia e lawelawe hana hou aku no ko makou Hui. CALIFORNIA WINE CO. Honolulu, Ianuari 2, 1896. 3wka-2579
Kuai a ka Ilamuku.
MAO KA MANA O KA PALAPALA HOOmalu Waiwai i hoopukaia e ka Aha Apana, ma ka la 19 o Dekemaba, A. D. 1896, e kue ana ia Poe Wallace, mea hoopilia, ne ka pono o J. I. Dowsett, mea hoopii, no ka hui@@ @ $203.00. Ua hoomalu a e kuai aku ana me ka Hale Hookolokolo maloko o ka Apana o Waianae, Mekupuni o Oahu, ma ka hora 12 @ ke awakea, e ka la 3 o IANUARI, A. D. 1896, i ka mea koho kiekie loa, i na pono, kuleana a waiwai o ua o Pie Wallace ka mea hoopilia, i olelo ia, iloko o na waiwai i hoikeia mahope ae nei, aia wale no a hookaa e ia mai ka olelo hoohol@ i oleloia, ka ukupanee, na koina ame na lilo:
PAPA HOIKE O NA WAIWAI E KUAI IA ANA.
1 Aina hoolimalima, Poe Wallace a me "Kealiikoa," e waiho ana ma Waianae-uka, Palapala Sila 471, Kuleana Helu 2999, e uohoia nei e Geo. Wallace.
1 Hale iaau ame na pono maluna iho o ua aina la.
2 Loi kaio.
1 Hale uuku, kokoke i ke Alanui Aupuni, ma Waianae, Oahu, e nohoia nei e kekahi mea o "Riki" (Pukiki).
1 Paa pipi hana..
W. J. SHELDON, Hope Makai Nui o Waianae, Oahu. 2573-3t
Olelo Hoolaha Hui.
KE HOOIAIO AKU NEI KEIA O GEORGE McDONGALL a me GEORGE W. McDONGALL o Kailua, Mokupuni o Hawaii, a me William P. McDongall o Kohala. o ka Mokupuni o Hawaii i oleloia, oia ko loko o ka Hui o G. McDongall & Sons e lawelawe oihana ana me Kona Akau, ma ka hana Hanai Pipi, Kanu Kope, Malama Haluai a Poe Kalepa Waiwai o kela ame keia ano. G. McDONGALL & SONS 2579-2ts
Olelo Hoolaha I na Poe Ale.
OIAI, UA HOOKOHU PONO IA MAI KA mea nona ka inoa malalo iho nei i Lunahooponopono no ka Waiwai @ Mahee (w) o Koloa, Kauai mamua iho nei, a i make hoi ma keia ke haawiia aku nei ka lohe i ua kanaka a pau, he mau koi ka lakou ia Mahoe w) i olelo ia, e hoouna mai ia mau koi i ka mea nona ka inoa malala iho nei, ma kona koena ma Koloa, iloko o eono mahina mai keia la aku, a i ole ia, e hoole mau ia aku no lakou.
Kakauia Koloa, Dekemaba 18, 1895. J. K. FARLEY, Lunahooponopono o ka Waiwai o Mahoe (w). 2578-3t
Olelo Hoolaha i na Poe Ale.
OIAI, UA HOOKOHU PONO IA MAI KA mea nona ka inoa malalo nei i Lunahooko Kauoha no ka Waiwai o 8 K. Holokai o Hauuia, Koolauloa, Oahu, mamua, a i make; ma keia, ke haawiia aku nei ka lohe i na poe a pau e waiho mai i ka lakou mau koi ne ua waiwai la o S. K. Holokai, i hooiaio pono ia, ina paha, ia hoopaa ia ma ka moraki a ane e ae paha, ia Kikila Baraunu (Cecil Brown) ma kona Keena, ma Alanui Kalepa, Honolulu, Oahu, iloko o eono (6) mahina mai keia la aku, a i ole, e hoole mau loa ia aku no. A o ka poe a pau i ale i ua waiwai la, ke kauoha ia aku nei ma keia e hookaa koke mai i ka mea nona ka inoa malalo iho nei, ma ke Keena o Kikila Baraunu.
Hanaia ma Honolulu, Dek. 28, 1895. ELENA KAHELE
Lunahoponopono Hooko Kauoha no ka Palapala Kauoha Hope a Hooilina a S. K. Holokai, i make. 2573-4t
Olelo Hoolaha
MAMULI O KA MANA A KEKAHI PALApala Ohi Waiwai i hoopukaia e ka Aha Apana o Koolaupoko, Oahu, ma ka la 21 o Dekemaba M. H. 1895, no ka pono o Yum You Co. kue ia Sun Lee ma i na dala he $71.30. Nolaila ua ohiia a hoomaluia e a'u a e kuai kudala ia aku ana ma ka Hale Hookolokolo me Kaneohe, Hoolaupoke, Oahu, ma ka hora 12 awakea o ka Poalua, la 21 o Ianuari M. H. 1896, na pono, na pomaikai ame na kukeana e na ano a pau o Sun Lee ma i na waiwai i hoakakaia malalo nei, ke ole e uku ia mai ka olelo hooholo i oleloia ame na koina a pau e pili ana ia mea.
NA WAIWAI.
2. Lio, 2 Upena nui, 1 Waapa me 8 hoe, 9 Manu kaka (Bucks), 4 Moa. @ Ipuhao, 1 Pohaku hoana, 2 Noho lio. 1 Hoolimalima kai lawaia a Heeia no eiwa (9) makahiki i koe. (Kakauinoaia) F. PAHIA.
Hope Makai Nui no na Koolau, Oahu. Dekemaba 26, 1885 2578-4
Hoolaha Hoohui
Ma keia ke hoolahaia aku nei no, o makou o Chun Kow, Pang Wah Chup, Wong Tau Yick, Lau Kit Kiu, Lau Hop, Pany Say Mau, Ung Sam Ling, Hung Yee, Lau Sat Tong, Lau Sun, L. Akau, a me Wong Chong Hee, no Mekuleia, Waialua, Oahu, ua hui ae nei makou malalo o kekahi Hui malalo o ka inoa Hui Wing On Wai Co.
O ka hana a ka Hui, eia na ke kanu ana, mahi ana, a kuai aku i ka laiki ma Mekuleia i oleloia.
O ke kahua hana o ka Hui, aia ne ma Waiaiua Oahu.
Hanaia, Nov. 27, 1895.
CHUN KOW
PANG WAH CHUP
WONG YAU YICK
LAU KIT KIU
LAU HOP
PANG SAY MAY
UNG SAM LING
HUNG YEE
LAU SAT TONG
LAU SUN
L. AKAU
WONG CHONG HEE
2577-3
Hoolaha a ka Lunahooponopono Waiwai.
MAMULI O KA HOOKOHUIA ANA O KA mea nona ka inoa malalo iho, he lunahooponopono no ka waiwai o HONUAKAHA ko Ewa. Mokupuni o Oahu, i make kauoha ole. Nolaila, ke hai ia aku nei ka lono i kela a me keia mea ina he koi ka lakou, e waiho ae imua o ka lunahooponopono ma kona keena ma Aliiolani Hale, Honolulu, Oahu, mamua o ka pau ana o no mahina eono, a i ole, e hoole loa ia ana ia mau koi. A o ka poe i aie i ka mea i make, ke kauohaia aku nei lakou e uku koke ae i ka lunahooponopono. HENRY SMITH.
Lunahooponopono Waiwai o Honuakaha k. Honolulu, Dekemaba 6, 1805. 2576-5
Hoolaha a ka Lunahooponopono Waiwai.
NO KA MEA, o ka mea nona ka inoa malalo iho, ua hookohu pono ia mai oia e ka Mea Hanohano W. A. Whiting Lunakanawai Ekahi o ka Aha Kaapuni Ekahi. I Lunahooponopono no ka waiwai o Clarisa E. Cummings i make.
Nolaila, ke hoolahaia aku nei o na poe a pau he mau koina ka lakou i ka waiwai o ka mea i make.
E waiho mai i ka lakou mau koi iloko e na malama eono mai keia la aku, ina paha ua hoopaa ia a hoopaa ole ia paha ma ka moraki, a ina aole e waihoia mai iloko o ia manawa, alaila e hoole mau loa ia aku no. O na poe a pau loa i ale i ka mea i make, ke pauohaia aku nei lakou e uku koke mai i ka mea nona ka inoa malale iho, ma kona Keena ma Kapuaiwa Hale, ma Honolulu.
Hanaia ma Honolulu, Iulai 29, 1895. W. H. CUMMINGS. Lunahooponopono o ka waiwai o Clar@@@ E. Cmmings i make. 2539-2-17-95
Nalowale
UA HAULE A NALOWALE HE BILA KIkoo Dala ka Banako o Bihopa, nona ke Helu 23884, nona hoi ka huina dala he $96, no ka pomaikai o ka Papa Ola, a ua kaohila ka uku ia ana o ua bila la. M. S. GRINBAUM & CO. Ltd. Honolulu, Nov. 20, 1896. 2576-3