Ka Nupepa Kuokoa, Volume XXXIV, Number 50, 14 Kekemapa 1895 — Ke Kahu Kula Nui. [ARTICLE]

Ke Kahu Kula Nui.

Ma ka la 1 ae nei o lanuan o keia makahiki ae, e waiho mai' ai o Mr. A. T. Atkinsoo, ke Kahukula Nui, i ka noho ana ma ia Oihana, malalo oka Papa Hoonaauao. A ua hookohu ka Papa ia Henry S. Townsend, ke Kumu nui o ke Kulanui o Lahainaluna, ma ka oihana a Mr. Atkinson e waiho mai ai. Oke kumu nui o keia waiho ana ī ka hana no ka nawaiiwali o ke ola kino. Eia ka Mr. Atkinson palapala waiho oihana i kakauia ma ka la 29 o Okatoba: Ika Peresidena ame na Hoa o ka Hoonaauao—E na Lede ame na Keonimana: Ua konoia mai au e nonoi aku ia oukou e hookuu mai ia'u, mai ke kulana mai a'u e paa nei i kela wa, ola ka Lunakola Nui no na Kula. Aole i lawa ka ikalka o ko'u klno no ka laweiawe ana i na hana oia oihana. īna e hiki ana ia'u ke lawelawe aku no ka Papa ma kekahi kulana, e hiki ai ia'u ke noho ma Honoiuiu nei, a e kakaikahi ai hoi na wa e kaawale aku ai mai ia nei aku, hauoli auanei au ika hana ana aku ia hana.

Ke manao nei au, e hiki paha ia'u ke olelo ae no ka'u i hana ai ma ka'u oihana iloko ona makahiki ewalu i haia ae nei, ua loaa ia'u na kula ma ke kulana maikai ole loa, a ke waiho nei au ia lakou ma ke kulana maikai loa ae, mamua o ka wa a'u i noho ai a nana aku la lakou. He moolelo keia na'u e haaheo ai. Ke hoomaikai aku nei au ia oukou no na manao oluolu ame na manao paulele like i hoikeia mai ia'u, oiai ko'u wa e paa ana i ka Oihana. Owau iho no, Ko oukou oiaio, Alatau T. Atkinson, Kahukula Nui o na Kula. Ma ka la 14 o Novemaba &ku nel, ua haawi aku la ka Papa Hōonaauao, ma o ke Kakauoielo la he olelo hoomaikai ia Mr. Alkinaon.