Ka Nupepa Kuokoa, Volume XXXIV, Number 49, 7 December 1895 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

 

@ me @

 

Ko Hawaii Paeaina i Huiia

 

@@@@@@

 

o ka Makahiki . . . 1200

No E@ aki@ . . . 100

 

HOOPUKAIA E KA

HAWAIIAN GAZETTE @O

 

GEO. H. PARIS,  Luna Nui.

 

No Honolulu, Oahu, Lakou a pau

 

POAONO, DEKEMABA 7, 1895

 

KULA SABATI.

 

HAAWINA XXXIX @ DE@. 22.

 

Ko Iesu Hanau ia ana.  Luka 2:8-20

 

            AIA i kela aina he mau kahuhipa e noho ana i ke kula, a e kiai ana i ka lakou mau poe hipa i ka po.

            9  Aia hoi!  Kau mai la ka anela o ka Haku io lakou la, a hoomalamalama mai la ka nani o ka Haku ia lakou a puni, a makau loa iho la lakou.

            10 A olelo mai la ka anela ia lakou, Mai makau oukou no ka mea, eia hoi, ke hai aku nei au ia oukou i ka mea maikai, e olioli nui ai e lilo ana no na kanaka a pau.

            11 No ka mea, i keia la i hanau ai, ma ke kulanakauhale o Davida, he Ola no oukou, oia ka Mesia ka Haku.

            12 Eia hoi ka hoailona no oukou, e loaa auanei ia oukou ke keiki ua wahiia i ke kapa keiki, e moe ana ma kahi hanai holoholona.

            13 A emo ole mai la ka lehulehu o ka puali o ka lani me na anela la, e hoolea ana i ke Akua, e olelo ana,

            14 E hoonaniia ke Akua ma na lani kiekike loa, a he malu hoi ma ka honua; he aloha no i kanaka.

            15 Eia hoi kekahi, a hoi aku la na anela i ka lani, mai o lakou aku, olelo iho la ua mau kanaka kiai hipa la kekahi i kekahi, Ea, e haele kakou i Betelehema e ike aku hoi ia mea a ka Haku i hoike mai nei ia kakou.

            16 Haele wikiwiki lakou, a ike iho la ia Maria, a me Iospa, a me ke keiki, e moe ana ia ma kahi hanai holoholona.

            17 A ike lakou, hoolaha aku la lakou i ka olelo i haiia mai ia lakou no ia keiki.

            18 A o ka poe i lohe a pau, mahalo iho la lakou no na mea i haiia ku ia lakou e ka poe kahuhipa.

            19 Kaohi iho la o Maria ia mau mea a pau me ka hoomana iho iloko o kona naau.

            20 A hoi mai la na kahuhipa, me ka hoonani a me ka hoolea i ke Akua no ia mau mea a pau a lakou i lohe ai a i ike ai hoi, e like me ka mea i haaiia mai ia lakou.

 

            PAUKU GULA.  Luka 2:10.  Ke hai aku nei au ia oukou i ka mea maikai, e olioli nui ai.

            MANAO NUI.  E pono ke hauoli nui no ka wa hanau o Iesu, ke alii Hoolaulea.

            OLELO HOAKAKA.  Oiai aole paha ka la o Dekemaba 25 ka la hanau ma ka oiaio no ko kakou Haku Iesu, oia no ka la i aeia iwaena o na lahui Karistiano a pau loa, e like me ko keia aupuni o Hawaii nei malama ana i ka la 11 o Iune me he la hanau la no Kamehameha ka Nui.  Ua moakaka loa ka moolelo Baibala.  Ma na pauku mua o keia mokuna, ua hoike mai o Luka i ke kumu no ko Iesu hanauia ana ma Betelehema, oia o Nazareka ka wahi noho o kona makuawahine.  Ua kauoha e ka Emepera Roma e heluia na makaainana a pau loa.  No kela a me keia ohana Iudaio kona wahi noho: nolaila ua heluia ka poe mamo a Davida ma Betelehema.  O Iosepa a me Maria, laua a elua, he mau mamo no Davida mai.  Nolaila ua hele aku laua i ua kauhale la, a heluia.  Aka nae ua piha loa ka hale hookipa.  O ka wahi noho hookahi, oia no ka hale holoholona.  Malaila ua moe laua, a malaila no hoi ua hanauia o Iesu.  O kona wahi e moe ai, oia no ka pahu hanai no na holoholona.  Ua olelo ia ma na wanana kahiko kona wahi a me ka wa nona i hanauiai; aka nae aole i hoohana kekahi kanaka i na hana i mea e hookoiai ua mau wanana la.  Ua hana na kanaka mamuli o ko lakou mau makemake okoa, oiai nae ua hooholo lakou i ka manao o ke Akua Mana Loa.  Aole i ike ka Emepera Roma i ka inoa o Iehova, aka nae ua hooholo oia i kona manao, a loaa ia Maria ka wahi a me ka wa hanau kupono i kona manao.  He wa kupono loa ia no kekahi mau kumu.  Ua hoomalu ke aupuni Roma i na lahui kanaka a pau loa, a noho ka lahui a pau me ka maluhia.  Ua hoolahaia ka olelo lahui Helene ma na aina a pau, a kakau ia ke Kauoha Hou ma ua olelo la.  Ua hoopuehu ia na kanaka Iudaio ma kela ame keia aina.  Ua lawe pu Iakou i ko lakou mau palapala hemolele, o ke Kauoha Kahiko.

            8.  AINA, @ na kula hanai holoholona apuni ia Betelehema.  9.  KAU @ hiki lele, o ka huaolelo pololei: aole i oleloia ko ka anela iho ana mai maluna o lakou.  NANI, @ ka Sekina, ke aiai alohilohi, ka hoailona o ko ke Akua maalo ana.  10.  MAIKAI, @ oi aku ka maikai mamua o na lono e ae.  11.  OLA, @ Hoola no ka poe hewa, ma ka hooeueu ana i ke aloha hou kupuno i ke Akua.  MESIA, @ Ka Mea i Ponoia, ma ka olelo Hebera, ka inoa wanana no Iesu, no kona oihana laa ano nui.  12.  HOAILONA, @ e hooiaio ai i ka lono, a hooikaika i ko lakou manaoio.  13. PUALI, @ i hoonohoia ma na papa okoa no ka hooholo pono ana i keia hana.  14.  HOONANIIA, @ oia ka hana hoomana ma ka lani, e hauoli ana no ka nani a ke Akua, oia no kona hemolele.  15.  HAELE, @ i mea e ike pono ai no lakou iho.  16.  WIKIWIKI, @ aole molowa, hoomaloka, oiele, e like me ka hapanui o na kanaka ma ka imi ana i ka Hoola. 

17.  HOOLAHA, @ oia ka manao mua o na mea i loaa ai ia lakou ka manaoio e olai.  18.  MAHALO, @ ua nui loa na kanaka e mahalo ana i ka pono oiaio; aole hooholo lakou i ka pono.  19.  HOOMANAO, @ nalu, poonoonoo kuliu, me ka hoohalike ana i na mea i hanaia me na olelo a ke Akua ma na palapala hemolele.  20.  HOONANI, @ no ke ano nui o na mea i oleloia.  HOOLEA, @ no ke ano oluolu a ua mau mea la.

 

            I.  KA HIAA ANA O NA KAHUHIPA, 8-12.  Owai kekahi poe ma na kula o Betelehema e kiai ana i ko lakou mau hipa, a lilo lakou i mau mea alakai no ko ke ao holookoa?  Heaha ke kumu o ko lakou kiai ana?  Heaha ka lakou mea i kamakamailo ai?  Owai ka mea ana i ike ai lakou?  Heaha ka manao o ua poe kahuhipa la?  Heaha kona lono i hai lea mai ai?  No ka pono owai anei keia mea maikai?  Pehea i maopopo ai kahi a Iesu i hanau iai?  I ka wa hea anei keia mea kupaianaha?

            II.  KE MELE O NA ANELA, 13-14.  Owai ka poe i hele pu ai me ka anela?  Heaha ko lakou hana?  Heaha ko lakou mele?  Pehea i hoonaniia ke Akua Mana loa ma keia hanau ana?  Pehea i hoopomaikai ia na kanaka?  Pehea i hoomoakaka ia ka olelo o keia mele ma na apana Baibala e ae, Kol. 1:19-20; Hoik. 5:13?  Ua nui ae anei ka maluhia o na lahuikanaka a i ole paha ua nui ae na kaua huliamahi?  Ua nui ae anei ke aloha o na kanaka, ko kekahi i kekahi, a me ko lakou aloha aku i ke Akua?

            III.  KE KEIKI HEMOLELE I HANAU AI, 15-20.  Heaha ka olelo paipai o na kahuhipa, o kekahi i kekahi?  Heaha ko lakou hana i hanai?  Heaha ka mea i loaai ia lakou?  Heaha ka manao o ka poe i lohe ai i ko lakou olelo hoike?  Heaha ka hana a Maria?  Pehea i hoike ai ka poe kahuhipa i ko lakou olioli?  Pehea e pono ai kakou ke loaa keia kino maikai?  Ua ike anei oe ia Iesu he kanaka wale no?

            MANAO PILI,  1.  Ua pili anei ko Iesu oihana hoola i kona ano hanau?  2.  Ua loaa anei ia oe keia ola hou ma o Iesu Karisto la?  3.  Ke hoolaha aku nei anei oe i ka mea e hauoli nui ai?  4.  Ua pule aku anei oe ia Iesu e loaa ai ia oe ka pomaikai kupono?  5.  Pehea i hoopiliia ke ola hou i kou manaoio ana?

 

NA LETA

 

            Aole o makou makemake e lawe i ke koikoi o na hala no na manao i hoopuka i amalalo o keia poo.

 

@@@@@@@@

KA AKEAKAMAI.

@@@@@@@

NO KA TEREMONETA.

 

            O ka Teremoneta, he mea ana ia e maopopo ai ka wela a me ke anu, a ua pili no hoi keia mea i ka wai dala, a pela pu no hoi i kekahi mau metala paa e ae.  Pela no ka ike ia ana e kekahi kanaka akeakamai, nona ka inoa o Fareneheita, a ua pani ia kekahi o ua wai dala la iloko o kekahi ohe aniani, a ua hoailona ia ka ohe i na degere, i ike ia ma ua mau degere la kahi e holo ai o ka wai dala iluna a ilalo, i ke ano o ke ana ana.  Ua hooponopono oia i ke degere haahaa loa o ka ua ana ma ka mea ana i manao ai oia ke degere oi loa o ke anu @ oia ke @nu i loaa ma ka hui pu ana i ka ha@ i paa me ka paakai; a ua kapa aku o@ ia ia degere he ole.  Alaila, hoo @o la oia i ka ohe iloko o ka wai i pa @ila ia, a ike iho la oia i ke kiekei @ ka pii ana ae o ka wai dala iloko o @a ohe, a hoailona iho la ia wahi.  O ke kowa mawaena o ka ole me @ wai i baila ia, ua maheleia i na degere elua haneri me umikumamalua.  Ma na degere kanakolukumamalua, ua paa ka wai.  O keia na hooailona nui e like me ko lakou kapaia ana ma ka mea ana.  Nolaila, i na keia mea, e hoomaopopoia ai na degere o ka wela o kekahi mea, aole maluna loa aku a malalo iho o na o@ elua o ka mea ana; aka, i ka manawa a kakou e ana ai i ka wela pa@ kela loa e hehee ai ke aniani, a i ke degere hoi o ke anu o paakiki ai @ka wai dala, alaila, he mau mea hai@ oko e ae ke hana ia aku ana.  E paakiki ana ka wai dala ke hiki @ku i ke degere kanaha malalo iho @ ka ole; a o hehee no ke aniani ma l@ degere hapa iho o ka wela e heh@ ai ka hapanui o ka metala; aka, n@ kela a me keia mea maa mau, ua kupono iho la no ke ana o ka teremoneta wai dala.  Mahope o keia i pau mean o pau, he mea e hiki ai i ka poe kaapuni honua i na wa a pau, ke nana i na ea o na aina e, a i aka @ ai ka like a me ka like ole o n@ wahi a pau, ke nana i na ea o na aina e, a i akaka ai ka like a me ka @ ole o na wahi a pau.

            He mea hoi ia e pono @ ka poe hana ma na hana akamai @ (@) a he mea e kokua ai @ na kanaka paahana i ka ike ana i @ degere o ka wela, e pili ana i ka lakou mau hana menemene, kahi e hoopoino ia ai ka hana, ke oi aku ka wela mamua o ka mea kupono.  He mea maikai no hoi ka hiki ana e ike i na mea e pili ana i keia, a e hookalike i ko kekahi kau a me ko kekahi, a e hai mua ai hoi i ka manawa e hiki mai ai ka wa wela loa a me ke anu loa.  Nolaila, ke ao mai nei ka mea ana Fareneheita ia kakou i ke kupono ana o na hana a ke Akua i ka mahalo ia, ma ka hoike ana mai i ke ano like loa ma ka averika o kahi kau me kekahi kau okoa aku.

 

Me ke mahalo,

S.H.P. Kalawaiaopuna,

Kalaupapa, Nov. 21, 1895.

 

Na Hana Ekaeka a Kekahi Mau Lala

o ka Oihana Hoomalu o Lihue nei.

 

@@@@@@@

 

            Mr. Lunahooponopono o ka Nupepa Kuokoa, Aloha oe:

            E oluolu mai kou hanohano e awai koke ae oe i ke ki o ka ipu kukui uwila, a hookuu aku i kona malamalama pio ole i ka makani, i ike mai ai oukou o ou mau hoa kanaka e noho nei mai Hawaii nui o Keawe a Kauai o Mano, a o lakou nei ae kahi e ike pu mai, na poe a pau e noho mai nei ma na oihana aupuni like ole o ke au Repubalika o Hawaii nei i na hana ekaeka ino loa i hana ia e kekahi mau lala o ka oihana hoomalu o Lihue nei, a oia iho keia:  Ma ka la 1 o kela mahina i hala iho la, he po Poakahi ia, hoea mai la ma kou home noho ma Lihue nei, o Hohonu; he makai oia; a oiai au a me kau Eva a me kou ohana e hoolaolu ana no ka maluhiluhi i ka hana, kikeke ana keia mea ma ka puka a walaau ana; a ia wa, aia ae nei kau wahine a hele aku nei a wehe i ka puka; a ia wa, komo mai nei o Hohonu, a ike aku nei au o ka hope makai nui kekahi, a oia kau i ninau iho ai iau iho, he hopu lawehala paha ka keia mau mea i hiki mai ai?  O ka hora eiwa a oi ia e ka po a laua i hiki mai ai, a he eha wale no makou maloko o ko makou hale i kela po, owau a me kou wahine a me kona makuahine, a me ke kaikunane o kau wahine, a iloko o kela wa, eia no wau a me kou kaikoeke ma ka lumi moe, a o kau wahine a me kona makuahine, aia ma ka rumi hookipa ke noho pu nei me ua mau makai nei, a ia wa, ki ia mai la ko maua rumi a paa, a koe lakou la ma ka rumi hookipa, a lohe aku nei maua i ka nakeke o ka nuku o ka omole a me ke pola, he mea oiaio, ua lawe pu mai no keia mau makai me eha omole waiaeke, a iloko o ia wa, ike iho la au, ua like maua me ka paahao ka noho iloko o ka rumi pouli, a oia kau i olelo iho ai iloko ou, aole ka i hele mai nei keia mau makai malalo o ka oihana a ke aupuni, ua hele mai nei laua nei ma ke ano lapuwale hoohaumia i ko hai waiwai, oiai, o ka waiwai i loaa iau nau ia, aole na kahi mea okoa aku, he waiwai ia i huli ia e ke keiki o na pali nihoniho a loaa i ka la makani, nolaila ke ike mai la oukou e kuu lahui a me na poo aupuni pu kekahi i ka hana a keia mau kanaka o ke aupuni.  Ua kiolaia ka hanohano o ka oihana, a ua hele iho la ma ke ano o ke kulana o ka poe lapuwale ka hele i ko hai ipuka hale e holapu ai, a e hoohaumia ai i ka noho maikai ana o kahi ohana, a nolaila, ke kalahea aku nei au ma o ka nupepa Kuokoa la, ke kanaka leo nui, e walaau ae i ka makai nui o Kauai o Mano, e ao ae ia i keia mau kaiko ma ka oihana, e waiho i na hana lapuwale o keia ano, a e hele ma ka hanohano o ka oihana, i kaulana mau ai ka oihana hoomalu o ka apana o Lihue nei, he apana malama i ka maluhia.  Ua pau me ke aloha, owau iho no me ka oiaio,

 

Joseph Paekukui Jr.

Lihue, Kauai, Nov. 22, 1895.

 

@@@@@@@@@@@@@

 

            E heluhelu i keia malalo iho i lawe ia mailoko mai o ka palapala a @has. M. Gutfield o Reedley, Fresno @o. @al.

            “Me ka hauoli au e hoike aku nei ma kou inu ana no hookahi la i ka @HAMBERLAIN’S Laau Kunu, ua hoola i ke kunu koikoi i loaa iau.  Ua nalulu ino loa ia kou poo a hiki ole ke moe i ka po.  Ke hoikeike aku nei au i keia laau laapau oia.  O ke anu i kokoke loa e komo iloko o ke poo a mahope hoohele aku i ka puu a me na ake.  Ma o ka inu ana ia i keia laau i ka wa koko e loaa ai i ke anu, e hooia koke ia i ka wa pokole a keakea ia ke komo loa ana aku iloko o na ake.  E loaa keia laau ma na Halekuai Laau Lapaau a pau, a o BENSON, SMITH & @O. na Agena ma ko Hawaii Paeaina.

 

@@@@@@@@@@

 

            I ka haulelau o ka 1893, loaa iho ia ke keikikane a Mr. T. A. M@Farland, he haole kalepa ano maka hanohano o Live Oak, Sutter @o. @al. i ka mai kumu koikoi loa.  Mamuli o ka ikaika loa o ka eah ma ka umauma ua loohia i ka umii a me he mea ia o loaa ana i ka wela ma ke akemama.  Ua hoohainu aku kona makuakane i na olopu nunui lehulehu o ka @HAMBERLAIN’S Laau Kunu, a pela i pau ai a ola loa ke kunu.  Ke olelo nei o Mr. M@Farland i na wa a pau e loaa ai kana mau keiki i ka nae e haawi ana oia i ka @HAMBERLAIN’S @OUGH REMEDY(Laau Kunu Ola), a he ola io maoli no.  Ke manao paa nei oia he laau kuna oi loa keia ma ka makeke.  E loaa no ma na Halekuai Laau Lapaau a pau, a o BENSON SMITH & @O., na Agena ma ko Hawaii Paeaina.

 

NA PALAPALA HOALOHALOHA

@ A NA @

Makamaka Lehulehu no Joseph U Kawainui

 

                        Hilo, Novemaba 3, 1895.

 

            I ka wahine kane-make, Mrs. Hattie Kawainui, walohia wale.

            Ua hoopuiwa nui ia au a me ke kaumaha ehaeha no ka hala ana aku o kau kane i aloha nui la, a o kuu hoaloha oiaio hoi o ka Ua Kukalahale o Honolulu.  Ua hala io anei o Joe, ua haalele mai anei ia oe a me na lei a olua?  Aloha ino!  Mai kou wa kamalii mai kou kamaaina iaia, a me he ia, he kakaikahi loa o na kanaka Hawaii oiaio i like me kona ano.  O kona ano noeau, akamai i ke kalai manao, i na ninau ano nui o ka manawa, aole paha ona lua iwaena o kela lahui.  O kona ano oluolu waipahe, ua lawe mua aku ia i kou mau manao mahalo mai kou wa opio mai, a iwaena o kou mau hoaloha au i hilinai nui ai, o Joe kekahi o lakou, a o kekahi mau ao ana ana iau, ua ike au he mau ao ana o ka hoaloha oialo.  Aole ana paha e hiki e hoopihaia kona makalua iwaena o kona aina, ame kona lahui.  Ua lilo kona ano a me kana mau hana, i kia hoomanao nona iwaena o kona aina a me kona lahui.

            Ke pule nei au i ka mea nana i olelo mai, “He kane au no na wahine kanemake, a he makua hoi no na keiki makua ole.”  Nana e hoomama mai ia oe, a me kau mau keiki makua ole.

 

S.L. Desha

 

@@@@@@@@@

 

            N. Kohala, Homomakau, Nov. 3, 1895.

 

                        Mrs. Hattie Kwainui,

                                                Aloha oe:

            Ua hiki mai ka lohe iau mai na Nupepa mai o ke taona, a i ka ike ana iho, lele ae la ke aloha ka mokumokuahua o kuu manawa, o kuu manawa e au wale nei, ua hala o Ulumaialii J. Kawainui, ua nalowale na maka la ea, ua hala aku la i ke ala hoi ole mai.  Aloha wale no no hoi.

            Nana no i haawi mai a nana no i lawe aku, e hoomaikai ia ke Akua Loa.  Ke hui pu aku nei maua me oe iloko o na ehaeha he nui ame na kaumaha he nui, oiai ka haawina nui i ili iho maluna ou, a me ka makuahine maikai ame na keiki, na hoaloha e amo pu ana i ke aloha no ka lakou mea aloha i hala aku la.  Na ka Mea Mana Loa e hooluolu mai ia oe iloko o keia mau la e noho kaumaha nei.

            E Hattie e, ua hala aku la kou hoa pili o ka ua me ka la, o ke anu me ke koekoe, ke kamaaina hoi o ka hale e kipa aku ai, he ai, he i-a, a he home maikai kahi e moe ai, ua lawa na mea a pau e kipa aku ai i olua la me ka maikai.  He mea no ia nou e hauoli ai, mamuli o ko olua malama iau ia mau la a kakou i hui pu ai me ke aloha.

            Oia kau i huli ae ai a kamailio aku i kou ohana, o kou wahi hale iho la no ia o Honolulu e holo aku ai, a kau aku no ka manao, o kahi no ia e kipa aku ai.

            No ka mea, o J. U. Kawainui, he mea pili pono loa iau ma ka aoao o kuu makuakane o kela aina kaulana o “Hana Ua Lanihaaha.”  Nolaila, me ka welina o ke aloha a me ka makee i hauhoa ia maluna o ko maua mau puuwai pakahi i keia la e hai aku ana ia oe me ka naau ehaeha a luuluu no hoi, eehia wale, manaonao, lihaliha, a mokumokuahua o ka laau, e i ana ua hala, ua ako ia ka liko a ke aloha ke kamaaina hoi a ke aloha e kipa aku ai.  Ua noho iho la oe me ke aloha nui no kau mea aloha, aloha wale.

            Ua oluolu loa au e noi aku ia oe me ke aloha nui, mai poina hoi oe i wahi leta nau ma keia pii ana mai o ka moku, e hai mai oe i na mea a pau.  O kou hapa pulima au e ike iho ai, o ka hapa pulima no ia o ka mea aloha i hala aku, ua like no a like.  E hoomau loa ia ko kakou launa aloha ana o keia mua aku, a na ka Mea mana e hoomalu mai ia kakou.  Ke hooki nei au maanei nei.  Aloha oe a nui loa.

 

John Kaimana.

 

@@@@@@@@@@

 

Hana, Nov. 9, 1895

Mrs. H. Kawainui,

Ka mea i hooneleia i ke kane aole. 

Aloha nui oe:  Me kou pulima haalulu au e kakau nei me ka nawaliwali, oiai na kulu waimaka hiki ole ke umi iho.  Oiai, o ka haalele ana mai o kou papa i aloha nui ia, J. U. Kawainui a me ka olua lei aloha he keiki, he mea hoehaeha ia ia oe, a me makou kona poe hoaloha oiaio a kahiko o ka pilipaa ana, ko olua home aloha a makou e hoona aku ai i keia puuwai lahalaha o Joe i kahakahia me ke akea, no ka pono laula, ua hala ia mea nani, ua lawe ka mea i kuleana i kona uhane aia ma kona poli aloha.  Nolaila, e

            Hooholola:  Ke komo pu aku nei au me oe iloko o na kipona a ke aloha, kou ohana a pau me ke aloha makolukolu, nou a me ka lei aloha he keiki, a me ka ohana i hooneleia a ke pule ae nei au, na ke Akua e hoomana mai ia oe, ka olua lei a me ko oiaa ohana.  Me ke aloha,

 

S.M. Kaai.

 

@@@@@@@@

 

Waihee, Okatoba 26, 1895.

Ia Mrs. J. U. Kawainui,

Aloha oe:

            Me ka puuwai i hoopuiwaia a me ka naau pihoihoi, ua hoohikilele ia au i ka ike ana iho i ka lono, ua hala aku la i ke ala mau o na mea a pau, o Iosepa Ulumaialii Kawainui.  E ka Madame maikai, mamuli o keia lono kaumaha i loaa iau, ua kono mai ia i kou puuwai e hoohui aku au me oe iloko o na haawe kaumaha a pau i ili iho maluna o kou hokua, nona hoi na kipona maeele i hiki ole ke mawehe koke ia no kekahi mau la, hebedoma, malama, makahiki, a mau kaau makahiki paha.

            Me ka minamina nui i ko kakou makua, ua hala ka ai, ka ia, kahi noho me ka oluolu, na pono a pau o keia noho ana mauleale.  Nolaila, ua hoopilihua loa ia ka manao, ua hoonawaliwali loa ia mai na noonoo ana pili hana, ua hoomalule ia mai hoi ka ikaika o na lala, a o ke kino a puni, aia ia iloko loa o ke kaumaha.  Nolaila, aole no o kakou puuhonua e ae e holo ai a malu, o ke koko wale no o Iesu.  Ua paa no hoi ka olelo, “I ka make ana o ka mea pono, he manaolana kona.”  Nolaila, aole no o kakou alanui e ae o ka hoolana manao, o ka hilinai wale aku no laia, nolaila iho keia mau hoolana manao penei:

            1 @ Ke pule nei au i ke Akua Mana Loa e hoomama mai i kou naau kaumaha.  A oia ka mea nana e hoomao ae i na haawe kaumaha o ke aloha kane iloko o kou puuwai, kou manao, kou mau noonoo ana, a me kou mau hoomanao ana a pau nona.

            2 @ Ke pule nei au i ke Akua Mana Loa nou, i keia mau ia kupilikii o ke aloha kane au e noho aku ai, e pili mau mai oia me oe i na wa a pau.  E like me ka olelo, “ua piha ka lani a me ka honua i kona mana.”

            Me ke naau lihaliha, ke pule mau nei au i ke Akua no ka mama i hooneleia i ka makua ole, me ka lana no nae o ka manao, e hoopomaikai mai ana no oia i kana kauwa wahine.  Owau iho no,

 

S. E. Kaleikau

 

@@@@@@@

 

Keanae, Nov. 8, 1895

Mrs. Hattie Kawainui,

Welina oe a me ka ohana.

            Oiai, ua oluolu ia e ka Makua Mana Loa ka lawe palanehe ana aku i ka hanu hope o kau kane i aloha nui ia, Jos. U. Kawainui no ke aupuni uhane, ma ka wanaao Poakolu O@t. 23, 1895.  Aloha ino!

            Nolaila, ma keia haalele ana mai o kau kane i minamina nui ia e oe, ka ohana a me makou kona makamaka pilipaa, a hele aku la oia ma ke ala mau o na mea a pau ma keia nohona; ua kawa-u a ua puanuanu kou home, oiai, ua hala, ua nalo, ua pio, a ua haalele mai la ke kamaaina puuwai hamama, ka lamaku, a o ke ahi kanana pio ole hoi nana i hoomalamalama iho nei ia oe e Hawaii Imi loa.  Manaonao wale!

            A no ka mea, ua halii iho maluna o kou poohiwi a me kou naau palupalu, na kipona o ke kanikau kumakena, ke kaumaha, ka luuluu, ka pilihua a me ka manao welenia, no kau mea i aloha nui ai he kane.  Nolaila, e hooholoia, o makou o kona mau makamaka a me na hoaloha e noho ana ma Keanae, Hoolau o na Hono a Piilani, ke komo pu aku nei me oe ka wahine kanemake a me ka ohana, e haawe a e auamo pu i na kanikau kumakena ana no kau kane i mamina nui ia, a ma keia, ke nonoi, ke pule a ke kalokalo ae nei makou i na Mana Kahikolu, e hoomama mai i na haawina o ka naau kaumaha ame ka pilihua o ke aloha kane, i hookahua iho maluna o kou hokua.  Walohia wale!

            E Hooholoia:  E hoounaia i hookahi kope o keia olelo hoalohaloha i ka wahine kanemake, a i hookahi lope i kela ame keia nupepa Hawaii.

            I hoike no ka oiaio no na manao hoalohaloha a me ko makou aloha kuie i hoakakaia maluna ae, ke kakau pakahi nei makou i ko makou mau inoa malalo nei me ka paumako, ke anoano eehia, ka menemene, ame ka manaonao nui maluna o keia kino lahilahi penei:

 

James Kahalepapu Saunders.

@@@@@@@@@@

            He mea pono i keia ame keia ohana ke loaa ona laau lapaau mama no na mai o ka opu.  I laau lapaau puhili ole no ka “Moku ino loa o lepo” (Diarhea) Nahu, Umii, Kolera ame na mai apau o ka opu, aole he laau lapaau oi aku o ka maikai, elike me ka PERRY DAVID LAAU PENIKILA(Pain Killer).  Ua lawelaweia keia laau no na makahiki he kanalima, a ke hana mau ia nei i keia ame keia la, ma na aina apau o ka honua nei.  O ka Hui Kuai Lapaau o Holister, ka Agena.

 

Ka Haiiawan Gazette

 

He Nupepa Namu Elua

Puka ana o ka Hebedoma, ma na

 

POALUA a me POALIMA

e hoopuka ia nei e ka hui

 

HAWAIIAN GAZETTE @OMPANY.

 

            O ka Nupepa Kuloko Alakai keia ma ka Olelo Beritania e hoolahaia nei maloko o ka Paeaina a hala loa aku i na Aina E a ke heluhelu ia nei e na mea a pau ma na oihana na Halekula a komo loa iloko o na ohana.

 

Ka Uku Pepa Laulaha.

 

No ka Malama                                     $  50

No Ka Makahiki Kuloko                    5.00

  “       “   Kuwaho             6.00

 

Keena Hana Helu 318

Alanui Kalepa.

 

Pahu Leta O. Honolulu Oahu

2531-tf

 

Na Hua Kuni Inoa

 

Eia ka Hui Hawaiian Gazette @o., ke hana paka maoli nei i na Hua Kuni Inoa o kela a me keia ano, nui a liilii e like me ka iini a ka manao.

 

O keia mau Hua Kuni Inoa, ua lawa ia no ke kahakaha ana ma ke kanana a pepa e ae e hoailona ai i ka Inoa a kohu maluna o kekahi mea i makemake ia e kuni a kaha paha.

 

He like ole na uku o na Papa Kuni Inoa, no ka mea aia no ke kau ia o ka uku a maopopo ke ano o ka Papa Ino au i makemake ai, he nui a he liilii paha.  Aka he oluolu ka uku a he waipahe na kuka ana.

 

E kipa kino mai e nana i ike kumaka, a i ole ia e hoouna mai i na kaoha ma ke

 

Keena Hana @ Ma ka Halepai HAWAIIAN GAZETTE, Helu 318, Alanui Kalepa, Honolulu.

2531-tf

 

Halepai Hawaiian Gazette

 

O keia ka Halepai Nupepa Alakai o ke Kulanakauhale o Honolulu nei.  Ua lako i na Hua Kepau o na ano a pau a ka makemake e ui ae ai.

 

Eia ma keia Halepai e pai ia nei ka Nupepa KUOKOA, a me Nupepa HAWAIIAN GAZETE PA@IFI@ @OMMER@IAL ADVERTISER @HUR@H @HRONI@AL a me PLANTER’S MONTHLY.

 

Ua hiki loa i keia Halepai ke pai aku i na pepa nunui hoolaha alanui, na buke, na bila kikoo, n bila hookaa, na palapala poloai ahaaina a me na hana e ae a pau o ka oihana pai.

Eia maloko o keia Halepai he Keena Humuhumu Buke, kahi e humu ia ai na Buke, an pepa a me na mea a pau i pili i ka humuhumu ana i na palapala.  He oluolu ke kuka ana a he emi pupono na auhau.

 

Keena hana, Helu 318 Alanui Kalepa, Honolulu ka Hale ilona.

2531-tf

 

Hoolaha @amau

 

            Aole loa e maikai a oluolu ke ola ana o kekahi mea kino uhane oia ina he aaiole kona akepaa a hiki ole ke lawelawe i kana mau hana me ka hololea.  E hahai ana ka nalulu a me na nawaliwali e ae ma ka moali o ke ake poualo.  He mea oiaio keia i hooiaio ia ma na wahi o na poai oluolu akau iloko o ka hapaha keneturia, o na

 

HUALE A AYERS,

 

oia wale no ka LAAU HOOLAAKE maikai loa i ikeia.  E hoola ana i ka lepopaa, ka nalulu eha, na mai oloko o ka opu, a ma ke ano LAAU OHANA aohe ona lua e like ai.

 

            O ka Ayers Sasapaila, oia ka Laau Hoomaemae Koko kilakila, e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilu kanaka.  E pepehi a ulupa ana i na PUHA, e hoola ana i na pohapohahi o ke ola ana a e kipaku loa ai i na ano mai a pau.  O ka poe mai no ka wali pono ole o ka ai, ka nawaliwali mau a ano mai e ae i lulu ae mai ke koko ino mai, he mea pono e inu i ka laau

 

SASAPARILA A AYERS.

 

He laau e hooikaika ai i ka nawaliwali, a e hoopuipui mai ai i ke kino.  Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

 

            O ka Ayers @herry Pe@toral laau, aohe lua ma ka hoola awiwi ana i na KUNU, ANU a me na PUU EHA.  E hoola ia na KUNU KALEA a me na mai pili i ke ake me ka hikiwawe loa.

            O na Huaale a Ayers, na Sasaparila a me ka Ayers @herry Pe@toral, aia kahi e loaa ai ma ka Halekuai o ka

 

HOLISTER DRUG @O. LT.

Na Agena ma ka Paeaina Hawaii

2514

 

KAKELA ME KUKE

Ka Halekuai Nui

@ o na @

WalWal LIKE OLE

 

NA MEA

HANA KAMANAAIPAU

 

Na lako pili hao kukulu hale,

Na kepa,

Na lei ilio,

Na kaulahao ilio,

Na Pahi

Na Up@

Na kope hulu,

Na Palapala.

 

PALAU LIO

Na mea mahiai

Na au ho,

Na au koi,

Na kua bipi,

Na lei bipi,

Na Kaulahao bipi,

Na uwea @,

Na mea piula,

Na ipuhao

 

Makau me Aho Lawaia

Na Iliwai

Na kaula,

Na hulu pena,

Na pulumi,

Na pena, me ka aila,

Na kopa,

Na aila maha

Na pakoke

 

Na pakoke hao,

Na kapu hao,

Na @

Na kuka@

Na uwiki, a me

Na ipukukui.

 

Mikini Humuhumu Kaulana

 

Wil@ox, & Gibbs Hookahi L@

ka Remington, Elua L@

 

            A me na ukana he lu@ loa, o @ me keia ano.

 

Kakela me Kuke