Ka Nupepa Kuokoa, Volume XXXIV, Number 49, 7 December 1895 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KA HUI ALAHAO ME AINA O OAHU

MANAWA HOLO.

Mai a Mahope aku o Iulai 5, 1895.

Hiki i Waianae la pau    Hiki i @na la pau    Hiki i Waihune ua la pau    Wili o Ewa @ la a pau Koe Sabati   @.  Mana po Poaono a me Sabati e hiki ana ko ka Will o Ewa mai kaa i Honolulu ma ka 5:55 aole ma ke 4:55 P.M.  E lawe ana ka kaa ahi hali ukana i na kaa ohua o ka papa ekahi.          G.P. DENISON, Luna      F.C. SMITH , Luna Kuai Palapala Holo.

 

HOOLAHA.

O na Olelo Hoolaha a pau i manaoia e komo iloko o ka Nupepa puka hapa-pule GAZETTE, e hoounaia mai i keia Keena mamua ae o ka hora 5 ahiahi o na Poakahi a me Poaha a pau, a o na Olelo Hoolaha no ka Nupepa KUOKOA mamua ae o ke ahiahi Poaha o na pule a pau.  Ina e lohi aku mahope ka hookonioia ana mai, aole keia Keena e hoahewaia ke haule ke komo ana ma ia pule, aka, e hoopuka ia no i ka helu o kekahi pule mai.

HUI HAWAIIAN GAZETTE.

Ma o GEO. H.  PARIS,    Luna Hoohana.      2570-3t

 

NU HOU HAWAII

Ma ka Poaono aku nei i hooluu ia ai ke Kau Kiure o ka mokupuni o Oahu nei.

Ua lilo ae nei o Wiliama L. Stanley i hoa loio no ka Hui Loio o Hatawela a me Kakina.

Ke upu nei kekahi poe e kukulua Hale Hotele ma Waianae ma keia mau mua aku.

Ke lulumi hou mai nei na ohohia ana a na makamaka ame na hoaloha I ke KUOKOA i keia mau la.

Ua hookohuia e Lunakanawai Whiting o Mr. Kiklia Balaunu i kahu malama no W. C. Lane o Koolauloa.

Ke hoomaka mai nei na hooliuliu nui ana a na halekuai o Honolulu nei no na kuai kau Karisimaka ame makahiki Hou e nee mai nei.

Ua nalowale ia he Bila Kikoo Dala ma ka Banako o Bihopa, Helu 23884, huina dala he 60 no ka pomaikai o Crinbaum & Co.

Ua huli hoi mai nei na Lunakanawai Kauka ame Frear mai ka mo kupuni mai o na Hono-a-Piilani ma ke Kalaudine mai o ka la 1 aku nei.

He iwakaluakumamahiku ka nui o na kii i hoolalaia e ka poe kohokoho no ka hana ana i Sila no ke Aupuni e ku nei,  i loaa mai i ke Komite Ahaolelo.

Ua lawe ae keia pae Hawaii i ka hoohiki kakoo Aupuni:  Beni Poakai, Kamana, Dan. Kukahoe.  He mau lede kekahi, ma ke ano he poe kokua kumukulu.

He elua mau mea hou e hoea mai ana no onei, ma ke ano he mau inoa no ka Bana Hawaii.  He hookani pahu liilii, a he mea puhi ohe “kelanika.”

Ma ke ku aua mai a ka mokupea Aloha i kela pule aku nei i hoea mai ai he elua mau pu-kuniahi hou no ke Aupuni.  He mau hookalakupua no keia e waiho nei.

Ma ka Poakahi nei i weheia ae ai na puka o ka halekuai buke hou o W.W. Dimond, ma Alanui Moi.  He nui launa ole mai na mea nani e kaha iho ai na maka i ka hoohihi.

Ua loaa mai nei he lono maluna mai o ka mokuahi Miowera, e hoea mai ana i Hawaii nei, na la mua e keia makahiki ae ka mokukaua Italia Cristofero Colombo (Kolona) oiai ia e hele kaapuni hoonua mai ana.

Ke manaolana ia aku nei ma ke ku ana mai o ka mokuahi Monowai ma ka la 19 ae nei e hoea mai ai o Ovide Music, kekahi o na loea hookani vaiolina o ke ao nei.  E haawi ana ola he mau aha hoikeiko o kona lima hei ma ia hana maloko o ka Y. M.A. hale, a hala loa aku oia no @ o ka Hema. O kana wahine puukani mai ana no kekahi.Mai ka mokupuni mai o Manokalanipo i huli hoi mai ai na loio L.A. Kakina,    A. Rosa ame J.L. Kaulukou, ma ka Mikahala o ka la Sabati nei, Dek. 1

Ua malama ae na Pukiki i mau hoomanao hoohiwahiwa ana ma ka la Sabati aku nei, no ko lakou Kuokoa aupuni, a o ka piha ana iho la ia o ka 225 makahiki o ko lakou Kuokoa ana.

He elua mau pualo Keaka o Honolulu nei i keia mau la.  Hookahi o ka Hui Keaka Auseteralia a With, a ma ka Poaha iho nei kona ulele mua loa ana, a pela nohoi ka Hui Keaka Iapana.

Ua hoopaiia o S. Luce imua o ka Aha Apana no ka hanai ana i ka laau make i kekahi mau ilio elua, a make io.  Kuhikuhi keia, ua hana oia i ua hana’la mamuli o ke a’o ana a ka Ilamuku.

E alawa ae e na makamaka i ka hoolaha a ka Luna Leta nui, no na leta e waiho ana ma ka Hale Leta, no ka malama holookoa o Novemaba.  E ‘oluolu ka poe no lakou ia mau leta e kii ae.

Ke lawelawe mai nei ko makou hoaloha Mr. C.L. Hopkins i ka oihana kalepa mea ai ma ka Makeke Kulanakauhale (City Market).  E loaa no ma ia wahi na kamanao momona ame kahi mau mea e ae.  E ike ia kakou hoa Hawaii.

Ua wawaia ae, ua nonou aku nei ka Ahahui Amerika i ka Ahahui Kalaiaina makua, e hui like laua ma kekahi kumuhana ano nui pili kalaiaina.  Heaha la ia Kumuhana?  Aole i hoikeia mai.  Hai mai nae ko makou Esepa:  “ O Kauilani i ka wekiu o luna-e o mai!”

Mahope iho o ka pau pono ana o na hana hoomaemae o ke kahua hale hou o Mr. P.C. Jones ma ke alanui Kaukini ae nei, ua hoohnee ia mai la kekahi o kona mau hale nui a ku maluna oia kahui hou  Me he mea la, aole e liuliu loa na la a hoomakaia aku ka hoomaikaiia ana o ke alanui Kuakini.

Ma ka po Poakahi nei, ua awaiaulu ia ae e Rev. D.P. Birnie o ka ekalesia o Kaukeano hou, o Miss Ellen Torbert me Kapena J.W. Pratt, ma kahi noho o ka makuahine o ka wahine ma ke Kulanakauhale Momi o ka “I’a hamau leo” o Ewa-   He nui na poe maka hanohano i hooulumahiehie aku mai ia anaina materemonio.

Ua hoahewaia e ke Kiure haole ma ka Poalima aku nei o J.M. Vivas ame J. M. Tesela, no ka hewa laibila, a na hookauia ka hoopai no laua e Lunakanwai Makuna e uku kekahi i $50 a $25 a kekahi  Ua haawi nae na mea hoopiiia i. hoohalahala i keia olelo hoopai, a iloko o na la he 30 e waiho aku ai laua i ka laua Bila Hoohalahala Kumu.

Ma ka Poalima o kela pule aku nei i ku mai ai ka mokupea   Aloha mai Kapalakiko mai, a maluna mai ona i hoihoia mai ai he elua mau Hawaii, i ike i na inea mae na pilikia o kek kai anu o Arika.  Ua ohi ko laua kaki ma Kapalakiko a he hookahi no dala a kela a me keia o laua, a no ia mea, ua nonoi laua i ke kanikela Hawaii malaila e hoihoiia mai laua no Hawaii nei.

Ua huli hoi mai nei ka huakai makaikai a ka Papa Ola i holo aku nei no ke kahua ma’i lepera ma Kalawao, i ukaliia e Miss Field, ka mea kaku o ka nupepa Times Heral o Kikako, ma ke ahiahi Sabati aku nei, oiai ko ke kulanakauhale nei e hoopioia ana no ka hoea mua ole ana mai o Ke Au Hou ma ka Poaono aku, elike me na mea i manao mua ia.

Eia makou ke makaikai nei a ke kilo pono nei i na mea i kakauia iloko o kela “Hoike” hookalakupua a Komisina Blount, e pili ana i ka Ninau o Hawaii.  A ua ike iho makou maloko ola hoike he mau “alaihi” e pau ai na lima o kekahi poe Roialili i ka eeke.  E pomaikai ana na poe heluhelu i ke KUOKOU i keia makahiki ae i kahi mau mea o ua buke la a makou e hoopuka aku ai.

Ma ka wa a kekahi poe i pii mai ai mai Waialua mai ma ka Poakahi nei,  loaa mai ia la lakou he lio kaa me kekahi mau pono ili huki kaa maluna ona, ma Waikakalua.  A ma ka Poalua nei, ua loaa aku ia ua lio nei e hoi mai ana i Honolulu nei ma Moanalua, aole kela mau pono maluna ona.  Ua lilo pahs i kaho manu inu wai pua o uka.  A owai la hoi ka hookalakupua nana i lawe kela lio a haalele?

 

NUHOU KUWAHO

O Peresidena Kalivalana ke Kumu Poino o ka Aoao Demokarata.

Mau no ka Oeloku oina Aupuni o ke ao nei.

KELA AME KEIA LONO.

KE KUMU POINO O KA AOAO DEMOKARATA.

Wasinetona, Nov. 15- Eia i Wasinetona nei o Lunakanawai Holman o Inidiana, ka mea i ike ia iloko ka Ahaolelo nui, ma ka inoa, “Ka Ilio Kiai o ka Waihona Aupuni,”  a me he mea la, e hookaulua hoa iho ana oia ianei a pau ke kau hooilo, no ke onawaliwali o ke ola kino o Mrs. Holman.  A ua hoike ae la oia i ke kumu i loohia ai he auhee nui ana i kona aoao kalai aupuni e ku nei.  A penei kana olelo:  “ O ke kumu o keia pilikia, aia no ia iloko o ka Mana Hooko, aole hoi iloko o ka mana Kaukanawai.  Aohe mea iloko o ka Ahaolelo i hana iki ia, mai ka wa mai o ka Ahaolelo Nui, Kau 51 e hoeueu a hoalaia ai ka manao kuhalahala akea o ka lahui.  Ua hoomaka mua na poino o ka aoao Demokarata, ma o ke keehina kuhihewa la i hanaia ma na mea e pili ana i ke kumuhana Hawaii.  Aole loa he wahi kuleana iki o ka Moiwahine i hoopauia, e koi mai ai ia Amerika Huiia I wahi kokua iaia.  Ua kuhihewa o Mr. Harrsin i kona hoouna ana i kana kuikahi i ka Aha Senate a komo pu malaila ka hoohui ana mai i na Pae Aina o Hawaii.  O ke kumuhana hoi e pili ana no ka uku ia ana aku o ka Moiwahine i uku hoomau a me kana kaikamahine hoahanau i puu dala maopopo, a ma kekahi olelo ana, e kuai hoolilo mai oia i na Pae Aina, me he mea la he Kuleana Alodio maoli kona iloko o ia mau Pae Aina, he mau manao lapuwale uo ia, a ua pono maoli ko Mr. Kilivalana unihi ana mai i ua kuikahi la.  “Aka nae,  ua hunakele loa ia ko Mr. Harrison kuhihewa e na Kuhihewa oi aku o ka Aha Kuhina a Mr. Kiliwalana i hana ai.  O ka hoao ana e hoihoi hou i ka Moiwahine, he bana kuhihewa loa ia a makemake ole ia e ka lehulehu, a he mea hoonaukiuki hoi i na noonoo ana o ka lahui Amerika ka huki hou ia ana ilalo o ka hae hoku me na kahakahana loloa, e kekahi agena mai ka Aha Kuhinanaku.  O ke kauoha ma ka waha o na kanaka Amerika a pau,  “Ina e huki hou ia ka hae Amerika ilalo, e kekahi kanaka, e ki ia oia i ka pu ma ia wahi.”  he olelo keia i kaheawai ma na waha o na kanaka a pau, a o keia iho la ka hoomaka ana o ke auhulihia o ka aoao Democarata.  Aole o’u manao he mea pono ia kakou ke-hoohui i na Pae Aina, aka, he alahele okoa loa ka’u i manao ai, oia ka mea pono e hanaia ai mamua o keia keehina no ka hoohui aina.”

 

KE HOAO NEI O PERESIDENA KILIVALANA E HELE ME KE AKAHELE LOA MA KA NINAU O CUBA.

Wasinetona, Nov, 9-Ua lilo ka ninau o Cuba i mea na Peresidena Kilivalana e noonoo nui loa ai.  O ka poe i kamailio pu me ia ma keia mau wa hope iho nei, ua akaka loa he ninau keia i komohia loa aku ai ola iloko o ka noonoo kuhohonu ana.  ua oleloia ae, eia oia ke nana nei i keia ninau ma kona mau aoao apau, a e haawi ana oia i na noonoo kuio ana i na manao hoakaka apau, o kela a me keia ano i pili i ua kumuhana la, na mea hoi e loaa mai ana iaia mai na poe mai i ike pono maoli i na mea e pili ana i na hana ma Cuba.  Ua ike oia, ke upu ia la e hana oia i kekahi hana maopopo o kekahi ano, a ua ake loa hoi oia e hooko aku i keia wa, ina nae e hiki ana i na makemake a me na koi ka hapanui o kona hoa lahui.  Ua hoike pu ia ae, o ka Peresidena i keia wa, ma ka mea e pili ana i keia ninau, aole ia o na kanaka uahoa la ma ka wa ana i lawelawe ai i ka ninau Hawaii.  Heaha la ke kumu o kona loli ana, na kela @ keia mea ia e noonoo iho.  O na kumuhana a elua-(ko Hawaii ame ko Cuba.  L.H.) he mau helehelena like loa ko laua i kahi a me kahi.  He’ oiaio no nae, he mau wahi kumu like ole no ko kekahi a me kekahi, aka nae, o na kumuhana no nae a i elua, ua lawa no na helehelena i ikeia ma kela a me keia o laua pakahi, no ka hoonaauao ana mai iaia, oia ho’i, o ke kuhihewa ana i hana ai ma ka mea pili i ka ninau o Hawaii, ua lilo ia i kaupule nona i kona lawelawe ana i ka ninau o Cuba.  O na kanaka e hokoko ana no ka loaa o ka noho lanakila kuokoa ana (freedom) a me na maka e huli mai ana i Amerika Huiia, aole pono lakou ke nana ole ia aku.  O na leo noi mai ia wahi mai, e pono no e hooloheia aku, a ina he mea hiki, e hookoia aku no.  Ua oleloia, ua ike ka Peresidena i keia mea.  Ua ike maopopo loa oia i keia wa no na manao aloha o na kanaka Amerika, a ma ka wa e @ ia ae ae ia mau manao, aole i kana mai ke aiwaiwa, a ua oi kona hoomaopopo ana ia mau mea i keia wa mamua o kana i hoomaopopo ole ai ma ka wa ana i hoao ai e hookahuli i ke aupuni o Dole ma Honolulu.  Ua oleloia, eia oia ke noonoo nei i ke kupeno o ka waiho ana aku i ka ninau holookoa e pili ana ia Cuba i ka Ahaolelo Nui, a aole hoi oia e waiho aku i kana mau keehina hana ponoi i manao ai no ia ninau maloko o kana palapala hoike imua o ka Ahaolelo.

 

KUE I KA HOOHUI AINA.

Wasinetona, Nov. 17-O ka hoa Ahaolelo ekolu o Kaleponi i hoea mai na Wasinetona nei, oia o Hon. Samuel G. Hilborn o Okalana, a e ukaliia mai ana oia e kana wahine a me ke kaikamahine, Miss Grace, a ua hoopaaia ae ko lakou mau inoa ma ka Hotele o Willard.  Haalele aku o Mr. Hilborn ia Kapalakikia he elua pule i hala ae nei, aka, ua nui na wahi ana i hookaulua ai ma ke alahele.  He iini loa o Mr. Hilborn e lilo oia kekahi lala o ke komite no na Hale Aupuni, i loaa ai iaia he wahi haawina dala no ka hale aupuni hou o Okalana.  Ua oleloia ae, e komo kino ana o Mr. Hilborn ma na mea e pili ana i ka ninau Hawaii, ma ka wa e nee mai ai ia kumuhana iloko o ka Hale.  Aole nae oia i hoike akea hou ae nei i kona manao ma keia ninau, aka, ua manaoia nae iaia I hulihoi mai ai mai na Pae Aina mai i keia kau makalii aku nei ua oleloia, aole i hoea mai ka wa kupono no ka hoohui aina ana, a he mau olelo nema kana e kakahele ae ai no ke aupuni o Dole.

 

NA HANA HOOMAINOINO I NO KA RISTIANO.

Ua loaa hou mai na lono mai Malitia mai, no ka nui launa ole o kekahi poe i pau i ka pepehiia, mawaena o ia poe, he eha kahuna Katolika o ka Ahahui Hoohiki o Iest, malalo o ka hoomalu ana a Farani.  Ke hoomakaukau nei ka Elele Kuhina Farani, M. Cambon, he hoike ikaika imua o ka mana Tureke.  Ua haalele aku la he elima mau mokukaua Farani ia Pira no ka kai o Tureke, a iloko o na la pokole, e hoolulu pu ae ana lakou me na mokukaua Beritania.

 

A PUNI KE AO NEI.

Ke mau nei no na ooloku o na paahana ana a na mana nui a ikaika a puni ke ao nei.  Aia no o Iapana, Rusia ame na mana e ae ma ka hikina o ka hapa poepoe hikina ke hoonee la i ka lakou mau papa hana kalai aupuni me ke aiwaiwa.  Pela nohoi na mana o Europa, aia no ma Tureke ko lakou ooloku ana.

 

KE ALAWAI OKI O NICARAGUA.

Nu Ioka, Nov. 18-Ua olelo ae ka lono kuikawa o ka nupepa La (Sun) o Wasinetona:  Ua olelo ae o Lunamakaainana Barham o Kaleponi i keia la penei:  “Ma ko’u manao, o ka ninau o ke alawai oki o Nicaragua, ka ninau ano nui loa e lawe ia mai ana imua o ka noonoo ana o ka Ahaolelo nui.  Ua hoolaia iho nei au i bila kanawai ka mea a’u e hookomo aku ai iloko o ka Ahaolelo e nonoi ana e hana ia keia alawai oki, a ua manao au aole ia e kue ia ana.  E komo ana maloko o ka’u bila ka hoakaka ana o ke aupuni ka ona nona ia alawai.  Malalo o na olelo o ia kanawai, e hoomana ana i ka hoopukaia ana o na bona dala e lawa ai ka hoonee ana i ka hana a hiki i kona paa ana.  O ka huina nui o na bona e hoopukaia ai, he $10,000,000.  Ua apono loa au i ka manao e ukuia aku ha hoi alawai o Nicaragua me kekahi kumukuai maikai, no ko lakou mau pono aelike mai Nicaragua a Cosata Rica, a ma ke dala maoli a ma na mahele kuleana paha lakou e uku ia aku ai, aia ia i ko lakou manao.  Aole nae o’u manao he mea pono ke uku ua aku lakou me kekahi kumukuai nui hewahewa no ka mea i hanaia e lakou i keia wa.  Ina aole e kukulu ana o Amerika Huiia i keia alawai, e lilo ana ia i kumu hoohenehene no ke ao nei a pau.

Arago, Coos Co., Oregon Nov. 10, 1893.-Ke makemake nei au e hoike aku ia oe i ka waiwai nui o ka Chamerlain’s Pain Balm laau maikai i hoola ai i ka’u wahine.  Ua loaa iaia ka ma’i rumatica ma na lima no eono malama, a ua hoao oia i na laau lapaau i kuhikuhi ia no ia ma’i, aka aohe nae oluolu iki ahiki i ka wa i hamo ai i keia laau Pain Balm;  hookahi wale no omole o keia laau, ua ola loa oia.  Nolaila ke lawe nei au i keia wa ma ka hoikeike ana aku he laau ola keia no ia ma’i.  Owen iho no, o C.A. Bullord.  He 50 keneta a he $1.00 o ka omole, a e kuai ia e ka Halekuai Laau Lapaau o Benson, Smith & Co. na Agena.  Ma ka po Poakahi nei, ma Ema Kuea, ma ka wa hoi a ka Bana Hawaii e hookani ana i na leo mele o Potugala, ia wa i pukalaki ae ai ka lio o Robert Atkinson, a haule oia ilalo, a hookui aku la ua wahi lio nei i ike kaa e kau la ana e Mrs. Hopkins, a na ia wahi kaa hoi i oi @ ae na kaa e ae, aole i kana mai ka pioo a haunaele na huikau ana o na kaalio ame na kanaka, a nalowale pu ke kani o na mea kani.

 

Hoolaha Hou.

ILOKO O KA AHA KAAPUNI APANA HOOkolokolo Ekahi o ko Hawaii Paeaina.  Ma ka hana o ka waiwai o KEAKA (w) o Waialua, Oahu i make kauoha ole.  He palapala e nonoi ana e hoohoio ka Aha owai ia na @ o ka mea i make a e mahele ia ka waiwai e like me ke kuleana o kela me keia hooili@.  No ka mea, ua waihoia mai e Mary Kahoaka he palapala e nonoi ana e hookolo ka Aha owai ia na hoolina o ka mea i make a e mahele ia ka waiwai o ka mea i make elike me ke kuleana o kela me keia mea.  Nolaila, ke @ ia aku nei ka lono i ka poe a pau i pili, e hele mai lakou ma Aliiolani Hale, ma Honolulu, Oahu, i ka hora 10 kakahiaka, a ma ia wahi a ma ia manawa e hoike mai no ke aha la e ae ole ia ai ke noi elike ma ia i koike ia ae la maluna.  Na ka Aha:    HENRY SMITH, Kakauolelo.  Honolulu, Novemaba 29, 1895. @

 

AHA HOOKOLOKOLO KAAPUNI APANA Ekahi o ko Hawaii Pae Aina.  Ma ka hana o ka waiwai o ANTONE PEDRO o Ewa, Oahu, i make kauoha ole.  Ma ka heluhelu a me ka waihoia ana mai o ka palapala noi a Cecil Brown Lunahooponopono no Waiwai o ka Waiwai o Antone Pedro o Ewa, Oahu, i make kauoha ole, e noi mai ana e apono ia na hoolilo he $247.70 a e hoike ana o na mea i loaa iaia he $427.04, a e noi ana e nana a apono ia kela mau mea; a e kanohaia e maheleia na waiwai e waiho ana ma kona lima, ia e hookuu ia oia a me kona mau hope mai ko lakou noho Luna hooponopono ana.  Ke kauohaia nei, o ka POALIMA, la 17 o IANUARI, M.H. 1896, hora 10 kakahiaka o ua ia la, ma ke Keena Hookolokolo o ka Aha ma Aliiolani Hale, Honolulu, oia kahi a me ka manawa i kohoia no ka hoolohe ana i ua nonoi ia a me na papa hoike helu, a o ka poe a pau i pili, e hele mai a e hoike ina he kumu io ka lakou e hoole ia ai ua noi la.  Kakauia ma Honolulu, Oahu, K.H.H.P.A. i keia la 4 o DEKEMABA, M.H. 1895.    Na ka Aha:

GEORGE LUCAS, Kakauolelo.  2575-3

 

AHA HOOKOLOKOLO KAAPUNI APANA Ekahi o ko Hawaii Pae Aina.  Ma ka hooponopono waiwai.  Ma ka hana @ waiwai o C. KAONOHI, i make kauoha ole.  Kauoha no ka hoolaha no ke noi e hooponopono ia ka waiwai.  Ma ka heluhelu ame ka waihoia ana mai o ka Palapala noi a Sarai (w) o Waimea, e hoike ana, oia ke kaikamahine ponoi a C. Kaonohi, ka i make kauoha ole ma Honolulu, ma ka la 28 o Okatoba, M.H. 1895; me ka waiho ana he waiwai maloko o ko Hawaii Pae Aina i kupono e hooponoponoia; a e nonoi ana e hoopukaia ka Palapala Hookohu Lunahooponopono ia Abiena.  Ua kauohaia o ka POALIMA, ka la 20 o DEKEMABA, M.H. 1895, ma ka hora 10 kakahiaka, oia ka manawa i kohoia no ka hoolohe ana i ua noi la, ma ka Hale Hookolekolo ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ka lakou e ae ole ia ai ua noi la.  Kakauia ma Honolulu, ko Hawaii Pae Aina, Novemaba 18, M.H. 1895.    Na ka Aha:

J.A. THOMPSON, Kakauolelo o ka Aha Kaapuni @ Ekahi.    2573-3

 

AHA HOOKOLOKOLO KAAPUNI APANA Ekahi o ko Hawaii Paeaina Aina.  Ma ka hooponopono waiwai.  Ma ka hana o ka waiwai o S. K. Holokai o Honolulu iho nei i make.  Ma ka waihoia ana mai imua o ka Aha Hooko Kauoha, ma ka la 26 o Novemaba, M.H. 1895, he Palapala i oleloia, oia ka Palapala Kauoha Hope Loa a S.K. Holokai i make, ame kekahi Noi e hookoia ua Palapala la, a no ka hoopuka ana aku hoi na Palapala Hooko ia Elena Kahele, ka mea nana i waiho @ ke noi.  Ua kauohaia ma keia, o ka POALUA, la 24 o DEKEMABA, M.H. 1895, hora 10 a.m. o ua la la, ma ke Keena Hookolokolo, ma Aliiolani Hale, ma Honolulu, oia kahi a me ka manawa i koho ia no ka hooiaio ana i ua Palapala Kauoha la, ame ka hookohe ana i ua noi la, a ma ia wa hoi a ma ia manawa e hele mai ai kekahi mea kuleana a kue i ua Palapala Kauoha la, ame ka haawiia ana o na Palapala Hooko Kauoha.  Hanaia Honolulu, Novemaba 26, 1895,

Na ka Aha:    GEORGE LUCAS, Kakauolelo.  2574-3

 

AHA HOOKOLOKOLO KAAPUNI APANA Eha o ko Hawaii Pae Aina.  Ma ka hooponopono waiwai.  Ma ka hana o ka Waiwa o Maiwela (k) i make, o Wailua, Hilo, Hawaii.  Ma ka heluhelu ana a me ka waihoia ana mai o ka Palapala Nui ame ka Hoike Waiwai a G.W.A. Hapai, Lunahooponopono o ka Waiwai o Maiwela (k) no Hilo, i make, a maloko o ia noi i nonoi mai ai oia e ae ia ka huina $219.10, a e “kaki” ana ma ona iho, $666.00, a nonoi pu mai e nanaia a aponoia ua hoike la, a e hoopukaia ke kauoha hope no ka mahele ana i ka waiwai e koe nei ma kona lima i na poe i kuleana ma ia mau waiwai, a e hookuu ana iaia a me kona mau hope mai no koikoi mai a pau o-.Ua kauohaia, o ka POAONO, la 4 o Ianuari, M.H. 1896, ma ka hora 10 a.m. mamua o ua Lunakanawai nei ma ke Keena, ma ka Hale Hookolokolo ma Hilo, oia ka manawa a me kahi no ka hoolohe ana i ua Noi la a me ka Hoike Waiwai, a malaila a ma ia wa e hele kino ae ai na poe a pau a e hoike mai i kumu, ina he kumu ka lakou, heaha la ka mea e ae ole ia ai noi, a e waiho pu mai lakou i na mea hoike no ka poe i kuleana i ua waiwai la.  Hanaia ma Hilo, Hawaii, i keia la 16 o Novemaba, M.H. 1895.  Na ka Aha:    DANIEL PORTER, Kakauolelo,    2574-3

 

Hoolaha Waiwai o Mele Hoomoeapuli i make.

KE HOOLAHAIA AKU NEI, O NA POE A pau he mau koi ka lakou i ka waiwai o MELE HOOMOEAPULI i make, e waiho mai i ka lakou mau koi i hooiaio pono ia iloko o na malama eono mai keia la aku, ina paha na hoopaa ia a hoopaa ole ia ma ka moraki; ia’u ma ko’u hale ma Kawaihapai, Waialua, mokupuni o Oahu.  A ina aole e waiho ia mai iloko o ia manawa, alaila, e hoole mau ia aku no lakou.  O na poe apau i aie i na waiwai la, ke kauoha ia aku nei lakou e uku koke mai ia’u.  Hanaia ma Kawaihapai, Mokupuni o Oahu, Dekemaba 7, 1895.  G.W. KAHANAUMAIKAI;  Lunahooponopono o ka waiwai o Mele.    Hoomoeapuli i make.    2575-5ts

 

NA LETA E WAIHO NEI ILOKO O KA HALE LETA A HIKI I KA LA 30 O NOVEMABA 1895.

APUA.

Kinohou    J.L. Kahoomiha     Paauki    J.Brown    Kua    Napoleon

Wahinehou    Melehaelo

HONUAKAHA.

K. Kamaume

KOULA.

M. Makanani.

KAPAUHI.

W. Hakalaau    P. Piilani

KAAKOPUA.

Keliiwaiwaiole    J. Ikaaka    Keoahu

KUNAWAI.

Kailiakaale 2    A. Panole

KAPAMOO.

Halauwai

MAKIKI.

1. Kauanainoo    W Alohikea    Pepeana

PELEULA.

E J Keola    P. Kepa    L Drew

WAIKAHALULU.

M. Kuikahi

KAUMAKAPILI

J K Keka    B Kealoha    Kaniku    Lepeka    S Kauhimaka    Kaaaahu    M Phillips

KAKAAKO.

@    T Kapualei    M Waipa   A Kalohi    K Lawea    Naehuelua    J Napuamanu

KIKIHALE.

M Asam    Kepano    Mahi    K Kamakahiki

KAWA.

L Iopa    Kaapa

MANOA.

K Ke’a

WAIKIKI.

Kiliaka    J Richard

AALA.

K Walu    J W Holona    Milaina

KAWAIAHAO.

M Kupihe    S M L Mahiki    J & Mrs Kakona    Keliipunileo    N Kamana

KAMANUWAI.

M Napua

KAPUUKOLO.

M Alina 2    M M Ghory    M Kahipa     S Kawalu    Paaluhi    Nahuakou

Mahana    M Kamalu

KALIHI.

L Kaimana    K Solomon 2    K J Mailou    Kamealani2    Aka    Pihana

Manele    Kahana    K Kamoa    L Kaleihuia    D K Kaninau    Kanikani

A Papua    M Maunaloa    M Barani    Miki (liilii)

MANA.

S Kenlieoi    K Taniela

WAIALAE.

S Mahailona

KAMOILIILI.

Kahaleieie    W A Homelani

KAMAKELA.

E L Beni 2    Benigno    D K Mookini

MOANALUA & PUULOA.

U Kaahiki    J W Kahoiwai    J Hehia    Aalona

ULAKOHEO.

J P Kahula

HAUHAUKOI.

Lakila    K Kuapali

KAHEHUNA.

Kuauli

MILILANI.

B L Kepoonui

KAOPUAUA.

Akana    Kamaka

NIOLOPA.

M Moses    Kapika

HONOKAUPU.

Moemoe    T Callow

PAUOA.

P Kamaawe    K Kaohu

LELEO.

S Kanahele    L Kamokumakea    H De Fries

AUWAIOLIMU.

J L Olioli 2    Kaluana

NA ALANUI

M Ilai,    Alanui Liliha

E Kenui    Alanui Liliha

H Kalei    Alanui Liliha

Kahaunaele    Alanui Liliha

K Aki    Alanui Liliha

Kahale Alanui Liliha

Kahaunaele    Alanui Kuakini

KALIA me PAWAA

M Kilioe    Kaluahine    Kawai    L Akahikeola

A H Keaka 2    M Kealaula    O Kapule    K Kekahuna

KAPALAMA

W Kamanao    C Nani    Kauila    Waihoikaea    M Kahoonei

M V Akau    A Pahio    Lakila    H Kaaa    D K Mookini

Lokai    Akau    F Aona    J H Kawailemi    J A Adam

K Paakiki    Alikapeka    Kanakaole    C Awa

KEPOHONI.

K Pokahi

HONOLULU.

A Kauakahilau    Kaolani    R N Meheula    O K Kapule    J Kalainoi

L Kaili    W Kamipele    Kalaweinui    Kehoe    Kaili

K Moikeha 3    Jno. Kalama    M Koaopaa    Nakoma    K H Lono

S Kahaunaele    S Kahele    S Kaleipio    D Kaapu    S Kaili 2

J Kapule    E Moanaliha    Alapake    Kinoini    S Mahiki

Kanohi    Kamahoa    Hao    Keaweluaole    L J Kipu

Haoma    J Kalawaia    R N Meheula    A Peli    Puhilama

Puakalamea    D Napuai    K Wanaoa    Kaapua    J Malai 

D Kaoehana    Kawa    S Kaanapu    J Kamai    D Kamika

Keanuu    Kahalewai    M Kaauao    D Kapu    Kelukuihiwa

H Palea    A Kaikapu    Kawahine    J E Malaea    K Levi

Kalahookahi    L Mahoe    Kamuku    Akana    Kaluahunea

Pakea    D Paahao    Kaeo    Kikealoha    P Luhau

K Haole    Kiokapu    K Pinau    Perry & Bili    Mioi

J Akini    L Koanui    Hanawahine    T Kikoi    Waiolama

Pauoa L    M A Kealakakae    Palua    L Kaili

Na Leta i hoihoi ia mai na Mokupuni mai:

HAWAII.

Kawahakui    Hilo

S Kaiuaola    Hilo

M Cook    Hilo

Kamaipoino    Puueo, Hilo

S Mahiai    Puueo, Hilo

Lota Waiotale,     Hamakua

M Keawe    Naalehu, Kau

Kalawa    Pahala, Kau

MAUI.

B Kaholua    Lahaina

E Ai    Wailuku

D Kaiwi    Wailuku or Kahului

Kailikula    Mokuhau.

KAUAI

Nawaii,    Waimea.

N.B.—O na poe na lakou na leta maluna a e, e oluolu e ninau mai i na leta i hoolahaia.

J. M. OAT, Luna Leta Nui.    Honolulu, Novemaba 30, 1895.

 

Olelo Hoolaha Hookapu.

E IKE AUANEI NA MEA A PAU LOA, KE papa a hookapu loa aku nei au i ka poe e noho la maluna o kuu aina i ike ia no Paele (k) e waiho la ma Kukuihaele, Hamakua, Hawaii.  E hookaawale koke lakou mai keia aina aku iloko o hookahi mahina mai ka la e puka ai o keia hoolaha.  Ina he kumu ko lakou malaila e hoike koke; a i ole pela, e hookoia no na olelo o keia hoolaha.

MRS. MARY WAIKULONO, Moopuna ponoi loa a Paele (k)

Mokauea, Kalihiwaena, Honolulu, Oahu. @

 

GOO KIM    411 Alanui Nuuanu.    Mau Waiwai Hou!    Mau Waiwai Hou!

Ua loaa mai nei ia’u mai Amerika ame Kuropa mai he mau Lako Waiwai Hou Loa, kupono no na la Kulaia.  He mau waiwai i wae ia no ke Karikimaka.  Mai hoohala i ka nana ana i ka’u mau waiwai mamua ae o ke kuai ana aku ma kahi e.  2575

 

Hoolaha Hou.

Hoolaha Kuai Waiwai Paa ma ke kudala Akea.

KE HAAWIIA AKU NEI KA OLELO HOOlaha ma keia, i kulike ai me ke kauoha a ka Aha @ o ka Aha Kaapuni Ekahi o ka Repubalika o Hawaii, i hanai a ma ka la 26 o Novemaba, @, ma ka waiwai o ONO IUKO, i make e kuai kudala akea aku no ka Lunahooponopono Waiwai malalo iho nei, i na waiwai ia i ka mea koho kiekie no ke dala kuike, ke apono nae ka Aha Kaapuni, ma ka POAKAHI, la 23 DEKEMABA, ma ka hora @ awakea ma ka paka ma ke alo o Aliiolani Hale, Honolulu, i na pono a pau a kuleana o na waiwai ia (malalo nae o kekahi hoolimalima no 30 makahiki, e helu ana mai ka la i mai o Dekemaba, @ ma ka uku hoolimalima o $12.00 no ka makahiki iloko a i pili i ka apana aina i hoikeia mahope ae nei:  E hoomaka ana ma ka hao ma ka palena o Kalalilo, mauka o keia hoio Hema @ kapuai, ma ka palena o ko @ a hiki i ka pohaku @ kokoke i kaa pali loko o Kawa, ke kihi Hmea o ko @ malaila aku holo kokoke i ke kihi o Loko a hiki i ka ina poo poo Heiau ma kae loko ma ke kihi o ko Kahahawai @ alaila Akau @ Komohana @ kapuai ma ko @ a ma ko @ i kahi pahu, alaila hele pololei aku a i kahi i hoomaka ai.  Oia no ka aina i hoikeia ma Kawa mawaena o ke Alanui e holo ana mai ke Alanui Moi a hiki i Iwilei a me ka pili na @ o ke awa o Honolulu.  Kumukuai oi maluna o $1000.00

Na lilo Palapala no ka mea kuai mai.    KEALOHA IUKO.

Lunahooponopono Waiwai o Ono Iuko i make.  @

 

Ka Hoolaha Makemake a ka mea Paa Moraki e Hooki i ka Moraki a e Kuai aku.

I KULIKE AI ME NA OLELO O KEKAHI Moraki i hanaia e LILIA KEAWEAMAHI ame D. KEAWEAMAHI, kana kane, ia Yim Quon, i hanaia ma ka la 29 o Maraki, M.H.@, kaku kope ia ma ke Keena Kakau Kope, Oahu. maloko o ka Buke 139, ma na aoao 398-9 me @, a i hoolilo pono ia aku hoi e Yim Quon i oleloia ia Mrs. Eliza P. Luce, @ ponoi iho a ma ke ano Kahu no J. Alfred Magoon, ma o ka palapala hoolilo waihona la, i hanaia ma Aperila 27, M.H. 1894, ke hoolahaia aku nei ma keia, ke makemake nei ua waihona (assignee) e hooko i ua moraki la, no ka uhaila ana, oia hoi, ka uku ole ia ana o ke kumupaa @ ka ukupanee i ka wa i oo ai.  Ke hoolaha pu ia aku nei no hoi ma kela, mahope iho o ka hala ana o ekolu pule mai keia la aku, e hoolaha ia aku no na waiwai la i moraki la, no ke kuai kudala ia ma ke Keena Kudala o Jas. F. Morgan, ma Honolulu, ma ka POAKOLU, la 18 o DEKEMABA, M.H. @ ma ka hora 12 awakea o ua ia la.    MRS. E.P. LUCE,

Kahu Waihona o ka Moraki.  No na mea aku i koe e ninau ia DOROTHEA LANE ma ke Keena o J. Alfred Magoon.  Hanaia, Honolulu, Novemaba 20, @.  O na aina i paa ma na Moraki nei, oia ua aina e waiho ana ma ka aoao hikina o ke Alanui Emma, ma Honolulu, a oia hoi.  Akahi.  O keia hapa a pau o ka Palapala Hooko Kuleana @ ia Waikane, i hooliloia aku ia D. Keawemahi i oleloia ae nei, ma ka Palapala Kuai, i hanaia i Okatoba 16, 1877, kope ia ma ke Keena Kakau Kope, Oahu, maloko o ka Buke 55, aoao 133-4-5, ka area 12-100 o ka eka, a--  Elua.  O keia hapa a pau o k Palapala Hooko Kuleana 556 ia Makalawelawe i hoolilo  ia aku ia Lilia Keawemahi I oleloia ma ka la 14 o Novemaba, M.H. 1877, ma ka Palapala Kuai, maloko o ka Buke 52, aoao 488, area @o ka eka

 

Hoolaha Hooko Moraki me Kuai.

KE HOOLAHAIA AKU NEI MAMULI O KA mana hooko kuai i hoakaka ia maloko o kekahi moraki i kakauia ma ka la 3 o Aperila, M.H. 1891, i hanaia mawaena o George Trousseau o Honolulu, Mokupuni o Oahu, a me Alexander J. Cartwright, Kahu Waiwai o Adelia Cornweil, o Honolulu i oleloia, i kopeia ma ke Keena Kakau Kope o ke Aupuni ma na aoao 245-247 o ka Buke 129; o ka mea nona ka inoa malalo iho, ka hope o Alexander J. Cartwright i oleloia, o manao ana oia e hooko aku i ua moraki la no ka hai ana o na kumu penei;  Ka hookaa ole i ke kumupaa a me na ukupanee i hala ka manawa hookaa.  Ke hoike pu ia aku nei, o na waiwai a @ paa malalo o na moraki la me na mana a pau i pili ia mea, e kuai ia aku ana ma ke kuai kudala akea ma ke Keena Kudala o James F. Morgan, ma Alanui Moiwahine ma Honolulu i oleloia, ma ka POAKAHI la 23 o DEKEMABA, M.H. 1895, ma ka hora 12 o ke awakea o ia la.  O ka waiwai i paa malalo o ua moraki la, oia kela poe apana aina a pau e waiho la ma Kapahulu, ma ka Apana o Kona o ka Mokupuni o Oahu i oleloia, nona ka ili a pau o umikumamakahi me 2-100 o ka eka, a oia no kekahi hapa o ka Apana 32 o na Aina  i hoakakaia ma ke Komiaina Haawi Aina @ a o na apana i helu ia 21,22 a me 23 o ma apana o Kapahulu e pili pu ana me Kapiolani Park, na apana aina i hooliloia i ka mea moraki, George Trou@ e Chas. M. Cooke, kahu waiwai o Anna H. Bailey, ma ka palapala i hanaia ma ia la no me ka moraki.  E hui pu ia ana na pono hookahekahe wai, na pauma, na paipu, a pela aku, maluna o ka aina i oleloia.  He kuike ke kuai.  Na ka mea kuai e uku na hoolilo o na palapala.  F.W. MACFARLANE,

Ka Hope o ALEXANDER J. CARTWRIGHT, Kahu Waiwai o ADELIA CORNWELL.  2573-4

 

Olelo Hoolaha a ka mea Paa Moraki no ka Makemake e Hooko i ka Moraki a e Kuai aku.

I KULIKE AI ME NA OLELO O KEKAHI Moraki i hanaia e JOHN NAHINY ame KAPULE, kana wahine, ia J.A. Magoon, Kahu @ hanaia ma ka la 1 o Mei, M.H. @ a i kopeia ma ke Keena Kakau Kope, Oahu, maloko o ka Buke 147, aoao 202 me 208;  ke hoikeia aku nei ka lohe ma keia, ua makemake ka mea e paa nei i ka moraki e hooko aku i na olelo o ua moraki la i uha’I ia ai, oia hoi, ka hookaa ole ia ana o ka ukupanee ma ka wa no ka hookaa ana.  Ke haawi pu ia aku nei ka lohe, ma keia, ma hope iho o ka pau ana o na pule ekolu, mai keia la aku, e hoolahaia aku no ka waiwai i paa maloko o ua moraki la, no ke kuai kudala akea ia ana, ma ka Hale Kudala o Jas. F. Morgan, Honolulu, ma ka POAKOLU DEKEMABA 15, M.H. 1895, ma ka hora 12 o ke awakea o ua ia la.  J. ALFRED MAGOON,

Kahu a mea Paa Moraki.  No na mea e pili ana i keia Moraki, e ninau ia DOROTHEA LAMB.  Hanaia, Honolulu, Novemaba 12, 1896.  O na aina i paa ma ua Moraki la, eia:  Akahi:  O keia apana aina a pau i hoakakaia ma ka Palapala Sila Nui 1,466 ia Henry Clark, maloko o laila, he kanaka-ku-mamaiwa eka, a @.  Alua:  Hookahi hapa iwakalua o keia apana aina a pau, i ikeia Ke Ahupuaa o Honokaa, maloko o laila, he ekolu haneri ame iwakalua-kumamawalu 9-20 eka, a oia kahi hapa o ka Palapala Sila Nui 6,857, Kuleana 7,718 a oia kelal wahi i hooliloia aku ia John Nahinu i oleloia, e J.W.L. Lapanila, ma ka palapala kuai i hana ia ma Feberuari 22, M.H. @ a i kopeia ma ka Buke 125, aoao 9 me 10.  O keia mau Apana aina elua i hoike ia ae la aia ma Kona Hema, Mokupuni o Hawaii.    @

 

HOOLAHA HUI.

E NOHO ANA KA HUI NUI O KA PAUWELA Store Company ma ka Poaha hope o Dekemaba, la @    P. N. KAHOKUOLUNA, Kakuolelo.  Pauwela, Nov. 23 1895.  2374-2

 

Olelo Hoolaha Hui.

KE HOOLAHA IA AKU NEI MA KEIA, ua hoohui me nei o Thomas E. Wall ame Frank E. Nichols, he mau mea e noho ana ma Honolulu, Oahu, malalo o ka inoa Hui o ka Hui   WALL_NICHOLS, no ka lawelawe ana i ka hana Kalepa ma na Lako Kakau, Buke, Nupepa ame na Mea Kani.  o kahi hana o na Oihana la, aia maloko o ka hale i ike ia “ Ka Repubalika” @ ku ana ma Alanui Moi, kokoke i ke Alanui @ maloko o Honolulu i olelo ia ae nei.  @ WALL-NICHOLS,   Honolulu, Novemaba 19, 1895.  2574-2

 

Hoolaha a ka Lunahooponopono Waiwai.

NO KA MEA, o ka mea nona ka inoa malalo iho, na hookohu pono ia mai oia e ka Mea Hanohano W. A. Whiting Lunakanawai Ekahi o ka Aha Kaapuni Ekahi, i Lunahooponopono no ka waiwai o Clarisa E. Cummings i make.  Nolaila, ke hoolahaia aku nei o na poe a pau he mau koina ka lakou i ka waiwai o ka mea i make.  E waiho mai i ka lakou mau koi iloko o na malama eono mai keia la aku, ina paha na hoopaa ia a hoopaa ole ia paha ma ka moraki a ina aole e waihoia mai iloko o ia manawa, alaila e hoole mau loa ia aku no.  O na poe a pau loa i aie i ka mea i make, ke kauohaia aku nei lakou e @ koke mai i ka mea nona ka inoa malalo iho, ma kona Keena ma Kapuaiwa Hale, ma Honolulu.  Hanaia ma Honolulu, Iulai 29, 1895.    W. H. CUMMINGS, Lunahooponopono o ka waiwai o Clarissa E. Cummings i make.  @