Ka Nupepa Kuokoa, Volume XXXIV, Number 49, 7 December 1895 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXIV.         HELU 49.       HONOLULU, POAONO, DEKEMABA 7, 1895.   NA HELU A PAU, 2575

 

Hoolaha Loio.

W. R. KAKELA,

Loio a he Kokua ma ke Kanawai,

HE LUNA HOOIAIO PALAPALA.

2370

 

ALLEN & ROBINSON,

NA MEA KUAI PAPA O NA ANO A PAU E loaa no ma ka UWAPO o PAKAKA, Honolulu, make kumukuai makepono loa, no ka pomaikai o ka lehulehu e makemake ana e ku  kulu h@l@.  E kipa mai a e ike kumaka.

2896-q

 

WILDER & CO., (WAILA MA..

Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

Kihi o Alanui Moiwahine me Papu.

396-Q

 

JAMES M. MONSARRAT, (MAUNAKEA.

Loio a he Kokua ma ke Kanawai

HE LUNA HOOIAIO PALAPALA.

            E hana ia no ua Palapala Kuai, Palapala Hoolimalima, a me na Palapala Pili Kanawai @ ae ma ka olelo Hawaii.  Dala no ka hoaie ma ka moraki ma na Waiwai Paa.

            Keena Hana:  Hale Pohaku hou ma ka aoao ma Waikiki o ka Halewai, alanui Kalepa.         2370

 

OLELO HOOLAHA.

            O na poe lawelawe hana ole a pau me ka Hui Hanai Hipa o Humuula, ke papa loa ia aku nei a@ou aole e hele maluna o na alanui a ala liilii o na aina e noho mana ia nei e ua Hui la ke loa a ole ka ae la mamua.

            O na ilio @ loaa aku ana maluna o ka aina, e p@p@hila no; aole loa @ ae la ka ho'a pua ana ma @l@ani.

HUMUULA SHEEP STATION COMPANY,

Kalaleha, Apr. 20 1895.          2544-1y

 

Olelo Hoolaha i na Poe Aie

OIAI, UA HOOKOHU PONO IA MAI NA mea no lana na inoa malalo iho nei i mau Luna Hooko Kauoha no ka Waiwai o JOHN KALAMA, o Makawao, Maui, i make, nolaila ke haawila aku nei ka lohe i na kanaka a pau e waiho mai i ka lakou mau koi i hoo@a@o pono ia i @a waiwai la o John Kalama i oleloia, ina paha @a hoop@aia ko koi ana ma o kekahi moraki la, a ma kekahi ano e ae paha, i na mea no lana na inoa malalo iho nei, iloko o eono malama mai keia la aku, a i ole, e hoole mau loa ia aku no lakou.  O na poe hoi a pau i aie mai i na waiwai la, ke ka@ohaia aku nei ma ke@a, @ hook@ koke mai i na mea @o laua na inoa malalo iho nei.

            Hanaia ma Makawao, Maui, Novemaba 9, 1895

CHARLES COPP,

SARAH KALAMA,

            Na Luna Hooko Kauoha o ka Waiwai o John Kalama.

2572-4

 

PAPA! PAPA

AIA MA KAHI O

Lewers & Cooke

(LUI MA),

Ma ke kahua hema o Alanui o Papu me Moi.

E LOAA NO NA

PAPA NOUAIKI

O kela a me keia ano.

Na Pani Puka, na Puka Aniani, na Olepelepe, na Pou, na O'a, na Papa Hele, na Papu Ku, me na Papa Moe he nui loa

N@ PILI HALE O NA ANO A PAU

A me na

WAI HOOHINUHINU NANI

O na ano a pau loa@

 

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e @ ana ma ka laua oihana no ka

Uku Haahaa Loa,

E like me ka mea @ holo ana mawaena o Lana a me ka Mea Kuai.

Hele Mai e Wae no Oukou iho.

2396-q

 

KA MOOLELO KAULANA

--O KA NAITA—

GODEFERE

O Buliona;

--KE—

Duke o Loreine.

Ke Ahi Kanana o ke Kaua Kerusade Mua Loa a na Karistiano no ka Hoopakele ana i ke Kulanakau hale Hemolele o Ierusalema.

 

MOKUNA II.

KA HOOUKA KAUA MUA LOA A GODEFERE BULIONA—HAALULU NA PE'A TUREKE—PUHILI KE KOA AHIKANANA O ADERIANO.

"Ua haalele aku i ka aina hanau,

Ka aina hiwahiwa a ke aloha

Hookahi nae aloha i oi aku

Ka hanohano ma ka o@ o ka makakila

            A elike me na mea i hoakakaia'e nei no ke ano ame ke kulana o keia Naita, pela no i hoike ai ia i ka hana ana e hoonee aku ai imua, no ka pane a ka Emepera Alexius i loaa mai ai iaia.

            Ua haawi koke ae la ia i na kauoha i kona mau mahele koa a pau, e hoomakaukau ia lakou iho no ka hora ana e haawi aku ai i ke kauoha no ka hoonee ana i na hana imua, no ka lawe pio ana mai i ke kulanakauhale o Aderianopela, kekahi o na kulanakauhale e noho ana malalo o ka mana o ka Emepera Alexius.

            I kela wa i wawa@o ae ai na pu puhi he mau tausani ka nui e kani kupinai ana mawaena o ka pualikaua holookoa, a ikea aku la Naita alakai o kela ame mahele e holo ana maluna o ko lakou mau lio kaua, me ka haawi ana i na kauoha no ka hoomakaukau ana o ko lakou mau kanaka.  Iloko o ka manawa p@kole, ua makaukau ae la na mea apau, ma ka aoao o na Karistiano.

            Oiai hoi keia hoomakaukau ana ma ka aoao o na Karistiano e nee ana, ua hoouna aku la ka Naita Buliona, i kekahi palapala kauoha i ke Alii Kiaaina o loko o ke kulanakauhale o Aderianopela e haawi pio mai i ke kulanakauhale iloko o kona mau lima.

            O ka inoa o keia kiaaina, oia o Ali Media, kekahi o na kanaka ikaloa mawaena o na Koa Kaulana e noho ana malalo o ka Emepera o ka Hikina, oia hoi o Alexius i oleloia ae nei.  Ua kapaia kona inoa hoohanohano e kona poe kanaka, "Ka Uwila o na Kukulu o ka Hikina."  Aia malalo o kana hoomalu ana he mau kanaka kaua i hiki aku i ka 300,000 a oi iki, a oia kekahi mahele nui o na koa Muselemana ma ke kukulu komohana o na aina a ka mana a na Mahomeda i palahalaha ai.

            Ma ka palapala a ka Naita Buliona i kakau aku aku ai ia Ali Media, ua nonoi aku la ia e haawi pio ia mai ke kulanakauhale o Aderianopela iloko o kona mau lima.  He mau hora mahope o ka loaa ana aku o keia palapala i ua alihikaua nei o ka poe Musulemana, ua huli hoi mai la ka elele a ka Naita Buliona i hoouna aku ai, me ka uk@ ia ana e kekahi koa hololio Tureke, nona ke kapakaua i hulali olinolino ae imua o na kukuna o ka la.

            Na keia koa hololio i lawe mai i ka palapala pane a ka Alihikaua Ali Media.  Maloko o ua palapala nei, e hoike mai ana ua Alihikaua nei o Aderianopela, aole loa oia e haawi pio mai ia kulanakauhale i na kanaka i laahia ole ia Mahomeda, ke kaula, a i manaolo ole hoi ia Alahe, ke Akua nana i hana i ka lani ame ka honua, a o ka mea hoi nana e haawi mai i ka lanakila i na keiki i manaoio @aia.

            I ka ike ana o ka Naita Buliona i kela pane a Ali Media, ua huli mai la ia a hoike mai la i ka elele a ka Alihikaua Mus@lemana.

            "E hoi oe a e hai aku i kou haku, mamua o ka uhi ana mai o na eheu o ka po maluna o ke kulanakauhale o Aderinopela, e lilo pio mai ia iloko o na lima o na Karistiano."

            Huli hoi aku la ua hololio nei me ka puahi nui, oiai hoi ka Naita Buliona i kauoha ae ai i kona mau aliikoa e ku me ka makaukau, no ke kauoha hope loa e haawiia aku ana ia lakou.

            Oiai hoi keia mau kauoha e holo awiwi ana ma kela ame keia pea o na koa Karistiano, oia ka wa i ike ia aku ai o ka welo ana mai o na hae o na koa Tureke maluna o na pa o ke kulanakauhale o Aderinopela.

            A ia wa i ikeia aku ai ka puka ana mai o na koa hoohololio he mau tausani ka nui, na lakou na laau ihe ame na pahikaua e hulali ana imua o na kukuna o ka la.  Aole i emo, ua nee mai la he pualikaua nui o na Koa Muselemana me ka awiwi nui no ka halawai ana me na Koa Karistiano e nee aku ana.

            Ikeia aku la ma ke poo o ua poe koa Tureke nei, he kanaka e kau ana maluna o kekahi lio keokeo, nona ka aahu i like loa kona hulali me ke gula, o kana pahikaua e olapa ana ia maluna o kona poo me he anapu ana la na ka uwila.  A elike me na nee ana a ua pahikaua la, pela i ike ia aku ai ka nee ana o na koa Tureke ma keia ame keia aoao o mua o na koa Karistiano e nee aku ana.

            Ma ia wa hookahi nohoi, e lele mai ana na pua pana mailoko mai o na pa-kaua i kukuluia maluna o na pa o ke kulanakauhale.  He oiaio, ua kaa mai la na hoehu mua ana a ke kaua ma ka aoao o na poe Mahemeda, oiai hoi ka Naita Buliona ame kona mau alii e hele aku ana ma ke poo o na Koa Karistiano.

            Ma ka wa i hui ai na puali elua i kahi hookahi, oia ka wa i haawi ia ai na haawina o ka luku ma na aoao elua.

            Mawaena o na Koa Muselemana, o ke kanaka e kau ana maluna o ka lio keokeo ka mea nana ka pahikaua i olapa ae me he uwila la ma na minute mamua iho, oia ka mea e luku mai ana i na Koa Karistiano, me ka weliweli nui, a o keia kanaka oia no o Ali Media; a ma ka aoao hoi o na Karistiano o ka Naita Buliona ka helu ekahi.

            Oiai hoi na alakai e ae o na aoao elua e haawi ana i ka lakou mau hooikaika ana no ka lanakila o ko lakou mau aoao iho, aia hoi ka Naita Buliona ke hookele la i kona alahele o ka paio ana no ka halawai ana me ke koa Ali Media.  O keia manao hoi iloko o Buliona, ua koii pu aku la ia iloko o Ali Media, nokamea, ke hookele mai la nohoi oia i kona alahele ma kahi e halawai mai ai me ke alakai o na Karistiano.

            Nolaila, e nana aku kakou i ka wa i hui ai nei mau kanaka koa aiwaiwa, he alo a he alo.

            I ka hoea ana o kela ame keia o ua mau alakai nei imua ponoi o kela ame keia o laua iho, ua haawi koke ae la laua i na kakele pahikaua i hele ai hoi laua a makaukau.

            He wa loihi no ko ua mau moho la o ka ulele ana mawaena o laua, a ka hope, ua haule aku la ka Alihikaua Ali Media mai luna aku o kona lie, oiai, ua loaa aku la oia i ka hauna pahikaua akamai a ka Naita Buliona, i kakeleia iloko o ka ikaika ame ke oolea.

            Na keia haule a make ana o ke koa Ali Media i hoopi@o aku i na koa Mahomeda, a auhee aku la lakou me ka pioo nui.

            Ua uhai aku la hoi na Karistiano mahope o lakou a hiki wale i ko lakou komo like ana iloko o ke kulanakauhale o Aderianopela.  Ua lawe pio ia ae la ua kulanakauhale la e ka Naita Buliona, a pela i ko ai kana i olelo mua ai mamua o ka hooukaia ana o ke kaua, na huaolelo hoi ana i hoike aku ai imua o ke Koa Muselemana.

            "Mamua o ka uhi ana mai ona eheu o ka po maluna o ke kulanakauhale o Aderianapela, e lilo pio mai ia iloke o na @ma o na Karistiano."

            He oiaio, aole i napoo ka la ma na ke kekulu komohana i ke@a wa i komo ai ka Naita Buliona ame kona poe koa iloko o kona mau kaiaulu, a noho iho la lakou maloko o ka halealii o ka poe Mahomeda.  Nui launa ole ka makau ame ka weliweli oka poe Mahomeda i na Karistiano i keia wa, a nui pu no hoi me ka paila ana o ka huhu iloko o ko lakou mau naau.

Aole i pau.

 

HE MOOLELO NO

NICK CARTER

--KA—

Hookolo Meheu Kaulana,

--A O—

Ka Wiwo Ole Hoi o na Wiwo Ole,

 

Ka Makai Kiu Lima Hao Kila, a i Kapaia, a i Kaulana ma na Inoa Kapakapa o ka "Makai Kiu Mageneti a o ka Umii Hao Kila."

 

            I kela wa hoi, ua kunou haahaa mai la ke kauwa, a huli hoi aku la oia no kona wahi, me ke ake nui e hai aku i kana mea hou i kona poe hoa kauwa, a poe hoa hana pu hoi malalo o ka ona miliona, a lunahoomalu hoi o ka oihana makai.

            I loa no a hala aku ua kauwa la, ua hoea koke mai la no he elele mai ke keena oihana makai mai imua o ke komisina, a hoike mai la i ka mea hou iaia, a i kela wa pu nohoi, ua hoi ka opio Niki Carter.

            I kona hoea ana mai, ua hoike koke mai la oia i kona pihi makai ia Mr. Strong, me kona hoomaikai pu ana mai hoi no ko Mr. Strong lokomaikai iaia, aka ua lawe mai la ka lunahoomalu i kana hoomaikai me ka minoaka ana, a iloko o kela wa, ua haawi aku la oia i ko ka palapala hookohu i pau pono i ke kakauinoa ia, a i kuni@a me ke sila o ka oihana makai kiu o ke aupuni; a i kela wa, akahi no a pane aku ke komisina i ka opio.

            "Ua laki loa oe e kuu makamaka opio, oiai, i loa no a loaa ia oe ka hookohu, ua hoea koke no ka hana, nolaila, ua makemake au e hoao ia oe ma keia hihia."

            "Heaha ia hihia?" wahi a ka opio.

            "Aole ka oe i lohe mai nei ma ke keena Ilamuku?" i ninau mai ai ke komisina.

            "He oiaio, ua lohe pa-e wale mai nei au, ua hana ia kekahi hihia pepehi kanaka maloko o ka Hotele Hoku," i pane aku ai o Niki Carter.

            "Oia ka hana a'u i makemake iho nei e haawi aku nau, a e hoomaka oe ma keia hihia, aka, e haawi ana no nae ka Ilamuku i keia hana hookahi no iloko o ka lima o kekahi makai kiu e aku, nolaila ina e loaa ana ia oe ka mea nana i hana i kela karaima me ka pololei, a hoka hoi kela makai kiu kahiko ia oe, alaila, he mea e ko'u haaheo nou e ka opio," wahi a ke komisina.

            "E hoao no au elike me ka hiki ia'u, aka, ina nae au e hoohoka ia ana, aole no ia he mea no'u e hilahila ai, oiai he mea au akahi no a hoomaka i keia hana," wahi a Niki Carter.

            He mau sekona mahope mai, ua oili aku la ka opio mai kahi aku o ke komisina me ka naau hauoli, oiai eia oia ma ke ano he mea noli aku i na hana hewa ame ke kinai ana hoi i na hana karaima, ka mea ana i na hana karaima, ka mea ana i kuko nui loa ai.

            Ia wa, ua hele pololei aku la oia no ka hale hotele, kahi o ke karaima i hana ia ai.  Aole i liuliu, ua hoea aku la oia ma ka hotele.  Me kona hookaulua ole iho, ua komo pololei aku la no oia a hiki ma kahi o ka ona hotele, oiai e noho ana no oia ma ke keena kakau o ka hotele.

            Me kona ano keonimana, ua nonoi aku la oia e ae ia mai oia e hele e makaikai i ke kino o ka mea i powa @a, me kona hoike pu ana aku i@la iho ma ke ano makai kiu.

            Ma @a mau kumu, ua hoikeia mai la iaia ka helu o @a keena la, ame ka haawi pu ia ana mai o ke ki ma kona lima.

            I ko Niki nomo ana aku maloko o ua rumi la, ua ike koke aku la oia i ka waiho mai o ke kino make o kekahi mea i wahi ia a paa me ka huluhulu.

            Me ke ano pihoihoi iki o kona naau, ua alaa ae la o@a i ke kihei i uhi ia ma ka maka.  I kona hoomaopopo ana iho i na helehelena o ka mea e waiho ae ana, ua koho koke ih@ la oia, he wahine ka mea nona ke@a mau helehelena, oiai he nanaina wahine na ano a pau, a i kona wehe loa ana aku i ka huluhulu i uhi ia ai, ua ike iho la oia he aahu kane ko ka mea make.

            Nana akahele iho la oia no kekahi mau minute me ka hakilo akahele lea ana, a ia wa oia i puana ae ai.  "Ahe!  Pela ka i kuhihewa ai kela poe!  Aole keia he kane, aka, he wahine keia i hoaahuia i ka lole kane!"  Ia wa, ua uhi hou iho la oia a paa ke kino, a iaia i makaukau ai e haalele iho i kela wahi, ua komo mai la Ilamuku a me ke komisina.

            "Halo!  Eia koke mai nei no ka oe ianei nei?" wahi a ke Komisina ia Niki.

            "Ae," i pane aku ai o Niki.

            "Heaha kau mea hou," i ninau hou mai ai ke Komisina.

            "Eia ka mea hou:  Aole keia he kane, aka, he wahine keia!" i pane aku ai ka opio.

            He mea e ke kahaha o laua i keia lohe ana, a ia wa, ua pane mai la ka Ilamuku me ke ano hoohuhu.

            "Ka!  Pehea iho la hoi oe i manao ai he wahine keia, oiai, ma ke@a kakahiaka nui, ua hoouna mai au i kekahi o ko'u mau makai-kiu akamai loa e nana i keia mea, a ma kana hoike ae nei ia'u, he kane ka mea i powa ia, aka, ke hai mai nei hoi oe ia maua, he wahine.  Pehea iho la keia?"

            Me ka pane ole aku o ka opio, ua hele pololei aku la oia a wehe ae la i ke kihei i uhi ia ai o ke kino make a ma ia wa, ua h@ike ae la oia ia laua i kahi o ke kino o ka mea make e hiki ole ai ke hoohewahewaia.

            I ko laua ike maka ana, he mea e ko laua kahahs, a ia wa, ua mihi hou laua i ka opio no ko laua kuhihewa ana.  Nolaila, ua hoomaopopo koke iho la ke Komisina, he mea oiaio, he opio akamai io no keia, a he akahele hoi, oiai ua hoohokaia ka poe kahiko e @a.

            Nolaila, ua pane hou aku la ua Ilamuku la:

            "Ke waiho aku nei au i keia hana ma ko@ lima e ka opio, a ina e hololea ana ma ka'u lawelawe ana, alaila, e hoolilo no au ia oe i alii maluna o kekahi wat@ makai."

            Ia wa, ua haalele iho la lakou i kela wahi, a hoi pololei aku la keia no ko ianei home.

            Mahope iho o kona paina ana, ua aahu hou iho la oia he aahu hoano e a ma kona nana ana iaia iho, ua loli ano e loa kona ano a like ole loa me kona ano mau.

            Ia wa, ua hele hou aku la keia no ka hotele, aka, aole nae oia i komo aku iloko, ua hookaalo wale no keia mawaho, e kiai ana oia no ka ike i kekahi mea ano e, oiai ua maopopo no iaia he mea mau i ka poe pepehikanaka, aole e hiki ia lakou ke hookaawale iaia iho mai kahi ana i hana ai i ke karaima, oiai i ka wa e mau ana no ka waiho ia o ke ke kino, aole e nele kona hookaalo hou aku malaila, no ke ake e ike a e lohe paha ina ua nalo kana mea i hana ai.

            aole i liuliu kona holoholo ana mailaila, oiai ua poeleele loa iho la i kela wa, ua ike aku la kona mau mau maka ooi i ka maai ana ae o kekahi mea ma ka paia o ka hale hotele.  Me ka hikiwawe nui, ua hoea aku la ka opio ma ia wahi, a me ka leo hawanawana, @a kahea aku la o@a:

            "Owai keia mea @ nei?"

            Ia wa koke no, ua pane ia mai la kana ninau mailoko mai o kekahi wahi poeleele loa, he wahi kuoono ma ka paia o ka hale:  "Owau no.  He mea i nele i kahi ole e hiamoe ai, a nolaila eia au maanei e moe nei," wahi a ua leo la.

Aole i pau.

 

KA NANEA HOONI PUUWAI

--NO KA—

MEA HUNA POHIHIHI

--O—

HAMETONA KAKELA.

Ka Ui Beatirisia, ka Oi o ke Kupaa, ke Pookela o ka Hoomanawanui a o ka Hiwahiwa a ke Aloha.

 

MOKUNA I.

KA LEDE BEATIRISIA.

            O keia Haku Adelo, he keiki hoahanau oia na kekahi o na 'lii waiwai nui o Pelekane, oia ka Haku Tereveliana.  Olai, he kaikuahine ko keia alii, a na ia wahine mai keia keiki.  O kona inoa piha, oia o Oremona Adelo.  Aka, aia he keiki e ae kekahi i pili aku i keia Haku Tereveliana, nona ka inoa Geofere Tereveliana, a oia ke keiki a ke kaikuaana o keia kanaka (Haku Tereveliana).  A o keia mau keiki elua, ua like loa laua me na "Opua hoohaehae makani" iluna o ke kaulu hookahi.

            Mawaena o na poe apau o Pelekane, i kapili ae i ka lakou mau hoohihi ana maluna o ka oiwi nona keia moolelo, o keia mau opio kekahi i komo pu ae ma ia poai.  A e ike ana kaua e ka makamaka heluhelu, i na mea e pili ana i keia mau keiki ma keia mau mua aku o ka nee ana o ka kaua nanea.  Ma keia hoomaoana iloko ou no ka mea e pili ana ia Haku Adelo, e hoomau aku kaua i ka nana ana no na kamailio ana mawaena o ka Haku Hametona a me kana kaikamahine ka Lede Beatirisia.

 

            Ma ka wa i hooki iho ai o Haku Hametona i kana kamailio ana, ua ike ia aku la ke ano e ana ae o na helehelena o ka Lede Beatirisia, a me ia hiohiona maluna ona, pane mai la ia me ka leo kuoo.

            "E kuu makua, aole o'u makemake ia Oremona Adelo.  He kanaka ino loa ia, ame ka lapuwale.  O kana mau hoao ana e hoomaalili mai i ko'u mau manao hoowahawaha iaia, he mau mea makehewa wale no ia.  He oiaio, e kuu makua, ua hoi hou mai nei oia i Enelani nei, no ka hoomaka houana i kana mau hana uhaiaholo hoehaeha ana, ma ko'u mau meheu.  He oiaio, ua ike au me ka maopopo loa, ua pau io no kona makemake ana e a@wana hele ma na aina e, aka, aole loa i kena kona makemake e hoopiha hou ia kana pahu hao me ke dala, a oia wale no ke kumu o kona ake nui ana e mare mai i kau kaikamahine nei.  A e kuu makua, ke hai aku uei au ia oe:  Mawaena o ka poe a pau i nonoi mai ia'u no ka mare, aole a'u mea e ae i oi pookela aku ko'u hoowahawaha e like la me ia.  Ae—he hoowahawaha maoli au iala.  A ke hai hou aku nei au imua ou e kuu makua, elike no hoi me ka'u i hai mua aku ai ia oe, a iaia ponoi nohoi—Aole loa au e mare iaia?"

            Me keia mau huaolelo hope i puka mai ka waha ae o ua Lede Beatirisia nei, ikeia aku la ka emi ana iho o kona umauma, me he mea la, e haawi ana i ka hoomaha ana, mahope iho o na hapai ana a na manao uluku ikiiki iloko ona, ma na sekona mamua iho.

            I keia wa hoi i ku ino ae ai ka Haku Hametona iluna, huli ae la oia ihope, me ka pea ana o kona mau lima ma ke kua, hele aku la no kekahi mau kaina kapuai a huli hoi hou mai la, nana aku la oia i kana kaikamahine, alaila, noho hou iho la o@a maluna o kona noho, a hoomaka aku la oia e kamailio i ka Lede Beatirisia, me ke ano ikaika o kona leo a haalulu hoi:

            "No keaha hoi?" wahi a ua Haku Hametona nei i ninau aku ai, me ka hoomau ana aku i ka olelo ana, "E Beatirisia!  Aole anei oe i ike ke kaa@o awiwi launa ole ae nei ke au o ka manawa, a ke holo aku aku nei hoi kou maumakahiki no ka heluna mahuahua?  Alaila, pehea la ka loih@o ka manawa i koe, au e kali ai, a hoea aku oe i ka wa e o mai ai na lauoho hina ma kou poo; a oia hoi ka wa e nele ai oe i ka mea makemake e mare mai ia oe?  E kuu Beatirisia!  Ua ike no oe, aole i loihi loa aku ko'u mau ia e ola ai, a hoi aku no au i ka aoao mau o ko ka honua nei noho ana, @ ukali aku ana hoi ma ka meheu a kou luaui makuahine i hele aku ai; a he mea oiaio, o oe wale no auanei ka mea hookahi o ke koko mai ka ohana mai o Hametona.  E noho iho auanei oe ma kena ano au e paakiki nei, a e kaualako aku auanei oe ma kou hokua i na in@a, e uhai-a-holo ana mahope o ka nohona kama ole, ame ka nohona kan@ ole nohoi.  O ka iini loa a kou luaui nei, oia kona ike ana aku ia oe, e lilo ana oe i haku wahine no kekahi home, i wahine e noho hauoli ana me kana kane, a i makuahine hoi no na keiki liilii he nui mai loko ponoi mai ou."

            Hoomaha iho la ua elemakule nei a hala kekahi wa, ninau hou aku la oia:

            "He oiaio anei e Beatirisia, ke noho kanikau nei oe no Geofere Tereveliana, kela kanaka opio pupul@ a hehena hoi; ke kanaka opio hoi nana i hoao e pepehi i kona makuakane hoahanau, oia hoi ka Haku Tereveliana; a i ke aumoe hoi o kekahi po i hookoia ai kela karaima eleele loa ma—"

            Aole i pau pono loa aku i ka hoopukaia na olelo a ua Haku Hametona nei, ia wa i pane mai ai ka Lede eatirisia:

            "Ua oki!  Aole o'u makemake e lohe i ka inoa o Geofere Tereveliana.  Ua oleloia, ua make o@a, nolaila e kanu aku kaua, e kuu makua, @ kana hewa i hana ai ma kona wahi i make ai."

            "He oiaio no ia au e kuu Beatirisia, i pane mai la," wahi a ka Haku Hametona i pane aku ai, "Ae, @a make io no oia he mau makahiki lehulehu loa i hala ae nei, ma ka aina malihini.  He kanaka opio loa oia, e Beatirisia, ma kona wa i make ai.  A o ka mu'o koke la ana o kona ola makamae, oiai no kona mau la opiopio, he mea ia i hoehaeha nui mai i kou noonoo.  Ua maopopo no ia'u, a ua ike nohoi au, aia iloko ona na haawina hiwahiwa e lili ai oia i kanaka nui a hanohano, aka, oiai kona mau la e ola ana, e holapuia ana kona mau aoao apau e na hoaloha lapuwale he nui.  A e Beatirisia, ina nohoi i lawe ole ae kona makuakane hoahanau, oia ka Haku Tereveliana, i na keehina oolea loa ame ka uahoa, ma ka hookolo ame ka hanu hele ana ma na meheu @ ua kanaka opio la, ina no la eia oia ke noho nei a ke ola nei i keia @a, ma ke ano oia kekahi o na kanaka koikoi a hanohano o Enelani nei.  Aole no au i hoahewa ia oe, e Beatirisia, no kou komohia ana aku iloko o na hoomanao walohia ana nona, oiai, o kou kuleana no ia, ma ke ano o oe kana wahine hoopalau.  Aka, @ Biatirisia, oiai nae hoi ua make oia, ua kaawale aku oia mai ia oe aku, ua hala oia ma ke ala hoi ole mai, nolaila, he mea pono ke hoomalielie ia kou naau.  A ua ike nohoi oe, e Beatirisia, o ua haku opio la—ae, o Geofere Tereveliana—he kanaka opio oia i kaualupe ia e na manao pono ole o keia ao, a oia hoi na mea i kanalupe aku @aia e nana i kekahi hana eleele loa maluna o ke kino o kona makuakane hoahanau, oia hoi o Haku Tereveliana.  He mea kela e hoike mai ana i ka nawaliwali o kona manao makee i ke kulana hiwahiwa o ka pa@o ana me na hana e hoohaahaa loa ia ai ke kanaka.  A ke manaoio nei au, e Beatirisia, aole loa oe i hoomoamoa i kona aloha iloko o kou houpo.  A e hoomanao iho oe, aole i pau loa na kanaka o ke ao nei i ka like me ia."

Aole ia pau.