Ka Nupepa Kuokoa, Volume XXXIV, Number 47, 23 Nowemapa 1895 — Page 4
| This text was transcribed by: | Keoni Kuoha |
| This work is dedicated to: | E ola mau ke olelo Hawaii |
Ka Nupepa Kuokoa
KE KILOHANA POOKELA NO KA LAHUI HAWAII.
KULA SABATI
HAAWINA XXXVII – Dec. 8.
Davida a me Golia. 1 Sam. 17:38-51.
HOAAHU aku la o Saula ia Davida i kona aahu kaua, a kau aku i ka mahiole keleawe ma kona poo, a hookomo ia ia i ka puliki koa.
39 Kaei iho la o Davida i kana pahikaua maluna o na mea kaua, a manao iho la e hele; aka, no ka hoao ole ia, i aku la o Davida ia Saula, Aole au e hiki ke hele me keia mau mea; no ka mea, aole au i hoao. Kala ae la o Davida ia mau mea mai ona aku la.
40 Lawe aku la ia i kona kookoo ma kona lima, ohi iho la ia i na ala elima no ke kahawai, a hahao iloko o ke kiekie kahuhipa nona, a iloko o ka aa; a ma kona lima kana maa: a hookokoke aku la ia i ke kanaka Pilisetia.
41 A hele mai ke kanaka Pilisetia, a hookokoke mai ia Davida, a imua ona ke kanaka nana i hali ka palekaua.
42 Nana ae la ke kanaka Pilisetia, a ike mai la ia Davida, hoowahawaha mai la ia ia; no ka mea, he opiopio oia, a he ehu, a maikai ke nana aku.
43 I mai la ke kanaka Pilisetia ia Davida, He ilio anei wau, i hele mai oe io’u nei me ke kookoo? A hoino mai la ke kanaka Pilisetia ia Davida ma kona mau akua.
44 I mai ka Pilisetia ia Davida, E hele mai io’u nei, a e haawi aku au i kou io i na manu o ka lewa, a me na holoholona o ke kula.
45 I aku la o Davida i ka Pilisetia, Ke hele mai la oe io’u nei me ka pahikaua, a me ka ihe, a me ka palekaua: aka o wau, ke hele aku nei au iou la ma ka inoa o Iehova o na kaua, ke Akua o ko Iseraela poe kaua au i aa mai ai.
46 I keia la, e haawi mai o Iehova ia oe iloko o kuu lima, a e pepehi aku au ia oe, a e lawe aku au i kou poo mai ou aku la: a e haawi aku au i keia la i na kupapau o ko Pilisetia poe kaua na na manu o ka lewa, a na na holoholona o ka honua; i ike ai ko ka honua apau, he Akua no iloko o ka Iseraela.
47 A e ike keia ahakanaka a pau, aole e hoola mai o Iehova me ka pahikaua, a me ka ihe: no ka mea, no Iehova ke kaua, a e haawi mai oia ia oe i loko o ko makou lima.
48 A i ka wa i ku ae ke kanaka Pilisetia, a hele, a hookokoke e halawai me Davida, lalelale iho la o Davida, a holo aku la i ka poe kaua e halawai me na kanaka Pilisetia la.
49 A hou iho la o Davida i kona lima i loko o ka aa, a lawe mai i kekahi ala, a maa aku la, a pa aku la i ka lae o ka Pilisetia, a komo iho la ia ma ka honua ilalo ke alo.
50 A lanakila o Davida maluna o ka Pilisetia me ka maa a me ka ala, a pepehi aku la i ka Pilisetia, a make ia; aole nae he pahikaua ma ka lima o Davida.
51 A holo aku la o Davida, a ku maluna o ke kanaka Pilisetia, a lalau iho i kana pahikaua, a unuhi ae mai loko mai o kona wahi, a pepehi iho la, a oki aku la i kona poo me ia. A ike ae la ko Pilisetia poe, ua make ko lakou kanaka koa, auhee lakou.
PAUKU GULA. 1 Sam. 17:47. No Iehova ke kaua.
MANAO NUI. E pono ke paio aku no ka pono me ka wiwoole o ka mea no na ke Akua oiaio kona mea kokua.
OLELO HOAKAKA. Ua akoakoa na puali koa Pilisetia me Epesadamenia, he mau mile 10 mai Betelehema aku ma ka aoao komohana hema, 1 Sam. 17:1. Ua akoakoa pu na koa Iudaio ma ka aoao akau o ke awawa. Mawaena o na puali elua he kahawai nona na aoao palipali. Ma ka aoao o na koa Pilisetia. ua ku kekahi pukaua kolopu kiekie loa. He mau kano eono me hookahi kikoolima, kona kiekie, oia hoi he mau kapuai eiwa me na inihi eiwa. Nona he mahiole keleawe, he pale umauma unahi, nona ke kaumaha 157 mau paona, he mau pale keleawe no na wawae, he pale keleawe mawaena o kona mau poohiwi, a i ole paha he ihe, he pololu no hoi nona he pahi hao, 19 paona ke kaumaha. Ua halihali kekahi mea lawelawe nona i kona palekaua nona ke kiekie elike me ko Golia. Ua hookahakaha oia i mua o ka Iseraela, e hoohoa ana ia lakou e hoouna mai i wahi noho kupono nona. No na la kanaha kona kahea ana me na olelo hoohenehene aku ia Iehova, a me kona poe manaoio. Ua nui ka makau o ka Iseraela. Ia wa no ua hoouna aku o I@ i kona muli, oia hoi o Davida, i kahi i hoomoana’i i kona mau kaikuaana me na koa Iudaio. Ua lohe o Davida i ka leo mahaoi o na koa Pilisetia, a kahaha oia aole kekahi moho noloko mai o na koa Iudaio. Ua hoopuka pinepine i kona manao hooeueu a hiki i ka papa loa ana mai kona kaikuaana mai. Ua lohe mai o Saula ka Moi i na olelo hoakanaka a Davida, a kono oia ia ia e komo mai, a kahaha nui o Saula i ko Davida wiwoole, makaukau e kaua aku i ua kanaka la.
38. HOAAHU,-me ka manao e kokua: aka hoi ua kapaia mai ia wa aku, ka hoao ana i ka hana me ke akamai ole, “ka hookomo ana i ko Saula mea kaua.” 39. HOAO,-aole akamai o Davida ma keia mau mea; o lakou he mea e paupauaho ai wale no. 40. KOOKOO,--ka mea pale no na kahuhipa: ALA.—kupono no ka MAA. Akamai loa ko Beniamina ma ka maa ana. Lunakanawai 20:16. KEIKI,--ka ili o ke keiki kao, i hanaia I eke. AA.—kekahi huaolelo e ae no ke eke liilii o na kahuhipa. 41. PALEKAUA.—oi aku ke kaumaha o ko Golia aahu kaua mamua o ko Davida kino. 42. Hoowahawaha, -- ua ikaika oia, he kanaka makua, oiai o Davida he opio wale no, me na palekaua ole. 43. Kookoo –aole I ikeia paha ko Davida maa. 44. Io,--ua maa mau na olelo hoino ma ka hookonokono ana i na mobo elua. 45. IEHOVA,--oia no ka mea hookahi kupono i na kanaka e paulele mau ai. 46. PEAEHI,--ua maa mau keia kaena ana o na pukaua elua. 47. KAUA,--no ka mea, aole pili ka lanakila i keia mau la i ka nui o na koa, a me ka nui o na mea kaua. Ua lanakila ka lahui Iapana, 45,000,000 wale no lakou, maluna o ka lahui Pake, nona 400,000,000 mau kanaka. 48. LALELE,--a holo, e hoopuiwa ai i Golia me ko Davida eleu pakela. 49. LAE,--aole i uhiia me ka hao unahi, a hiki i ka mea akamai ke maa aku a ku i ka helehelena e like me ke makemake. 500 LANAKILA,--mamua o ko Golia hoouka ana i 51. PEPEHI,--okipoo o Dvida ia Golia me ko golia pahikaua, a hoohe wale na koa Pilisetia a hiki i ko lakou kulanakauhale ponoi.
I. KO DAVIDA LOLII, 34-40. Pehea i halawai o Davida me Saula? Heaha ke kumu no ko Saula hoaahu ana ia Davida? No keaha la ko Davida ae ana’ku i ko Saula manao? No keaha la ko Davida kala ana i ko Saula mau mea kaua mai ona aku la? Heaha ko Davida mea kaua i paulele ai? Ua akena wale o Davida me he kanaka haanou la? Heaha ke kumu no kona wiwoole? Heaha ko Gola mau mea kaua?
II. KO GOLIA AA ANAKU, 41-47. Heaha ko Golia like wale anaku me na haakena haanu? Heaha ke kume no kona hoowahawaha ana ia Davida? No keaha la kona hoino ana ia ia ma kona mau akua? Heaba ke anoo kona mau akua? Ua hiki anei ia lakou ke kokua ia ia a hoolanakila? Heaha ko Davida olelo pane? Heaha kona olelo hoiike e pile ana i ko Iehova hoopakele ana iaia? Pehea i ike o Davida i keia pomaikai, 1 Samuela 17:64-36? Heaha ka mea a na kanaka a pau loa e ike pono ai?
III. KA LANAKILA O KA MEA HAAHAA 48-51. Heaha ka hana a Davida i ka wa a Golia i hookokoke ai e halawai me ia? Ua pule anei oia mamua o kona maa ana? Ia ku anei ke ala? Mahea i hooeha ia o Golia? Ua pepehiia a make, a i ole paha ua maule oia? Heaha ko Davida hana e hooiaio ai kona Ianakila maluna o ka pakaua Pilisetia? Owai na pukaua i ka poe opio e paio aku ai ma keia pae aina? Pehea e makuaukau e kaua aku ai, Epeso 6:10-18? Pehea e @oaa ai ka lanakila?
MANAO PILI. 1. Pehea e pili ana ka lanakila i ka manaoio? 2. Owai ka poe hohe wale ma ka paio anaku no ka pono? 3. E pono anei ke paulele i ke akamai a me ka ikaika, ke hoowawaha paha i keia mau mea? 4. Ina aole lanakila ka poe manaoio maluna o na mea ino, pehea na mea ino? 5. Heaha na ano maikai o Davida e, pono ai ke hoomahui ai?
Moolelo o ka Ahahui Kula Sabati o Maui a me Molokai.
Halawai keia Aha ma ka lua akini o Kaahumanu, ma Wailuku, Novemba 4, 1895, hora 1 p.m.
Rev S Kapu, Peresidena ma ka noho, S.W.A. Kaleihoa, Kakauolelo.
Hoomakaia na hana himeni Euanello, aoao 51. Pule o Rev J P K@ia ame P N Kahohuoluna. Hoomaopopoia na lala o ka Aha. Paia, B K Kanoa, Kahu Kula Sabati Apana; John Kaluna , Elele; Pahiihi, David Murray, Elele; Haaliimaile, E Haleani, Elele; Huleo, D N Opunu@, elele; Keanae, M K Beniamina, Elele; Wananalua, J B Kalohe-iani, Elele; Kipahuli, S W Kahele, Elele; Waikapu, Huia Mahiai, Elele; Keokea, Dickey Hake, Elele; Makawao, S E Kalama, Kahu Kula Sabati; Wailiku, Mrs Kapu, Kahu Kula Sabati, M P Waiwaiole, Elele; Waiehu, J W K Kalino, Kahu Kula Sabati, G P Kihamahana, Elele; Waihee, W S Maule, Kahu Kula Sabati J N Kamakaiwi, Elele; Wainee, W S Piho, Elele; Olowalu, P M Kaaoao, Kahu Kula Sebati; Halawa Mlokai, M Kane, Kahu Kula Sabati.
Na Kahu Kulu Sabati Nui—Makawao Hema, W E K Maikail Maui-waena, S W A Kaleihoa; Maui-komohana, Rev S K Kama@ ahikil; Molokai, George Kekipi.
Na Kahu Ekalesia—A Pali, J P Kuia, J P Inaina, D K Kaumiumi, O Nawahine, a ne @e J K Hiblo. Na Isla mau; Hon, J W Kalua.
Oiai, ua mao popo na lala o kela aha, ia noi mai ka Hon J W Kalua e lilo ke Kum@ukanawai a me na Rula i hakuia @ e ke Komite oia ke Kumukanawai a me na Rula e noho ai keia aha, ho@ holoia.
Hapai@na ke k @ho ana i na luna nui ma ka balota.
S Kapu, Peresidena 11 @alota kohoia Kahokuoluna, hope 17 " " Wawaiole, kakauolelo 13 " " Kaleihoa, Puuku 11 " "
Mahope o ke kohoia ana o na luna nui, ua koho ka Peresidena i keia mau komite:
1 Komite o na Hookohu, J P Kuia, D K Kaumiami, ame
2 Komite o na Hoike Kahu Kula Sabati Nui, A Pali, S W Kahele a me G P Kihamahana.
3 Komite o na Hoike Kahu Kula Sabati Apana, S K Kamakahiki.
4 Komite o na Hoike Elele, M P Waiwaiole, J N Kamakaiwi a me R M Kaaoao.
5 Komite o na Palapala Hoopii, aloe.
6 Komite o na Mea Pai, aole.
7 Komite o na Hana Hou, M P Waiwaiole, S E Kalama a me J P Inaioa.
Hapaiia na hana o ka la.
1 Hoike a na Kahu Kula Sabati Nui. Na P N Kahokuoluna, i ko Makawao Akau, na S K Kamakahiki i ko Maui-komohana, waihoia i ke Komite.
2 Hoike a na Kohu Kula Sabati Apaua. Na Kanoa i ko Paio; na Mrs Kapu i ko Wailuku; na Kalino i ko Waiehu; na Maule i ko Waihee; na Kaaoao i ko Olowalu, waihoia i ke komite. A o na hoike o Kaupo a me Paihiihi, ua waihoia a loaa mai na hookohu.
3 Hoike a na Elele Na J Kaluna i ko Paia, na David Murray i ko Paihiihi, na Heleanu i ko Haliimaile, na Kahele i ko Kipahulu, na Huia Mahiai i ko Waikapu, a na Waiwaiole i ko Wailuku, a waihoia i ke Komite.
Ma ke noi o Kahokuoluna, ua hoopaneeia ka halawai a uoho hou i Novemaha 5, hora 1 p.m. Hookuu ia me ka himeni Euanelio aoao 49 a me ka pule a Kamakahiki.
La Hana 2, Poalua, Nov. 5. Halawai ka Aha e like me ka hoopaneeana.
Rev S Kapu, Peresidena ma ka noho. Hoomakala na hana ma ka himeni Hoku Ao Nani 196. Pule o D N Opunui a me Kolino. Kaheaia na inoa o na lala. Heluheluia ka moolelo o ka halawai i hala a apono ia me na hooponopono ana. Na M. P. Waiwaiole komite o na hana hou i heluhelu mai i ke kumuhana 6 a aponoia.
Hapaiia na hana o ka la, oia ke koena hoike o na Kahu Kula Sabati Nui, aole. Na hoike Kahu Kula Sabati Apana. Na Kalama i ko Makawae, @a ke Kakauolelo i ko Waikapu, waihoia i ke komite, a o ko Wainee, ua waihoia a aponoia ka hookohu; a olai, aloe i hiki mai ka hapanui o ke komite o na hookohu. Noi mai ka Hon J W Kalua, e kapaeia ua rula i hiki ke kohoia i komite wae, hooholoia. Kohoia o Kalua, Kaluna a me Pali i mau komite, nana ke komite a hoolei ka hoike no ke kue i na rula, aponoia.
Noi hou mai o Kalua e kapaeia na rula i hiki ke komo mai keia hoike, a na ke kakauolelo e helu helu mai i keia hoike, hooholoia. Heluheluia a waihoia i ke komite. A o ko Haiku, ua waihoia a akoakoa mai ke komite o na hookohu. Koena o na Hoike Elele. Na Kihamahana i ko Waiehu, na Piho i ko Wainee, no Opunui i ko Huelo, na ko Kakauolelo i ko Makawao a waihoia i ke komite. Hoike a na Komite Mumau. Na Pali i ka hoike Kahu Kula Sabati Nui o Makawao Akau ame ko Maui-komohana. Noi mai o Kalua e laweia keia hoike a e noonooia, hooholoia Ma na kapae loa ia ka hapa hope o ka hoike e pili ana i ka hoike Kahu Kula Sabati Nui o Maui-komohana ma kahi e pili ana i ke Kula Sabati o Halealoha ma Lahaina, oiai aole ia Kula Sabati malalo o keia Aha, hooholoia. Nolaila, aponoia ka hoike e like me ia i hooponoponoia. Na Hana Hou, 1 Ka noonoo ana i ke koena o ia $50 no ka Buke Ka Ho@hana. Noi mai o Kalua, e waihoia keia hana ma ka lima o na Kahu Kula Sabati Nui na lakou e mahelehele keia mau dala, hooholoia. 2 Ka noonoo ana i papa kahu waiwai o keia aha ekolala. Noi mai o Kalua, e kohoia o J. H., S. Kaleo, Kahokuoluna a me Kahokuoluna ame Kaleihoa na Kahu Kula Sabati Nui o lakou no lala o keia papa, hooholoia. Noonoo ana i ka mea nana e hana i ka palapala hoohui, ma ke noi a M. Kane, ua kohoia o Kalua nana no e hoike mai, i ka nui o na lilo, hooholoia. A na ke Komite hooko o keia aha, e uku ae mailoko ae o ka waihona no na lilo o keia palapala hoohui. 3 Na lako kakau o ke Kakauolelo a me Puuku. Hooholoia e hoolako koke ia ia mau mea a pau e like me ka mea i manaoia ua pono, a e kii aku ke kakauolelo mua a e hoihoi mai ma kono lima. 4 Ke kuka a me ka noonoo ana i ka manao o ka Pauku 17 o na Rula. 5 Lulu dala o keia aha, a ua loaa he $2.50.
Ma ko noi a Waiwaiole, ua hoopanee ka aha a noho mahope o ka hoopanee ana o ka Ahahui Lunakahiko, Poaha, Novemaba 7, hooholoia.
Hookuuia me ka himeni Hoku Ao Nani 151 a me ka pule a Pali.
La Hana 3, Poaha, Nov. 7.--Haiawai keia aha e like me ka hoopanee ana; Kahokuoluna, Peresidena ma ka noho; hoomakaia na hana me ka himeni Hoku Ao Nani--; pule o --------; kaheaia na inoa o na lala; heluheluia ka moolelo o ka halawai i hala a aponoia; hapaiia ke koena o na Hoike Kahu Kula Sabait Nui, aole. Na Hoike Kahu Kula Sabati Apana. Noi mai o Inaina e ae ia ka hoike o Kaupo e heluheluia, waihoia ma ka papa a loa mai ka hookohu.
Koena o na Holke Elele--Na Beniamina i ko Keanae, na Kalohelani i ko Wananalua, na Dickey Hoke i ko Keokea, na Kekipi i ko Kamalo, waihoia i ke komite. Na Olelo Hooholo: Na Kalua i waiho mai he olelo hooholo hoalohaaloha e pili ana no John Kalama, aponoia. Hoike Puuku ame Kakauolelo, aole i makaukau. Hoike Puuku ame Kakauolelo, aole i makaukau. Hoike Komite Kumau. Na Kamakahiki i heluhelu mai i na hoike Kahu Kula Sabait apana, a na Waiwaiole i na hoike elele, aponoia. Na hana i pau ole--na Kaleihoa i waiho mai i ka hoike e pili ana i ka mahelehele ana i kela mau dala he $50, penei:
1 Maui-hikina, $8.00; 2 Makawao akau, $9.00; 3 Makawao-hema, $8.00; 4 Maui-waena, $9.00; 5 Maui-komohana; $8.00; 6 Molokai, $8.00.
Ma ke noi a J K Hihio e hoopaneo i keia aha a noho hou i ka Poalima, Nov. 8; hookauia me ka himeni Hoku Ao Nani a me ka pule a Kuia.
La Hana 4, Poalima, Nov. 8--Halawai keia aha e like me ka hoopanee ana. Oiai aole ka Peresidena a me kono hope aole i hiki mai no ko laua mau pilikia, nolaila ua noho ke kakauolelo ma ka noho no ke koho ana i lunahoomalu e like me na rula o keia aha.
Kohoia o Kalua i Lunahoomalu; hoomakaia na hana ma ka himeni Euanelio 26, pule o Kane a me Maule; kaheaia na inoa o na lala; heluheluia ka moolelo o ka halawai i hala a aponoia; hapaiia na koena hoike Kahu Kula Sabati Nui; na ke Kakauolelo i ko Maui-hikna a aponoia.
Na Hoike Kahu Kula Sabati Apana--Na ke Kakauolelo i ko Haliimaile, Kaupo, Haiku ame Keawakapu a waihoia e hoohui pu iloko o ka hoike a ke komite.
Na Hoike Elele aole. Na olelo hooholo, aole. Na Kalama i waiho mai he olelo hooholo e pili ana i ka hoomaikai nui i ke Kula Sabait o Wailuku no ka malama ana i na hoa o keia aha, aponoia. Na Palapala Hoopii, aole. Hoike a ka Puuku. Na Kalua Puuku mua i waiho mai i kana hoike aponoia.
Kahi a me ka manawa e noho ai keia Aha. E noho hou keia aha ma ka Poakahi mua o Mei, 1896, hora 1 p.m. ma ka luakini Kaahumanu ma Wailuku. Heluheluia ka moolelo o keia halawai ma ka manawa i oleloia maluna. Hookuaia ma ka himeni Euanelio 26 a me ka pule a Hihio.
M.P. WAIWAIOLE.
Kakauolelo.
Wailuku, Maui, Nov. 14, 1895.
NA PALAPALA HOA’LOHA’LOHA
--A NA--
Makamaka Lehulehu no Joseph U Kawainui.
Malalo o keia poo, e hoopuka mau aku ana makou i na palapala hoalohaloha a na makamaka a me na hoaloha o Joseph U. Kawanui.
Ia Mrs. Hattie Kawanui;
Walohia wale:--
Oiai, ua oiuolu i ka Makua Mana Loa, ka lawe ana aku i ke ola makamae o kau kane i aloha nuiia Jos. U. Kawanui, ma ka hora 4:30 o ka wanaao Poakahi, Oct. 23, 1895, ma ko olua home ma Apua@ Honolulu, Oahu.
A oiai, o J. U. Kawainui, he hoaloha maikai, a makamaka ma ka noho launa ana. A o kau kane, he kanaka oia i ike nui ia e na kanaka hanohano o ka aina, a he kilo aupuni maopopo no ke Aupuni Kuikawa ame ke Aupuni Repubalika, aole loa e hiki ke hoopina ia kana mau hana kaulana iloko nei o ka aina. He kakaikahi loa na kanaka e like me J. U. Kawainui, ma ke koho ana i ka aoao e maluhia ai ka aina. He kupaa, a he olelo oiaio.
A ua moe aku la oia me ka mahalo nuiia e ka poe hanohano o ka aina e noho nei ma ke kalaunu o ka Repubalika o Hawaii, a hala loa i koua mau hoa o ke kulana like; a,
Nolaila: Owau ame ko’u ohana, ke komo pu aku nei @makou, e ame pu ana i na luuluu ame na kaumaha i hooili ia iho maluna ou, me na waimaka he nui.
A ke nonoi aku n@i i na Mana Lani e hoomama mai i kou luuluu, ame kou kaumaha apua. A e nana aku oe ia Iesu Kristo, oia kou mea e maha ai.
John M. Kealoha me ka Ohana.
--------
Waimea, Hawaii, NOv. 4, 1895. Mr. J. U. Kawainui,
Aloha oe:--
Aole hiki ia’u ke uumi iho a nalo i ke aloha, aole hoi e hoolili i ka hilahila i mea nana e keakea mai ia’u, o panee ole aku imua ou i keia leta. A me kou oluolu, ke nonoi aku nei au i kou lokomaikai, e hoolauna pu aku me oe ma kela palapala.
E hoomanao ana no paha oe, i ke ahiahi o kekahi la, ua kipa aku au me Mr. & Mrs. Fernandez ma ko olua home, he mau minute pokole, oiai au e noho ana ia mau po nia Kalihi, mahope iho o na la hoolewa o ka Moi Kalakaua i make ai.
E Mrs. J. U. Kawainui; ma kuu ike ana iho ma ka nupepa, a me ka lohe ana mai ma ke ku ana ae o ke Kinau ma Kawaihae, hora 2 a.m. o ka Poakolu, Oct. 30. Ua loaa mai na loho kaumaha, ua haalele mai kau aliinake aloha i kou poli, a hele aku la me ka palanehe ole ma kela aoao weliweli o ka muliwai eleeleo ka make.
He mea e ka mokumokuahua a me ka paumako ana iloko o ko’u puuwai, me na kulu waimaka o ke aloha. Owau a me ka’u aliiwahine, ua komo pu iloko o ia haawina like; a e u pu ana maua no ke aloha ame ka minamina nui i kau aliikane i hala aku la. He aikane aloha kau aliikane na’u i ko maua man la opio a hiki i wa i noho pu mai ai kona pokii aloha i hala e aku (Kekapa Kawainui). Oiai komaua mau la opio e holoholo ana ma na alanui o ke taona, aole oia i mare ia i ka wahine, a pela no hoi au, a hiki wale i ka malama o Iune 1893. Ua holo nou au i Honolulu a halawai pu maua, ma kona keena hana, oiai laua me J. K. Iosepa na hookele nupepa. Ua holo pu maua i ke kahua kinipopo ma Makiki, ma ka la 11 o Iune, a oia hoi ko’u mua ana i ka’u keiki Sam. Mahuka ma ke kahua kinipopo, a o maua pu no me Joseph U. Kawainui ma kahi hookahu, e lealea ana i ka paani.
O ka ike hope ana ka ia i kona kino, a o ka lohe hope loa ana hoi i kona leo a pau aku la. Aohe no i lohe ia kona wahi ma’i ana. Ela ka ka make ke hakilo nei, ke hahai nei mahope o kuu aloha, me powa la a lilo aku la i kela anela lima kakauma aloha ole.
Aloha oia--aloha oe kona hoapili o ka Ua Kukalahale o Honolulu. Hoapili o ka Home noho, Ano iho la, ua anuanu ka poli, Ua hele ke koolau, hema hema ka noho ana.
Aka, e lana ka manao, he hopena loaa kona ia kakou ke hele aku. Na ke Akua i haawi mai, a Nana no i lawe aku, e hoomaikaiia Oia.
Ke haawi aku nei maua i ke aloha kanikau ia oe. Me ke kaumaha.
S. H. MAHUKA.
He mea pono i kela ame keia ohana ke loaa ona laau lapaau mama no na ma’i o ka opu. I laau lapaau puhili ole no ka “Moku ino loa o lepo” (Diarhea) Nahu, Umii, Kolera ame na ma’i apau o ka opu, aole he laau lapaau oi aku o ka maikai, elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Holister, ka Agena.
Arago, Coos Co., Oregon Nov. 10, 1893.--Ke makemake nei au e hoike aku ia @e i ka waiwai nui o ka Chamerlain’s Pain Balm laau maikai i hoola ai i ka’u wahine. Ua loaa iaia ka ma’i rumatica ma @a lima no eono malama, a ua hoao oia i na laau lapaau i kuhikuhi ia no ia ma’i, aka aohe nae oluolu iki ahiki i ka wa i hamo ai i keia laau Pain Balm; hookahi wale no omole o keia laau, ua ola loa oia. Nolaila ke lawe nei au i keia wa ma ka hoikeike ana aku he laau ola keia no ia ma’i. Owau iho no, o C.A. Bullord. He 50 kene@a a he $1.00 o ka omole, a e kuai ia e ka Halekuai Laau Lapaau o Benson, Smith & Co. na Agena.
I ka haulelau o ka 1893, loaa iho la ke keikikane a Mr. T. A. McFarland, he haole kalepa ano maka hanohano o Live Oak, Sutter Co. Cal. i ka mai kunu koikoi loa. Mamuli o ka ikaika loa o ka eha ma ka umauma ua loohia i ka umil a me he mea la e loaa ana i ka wela ma ke akemama. Ua hoohainu aku kona makuakane i na olopu nunui lehulehu o ka CHAMBERLAIN’S Laau Kunu, a pela i pau ai a ola los ke kunu. Ke olelo nei o Mr. McFarland i na wa a pau e loaa ai kana mau keiki i ka nae e haawi ana oia i ka nae e haawi ana oia i ka CHAMBERLAIN’s COUGH REMEDY (Laau Kunu O’a), a he ola io maoli no. Ke manao paa nei oia he laau kunu oi loa keia ma ka makeke. E loaa no ma na Halekuai Laau Lapaau a pau, a o BENSON, SMITH & CO., na Agena ma ko Hawaii Paeaina.
Ka Haiiawan Gazette
He Nupepa Namu Elua Puka ana o ka Hebedoma, ma na POALUA a me POALIMA e hoopuka ia nei e ka Hui HAWAIIAN GAZETTE COMPANY.
O ka Nupepa Kuloko Alakai keia ma ka Oelo Beritania e hoolahaia nei maloko o ka Paeaina a hala loa aku i na Aina E a ke heluhelu ia nei e na mea a pau ma na oihana na Halekula a komo loa iloko o na ohana.
Ka Uku Pepa Laulaha.
No ka Malama...$.50
No ka Makahiki Kuloko...@.00
“ “ Kuwaho...6.00
Keena Hana Helu 318.
Alanui Kalepa.
Pahu Leta @ Honolulu Oahu
2531-tf
Na Hua Kuni Inoa
Eia ka Hui Hawaiian Gazette Co., ke hana paka maoli nei i na Hua Kuni Inoa o kela a me keia ano, nui a lii e like me ka iini a ka manao.
O keia mau Hua Kuni Inoa, ua lawa ia no ke kahakaha ana ma ke kanana a pepa e ae e hoailona ai i ka Inoa a kohu maluna o kekahi mea i makemake ia e kuni a kaha paha.
He like ole na uku o na Papa Kuni Inoa, no ka mea aia no ke kau ia o ka uku a maopopo ke ano o ka Papa Inoa au i makemake ai, he nui a he liilii paha. Aka he oluolu ka uku a he waipahe na kuka ana.
E kipa kino mai e nana i ike kumaka, a i ole ia e hoouna mai i na kauoha ma ke
Keena Hana – Ma ka Halepai HAWAIIAN GAZETTE, Helu 318 Alanui Kalepa, Honolulu
2531-tf
Halepai Hawaiian Gazette.
O keia ka Halepai Nupepa Alakai o ke Kulanakauhale o Honolulu nei. Ua lako i na Hua Kepau o na ano a pau a ka makemake e ui ae ai.
Eia ma keia Halepai e pai ia nei ka Nupepa KUOKOA, a me Nupepa HAWAIIAN GAZETE PACIFIC COMMERCIAL ADVERTISER CHURCH CHRONICLE a me PLANTER’S MONTHLY.
Ua hiki loa i keia Halepai ke pai aku i na pepa nunui hoolaha alanui, na buke, na bila kikoo, na bila hookaa, na palapala poloai ahaaina a me na hana e ae a pau o ka oihana pai.
Eia maloko o keia Halepai he Keena Humuhumu Buke, kahi e humu ia ai na Buke, na pepa a me na mea a pau i pili i ka humuhumu ana i na palapala. He oluolu ke kuka ana a he emi kupono na auhau.
Keena Hana, Helu 318 ‘Alanui Kalepa, Honolulu ka Hale iluna.
2531-tf
Aole loa e maikai a oluolu ke ola ana o kekahi mea kino uhane ola ina he aalolo kona akepaa a hiki ole ke lawelawe i kana mau hana me ka hololea. E@hahai ana ka nalulu a me na nawaliwali e @e ma ka moali o ke ake ponalo. Ho mea olaio keia i hoolalo ia ma na wahi o na poai oluolu akau iloko o ka hapaha @, o na
Huale a ayers, oia wale no ka Laau Hoola Ake maikai loa ikeia. E hoola ana i ka lepopaa, ka nalulu eha, na ma'i oloko o ka opu, a ma ke ano Laau Ohana aohe ano loa e like ai.
O ka Ayers Sasaparila, oia ka Laau Hoomaemae Koko kilakila, o haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilukanaka. E pepehi a ulupa ana i na Puha, e hoola ana i na pohapoha hi o ke ola ana a e k@paku loa ai i na ano ma'i a pau. O ka poe @ no ka wali pono ole o ka ai, ka nawaliwali mau a ano ma'i e ae i ulu ai mai ke koko ino mai, he mea pono e inu i ka laau
Sasaparila A Ayers. He laau e hooikaika ai i ka nawaliwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.
O ka Ayers Cherry Pectoral laau, , aohe lua ma ka hoola awiwi ana i na Kunu, Anku a me na Puu @. E hoola ia na Kunu Kalea a me na ma'i pili i ke ake me ka hikiwaw@ loa.
O na Huaalo a Ayers, na Sasaparila a me ka Ayers Cherry Pectoral, aia kahi e loaa ai ma ka Halekuai o ka
Hollister Drug Co. LT. Na Agena wa ka Paeaina Hawaii. 2514
Kakela Me Kuke
Ka Halekuai Nui
O Na
Waiwai Like Ole
Na Mea
Hana Kamana Aipau
na lako pili hao kukulu hale,
Na kepa,
Na lei ilio,
Na kaulahao @io,
Na pahi,
Na Upa,
Na kope hulu,
Na @
Palau Lio
Na mea mahiai,
Na au ho,
Na au koi,
Na koa bipi,
Na lei bipi,
Na kaolahao bipi,
Na @ ua,
Na kaa palala,
Na mea piola,
Na @
Makau me Aho Lawaia
Na iliwai
Na kaula,
Na hulu pena,
Na @,
Na pena, me ka aila,
Na kapa,
Na aila @
Na pakeke
Na pakeke kao,
Na kapu hao,
Na pauda
Na kukaep@le,
Na uwiki, a me
Na ipakakai.
Mikini Humhum Kaulana
Wilcox, & Gibbs Hookahi Lopi
ka Remington, Elna Lopi.
A me na ukane he nui loa o kela ao me keia ano.
Kakela me Kuke