Ka Nupepa Kuokoa, Volume XXXIV, Number 42, 19 October 1895 — Page 2
| This text was transcribed by: | Rosemary Mccune |
| This work is dedicated to: | Jon and Cyndi Defenbaugh |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
-----
KEENA O KA PAPA OLA,
HONOLULU, Oct. 16, 1895
O ka rula o ka Papa Ola i pili i ka hoomalu ana i na moku kuloko ma ka awa o Honolulu, ua hoopaaia.
O ka rula e papa ana ika hanaia o ka Poi ma ke@a hapa o Honolulu e moe ana mawaena o ke kahawai o Nuuanu a me alanui Liliha, ua hoopau pu ia.
Ma ka kauoha a ka Papa Ola.
WILLIAM O. SMITH.
Peresidena o ka Papa Ola. 2568-2
-----
Ua hookohuia o Peter Kahakauila i keia la i Luna Pa Auuni no ka Pa Aupuni ma Mala, Apana o Lahaina, Mokupuni o Maui.
J. A. KING. Kuhina Kalaiaina.
Keena Kalaiaina. Oct. 11, 1895. 2568-3
-----
Ua hookohuia o J. Keliikahi i keia la i Luna Pa Aupuni no ka Pa Aupuni ma Hilo, Mokupuni o Hawaii.
J. A. KING.
Keena Kalaiaina, Oct. 11, 1895. 2568-3
-----
KEENA O KA PAPA OLA
Honolulu, Oct. 9, 1895
O ka rula o ka Papa Ola o ka la 5 o Sepatemaba, e papa ana i na kanaka a pau aole e komo aku iloko o ke awawa o Palolo, Manoa, Pauoa, Nuuanu a me Kalihi ma ka palapala ae ole, na hoopauia i keia la.
Ma ke kauoha a ka Papa Ola.
WILLIAM O. SMITH.
Peresidena o ka Papa Ola. 2567-1
-----
KA
NUPEPA KUOKOA
-ME-
Ko Hawaii Paeaina i Huiia
-----
No Ka Makahiki, ---$2.00
No Eono Mahina.--- 1.00
Kuike ka Rula
---
HOOPUKAIA E KA
PUKA 1 2 3 4 5 6
ANA. Pule Pule Pule Pule Pule Pule
Iniha.. $1.50 $2.00 $2.50 $3.00 $3.50 $4.00
2 Iniha.. 2.00 2.75 3.50 4.00 4.50 5.00
3 Iniha.. 2.50 3.50 4.50 5.00 5.50 6.00
4 Iniha.. 3.00 4.00 5.00 6.00 6.75 7.50
5 Iniha.. 3.50 4.75 6.00 7.00 8.00 9.00
6 Iniha.. 4.00 5.50 7.00 8.00 9.00 10.00
----------
[pointing finger]O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.
---
HAWAIIAN GAZETTE CO.
GEO. H. PARIS, Luna Nui.
J. U. KAWAINUI, Luna Hooponopono.
No Honolulu, Oahu, Lakou a pau.
---
POANO, -----OKATOBA 19, 1895
-----
Noi Dala hou no ka Papa Ola.
-
Ua noho iho ka Ahakuku o ka Repubalika i ke awakea Poaona i i hala, i muimuia ia e ka Peresidena, ekolu kuhina a me eiwa mau hoa o ka Ahakuka. Ua waiho ia ae he palapala hoopii e noi ano e huikala aku i kekahi koa o Wm. Daley ka inoa i kipakuia mai ka oihana koa a ahewa ia. Ua ae ia ke noi e huikala aku iaia. Alaila, ua noi ae ke Kuhina Waiwai i puu dala he $25,000 ka nui no na lilo o ka mai luku he korela a ua hooholo ia. Ua noi ia aku keia huina dala, i hoolawa ia ai na lilo a pau no ka hoomaemae ana i ke kulanakauhale, na loi laiki a me kalo i lawe a hoomoloo ia, na hale i puhi ia i ke ahi a me ua waiwai e ae i poino. O ke kolu ih@ la ia o na hookaawale dala ana no na lilo @ ka Papa Ola no keia mai kolera, a ua hiki aku ka huina houluulu i keia wa i ke $60,0000.
-----
Ke Kulana Papaana o ke Aupuni
____
Mamuli o ka laha ana o ka mai luku weliweli he kolera no ka manawa kokoke e piha ka elua malama i hala a me ke paniku ia ana o na alahele kuloko nei, ua pupu ua huila o ka piepiele a ua hooweliweli mai hoi i ka lawelawe dala ana. Eia nae, ua uku aku ke aupuni i ka malama i hala mailoko aku o ka waihona i na dala he $175,000, ua komo pu iloke olaila na hoolilo he $27,480 no ka mai korela. A ma keia hana ana a ke aupuni, ua hoomohala ia na hakumakuma pilikia dala e kau ana mamuli o ka laha ana o keia kumu ino a me ke paniku @a ana o na alahele. Aka, ua hoike mai ke aupuni i kona eleu a mikiala e hoopau aku i na ao lele ino e puhi ia ana e ka makani ma kona komo ana mai a hookalaneo iho. Nolaila, ke ku nei ka Repubalika ma kona kilakila, a ua kapae ia na ao naulu hoopilikia. A mahope @ ka uku ana i ke@a puu dala ku ke ahua ae la mah@@@, ua koe ma ka waihona he @@@@@, A ke hoomaka mai nei ke komo mai o na loaa a me na auhau i ka hoalualu ia ana ae nei o na kapu a hoihoi akahele ia me ka malie na hoohele ana e hiki aku ai i ka pau lea ana o na mea hoopilikia.
-----
Ahea Naauao mai?
--
Ua puka lanakila wale nae no ka Repubalika mai na hoao ana mai ma na ano a pau e hookuku hakaka ikaika a me loea kilo aupuni mai kinohi mai a hiki i keia mau @a wikani no e ku oolea nei. Ma ka hooweliweli ia mai, na hookahuli aupuni kuloko, na koi poho, na hookeke niho e ae a me namailele, ua pau wale no lakou a pau i ka paopao ia na poo a ka ia ilalo i ka lepo. malaila lakou e "moe malie ai i ke kai o ko haku."
O na haikaika a na anee alii, na hooiloilo a me na wanana, ua holo i ka uaua, na pahu hae i kukulu ia a me na hae humuhumu ia no ka hoomomoa a ka la e hoihoi ia ai ke aupuni o ka moiwahine i kipakuia alaila hookaulu wehi, ua pau i ka popopo a ke kulou nei na poo a ka poe paakiki naaupo i puni a maewaewa hewa na kino.
Ma kahi o ke aupuni alii, ua kukulu ia malaila he aupuni Repubalika. Ma kahi o na alii mai ka po mai, ua pani ia malaila he makaainana i like me ka lahui, a ua kapae a hehi loa ia na hookapukapu a hoihiihi alii a he like nae wale no kakou. O ka mea nui e hoohoihoi ia ai ke@a a me keia makaainana, oia, na ka naauao e alakai a hoomalu i ke aupuni, aole na na alii naaupo a hookiekie mai ka po mai.
A o ka hana pegana a na anee alii e upu nei, o ka hoihoi ia ae o ka moiwahine i pau maluna o ka aupuni, me ka ike ino no o na maka a me ka lohe o na pepeiao, he makaainana ka moiwahine i pau no ka Repubalika o Hawaii, mamuli o kona lawe ana i ka hoohiki e kakoo i ke kumukanawai o ka Repubalika, a e kue ma na ano apau i ka hoihoi ana mai i ke aupuni alii maluna o Hawaii he kipi. Ua kakau inoa oia malalo o keia hoohiki kumakauawai Repubalika imua o na kakoo ikaika loa o kona aupuni oiai e nohoalii ana, aka aole nae he manaoio o na anee alii pegana ua hoohiki io ka moiwahine i pau, a ke ola nei lakou me ia naaupo a hiki i ka wa e kahakaha ia ai ma ko lakou mau lae pakihi, "ke make nei makou iloko o ka make ana o na holoholona uhane ole, no ka mea aole makou i ike i ka pono a me ka hewa." Aka o ka mea ike i ka hana pono a hana ole oia, he hewa no ia nona. A pela no hoi, aole o ka nui o ko oukou naaupo ko oukou mea e pouli ai, aka o ka hoolohe ole mai i na hoonaauao ana a pau e haawi ia nei imua o oukou.
Heaha la ka waiwai i na anee alii e kukala nei he aloha alii a he aloha aina me ka ike no aohe alii aimoku i koe ma Hawaii nei ua lilo i makaainana no ka Repubalika, a o ka aina ua lilo i ke aupuni hou e pani nei ma kahi o ke aupuni apulu i kipaku ia mai ka ohana aku o na aupuni o ka honua nei. Nolaila o keia hoopaakiki wale ana me ka ike no ua haalele ka mea nona ke kalaunu a ua lilo ka aina he aupuni hou, e upu hoiloli wale aku ai no e hoihoi ia mai ke aupuni alii me ka ike no aohe mea kuleana i koe, ua like loa ia me ka naaupo e olelo ana, he hiki wale no ke hoopio ia ka lua pele o Kilauea ma ka hoopiha ana i ke aa a piha, aka aole nae he poi iki.
-----
Eli i ke Kahawai o Nuuanu.
-
Eia ka moku eli awa ke ku makaukau nei e hoohana aku i kona mau mea kope awa no ka hooheonu ana i ka nuku o ka muliwai holookoa a Nuuanu mai kahi iho makai o ka Imu Puna e ku nei, alaila, eli hele aku a hiki i ka uapo o Haaliliamanu. Ua moe na hawai kahi o ka lepo a me na iliili o lalo o kahi e eli ia aku ai e komo ai a pauma ia aku e hoahu ma kela wahi waiho wale a na hale holoi lole i ku iho nei. Eia wale no ka mea hoopaapaa, o ka like ole o na manao no kahi e hoahu ai o na lepo e hului ia ma ana mailoko mai o ka muliwai o Nuuanu. Ke kue loa nei kekahi poe i ka manao e hoahuia ka lepo ma kela wahi maluna ae, a he makemake a lawe ma kahi mamao a kaawale loa. Iwaho o ka hohonu ka kekahi poe, a ma kela wahi waiho wale makai o Iwilei ka kekahi poe. Ua moe na mea hana a ke aupuni e lawe aku ai i ka lepo a o ka hoohana wale no koe. Ina e piha kela wahi waiho wale ma ka aoao ma Ewa o kahawai a mauka o ka uwapo a Haaliliamanu, loaa hou ia aina nui o ke aupuni. He lepo maikai anei kela mai lalo mai o ke kakahawai i kukala ia ua puia i ke ino. Aole hewa ke noonoo ma na mea a pau e pale ia aku ai na mea imi mai mamua o ka hana io ana.
-----
Mau Olelo Maikai no Hawaii.
-
O na lohe mai Honolulu mai e pili ana i na hana a ke aupuni Hawaii i haawi mai nei i haawina kokua hoomoe waeaolelo moana a hiki i na Paeaina, ua loaa mai ia maanei me ka makemake nui ia, aka, aohe mea i ike heaha la auanei ka hana a ka Ahaolelo Lahui o Amerika Huipuia. A oiai ua mehameha ke kulanakauhale o Wasinetona aohe lunamakaainana olelo hilinai ia e pono ai ke@awe ia mai he mea oiaio ma kahikokoke e hiki ai ke hookamailio aku. Ke hoike mai nei ka moolelo o ka Ahaolelo Lahui i hala, he ikaika loa na hoa Repubalika ma ka aoao e kokua ai i ka pono kaokoa, aka, no ka pokole o ia kau, nolaila, aole i loaa i ke kumuhana ka na@aina maikai. Ma ka elele palapala a ka Peresidena, ua kokua oia na Amerika e noho mana ka waeaolelo Hawaii, a no ia mea, eia oia ke kahakaha ia nei ma ka moolelo he kokua, a ina e hooholo ana ka Ahaolelo Repubalika i bila o ia ano e like me ka na Paeaina Hawaii aole e hiki pono ana i ka Peresidena ke hoole i ke kakauinoa ana ia bila. E like ma ka hapanui paapaahana o ka aoao Repubalika iloko o ka hale lunamakaainana a me ka hapanui o na hoaloha o ka waeaolelo iloko o Ahaolelo Senate, me he mea la ma keia manawa, ua pau e i ka hooholo ia e ka Ahaolelo Lahui hou ka hoomoe ana i ka waeaolelo moana a hiki i na Paeaina o Hawaii.
MAIL AND EXPRESS.
-----
O ka hoohui mua mai ia Hawaii i keia wa, aohe e hiki, a peia no e hiki ole ai ina ua makemakeia. Aka he me nui a kupono e ike aku i ko Hawaii launa ana mai me kakou ma ke alanui kupono, a e lawelawe ma na mea a pau e hiki ana ia kakou ke hooikaika i ke aupuni Amerika e ku ia ma Honolulu. Ua hiki ia kakou ma ke kukulu mau ana i mokukaua Amerika ma ke awa o Honolulu, e like no me ka hana maa mau a kakou no kekahi mau makahiki. Ua hiki no hoi ia kakou ke hele hou aku imua a kokua i ka hoomoe ana i ka waeaolelo moana mai ko kakou kapakai ponoi aku a hiki na mokupuni o Hawaii.
Ua hooholo mai nei ke aupuni Hawaii he uku kokua makahiki he $40,000 no ua waeaolelo moana la. O ka hui Amerika e makemake nei nana e hoomoe a hoomau aku i ka malama ana, ike imi hou nei e loaa ona uku kokua pakui i $260,000 mai a Amerika Huipuia aku. He pono ke haawiia keia puu dala ma na ano a pau. O ia hoolilo ua lawa a oi ma ke ano pomaikai kaua wale no, e hookaawale ana i alanui e launa kamailio ai me ko kakou kahua hoolulu mokuhaua ma Puuloa. Ua hoomakaukau ia no na pomaikai o ke kalepa i keia mua aku. O Honolulu, he awa kumoku mau ia e kipa ai no na laina mokuahi Amerika halihali leta i Ausetaralia a me na aina kahiko o Asia. O ko Beritania mau pomaikai ma Hawaii, aole i hookahi hapaumi o ko kakou na Amerika, aka ke hanu nei nae kekahi hui hoomoe waeaolelo Beritania kokua ia e loaa ona launa ana aku me na mokupuni Hawaii. Aka, ua makemake ke Aupuni Hawaii e holo ka waeaolelo a pae ina kapakai Amerika a na ka Amerika e lawelawe maoli.
He mea pono e hooholoia ka haawina kupono e hoomoeia ai ka waeaolelo me ka eleu e ka Ahaolelo Repubalika. Ina e hoole ana o Peresidena Cleveland ma o ke ana kumuhana aoao, kalaiaina la, nana ia e haawe aku i na koikoi. O kana hupo auanei, ku ole i ke aloha aina, e lilo auanei ia i pohaku kaumaha hou ma ka a-i o ka mana hooko e leholeho ai i pihopiho nei iloko o ka popilikia a me ka hilahila.-BOSTON JOURNAL.
-----
Na Iapana Hoohalahala Kumu Ole.
-
Ma keahi mau la o ka hebedoma i hala, ua haakokohi mai na lono ua piha nauki loa ia na Iapana o Honolulu nei i ke Kapena o ka mokuahi China no ka lawe pu ole mai i na eke leta mai Iapana mai no Honolulu nei, a ua kahea ae lakou e malama ia ona halawai makaainana Iapana no na kumu kue a hoohalahala ano like paha me keia: Ua kaueha io aku anei ka Repubalika i ke Kuina Hawaii Irwin ma Tokio aole e ae i na eke leta e hoouna ia mai Iokohama mai? Ina e mau ana ke kulana o ke kolera ma Iokohama a me Honolulu nei, e ae ia ana anei na ohua kapena ma Iokohama mai e hoolele ia mai iuka nei, e like la me na ohua o ka mokuahi China? E noi ia ka Papa Ola e hookuu i ka hoomalu ana no na ukaua a na Iapana e hoouna ai i na mokupuni e ae, e like ka hikiwawe me ka akakuu ana mai o ke kulana ma'i. E noiia ka Papa Ola, e lawelawe i na keehina e haalele hou ole ia ai na eke leta mai Iapana mai ma keia mua aku.
Ma ka po Poaono aku nei o ka pule i ala, ua malama io ia he halawai o na Iapana ma ka hale maluna ae o ka Hale Hoohainu Rama o Kaopuaua. A ma ia halawai ana i hoopahupahu ia ai kekahi mau manao keha, welak kue, hoahewa a me ka waiho mai i na manao e lapaau ai i kela mau palapu i helu ia e na poe haiolelo. O na hua o ka halawai, ke oialo hoi na lohem oia ka hooholo ia ana e hoopii aku i ke Aupuni Hawaii, ma o ke Kanikela Iapana aku ma Honolulu nie, e lapaau koke ia na palapu i kukulu ia ai ka halawai. A o ka lua, oia ka hoopii maoli i ke Aupuni o Iapana me ka hoikeike aku i keia mau pilikia a e noi aku e hoonohoia ma Hawaii nei i luna aupuni Kuhina e like me Hawaii e hoonoho nei i Kuhina ma Iapana. A o ke kolu e hoolimalima i mikuahi kuikawa e holo ai mawaena o Iapana a me Honolulu nei.
No ka mei e pili ana i ka lawe ole ia mai o na eke leta mai Iapana mai a i Honolulu nei e ka mokuahi China, he wahi mea liilii loa ia. Aole i hoopaa ia na mokuahu o ka Laina Oceanic malalo o kekahi awlike e hali i na eke leta mai keia aina aku a e lawe mai paha i keia aina, nolaila ua noho hopepe wale no na kanaka malalo o ka lokomaikai wale mai o ka Hui a o ke Kapena mokuahi paha. Pehea ua huhu anei na makaainana o Honolulu nei i ke Aupuni i ka hoole ia ana o na eke leta o Honolulu nei aole e lawe e na kapena o na mokuahi Alameda, Monowai, Miowera a me Warrimoo. Ua hopepe wale na agena mokuahi, ka lahui a me ke Aupuni Hawaii malalo o ke kapena e hooko pololei ana i na kauoha a na luna ma ke kahua hana o ka hui mokuahi. Ina i makemake na hui mokuahi e hali i na ukana a hiki i Kapalakiki, a i ole hoole paha i ka hali mai i na ukana mai na awa mai o Asia a i keia awa no ka makau o hoomalu ia ma keia awa, he mea ia e hiki ole ai i keia Aupuni ke hooponopono no ka manawa e like me ka loihi o ka laha ana o ka mai kolera ma na aina o ka Poepoe Hikina. Ma ka hookuku ana me na lahui e ae no na mea e pili ana i na eke leta, ua oi aku no Iapana maalahi mamua ae o ka hapanui o ka lehulehu, no ka mea he eha mau mokuahi a lakou i kiai aia ike no i ke kalewa ana mai a nalo aku me ka lawe ole i ka lakou mau leta.
No ka mea hoi e pili ana i ka hookae ia o na kalepa Iapana a pehea hoi i hookapu ae ai ke Aupuni aole e lawe i na ukana i na mokupuni e ae. He mea pono i na Iapana ke ike aku i ka pono o na rula hoomalu o ka Papa Ola e hookapu ana i na waiwai kalepa, a ma ia hana ana ua oki ia na ipuka e ohi ai ke aupuni i na loaa aupuni. O ka na Iapana hoeueu hoahewa aole ikukuluia ma ke kahua maloeloe o ka pololei, oiai ina lakou e noonoo hou iho ana k alaila e ike ia auanei ua lelehewa maoli lakou.
-----
Na kanaka koikoi hookuimiemi.
-
Ma ke kulanakauhale o Indianapolis, mokuaina o Indiana, Sepatemaba 28, ua hoopuka ae o Col. John C. New, ka luna hooikaika o na kau holo moho Peresidena o General Harrison, a Kanikela Nui o Amerika ma Ladana i ke kau mua o Peresidena Harrison, mawaena o kekahi kamakamailio ana i na elelo aole o General Harrison makemake e holo moho hou no ka noho Peresidena. "Ma ka nanaina, aole he moho holo Peresidena," wahi a Col. J. C, New, "aka o na olelo e hali hele ia nei, ua unuhi oia i kona inoa no ka pono o kekahi mea e ae, aole loa he wahi kahua o ia olelo i ku iho ai. O ka mea olaio, ina e noi ia aku ana kana mau oleloao," wahi hou a Mr. New, "aole loa oia e wae ana ia Reed aole hoi ia McKinley i moho holo Peresidena no ka aoao Repubalika." Ua hoole loa o Mr. New i ka hoike ae e ka Harrison moho i makemake ai.
Ma ka la 25 o Sepatemaba, ua lohe ia ka olelo a kekahi hoaloha pili loa i ka Peresidena Cleveland ma Wasinetona e i ana, i ka wa @ ka Peresidena e hele makaikai aku ai i ka Hoikeike ma Atlanta, Gerogia, i ka la 21 senei o Okatoba, e hai aku ana oia maloko @ kana haiolelo, aole oia i hookomo mai iloko o kona noonoo ana i ke ake e holo Peresidena no ke kau ekolu, a e kukala aku ana aohe ona manaoio i ka Perrrrresidena ekolu kau no kekahi kanaka.
Ma keia mau lono maluna ae la, e ike iho ai ka lehulehu aole keia mau kanaka koikoi o na aoao kalaiaina nui iloko o Amerika Huipuia, aole laua e hooikaika kino ana no ko laua wae ia i moho, aka pehea ina na ko laua mau aoao pakahi iho e onou aku e u holo pakahi laua?
-----
E hoomaloo a hoomaemae pakahi ia aku ana na lua wai kookio o Nuuanu ma keia mau la aku.
-----
Ka Repubalika Mokupuni
-
Ua hoohanohano ae ke Kapena a me na aliimoku o ka mokukaua holo mama Amerika Olympia e hekau mai nei ma ka nuku o Mamala, ma o ko lakou kipa ana ae e pahola i ko lakou mau mahalo ia Preseidena Dole maloko o ka Hale Mana Hooko i ke awakea Poalua aku nei, a i kukai ia aku ma o ka oluolu ana i ke poo o ke Aupuni e panee aku i anaina e ike ia mai ai oia. A e like me na rula maa mau o na anaina ike o ia ano, pela no i malau la ai a pau.
Ina aole he mau mea keakea, alaila e holo aku ana ka Loio Kuhina W. O. Kamika no Nu Kilani ma ka mokuahi Alameda e ku mai ana maanei i keia Poaha ae,Okatoba 24 mai Kapalakiko mai no ke kukini loa i na Panalaau o ka Hema. E holo ana o Mr. Kamika e hakilo no na mea e pili ana i ua aina hookuleana i kukulu a hooholo ia me ka holopono ma Nu Kilani, a e hoohiki hou mai ana pana ianei iloko o Dekemaba.
Aohe kino kanaka lunaikehala noonoo e hoole ana ia Kamika ma keia huakai e hele nei ma ke ano e huli pono ana i ka lawelawe ia ana o na aina hookuonoono, a ia manawa pu e loaa @a ia he wahi hoomaha ana mai koua noho pa'uhana hoomaha ole ana iloko iho nei o ke kau kolera, oiai oia e noho poo ana no ka Papa Ola. No ka mea, ua ike makou i kena hana o ka po o ke ao me kahi hoomaha uuku loa paha. Oia ka luna aupuni hana nui loa i kela mau la aku nei, a kona mau hoaloha a me na enemi e ae aku nei.
-----
Ka Hihia Koi Poho.
-
Ua hookohu ia mai nei o Mr. Henry Smith, Kakauolelo Nui o ka Aha Hookolokolo Kiekie o ko Hawaii Paeaina, e ka Aha Hookolokolo Kiekie o Beritania Columebia, i Komiisina nana e lawe i na oleloike a ko Honolulu nei poe ma ka hihia a A. E. W. Muller kue ia Charles Ed. Bird a me James Huddart. O keia ka hoopiikoi poho he $50,000 a Muller kekahi o na poi kalaiaina ekolu i hookau ia maluna o ka mokuahi Warrimoo a kipakuia mai Honolulu aku nei. O na mea e ae elua oia kipaku pu ia ana o Johnston a me Cranstoun. O na haole e hoopii ia nei, oia ke Kapena o ka Warrimoo a me ka ona moku o ka laina e lawelawe hana nei. O ke kumu o keia hoopii, no ka lawe ia ana mai Hawaii nei aku me ka lima ikaika mahope o ka hookahuli aupuni puhili o Inauari @ hala. Ma ka la inehinei i manao ia ai e hoomaka ana o Mr. Henry Smith e lawe i na oleloike mai ka Peresidena, na Kuhina ekolu, ka Ilamuku a me ewalu poe e ae. E hoomanaoia, o kekahi o keia poe pio i kipakuia o Cranstoun ka inoa, ua haalele kona aupuni i ke kaukole ana mai i kana koi poho.
-----
Hala aku la me ka Walohia nui ia.
-
O kekahi o na kanaka ui maikai o keia kulanakauhale, i hanauia ma Honolulu nei, a keikikane ekolu a M. Louisson, ke poo o ka hui kalepa o M. S. Gimbaum & Co. o keia kulanakauhale a me Kapalakiko, oia o Samuel Louisson, ua pauaho mai i keia ola ana ma ka hora 7 kakahiaka o ka Poakolu iho nei ma kona wahi i noho hope iho nei ma ke kihi akau o na huina alanui Moi a me Piikoi, mahope o ke kaa mai pokole ana me ka mai eha ma ka opu a me ka imi ia ana o na lapaau naauao a pau e hoopakele ai i ke ola. Eia nae, aole hiki i ka ike o na kauka ke hoola mai a haawi pio aku la ke keonimana opio e lilo i luahi na ka enemi hope loa o ke kanaka, he make.
Ua noho oia ma Honolulu nie me ka lawelawe ana i ka hana maloko o ka hui o kona makuakane. He keiki i ike nui ia no ke akahai, oluolu a me ka waipahe o ka launa ana a he nui hoi kona mau hoaloha. Eia ka e oki pu ia ae ana kona mau ia o keia ola ana, a e waiho mai ana i kona mau makua ma Kapalakiko iloko o ka ehaeha a me ke kaumaha nona. a i kona mau hoaloha o ka pili pu ana, e nele i ka hoaloha ole.
Ua hanau ia oia ma Honolulu nei i ka la 16 o Novemaba, 1871, nolaila eia oia ma ka iwakalua kumamaha o kona mau makahiki o ke ola ana. He hoa oia no kekahi mau hui malu, waapa a me kekahi mau hui e ae.
E malama ia ana kona hoolewa i ke Sabati, apopo, mai kona wahi mai i make ai, malalo o na lawelawe ana a ka Hui Malu.
Ua manaoia, e hoea mai ana kona ma makua ma kekahi o na mokuahi mai Kapalakiko mai o keia pule ae, aka aohe laua e hui me Sammy ua hala i ke ala hoi ole mai, a o na waimaka ka laua i hoope iho maluna o ka he o ka laua keiki aloha haalele makua.
-----
NUHOU KUWAHO
[drawing of two masted (?) ship]
HELU NA MAIUU O KA LIONA IA KINA.
Pekina, Sept. 28. - Ua hoouna ia aku ke noi hope loa a Beritania no ka hana o kela hoohaunaele ma Szechuen. Maloko mai @ umikumamaha la, e hoopuka ia ke kauoha e ke aupuni o Kina e hoohaahaa loa ana i ke kulana o ka Viceroy (alii kui a kiaaina) oia mahele aina, a ina aole e hooko ia pela, alaila e lawelawe limaikaika aku ana ka Adimarala.
O ke Komisina Amerika e hele nei e neineile no keia misiona hookahi o ka hoohaunaele wale ia o na misionari, oia hoi ke Kanikela ma Tien-tsin a me na aliimoku, i ukali ia e na koa Pake a me na maheleolelo, eia lakou ke hele aenei ma ka aina.
Nu Ioka, Sept. 28. - Ua loaa mai i ka nupepa World he lono waeaolelo mai Foochow, Kima mai, e olelo ana: Ua kahaha loa ke Komisina o Foochow no ka nieniele a huli pono ana i ke kumu o ka luku wale ia ana o na karistiano ma Haw Sang i na luna aupuni no ka hoolauwili e keakea ai. Ke hopohopo nui nei na lala a pau o ke komisina ina aole e loaa ia lakou na kokua i oi ae ka ikaika i ko keia wa, alaila he pono ia lakou ke hoi i Foochow.
Ua piha inaina loa na luna aupuni Pake i na karistiano no ko lakou hoike i na Kanikela i na inoa o ka poe nana i pepehi. Ke hooweliweli ino nei lakou e hoopai aku i na poe nana e hahai nei i na inoa ke pau aku ke komisina i ka hoi.
He ekolu hebedoma i hala ae nei, ua hoopuka aku ka lunakanawai he olelo kuahaua kolohe ino loa o ne olelo maloko. Aka mamuli o ke noi i na Kanikela, ua hoopuka akea ia he kuahaua hou, aka ua hoopuka malu hou ia kela kuahaua mua a haawiia i na poo o na kauhale. A o ka hopena ke palahalaha aku nei ka pihoihoi ma o a maanei. O ke kulana o ke komisina he kupilikii loa. Malia e pau loa ana paha i ka hana ino wale ia na mea a na karistiano i hana ai.
Honokaona, Sept. 28. - Eia ka hoomauia nei e na luna aupuni Pake na upoipoi ana e huna i na mea a na Kanikela e nieniele nei no kela luku waie ia ma Kucheng i ka malama o Augate i hala. He kanaha poe i hoohuoi ia ua komo e ia luku wale ia ana o na karistiano, ua pau i ka hookuu ia e na luna aupuni me ka ae ole o na Kanikela.
O Mr. Mansfield, ke Kanikela Beritania ma Kucheng, ua hoinoino wale ia mai e na koa Pake. Ke noonoo nei na Kanikela i ka pono o ko lakou hoi ana i Foochow e noho ai a e waiho aku i ka hana i ko lakou mau aupuni pakahi.
Berelina, Sept. 28 - Ke olelo nei ka nupepa Nord Deutscher Allgemein Zeitung, ua kauoha ia aku nei na manuwa Geremania a pau ma ka Hikina e hoi e Swatow a me Chefoo e malama ai ike ola o na haole
KA HOOHAUNAELE MA CHENG TU.
Wasinetona, Sept. 28. - Ua waeaolelo ae ke Kunina Amerika Denby ma Pekina i ke Keena o ko na aina ma Wasinetona mai Pekina mai, penei:
"Ua telegarapa mai o Yamen i na luna aupuni e hele pu ai me ke komisina. E hoopuka ia ana he kauoha koikoi i keia mau la kakaikahi iho e hoopai ana i na luna aupuni a e hoohaahaa ana i ka Viceroy (aliikui). A telegarapa hou aku."
O keia elele waeaolelo maluna ae, ua pili ia i ke Komisina Amerika kaokoa i kohe ia e nieniele i ka hoohaunaele ia ana e na misionari ma Cheng Tu. A o ke kauoha koikoi e olelo ia nei e hoopuka ia aku ana, me he la oia ka hopena i loaa ma ka huli ana a ke Komisina Farani no ka haunaele ma Cheng Tu, a o ke aliikui e olelo ia nei e hoohaahaa ia, me he mea la o Lin. Ke upu ia aku nei o ke Komisina Amerika e naho poo ia la e ke Kanikela Amerika Reid, eia ma ke alahele ma Tien-tsin e hiki ai i Cheng Tu.
HOOUNA ENELANI HE AUMOKU NUI IUKA O MULIWAI YANG TSE KIANAG.
Ladana, Sept. 28 - O ka pii hookahakaha a ke aumoku kaua nui o Beritania e komo la iloko o ka muliwai Yang Tse Kianag, oia ka hopena o ka hoole ana mai o ke aupuni ma Pekina i na koi a ke Kuhina nui Salibure i waiho ia aku ai e hoopaiia ke aliikui hope iho nei o Szechuen, ka mea a ke Kuhina O'Conner o Beritania i hoike aku ai i kona aupuni ua kaa maluna o keia aliikui o Szechuen ke koikoi @ na hewa i ulu mai ai na hana hoohaunaele ma na kahua misiona ma Cheng Tu i hoomaka ai i Mei i hala, a i ukali ia aku no hoi e na luku wale ana i na oia e na misionari ma Kucheng.
O ka manawa o ua aliikui la e neho ai ma ka oihana, ua pau, a ua haalele ia Cheng Tu. Ua hoao mai ke aupuni o Pekina e hoohuli i ke Kuhina Beritania O'Conner, oia unuhi ia ana o ua aliikui la ua hooko ia, a oia hana ana a ke aupuni, ua lawa ia mea no ke koi a Beritania e noi nei. Ua hoonaauao aku o Haku Salibure i kona kuhina noho e hoike aku i ke aupuni ma Pekina, aole mea e maalili ai ke koi a Enelani aia wale no a hoopuka ia he olelo kanawai imperiala e kipaku ana i ke aliikui mawaho aku a na palena o Kina me ka olelo hoike o ke karaima i kipakuia ai oia no ka hoohemahema i ka haawi aku i na kokua e malama ai i na misionari karistiano. Me he la, ua hooliolio maoli ia ka Haku Salibare kumu e hookahua nei mamuli o ua hoike i hiki aku imua o ke Keena o ko na aina @, na na luna aupuni Pake i paipai a hookokono i ka manao e ulupuni e kue aku i na haole Europa, a aole i na misiona karistiano wale no, a nolaila o ka hoohaahaa wale i ke aliikui o Szechuen ka puupuu ikaika e komo ai ka weliweli iloko o ka iwihilo e loaa ai he haawina na Kina a pau e ike iho ai he hewa ekaeka ino ka lili e kue aku i na haole.
Ma keia hana hao a wela a Beritania e lawelawe nei, ua hoauhee aku ia i na lono e maaa hele nei, ua noonoo ke Keena o ko na aina e o Enelani e unuhi i na misionari a ma na awa kumoku wale no i hoonoa ia ma na kuikahi e hana ai lakou.
Ua hoomaopopo ioa mai, ua hoike ia aku i ke Aupuni o Amerika Huipuia keia manao a ua apono ia mai e malama ia na palekana o na misiona karistiano.
AUMOKUKAUA GEREMANIA I HOOUNA IA.
Ladana, Sept. 28. - Ua loaa mai i ka nupepe St. James Gazette he lono waeaolelo e i ana penei: Ua kauohaia aku nei he aumokukaua Geremania e holo i Swatow, a ua hoihoi ia aku nei na misiona Katolika Roma o ka apana o Chantung malalo o ka malama ana a na Geremania.
HAAWI PIO MAI O KINA I KE KOI.
Ladana, Sept. 30. - Ua hoolala oihana ia ae, ua ae mai o Kina i ke koi a Beritania, a ua hoohaahaa ia aku ke aliikui o Szechuen. Ua hoopuka ia he kauoha e papa ana iaia aole e noho hou ma kekahi oihana i hilinai ia.
Sanahai, Sept. 30. - Eia ka hoalaala kipi o Kansu ke palahalaha loa aku nei, a ke ano hakukoi mai nei na nanaina. Ke ala like mai nei na hui malu e kokua. O ka manao me he mea la o ke kipaku i ka ohana alii Mantchu e noho hoomalu aupuni nei
Sanahai, Oct. 1. - Ua pau i ka hopu ia na alakai o ka poe hoohaunaele ma Swatow, aka mahope wale mai nei no nae o ke ku ana mai o na mokukaua Geremania.
Parisa, Oct. 2. - Ua loaa mai a lawa ko Farani makemake no ka lele hana ino ia ana o ka misiona Katolika a me ka hoeha ia ana o ka Bihopa ma Szechuen.
Ladana, Oct. 2. - He kanalua loa o Prof. D. Douglass ina ke hana io nei o Kina i ka mea pololei ma o ko lakou ae koke ana mai nei i ke koi no ka hoohaahaa ino ana i ke aliikui o Szechuen, no ka mea o ke aliikui o Lin Ping Chang, oia no ke kanaka i hoohaahaa ino loa ia ai i ka makahiki i hala.
MAWAHO O KA NUKU O KA DADENELA.
Konatinipe@a, Sept. 28. - Ua ku mai he umikumamahiku mau mokukaua Beritania mawaho o Le@nos, e kokoke mai @a i ka nuku e komo aku ai i ke kai kapu o ke Dadenela. Nui ka nune ia no ka hoea ana aku o keia aumoku nui, a ua hoopuka ae keia a me keia i kona manao.
-----
Huli Hoi Mai i ka Nuku o Mamala.
-
Ua hoi mai i ke kakahiaka Poalua nei ka mokukaua Amerika Bennington, kapena Pigman, mai kana huakai aku nei i ke kulanakauhale ua o Hilo, a eia ke hekau mai nei ma ka nuku o Mamala, kahi o laua e hooho ia aku nei ko laua nani e ka poe nana mai uka aku nei o ka aina "me he mau ao opua" @a ke kau like me ka mokukaua nui iho o ia aupuni ka Olympia. I ka wa a keia moku i nala aku nei no Hilo, ua hoohala maoli ia e na aliimoku malaila he manawa hauoli haomaha oluolu, i apo aloha ia mai e ko laila mau kamaaina heahea a hookipa ia aku. Ua hoonowelo ia aku kekahi aliimoku i keia po aku nei no ka mea e pili ana i ko lakou nee hou aku paha, ua pane ia mai la malia o ka hoi mai la no ia e noho loa a hiki i ka wa e kauoha ia mai ai e hoi, koe kamakemake i ike ia Kauai.