Ka Nupepa Kuokoa, Volume XXXIV, Number 42, 19 October 1895 — Page 1

This text was transcribed by:	Emily Knotek
This work is dedicated to:	Awaiaulu

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hupepa kuokoa

KE KILOHANA POOKELANO KA LAHUI HAWAII

ME KO HAWAII PAEAINA I HUIIA.

BUKE XXXIV. HELU 42 HONOLULU, POAONO, OKATOBA 19, 1895. NA HELU A PAU, 2568

HOOLAHA LOIO.

W.R. KAKELA,

Loio a he Kokua ma ke Kanawai,

HE LUNA HOOIAIO PALAPALA.

2379

ALLEN & ROBINSON,

NA MEA KUAI PAPA O NA ANO A PAU E loaa no ma ka UWAPO O PAKAKA, Honolulu, make kumukuai makepono loa, no ka pomaikai o ka lehulehu e makemake ana e ku kulu hala. E kipa mai a e ike kumaka.

2896-q

WILDER & CO., (WAILA MA.

Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

Kihio Alanui Moiwahine me Papu.

396-Q

JAMES M. MONSARRAT, (MAUNAKEA.

Loio a he Kokua ma ke kanawai

HE LUNA HOOIAIO PALAPALA.

E haua ia no na Palapala Kuai, Palapala Hoolimalima, a me na Palapala Pili Kanawai e ae ma ka olelo Hawaii. Dala no ka hoaie ma ka moraki ma na Waiwai Paa.

Keena Haua: Hale Pohaku hou ma ka aoao ma Waikiki o ka Halewai, alanni Kalepa. 3370

OLELO HOOLAHA.

O na poe lawelawe hana ole a pau me ka Hui Hanai Mipa o Humuula, ke papa loa ia aku nei lakou aole e hele maluna o na alanui a ala liilii o na alua e noho maua ia nei e ua Hui la ke loa a ole ka ne ia mamua.

O na ilio e loaa aku aua maluna o ka aina, e pepehilia no aole loa e ae ia ka ho’a pua ana ma alanui.

HUMUULA SHEEP STATION COMPANY,

Kalaleha, Apr. 20, 1895. 2544-1y

411 Alanui Nuuanu.

MAI KEIA POAONO AKU, AUGATE 31, e kuai hoopoho a makepono loa aku ana ma ka Halekuai o Goo Kim, a nolala e hele koke mai na makamaka oiai ka wa makepono. O ke kalakoa I keaileni o ka iwilei mamna, I kela wa he 20 iwilei no ke $1.00. Na keokeo maikai a me na kukaenalo, like pau loa. Ahiuahina a iwilei $1.00. Na lole paa o na kane, na kuka. Na wawae a me ko na wahine, aole e pau I ka helu pakahi aku, e kuai hoem! Loa ia aku aua. 2561-

PAPA! PAPA

AIA MA KAHI O

LEWERS & COOKE

(LUI MA)

Ma ke kahua hema o Alanui Papu me Moi.

E LOAA NO NA

PAPA NOUAIKI

O kei e a me keia ano.

Na Pani Puka, na Puka Aniani,

Na Olepelepe, na Pou, na O’s

Na Papa Hele, na Pauu Ku,

Me na Papa moe he nui loa

NV PILI HALE O NA ANO A PAU

A me na

WAI HOOHINUHINU NANI

O na ano a pau lao.

Na Balaki o na Ano he Nui Wa

Ke hai ia aku nei oukou e na makemaka a pau, ua makaukau keia mau makamaka o oukou e hoolawa aku ma na mea a pau e @ ana ma ka laua oihana no ka

Uku Haahaa Loa,

@ike me ka mea e holo ana @ o Laua a me ka mea Kuai

Hele Mai e Wae no Oukou iho. 2896-q

HE MOOLELO

-NO-

Frank Reade Opio

Ke Mea Naua I Hana ka Moku Lele ma ka Lewa-lani- Ka Mea Nana I Kaapuni na Wwahi a pau o ka Lewa-A mai ke Kukulu Akau a ka Huma- A mai ka Hikiua a ke Komohana-Ka Mea Kupaianaha o ke Keneturia Umikumamaiwa-Ka Naauao Kelakela o ke Kanaka –Ka Haawina Makamae a ke Akua I Haawi mai ai.

KA “poai lewa.”

MOKUNA IV.

KA MARE ANA A ME KA HOOMAKA ANA E KAAPUNI HONUA.

“Nani wale io no hoi, ina he oiaio e hoea ia mai ana he kaikuahine hou nou e kuu James maikai,” wahi a Isabela me kona ano waipahe mau e kaili koke ai I ka puuwai o kekahi mea.

Ua nanea wale iho la no laklu a hiki I ke kani aua o ka hora umi o ia po, a ia lakou e liuliu ana no ka hooluolu ana, aia hoi, ua ike ia aku la ke komo ana mai o kekahi kaa lio me ua paa lio elua, a I ka hoea pono ana mai ma kea lo o ka hale nani o Isabela ma, ua hoohikilele koke ia lakou I ka ike ana mai ia Hale e oili mai ana mailoko mai o ke kaa lio, a ku iho la me he la e hoomakaukau ana no ka lele hou mai o kehahi mea hou.

Me ka lelu e like no me ke kulana mau o ke kahu oia kakela, ua hoea aku la ke kahu wahine poo ma kahi o na malihini.

Haawi koko ae la o Hale I ua kahu la ka hookipa ana I kkona makuahine a me kahi kaikuahine hanai ana, a me ke kulana keonimana, ua kuikui hele pu aku la oia me kakahi lede kino loihi hiehie I paa me ka uhimaka eleele loihi.

Lawe aku la oia I kana malihini a komo aku la laua ma ke keena kahi a Isabela ma e kakali mai ana. Ia wa, me ke kunou malie ana aku o ka lede malihini, ua hapai ae la kekahi lima ona I ka uhimaka, a ia wa I ku ino ae ai na mea a pau me ka hikilele ino loa, oiai o na hiohiona no o Isabela, oia okoa no ko keia lede, aohe wahi a ka maka hoohewa ai.

Me ke kali ole, ua hele koke mai ia o Isabela a puili koke mai la me ka honi loihi aua I kona hoahanau, a me ka puana ana ae:

“E hoonana ia na Lani Kiekie Loa. No ka mea, aohe a’u mea e pahaohao ai ia oe. Ua noa keia mau paia ia oe, olai o ko kaua home no keia.”

“Ke ike nei hoi au, he oiaio aohe oe he mea e, aka he hookah kaua,” wahi a ua lede la, me ka like loa no o kona leo ne ko Isabela.

Lalau mai la ka makuakane I kana kaikamahine malihini, a mahope o kona honi ana ma ka lae o kana keike, ua pane aku la ola:

“E oluolu oe e wehe iki ae ia mua o ko aahu, a e nana aku hoi au I ko umauma?”

Me ka mino-aka ana o ua ui hou nei o ka home nani, ua wehe koke ae la ola ia mua o kona aahu, a hoikeike aku la I kona umauma I kona iuaui.

Ia wa, me he la I hou ia mai paha ua elemakule ia e kehahi mea oi, ua ky koke ae la oia me ka hooho ana: “He oiaio, o kuu keiki nei I make o ola hou! Eia no ke kau mei ka ila ma kona umauma, oiai aia wale no kahi e hiki ai ke ike ia oia nei mai ia Isablea ae. Ea! Pehea la ko makuahine hanai I hoopunipuni ino loa ai ia’u? Ua kanikau au nou no keia nau makahiki he iwakalua a oi, aka e hoonani ia ke Akua! O kana mau uku maikai keia ia’u, diai eia au ma k eke kae o ko’u lua kupapau, eia nae, ke ike mua nei ko’u mau maka hapopo I ka’u mau lei aloha a elua. Noaila, e hoolilo ia keia po I po hauoli nui ma ko lalou home nei no ka hoea ana mai o ka lua o ka’u mau momi.”

Ua hooko koke ia keia kauoha a ka ona miliona me he uwila la e na kauwa. He mau sekona wale no, aia hoi ua malamalamala o loko o ua pa la me na kukui uwila.

Ia wa I hoomaopopo ai na kamaaina ia Hale a me kona makuahine maikai a me hahi hanai ana.

Lilo aku la nae ka hookipa ana o laua I ke kahu wahine, a hoi aku la ma ke kahu wahine, a hoi akku la ma ke keena mui maikai I haawi ia laua. Malaila hoi I wehe ai na aahu o ka hele ana mai, a hoomakaukau hoi no ka noho oluolu ana iho.

Me ke kali ole, ua lawe aku la o Isabela I kona hoahanau mahope iho o ka hoolauna ia ana ona me Frank ma, a akahi no hoi lakou a lohe I ka inoa o ka hoahanau malihini, o Helena.

I ko laua hala ana, ua hahai aku la o Hale I kona ike mua ana ia Helena maluna o ke kaa ahi, a me kona laki o ka loaa ana he wa kupono nona e kamiaiio pu ai, me kona hooiaio pu ana he hoahanau ponoi keia no Isablea, mamuli o kona lohe ana ia Isabela a me kona makuakane e kamailio ana maluna o ka lapa papa, me ka hoike ana mai no hoi kekahi o Helena iaia, he kaikaina no kona makuahine ka mea nana oia I hanai a nui, me kona ike ole I kona makuahine ka mea nana oia I hanai a nui, me kona ike ole I kona mau makua ponoi a hiki ia wa. Ma ia mea, ua hooholo iho au, o ke kaikaina a hoahanau io no keia o Isabela. Ina paha aole oia I ike mua me kona mau maka ponoi I kona haalele ana iho ia Isabela I ka hale nei, ina la ua manao io no oi o Isabela no kela, aohe he mea e aku, aka no kona ike maka mua ana, pela iho la I komo mai ai kela hoomanao ana no na olelo ana I lohe ai maluna o kela lapa papa ia lakou maluna o na ale ahiu o ka moana Upolipo.

Aole I pau.

Puanuanu mau ko Lunakanawai Bickerton noho o ka Aha Kiekie no ka anee mau o ka mai e hoopipili ne iaia me he aikane aloha la.

Na Limahana Pake Kepa.

Ua pau aku I ke kepa a hoouna ia na limahana pake a ka mo,uahi China I lawe mai ai a I hoomaluia iho nei ma Kahakaaulana a pau na ia. Penei ka mahelehele ia ana o na pake ma ua mahile like ole: I Kahuku 30: Lahaina 30: Olowalu 15: Hawi 14: Kohala 26; Hui Makiko o Hamakua 13: Hui Mahiko o Hakalau 40; Hui Wiliko o Waiakea 30; Hui Mahiko o Makawli 50: Hui Makiko Makee 50; Hui Mahiko o Makaweli 50; Hui Mahiko Makee 50; Hui Mhiko o Kilauea 25. Huina 339. O na limahana o Maui a me Hawaii, ma na nokuahi o ka Hui o Waila, a o ko Kauai hoi ma na mokoahi o ka Hui Mokuahi Pili Aina.

Kokua I ka waeaolelo Pakipika.

Ke hookikina nei ka mupepa Chronicle o Kapalakiko ia Amerika Huipuia na ke aupuni e hoomoe I ka waeaolelo a hiki I Hawaii me na olelo penei:

He mea pono I ke Aupuni o Amerika Huipuia ke lawe ae na kona mau lima e hoomoe a e noho mana maluna o ka waeaolelo e moe ana a hiki I Hawaii. Ua lawa na waiwai o na Amerika ma Hawai I mea nui na Amerika e hoomoe ai I waeaolelo, ma kea no he kumuhana kaua, ina aohe he kumu e ae, a na ke Aupuni e ohi I na uku a e lawe I na ukupanee o na dala I hookomo ia no ka hana, e like la no oi ma ka hana a ka poe e ae. Ua manao makou he mea pono I ka waeaolelo ke lilo I hana no ka lehulehu a na mea ponoi paha, aole I hana na ka poe mawaho I kokua a uku ia e na dala a ke Aupuni. O ka laina waeaoleo moana, aole loa ia I like me na laina hooolo mokuahi. O ka lilo mua wale no I kinohi ka mea nui, a o na lilo o ka malama ana aku I ka waeaolelo a me na hana hou, he mama loa.

He Kakoo Wahine no ka Hoohuiaina.

Ke lohe nui ia nei ma keia anaina eia kela wahine Amerika kaulana I ke kakau manao, nona ka inoa Kete Field ma kana kuakai makaikai I hoolala ai e hele mai I Hawaii nei, malalo o ka hoouna a kekahi nupepa ikaika a mana o ke kulanakauhale o Kikako ka elele- Manawa. Ua laulaha ia, ke hele mai nei keia kede haku manao naauao malalo o ka hoopaa ana e kakau a hookahua oia I kona manao ma ka aoao e hooikaika ana I kekahi mau pono o ka hoohui ia Hawaii me Amerika Huipuia. Ina e paholaia ana na hooikaika ana I kehahi mau pono o kakou maluna o na kolame o kela nupepa lawe nue la, alaila aloe e nele ana kakou I na pomaikai e hoohoihoi hou aku ai I na kanaka ma kela aina nui e holo mai I Hawaii nei. A ia lakou e hiki kino mai ai, aole e ole ka hoomakaleho iho I ka paredaiso a hoololohe a hookamaaina iho ma Hawaii nei. Ma o ke komo nui ana mai o kea no lahui elike me kalou, ua pakui mai ia I ko kakou mau ikaika hoonee ma ka kahou kahua hana I kukulu ai I , kinohi.

Kea no e Mare ia ai ma kekahi Mau Wahi.

Ma Bulagaria, eia no ke hoomau ia nei ke peku ana I ka wahine mare ma kea no oia kekahi o na hana maa mai kinohi mai. Malia paha o manao kekahi poe, he peku kuio maoli no, aka he mau hanauna I hala aku, na hoopau ia ko ka wahine hana ia e like me kela ano hoomainoino ae la, ma ka inoa wale no, a I keia wa I ka Manawa e peku ia ai ai ka wahine mare, ua hana ia ke peku ma kea no wae no e peku aku ana ke kane mare me ka pa ole aku o kekahi wahi o ke kino o ka wahine. Ma kekahi mau wahi lehulehu o Italia, e hahau ia ana ka wahine mare me kona mau kamaa ponoi ihi no I ka wa e mare ai, ola hoi e wehe ia ai ana kona kamaa a haawi la aku I ka kane mare, alaila na ke kane e hoopa lihi mai I ka poohiwi o ka wahine me ka puu o ke kamaa. A ma kekahi mau apana kuaaina o Farani, ua hoopau ia ka hoopa ana aku I ka wahine, a o ka wehe wale no I ke kamaa o ka wahine a haawi aku I ke kane, ma kea no he hoailona no ko ka wahine noho hoomalu malalo o ke kane.

Mare ia Maluna o na Huila.

Mamuli o ke kue o ka makuahine I ke kau o kana kaikamahine e holoholo maluna o ke kaa hehihehi wawae a me ke komo I ka lole hololio wahine, ua liko ia I mea no ka pupu a ua kaikamahine nei e maneo ai I kekahi keiki holo kaa hehihehi wawae a mare aroli. Pela ka hoike a ka waeaolelo mai Unadilla, Nu Ioka mai.

Ua ao mau aku ka makuahine o Mrs. Frank Moses I kana kaikamahine umikumamahiku makahiki – o Florence ka inoa, mai manao nui ioa e pipili aku kona makemake I ka holo kaa hehihehi wawe a me ke knomo aahu hololio puhauhau mai kinohi mai o ko ke kaikamahine kuai ana I ke kaa a me ka lole. No ka mea, ua noonoo ka makuahine, o ko ke kaikamahine hoa holoholo o Jerome Snow, oia ka mea nana I hookkena e komo I ka lole hololio.

I kekahi ahiahi, ia Mr. Snow I kii mai ai e kono ia Miss Moses e holo pu iloko o ka huakai holoholo kaa hehikehi wawae, ua kauoha aku la oia I ka ipo a ke kaikamahine e haalele oia I ka hale a main oho a hele hou mai. Eia mae, ua paa mua ka lole o ke kaikamahine no ka huakai holo kaa hehihehi wawae, a awiwi aku la laua I ka holo mai ka hale aku maluna o ko laua mau kaa, a aohe I emo, komo pu mai la iloko o kela huakai he kahumapule o Rev. M.S. Mead ka inoa.

Oiai ua makaukau na mea a pau no ka mare ana I ka hoolala e ia, nolaila, ua hoomaka mai ia ke kahunapule I ka lawelawe ana no ka mare, a ua loaa aku iaia na pane a na mea kino e hoohui ia ana. Kukala mai la ke kahunapule ua hoojui ia olua he kane a he wahine mae, oiai no nae na huila e niniu abna ma ka umi mile I ka hora.

A I ke aumoe, hoea ana ua mau mea mare nei maluna o na huila ma ka hale o ka makuahine o ka wahine, ka mea nana I kipaku aku I ka ipo a ke kaikamahine oiai aohe laua I mare. Eia nae, I na puuwai opio I ho mai ai ua mare ia mai la, ua huikala ia ae la na hewa a pau mamua iho a ua hookuu ia.

O ladana a o Kikako ana paha ka oi o ka nui.

O Kikako ma ka mokuaina o Ilinoe, Amerika Huipuia, oia aku ana ka lua o na kulanakauhale nui ma kea o nei—iloko o na makahiki kakaikahi I koe, e hiki ana ka heluna o na kanaka ma Kikako I ke kokoke e piha ka ewalu (8,000,000) miliona. O keia ke kukala hoihoi akea a elmer Corthell, he anaaina a mea akeakamai kaulana. Ua hoopuka o Mr. Corhell I kana wanana kaulana maloko o kana kumu manao kaku “Ka Ulu ana o na Kukanakauhale Nue” I heluhelu ai imua o ka Ahahui Amerika no ka Hooholo mua ana I ka ike Akeakamai I noho mai nei ka halawai I malama ia ma Springfield, Makesuketa.

Eia malalo iho ka Mr. Corhell kaho ana no ka mui o na kanaka o ko kea o nei mau kulanakauhale nui ke hiki aku I ka 1920: Ladana, 8,344,000; Kikako, 7,797,600; Nu Ioka, 6,337,500; parisa, 3,808,586; Berelina, 3,442,221; Piladelapia, 1,838,190; Sana Peteroboro, 1,470,833.

Ua hookahua o Mr. Corthell I kokona manao no ke kulana o keia mau kulananauhale nui maluna o ka pii mahuahua kupaianaha o Kikako iloko o ka Manawa pokole, a ke hele mei imua ma ke kulana e alualu kokoke loa ana mahope o na kulanakauhale o Europa, no lakou ka hana a me ka houluulu ia ana o na kanaka ma na keneturia makahiki.

Hookahi o keia mau kulanakauhale e kau ana I ka kei alii o ke kiekie kilakila I ke keneturia e hoea mai ana ma kekahi o na mea nui ia a ka honua nei e hoike mai ai. O keia hanohano, e kau ana paha maluna o Ladana, a I ole ia o Kikako paha. Aia no nae je mau anoninoni nui a Mr. Corthell I manao ai, malia o paapaana main a kulanakauhale opioplo I ke alualu e loaa ai a pale mahope I na kulanakauhale hapauea maloko o ka Manawa he kauna paha mau hanauna.

Papa Kiure no ke Kau o Nevema ba aenei.

Ua unahiia na kiure o ke kau hookolokolo Kaapuni Apana Ekahi o ko Hawaii Paeaina e noho ana ma ka Poakahi mua aenei o Novemaba. A eia iho na kiure malalo;

N kiure Hawaii-E.M.Jones, J.N.K.keola, H. Kamana, H.Kaaha, Geo.E. Smithies, A. pauaa loa, G.W. Macy, M. Keliaa, J.K.Kamealoha, Jas. L. Holt Jrl, C.L. Hopkins, James H. Taylor, S.C. Dwight, L. Mckeague, dan Kamakauahoa, Koakanu, Chas Spencer,E.S. Holt, J.W. Akana, A. Morris, C.P. Kanakanau, W. ringer, A. Recard, H.E. cook, J. Mahoney, J. Paaniani, J. Padaken, R.H. Baker, T.P. Cummins, San Ladd, J Padaken, R.H. Baker, T.P. Cummins, Sam Ladd, J.S. Kawewehi, J.k. Measberg, A. Bishaw, G.W. Nawaakoa, J. Wallace, M.K. Keohokalole.

Na kiure Haole—Fred Philp, Thomas Wright, E.H. Wodehouse, J. Weir rovertson, H.Holmes, C.H. Hall, J.w. Grace, Walter McBryde, C.L. Crane, Gep W. Farr, W.L.Howard, G.A. Schuman, w.w.Harris, e.F. bishop, E.W. Jordan, E.A. Murphy, John M. Emeluth, F.S.Lyman Jr., c.H. clap, C.L. Brown, A.J. Campbell,M.N. Kennedy, J.M. Tracy, J. Effinger, C.J. Campbell , A. v. Gear, L. Marks, J.E. Westbrook, C. Von Hamm, J.c. cluney, a. Harrison, W.s. Bartlett.

Noa ka I’s I na Kanaka.

Ma ka Poalima I hala, ua kalahea ae ka Papa Ola e hoonoa ana I na I’a no ka ai ana mawaho ae o na wahi I kaupalena ia e lakou o ka apana o Honolulu nei, a penei ka lakou hoakaka ana:

O na olelo hoakaka e pili ana I ke kuai ana I na I’a iwi, I loaa mai ke kai mai, a I ole mai loko mai o ka wai, a loko hoi, kahawai, puupohaku, na olaelae a kaikuono, a I ole ia awa hoi, malana o ka laina pololei e moe ana he elua mile mai ka aina aku, mawaena o Daimana Hila a me ka Lao o Ahua, iloko o ka apana o Kona, mokupuni o Oahu, a mai ke kuahiwi hoi a ke kai e moe pololei ana.

O ke kuai ana I na ia a me na mea I loaa mailoko mai o ke kai iloko o keia apana o Honolulu nei, e lawe ia no ia maloko o ka Makeke Hou I kapili ia ai, a malaila e kuai kuai ia ai na I’a, pela hoi na mea I loaa mailoko mai o na puu pohaku e ku ana iloko o ka wai, mawao aku o na palela I hoakakaia, no ke kuai ana aku ia mau mea, e hoike ia ae ia I ka Luna Nui a ka Pap Ola I hookohu ai.

O na Olepe mai ke awa mai o Puuloa, I manao ia no ke kuai mai, na hiki no ke apono ia kela a me me keia mea.

O na luna kiai a hooponopono o ia ano hookah no, e malama I na mea a pau e like me ka mea hiki iaia, a ua hiki no hoi ke hoahewa ia kekahi mea ma ka hoopaila ana, ina aole oia I hoike mai I ka moolelo pololei e pili ana I kana l’a a mau I’a e ae paha, I loaa hoi mailoko mai o ke kai a lawe ia mai no ke kuai aku, a I ole ia mawaho ae hoi o ka Makeke, a ma keia ke manao nei makou e hooko pono ia ana na kuhikuhi a pau malalo o na rula I hooponopono ia a pela hoi me na mea ai e ae a pau.

O kela mau rula o ka Papa Ola, e hoakaka ana a hoike no ke kuai ana I na I’a, moloko o ka Apana o Kona nei, I hanaia ma ka la 3 o Sepatemaba, 1895, ma kela ua hoopau loa ia.

Nolaila, ma ka Poaono mai, ua paukiki ae ko ke kulanakauhale nei I ke kuai I na I’a a lakou I ono ai a e loaa ana ia lakou ma ka makeke. He la piha kanaka ia o ka makeke hou ma Kuoloia, aka no ke akea a me ka palahala o ke kahua a me ka halau e uai ana maluna iho, ua pau nae wale no lakou I ka moni ia maloko o kona mau palena. Aole I paa punio loa ka papahele I uhi puna pakika ia, aka e pau ana I ka paa I ka wa pono.

A ke manao nei makou, aole I nele aku la ka hoonuu o ka pie I nui ko lakou hoiloli ana e ai l’a.

Brown Kue ia Brown.

I ka wanaao molehulehu o ke Sabati aku nei I hala, Okatoba 18, ua kipu iho la o John Brown, he hapahaole, ia “Sbotty” Brown he haole maoli me ka pu kaupoohiwi a ua ku pahole ma ka ili o ka aoao kema. He keu nae o ka oha, aka, aohe nae he eha e make ai.

Eia ka hoomaka ana o ka pilikia: O joe Dillon, hoaloha o “Scotty” Brown, he keena moe kona kokoke loa I ko John Brown anloko o ka hale hoolimalima hookah ma Kapuukolo. I ka po Poaono, he wahi mea ai ka Joe Dillon makoko o kona keena, a ua kono ia Scotty Brown a me kekahi haole e iho e hele pu mai ilaila e lealea pu ai. Ua malamaia keia haunaku a kokoke I ka wehewehena kaiao. Aole hiki ia John Brown ke hiamoe no ka walaau loa o keia poe , a moaila, ua papa ake, a ua holo iho he mau kukai olelo hahana mawaena ona a ua hele mai keia poe haole I ke keena o John Brown e hakaka ai. Ua hopu iho la o John Brown I ka noho me he mea ia e hahau ia John Brown, aka ua keakea ia e na mea e ae a pau. Haalele mai la na haole ekolu, aka aohe I liuliu iho hoea hou ana, a wala ia mai la ke kamaa ia John Brown e Scotty Brown, a hala wale iho la no ka maka.

Hopohopo iho la o Hohn Brown o komo hou ia mai ola e hoopilikia, nolaila, ua lalau ae la oia e hoopilikia, nolaila, ua lalau ae lo oia I kana pu raifela, hookomo iho ia I ka poka a paa iho la I ka pu. Ku ioa ma kona puka a papa aku la I kela poe haole aole e hele hou mai. Ua lele ino aku la o Scott Brown imua a pa aku la I ka waha o ka pu ma ka aoao hema. I ka pa ana, ua kani koke aku la ka pu a hina iho ia ka haole ilalo. Ua palahio wale ae no ka poka ma na iwi aoao, komo aku la iloko a ka pou puka a ku aku la I ke alapii o kekahi hale e aku. Ua hoihoi ia aku o Scotty Brown iloko o ka keena o Dillon, a holo aku la oia e hike I ka hale hoopaa lawehala. Ua kemo iho la o John Brown I kena aahu a hele aku la I ka halewai e hoike iaia iho, aka ua loaa mai ia oia ia Kapena Scott ma ke ala e hele ana I kahi o ka haole I ku ai. Ua hoopaala o John Brown, aka mahope iho, hoekuuia mai ma ka bela ia ana. O Scotsy Brown hoi, ua wahi ia kona wahi poino e ke Kauka Emekona, a hoihoi ia I ka hale ma Peleula. Mahope iho, ua hele oia ka halemai moiwahine.

Ua hookolokoloia J. Brown imua o ka aha apana I ka Poakahi mai no ka hewa hoeha me ka mea make, a ua hoopaiia elua makahiki hoopaahao ma ka hana oolea a me $200 hoopai dala a me na kolna. Ua hoohalahala ka mea hoopilia I ka ka oleo hooholo a e hele loa ana imua I ka aha kiure kaapuni.

I ka haulelau o ka 1893, loaa iho ia ke keikikane a Mr. T. a. McFarland, he haole kalepa ano maka hanohano o Live Oak, Sutter Co. Cal. I ka mai kunu koikoi loa. Mamuli o ka ikaika loa o ka eha ma ka umauma ua loohia I ka umil a me he mea la e loaa ana I ka wela ma ke akemama. Ua hoohainu akau kona makuakane I na olopu nunui lehulehu o ka CHAMBERLAIN’S Laau Kunu, a pela I pau ai a loa loa ke kune. Ke olelo nei o Mr.McFarland I na wa a pau e loaa ai kana mau keike I ka nae e haawi ana oia I ka CHAMBERLAIN’S COUGH REMEDY (Laau Kunu Oia), a he oia io maoli no. Ke manao paa nei oia he laau kunu oi loa keia ma ka makeka, E loaa no ma na Helekaui Laau Lapaau a pau, a o BENSON, SMITH & CO., na Agena ma ko Hawaii Paiaima.

Arago, Coes co.c Oregon Nov. 10, 1893.- Ke makemake nei au e hoike aku ia oe I ka waiwai nui o ka Chamberlain’s Pain Balm laau maikai I hoola ai I ka’u wahine. Ua loaa iaia ka mai’I rumatica ma na lima no eono malama, a ua hoae eia I na laau lapaau I kuhikuhi ia no ia ma’I aka alhe nae oluolu iki ahiki I ka wa I hama ai I keia laau Palm Balm; hookah wale no omole o keia laau, ua ola loa oia. Nelaila ke lawe nei au I keia wa ma ka hoikeike ana aku he laau ail kela no ia ma’i. Owau iko no, o c. A. Bullord. He 50 keneta a he $1.00 o ka omole, a e kuai ia o ka Halekuai Laau Lapaau o Benson, Smith & Co. na Agena.