Ka Nupepa Kuokoa, Volume XXXIV, Number 33, 17 ʻAukake 1895 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO

@ai a Mahope aku o Iulai 5, 1895.

 

Wili o Ewa Kaa Ukana Na la a pau Koe Sabati Hiki i Waianae na la pau. Hiki i Wili o Ewa na la a pau Hiki i Waianae la pau

A. M.   A. M.   P. M.   P. M.

HAALELE IA HONOLULU            6:@0   9:1@   1:4@   3:10

HAALELE IA MANANA    7:4@   9:@   2:2@   3:@

HAALELE WILI O EWA     8:10     10:19   2:@     4:14    

HIKI I WAIANAE    10:14   4:49

Waianae na la a pau. Wili o Ewa Kaa Ukana Na La a pau Koe Sabati Waianae na la a pau. Wili o Ewa na la a pau,

A. M.   A. M.   P. M.   P. M.

HAALELE IA WAIANAE   6:4@   1:@

HAALELE IA WILI O EWA 7:19   9:10     2:07     3:31

HAALELE IA MANANA    @        9:48     2:35     4:22

HIKI I HONOLULU             8:23     10:3@ 3:11     4:@

            Ma na po Poaono a me Sabati e hiki ana ko ka Wili o Ewa mai kaa i Honolulu ma ka @ aole ma la 4:@ P. M.

            E lawe ana na kaa ahi hali ukana i na kaa ohua o ka papa ekahi.

            G. P. DENISON,

            Luna

            F. C. SMITH,

            Luna Kuai Palapala Holo.

 

NU HOU HAWAII

 

            O Kamehameha a me Ikeoleia na puali e paani kinipopo ana ma ke kahua o Makiki i keia auina la Poaono.

 

            I ka hora 7 a me hapa o ke kakahiaka Poaono i hala, ua lawe aku ka make i ka wahine a David Bent ma Makiki.

 

Ke lohe ia nei he hoohuihui ia mai koe o na hui mahi halakahiki kaokoa elima o Ewa a pau malalo o ka hui a me ka hooponopono ana hookahi.

 

            Ua hala aku no Kapalakiko i ka Poakolu iho mei, o Mr. C. F. Horner a me ka wahine.  E hala ana ia laua he hapaha makahiki a oi ma keia huakai hele.

 

            Ma keia Poaha iho, e opu ia aku nei e ku mai ai ka mokuahi Monowai mai na Panalaau mai o ka Hema, a ma ia la no e naue loa aku ai oia no Kapalakiko.

 

 

            Ua hua mai kekahi ipupu nui he 120 paona ka nui ma ka aina kanu kope o D. H. Hikikoki ma Olaa.  Ua halihali ia ae ua ipupu pilikua nai a ke kaona o Hilo e hoikeikeia’i.

 

            E weheia ana ke Kula Kamehameha Keikikane ma ka la 4 o Sepatemaba, a o na Hawaii makemake i ka naauao, e komo ae malaila a e loaa no ke anoi a ake nui lakou i ka ike.

 

            Ma na Poaono a me Sabati, he $1.75 ko na kaa ahi helu ekahi, a he $1.25 ko na kaa ahi helu elua, no ka poe makaikai e holo ana i Waianae a hoi mai.  Ilalo i ka ai niu haohao i Pokai.

 

            Eia na hui heihei waapa ke kakelekele mai nei i ko lakou mau waapa a me ka hoomaamaa ana i na keiki hoehoe no ka la 27 o Sebatemaba e hiki mai ana malalo o ke awa lai o Ewa.

 

            E hoohuiia aku ana ma ka mare ke hiki aku i ka la 28 o Augate nei, o George H. Fairchild, Luna nui o ka mahiko o Kealia, Kauai, me Miss Elizabeth Kamakee Cummins o Honolulu nei.

 

            O ka hookuku kinipopo mawaena o Ikeoleia a me Hoku i malama ia i ka auina la Poaono i hala ma Makiki, ua hiu ae ka Hoko a lilo i ka hanohano o ka la, ma o ka loaa ana ia lakou he 11 puni a ia Ikeoleia he 8.

 

            Eia na i’a Hahalalu, Alalaua a me ka Moilii ke ku mai nei ma ke awa o Honolulu, a e like me ka emoole e loaa mai ai i ka poe lawaia, pela no ka hikiwawe e pau ai i na manahune o ke kaona ke waiho ia ae e kuai.

 

            O ka bila aina, ka mua loa o na bila i lawe ia imua o ka Ahaolelo i ka hemo ana o ke kau kuikawa, eia nae, @ ka huelo loa o na bila o ka lawe ia ana i ka Peresidena e kakau inoa ia mai, oiai i ka Poakolu iho ia no ka hoohiki ana aku.

 

            Eia ke kao eli awa ke pauma mai nei i na lepo a me na iliili e loaa aku ana ma kahi e manao ia nei malaila e ku ai ka mokukaua Amerika hou loa Olympia e kapalulu mai ana maanei ma kekahi la o keia pule aku.  He mokukaua lawe hae keia no ka Adimarala o ke aumokukaua Amerika ma na kai o Kina, a nolaila aole oia e ku loihi iho ana. 

 

            Ua ku mai ka mokuahi City of Peking i ka Poaono aku nei o ka hebedoma i hala mai Kapalakiko mai, me 4 ohua kapena, 2 ohua oneki a me kekahi mau eke leta.  Ma kona ala holo mai Kapalakiko mai, ua hai ia kekahi epaepa o kona huila.  Ua hana ia a paa maanei, a ma ke ahiahi Poakahi mai, ua holo loa aku oia no Iapana a me Kina, me 11 mau ohua lapena mai Honolulu aku nei a me @00 Iapana.

 

Ua aihue ia ka moku kiakahi Kaiulani i ka po Poaha iho nei mai ka uapo aku, e kekahi mau haole ekolu me ka manao e holo e huli opiuma ma kekahi wahi o Hawaii nei.  Eia nae, ili e ka moku a pau aku na haole aihue i ka holo.  Ua paa hookahi, a elua i koe e huli ia nei. 

 

            Ua hala aku o Rev. C. M. Hyde D. D. no ke Panalaau o Molokai ma ka Malulani o ka Poalua iho nei, ma ka huakai e hanu ana no na mea pili i ka Ahahui Opiopio Imipono Karistiano ma o kekahi mau paewaewa i ulu ae mahope mai nei.  E hala ana paha iaia he elua hebedoma.

 

            Ua lilo aenei ma ke kuai ka pa ma ke kihi hikina o na huina alanui Beritania a me Mila, nona ke alo e huli ia i alanui Beritania he 120 kapuai, a ma ka aoao hoi e huli la i alanui Mila, he 260 kapuai.  Ma keia wahi i hoolala ia ai a hooholo ia malaila e kukulu ua aku ai ona halepule no ka manaoio Mekodito.

 

            Ua hoopanee ka Ahaolelo Kuikawa mua o ka Repubalika i ka Poaha iho nei, mahope o ka noho ana e lawelawe hana no na la he kanalima kumamakolu me ka hopaapaa nui ole a me ka moekahi o na noonoo ma na mea ano nui.  Ua hooholo ia kekahi mau hana ano nui i manaoia no keia kau, a ua waiho ia kekahi no ke kau mau.

 

            Aia ma ka mokuaina o Indiana, Amerika Huipuia, he ekolu o na kamalii wahine hula i lawe ia ai i kumu koaa na kekahi haole mai Hawaii nei aku a i Amerika Huipuia a hala loa i Geremania.  Ua hoihoi ia aenei a ke noho la me ka hune ma kela wahi hope maluna ae.  E kali ana o ka loaa dala, alaila hoi loa mai i ka home lualai o Hawaii nei.

 

            E haalele ana ka mokuahi Altmore ia Potalana, Oregona i ka la 1 o Sepatemaba aenei, a e ku ana ma Honolulu nei ma ka la 9 mai.  Ma ia la hookahi no e ku mai ai, e holo loa aku ai oia no Iapana a me Kina.  O ka mokuahi kokoolua keia o ka Laina Hooholo Mokuahi mawaena o Potalana a me Asia.  Ke alahula mai nei ka moana Paipika i na mokuahi kalepa, a ua pomaikai no kakou i ke kaa i ka piko o ka moana. 

 

            I ka Poaono iho nei, ua mahuka aku o L. Marshall, kekahi paahao kalaiaina i hoihoi ia i ka Halemai Moiwahine e lapaau ia ai no kona ma’i, me kekahi wahine malama ma’i, a ua holo aku maluna o ke kaa lio a i Pawaa i ka nana hulahula a kona mau hoaloha ia po.  A pau kona hele ana me kona manao lealea, ua hoi hou i ka halemai.  Ia hoi ana aku, e kiai ia ana, paa i ka hopu ia.  Ua hoihoi hou ia i Kawa e hoopaa ai.  O keia kekahi o na paahao i huikala ia, mamuli o ke kumu e hele loa mai ka aina aku.

 

            Ua kapalulu mai ka Australia i Kou nei mai Kapalakiko mai i ke ahiahi Poalima o ka hebedoma i hala, me ka ahai pu mai ia 37 mau ohua kapena, 19 mau ohua oneki, 34 mau eke leta a me na tona uakana.  He 6 mau la a me 5 mau hora wale no kona manawa holo mawaena o na awa elua.  Ma ka Poakolu iho nei, ua huli hoi aku oia no ke awa kahi ona i holo mai ai me – ohua kapena, - oneki a me na ukana Hawaii.

 

            Ma ka mokuahi Mariposa e ku mai ana ma Honolulu nei i ka la 29 o Augate nei, e upu ia aku nei e holo hoomaha mai ana o Kanikela Hawaii C. T. Wilder o Kaleponi ae nei.  E hoohala iho ana oia maanei no kekahi mau hebedoma.  Ua mahalo nui ia ke Kanikela Hawaii Wilder ma ka eleu ma kana lawelawe oihana ana a me kona ike mai i ko Hawaii nei poe a pau e holo nei i Kapalakiko.  Nolaila he Kanikela ike makemake keia.

 

            I ke ahiahi o ka la 9 o Augate nei, ua ku mai ka mokuahi Belgic mai Kina a me Iapana mai, me 5 ohua kapena a me 535 limahana, he 500 o lakou he mau Pake a he 35 he mau Iapana a me 370 mau tona ukana no Honolulu nei.  Ua hoolele ia na limahana i Kahakaaulana e hoomalu ia ai a ua kiola ia mai na ukana.  Ma ke ahiahi Poaono mai, ua haulani loa aku keia mokuahi no Kapalakiko me ka hiu aku ia 1 ohua kapena a me na eke leta no na aina mamao.

 

            Ua lawe ia mai kekahi lohe ia makou, ua hanau kekahi wahine ma Waipio, Hamakua, Hawaii, ia eha mau keiki.  Ua hanau mai he ekolu mau keiki a e ola ana i ka wa o ka lohe i hali ia mai, a i ka hanau ana o ka eha, make aku la ka makuahine.  He wa pokole ko ke keiki hope i ola mauliawa mai ai a hele aku la oia ma ke alahele hookahi me kona makuahine hoomanawanui a ka make i kaili aku la.  Ano e no na hana a ka Mea nana e paahana na mea a pau.

 

KA AHAOLELO

[Koena mai ka Aoao Ekahi mai.]

 

E uku ke aupuni i $30,000 no ka waea kuwaho a he $10,000 no ka waea kuloko o ka makahiki i ka mea nona ka aoao elua o ka aelike, ke paa a hooholo ia na huaolelo, no ka manawa i haawiia ai ka pono kaokoa.  E hoopaa mai ka mea nona ka aoao elua i $25,000 ma na bona Hawaii no kona hooko io i keia aelike; a e lilo wale keia puu dala i ke aupuni ina ua hoomaka oia i ka hana a paa ole iloko o ka manawa i aelike ia ai mamua ae.  Aka, ina e hoike mai oia i ke aupuni mamua ae o Mei 1, 1898, aole e hiki iaia ke hooko i ka aelike, alaila e hoihoi ia no keia puu dala hoopaa.  (He nui aku na mea i koe a e hoopuka ia i kekahi wa kaawale.)

            Waiho mai o Kuhina Hatch he olelo hooholo nui, ina e hooholo ia oia no ka hooiaio ana i ka aelike.

            Noi mai o Brown e hooholo loa i ka olelo hooholo me ka haiolelo e kokua ikaika ana i ka hooholo loa aku i ka aelike hoomoe waeaolelo, no ka mea ke manaoio hana ko ka aoao elua ke hoopaa mai nei i $25,000.

            Kue o Hocking i ka haawi ana o ka aelike i ka pono kaokoa, aka, makemake no oia i ka waeaolelo me ka uku kokua, aka, ina mahope iho o kekahi wa ua ikeia ua puka, hoopau no ka uku kokua.

            Kokua o Schmidt i ka aelike hoomoe waeaolelo, aka no ke ano koikoi loa o keia kumuhana, he mea pono e haawi ia i manawa no ka Papa Kalepa o Honolulu e noonoo ai mamua o ka apono ia ana.  Nolaila ua noi oia e koho ia i komite elima lala e hele ai a kuka pu me ka poe lawelawe hana kalepa a hoike mai i ke Senate.  Hooholoia.  Koho ka noho ia Schmidt, Brown, McCandless, Lyman a me Wilcox i komite.

            Hoopanee.

 

HALE LUNAMAKAAINANA

La Hana 50, Aug. 12, 1895

 

            Hoomaka na hana e like me ka mau.

            Hoike mai o Bond o na bila i hooholoia, ua hoouna ia aku no ko ka Peresidena noonoo ana ka bila hoohoihoi waeaolelo moana.

            Heluhelu mua ia mai ma ke poo na bila 18, e pili ana i ka hookaawale ae i haawina dala no ka Papa Hoonaauao e kuai ai ia Keoua Hale a hooholo ia.  Kapae ia na rula, heluhelu alua ia a hooholoia.  Kauoha ia e kakau poepoe a heluhelu ekolu apopo.

            Heluhelu ia mai he elele ma ke Senate e hoike ana ua koho ia o Lyman, McCandless a me Schmidt i komite e kuka ai me ko ka Hale komite no ka bila 17, e pili ana i ke kaa alahao uwila o Honolulu; a ua lokahi ke Senate i na hoololi a ka Hale i ka bila 13, e pili ana i na noi no na hookolokolo hou, a ua hoouna ia aku i ke komite o na Bila i hooholoia.

            Hoike mai ka Loio Kuhina no ke Kuhina King, ua kakau inoa ka peresidena i na bila e kukulu ana i komisina paahana, e hookaawale hou ana i $3,000 no na lilo o ka ahaolelo, e hoopau ana i na kanawai waeaolelo mua a e hoomana ai i ka Aha Kuhina e kukakuka no ka hoomoe waeaolelo.

            Heluhelu ia mai ka elele a ka Peresidena i ka Hale, e hoike mai ana i kona hana ana i aelike hoomoe waeaolelo me Z. S. Spalding mawaena o Amerika Huipuia a me ka Repubalika o Hawaii.

            Kukala mai ka Loio Kuhina, ua hoouna ae ka Peresidena i ka aelike i ke Senate me ka olelo hooholo hui pu.  Nolaila, ua noi mai oia a ua hooholoia e waiho ma ka papa a noonoo hou aku.

            Hoike mai o Wiarton no ke komite kuka o ka bila alakohoia, ua hoololi ia na huaolelo.  Aponoia.

            Hoomaha a ka hora 1:30 auina la.

            Hoomaka hou e like me ka hoomaha ana.

            Heluhelu mai o Haia he olelo hooholo e hoopanee ka Ahaolelo i ka Poaha aenei.  Hooholoia.

           

Ka Hoolaa ana i ka Hale Hui Opiopio

G. N. Wilcox Hall Y. M. C. A.

ma Kalaupapa

 

E kuu Nupepa Kuokoa, aloha oe:

            Ma ka Poaha, la 18 o Iulai, hora 10 a.m., ua hoolaaia e Rev. M. C. Kealoha, keia hale maikai he 48 kapuai ka loa, he 24 kapuai ka laula i kinohinohi ia i na waihooluu like ole, a penei na hana o ka la.

            Mele, Pule; mele, Heluhelu Baibala, Pule; Mele, Kumumanao 1 Na Lii 8:11.  Manao paipai, M. K. Makaena, Peresidena; Wm, Notley, Puuku; Thomas Nathaniel, Kakauolelo; Lulu Dala. $4 a oi, Manao o Agena L. Way, kokua ia Notley, Manao o William Notley, manao o Jno. Waiamau Jr., na manao hoeueu o na hoa S. H. P. Kalawaiaopuna, Jno. Kahaulelio, J. K. Kainuwai, Wm. Clark.

            Ma keia la i hui akoakoa mai ai na hoahanau o na ekalesia elua, Kalaupapa me Kalawao a me na lala a pau o na hui opio elua, a ua piha pu ka hale.  Hookuu ia na hana me ka himeni a me ka pule a Rev. M. C. Kealoha. Mahope o ka hookuu ia ana, ua wehe ia ae la he ahaaina nui i luluu i na ano like ole, ua ai a inu, a lawa, a koe aku no.

            Kou oiaio, me ka mahalo,

            S. H. P. Kalawaiaopuna,

            Kalaupapa, Augate 8, 1895.

 

Ka Huakai Kaahele a ke Ahi o Wailuku ma na Hulaana o Maui,

 

            E ka nupepa Kuokoa, Aloha oe;

e oluolu oe e hookomo iho ma kou keena i na mea hou o Keanae, e like me ke poo manao e kau ae la maluna, a oia iho keia:

            Ma ke ahiahi o ka la 30 o kela malama aku nei, ua hiki mai ke ahi o Wailuku Hon. J. W. Kalua i ka wai kau o Keanae nei.  Oia a me kona mau hoa kaahele Rev. S. Kapu, D. H. Kahaulelio, W. E. Maikai Sam. E. Kalama, D. N. Opunui, a he mau lede pu kekahi ma keia huakai hele.

            Ua nee mai keia huakai mai Hana Ualanihaahaa mai, a hiki ma Nahiku, kau mai kekahi hapa ma ka waapa o ke keiki lalawai o ia aina, oia hoi o Pu.  Ua hiki mai ka poe ma ka waapa mai i ka hora 7:30 p.m.  Ia lakou i pae mai ai, ua hui pu me na hoaloha iloko o ka malamalama o na kukui lamalama e aa ana, a kau ma na lio no ka home o D. W. Napihaa, a he manawa no ka hoonanea ana, e kali ana i ka poe mai mauka.  I ka pau pono ana mai, ua nee aku keia huakai no kahi o J. K. Saunders malalo o kana noi ma kona home ka paina ahiahi o na malihini.  Ke hele aku nei i na hora koliuliu o ke aumoe, i ka wa a ka ua e haluku ana, ua panee ia mai la he papaaina no ka houpo lewalewa o na kamahele e ka lokomaikai o na kumukula haole J. K. Saunders a me kana lede.  Pau ka paina ana, kamau mai kahi wai ti, pau ia, hoonanea a hiki i ka hooluolu ana.  Ua hoi ka hapanui o na malihini ma kahi o D. W. Napihaa ma ia po, a koe elua mau keonimana maikai ma kahi o J. K. Saunders.

            O ke kumu o keia hiki ana mai o J. W. Kalua me Rev. S. Kapu, he mau komite hoeueu laua no na Kula Sabati a me na Ahahui Opiopio o na mokuouni o Maui, Molokai a me Lanai.

            O Hon. J. W. Kalua ke komite o na ahahui opiopio a me komite ohi dala no na haawina o na kula sabati no ke kokua ana i kekahi hale nui e kukulu ia ana ma Wailuku no ka pono o na kahu kula sabati, na elele na lunakahiko, na kahu, na peresidena o na ahahui opiopio, me ko lakou mau elele, me ka pomaikai pu o na kula sabati o Maui ke kahea ia kekahi mau hoike hui nui ma keia mua aku, he hana keia ua hooholoia e ka aha kula sabati o na mokupuni o Maui, he mau @au i hala ae nei, ma ia hana oia i hele ae nei a puni o Maui hikina nei, ua hoomaka oia i kana misiona ma Kaupo, a ua loaa na dala he $100; a nee mai no ka makani kaili aloha, ua loaa he $250; ma Hana ua loaa he $400; a ma Keanae nei, aole i loaa he manawa no ke komite e hana ai no ka inoino o ia mau la.

            O Rev. S, Kapu, he komite oia no ka hoeueu ana i na kula sabati nawaliwali, aka, aole oia i hana, e like no me ka haawina i loaa i kona mua a pela no ia, ma na kula sabati e ae a laua i hele ai, ua hana, ma Keanae nei, aole.

            Ua noho ka huakai i ka Poakolu no ka inoino, ma ke ahiahi noenoe ana iho, ua kono ia ke kalapu himeni “Kawaikau Glee Club” e ke ahi o Wailuku no ka hoonanea ana i kekahi mau hora o ka po.  Ua mele ia mai na mele maikai loa e ku ai i ka ii a loko mai a Rev. S. Kapu mei me kona mau hoa malihini, a pela no hoi mai a Kawaikau Glee Club mai, i kokua ia e ka leo honehone o na pila.  Ua malama pu ia no hoi he anaina hulahula haole e na lede a me na keonimana.  Ua maikai keia hula ana, ua ku maoli no i ka hie ke nana aku.  Aole he mau malihini hanohano i hiki i na Koolau nei i malama ia ai kekahi hula i ku i ke ano keonimana e like la me keia, keia ka oi loa, o Maui no ia hoi ka oi, ua mau ka nanea ana a hiki i na hora kupono, ua hookuu ke anaina no ka hooluolu ana i ke kino.  Ma ka la 1 o keia mahina, ua huli hoi aku na malihini hanohano no ka Maluhekuawa o Wailuku me ka Uaukiukiu, hoi no hoi kakahi poe no Hana ia la hookahi no, a koe o W. E. K. Maikai me kana lede, D. N. Opunui me kana lede a me na keiki, o lakou ke koena o ka huakai kaahele a ke ahi o na wai.

            Ma ka la Sabati nei Augate 4, ua loaa i ke kula sabati na dala he $100 no ke kokua ana i keia haawina o na kula sabati.  O kekahi o na lala o ke komite, oia kai ike pono i keia haawina mai ke kula Sabati @ Keanae, oia hoi o W. E. K. Maikai, penei na wahi i loaa ai, mai ka waihona ponoi ae o ke kula Sabati he $30, mai na lala ae o ke kula Sabati he $30, mai a D. W. Napihaa mai, he $40, huina $100.  He manao ko kou mea kakau, ina he manawa ko ke komite e loaa ai, ina ua oi aku mamua o elua haneri dala ka loaa.  Mahalo i ka lokomaikai o na lani, me ka ikaika pu o na komite ma ka kaua apana hana.  O ka pau keia, kou oiaio,

            M. K. BENJAMIN,

 

            E heluhelu i keia malalo iho i lawe ia mailoko mai o ka palapala a Chas. M. Gutfield o Reedley, Fresne Co. Cal.

            “Me ka kauoli au e hoike aku nei ma ko’u inu ana no hookahi la i ka CHAMBERLAIN’S Laau Kunu, ua hoola i ke kunu koikoi i loaa ia’u.  Ua nalulu ino loa ia ko’u poo a hiki ole ke moe i ka po.  Ke hoikeike aku nei au i keia laau laapau ola.  O ke anu i kokoke loa e komo iloko o ke poo a mahope hoohele aku i ka puu a me na ake.  Ma o ka inu ana la i keia laau i ka wa koke e loaa ai i ke anu, e hoola koke ia i ka wa pokole a keakea ia ke komo loa ana aku iloko o na ake.  E loaa keia laau ma na Halekuai Laau Lapaau a pau, a o BENSON, SMITH & CO. na Agena ma ko Hawaii Paeaina.            tf

 

Hoolaha Hou.

 

Hoolaha a ka Lunahooponopono Waiwai.

 

            MA KA LA 8 o Augate, A. D. 1895, ua hookohu pono ia mai ka mea nona ka inoa malalo iho i Lunahooponopono Waiwai no Z. Wailama Kaaa, no Waikapu, Maui, i make kauoha ole, e ka Mea Hanohano J. W. Kalua, Lunakanawai Kaapuni o Maui, H. P. A.  Nolaila, o ka poe a pau he mau koina ka lakou i ka waiwai o Z. Wailama Kaaa i make, e waiho koke mai ina paha ma ka moraki a ano e ae, me na hooiaio kupono i ka mea nona ka inoa malalo iho, maloko mai o na malama eono, o hoole mau loa ia aku.  A o ka poe i aie i ka mea i make e hookaa koke mai i ka mea nona ka inoa malalo iho ma Waikapu, Maui.

            MRS. PIIMOKU KAAA,

            Lunahooponopono Waiwai o G. Wailama i make

            Waikapu, Maui, Aug. 9, 1895.

            2539-4

 

Hoolaha a ka Lunahooponopono Waiwai.

 

            NO KA MEA, o ka mea nona ka inoa malalo iho, ua hookohu pono ia mai oia e ka Mea Hanohano W. A. Whiting Lunakanawai Ekahi o ka Aha Kaapuni Ekahi, i Lunahooponopono no ka waiwai o Claissa E. Cummings i make.

            No laila, ke hoolaha ia aku nei, o na poe a pau he mau koina ka lakou i ka waiwai o ka mea i make.

            E waiho mai i ka lakou mau koi iloko o na malama eono mai keia la aku, ina paha ua hoopaaia a hoopaa ole ia paha ma ka moraki, a ina aole e waihoia mai iloko o ia manawa, alaila e hoole mau loa ia aku no.  O na poe a pau loa i aie i ka mea i make, ke kauohaia aku nei lakou e uku koke mai i ka mea nona ka inoa malalo iho, ma kona keena ma Kapuaiwa Hale, ma Honolulu.  Hanaia ma Honolulu, Iulai 29, 1895.

            W. H. CUMMINGS,

            Lunahooponopono o ka waiwai o Clarissa E. Cummings i make.

            2559-4

 

Olelo Hoolaha.

 

KE HOOLAHA IA AKU NEI KA LOHE i na mea a pau, aole loa kekahi mea i hoomana ia e aie ma ko’u inoa me ka palapala kauoha ole mai a’u aku.

            J. A. CUMMINS.

            Honolulu, Iulai 12, 1895.        2555-1m

 

HOOLAHA KUIKAWA

I KA POE

E Paa ana i na Panihakahaka!

 

O KA POE A PAU I PANIHAKAHAKA I ko lakou mau Hale a me na Lako Hale e hoahu ana i ke gasoline ma ko lakou mau wahi, ke kauoha ia nei e hoike koke mai i ka Agena nana i hoopuka ko lakou mau Panihakahaka, a i kakau hooia ia ai ka palapala ae.

            J. A. GILMAN,

            Kakauolelo o na Hui Panihakahaka o Honolulu.

            Iulai 19, 1895.             2556-4

 

Hoolaha Hooko o ka Moraki a me ke Kuai.

 

            KE HOOLAHA ia aku nei ka lohe i na mea a pau, i kulike ai me na hooko ana o ka mana kuai i hookomoia iloko o kekahi moraki i hanaia e LAUNUI APUNA (w) a me APUNA (pake) kana kane o Kau, Hawaii, ia C. Meinecke o ua Kau la, ma Maraki 10 A. D. 1894, kopeia ma ke keena kakau kope o ke Aupuni buke 147 aoao 148 a hiki i ka 150, a o ua moraki la, ka nota a me ka aie i hoopaaia ai ua hooliloia aku e C. Meinecke ia M. Coleman ma ka palapala i kakauia ma Aperila 2, A D 1894, kopeia ma ke Keena Kakau Kope o ke Aupuni ma ua Buke 147 la, aoao 150, a mai ua M. Coleman la i hoolilo hou ia mai ai ia C. Meinecke ma ka palapala i hana ia Iune 16, 1894, kopeia iloko o ua Keena Kakau Kope ia Buke 147 aoao 149, a ua C. Meinecke la ka mea nona ka inoa malalo iho, ke manao nei e hooko aku i ua moraki la no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee o ka nota a me ka aie i hoopaa ia ai.

            Ke hoolaha hou ia aku nei ka lohe i na mea a pau, o ka waiwai i paa maloko o ua moraki la e kuai ia aku ana ma ke kudala akea ma ka hale kudala o Jas. F. Morgan ma Honolulu, Mokupuni o Oahu, ma ka POAONO la 24 o Aug, A. D. 1895 hora 12 awakea.

            O ka waiwai i paa maloko o ua moraki la oia keia:  O na pono a pau, ke kuleana a me na pomaikai o ua Launui Apuna (w) la iloko o ke Ahupuaa o Waiamau ma ua Kau la a oia ka waiwai i hooliloia mai i ka mea nana i moraki aku ma ka palapala kuai a Puahi (k) ma Aperila 26, 1895, kopeia ma ke Keena Kakau Kope Buke 141 aoao 317.

            C. MEINECKE,

            Mea e paa nei i ka Moraki,

            No na mea i koe, e ninau ia Carter & Kinney, na Loio o C. Meinecke.

            Honolulu, Mei 20, 1895.

            2547-3mos

 

Hoolaka Hooko o ka Moraki a me ke Kuai.

 

KE HOOLOHA IA AKU NEI KA LOHE I na mea a pau, i kulike ai me ka mana kuai i hookomoia iloko o kekahi moraki i hana ia i ka la 21 o Dekemaba, A.D. 1891, e Charles Molteno o Honolulu, Mokupuni o Oahu, ia Robert McKibbin o ua Honolulu la, kopeia ma ke Keena Kakau Kope o ke Aupuni Buke 129 aoao 393-394, ke makemake nei ua Robert McKibbin nei mea e paa ana i ka moraki, e hooko aku i ua moraki la no ke kumu ka uhakiia o ka aelike iloko o ua moraki la, oia ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe, o keia mau aina a pau, na pono hoaaina a me na pilikana iloko o ua moraki la, e kuai ia aku ana ma ke kudala akea ma ka hale kudala o James F. Morgan ma Alanui Moiwahine, Honolulu, ma ka Poakahi la 9 o Sept. A. D. 1895, hora 12 awakea o ia la.

            O ka waiwai i paa maloko o ua moraki la oia keia malalo iho nei.

            O keia aina e waiho ana ma Kamuliwai, Manana, Ewa, ma ua Mokupuni la o Oahu, a oia ka aina i kuhikuhi ia maloko o ka Palapala Sila Nui Helu 333 Mahele Aina Helu 7448 ia Kamamaka nona ka ili he 1 eka 206 mau anana a i hoolilo ia mai i ua Charles Molteno nei ma ka palapala kuai i hanaia i Novemaba 24, 1890, kope ia ma ka buke133 aoao 255.

            O keia apana aina hihia ole e waiho la ma Manana nui ma ua Ewa la, oia ka Apana 2 o ka Palapala Sila Nui Helu 175 Mahele Aina Helu 7439, a penei ua kuhikuhi ana:

            Apana 2—Pahale ma Manana nui, Ewa, Mokupuni o Oahu.  E hoomaka ana ma ke kihi Hema alaila, holo Akau 51º Hik. 121. 44 kapuai e pili ana i ka pa lepo, alaila Akau 40º Kom. 148.50 kapuai, alaila holo Hema 55º Kom. 122.10 kapuai e pili ana i ko Kamamaka, alaila holo Hema 40º Hik. 148.50 kapuai a hiki i kahi o ka hoomaka ana o ka ili na 3.66 kaulahao kuea, oi aku a emi iki paha, a oia no ka aina i hooliloia mai i ua Charles Molteno ma ke kuai i Okatoba 3, 1891, kopeia ma ke Keena Kakau Kope Buke 133 aoao 492-493.

            ROBERT McKIBBIN

            Mea e paa nei i ka Moraki.

            Kuike ke dala, Na uku hana palapala i ka mea e lilo ai.  No na mea i koe, e ninau ia J.M. Monsarrat Loio no na mea e paa nei i ka moraki.

            Honolulu, Augate 15, 1895.               2559-4

 

Hoolaha Hou.

Hoolaha Hooko o ka Moraki a me ke Kuai.

 

            KE HOOLAHA IA AKU NEI KA LOHE I na mea a pau, i kulike ai me ka mana kuai i hookomo ia iloko o kekahi moraki i hana ia i ka la 13 o Aperila, A. D. 1884 e Apua (k) o Laie, Koolauloa, Mokupuni o Oahu, ia A. Jaeger, Kahu, o Honolulu, Mokupuni o Oahu i olelo mua ia, kope ia ma ke Keena Kakau Kope o ke aupuni Buke 83, aoao 468-470, ke makwmake nei ua A. Jaeger Kahu la, e hooko aku i ua moraki la, no ke kumu ka uhaki ia o ka aelike iloko o ua moraki la, oia ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe o keia mau aina a pau, na pono hoaaina a me na pilikana iloko o ua moraki la e kuai ia aku no ma ke kudala akea ma ka hale kudala o James F. Morgan ma alanui Moiwahine, Honolulu ma ka Poakahi la 9 o Sept. A. D. 1895, hora 12 awakea o ia la.

            O keia mau apana aina eha e waiho la ma Laie nona ka ili he 74, 100 o ka eka, oi iki aku a emi mai paha, a oia no ka aina i kuhikuhi pono ia na palena maloko o ka Palapala Sila Nui Helu 6@1 Mahele Aina Helu 10835 ia Peka a i ili mai i ua Apua la mai kona makuahine mai Puakalua, ke kaikamahine a hooi ina pololei ma ke kanawai o ua Peka la.

            A. JAEGER Kahu.

            Mea e paa nei i ka moraki

            Kuike ke Dala. Na uku hana palapala i ka mea e lilo ai.  No na mea i koe, e ninau ia J.M. Monsarrat Loio o ka mea e paa nei i ka moraki.

            Honolulu, Aug. 16, 1895.                   @-4

 

Hoolaha Hooko Moraki.

 

MAMULI o kekahi mana kuai i hoikeia maloko o kekahi palapala moraki i hanaia mawaena o Jeremiah Vanderbilt Simonson o Honolulu, Oahu, o ka aoao mua a me William R. Castle, Kahu o ka aoao elua, ma ka la 6 o Mei, 1893, i kakau kope ia ma ka buke 139, aoao 453, a mamuli o ka uhai ia ana o na kumu aelike o keia moraki, oia hoi ka uku ole i ke kumupaa a me ka ukupanee, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku ua aina i hoikeia ma ia moraki no ke kudala ana, ma ke keena kudala o Jas. F. Morgan ma Honolulu, ma ka la 2 o Sepatemaba, 1895, hora 12 o ia la.

            Aia ma kahi o W. R. Kakela na olelo hoakaka no keia mea.

            Hanaia i keia la 7 o Augate, 1895.

            WILLIAM R. CASTLE, Kahu

            Mea Moraki Mai.

            Penei na aina i morakiia:

            O kela mau aina me na hale ma luna iho e ku la ma ka aoao komohana akau o Alamui Liliha ma Honolulu, nona ka ili he 46-100 eka oi aku a emi mai paha, a oia ka hapa o ka aina i kuhikuhi ia ma ka Palapala Sila Nui Helu 2346 G. ia Apana 2 a i hooliloia i keia mea moraki ma ka palapala kuai a Owana T. Cartwright.

            2558-4

 

Hoolaha Hooko o ka Moraki a me ke Kuai.

 

            KE HOOLAHA IA AKU NEI KA LOHE I na mea a pau, i kulike ai me na hooko ana a me ka mana i hookomoia iloko o kekahi moraki i hanaia e Aiona o Makapala, Kohala, Hawaii, ia Halekuai o Kohala, o ua Kohala la, ma Augate 1, 1894, a Kopeia i loko o ke Keena Kakau Kope Buke 147 aoao 496 a me 497, ke makemake nei ka mea nona ka inoa malalo iho e hooko aku i ua moraki la no ke kumu ka uhaki ia o ka aelike, oia ka uku ole ia o ke kumupaa a me ka ukupanee o ka nota aie i hoopaaia e ua moraki la.

            Ke hoolaha hou ia aku nei ka lohe o ka waiwai paa maloko o ua moraki la, e kuai ia aku ana ma ke kudala akea ma ka hale kudala o J. F. Morgan ma Honolulu, Mokupuni o Oahu, ma ka Poaono, la 31 o Augate, A.D. 1895, hora 12 awakea o ia la.

            O ka waiwai i paa maloko o ua moraki la, oia keia malalo iho:

            O na loi kalo a pau o ka mea nana i moraki mai maluna o ka aina i hoolimalima ia mai a C. F. Hart mai a e waiho la ma ke ahupuaa o Makapala, Kohala Akau a me na lio a pau o ka mea moraki mai i kuni ia me ka hao kuni JJ.

            MAKAPALA STORE.

            Mea e paa nei i ka moraki.

            No na mea i koe, e ninau ia A. S. Hartwell Loio no ka Makapala store.

            Na uku hana palapala i ka mea e lilo ai.

            Honolulu, Aug. 8, 1895.         2558-3

 

Hoolaha Hooilina Waiwai.

 

            UA MAKEMAKEIA na hooilina o Nakialele k he mai-lepera no Koloa, Kauai mai i make ma ke Kahua Mai Lepera, Molokai e waiho ae me na hooiaio kupono ma ke Keena o ka Papa Ola i ka lakou koi no ke koena dala o na pono a waiwai o ka mea i make iloko o na mahina 3 mai keia la aku, a i ole ia e lilo loa ia koena dala no ka pomaikai o ka waihona o ke Aupuni.

            Honolulu, Augate 8, 1895.

            WILLIAM O. SMITH.

            Peresidena o ka Papa Ola.

            2558-3

 

Olelo Hoolaha.

 

            E IKE AUANEI NA MEA A PAU KE NANA ma keia, o ka hoolaha i kau ia ma ka inoa o ke ’Lii oia o Kapiolani, ua ae mai e hoopau i kana hoolaha konohiki, no ka mea eia ia makou i ka Hui o UNG WO & Co. na pono kai lawaia a pau, ua lilo mai i ka hoolimalima ma ka la 29 o Iune 1895, a nolaila o na mea a pau e ike ana i keia hoolaha, e pono e hoolohe.  Ua kapu ko makou kai lawaia, aole e ae ia e hele wale a lawaia, ke ole e loaa ka ae ia e ko makou Luna oia o Lokana.

            2556-4             UNG WO & CO.

 

O KA IKE AO KUMU

Aole wale ia he kokua e loaa ai ka

PALAPALA HOOMAIKAI KUMUKULA

a me ka ike kiekie hoi e

Mahuahua ai ka Uku

Aka, me ka manao naauao kekahi o

KE AO ANA mahope o ka Palapala

Hoomaikai

O KE KULA

KAMEHAMEHA

HANALIMA

E weheia ana no na Hawaii e makemake ana i ka ike

Ao Kumu Sepatemaba 4.

E Ninau i ke Kumuluna

 

E Haawi i na keiki Ai Waiu

A ME NA POE OMAIMAI

MELLIN’S FOOD

FOR INFANTS AND INVALIDS

TRADEMARK

I ka Mea Ai.

He Ai Hooulu Oi Loa

No ka hooulu Kamalii

Ka Hoopohala mai an

Na Mai Ake Pau

Na Opu Aiwali ole.

a me na elemakule loaa i na

Nawaliwali

HE

AI MAIKaI lOA

e na Pokii Hanai Lima

BENSON, SMITH & CO

Na A@ wale no ko Hawaii P

 

Hoolaha Hou.

 

Hoolaha a na Komisina o na Pa.

 

UA waihoia mai kekahi noi i na Komisina o na Pa o ka Apana o Lahaina Mokupuni o Maui, e hooholo i ke ano o ka pa e kukulu ai mawaena o na aina o Kahana a me Mahinahina ma Kaanapali, Mokupuni o Maui, a me ka hapa o nalilo e uku ai ka ona aina pakahi o ua mau aina la, nolaila ke hoolahaia akunei ka lohe e hiki ana na Komisina ma ka palena mawaena o ua mau aina la, e hui aime na poe a pau i kuleana, ma ka Poakolu, Augate 21, 1895, hola 11 kakahiaka.

            HENRY DICKENSON

            L. M. BALDWIN

            GEO. H. DUNN

            Na Komisina o na Pa no ka Apana o Lahaina, Mokupuni o Maui.

            Lahaina, Iulai 29, 1895.

            2557-3

 

Olelo Hoolaha i na Poe Aie.

 

MA KA WAIWAI O J. S. KEKUKAHIKO.

 

            Ua hookohuia mai ka mea nona ka inoa malalo iho nei, e ka Aha Hooponopono Waiwai o ka Apana Hookolokolo Ekahi, i Lunahooponopono Waiwai no ka waiwai o J. S. Kekukahiko, i make, no Kakaakp, Honolulu, Oahu, ma keia ke hoolahaia aku nei ka lohe, o na poe a pau he mau koina ka lakou i ua waiwai la, e pono e waiho mai ia mau koi ma ka hooia pono ia, iloko o eono mahina, a i ole, e hoole ia aku no a o na poe a pau i aie i ua mau waiwai loa la e hookaa mai i ko lakou mau aie i ka mea nona ka inoa malalo iho.

            G. J. WALLER.

            Lunahooponopono o ka waiwai o J. S. Kekukahiko.

            Honolulu, Iulai 30, 1895.        2547-4

 

Hoolaha Hooko o ka Moraki a me ke Kuai.

 

KE HOOLAHA IA AKU NEI KA LOHE I na mea a pau, i kulike ai me na hooko ana a me na mana i hookomo ia iloko o kekahi moraki i hana ia e LAHAPA NANEO a me CHARLES KUPAU, kana kane, ia Henry Smith Kahu, ma Sepatemaba 30 A. D. 1893, kope ia ma ke Keena Kakau Kope Buke 145 aoao 219 a me 220, a o ua moraki la ua hoolilo ia mai e ua Henry Smith Kahu la ia Alfred W. Carter Kahu ma ka palapala i kakauia i ka la 3 o Iulai, A. D. 1895, kopeia ma ke Keena Kakau Kope Buke 153 aoao 400. ke makemake nei ka mea nona ka inoa malalo iho e hooko aku i ua moraki la no ke kumu ka uhaiia o ka aelike, oia ka hookaa ole ia o ka ukupanee o ka nota aie a me ka aie i paa ma ka moraki.

            Ke hoolaha hou ia aku nei ka lohe, o ka waiwai i paa maloko o ua moraki la, e kuai ia aku ana ma ke kudala akea ma ka Hale Kudala o James F. Morgan ma Honolulu i olelo mua ia ma ka POAONO la 17 o AUGATE, A. D. 1895, hora 12 awakea.

            O ka waiwai i paa maloko o ua moraki la, oia keia malalo iho:  O keia mau apana aina e waiho iho la ma Kawailoa, Waialua, ma ua mokupuni la o Oahu, oia ka Apana 1 a me 2 o ka aina iloko a i kuhikuhi ia ma ka Palapala Sila Nui Helu 5474 Kuleana 4305 ia Kahalau, a oia aina kai hoolilo ia aku ia Lahapa Naneo ma ka palapala kuai mai a A. Rosa mai i kakauia i ka la 14 o Sepatemaba, A. D. 1889, kopeia ma ke Keena Kakau Kope ma Honolulu, Buke 116 aoao 413 a me 414.

            ALFRED W. CARTER.

            Mea e paa nei i ka Moraki.

            No na mea i koe, e ninau ia Carter & Kinney na Loio no Alfred W. Carter, Kahu, Honolulu, Iulai 15, 1895.            2555-3

 

GOO KIM

411 Alanui Nuuanu.

 

MEA HOOKOMO MAI A KUAI AKU I NA Lole Europa a me Pake a me na lole o na ano a pau.  Ma na moku i ku hope mai nei, ua loaa mai ia makou na waiwai lawa pono, o na PAPALE WAHINE i kau ia i ka lipine a me na papale i kau ole ia i ka lipine, na LOLE KANE o na ano a pau o ke ano maikai hou loa.

            E kipa mai i o’u e ninau mua ai no na lole maikai a me na ano SILIKA waihooluu like ole. 2537-lvr

 

C. E. Williams & Son

HELU 611      ALANUI MOI

Maula mai o ka Pa Kuai Papa o Lu me Kuke.

Na mea kuai ma na

LAKO HALE a me na MOE

o na ano a pau ma na

KUMUKUAI HAAHAA LOA.

            Na mea HANA PAHU KUPAPAU a me IALOA.  Na Pahu Kupapau hookomoia mai iloko nei o ka aina, i oi ae ka nani mamua o na pahu kupapau hanaia maanei no ka $3.00 a pii aku iluna.

            Kaa Kupapau no ka hoolimalima, a o ka oi o ka nani ma keia kulanakauhale no ka $5.00.

            Na He Kupapau a me na K @ Hoomanao.

            Telephone 179             2543-tt