Ka Nupepa Kuokoa, Volume XXXIV, Number 32, 10 August 1895 — Page 1
| This text was transcribed by: | Annie A. Makuakane |
| This work is dedicated to: | Tutu Lydia Makuakane |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXXIV. HELU 32. HONOLULU, POAONO, AUGATE 10, 1895. NA HELU A PAU, 2558
Hoolaha Loio.
H. R. HITCHCOCK,
Notari no ka Lehulehu.
Apana Hookolokolo Kaapuni Eluna,
Kaiuaaha, Molokai. 2514-tf
W. R. KAKELA,
Loio a he Kokua ma ke Kanawai.
HE LUNA HOOIAIO PALAPALA 2370
ANTONE ROSE, (AKONI.)
Loio a he Kokua ma ke Kanawai.
LUNA HOOIAIO PALAPALA.
Keena Hana ma Alanu Kaahumanu. 2370
ALLEN & ROBINSON,
NA MEA KUAI PAPA O NA ANO A PAU E loaa no ma ka Uwapo o PAKAKA, Honolulu, make kumukuai makepono loa, no ka pomaikai o ka lehulehu e makemakeana e ku kulu hale. E kipa mai a e I ke kumaka. @
WILDER & CO., (WAILA MA.
Mea Kuai Papa A ME NA Lako kukulu hale o na ano a pau, a me na mea e ae a pau e pono ai o ka hale.
Kihi o Alanui Moiwahine me Papu. 396-q
JAMES M. MONSARRAT, (MAUNAKEA.
Loio a he Kokua ma ke Kanawai
HE LUNA HOOIAIO PALAPALA.
E hana ia no na Palapala Kuai, Palapala Hoolimalima, a me na Palapala Dala no ka @ ma ka moraki ma na Waiwai Paa.
Keena Hana: Hale Pohaku hou ma ka aoao ma Waikiki o ka @ i, alanni @ 2370
OLELO H OLAHA.
O na noe lawelawe hana ole a pau me ka Hui Hanai o Humuula, ke papa loa ia aku nei lakou aole e hele maluna o na alanui a ala liilii o na aina e noho mana ia nei e ua Hui la ke loa a ole ka ae ia mamua.
O na ilio e loaa aku ana maluna o ka aina, e pepehiia no; aole loa e ae ia ka ho’a pua ana ma alanui.
HUMUULA SHEEP STATION COMPANY, Kalaieha, Apr. 20, 1895. 2544-ly
PAPA! PAPA
AIA MA KAHO O
Lewers & Cooke
(LUI MA).
Ma ke kahua hema o Alanui Papu me Moi.
E LOAA NO NA
PAPA NOUAIK@
O kela a me kela ano.
Na Pani Puka, na Puka Aniani, na Olepelepe, na Pou, na O’a, na Papa Hele, na Papu Ku, me na Papa Moe he nui loa
@ PILI HALE O NA ANO A PA
A me na
WAI HOOHINUHINU NAN
O na ano a pau loa.
Na Balaki o na Ano he Nui Wa
Ke hai ia aku nei oukou e @ makamaka a pau, na makaukau kela mau makamaka o oukou @ hoolawa aku ma na mea a pau @ ili ana ma ka laua oihana no ka
Uku Haahaa Loa,
@ like me ka mea e holo ana mawaeni o Laua a me ka Mea Kuai.
Hele Mai e Wae no Oukou iho. 2396-q
KA AHAOLELO.
KA AHA SENATE.
La Hana 39, Iulai 30, 1895.
Akoakoa ke Sente ma ka hora 10 Kakahiaka e like me ka maa.
Heluhelu ia mai he elele palapala mai ka Hale mai e hoike ana no ka mea pili i ka bila aina, ua ae like ia kekahi, a ua hooleia kekahi.
Noi o Waterhouse e koho ia ona komite kuka me ke komite like o ia ano mai ka Hale mai no ka noonoo ana i ka bila aina. Hooholoia. Koho ka noho ia Lyman, Baldwin a me McCandless i komite.
Hoike mai o Schmidt o ke komite o na Buke Helu, ua ae ia na hoolilo he $540.45 i aie ia mamua ae e ka noho ana o ka ahaolelo a me na bila ale ponoi o ke Senate penei: Isaac Sherwood $30.50, W. L. Wilcox $109.50, F. A. McKinney $21, Manuel Cook $60.20, W. A. Wright $149, S. E. bishop $62.50, Hawaiian Star $ 75.50, Hawaiian Gazette $10.25, W. L. Wilcox $19, Hawaiian News Co. $5.10. Huina $1083.
Hoomaha a hora 1:30 auina la.
Noho hou e like me ka hoomana ana.
Hoolaha mai ke Kuhina Waiwai e lawe mai ana oia he bila e hookaawale ana i mau haawina pakui no ka Oihana Hoonaauao no ka manawa a hiki i Maraki 31, 1896 no ke kuai ana ia Keoua Hale ma Kaakopua.
Ma ke kapae ia ana o na rula, ua hoike mai o Baldwin o ke komite kalepa no ka bila e hookuu ai I na hui mokuahi e halihali ana i na eke leta mai ka uku ana i na uku hookomo moku, e waiho i ka noonoo ana a ke kau mau. O ka huina e lilo ana, he $10,000 a oia ka hapalua o na loaa o na @ hookomo moku. Aponoia ka hoike.
Hoopanee.
HALE LUNAMAKAAINANA.
La Hana 39, Iulai 30, 1895.
Hoomaka na hana o ka Hale e like me ka mau.
Ma ke noi, ua koho ka noho ia Bond, Richards a me Kamauoha I komite kuka no ka bila helu 8.
Hapai ia ka noonoo o ka hoike a komite no ka olelo hooholo hui no ka bila kakauinoa, e koho ia i komite o ekolu lala main a hale pakahi mai no ka noonoo ana i ka pono e kakauinoa ia na kane a pau iloko o ka Repubalika a hoike mai i ke kau mau. Aponoia.
Hapalia ka noonoo no ka bila e komo ai iloko o ko hai aina, me na hoololi pu a ke Senate. Ae ia ka pauku 1, o na pauku 2 a me 3 aole i kuikahi la, a o na pauku e ae, ua hooholo ia e like me ka bila a ke Senate, nolaila e hele ana ka bila i ke komite kuka.
Noi o Kamauoha o ke komite hui o ka Hale ma ke komite hookolokolo, oia ke hana i komite kuka ma ka bila. Aeia.
Loaa mai he elele na ke Senate, e hoike ana ua koho ia ke komite kuka no ka bila aina.
Hapaiia ka bila hooponopono dala mai ke pakaukau ae a kuikahi ka Hale i ka hoololi a ke Senate ma ka pauku 4, a hoihoi hou ia ka bila i ke Senate.
Heluhelu mua ia ka bila komisina paahana a ke Senate a haawiia i ke komite kalepa.
Heluhelu elua ia ka bila e pili ana i ka unuhi ana i na aila mahu anawai haahaa me ka hoololi a ke Senate, a ma ke noi a Robertson, ua kauoha ia e pai.
Hoopanee.
AHA SENATE.
La hana 40, Iulai 31, 1895.
Hoomaka na hana e like me ka mau.
Hoike mai o Schmidt o ke komite o na Buke Helu i na uku mau a me na mile o na Senatoa no ke kau penei: Na Senatoa eono o Oahu, pa $200; Kauhane $200 me 600 mile ma ka 10 keneta o ka mile; Lyman $200 me 500 mile; Notley $200 me 400 mile; Northrup $200 me 300 mile; na Senatoa Baldwin, Hocking, Wilcox a me Rice $200 pakahi a me 200 mile, a o Horner he $200 a me 150 mile wale no. Aponoia.
Hoike mai o Baldwin o ke komite kalepa, he hoololi i ka bila alakohola, e ae ana i na halekuai laau lapaau ekolu e hookomo mai i 150 @ pakahi o ka makahiki.
Hoike mai o Baldwin o ke komite hui no ka bila haawina pakui, ua hoemi ia he $13,650 no ke kapili a me ka hana hou ana i na halekula mai ka $16,650 mai, ua kiola loa ia na haawina o na hale hookolokolo o Koloa he $250 a me ko Kipahulu he $1500, a o ke koena, ua like me ka bila. Hoololi mai ke Kuhina Waiwai i ka hoike ma o ka hoihoi ana la i ke kapili a me ka hana hou ana i na halekula malalo o ke Kuhina Kalaiaina. Ae ia ka hoololi a hoihoi hou ia ka hoike i ke komite hui.
Hoomaha ke senate no umi minute.
Heluhelu ia mai he elele palapala na ka Hale, e hole ana aole e ae i na pauku 2 a me 3 uo ka bila e pili ana i ke komo ana i ko hai aina. Ma ke noi, ua koho ke Senate i ko lakou komite hookolokolo i komite e hui ai me koo ka Hale ma keia bila ae la.
Hoolaha mai-ke Kuhina Waiwai he mau bila haawina elua e hookaawale ana i $15,000 malalo o ke Kanawai Aie a me $17,000 mai na dala loaa mai no ka uku ana i ke kumukuai o Keoua Hale ma Kaakopua Makemake no ka waiwai o Kamehameha e lawe i ka huina ma na bona Hawaii a pau.
Hoolaha hou mai ke Kuhina Waiwai he bila e hookuu ai @ ka auhau aupuni maluna o na Hui Waihona Buke heluhelu o Honolulu a me ka auhau o 1884. Kapaeia na rula a heluhelu ekahi ia. Kapae hou ia na rula a heluhelu alua ia a waiho ia malalo o na rula.
Heluhelu alua ia ka bila e pili ana I ka hookomo ana mai i ka alakohola a hooholo ia me na hoololi a komite i hoike mai ai.
Heluhelu ia mai he palapala pane na ke Kuhina Kalaiaina i ka hoopii noi dala no ke alanui Paka, aole ia he alanui no ka lehulehu, aka he alanui malu.
Heluhelu alua ia ka bila e hoololi ai i ka pauku 2 o ke kanawai e ae ana i ka Hui Alahao Hukilio e hoohana me ka uwila a hooholoia.
Hoomaha a hora 1:30 auina la.
Noho hou e like me ka hoomaha ana.
Heluhelu ia mai he elele na ka Hale e hoike ana aole ae o ia hale e hoololi i ka bila aila mahu.
Aponoia ka olelo hoohole hui a ka Hale e koho ana i komite no ka bila kakauinoa a na ia komite e hoike mai i ke kau mau.
Hoopanee.
HALE LUNAMAKAAINANA.
La Hana 40, Iulai 31, 1895.
Hoomaka na hana e like me ka mau.
Heluhelu mai o Kamauoha he hoopii na ko Kau e wehe ia ona mau alanui mawaena aku o na aina hookuonoono ma Wailau a me Ninole. Haawiia i ke Kuhina Kalaiaina.
Heluhelu elua ia ka bila komisina paahana a hoololi ia me kekahi mau hoololi liilii.
Hapaiia ka bila aila mahu mai ke pakaukau ae ma ke noi a Kamauoha. A ma ka noonoo ana, ua hole ka Hale i na hoololi a ke Senate a ua hooholo ia e kukakuka na komite kalepa o na hale elua no ia bila.
Hoopanee.
AHA SENATE.
La Hana 41, Aug 1, 1895.
Hoomaka na hana e like me ka mau.
Heluhelu alua ia na bila e hookaawale ana i mau haawina pakui no ka Papa Hoonaauao a haawiia i ke komite kalepa.
Heluhelu alua ia ka bila e hookaawale ana i $2,000 no na lilo hou o ka ahaolelo a hooholo loa ia.
Hoopanee.
HALE LUNAMAKAINANA.
La Hana 41, Aug. 1, 1895.
Hoomaka na hana e like me ka mau
Hoike mai ka Lunahoomalu o ka Hale i na elele palapala i loaa mai iaia mai ke Senate mai, penei:
1. Ua hoomana ia ke komite hookolokolo e kuka aku me ke komite o ka Hale o ia ano, no na hoololi i ka bila 13.
2. Ka hoouna ana i ka Olelo Hooholo Hui e pili ana i ka hookomo ana mai i ka uwila no ke kaa alahao o Honolulu.
3. Ka apono la ana o ka hoike a ke komite kuka no ka bila helu 8 a ke Senate me na hoololi.
4. Ka apono ia ana e ke Senate o ka Olelo Hooholo Hui e pili ana i ke kakauinoa ana o na kane o ka Repubalika a haawiia i ke komite o na bila i hooholoia.
Na kope o ka bila e hooponopono ai i ka haawi a me ka hoopiha ana i na bona ma na noi no ka hookolokolo hou, na hoopii, na hoohalahala, ua hoouna ia mai e ke Senate no ko ka Hale mau hoonaauao an.
Ma ke noi a Winston, ua ae ia aku ke komite kalepa i hookah la hou no lakou e noonoo ai no ka bila hoohoihoi hoomoe waeaolelo moana Pakipika.
Hoike kue mai o Bond a me Pali o ka hapanui o ke komite hoonaauao i waihoia aku ai ka olelo hooholo e hookuu akea ai i ke puhi ohe akea ana ma na la Sabati aole e hiki ke hooko ia ka olelo hooholo. Waihoia a lawe mai ka hapa uuku i kana hoike.
Heluhelu ekolu ia ka bila komisina paahana a hooholo loa ia.
Hapai la ka noonoo no ka olelo hooholo hui e hoomana ana i’ka Peresidena e koho i komite ekolu lala no na noonoo i ke ala kaa hao uwila o Honolulu a hooholo ia.
Hapaiia ka olelo hooholo e pili ana i ka hoohui ana ia Hawaii me amerika Huipuia a hooholoia.
Hoopanee.
AHA SENATE.
La hana 42, Aug. 2, 1895.
Hoomaka na hana e like me ka mau.
Heluhelu ia mai he elele palapala mai ka Hale mai e hoike ana, ua hooholoia ka bila komisina paahana ma ka heluhelu ekolu a me na olelo
Hooholo hui no ke koho ana i komisina ala kaa hao uwila o Honolulu a me hoohuiaina.
Hoike mai o Rice o ke komite pai, o ka olelo aelike no ke pai ana i na Rula Hui e paa a hoihoi ia mai ma Iulai 12, a ua haiia aku ka lohe i ka Press Publishing Co. ina aole e haawiiia mai ma keia la, aole ia e ukuia i keia kau.
Heluhelu ekolu ia ka bila e hookuu ana i ka auhau maluna o ka Hui Waihona Buke Heluhelu o Honolulu.
Noi mai o McCandless e hoololi i ka bila ma ka hookomo ana i ka Hale o ka Hui Opiopio Imipono Karistiano. Haawiia i ke komite waiwai.
Hoike mai o Baldwin, ua pau ka hana a ke momite kuka no ka bila aina.
Hoopanee.
HALE LUNAMAKAAINANA
La Hana 42, Aug. 2, 1895.
Noho ka halawai a hoomaka elike me ka mau.
Hoike mai o Richards o ka hapa uuku o ke komte hoonaauao no ka mea pili i ka olelo hooholo e hookuu akea ana i ke puhi ohe mele ana ma na la Sabati, e apono ana. Waiho la a oonoo pu me ka hoike a hapanui.
Hapaiia ka noonoo no ka bila hoohoihoi waeaolelo moana me ka hoike a ke komite kalepa e hoohalhala ana, ma ka inoa owai a no ka helu owai ka waeaoleo e kapiliia ai, aole manawa i kaupalena ia, aole mau koho o na lilo o ka hoomoe ana i waiho la mai, a nolaila ua manao ke komite he pono e lawe ia mai i bila hou.
Heluhelu la ka pauku i a hooholoia, a pela aku no na pauku a pau loa i ka hooholoia. Kauohaia e kakau poepoe a e heluhelu ekolu ia apopo.
Hoike mai o Kamauoha o ke komite i waiho ia aku ai ka hoopii a ko Kau e noi ana i mau haawina no na alanui o ia apana e haawiia ka hoopii i ke Kuhina Kalaiaina. Aponola.
Hoike apono mai ke komite i waiho ia aku ai ka olelo hooholo hui e noonoo I ka mahelehele ana i na uku o na komisina paahana i pau a hooholo ia ka olelo hooholo hui.
Hapaiia ka noonoo o na hoike elua no ke puhi ohe akea ma na la Sabati, a oiai e hoopaapaa ana, ua hoomaha ka hale a noho hou I ka hora 1:30 auina la.
Noho hou i ka hora 1:30 o ka auina la.
Hoopaapaa hou ka hale no ka olelo hooholo e hookuu akea ana i ke puhi ohe ma na la Sabati a hoopanee no ke kau mau.
Hoopanee.
KA AHA SENATE.
La Hana 43, Aug. 3, 1895.
Hoomaka na hana o ke Senate e like me ka mau.
Heluhelu ia mai he elele na ka Hale e hoike ana, ua hooholo ia ka olelo hooholo e pili ana i ka uku o na iaia o ke komisina paahana i pau.
Hoike mai o Rice o ke komite pai, ua pau i ke paiia he heluna o na hoololi i na bila a me ka Kakina hoike e pili ana i ka waeaolelo moe moana.
Hoike mai o Hocking o ke komite o na bila i hooholo ia, ua hoouna ia aku i ka Peresidena na olelo hooholo hui e pili ana i ke alahao kaa u wila o Honolulu a me hoeueu hoohulaina.
Hoike mai o Waterhouse o ke komte waiwai, he bila pakui e pani ai ma kahi o bila e hookuu ai I ka auhau o ka Hui Waihona Buke Heluhelu o Honolulu.
Hoike apono mai o Brown o ke komite hookolkolo i ka pono e waiho ma ka papa i ka bila e hooponopono ana i na hoopii main a aha apana aku a I na aha kaapuni.
Heluhelu elua ia ka bila e hoopo pono ai i na noi hookolokolo hou, oia hoi ka bila pakui a ke komite hookolokolo ma kahi o ka bila mau a hooholo ia. Kauoha ia e kakau poepoe.
Heluhelu ekolu ia ka bila e hookuu ai i ka auhau o ka Hui Waihona Buke Heluhelu o Honolulu a me ka hoololi e hookomo pu ai i ka Hale o ka Hui Opiopio Imipono Karistiano o Honolulu. Mahope o ka hoopaapaa ana i kue loa ai ke Kuhina Waiwai i ka hoololi, ua hole loa ia ka hoololi a hooholo ia ka bila kumu e hookuu anu i ka auhau o ka Hui Waihona buke Heluhelu o Honolulu.
Helhelu ekolu ia ka bila e hoomana ana i ka Hui. Kaa alahao o Hawaii e hooholo i na kaa me ka uwila.
Hoololi mai o Wright e kiola loa i ka pauku e laikini ana i na kanaka hookaa uwila. Haule.
Hoololi mai ka Loio Kuhina e haawi ana i ka mana i ke Kuhina Kalaiaina e hoopau i ka laikini i na manawa a pau. Holo.
Hooholo lokahi ia ka bila me na hoololi ma ka heluhelu ekolu.
Heluhelu ekolu ia ka bila e hookaawale hou ana i $2,000 no na lilo o ka ahaolelo. Hoololi mai ka Loio Kuhina i $ 3,000 i lawa ai na mea a pau e lawe pinepine ole ia mai ai na bila hou o keia ano. Holo.
Hooholo loa ia ka bila me ka hoolohi.
Hoopanee.
HALE LUNAMAKAAINA.
La Hana 43, Aug. 3, 1895.
Hoomaka na hana e like me ka mau.
Kukala mai ka Lunahoomalu, ua loaa main a kope i paila o ka L. A. Kakina mau mea hoomanao e pili ana i ka waeaolelo moe moana o ka Pakipika. Kaana ia i na hoa.
Hoike mai o Richards o ke komite o na bila i hooholoia, ua hoouna ia aku na olelo hooholo hui no ke alahao kaa uwila a me hoeueu hoohui aina, no ko ka Presidena Kakau inoa mai. O ka olelo hoohlo hui e pili ana i ke kakauinoa ana i na kane, eia no i ke kemite e paa nei, no ka mea ua manao lakou, aole i makemake ia ke kakauinoa o ka Peresidena, aka malia paha o hoouna ia aku no mamuli o ka hoikeike ui manao.
Waiho mai o Hanuna he olelo hooholo e kauoha ana i ke Kuhina Kalaiaina e hoonee i ka hale hoahu pauda e ku nei. Hoopanee loa ia.
Ma ke kapae ia ana o na rula, ua heluhelu mai o Robertson i ka hoike loihi a ke komite o na aina aupuni e pili ana i ka bila aina. Aponoia.
Hoohali manao mai o Kamauoha ina paha he makemake na hoa e pai buke ia na moolelo o ka ahaolele. Ano kue na hoa a haalele ia.
Heluhelu ekolu ia ka bila waeaolele moana a hooholo loa ia.
Waiho mai o Kamauoha he olelo nooholo e hoomana ana i ke kuai ana o iwakaluakumamalima mau kope o ka moolelo o keia kau ahaoleo e paiia aku ana e Frand Godfrey a humu buke ia, me ka hookomo pu i na kii o na hoa o ka ahaolelo. A mahope o na kamailio kue ana o Haia, Rycroft a me na apono no hoi i ka olelo hooholo, ua hooholo loa ia aku la ka olelo hooholo me ka hoololi, aole e oi aku na lilo mamua o ka $125.
Noi o Kamauoha, e hookuu aku iaia no elua hebedoma. Aeia.
Hoopanee.
AHA SENATE.
La Hana 44, Aug. 5, 1895.
Hoomaka na hana e like me ka mau.
Heluhelu ia mai he palapala na ka Papa o ka poe Panihakahaka e pili ana i ka bila e unuhi mai ai i aila mahu anawai haahaa. Waiho ia ma ka pepa a noonoo pu me ka bila.
Hoike mai o Schmidt o ke komite buke helu, ua apono ia na bila aie a na poe lehulehu i hiki aku i ka $560.90 ka huina. Hookahi itamu he $189 ka nui.
Hoike mai o Baldwin o ke komite kalepa, e haawi i ka palapala hoopii a ka Hui California Viticultural i ke komite waiona a hoike mai i ke kau mau. Aponoia.
Heluhelu ia ka hoike a ke komite kukakuka a na Hale elua no ka bila aina me na hoololi a aponoia.
Hoomaha a ka hora 1:30 auina la.
Hoomaka hou e like me ka hooma ana:
Ma ke noi ua, hapai hou ia ka noonoo o ka hoike a ke komite buke helu, no ka mea, ua ike ia kekahi itamu nui he $189 no ka unuhi a me ka heluhelu palua ana. Apono ia a hoihoi hou ia ka hoike i ke komite e noonoo hou.
Heluhelu ekolu ia ka bila alako hola a hooholo loa ia.
Heluhelu ekolu ia ka bila e pili ana i na hookolokolo hou a hooholo loa ia.
Hoopanee.
HALE LUNAMAKAAINANA.
La Hana 44, Aug. 5, 1895
Hoomaka na hana e like me ka mau.
Hoike mai o Winston o ke komite kalepa e hoopanee loa i ka bila aila mahu. Waihoia a noonoo pu me ka bila.
Hoike mai o Richards, ua paa na rula o ka ahaolelo a na makaukau no ke kaana aku.
Olelo mai o Haia, he olelo hooholo kana i hoomakaukau ai no ka hookuu o na hale elua ma ka Poaono. Waiho pu wale me ka hoomaopopo ole ia.
Ma ke noi a Haia, ua helhelu alua ia ka bila koa ma ka noonoo pakahi ana i na pauku a hooholo ia kekahi mau pauku.
Ma ke noi, ua kapae ia na rula a ua heluhelu mai o Robertson i ka hoike a ke komite kukakuka o na hale elua no ka bila e pili ana i ke komo ana i ko hai aina, e hoololi ana i ka pauku 2 a me 3. Aponoia.
Hoomaha a ka hora 1:30 auina la.
Hoomaka hou e like me ka hoomaha ana.
Hoomau ia ka noonoo no ka bila koa.
Hooholia na pauku 35, 36, 37, 38, 39 a me 40 e like me ka bila. Kiola ia ka pauka 41. Hooholoia ka pauku 46 e like me ka ke komite i waiho mai ai. Hoololi ia ke poo e like me ka ke komite i waiho mai ai. A hooholo la ka bila. Kauoha la e kakau poepoe a heluhelu ekolu apopo.
Heluhelu ia mai he elele na ke Senate e hoike mai ana, ua waihoia ma ka papa ka bila helu 16A a ka Hale: a ua hoouna pu mai i na bila 17, 20, 21 a me bila haawina hou no ke kau kuikawa.
Ma ke noi a Haia, ua hoopanee loa ia ka bila aila mahu.
Heluhelu mua ia main a pauku o ka bila haawina hou he $3,000 no na lilo o ka ahaolelo a hooholia.
Ma ke kapae hou ia ana o na rula, ua heluhelu elua ia ka bila haawina $3,000 no na lilo ahaolelo a hooholoia. Kauoha ia e kakau poepoe a e heluhelu ekolu ia ma ka la apopo.
Heluhelu mua ia ka bila e hookuu ai i na auhau aupuni maluna o na hui waihona buke heluhelu o ka lehulehu a hooholoia. Kapaeia na rula a helhelu alua ia keia bila a hooholia. Kauohaia e heluhelu ekolu maka la apopo
Heluhelu mua ia ka bila e pili ana i ka Hui Kaa Alahao Hawaii no ka hookomo mai a hoohana aku me ka ikaika uwila ke hookoia mamua ae o Ianuari 1, 1897. Haawiia i ke komite kalepa.
Ae ia o Richards e hoi no ke koe na aku o ke kau.
Hoopanee.
Ko kekahi mau kanaka Amerika hoino kumu ia Cleveland.
Ma ka haiolelo la kulaia o Iulai 4 i hoopaneeia mai no ka ua a i ka la 6, ma ke kulanakauhale o Sana Peteroboro, mokuaina o Ferolida, Amerika Huipuia, ua haawi mai o Rev. W. J. Morgan, ka mea i koho la i haiolelo no ka la kulaia nui e Amerika Huipuia ma la kulanakauhale, i kekahi haiolelo manao koikoi, kuokoa a hunahuna ole iho i na pana a kona puuwai, e hoino a kappa akea ana i ka Peresidena o kela wa o Amerika Huipuia e kanaka kumakaia. A o kekahi mamala olelo o ia hoike manao wiwo ole ana, oia kela: “I ka wa o Grover Cleveland i kauoha ai e hookuu ia ilalo na hoku a me na kahakahana ma Honolulu e kana holholna kolo Blount, ua lawlawe oia i kekahi hana ino haalele loa e like la me ka mea nana i hoonekoneko i ka inoa o Benedict Arnold ke kipi a maea i na pukaihu o ka poe aloha aina. O Benedict Arnold, oia ke kanaka Amerika kipi mua loa a o Grover Clevelana ka hope loa. Ma kela hope aku e pono e kaulua ia na inoa o Arnold a me Cleveland malalo o ke kua hookah. Me he mea la ua hohena ia ka peresidena me ka makemake e hoohaahaa i ka lahui Amerika a hoolako aku i na mea ai e like me ka makemake o ka lahui kuwaho. Aohe kanaka Amerika e hiki ke noonoo no keaha la o Beritania Nui e mahaoi mai ai ia Nicaragua, me ka ike ole i ka hilahila. Ua noi ka lahui Amerika e hooko aku i ke kahua kumu a Monroe, oia ke kipaku aku i na aupuni o Europa i ke kukulu kahua ana iho ma ka poepoe Amerika, aka ua noho okuu ihe o Cleveland me he pauku laau la, a nana maka aku la i ka hana mahaoi loa a ko kea o nei i ike ai e hoohaahaa ana ia Nicaragua. Ua komo kaua @ ikaika mai o Beritania Nui maluna o ka lepo o Amerika ma Corinto, a he mea pono e kue ia aku kana hana e like me he mea la ma Nu Ioka kahi i hana ia ai aole ma Corinto. Ke hakaka nein a kanaka o Cuba no ko lakou kuokoa e like loa me ko na Amerika mau kupuna i hakaka ai i na Beritania hookaumaha wale, aka ua kuu aku oia e nana mai la Grover Cleveland e hoopuka ana i na kuahaua a e hoounauna ana i na mokukaua Amerika, e hoomau no i ke kaua kipi hookaumaha a Sepania maluna o na a I o na poe aloha aina mokupuni. Kukulu oia i na mokukaua holo o Amerika ma na kapakai o Ferolida e keakea i ka puka ana aku o na kokua i ka poe aloha aina, aka aohe nae he mokukaua kaawale o ua peresidena nei @ ka wa i kipu a alualu ia mai ai ka mokuahi kalepa Alliance e pulelo ana ka hae o na hoku a me na kahakahana: a ua @ pu aku oia no ko ke Kuhina nui koi ana ia Sepania e mihi mai no la hana hoohaahaa.”
O ka mea nana kela haiolelo oolea a wkani, ola kekahi o na kahuna pule naauao o Ferolida, a ke olelo la nei he piliana no ke Senatoa kaulana J. T. Morgan o ka Ahaolelo Senate nui o Amerika Huipuia.