Ka Nupepa Kuokoa, Volume XXXIV, Number 20, 18 May 1895 — Page 3
| This text was transcribed by: | Kerri |
| This work is dedicated to: | no na kupuna |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
@ a Mahope aku o Iune 1, 1893
[image]
NA KAA AHI
HONOULIULI
B B A D
A.M. P.M. P.M. P.M.
@ IA HONOLULU . . . . . . . 8:45 1:45 4:35 5:10
@ IA MANANA . . . . . . . . . 9:30 2:30 5:10 5:56
HIKI I HONOULIULI . . . . .9:57 2:57 5:36 6:22
NO HONOLULU.
O B B A
A.M. A.M. P.M. P.M.
@LELE IA HONOULIULI.. 6:21 10:43 3:43 5:42
@LELE IA MANANA . . . . 6:55 11:15 4:15 6:10
HIKI I HONOLULU . . . . . . 7:30 11:55 4:55 6:45
A No na Poaono wale no.
@ o kela ame keia la.
@ Koe na ia Sabati.
@ Koe na P@one.
He $20
Makana
E haawi ia i kekahi mea a mau mea paha nana e hoike mai i kekahi ike e ahewa ia ai kekahi mea nana i haihai i ka Waea kamailio o ka Mutual Telephone Co. ma na Koolau, Oahu.
MUTUAL TELEPHONE CO.
2543-4
NU HOU HAWAII
He 86 ka nui o na mai pupule ma Kalaepohaku ma ka hapaha e pau ana i Maraki 31.
E hoi aku an aka Papa Ola maloko o ke keena makai iho o ke keena Ahaolelo kahiko ma Aliiolani Hale.
I ka la 16 o Mei nei, ma Honolulu nei, ua hanau mai ka wahine a Lunahooponopono nupepa Norrie, he keikikane.
Ua hoolaha mai nei ke Kuhina Kalaiaina, he la kulaia aupuni no ka Repubalika ka la 11 o Iune, a e paniku ia na hale aupuni ma ia la.
E hoomanao ana na Beritania ma Honolulu nei a me ka lakou mau mamo i ka la hanau o ka Moiwahine Victoria ke hiki aku i ka la 24 aenei o Mei.
Ua komo kolohe ia ka hale noho ma alanui Kula o Manuel Souza pukiki i ka po Poakahi nei, a ua aihue ia aku he $27. Aole i loaa ka piko pau i ka iole.
O ka nupepa "Bulletin" haole o keia kulanakauhale, e hookele ia'ku ana ma keia mua aku malalo o na limahana hou, a ke paiia nei ma ka Halepai o ke KUOKOA.
Eia ke Kolonela hou o ka Puali Koa Kiai Lahui Hawaii ke hoohana mai nei i kana hana ike he paikau k@ a me ke kula ana i ka ike lawelawe ki pukunialo i na koa kuumau.
Ua lohe ia, he piha ohua nui ka ka mokuahi "Australia e hoohikihiki mai ai i Honolul mei ma kana huakai e ku mai ai ianei i ka la 27 o Iune. O ka hapanui o lakou he poe kumukula e holo makaikai mai ana.
Ua hala aku ka mokuahi "Kauai" i ke ahiahi Poaha nei ma kana hua @i hoau mua loa ma keia mau kai no Hanamaulu Kauai, me ka piha ukana papa. A o Kapena Campbell ke alamoku naua i hookele aku la ma keia huakakai.
A ka Poakahi aenei e kapalulu mai ai ka mokuahi holo "China" ma keia awa mai Honokaona a me Iokohama mai, a e kauloa iki ana no kekahi mau hora, alaila kikaha loa aku no ke awa Ipuka Gula o Kapalakiko.
Ua okioki ia i ka pahi ka wahine @paoa a Dohi e kekahi Iapana opio o Nawiliwili, i ke kakahiaka o ka la 11 o Mei, oiai ke kane ua hala aka mai ka hale. @e lapaau @ la ka wahine popilikia @loko o ka halemai e ke kauka haole.
O ai puali e hookahakaha ana i ka hora 3 a me ka @ o keia auina la Poaono ma k @ i ahua kinipop@ o Makiki, oia o Kamehameha a me @leia. Oi@i akahi no a halawai kela mau bitari ma ke kahua mokomoko, nolaila e hooikaika ana kela a me keia e hoike pau ae i ko lakou @ni hou, hahau, hopu a me holo ai puni ana. Aoho kanalua no ka @ui o ka poe makaikai e hele ae ana e ike kumaka i ka paani o keia la.
Ke upu ia aku nei, e ku mai ana ka mokuahi "Miowera" ma Kou nei i ka ia hanau aenei o ka Moiwahine Victoria, Mei 24, mai na awa mai o Victoria a me Vanekouwa ma Beritania Colomebia, a e kukini loa aku ana no Fiki a me Kikane, kona mau pahu hopu ma ke panalaau o Ausetaralia.
Ke noi mai nei ko Wainiha ma Kauai a me Waialua ma Molokai i ka Papa Hoonaauao, e kukulu ia ona mau kula olelo Beritania ma ia mau wahi. Aia ma Wainiha he 40 paha mau kamalii, a ma Waialua hoi, maluna aku paha o ke 30 kamalii. Haawi ia aku ka naauao namu a nui, no ka mea, oia ka olelo ola mau e pomaikai ai.
Eia ke kamakamailio nui ia nei e na nupepa ka pono e loaa ia loko ponoi iho o na mokupuni nei, ka ahailono awiwi e lohe koke ia mai kekahi mokupuni a i kekahi. Ke hapai ia mai nei ka noonoo o ka ahai leta manu nunu a me kekahi ano hou i hoaoao ia ma na aina kuwaho, e lawe mai i o kakou nei.
No ka nui loa o na hana hookamakama e lawelawe ia nei e na wahine Iapana ma Honolulu, nolaila ua hoouna aku ka Hope @amuku i ka Papa Ola i kona manao hoomaikeike he mea pono e hookaawale ia ona wahi no ia hana i mea e hiki ai i na makai ke kiai aku. Ua kukakuka ka Papa no keia manao, aka ua hoopanee lakou me ka hooholo ole i kekahi mea.
Ua lawe ae kekahi haole i kona ola i ka po Poaono aku nei i hala, ma kona wahi i noho hope iho nei ma Manoa; ma ka inu nui ana i ka laau opiuma a oi aku i ka mea kupono. O kona inoa o J. Markle no Lahaina paha mamua i kahi manawa. I ke kakahiaka Sabati ae, ua loaa aku oia iloko o kona keena moe ua make me ka omole laau opiuma ua inu ia a hapalua a me kekahi omole Waiseke e waiho pu ana. Ua malama ia he aha kiure nieniele maluna o kona kino i ka la Sabati nei a ua hooholo ke kiure ua make oia no ka inu nui loa ana i ka laau opiuma. Nolaila, na kona lima i naauaua iaia iho no kona makemake ole paha e ola loihi aku.
Ua hala aku i ka make i ka Poaono i hala, Mei 11, o J. Vanderbilt Simonson ma kona wahi ma alanui Liliha Honolulu nei, i ke 47 a keu o kona mau makahiki mai ka ma'i a na kauka i puhili ai ka ike lapaau. Ua hiki mua mai oia i keia paeaina i ka 1882 a ua hoohana ia e ka Hui o Hackfeld Ma o keia kulanakauhale, ma ka hana pili i na moku ahi o ka Hui Hooholo Mokuahi Pakipika. Mamuli o kona noho loihi ma keia hana, ua kamaaina a launa nui oia me ko Honolulu nei poe a ua lualai hoi kona noho makamaka ana me lakou. Ke olelo ia nei, he pilikana oia i kela haole waiwai ni o Nu Ioka o Vanderbilt. Ua make kana wahine mare he umi aenei paha mau makahiki i hala, aka aia no kana keikikane hookahi ke ola a hoonaauao ia la ma Nu Ioka, nona na makahiki he umikumamaha paha i keia wa. Ma ka hora 4 a mahope iho o ke ahiahi Sabati i hala, ua manele ia aku kona kino kupapau i ukali ia e ke kaoo nui o kona mau hoaloha a kanu ia ma ka ilina o Maemae.
La Hoomanao na Iapana.
O ka Poaono iho nei i hala, Mei 11, oia ka la a na Iapana ma Hawaii nei i hoomanao ai i ko lakou hehiku ana ia Kina, kekahi o na aupuni nui o ke ao nei i pookela ma ka nawaliwali a me ke kupaa holomua ole. Ua huliamahi na Iapana o Oahu nei e kulaia ma ia la a ua hooko ia ko lakou iini i hiipoi ai. Ua hihipea na alanui o keia kulanakauhale me na hae a me na kukui o ke aupuni "La Puka," (Rising Sun).
Ma ke kakahiaka o ia la, ua hoakoakoa ae na Iapana i kahikoia me na aahu o na koa moana, a he hulali a panio maoli ke nana aku i ua poe keiki la ia lakou e hookaliakaha ana ma ko lakou kahua hoomoana makai o ka Makeke. Ua kapiliia me ka noeau lua ole kekahi mokukaua he 18 kapuai ka loa, i uhiia owaho me ke kapolena, a o "Shinodi Kau" ka inoa o ua moku la. He Iapana umiumi ioihi me na nanaina piena ko luna o ka moku ma ke kulana Adimarala a me na aliimoku e ae. He huila kaa ko lalo o ka moku a he Kepani ka mea nana e huki i ke alanui.
Ma kahi hoolulu kaa ahi ma ka uapo e Haaliliamanu i hui ai ka puali o na koa aina. O na koa kaua lio maluna o na lio me na pahi tini piula e hilikau ana ma na aoao, o na koa pukaa hoi e kauala ko ana i na pukuniahi laau, a me na koa hele wawae, ua maki aku keia puulu a hui aku la me na koa manuwa a me ka manuwa ma kahi o ke Kanikela Kenerala Iapana Shimizu ma ke alanui Nuuanu. Malaila i pahola mai ai ke Kanikela i kona mau hoomaikai i kona lahui i ohohia aku no ka hoomanao ana i kekahi la haaheo kamahao illoko o ka moolelo o Iapana.
Mahope iho o ka hora 11, ua nee aku keia huakai nui i waho o Kewalo ma alanui Moi, a malaila i hue pau ai na keiki o ka hikina i ko lakou noeau ma na hana hoohiwahiwa hookelakela. Ua kau ia he pio nui ma ka puka e komo aku ai iloko, he nui na wahi a ka manao e ake ai e ike.
Mamua nae o ka hiki ana aku o ka huakai iwaho o Kewalo, a mamua pono iho o ka hale noho Sam Nowlein, ua hana apakee a hoonunuha ka mokukaua. Ua hoao ka wiliki i kona ike, aka ua hapakue ka huila, a kuu ia ka heleuma o ka moku malaila me ka welo haaheo no nae o na hae. Ua auina la, paa i ka hana hou ia a lawe ia ae ana i kahi o ke kahua hoikeike. Ua nui ke kahaha ia o keia mau ouli kamahao.
[image]
GORO NARITA.
Ma ka lanai hulahula i malama ai o Kanikela Shimizu i kekahi anaina nui. O Goro Narito, kakauolelo a ke Kanikela, oia ka Ilamuku nui o ka la, a ua holopono na hana malalo o kana mau hookele ana.
Malaila no hoi o Prof Berger me ka bana Hawaii kahi i hooheno ae me na leo mele o Iapana. Eia ke ano nui o ka haiolelo a Goro Narita ma ia la:
[image]
KE KII O KA MEA HAIOLELO.
"I ka wa i owaka mua ai ka waha o ko kakou Emepera, e kuahaua ana ia kakou e kupaa no ka pono pilipaa o ko kakou aina, ua oia mau ko oni imua. Mai ka hoomaka mua ana o keia hahana, mai ke kahua kaua moana weliweli o Yalu a i ka lawe pio ana i ka papu o Wei-Hai-Wei, he mea ole ka wela o ka la a me ke anu hui o ka makani akau ia oukou, aole he wa a oukou i kaohi mai ai i ko oukou mau kapuai no ka hele ana imua a loaa ka hanohano. Ua kuilima pu ka wiwo ole o na koa me ka wiwo ole o na 'liikoa. Ua hookahaha ia ke ao nei i ka wiwo ole kupainaha o na Iapana. A like me ka makani Kona e lulu ana i na laau, pela na mokukaua a me na koa aina i nee ai imua, hookunahihi ia na enemi, a hiki ole ke hana mai. Nolaila, na ka noeau i awili ia me ka puuwai koa i kono aku i na aupuni nui e mahalo a e hiipoi mai ia Iapana, e pela kakou e ike ia mai ai e na aina mamao ma ke kulana naauao. Nolaila ke poloai aku nei au ia kakou a pau e komo lokahi iloko o ka hauoli no ka lanakila hanohano o ko kakou aina."
He poe Iapana e ae no kekahi i haiolelo. A ua nui ka hauoli a me ka hauoli o ua poe keiki nei o ka La Hikimai.
I ka pau ana o keia, ua nee aku na poe makaikai i ike i na Iapana hakoakoa. He Kepani nui puipui no Honouliuli mai ma ka moho helu ekahi o ka la, ua kohu opala na poe a pau iaia.
Ma kekahi wahi i malama ia ai na lealea heihei kukini a pela aku.
O kekahi mea kamahao nae i hana ia, oia no ke kaka pahi a na Iapana me na pahi o i hana ia me na ohe loloa. Ho eleu maoli no keia poe i ka oniu ana i na ohe i o a ia nei, a he eha maoli no ke loaa mai ka hoa paio. Me ka ikaika a pau o ke kino e uhau ai a e pale ai, a hapa no kou ike, loaa mai la i ka maka ohe a ke akamai.
Ua nui na Iapana i maamaalea ma keia oihana. Ma ka panina o na hana i hoike ai na moho akamai loa i ko laua ike kaka pahi, a ke nana aku me he mea la na ka uwila e oniu ana na puna ohe, he keu aku o ka piha eleu a me ka niniu lua ole.
Ua malama na Iapana i keia la me ka maluhia loa, a he mea kahaha i ka ike ana i na Iapana a pau e hoolohe ana i ko lakou mau alakai. Ua papa ia ka inu ana i na waiona, a ua hoeko na Iapana a pau. He hana kamahao keia i ike ole ia mawaena o keia lahui mamua, a pela i hiki ai ia Iapana ke huipa ia Kina, no ka mea, ma keia kau he hookahi manao, hookahi puuwai o ka lahui Iapana.
Ua malama na Iapana i ko lakou la me ka maluhia laahia, aka ua nui ka ehaeha o ka mea kakau, oiai ma ia ahiahi iho no, ua ike maka oia i kekahi mau wahine o kona lahui ponoi e hikaka ana no ka ona.
Ke lohe ia nei, e hoao ana kekahi loio i ke ku malalo o ke kauawai o ka hoopaahao ia ana o na pio kalaiaina i hookolokolo ia ai a ahewa ia malalo o ke kanawai Koa, ma ka lawe ana i kekahi hihia hookahi imua o ka Aha Kiekie.
E heluhelu i keia malalo iho i lawe ia mailoko mai o ka palapala a Chas. M. Gutfield @ Reedley, Fresne Co. Cal.
"Me ka hauoli au e hoike aku nei ma ko'u inu ana no hookahi la i ka CHAMBERLAIN'S Laau Kunu, ua hoola i ke kunu koikoi i loaa ia'u. Ua nalulu ino loa ia ko'u poo a hiki ole ke moe i ka po. Ke hoikeike aku nei au i keia laau laapau ola. O ke anu i kokoke loa e komo iloko o ke poo a mahope hoohele aku i ka puu a me na ake. Ma o ka inu ana la i keia laau i ka wa koke e loaa ai i ke anu, e hoola koke ia i ka wa pokole a keakea ia ke komo loa ana aku iloko o na ake. E loaa keia laau ma na Halekuai Laau Lapaau a pau, a o BENSON, SMITH & CO. na Agena ma ko Hawaii Paeaina. tf.
---***---
I ka haulelau o ka 1893, loaa iho la ke keikikane a Mr. T. A. McFarland, he haole kalepa ano maka hanohano o Live Oak, Sutter Co. Cal. i ka mai kunu koikoi loa. Mamuli o ka ikaika loa o ka eha ma ka umauma ua loohia i ka umii a me he mea la e loaa ana i ka wela ma ke akemama. Ua hoohainu aku kona makuakane i na olopu nunui lehulehu o ka CHAMBERLAIN'S Laau Kunu, a pela i pau ai a ola loa ke kunu. Ke olelo nei o Mr. McFarland i na wa a pau e loaa ai kana mau keiki i ka nae e haawi ana oia ka CHAMBERLAIN'S COUGH REMEDY (Laau Kunu Ola), a he ola io maoli no. Ke manao paa nei oi he laau kunu oi loa keia ma ka makeke. E loaa no ma na Halekuai Lapau Lapaau a pau, a o BENSON, SMITH & CO. na Agena ma ko Hawaii Paeaina. tf.
Hoolaha Hou.
Hoolaha i ka Poe i Aie ai.
O NA mea nona na inoa malalo iho ua hookohu pono ia mai i LUnahooko Kauoha a me Lunaponopono Waiwai me ka palapala hooiliua i hoopiliia o P. P. Kauoa o Honolulu, Mokupuni o Oahu i make. Nolaila, ke hoolaha ia aku nei ka lohe i na mea a pau ana i aie ai e waiho mai i ko lakou mau koi i ka waiwai o ua P. P. Kanoa ia, i hoo aio pono ia, ina paha ma ka moraki a ano e ae, ia Cecil Brown, ma kona keena oihana ma Alanui Kalepa Honolulu, maloko mai o na malama eono, a i ole ia e hoole mau loa ia aku no. A o ka poe a pau i aie mai i ua waiwai la, ke kauoha ia nei lakou e hookaa koke ae i ka mea nona ka inoa malalo iho.
KALEIPUA KANOA,
Lunahooko Kauoha. Cecil Brown Lunahooponopono Waiwai o P. P. Kanoa i make.
Honolulu, Mei 13, 1895.
2546-4
Hoolaha Hoololi o ka Inoa.
O MAUA, na mea nona na inoa malalo iho, e lawelawe oihana kalepa ana ma na Helu 204 a me 206 Alanui Papu, Honolulu, malalo o ka inoa a me ka Hui o T. YOTSUMOTO a me S. KASAMATSU, ke makemake nei e hoololi i ko laua inoa hui a i ka "PACIFIC TRADING CO." O na lala o ua Hui la, oia o T. Yotsumoto e noho ana ma Honolulu, a me S. Kasamatsu e noho ana ma Honolulu.
E like me ka mea i ike ia ma ka hoolaha maluna ae, o ka oihana i lawelawe ia ai e maua ma kahi maluna ae malalo o ka inoa a hui o "Itohan," ua hoololi ia i keia la a o ka "Pacific Trading Co.," a malalo o ia inoa e lawelawe ia aku ai ka hana ma keia mua aku.
T. KOTSUMOTO,
S. KASAMATSU.
2546-2
Hoolaha i ka Poe i Aie ai.
UA HOOKOHU pono ia mai ka mea nona ka inoa malalo iho i lunahooponopono me ka palapala kauoha i hoopili pu ia no ka waiwai o William A. Aldrich, o Plemont, Alameda County, California, i make, ke hoolaha aku nei i na poe a pau e waiho mai i ka lakou mau koi i ka waiwai o ua William A. Aldrich la, me na hooiaio kupono, ina paha ma ka moraki a ano e ae, ia Wm. F. Allen ma kona Keena ma Alanui Kaahumanu, Honolulu, Mokupuni o Oahu, maloko mai o na malama eono mai ka la aku e hoolaha ia ai, a i ole ia e hoole mau loa ia aku no. A o ka poe a pau i aie mai i ka waiwai o ka mea i make, e hookaa koke mai i ka mea nona ka inoa malalo iho.
W. F. ALLEN,
Lunahooponopono Waiwai me ka palapala kauoha i hoopili pu ia o William A. Aldrich, i make.
Honolulu, Mei 13, 1895.
2546-4
Hoolaha Hooko o ka Moraki a me ke Kuai.
KE HOOOLAHA ia aku nei ka lohe i na mea a pau, i kulike ai me na hooko a me ka mana i hookomoia iloko o kekahi moraki i hana ia e S. KALAHIKI k, ia J.S. Canario, ma ka la 18 o Dekemaba A.D. 189@, kopeia ma ke Keena Kakau Kope Buke 145 aoao 391 a me 392, ke manao nei o J. S. Canario e hooko aku i ua moraki la no ke kumu ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei ka lohe mahope iho o ka halo ana o na hebedoma ekolu mai ka la aku o keia hoolaha ana, o ka waiwai i paa maloko o ua moraki la e hoolaha ia aku no e kuai ma ke kudala akea ma ka hale hookolokolo ma Hilo, Mokupuni o Hawaii, ma ka la 10 o IUNE, A.D. 1895, hora 12 awakea.
O ka waiwai i paa ma ua moraki la, penei ke kuhikuhi ana:
O keia pana aina a pau e waiho la ma Mokuhonua, Hilo, Hawaii, i hoolilo ia mai i ua Kalahiki nei mai a T. J. Linch a me Anne kana wahine, Uala a me Kailiula, i kopeia ma ke keena Kakau Kope ma Honolulu Buke 79 aoao 302 a me 303, a nona ka ili he 1 93-100 mau eka, oi aku a emi mai paha.
J. S. CANARIO,
No na mea i koe, e ninau ia Hitchcock a me Wilder, na Loio e paa nei i ka moraki, Hilo, Hawaii.
2546-3
NA KANAKA Dr. LIEBIG & CO. Na Kauka no na mai Kuluma Malu a me Kuulala.
O ka Dr. Liebig laau hooikaika kino oia ka laau lapaau hoola maikai loa no ka nawaliwali, ka emi o ke ano noonoo kanaka makua a me na mai malu, ka hoopio awiwi ia mai a me ka hoomakaukau no na hana o ka noho ana mare, ka oluolu a me na koikoi. He hookahi omole $1 hoao e haawiia mai ai a e hoouna ia aku paha me ka uku ole i kela a me keia mea e hoike mai ana i na hiohiona mai. E kipa a i ole e @eta mai ma 409 Geary St., puka komo 405 Manson St. San Francisco. 2507-ly
Hoolaha Hou.
Hoolaha Hui.
KE HOOLAHA ia aku nei ka lohe i na mea a pau, ua hoohui ae nei na mea nona na inoa malalo iho malalo o ka hui a me ka inoa o Brown a me Kubey. O ia hui ana, @e hoomaka mai Aperlia 4, 1895 mai.
J. T. BROWN,
S. KUBEY,
Honolulu, Mei 15, 1895.
2546-2
C. E. Williams & Son.
HELU 611 : : : : ALANUI MOI.
Mauka mai o ka Pa Kuai Papa o Lu me Kuke.
Na mea kuai ma na
LAKO HALE a me na MOE
o na ano a pau ma na
KUMUKUAI HAAHAA LOA.
Na mea HANA PAHU KUPAPAU a me IALOA. Na Pahu Kupapau hookomoia mai iloko nei o ka aina, i oi ae ka nani mamaua o na pahu kupapau hanaia maanei no ka $3.00 a pii aku iluna.
Kaa Kupapau no ka hoolimalima, a o ka oi o ka nani ma keia kulanakauhale no ka $5.00.
Na He Kupapau a me na Kia Hoomanao.
Telephone 179. 2543-tf
Hoolaha Hooko o ka Moraki a me ke Kuai.
KE HOOLAHA ia aku nei ka lohe i na mea a pau i kulike ai me na hooko a me ka mana o ke kuai i hookomoia iloko o kekahi moraki i hanaia e ka Dailey Bulletin Publishing Company ia C. O. Berger, Kahu, ma Sepatemaba 1, A.D. 1892, Kopeia ma ke Keena Kakau Kope o ke Aupuni Buke 139 a ma na aoao 197--199, a i hoolilo ia aku e ua C. I. Berger la ia W. F. Allen, Kahu, ma ka palapala i hanaia i Dekemaba 28, 1894, kopeia ma ua Keena Kakau Kope la Buke 139 aoao 197, ke manao nei ka mea nona ka inoa malalo iho, ua Wm. F. Allen la, e hooko aku i ua moraki la no ka uhaiia o ka aelike, oia ka hookaa ole ia o ke kumupaa a me ka ukupanee i ka manawa e hookaa ai.
Ke hoolaha hou ia aku nei ka lohe mahope iho o ka hala ana o na hebedoma ekolu mai ka la aku o keia hoolaha ana, alaila e kaai ia aku no ma ke kudala akea ka waiwai i paa maloko o ua moraki la ma ka hale kudala o Lewis J. Levey, ma Honolulu, Oahu, ma ka POAONO, la 15 o IUNE, A.D. 1895, hora 12 awakea o ia la.
O ka waiwai i paa maloko o ua moraki la, oia keia:
Na Nupepa "The Daily Bulletin" a me ke "Daily Bulletin Weekly Surmary," he No. 5 Cotrell Press No 6050, hookahi Brenner Power Press, 2 Golden Jobber Presses, hookahi Card Cutting Machine, he Paper Cutter, na pokakaa, na ili pokakaa a me na mekini, a me ke balaka mabela, na pohaku, na ku, na wahi waiho hua kepau, na rula, a me na hua kepau a pau, na lako hua kepau, pepa, inika, na mea paahana, na mea hana, na mea pai a me na lako hale a me na mea e hiki ai ke hana a me na lako pai, a me na lako hale a pau, na pakaukau, na pakaukau ku a me na lako, a me na mekini e ae a pau, na mea hana, na lako a me na mea paahana i pau akoakoa a pau maloko o ka halepai 1 ike ia "The Daily Bulletin Plant."
WILLIAM F. ALLEN,
Kahu.
Honolulu, Mei 16, 1895.
546-4
Hoolaha Hooko o ka Moraki a me ke Kuai.
KE HOOLAHA IA AKU NEI KA LOHE I na mea a pau, i kulike ai me na hooko ana o kekahi moraki i hana ia e KAIMI POLOHAU (w) a me POLOHAU KAHULA (k) ia C. Meinecke ma Dekemaba 16, 1889, kopeia ma ke Keena Kakau Kope Buke 123 aoao 30 a me 31, a o ua moraki la ua hoolilo ia aku e ua C. Meinecke la ia F. A. Schaefer & Co. ma o kekahi palapala la i hana ia i Dekemaba 4, 1890, kope ia ma ke Keena Kakau Kope Buke 123 aoao 30, a mai ua F. A. Schaefer & Co. la i hoolilo hou ia kau ai ia C. Meinecke ma ka palapala i hana ia i Feberuari 25, 1895, kope ia ma ke Keena Kakau Kope Buke 123 aaao 30, a o ua C. Meinecke la ke manao nei e hooko aku i ua moraki la no ka uhaki ia o ka aelike, oia ka hookaa ole ia o ke kumupaa.
Ke hoolaha hou ia aku nei ka lohe, o ka waiwai i paa maloko o ua moraki la, e kuai ia aku ana ma ke kudala akea ma ka Hale Kudaia o Jas. F. Morgan ma Honolulu Mokupuni o Oahu ke hiki aku i ka POAONO, la 18 o MEI A.D. 1895, hora 12 awakea o ia la.
O ka waiwai i paa maloko o ua moraki la, oia meia malalo iho: O na pono, na pomaikai a me ke kuleana a pau o Polohau Kahula a me Kaimi Polohau iloko o keia apana aina e waiho la ma Kiolakau Manono Kau Hawaii, oia ka aina i kuhikuhi pololei ia ua palena maloko o ka Palapala Sila Nui Helu 1531 ia Kaluapela, nona ka i@i he 91 5-10 mau eka.
O na pono a pau, na pomaikai a me ke kuleana o ua Polohau Kahula la a me Kaimi Polohau iloko o ka Hapalua i mahele ole ia o kela apana aina e waiho la ma Kiolaka, a i kuhikuhi pono ia maloko o ka Palapala Sila Nui Helu 1532 ia Kamailii, nona ka ili he iwakalua kumamakolu (23) mau eka.
C. MEINECKE.
No na mea i koe, e ninau ia Carter & Kinney na lolo no C. Meinecke.
Honolulu, Apr. 3, 1895. 2544-3
Ua hoopaneeia keia kuai a ma ka la 18 o Mei ma ka hora a ma ia wahi hookahi.
Hoolaha Hooko o ka Moraki a me ke Kuai.
KE HOOLAHA IA AKU NEI KA LOHE I na mea a pau, i kulike ai me na hookoana o ke kuai i hookomo ia iloko o kekahi moraki i hana ia e KAAPA (w) a me KAALOKAHI kana kane ia Alexander Hutchinson, ma ka la 3 o Iune A D 1873, kope ia ma ke Keena Kakau Kope o ke Aupuni Buke 55 aoao 111 a me 112, a o ua moraki la a me ka nota a me ka aie i paa malaila, ua hoolilo ia aku ia J. O. Carter a me J. S. Walker, na lunahooko kauoha o ka palapala kauoha a ua Alexander Hutchinson la ia W. G. Irwin a me Claus Spreckles, na hoahui malalo o ka hui nona ka inoa "W. G. Irwin & Co." ma ka palapala i hana ia i Feberuari 28 A D 1881, kope ia ma ke Keena Kakau Kope Buke 70 aoao 1 a me ka palapala i hana ia Feberuari 28 A D 1881, kope ia ma ua Keena Kakau Kope la Buke 70 aoao 2, 3, 4 a me 5 e W. G. Irwin & Co. a me kekahi poe e ae i hoolilo ia aku i ua Mahiko la o Hutchinson, he Hui Hawaii i hoohui ia ma ka la 28 o Novemaba A D 1884, kope ia ma ke Keena Kakau Kope Buke 93 aoao 16, 17 a me 18 a mai ua Hui aku la ua hoolilo aku ka Hui Mahiko Hutchinson ia Louis Sloss ma ka palapala i hana ia ma Iune 1 A D 1889, kope ia ma ke Keena Kakau Kope Buke 119 aoao 120 a me 121, a mai ua Louis Sloss la i hoolilo ia aku ai i ka Hutchinson Sugar Plantation, he hui i hoohui ia malalo o na kanawai o ka mokuaina o Kaleponi Amerika Huipuia ma ka palapala i hana ia i Iune 11, 1889, kope ia ma ke Keena Kakau Kope Buke 118 aoao 376 a me 377, o ua hui hope la ka poe nona na inoa malalo iho, ke manao nei e hooko aku i ka moraki no ka uhaki ia o ka aelike, oia ka hookaa ole ia o ke kumupaa a me ka ukupanee maluna o ka nota aie a me ka aie i paa maluna o ka moraki.
Ke hoolaha hou ia aku nei ka lohe, o ka waiwai i paa maloko o ua moraki la e kuai ia aku ana ma ke kudala akea ma ka Hale Kudala o Jas. F. Morgan ma Honolulu Mokupuni o Oahu, ma ka POAONO, la 13 o APERILA, A D 1895, hora 12 awakea o ia la.
O ka waiwai i paa maloko o ua moraki la, penei ke kuhikuhi ana malalo iho:
O na pono a pau , na pomaikai a me na kuleana o ua Kaapa a me Kaalokahi la iloko o kela aina a pau o Kawala, Kau, Mokupuni o Hawaii, oia ka Apana 1 iloko o ka Palapala Sila nui Kuleana @oona Helu 620 ia Laweliilii a nona ka ili he umikumawaiwa (19) mau eka.
THE HUTCHINSON SUGAR PLANTATION COMPANY.
No na mea i koe e ninau ia Carter & Kinney na loio no ka Hutchinson Sugar Plantation Company.
Kakauia ma Honolulu, Maraki 12, 1895.
2537-tf
E Haawi i na keiki Ai Waiu He Ai Hooulu Oi Lo@
A ME NA POE OMAIAI No ka hooulu Kamalii
Ka Hoopohaia mai an
Na Mai Ake Pau
Na Opu Ai wali ole.
MELLIN'S a me na'elemakule loaa i na
for and Nawaliwali
INFANTS INVALIDS -----
TRADE MARK ---HE---
FOOD AI MAIKAI LOA
I ka Mea Ai. o na Pokii Hanai Lima ia
BENSON, SMITH & CO.
Na Arena sale no ko Hawaii P
Hoolaha Hou.
HOOLAHA.
MA keia ke hoolahaia aku nei no, mahope aku o keia la, aole e ae ia kekahi mea a mau mea paha e komo ma ko makou wahi ma Manoa, Oahu, mahope aku o ka hora 8 ahiahi. O ka poe e kue ana i keia e hoopii ia no ma ko Kanawai.
Hanaia ma Honolulu, Aperila 22, 1895.
HOP WO SING CO.
2543-4
GOO KIM
411 Alanui Nuuanu.
MEA HOOKOMO MAI A KUAI AKU I NA Lole Europa a me Pake a me na lole o na ano a pau. Ma na moku i ku hope mai nei, ua loaa mai ia makou na waiwai lawa pono o na PAPALE WAHINE i kau ia i ka lipine a me na papale i kau ole ia i ka lipine, na LOLE KANE o na ano a pau o ke ano maikai hou loa.
E kipa mai i o'u e ninau mua ai no na lole maikai a me na ano SILIKA waihooluu like ole. 2537-1yr
HOOLAHA HUI.
Ma ka halawai o na poe mea kuleana iloko o ka Hui Kukuila o Hilo i kaupalenaia, i malama ia ma Hilo, Novemaba 6, 1894, ua kohoia na luna malalo iho no ka makahiki e hele nei, a hiki i ka wa e kohoia ai n a hope,
FS Lyman . . . . . . . Peresidena
WS Terry . . . . . . . Hope Peresidena
CH Wetmor . . . . . . . . Puuku
CW Hill . . . . . . . . . . Kakauolelo
AG Curtis . . . . . . . . Luna Hooia
CHAS. W HILL.
Kakauolelo.
Hilo, Hawaii, 10, 1894. 2544-3
Hoolaha a ka Lunahooponopono Waiwai.
UA hookohu pono ia mai ka mea nona ka inoa malalo iho i Luna hooponopono Waiwai no ka waiwai o Keone k., i make kauoha ole ma Hilo, Mokupuni o Hawaii. Ke hoolaha aku nei i ka poe a pau he mau koina ka lakou i ua mau waiwai la, e waiho mai i ka mea uona ka inoa malalo iho ma Aleamai, Hilo, Hawaii, maloko mai o na malama eono mai keia la aku, a hala ia mau la e hoole mau loa ia aku no. A o ka poe he aie ko lakou i ka mea i make, ke kauohhia aku nei e hookaa koke mai i ka mea nona ka inoa malalo iho.
D. KAMAI,
Lunahooponopono o ka Waiwai o Keone.
Kakauia ma Hilo Apr. 21, 1895.
2543-tf
Hoolaha a ka LUnahooponopono Waiwai.
Oiai ua hookohuia mai ka mea nona ka inoa malalo iho i lunahooponopono no ka waiwai o D. H. Heleina k, i make o Waiomao, Kau Hawaii. Nolaila, ke hoolahaia aku nei, o ka poe a pau he mau koina ka lakou i ka waiwai o ka mea i make, e waiho koke mai iloko o na malama eono mai keia wa aku o hoole loa ia, a o ka poe hoi i aie i ka mea i make e hookaa koke mai, a o ka poe e paa ana i kekahi waiwai o ka mea i make, e hoihoi mai i ka Lunahooponopono ma Waiohinu, Kau, Hawaii.
C MEINECKE,
Lunahooponopono Waiwai o D. N. Helelua i make.
Waiohinu, Hawaii, Apr. 23, 1895 2544-3
Hoolaha a ka Luhahooponopono Waiwa
Ua hookohu pono ia mai ka mea noua ka inoa malalo iho i LUnahooponopono me ka palapala kauoha i hoopiliia o G. Manukeokeo o Wailuku Maui i make. Ke hoolahaia aku nei ka lohe i ua mea a pau he mau koina ka lakou i ka waiwai o ka mea i make e waiho koke mai me na hooiaio kupono no ia mea i ka mea nona ka inoa ponoi malalo iho, a i ole ia i kona loio ia S F Chillingworth ma kona keena ma Wailuku Maui, maloko mai o na malama eono mai ka la aku o keia hoolaha, a i ole ia e hoole mau loa la aku no. A o ka poe a pau i aie mai i ka mea i make, ke ke kauoha ia nei lakou e hookaa koke i ka mea nona ka inoa malalo iho.
KEAPO MANUKEOKEO,
Lunahooponopono me ka palapala kauoha hoopiliia o G. Manukeokeo i make.
Wailuku, Maui, Apr. 27, 1895. 2544-4
Hoolaha Pooko o ka Moraki a me ke Kuai.
KE HOOLAHA ia aku nei ka lohe, i kulike ai me ua hooko ana a me na mana i hookomoia iloko o kekahi moraki i hanaia e J. W. Smithies o Naalehu, Kau, Hawaii, ia Wm. R. Castle, Kahu, o Honolulu, Oahu, ma Sepatemaba 27, 1893, kope ia ma ke Keena Kakau Kope o ke Aupuni Buke 145 aoao 231-232 a i hoolilo ia aku e ua Wm. Castle, kahu la, ia Wm. F. Allen kahu ma ka palapala i hanaia i Okatoba 18, 1893 kopeia ma ke keena Kakau Kope Buke 145 aoao 231, ke manao nei ka mea nona ka inoa mala@o iho Wm. F. Allen e hooko aku i ua moraki la no ka uhakiia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoke hou ia aku nei ka lohe, mahope iho o ka pau ana o na hebedoma ekolu mai ka la aku o keia hoolaha ana, alaila o ka waiwai i paa maloko o ua moraki la, e waiho ia aku no ma ke kudala akea ma ka hale kudala o Jas. F. Morgan ma Honolulu, ma ka POAKOLU, la 12 o IUNE, A.D. 1895, hora 12 awakea o ia la.
O ka waiwai i paa maloko o ua moraki la, oia keia:
O kela hookahi hapaha kuleana i mahele ole ia a ua mea la nana i moraki iloko o na aina e pili kokoke la i Naalehu malalo iho:
1. Palapala Sila Nui Helu 2116 ia Hilinai. He 31 7-10 mau eka ka nui.
2. Palapala Sila Nui Helu 2723 ia Hilinai a me Naonoaina, He 336 mau eka, o ka hapalua o keia.
3. Palapala Sila Nui Helu 2525 ia Ilama. He 298 1/2 mau eka, o keia aina hope ua hooliloia ia Hilinai ma ka palapala kuai a i kopeia ma ka Buke 54 aoao 486 a o ke kuleana o ka mea nana i moraki, ua kuai ia mai e Hokai ka hooilina o ka ekahi hapaha o ua aina ia ma ka palapala i kopeia ma ka Buke 141 aoao 44.
W. F. ALLEN, Kahu,
Mea i lilo mai ai ka moraki.
Honolulu, Mei 8, 1895. 2545-4
Hoolaha Hooko o ka Moraki a me ke Kuai.
KE HOOLAHA ia aku nei ka lohe i na mea a pau, i kulike ai me na hooko ana o ka maua kuai i hookomoia iloko o kekahi moraki i hanaia e LAUNUI APUNA (w) a me APUNA (pake) kana kane o Kau, Hawaii, ia C. Meinecke o ua Kau la, ma Maraki 10 A. D. 1894, kopeia ma ke keena kakau kope o ke Aupuni buke 147 aoao 148 a hiki i ka 150, a o ua moraki la, ka nota a me ka aie i hoopaaia ai ua hooliloia aku e C. Meinecke ia M. Boleman ma ka palapala i kakauia ma Aperila 2, A D 1894, kopeia ma ke Keena Kakau Kope o ke Aupuni ma na Buke 147 la, aoao 150, a mai ua M. Coleman la i hoolilo hou ia mai ai ia C. Meinecke ma ka palapala i hana ia Iune 16, 1894, kopeia iloko o ua Keena Kakau Kope la BUke 147 aoao 149, a ua C. Meinecke la ka mea nona ka inoa malalo iho, ke manao nei e hooko aku i ua moraki la no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee o ka nota a me ka aie i hoopaaia ai.
Ke hoolaha hou ia aku nei ka lohe i na mea a pau, o ka waiwai i paa maloko o ua moraki la e kuai ia aku aha ma ke kudala akea ma ka hale kudala o Jas. F. Morgan ma Honolulu, Mokupuni o Oahu, ma ka POAONO la 3 o Aug, A. D. 1895 hora 12 awakea.
O ka waiwai i paa maloko o ua moraki la oia keia: O na pono a pau, ke kuleana a me na pomaikai o ua Launui Apuna (w) la iloko o ke Ahupuaa o Waiamau ma ua Kan la a oia ka waiwai i hooliloia mai i ka mea nana i moraki aku ma ka palapala kuai a Puahi (k) ma Aperila 26, 1893, kopeia ma ke Keena Kakau Kope Buke 141 aoao 317.
C. MEINECKE,
Mea a paa nei i ka Moraki,
No na mea i koe, e ninau ia Carter & Kinney, na Loio o C. Meinecke.
Honolulu, Aperial 27, 1895
2542.tf
Ka HAwaiin :-
-: :- Gazette,
He Nupepa Namu Elua
Puka ana o ka Hebedoma,
ma na
POALUA a me POALIMA
e hoopuka ia nei e ka
Hui
HAWAIIAN
GAZETTE
COMPANY.
O ka Nupepa Kuloko Alakai keia ma ka Olelo Beritania e hoolahaia nei maloko o ka Paeaina a hala loa aku i na Aina E a ke heluhelu ia nei e na mea a pau ma na oihana na Halekula a komo loa iloko o na ohana.
Ka Uku Pepa Laulaha.
No ka Malama . . . . . . . . . . . . $ 50
No ka Makahiki Kuloko . . . . . . 5.00
" " Kuwaho . . . . . 6.00
Hana Helu 318.
Alanui Kalepa.
Pahu Leta O. Honolulu Oahu
2531-tf
Na Hua
Kuni
Inoa
Eia ka Hui Hawaiian Gazette Co., ke hana paka maoli nei i na Hua Kuni Inoa o kela a me keia ano, nui a liilii e like me ka iini a ka manao.
O keia mau Hua Kuni Inoa, ua lawa ia no ke kahakaha ana ma ke kanana a pepa e ae e hoailona ai i ka Inoa a kohu maluna o kekahi mea i makemake ia e kuni a kaha paha.
He like ole na uku o na Papa Kuni Inoa, no ka mea aia no ke kau ia o ka uku a maopopo ke ano o ka Papa Inoa au i makemake ai, he nui a he liilii paha. Aka he oluolu ka uku a he waipahe na kuka ana.
E kipa kino mai e nana i ike kumaka, a i ole ia e hoouna mai i na kauoha ma ke
Keena! Hana -- Ma ike i Halepai HAWAIIAN GAZETTE, Helu 318
Alanui Kalepa, Honolulu
2531-tf
Halepai
Hawaiian
Gazette.
O keia ka Halepai Nupepa Alakai o ke Kulanakauhale o Honolulu nei. Ua lako i na Hua Kepau o na ano a pau a ka makemake e ui ae ai.
Eia ma keia Halepai e pai ia nei ka Nupepa KUOKOA, a me Nupepa HAWAIIAN GAZETE PACIFIC COMMERCIAL ADVERTISER CHURCH CHRONICLE a me PLANTER'S MONTHLY.
Ua hiki loa i keia Halepai ke pai aku i na pepa nunui hoolaha alanui, na buke, na bila kikoo, na bila hookaa, na palapala poloai ahaaina a me na hana e ae a pau o ka oihana pai.
Eia maloko o keia Halepai he Keena Humuhumu Buke, kahi e humu ia ai na Buke, na pepa a me na mea a pau i pili i ka humuhumu ana i na palapala. He oluolu ke kuka ana a he emi kupono na auhau.
Keena Hana, Helu 318 Alanui Kalepa, Honolulu i ka Hale@luna
2531-tf