Ka Nupepa Kuokoa, Volume XXXIV, Number 20, 18 May 1895 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA

 

HE KUAHAUA

 

Owan o Sanford B. Dole, Peresidena o ka Repubalika o Hawaii, i kulike ai me na hooko ana o ka Pauku 28 o ke Kumukanawai, ke kahea nei i na Hoa o ka Ahaolelo o ka Repubalika o Hawaii, e akoakoa mai i ke Kau Ahaolelo Kuikawa ma ka Hale Mana Hooko, Honolulu, no ka lawelawe ana i na hana o ka Lehulehu. ma ka hora 12 awakea Poakolu.  la 12 o Iune, A.D. Umikumamawalu Haneri a me Kanaiwa-Kumamalima. 

Haawiia malalo o ko'u lima a me ke Sila Nui o ka Repubalika o Hawaii, i keia la 13 o Mei, D. D. 1895.

SANFORD B. DOLE,

Na ka Peresidena:

J. A. King,

Kuhina Kalaiaina.

2546 tf.

 

Ua hookohuia o Mr. Z. Paakiki i keia la i Notari no ka Lehulehu no ka Apana Hookolokolo Kaapuni Eha o ko Hawaii Paeaina.

J. S. King

Kuhina Kalaiaina

Keena Kalaiaina.

Mei 13. 1895.

2546-3ts.

 

O ka Poalua, Iune 11, 1895, oia ka la hoomanao no ka hanau ana o Kamehameha I e malamaia i La Kulaia, a o na Hale Oihana Aupuni a pau apuni ka Repubalika, e pani ia na ipuka ma ia la.

J. A. King,

Kuhina Kalaiaina.

Keena Kalaiaina,

Mei 16 1895

2546-3ts.

 

Ua hookohuia o Mr. Harry T. Mills i keia la i Notari no ka Lehulehu no ka Apana Hookolokolo Kaapuni Ekolu o ko Hawaii Paeaina.

J.A. King

Kuhina Kalaiaina

Keena Kalaiaina, Aperila 29, 1895. 2514-3

 

Ua hookohuia o Mr. William Kamauoha i keia ia i Luna Pa Aupuni no ka Pa Aupuni ma Kealakekua, Apana o Kona Hema, Mokupuni o Hawaii, ma kahi o S. Kekumano i make.

J. A. King

Kuhina Kalaiaina,

Keena Kalaiaina, Aperila 29, 1895. 2544-3

 

HOOLAHA PA AUPUNI.

 

I KULIKE ai me na hooko ana o ka Pauku i Mokuna XXXV o na Kanawai @@ na hoololi au i keia la i kahi e ku ai o ka I'a Aupuni ma Hauula, a i ka aina i ona ia e David Kekoa Kaapu, a i ike ia o Haleaha. ma ka aoao mauka o ke Alanui Aupuni e holo ana i Punaluu, Apana o Koolauloa, Mokupuni o Oahu.

I kulike ai me na hooko ana o ka Pauku 2 Mokuna XXXV o na Kanawai o18@@ na hookohu aku au i keia la ia David Kekoa Kaapu, i Luna Pa Aupuni no ka Pa Aupuni maluna ae, ma kahi o J. Wahinemaikai i hoopauia.

J. A. KING,

Kuhina Kalainaina.

Keena Kalaiaina. Mei 7, 1895

2545-3

 

Kuai o ka Aina Aupuni ma Mokuleia, Waialua, Oahu.

 

Ma ka Poalua. Iune 4, 1895, hora 12 awakea ma ke alo iho o ka Hale Maua Hooko e kuai ia aku ai ma ke kudala akea ka aina aupuni ma Mokuleia, Waialua, Oahu nona ka ili he @ mau eka, oi iki aku a emi mai paha.

Kumukuai Kiekie: He $450.

E haawiia aku ka aina ma Okatoba 21, 1895.

J. A. KING,

Kuhina Kalaiaina.

Keona Kalaiaina , April 30, 1895.  2544-3

 

Kuai o ka Hoolimalima o ka Hale Maluna o ka Halepaikau Kahiko ma Alanui Moiwahine Honolulu, Oahu.

 

Ma ka Poakahi, Iune 17, 1895, hora 12 awakea ma ke alo iho o ka Hale Mana Hooeko e kuai ia akuai ma ke kudala akea ka Hoolimalima o ka Hale Maluna o ka Hale paikai Kahiko ma Alanui Moiwahine, Honolulu, Oahu.

Manawa: He 3 makahiki hoolimalima.

Kobo Kiekie o hoomaka ai: He $200 no ka makahiki e hookaa mua ia no ka hapalua makahiki.

J. A. KING

Kuhina Kalaiaina.

Keona Kalaiaina, Apr. 30, 1895.

2544-3

 

Aha Hookolokolo Kaapuni Apana Ekahi o ko Hawaii Paeaina.  Ma ka Aha Hooponopono Waiwai.  Ma ka hana o ka waiwai o PETELO KAKOI o Honolulu i make.

Ma ka heluhelu a me ka waiho ana mai o ka palapala noi a me ka papa hoike helu a Kaili Kakoi ka Lunahooponopono Waiwai o ka waiwai o Petelo Kakoi o Honolulu i make, a maloko o laila e noi ana e ae ia na hoolilo he $1607.50 mailoko mai o na dala he $1628.25 i loaa iaia, e nana a aponoia a e hoopukaia ona kauoha ka mahele ana i ka waiwai e koe nei iloko o kona mau lima i ka poe i kuleana ia waiwai, a e hookuu ia oia a me kona mau hope mai ko iakou noho ana e hooponopono.

Ke kauohaia nei o ka POAKAHI, la 17 o IUNE A.D. 1895, hora 10 a.m. ma ke Keena Hookolokolo o keia Aha ma ka Hale Hookolokolo o Honolulu, oia ka manawa a me kahi i kohoia no ka hoolohe ana i ua palapala noi la a me ka papa hoike helu, a o na mea a pau i kuleana e hele mai a e hoike ina he kumu kekahi e hoole ka ai ua hoi la.

Kakauia ma Honolulu i keia la 15 o Mei A.D. 1895

Na ka Aha:

GEORGE LUCAS, Kakauolelo

2546-3

 

Aha Hookoloko o Kaapuni Apana Elima o ko Hawaii Paeaina.  Ma ka Aha Hooponopono Waiwai.  Ma ka hana o ka waiwai o Edward Kaaloa o Koloa, Kauai i make.

Ma ka heluhelu a me ka waiho ana mai o ka palapala nui a me ka papa hoike helu a J.K. Farley Lunahooponopono o ka waiwai o Edward Kaaloa e noi e aponoia aku kona hoolilo ana i na dala he $481.30 mailoko mai o na dala he $@@1.30 i loaa iaia, e nana ia a aponoia a e  maheleia na waiwai e koe nei iloko o kona lima i ka poe i kuleana a e hookuu mai iaia a me kona mau hope mai ko lakou noho lunahooponopono waiwai ana.

Ke kanohaia nei o ka POALUA la 4 o IUNE, A.D. 1985, ma ka hora 10 a.m. imua o ka lunakanawai o ia aha ma Lihue, Mokupuni o Kauai, oia kahi a me ka manawa i kohoia no ka hoolohe ana i ua noi la a me ka papa hoike helu waiwai, a o ka poe a pau i pili e hele mai a e hoike ina he kumu ka lakou e ae ole ia ai ke @@, a e hoike mai i ka poe i kuleana i ua waiwai ia.

A e hoolahaia keia kanoha ma ka olelo Hawaii ma ke Kuokoa, he nupepa i pai a hoolaha ia ma Honolulu, no ekolu hebedoma nee papa. a o ka hoolaha hopoe ana aole e emi iho malalo o elua hebedoma mamua iho o ka manawa e hoolohe ia ai.

Kakauia ma Lihue, Aperila 25, 1985

JACOB HARDY,

Lunakanewai o ka Aha Hookolokolo Kaapuni Apana Elima.   2544-3

 

KA NUPEPA KUOKOA

ME

Ko Hawaii Paeaina i Huiia

 

o ka Makahiki. - - -  $2 00

No Eono Mahina - - -1 00

Kuike ka Kula

 

Puka Ana   1 Pule     2 Pule     3 Pule     4 Pule     5 Pule     6 Pule

 

Iniha..     $  1.50     $ 2.00     $ 2.50       $ 3.00     $ 3.50      $ 4.00

2 Iniha..      2.00        2.75        3.50          4.00        4.50         5.00

3 Iniha..      2.50        3.50        4.50          5.00        5.50         6.00

4 Iniha..      3.00        4.00        5.00          6.00        6.75         7.50

5 Iniha..      3.50        4.75        6.00          7.00        8.00         9.00

6 Iniha..      4.00        5.50        7.00          8.00        9.00       10.00

 

O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.

 

HOOPUKAIA E KA

HAWAIIAN GAZETTE CO.

GEO. H. PARIS, Luna Nui

J. U. KAWAINUI, Luna Hooponopono.

No Honolulu, Oahu, Lakou a pau.

 

POAONO, - - - - - - MEI 18, 1895

 

Ka Ahaolelo Ripubalika Mua.

 

Ua oluolu i ka Mea Mahaloia ka Peresidena mua loa o ka Repubalika o Hawaii, ke kahea ana mai ma ke Kuahua e akoakoa mai na Hoa o ka Ahaolelo Kuikawa o ka Repubalika Hawaii maloko o ka Hale Mana Hooko ma ke kulanakauhale o Honolulu i ka hora 12 awakea o ka Pakolu, la 12 o Iune e hiki mai ana, no ka lawelawe ana i na hana o ka lehulehu.

A oiai, o ka wa e halawai mau ai ka Ahaolelo, oia ka malama o Feberuari o ka makahiki hou e hiki mai ana, nolaila me he mea la o na hana ano nui wale no i makemake loa ia, ke lawe ia mai ana no ka noonoo ana o na elele o ka lahui ma ka wa e noho ai ka ahaolelo kuikawa, a e ike ia ana no auanei ka kuhikuhi hana maloko o ka hailolelo a ka Peresidena e hai mai ana ma ka la e wehe io ia ai.

 

Na Anee Alii Waha Kakani

 

Eia na anee alii o ke kulanakauhale o Honolulu ke hoolaha aku nei i kekahi mau lono waiwai ole loa naaupo e pau ai ka hie ina lakou i komo iloko o ka poe ano malamalama o Hawaii nei, oia hoi keia: E hoihoi ia ae ana ka moiwahine ma ka nohoalii, a ina aole ia, alaila o Kaiulani.  O ka Repubalika e ku nei, e hoopau ia ana.

Aole keia he olelo na ke kino lunaikehala noonoo, aka na ka palaualelo hupo e imi ana i kona ola ma ka hakuepa.  Ua ike ka lahui mai o a o iloko o ka makahiki e hele nei e pau o ka Repubalika o Hawaii e ku nei, ua kukulu ia maluna o ke kahua onipaa he Aupuni Kumukanawai ma ka la 4 o Iulai, 1894, a ua ike oihaua ia mai e na Aupuni a pau a Hawaii nei i launa makamaka ai iloko o kona au e noho ana malalo o ke aupuni alii. A @ina ua ike oihana ia mai ko ka Repubalika kulana aupuni, alaila heaha keia hoihoi aupuni alii e hoolaha lalau wale nei no kanaka naaupo ike ole i ka hookele aupuni, me ka maopopo no ia lakou he noho pio ko Liliu i keia wa.

Eia wale no ke kahua e kohu ai keia mau olelo a me na anee alii, me he la eia no lakou ke hui ohumuhumu manaoino mai nei i ke Aupuni me ke ake o ka pahu hopu ia o ko lakou manao o ka hoihoi alii.  A i ole ia, alaila he houpuupu wale no e hoonuinui aku ai i ka lehulehu naaupo i kumu e hoopaakiki hou aku ai lakou no ka hoihoi ia ae no o ke Aupuni alii, a hoomau no lakou i ka paakiki ma kela manao kahiko i ike ia ka waiwai ole.  A malia paha, ke holo palapala nei no kekahi poe o na anee alii me ka lakou mau manu hulu like i kipakula ai a e noho kuewa mai nei ma Kaleponi i keia mau la, a o na wahahee a me na epa mai a lakou mai oia ka kekahi poe e hoolaha nei, aka o ka oiaio, aole loa lakou ike.

Hookahi wale no o kakou puuhonuo e palekana ai i keia, oia ko Hawaii nei komo aku malalo o kekahi aupuni nui a mana e noho ai. No ka mea, he aneane hiki ole i na aupuni ukulii e like me kakou ke hoomau ia ke kuokoa i keia wa nee mua o ke ao nei, me kahi heleuna kanaka mailuilu, i lako ole me ka mana a ikaika no ka-hooko ana i ka olelo hooholo, a i oi loa aku hoi ma o ka lehulehu loa ia o na ano lahui e noho pu nei me kakou a me ka emi mai o ka lahui kumu o ka aina a kakou e ike nei.

 

Ko Hawaii nei hune nui ka Waeaolelo Moe Moana ole.

 

O ko Hawaii nei hemahema nui loa i keia wa a ka naauao e nee nei imua, oia ka hune i ka waeaolelo moe moana ole e launa a hui kamailio ai kakou me ko ke ao kuwaho i kela a me keia im@ ana a ka maka i ka po a me ke ao. E hoopau ae ana anei ke au Repubalika i keia nele i makemake nui ia, a e loaa ia kakou he hui lulu lima pu ana me na ohana lahui o ke ao nei i ka wa kokoke ma ka anapu ana a ka uila ahaiolelo.  He la nui iubile auanei ia no Hawaii, kela la e loaa ai ia kakou ia haawina a ke au holomua e nee nei imua, a e hooi hou ia auanei ke ano nui o ko kakou kulana, no ka mea eia o Hawaii ke oioina o ka moana Pakipika, a e halulu mau ana ianei na ui a me na niele a ke au nee mua o ke kalepa a me ka holoholo moku ana, no na malihini kipa, na hana o ka aina, na launa ana a me na mea no a pau a ka manao e kupu ae ai e ninau.  Nolaila, o ka makou ia e hookikina aku nei i ko kakou mau hookele moku aupuni e imi aku lakou i ke kuamoo e hoopau ia ai keia hune o ka lahui, a e kau ia'i kakou me na aina holomua o ke ao nei ma ka launa kamailio waeaolele ana.

 

Ka Puali Kauka Lapaau.

 

Ke hoomaopopo ia nei, e pau mai ana ka hapanui o na kauka lapaau o ka Repubalika i ka akoakoa ma Honolulu nei i keia hebedoma ae, a e wehe ana i halawai ma ka Poaha e hiki mai ana. O ka makamua keia o ka hoakoakoa ia ana o na kauka aupuni ma Honolulu nei i kekahi wa hookahi, ina e pua io mai ana lakou.

Mahope o ko lokou wehe ana i ka halawai a hoikeike i ko lakou mau manao ma ka wehewehe ana no kekahi mau mea, alaila e kono ana ka Papa Ola i ka poe o lakou e hiki ana, e holo pu me lakou i Kalaupapa ma ka Poalima ae, Mei 24 e makaikai i ke kahua mai lepera, kela mai aai i puhili ai ka ike o na kanaka kaulana ma ka oihana lapaau i ka laau ole e ola ai. Ke manaolana nei makou, e loaa ana he mau mea e pomaikai ai ma ka akoakoa ana o na kauka a hoakaka i na manao ma ka oihana koikoi he hoola.

 

Ku mai la no i ka Welo.

 

Maloko o ka nupepa puka la Post o Aperila 15 i hala o ke kulanakauhale o Wasinetona, i ike ia iho ai ka hiki ana aku o J. R. Judd, keikikane 18 makahiki a ka Lunakanawai Kiekie Alapaki o Hawaii ma ke kulanakauhale poo aupuni o Amerika Huipuia@ ma kana huakai mua loa ia wahi. A mamuli o ka mioi o ka mea hanu o ka nupepa Post, ua halawai iho la laua ma ka la i hiki aku ai, a miki aku la ka mea kakau e pauma i na mea hou o Hawaii mai e loaa mau i keia nupepa. Aka, o ka mea i puka mai ke keiki Hawaii aku a i hoolaha ia ma ua Post la, oia ka pane a ke keiki peni:

"Aole a'u mau mea hou hope loa e pili ana ia Hawaii," wahi a ke keiki i ka mea kakau nupepa, "no ka mea o ka'u mau leta hope mai Hawaii mai he mau hebedoma ke kahiko a ua hoouna ia mai mamua o ka lohe ole ana i ka oluolu ole ia a me ka hookuu ia ana o Kuhina Kakina mai keia aina aku.  O ko'u manao, aole lakou e oluolu ana no keia hoi ana aku o Kakina malalo o ia ano, oiai he kanaka kaulana maoli oia a he kakoo ikaika o ke ano aupuni Repubalika.  Aka ole no nae ko makou lahui e hoike mai ana i ka ahewa.  Ua maopopo loa ia'u aole lakou e kipaku mai ana ia Mr. Willis, ke Kuhina Amerika e hoi. O ke kumu o ka hana ole o ko makou lahui pela e hoopaipai mai ai no ka mea pili ia Kakina, no ko lakou leha mau aku imua no ka hoohuiaina.  Ua kokoke loa lakou e lokahi i keia wa ma ka manao ana e lilo i hapa no Amerika Huipuia. Aole o makou manaulana loa no keia mana hooko e noho nei ma keia aina i keia wa, aka ke nana aku nei lakou na keia mana hooko aku. Ma na leta a pau a loaa mai nei ia'u mai ka home mai, ke hoike mai nei ia i ka ulu mau o ia manao.

"Ua ike maopopo no hoi au ia Peresidena Dole. He haumana oia i puka pono mai ke Kulanui aku o Williams, he kanaka nui, wiwo ole a kanaka lolo noonoo.  Ia'u i hoi ai i Hawaii e hoomaha i ka makahiki i hala, ua hele pu au me ia i kekipu dia, he kanaka kipu akamai a he puni lealea."

No ke ku mai no paha i ke kumu, nolaila poweko pai la no na olelo e puka mai la a ka mamo.

 

Ka La o Kamehameha.

 

Eia ka Hui Heihei Lio Hawaii ke hapai hou mai nei i ka malama ana i na heihei lio a me na kaa ma ka la 11 o Iune, oia hoi ka la hoomanao no Kamehameha, e like me ka maa i ke au i hala. Ua hoonohonoho ia iho nei ka papa kuhikuhi hana o na heihei ma ua la nei o hiki mai e ke komite a eia ke hoolaha ia nei ma na nupepa olelo namu.

O ka nui o na heihei, oia he elua heihei kaa hehihehi wawae, elima heihei lio holo maoli, hookahi heihei lio e alualu e loaa aku a oi mamua o ka manawa holo o Angie A, oia he 1 mile iloko  o ka hookahi minute a me 45 1/2 mau sekona a me ekolu heihei kaa lio.

O na uku no ke komo ana iloko o ka pa a me ka halau nana heihei, oia mau no e like me ka maa iloko o na makahiki he umi i hala. E hoomaka ana ma ka hora 10 kakahiaka, a e hooki ana ma ka wa e pau ai ka papa kuhikuhi hana i ka hooko ia.

Nolaila, e laukanaka hou ana o Kapiolani Paka e like me na la o keia ano i ka wa i hala e malama ia ana na lealea o keia ano.

 

Ka Huakai Hakilo Enemi a "Lehua".

 

Ua hoolimalima ia ka "Lehua" e ke Aupuni i mokuahi e holoholo kiai ai ma na kai mawaena o Oahu a me Maui, no ka mea ua loaa i ka Repubalika na lohe oiaio, ua hoouna ia mai he moku me ka poe kipi oluna mai ke awa mai o Port Townsend, a nolaila ke kumu i hoolimalima ia ai ka mokuahi maluna ae. O kekahi lohe hoi, ua hoopiha ia kekahi moku pea me na lako kaua me ka olelo ia e holo ana no na awa o Amerika Hema, eia nae no Hawaii nei ka manao ana. He mokukuna e ae kekahi i houpuupu ia mai, eia nae ua koho wale ia aku he moku opiuma ia e lawe mai ana a hoopae malu ae ma kekahi wahi o na mokupuni.

Ma ka po o ka la 10 o Mei, ua holo aku ka "Lehua," malalo o ka mana o ka Luna Kiai Awa Sanders. O ke kapena o ka mokuahi, o J. R. Macauley; malama-moku, William Lawrence; Wiliki nui Chas. Horswill; Kokua wiliki, Frank Lind; 6 luina a me 2 paoahi. Mawaho ae o keia heluna, o Archie Turner o ka Hale Dute a me J. D. McVeigh o ka Papa Ola.

Ua hooili pu ia maluna o ka "Lehua" he pukuniahi Krupp a me kekahi mau haneri owili lako kaua. O ke kanaka nana e malama i ke ki ana i ka pukuniahi, o Kakiana Elvin o ke Komopani E.

Ua holo hakilo aku ka "Lehua" ma ka poai ana ia Oahu nei a holo aku la a hoea i Lahaina.

Ua hoi ma ka "Lehua" i ka wanaao o ka la 13 o Mei aku nei me ka lohe ole ia a komo ana iloko nei o ke awa.

A ma ia po no o la 13 o mei, ua palamimo hou aku oia mai ke awa aku nei ma ka hanu ana ma na ale o ka moana i na kupueu nana e houpuupu mai nei.

 

Ka Lunakanawai Kaapuni o Maui ma Honolulu.

 

Eia ka Lunakanawai Kaapuni "o na Hono a Piilani," ka Hon. J. W. Kalua, ma Honolulu nei i keia mau la maluna mai o ka mokuahi "Waila" o ke Sabati aku nei i hala. O ka makamua iho la keia o kona hookiekie ia ana i ke kulana Lunakanawai Kaapuni.  Ua maiau oia i ka malama ana i kona ola kino a ua ohaha maikai kona mau helehelena i ka nana aku. Ke kukai aku nei kona mau hoaloha a me na makamaka, kaukau uala kahiki a me miki poi, ma ka hoahaaina ana iaia, aole ma kona ano hoaloha wale, aka ke kaikai ia ana a ola ke kanaka ili ulaula kiekie iloko o ke au o ka Repubalika. Eia oia i ke 49 o kona mau makahiki e hele nei, a e piha ana iaia ka iubile ke hoomau ia ka hahai ana o ke ola maikai iaia e like me ko keia wa.

Mamuli o kona makemake e lilo oia ke paionia o na Hawaii ma ka noho ana me na haole ma na hotele, nolaila ua hoi oia ma ka hotele haole Aeto e noho nei, e hoomaamaa ana e ike i ke ano o ka launa ana me na haole, no ka mea ina e hoohuila o Hawaii nei me Amerika Huipuia, alaila ua maamaalea e kela mamua.

A keia Poalua iho, e hui ho aku ai oia no ka Malu Hekuawa no ka liuliu i ka noho mai o ke kau kiure kaapuni o kona mau hono i ka Poakolu mua aenei o Iune.

 

Ka Luakini o Kawaiahao.

 

Ua pau i ka wawahi ia ka hapanui o na wahi popopo o ka luakini o Kawaiahao, a o ka pua loa aku koe, alaila kapili hou ia aku na mea e paa ai a lilo i mea hou a pau a ku aku oia i kia hoomanao no ka anapu hikiwawe ana o ka malamalama karistiano ma Hawaii nei no ka hapalua keneturia makahiki hou. E lulu hou ana na hoahanau o Kawaiahao no ke kapili hou ana e paa ko lakou helau e hoonani ai i ko kakou Akua Mana, ke hiki aku i ke Sabati, la 23 o Iuna aenei maloko o ko lakou halau e hoopunana nei i keia wa hune hale ole.  Nolaila ke kono ia nei na hoaloha a pau o ka pono ma keia Paeaina a me ka poe huli waiwai a pau e ai haaheo mai nei i na pomaikai o ka hoolaumania e ia ana o na alanui hele a pau e loaa ai ko lakou mau pono nui e ka euanelio maikai, e haawi pu i ko oukou mau kokua ana no keia luakini e wawahi ia nei a kapili hou ia aku a nani no ka hoomana ana i ke Akua ike ole ia.

 

Na Makai Kaulio Ohumu e Pepehi

 

I ka po Poakahi iho nei, ua hana ia kekahi hoeha hohe wale maluna o ke kino o Kapena Cook o ka puali makai kaulio, e kekahi haole Geremania nona ka inoa Gus Nelson, ma alanui Kalepa a mawaho iho o ka hale hoahu waiwai o Sepekela.

Eia ke kumu, mamuli o ko Nelson a me Wichart pakike a hoolohe ole i ka wa a Kapena Cook e paikau ana i ka puali kaulio ma Makiki i ka auina la Poakahi nei, ua hoihoi aku oia i kela mau haole Geremania, oiai ua ona laua ma ia wa.  I ka hoi ana o ke Kapena a hoike i ka Hope Ilamuku no ke pakike o keia mau makai kaulio, ua kukakuka laua a hooholo. Nolaila ua kahea o Kapena Cook i na makai pakike a ua hoopau aku ia laua mai ka oihana aku. No ia mea, ua huhu loa ua mau makai nei a ua hoomauhala me ka manaoino e ake o ka loaa o ke Kapena ia po.

Ma ka hora 7 paha o ua ahiahi Poakahi nei ia Kapena Cook a me kekahi elemakule hoaloha ona e hele malie ana ma ka aoao maki o ke alanui Kalepa a mamua o ka hale papaa o Sepekela, ike ia aku la o Nelson e a-e mai ana ma ke alanui me ka newa ma ka lima a me na huaulele ino ma ka lehelehe, "Ua ike anei oe i ak'u mea e hana aku ai ia oe? E wahi ana au i ko poo i elua apana," a ua hahau mai la, aka ua pale wale ae la no ke kapena a loaa pono mai la nae ma ke kuekue, a i ka hoomoe ana e hanau mai i ka lua, a i ole me ka puupuu lima paha, ua pa mai la ka papalina malalo iho o ka maka akau.

I ka ike ana o Nelson i keia mea aua i hana ai, ua holo mahuka aku la oia.  Ua olelo ia, ma kahi kokoke no o Wichart e nana mai ana i keia pepehi i hoohalua ia.

Ua hele ke kapena i ka hale oihana makai, a ua hoouna ia na makai e hui i keia mau haole. He hapalua hora mahope iho, ua loaa aku ia Lutanela Hart ua mau haole nei a elua e ai ana i ka hale paina pake ma alanui Hotele.  Ua hoao mai laua e kue i ka makai me ka manao e awala mai la me na omole wai momona, aka ua hoomalielie ia aku, ai olua a pau hele kakou e kamailio me ka Hope Ilamuku.

Ua hope like ia laua a elua ia po, hookolokolo ia o Nelson a ae i ka hewa, hoopaiia eono malama hana hoopaahao, a o Wichart e kipaku ia i ka aina e.

 

Mokuahi Hawaii hou no ka Hui Holo Pili Aina.

 

Ua ku mai ma Honolulu nei i ka auina la Poakahi iho nei, Mei 13, ka mokuahi pakui hou i ke aumoku o ka Hui Hooholo Makuahi Pili Aina, he 11 na la holo mai Kapalakiko mai, malalo o ka hookele ana a Kapena Godfrey, ka Peresidena o ka Hui Hooholo Mokuahi.  Ke hooili nei ke kapena i ka apa o keia holo ana mai ma o ka pohu haalele ia o ka moana.

 

Ua kapiliia keia mokuahi ma Kapalakikok i ka 1888, i ano like ke kii me ko ka mokuani "Hawaii" o ka Hui Mokuahi o Waila. He 154 kapuai kona loa, he 32 kapuai ke akea a he 10 kapuai 5 ihiha ka hohonu. O kona nui, 267 a oi iki na tona, a o ka ikaika hoonee o kona enekini mahu, ua like me 8 mile o ka hora. O kona kumukuai i lilo mai nei i ka hui, he $35,000. He inoa ai palaoa kona o ka holo ana mai ne o Cosmopofis, aka ua kapaia kona inoa i keia wa o "Kauai."

E hoouna koke ia aku ana oia i ka hoohikihiki kopaa ma ke ala o Kauai me ka hoapaapa ole mahope o ka pau ana ae o na ukana i ke kiola ia, no ka mea ua hoopiha ia me na ukana mauu ai a ka lio a ka Hui Kaleponi a me na ukana ponoi iho no a ka Hui Mokuahi.

Ma ka Poaha nei, ua kukini aku io aku oia no Kauai.

 

No Lako Mele no na Mai Lepera.

 

Mamua iki iho nei, ua hoouna palapala aku o Kapena Cochrane o na koa marine o ka Piladelapia i Kalaupapa, e noi ana i ko na poe pilikia manao, no ka mea pono e kaana ai i ke koena iho o na dala i loaa ma na ainaina hoikeike kii, mahope iho o ka uku ana i ke kumukuai o na ohe puhi hou.  Ua loaa mai i ke kapena na palapala mahalo lehulehu a me ka mooolelo o ka halawai i malamaia e na mai lepera ma ka la 3 o Mei, i hoomalu ia e Kanoealii a i no ho kakauolelo ia e Wiliama Kalaka.  Ua hooholo lokahi lakou, no ke kuai i mau lako pila hookani no Beritania Holo a i keena heluhelu no na mai lepera ma Kalaupapa, oia ka mua e noonoo ia, a mahope aku, no ka hoolako aku i na nupepa kli a me na nupepa haole a me Hawaii o Honolulu. A he lako hoikeike kii kekahi mea i makemakeia, a he mau lako paani koloke.

Ua hookuu lakou i ka halawai me ka hooholo ana i na mah@lo no Kapena Cochrane a me na keonimana i kokua pu iaia ma kana mau hooikaika ana no ko na mai mau pomaikai a me ka lehulehu o Honolulu, no ko lakou komo like ana e alu a hooholomua i keia mau mea i hapai ia no ko lakou mau hune.

 

Haule o Kamehamea ia Hoku.

 

Ma ka ulele ana o na puali kinipopo Kamehameho a me Hoku ma ke kahua mau o Makiki i ka auina la Poaono i hala, ua kaa ke komo mua maloko ia Hoku, aka ua puka aku lakou me ka ai puni ole. Komo mai ke Kamehameha a ua loaa 2 puni.  Ua aumeume aku laua ma ia mau komo ana pakahi aku o laua a hiki i ke komo ana eono o kela a me keia, hiki aku la na puni a ka Hoku i ka 6, a o Kamehameha hoi i ka 9 puni. Ma ke komo ana ehiku o ka Hoku, ua loaa iaia he 4 puni, a o Kamehameha hoi, he neo. Nolaila ua oi o Hoku 1 puni ia wa.  Ma ke komo ana ewalu a Hoku, ua loaa he 5 puni a ma ke komo ana eiwa, loaa hou 2 puni, oia hoi huina pau o kana mau puni he 17 oiai hoi ma ke komo ana ewalu a me eiwa a Kamehameha mau puni a pau iloko o eiwa komo ana, he 9 wale no pau loa.  Nolaila, o ko Hoku oi imua o Kamehameha, he 8 puni, a ua haule iho la ka moho mokomoko o na kau ekoly i hala i ka Hoku i keia paani mua ana o ke kau o 1895.  Ua nui ka huro a me ka paipai lima o ka puali Hoku e ke anaina makaikai i akoakoa ae no keia lanakila kamahao i loaa ia lakou.  E hoomanao ia, o ka poe e paani nei o Kamehameha i keia wa, he poe wale no i puka a e noho nei mawaho nei, aole hoi o ka poe haumana e noho ana i ke kula e like me ko lakou maa.  Ua hemahema loa ka puali Kamehameha e paani nei ma ka mea akai ole i ka nou, oiai ua hoi o Meheula i Kauai, a he nou popo okoa keia. Aka, ina e lilo haule pahu ana o Kamehameha i kinohi i kumu no lakou e paapaana ae ai i keia mau paani ana aku alai la aole no i akaka aku ka hopena o ka puali e kau ana i ka panepoo.

E paani ana o Kamehameha me Ikeoleia i keia auina la, a ina e haule ana oia ia Ikeoleia alaila o ke kaukoe aku la no ia o keia puali nana i lawe ae i ka haaheo o ka eoana o ka paani mua loa i ulele pu ai me ka Hoku.  E hele nui ae i keia auina la i ike i na puali eleu o laua.

 

Hakaka o ke Aumoe

 

I ke aumoe kukonukonu o ka po Poakahi iho nei, ua loaa aku o Truscheler maloko o Otto Graef wahi noho ma alanui Kalepa.  Ua alualu ia aku ka aea hele o ka po, a i ka loaa ana aku, ua pepehi hooponopono ole aku o Graef a ua eha loa. Eia nae, iloko o ko laua wa e aumeume ana, ua ki ae o Truschler i ka pupanapana mai kona poli ae, aka aole nae mea i ku ua hala huhewa wale aku ka poka i kahi e. Ua hiki mai na kiai maluhia o ke aupuni a ua lawe like ia i ka hale hoopaa lawehala. Ua halihali ia ka haole eha iloko o ka Halemai Moiwahine e waiho ai i kona mau palapu, a o kona kokoolua hoi, ua hoopaa ia maloko o kahi paa a ao ka po. Ua ninaniuau pono ia ka mea i hoopaa ia ai i ke ao ana ae, a ua kauoha ka Hope Ilamoku e hookuu iaia. Nolaila me he mea la e hopu ia ana ka mea i eha ma ka halemai ke puka mai.

Hoolana Hou.

 

Aha hookolokolo kaapuni apana Ekahi o ko Hawaii Paeaina.  Ma ka Aha Hooponopono  Waiwai.  Ma ka hana o ka waiwai o MELE KEALAIKI o Honolulu i make.

No ka mea, ma ka la 13 o Mei, A. D. 1895, ua waihoia mai i keia Aha kekahi palapala i olelo ia oia no ka palapala kauoha hope loa a Mele Kealaiki i make a me ka palapala e noi ana e hoopukaia na palapala lunahooponopono waiwai ia J Kahahawai i waiho ia mai e ua J. Kahahawai ia.

Ke kauohaia nei, o ka POAKAHI, la 17 o IUNE, A.D. 1895, hora 10 a.m o ia la, ma ke Keena Hookolokolo o ua Aha la ma Ahiolani Hale, Honolulu, oia kahi a me ka manawa i kohoia no ka hoolohe aua ia ua palapala kauoha la a e hoolohe ia ai ua palapala kauoha la a e hoolohe ia ai ua palapala noi la, a ma ia manawa a ma ia wahi e hele mai ai ka poe a pau i pili e kue e ua palapala kauoha la a me ka hoopuka ana i ka palapala lunahooponoponopono waiwai.

Hanaia ma Honolulu, Mei 13, 1895.

Na ka Aha: GEORGE LUCAS  Kakauolelo

2546 3

 

Aha Hookolokolo Kaapuni Apana Eha o ko Hawaii Paeaina.  Maka Aha Hooponopono Waiwai.  Ma ka hana o ka waiwai o KUPOLOLI k, o Hilo, Hawaii, i make kauoha ole.

Ma ka heluhelu a me ka waiho ana mai o ka palapala noi a Kipi w. ke kaikamahine hoahanau a Kupololi, e olelo ana o Kupololi o Hilo, Hawaii ua make kauoha ole ma Hilo, Hawaii ma ka la -o ------ A. D. 1864, me ka waiho iho he waiwai ma ko Hawaii nei Paeaina, a e noi ana e kahea keia aha i na hooilina o ka waiwai o Kupololi.

Ke kauohaia nei o ka POALUA, la 18 o IUNE, A. D. 1895, hora 10 a.m. o ia la, oia ka manawa e kohoia nei no ka hoolohe ana i ua noi la ma ke Keena Hookolokolo o keia  Aha ma ka Hale Hookolokolo ma Hilo, Hawaii a ma ia manawa a ma ia wahi na e hele mai ai ka poe a pau i pili e hoike mai ina paha he kumu ka lakou e ae ole ia ai ua noi la.

Kakauia ma Hilo, Mei 7, 1895.

Na ka Aha:  DANIEL PORTER,  Kakauolelo

2546 3

 

Aha Hookolokolo Kaapnni Apana Eha o ko Hawaii Paeaina.  Ma ka Aha Hooponopono Waiwai.  Ma ka hana o ka waiwai o KEA k. o Hilo, Hawaii, i make kanoha ole.

Ma ka heluhelu a me ka waiho ana mai o ka palapa a noi a Paaluhi k. ke "cousini" o Kea k e olelo ana o Kea k. o K@hua, Hilo, Hawaii, ua make kauoha ole ma Hilo, Hawaii. ma na makahiki 1867 a 1868 paha, me ka waiho iho he waiwai ma ko Hawaii nei Paeaina, a e noi ana e kahea keia aha i na hooilina.

Ke kauoha ia nei, o ka POALUA, la 18 o IUNE A. D. 1895, hora 10 a.m. o ia la, oia ka manawa e kohoia nei no ka hoolohe ana i na noi la ma ke Keena Hookolokolo o keia Aha ma ka Hale Hookolokolo ma Hilo, Hawaii, a ma ia manawa a ma ia wahi e hele mai ai ka poe a pau i pili e hoike mai ina paha he kumu ka lakou e ae ole ia ai ua noi la.

Kakauia ma Hilo, Mei 7, 1895.

Na ka Aha:  DANIEL PORTER,  Kakauolelo.

2546-3

 

Aha Hookolokolo Kaapuni Apana Elua o ko Hawaii Paeaina. Ma ka hana o ka waiwai o KEALOHA NAPULOU w. no Waikapu, Maui, i make kauoha ole. Ma ke Keena imua o Hon. J. Wm. Kalua.

Ma ka heluhelu a me ka waihoia ana mai o ka Palapala Noi a J. M. Napulou, e hoike ana ua make kauoha ole o Kealoha Napulou w. no Waikapu, ma Wailuku, i ka la---o----189-, a e noi ana e hooholoia ka waiwai i na Hooilina.

Ua kauohaia o ka POALIMA, ka la 21 o IUNE, M. H. 1895, ma ka hora 10 kakahiaka, oia ka manawa i kohoia no ka hoolohe aua i ua noi la imua o ua Lunakanawai la, ma ka halehookolokolo ma Wailuku, a ma ia manawa a ma ia wahi no e hele mai ai na mea a pau i pili e hoike mai ike kumu, ina he kumu oialo ko lakou e ae ole ia ai ua noi la.

Kakauia ma Wailuku, ko Hawaii Pae Aina, Mei 8, M. H. 1895.

Na ka Aha:  G. AMSTRONG,

Kakauolelo Aha Hookolokolo Kaapuui  Apaua Elua.

2546 3

 

Aha Hookolokolo Kaapuni Apana Eha o ko Hawaii Paeaina Ma ka hooponopono waiwai.  Ma ka hana o ke koho ana i kahu malama o ka waiwai o Kaaewawaihau w., i oleloia he mea i oleloia he pupule.

Ma ka waiho a me ka heluheluia ana o ka palapala noi a Milikaa Holopinai a me Aki Aona a me ka palapala noi a Young Gee no Hilo, Hawaii lakou a pau, e noi ana e hoopukaia ona mau palapala Kahu Malama o ka Waiwai o Kaaewaibau ia lakou.

Ke kauohaia nei, o ka POALIMA la 24 o MEI 1895, hora 10 a.m. ma ka hale hookolokolo ma Hilo, oia ka manawa a me kahi i kohoia no na poe a pau i pili e hele mai ai a e hoike, ia na he kumu io ko iakou e hoole ia ai ua noi la.

Kakauaia ma Hilo, Aprila 20, 1895.

Na ka Aha.  DANIEL PORTER,  Kakauolelo.

2544-3

 

Aha Hookolokolo kaapuni apana Eha o ko Hawaii Paeaina. Ma ka hoopo nopono Waiwai. Ma ka hana o ka waiwai o Kaiawa w. O Puumoi, Hilo, Hawaii i make kanoha ole.

Ma ka waiho a me ka heluhelu ana i ka pala pala noi a D. K. Kauhi k. kana kane e olelo ana  o Kalawa w. o Puumoi, Hilo, Hawaii, ua make kauoha ole ma Puumoi, Hilo, i ka la 16 o Iune, 1891, me ka waiho iho he waiwai ma Hawaii nei e pono e hooponoponoia, a e noi ana e hoopokaia ona palapala kahu malama ia D. K. Kauhi no ke kino a me ka waiwai o na keiki oo ole a ua Kalawa la.

Ke kauaohaia nei o ka POALUA, la 4 o IUNE, 1895, ola ka la i kohoia no ka hoolohe ana i ua palapala hoopii la ma ke Keena Hookolokolo o keia Aha ma Hilo, Hawaii, a ma ia manawa a ma ia wahi e hele mai ai na poe a pau i pili a e hoike ina he kumu io ka lakou e ae ole ia ai ua noi la.

Kakauia ma Ililo, Aperila 29, 1895.

Na ka Aha:  DANIEL PORTER, Kakauolelo

2545-3

 

Aha Hookolokolo Kaapuni Apana Ekahi o ko Hawaii Paeaina. Maka Aha Hooponopono Waiwai.  Ma ka hana o ka waiwai o THOMAS KEEFE o Honolulu i make.

No ka mea, ma ka la 30 o Apreila A. D. 1895, ua waiho ia mai i keia  Aha kekahi palapala i oleloia oia no ka palapala kauoha hope loa a Thomas Keefe i make a me ka palapala hoopii e noi ana e hoopukaia na palapala luanahooponopono waiwai ia Cecil Brown i waiho ia mai e ua Cecil Brown la.

Ke kauoha ia nei, o ka Poakahi, la 3 o Iune A. D. 1895, hora 10 A. M. o ia la, ma ke Keena Hookolokolo o ua Aha la ma Aliiolani Hale, Honolulu, oia  kahi a me ka manawe i kohoia no ka hooiaio aua i ua palapala kauoha la a e hoolohe ia ai ua palapala kauoha la a e hoolohe ia ai ua palapala noi la, a ma ia manawa a ma ia wahi e hele mai ai ka poe a pau i pili e kue i ua palapala kauoha la a me ka hoopuka ana i ka palapala luna hooponopono waiwai.

Hanaia ma Honolulu, April 30 , 1895.

Na ka Aha, GEORGE LUCAS, Kakauolelo.

2544-3@

 

Aha Hookolokolo Kaapuni Apana Ekahi o ko Hawaii Paeaina.  Ma ka hooponopono waiwai.  Ma ka hana o ka waiwai o S. KEKUMANO o Napoopoo, Kona Hema, Hawaii, i make kauoha ole.

Ma ka waiho a me ka heluhelu ana i ka palapala hoopii a S. Lui Kekumano o Honolulu Oahu, e olelo ana o S. Kekumano o Napoopoo, Kona Hema, Hawaii, ua make kauoha ole ma Napoopoo i ka la 2 o Aperila, 1895, a e noi ana e hoopukaia na palapala lunahooponopono waiwai iaia, i waiho ia mai e S. Lui Kekumano.

Ke kauoha ia nei o ka Poalima, la 31 o Mei A. D. 1895, oia ka la i kohoia no ka hoolohe ana i ua palapala hoopii la ma ke Keena Hookolokolo o keia Aha ma Honolulu, a ma ia manawa a ma ia wahi e hele mai ai na poe a pau i pili a e hoike ina he kumu io ka lakou e ae ole ia ai ua noi la.

Kakauia ma Honolulu, Aperila 30, 1895.

Na Ka Aha.  CHARLES F. PETERSON, Kakauolelo

2544-3t

 

Hoolaha Hoohui.

 

O ka poe no lakou na inoa malalo iho, o lakou pakahi ke noho nei ma Honolulu mokupuni o Oahu, Repubalika o Hawaii, ua hoohui ae nei ia makou malalo o ka hui me ka inoa "The Hawaian Sign Bill Posting and and Novelty Advertising Company Limited," no ka lawelawe ana ma Honolulu i ka hana kapili ana i na hoailona a me na bila a me ka hoolaha akea ana.

Kakauia i keia la 16 o Mei. A. D. 1895.

CHARLES J. WHITNEY,

CHARLES A. BLACK,

H. P. EAKIN.

2546-2