Ka Nupepa Kuokoa, Volume XXXIV, Number 18, 4 Mei 1895 — Page 1
| This text was transcribed by: | Katy Darlington |
| This work is dedicated to: | To honor my father, Glennon Mahealani Trevenen |
Ka Nupepa Kuokoa
KE KILOHANA POOKELANO KA LAHUI HAWAII.
ME KO HAWAII PAEAINA I HUIIA. (Missing_18_)
------------
BUKE XXXIV. HELU 18. HONOLULU, POAONO, MEI 4, 1895. NA HELU A PAU, 2544
------------
Hoolaha Lolo.
------------
H. R. HITCHCOCK,
Notari no ka Lehulehu.
Apana Hookolokolo Kaapuni Elua,
Kaluaaha, Molokai.
2514-tf
------------
W. R. KAKELA,
Loio a he Kokua ma ke Kanawai,
HE LUNA HOOIAIO PALAPALA.
2870
------------
ANTONE ROSA,
(AKONI)
Loio a he Kokua ma ke Kanawai.
LUNA HOOIAIO PALAPALA.
Keena Hana ma Alauu Kaahumanu.
2370-
------------
ALLEN & ROBINSON,
NA MEA KUAI PAPA O NA ANO A PAU
E loaa no ma ka UWAPO O PAKAKA, Honolulu, make kumukuai makepono loa, no ka pomaikai o ka lehulehu e makemake ana e ku kulu hala. E kipa mai a e ike kumaka
2396-q
------------
WILDER & CO. (WAILA MA.
Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.
Kihi o Alanui Moiwahine me Papa.
396-q
------------
JAMES M. MONSARRAT,
(MAUNAKEA.
Loio a he Kokua ma ke Kanawai
HE LUNA HOOIAIO PALAPALA.
E hana ia no ia Palapala Kuai, Palapala hoolimalima, a me na Palapala Pili Kanawai e no @oa ka olelo Hawaii. Dala no ka hoaie ma ka moraki ma na Waiwai Paa.
Keena Hana: Hale Pohaku hou ma ka @oao ma Waikiki o ka Halewai, alanui Kalepa.
2370
------------
Ka Edison Mekini Uwila Kupanaha.
UA HIKI MAI NEI KA MEKINI UILA
Kupanaha a EDISON i Honolulu nei, a ke hoikeike ia nei ma ka HALEAI HAUPAA ONO O HART & CO., ma Alanui Hotele. No 1 kenikeni wale no ike oe i na mea kupanaha a pau. Hamama mai ka 9 A. M. a i ka 9 P M.
2532-tf
------------
PAPA! PAPA
AIA MA KAHI O
Lewers & Cooke
(LUI MA)
Ma ke kahua hema o Alanui Papa me Moi.
E LOAA NO NA
PAPA NOU AIK@
O ko@ a me keia aue.
Na Pani Puka, ua Puka Aniani,
ua Olepolepo, na Pou, na O’a,
ua Papa Hele, na Papa Ku,
me na Papa Moe he nui loa
NA PILI HALE O NA ANO A PAU
@ @@ @
WAI HOOHINUHINU NANI
@ @@ ano a pau loa.
Na Balaki o na Ano he Nui Wa
Ke hai ia aku nei oukou e @ makamaka a pau, @ makaukau keia mau makamaka o oukou hoolawa aku ma na mau a pau ili @@ ma k@@@ oihana no ka
UKU Haahaa Loa,
@ like me ka @@ a holo ana @@@
o Lana a ma ka M@@ Kuai.
Hele Mai e Wao no Oukou iho.
2896-q
-----------
NA AINA NO NA HOME LIILII.
---
Na Aina Kuai, Hoolimalima a me Kuleana Kuai.
---
MAHELE ELUA O KE KANAWAI AINA.
---
E Kohola ka Waiwai o ka Aina o ka
Papa Komisina—Ke ano o ka Palapala
Nui—E uku i ka uku Hoolimalima
o Eono Pa-keneta
Maluna o ka Waiwai io o
ka Aina—Hoi hoa ana
i ke Aupuni.
---
[Hoomaula.]
PAUKU 10. Iloko o na mahina mua eono, o ka iwakalua-kumamakahi o na makahiki o kekahi kuleana kuai hoolimalima, e koho hou ia ka waiwai io o kahi i hoolimalima ia e ka Luna Ana Aina Nui a me ka Hope Agena, na laua e koho a e hoike kaawale i ka waiwai io o na mea hou ano paa i hana ia maluna oia wahi a me ka waiwai io oia wahi me ka hana ole ia ona mea hou, a e hoike aku i ka mea hoolimalima i ka hopena o ka laua koho ana.
PAUKU 11. Ina ua makemake ka mea hoolimalima e hoolimalima hou ia wahi no kekahi manawa hou, e hoike aku no oia i ka Hope Agena no kona makemake e hana pela iloko o kanakolu la mai ka manawa i loaa ai iaia ka hoike no ka helu hou ia o ka waiwai o ia wahi, a iloko no oia manawa e waiho aku oia me ka Hope Agena i kekahi uku i like me ka uku hoolimalima o eiono mahina no ia wahi, a oia uku, e kakau ia ma kona inoa ma ke ano he uku hoolimalima i hookaa ia, ina e ae ia kana noi.
PAUKU 12. I ka wa e loaa ai ia noi a me ke uku iloko o kanakolu la na ka Hope Agena no e hana i palapala hoolimalima hou i hana palea ia e haawi ana i kahi i hoolimalima mua ia ina ua hana ia a ua hooko ia na mea a pau i olelo ia ma ka palapala hoolimalima mua. E haawi i ka palapala hoolimalima hou no ka manawa o iwakalua-kumamakahi makahiki, e helu ia mai ka la i pau ai o ka palapala hoolimalima mua, a e haawi aku i ka mea hoolimalima i kekahi kope o ka palapala hoolimalima a e malama i ka lua o ke kope ma kona keena hana. O ka lawe ana o ka mea hoolimalima i ka palapala hoolimalima hou ola no kona ae ana, a hoapono ana i na mea i hoakaka ia maloko.
PAUKU 13. E komo no ka palapala hoolimalima hou maloko o na kumu i hooakaka ia ma ka Pauku 7, koe ka ‘lua a me ke ‘kolu; eia nae o ka uku hoolimalima ma ka makahiki e like me ia i hoakaka ia ma ke kumu ekahi, e hana ia no ia mamuli o ke koho hou ana i ka waiwai io oia wahi me ka hana ole ia ona mea hou. Ina e uhaki ia kekahi o na kumu i oleloia, e pau no ke kuleana o ka mea hoolimalima ma ia wahi a e lilo no ka palapala hoolimalima i mea ole.
PAUKU 14. Ma kela a me keia manawa mamua ae o ka iwakaluakumamakahi o na makahiki o ka manawa oia palapala hoolimalima hou ua hiki no i ka mea hoolimalima e hooioli ae i kona palapala hoolimalima a loaa mai iaia he sila e like me na mea i hooakaka ia ma ka Pauku 9, i hana ia na’e mamuli o ke koho hou ana i ka waiwai io o ka aina me ka hana ole ia o na mea hou.
PAUKU 15. Ina ua hoike ole aku kekahi mea hoolimalima i kekahi kuleana hoolimalima kuai i ka Hope Agena i kona makemake e hoolimalima i ka aina no kekahi manawa hou malalo o na olelo o na Pauku 10 a me 11, a i ole ia, aole i waiho aku me ka Hope Agena i ka uku e like me ia 1 hooakaka ia, e hoolaha akea koke ake ka Agena o na Aina Aupuni e like me na olelo o ka Pauku 8, e hoike ana, ua hamama ia wahi no ka noho ia malalo o na olelo o keia hapa o keia Kanawai ma ka la e pau ai ka hoolimalima e paa ana, me ka uku o ka mea hoolimalima hou, i ka waiwai io i helu ia maluna o na mea hou i hana ia maluna oia wahi. A, o ke ano o na hana, na kumu, a me na mea i kauohaia no ka hoolilo ana aku i ka aina i ka mea hoolimalima hou, a i ole ia mea kuleana aina e hana ia no a like ma na ano a pau, me na mea i kauoha ia ma keia Kanawai ma ka hoolimalima ana i ka mea hoolimalima i kinohi, a i ole ia i kekahi mea kuleana aina, koe na’e ma ka palapala hoolimalima hou, e hookomo ia mawaho ae o ke kumu e uku mua ia ka uku hoolimalima o eono mahina, i hana ia mamuli o ke koho hou ana i ka waiwai io o ia wahi me na mea hou ole i hana ia, e waiho aku me kana noi i ka huina i koho ia oia ka waiwai ona hou i hana ia maluna oia wahi, a oia huina e uku ia aku i ka mea hoolimalima e pau ana i ka wa e haawi ia ai i ka mea hoolimalima hou, ka palapala hoolimalima hou, a i ole ia ina ua hoolaha ia ka aina ma ke ano he aina kuai , e kuai kudala ia aku no ma ke kumukuai koho mua o ka huina i koho ia oia ka waiwai io o na mea i hana ia a me ka waiwai io o ka aina me ka hana ole ia o na mea hou, aa o ka huina o ka waiwai io o na mea hou i hana ia e uku ia aku no ia i ka mea hoolimalima e pau ana, mai loko a’e o na dala mua i ohi ia e ke Aupuni mai ka mea kuai aina mai.
NA KULEANA AINA KUAI.
PAUKU 16. E hana ia na noi a pau no na kuleana kuai ma ke kakau lima, a i ole ia hapa ma ke kakau lima a hapa ma ke mea p’aihakahaka ma ke keena o ka Hope Agena, a e hui pu ia me kekahi olelo hoohiki i hana ia me ke ano nui i hana ia e like me na kumu i hoike ia ma ka Papa D, a e hui pu ia me kekahi uku i like me umi pakeneta o ka waiwai io i koho ia, no ka apana aina i noi ia, a oia uku, e lilo i ke aupuni ina e lawe ole ka mea noi i ka apana aina ma ke kumu kuai koho mua ina aole mea koho kiekie hou a’e , a ina i ae ia ke noi alaila e kakau ia ia uku ma kona inoa ma ke ana o ia hookahi hapa o kona hookaa mua ana, aka ina he mea koho kiekie hou ae maluna o ke kumu kuai koho mua a lilo ole ka aina i ka mea noi, he hoihoi hou ia no ia uku iaia. O na noi i hui ole ia me ia olelo hoakaaka a i ole ia inei pu ole ia me ka uku i olelo ia, aole no e noonoo ia.
PAUKU 17. I ka wa i waiho iaai kekahi noi no kekahi kuleana kuai e hoolah aku no ka Hope Agena ma na nupepa a i ole ia ma na pepa kapili, a i ole ia ma ia mau mea a elua, i kekahi kuai kukala no ia mea ma ka manawa a me kahi ma ka apana ana e koho ai. M ia hoolaha e hooia ka apana e kuai ia ana a me ka waiwai io i koho ia oia apana a oia no ke kumukuai koho mua.
PAUKU 18. Ina he elua a oi a’e mau noi aole nae he mau koho hou ae maluna o ke kumu-kuai koho mua, e hooholoia ka me e lilo ai ka oina ma ke koho balota ana. Ua hiki no i ka Hope Agena ke lawelawe ma ke ano luna kudala ma ia kuai ana.
PAUKU 19. E hookaa ko ke aku ka mea nana i kuai ma kekahi kuai ana i ka hapaha o ke kumu kuai i ka Hope Agena, a nana no e haawi aku iaia i kekahi palapala hoike i hana ia ma kekahi ano nui malao o ha kumu i hoakaaka iaia ma ka Papa F, a e kapa ia he “aelike kuleana ma kona keena hana. E kapa ia ka mea kuai i ka wa e loaa ai iaia oia “aelike kuleana” oia “ka mea kuleana,” a oia no ka olelo ana no ka poe e ili aku ai kona mau kuleana malalo oia palapala. Oia lawe ana i ka “aelike kuleana: oia no ka lawe ana a me ke apono ana i na olelo a me na kumu i hoike ia maloko. Ma ia “ae like kuleana” e haawi ia ka mana i “ka mea kuleana” e noho maluna a e lawelawel i ka aina i olelo ia maloko oia palapala a e loaa iaia ke kuleana e loaa ia he sila no ia aina ma ka pauy ana o eono makahiki mai ka la eia hookaa mua ana, a oia no ka la o han ia ai ka “ae like kuleana,” ina ma ia manawa ua hooko ia na kumu mahope iho nei:
HE MOOLELO WALOHIA
--NO NA UI—
Makua Ole Elua.
---
LA FOSA,
Ka Makona,
---
--A ME—
Pia Fosa,
KA MEA I PIHA I KE ALOHA
---
DE WODISE,
Ka Naita Puuwai Piha Hamama a me ka Olu Waipahe.
---
MOKUNA VIII.
PAKELE MAI KA HOOWAHAWAHA IA MAI.
I kela manawa, huli ae la ka Makuisa a nana mai la i na helehelena o kona mau hoi a ike aku la oia ua piha ko lakou mau naau i ke aloha no kana pio, a me ke ano o ke kanaka i lehia a piha i ke akamai a i walea ma ia mau hana, ua hoohele aku la oia ma ke ano akahai o ke kamailio ana.
“A ina peia, ea, e hoomama ia oe iho, e Madimosele,” wahi aua iloko o ka leo oluolu, “E haawi no au 1 i ke kauoha no kona huli ia ana. Na kuu poe kanaka e hele e huli iaia a lawe mai iaia ianei.”
“E lawe mai iaia ianei!” i hooho aku ai o Heneriata, a o na iaia a pau o kona kino ua hoowela ia mamuli o kela mau olelo hoonaukiuki. “A iloko o keia hale? a aole loa!” A puliki ae ia oia i kena mau lima, a ninau aku ia oia me ka naau i piha me ka ehaeha. “O keia wale anei no kau haina no ka’u mau leo pule?”
Ia manawa aole oia i ike aku i kekahi hoailona o ka oluolu maluna o helehelena ooi o ka mea mamua ona, a me ia ka mea i piha i ka nan a me ka oluolu e hoonaukiuki ia nei hoi, a huli ae la oia imua o kekahi poe e ae a ninau aku la ia lakou no ka manawa hope:
“Aole anei hookahi mea maanei,” wahi ana, “e ae mai no ke kue ana aku i keia kanaka?”
“Ua kuhihewa loa ia oe, e Madimosele,” wahi a De Pesele, iloko o ka leo e hoike ana no kona kulana hanohano. “He poe keikialii a me ke keonimana makou.”
O keia mau olelo imi akamai, a i hoopuka ia aku e ka Makuisa, a e hoohalikelike ana hoi ia lakou me kana apana hana e hana nei, a oia ka mea nana i hoopii ae i ka inaina huhu iloko o Naita de Wodire.
Paki iho la oia i kona kiaha ilalo iaia hoi i hoomaka ae ai e kau i kona waha maluna o ka lepo, a lele ae la eia iluna a ku mai ia me ke hiehie nui.
“A maluna hoi o keia poe keikialii hanohano a me keia poe keonimana,” i pane hou aku ai o Heneriata no ka manawa hope loa, “aole anei hookahi e hoike mai i kona aloha no’u nei? auwe! aloha ole no hoi oukou ia’u.”
“He mea no, e Madimosele,” i hooho mai ai o De Wodire me ka hele ana mai imua ona me ka ula o ka mea i hele a piha i ka huhu maluna o kona helehelena, i hoopii ia hoi mamuli o ka De Pesele mau hana lapuwale. “Eia kuu lima; o haalele kaua i keia wahi a no.”
“Auwe, mahalo ia oe—mahalo ia oe, e Monaalua, he tausani manawa,” i hooho aku ai o Heneriata, iaia i hopu aku ai i ka lima o ka mea nana 1 haawi mai me ka puliki ana a paa loa, a e like ai paha me ke kanaka o kokoka ana e piholo i ka apo ana mai i ke kaula i hoolei ia aku ai iaia.
Ua hoopahaohao ia ka Makuisa ma o ko De Wodire komo ana mai e kue aku ai iaia, a no kekahi mau minute, aole e hiki iaia ke haawi i na kue no na pule a kana pio, a o ka Naita hoi ke hookokoke loa aku ia oia i ka puka o ka malapua me Heneriata ma kona aoao, mamua o ka pau ana ae o ko De Pesele kunahihi.
Holo aku la oia a mamua o laua a paa mai la ia laua ma ke kau ana mai i kana pahi.
“E kala mai ia’u, e ka Naita, o ko’u hale keia,” wahi ana iloko o ka leo nui i hele a piha i ka huhu, “a aole au e ae—“
“Haawi mai i puka no’u, sire” wahi a De Wodire iloko o ka leo hooio.
“Aole au e ae i keia mau hoonaukiuki. Lohe oe?” i hooho aku ai oia, e like me ke ke ana o ka pele o ka uwati i ke aumoe. “Mahope o ka hora umikumamalua aole e ae ia kekahi mea e haalele i keia wahi.”
“A ina pela, o maua ka mea e haalele e ana,” wahi a De Wodire, iloko o ka leo malie, “Sire, e haawi mai i puka no maua.”
“Aole anei oe i ike, e ka Naita,” wahi a ka Makuisa, me ka haalulu no ka piha i ka huhu, “ke olelo mai nei oe ia’u me he kanaka kauwa la au nou.”
“Aole au e kamailio i kekahi kauwa e hana kue mai ana ia’u e like me kau e hana mai nei,” wahi a ka Naita, iloko o ka leo okakala, “huli ia oia e a’u.”
“Uoki, e Monasiua, ua oi aku oe mamua o ka mea lapuwale loa!” i hooho mai ai o De Pesele, me ka huki ana ae i kana pahikaua a kau mai ia mamua o laua nei, “E hoao e hele mai imua o’u—“
“Manao, aole au e hana aku ana pela,” i kahamaha koke mai ai o De Wodire, “a o keia lede opio pu kekahi.”
Hopu aku la o Heneriata 1 ka lima o kona hoopakele a paa pono, a o ka hapanui o na hoa hoopuni ae la lakou i na kanaka elua, a hoao mai la e hoopau i keia hakaka lua mawaena o laua.
“E nee i hope, e na keonimana,” i kauoha mai ai ka Makuisa, iloko o leo o ka mea i piha i ka huhu. “Mahope iho o keia mau hana hoonaukiuki, hookahi wale no alanui e hoomaalili ia ai o kuu huhu o ka ike o kona ili i ka maka o kuu pahi punahele iloko ona.”
Nee aku ia oia a ma kekahi wahi akea o ka malapua, ku mai la oia no ke kali ana i ka Naita.
Me ka ehaeha a me ke aloha o Heneriata i ike aku ai i keia mau mea e hoomakaukau ia nei; a o kahi mea i hiki iaia ke hana o ka puliki ana ae i kona mau lima, a me kekahi mau wahi huaolelo hawanawana pule iaia i ka olelo ana mai, “Mai pepehi kanaka oe,” a me ka hanu e kapalili mao ole ana oia i kali aku ai no ka panina hope loa o ke kaua kakapahi.
He mau kanaka laua ua hele a lehia ma neia mea o ke kakapahi, aka mai ka hoomaka ana mai o laua e ulele, o ka Naita De Wodire ka mea maikai o ke kii ana mamuli ia o kona pihoihoi ole, a e pale ana hoi oia iaia iho mai na hou huhewa ana a ke Makuisa.
A no kekahi manawa loihi akahi no aloaa ka manawa kupono a ka Naita o ke kali hoomanawanui ana mamuli o ka hemahema o kona hoa paio, a me ka hikiwawe nui, i pahu koke aku ai oia, a komo aku la kana pahi iloko o ke kino o kona hoa paio a huai ana ma ke kua.
No kekahi mau minute ko ka Makuisa, i ka manawa i huki ia mai ai o ka pahi iwaho, a me kahi leo nunulu liilii hina aku la oia iloko o na lima i kau ia mai nona.
Me ka nana ole i ka mea i haule malolo ona, ka mea hoi i hoike ae he keikialii oia, hopu aku ia o De Wodire i kona papale me ka wehe ana ae me ke kulana hiehie, a haawi mai la i kona lima ia Heneriata, ka mea i hele a piha i ke okakala i ka makau no keia mokomoko a me ka hikiwawe o ka manawa i paio ia ai.
Aoio oia i ike mamua i kekahi mea kino ola loaa iaia keia mea o ka make ma o keia ana paio a o kona makamua keia, aole hiki iaia ke leha ole aku he mau hora wae ae nei no ke kaawale he enemi ino loa nona me ka haawi ole aku i kekahi panaina o ke aloha maluna ona, a me kona koko ola e puapuai malie ae ana ma kahi puka uuku ma kona umauma, e hoopulu ana hoi i ka paepae o ke alanui.
Lawe ae la o De Wodire i ka lima o ko kaikamahine me kona, a olelo ae la, “E hele, e Madimosele, ua lanakila kaua no ka hele ana,” a alakai aku la oia iaia iwaho mai keia lua ino ae, kahi ona i pakele mai ai mamuli o ka make ana o kona enemi. A ina aole oia i make he pohihihi kona alanui e hemo ai.
MOKUNA IX.
AUAMO KE KAIKAMAHINE MAKAPAA I NA EHAEHA.
O ka lumi pouli o La Fosa i hana hoomainoino ai ia Luisa i wahi e lilo mai ai kona aloha iaia, he wahi ia no kekahi mea puuwai hao e maule ai.
He wahi lumi haahaa olowi ia, i piha hoi me na ea polopolona o na laau popopo a me na welu kahiko, a me na ea kawau polopolona o ka muliwai Seine, a e hele mai ana ia mau ea ma keia a me keia pukapuka o ua wahi rumi nei, a na ia mea i hoano e i na manao o ka poe i popilikia a hoomaka mai la ka @a o kona kino no ka makau, a e like pu paha me ka mea e honi ana i na ea polopolona o ka hale e waiho ia ai o ke poe make.
O na ehaeha a ke kaikamahine makapo e auamo nei he ku maoli no i ka hoomainoino. A no kekahi mau minute ua la’i pu iho la ua wahi nei me he hale kupapau la, a ia manawa, ua hoopuiwa ia oia ma o kekahi halulu nui, a o na iole e hoohaunoele nei a e lelele mai ana mai ko lakou mau lua mai me ka holo ana ma o a maanei, oia ka mea i hookunahihi loa aku ia Louisa i ka makau mai keia mau halulu ano e ana hoi i ike ole ai i ke kumu o o ka halulu ana.
A o kona ike a me kona manao, ua huna loa ia aku e ka makapo, e na kanaka o keia wahi i noho ia e ke ino a me ka pelapela, ua hiki ke hoomaopopo iho kakou aole e hiki ia kakou ke noho.
Iloko o na hora o ka la, a i oi aku hoi ke ino me keia po, neenee aku la ke kaikamahine makapo ma kahi haahaa o kaupoku o ka hale, a e haalulu ana hoi oia i kela a me keia halulu ano e mamuli o ka makani a me na aleale wai, a e pule ana hoi e hele ia mai oia e nana e kona haku aloha ole; no ka mea, aole e hiki iaia ke hoomanawanui i keia mau pelapela, a o ka lohe ana aku i kekahi leo kanaka oia ke mea nana e hoomama mai i kona mau lala i pio malalo o ka makau.
A o ka leo ana i lohe aku ai ua hoomaopopo koke iho la oia o Keaku ka mea i hele aku e ike aku iaia a me ka noi o kona makau iaia, ua hoike aku ia oia i kona hoihoi no kona hiki ana mai.
A me ka manao koho oia i hoomaopopo iho ai eia no oia ke nana aku nei maluna ona, a mamua o kono kamailio ana mai, ua haule iho la na kuli o Luisa maluna o ka papahele me ke kulana o ka mea e nonei ana, a oia kaua i puana aku ai me ke ehaeha.
Ina he manao aloha kekahi iloko o kou puuwai—ina ua ike oe ia mea o ka auamo i ka ehaeha—e oluolu mai oe e lawe aku ia’u mai keia wahi pelapela aku.
O na waimakea e iho makawalu ana ma kona mau papalina, e hoike mai ana i ka nui o kona mau pilikia aka o keia mau mea a pau i ka mea e ku aku nei mamua ona.
O ka aka hoohenehene, oia wale iho la no ka pane no kana mau noi, a hina hou aku la o Luisa maluna o ka papahele e like me ka mea ua make.
Aole i pau. @
Ke Kolopapa Mokuahi Kahului.
---
Ua haalele aku ka mokuuhi kolopupu “Kahului” ia Kapalakiko i ka la 6 o Aperila, he mau hora mahope iho o ka Arawa, a ma ka la 21 iho la no o Aperila ka hoohiki ana ae i ke awa kai holuholu nona ka inoa e o la iaia. He elua ia mamua o ke ku ana i Kahului, ua owaka ae la ke kano o ka huila. Ua hoolei aku oia i kana mau ukana o Kahului a pau, hooili ia he 130 mau tona ko. paa a holo mai ia ma ke ala moana i ka hora 7 ahiahi Poakahi a ku ma Honolulu nei i ka auina la Poalua ae. Ua holo mai nei oia e kukakuka me na agena o ka mokuahi ma Honolulu nei, oia o H. Hackfeld & Co. no ka mea pili i ka hana hou ana i ke kano poino. Ma kona holo ana mai nei mai Kahului mai, ua hoemi ia ka niniu ana o ka huila he kanaha wale no i ka minute, a nolaila ke kumu o ka apa loa o ke ku ana, no ka mea ua ikeia i ke kakahiaka hora 8 a oi, aka aohe nae i pili i ka uapo a aui wale ka la.
He mokuahi kae maoli no keia, no ka mea, ma kaua huakai hope aku nei i Kapalakiko mai, Honolulu aku nei, ua pau iaia na la holo he 15 ku ai i Kapalakiko, hookahi no ke komo pu ana i ka Ipuka Gula me ka moku pea Bila Awini i holo like aku ai no mai Honolulu aku nei ia la hookahi.
------------
Lio Kano Kaa Poino.
---
I ka po o ka la 22 i hala, oiai kekahi kaalio hoolimalima e hoi ana no ke kahua kaa Helu 84 ma ke alanui Alii mai Waikiki mai, a i ke kaa ana mamua iho o ka Halekuai Lako Hale o C. E. Williams & Co. ma ka puka nui ma Ewa e komo ai i Haleakala, aia hoi ua hoekui aku la ke kaa i kekahi puu pohaku ula i hoopuupuu ia ma hai o ke alanui, a i kukulu ole ia ona kukui e hoike ana he puu pohaku ia. Ua walawala aku la ka lio a hai kekahi mau iwi, a poino pu no hoi kaa, aka o ka mea hookele kaa wale o Keo Kalana ka mea i pakele aohe i eha. Mamuli o ke ao a ke Kauka lio, ua kipu ia ka lio a make loa. Oke kumukuai o ka lio ma ke koho a ka mea lio, he $150, a o ke ke kaa mau poino ke hana ia a paa e $30 ana paha. Ma ka Poalua mai, ua hele aku ka puuku o na Waiwai o ke Kula Kamehameha a uku i ka $185. Ua nae ia keia mau hooponopono mawaho a pau e na aoao elua.
------------
E heluhelu i keia malalo iho i lawe ia mailoko mai o ka palapala a Chas. M. Gutfield e Reedley, Fresno Co. Cal.
“Me ka hauoli au e hoike aku nei ma ko’u inu ana no hookahi la i ka CHAMBERLAIN’S Laau Kunu, ua hoola i ke kunu koikoi i loaa ia’u. Ua naiulu ino loa ia ko’u poo a hiki ole ke moe i ka po. Ke hoikeike aku nei au i keia laau laapau ola. O ke anu i kokoke loa e komo iloko o ke poo a mahope hoohele aku i ka puu a me na ake. Ma o ka inu ana la i keia lanu i ka wa koke e loaa ai i ke anu, e hoola koke la i ka wa pokole a keakea ia ke komo loa ana aku iloko o na ake. E loaa keia laau ma na Halekuai Laau Lapaau a pau, a o BENSON, SMITH $ CO. na Agena ma ko Hawaii Paeaina. tf
---***---
I ka haulelau o ka 1893, loaa iho ia ke keikikane a Mr. T. A. McFarland, he haole kalepa ano maka hanohano o Live Oak, Sutter Co. Cal. i ka mai kunu koikoi loa. Mamuli o ka ikaika loa o ka eha ma ka umauma ua loohia i ka u@ii a me he mea ia e loaa ana i ka wela ma ke akemama. Ua hoohainu aku kona makuakane i na olopu nunui lehulehu o ka CHAMBERLAIN’S Laau Kunu, a pela i pau ai a oia loa ke kunu. Ke olelo nei o Mr. McFarland i na wa a pau e loaa ai kana mau keiki i ka nae e haawi ana oia ka CHAMBERLAIN’S COUGH REMEDY (Laau Kunu Ola), a he ola io maoli no. Ke manao paa nei oi he laau kunu oi loa keia ma ka makeke. E loaa no ma na Halekuai Lapau Lapaau a pau, a o BENSON, SMITH & CO. na Agena ma ko Hawaii Paeaina. tf
------------
NA KANAKA
---
Dr. LIEBIG & CO.
Na Kauka no na mai Kulama Malu a me Kuuiaia.
O ka Dr. Liebig laau hooikaika kino o’a ka laau lapaau hooia maikai loa no ka nawaliwali ka emi o ke ano noonoo kanaka makua a me na mai malu, ka hoopio awiwi ia mai a me ka hoomakaukau no na hana o ka noho ana mare, ka oluolu a me na koikoi. He hookahi omole $1 hoao e haawiia mai ai a e hoouna ia aku paha me ka uku ole i keia a me kela mea e hoike mai ana i na hiohiona mai. E kipa a i ole e leta mai na 409 Geary St. puka komo 403 Manson St. San Francisco. 2507 – 1y