Ka Nupepa Kuokoa, Volume XXXIV, Number 16, 20 April 1895 — Page 2
| This text was transcribed by: | Matthew Shim |
| This work is dedicated to: | To my parents: Benjamin Kin Chong Shim, PhD & Elizabeth Ann Aldridge Shim |
MA KE KAUOHA.
Kukala Koho Balota.
OIHANA KALAIAINA. HONOLULU, MARAKI 26, 1895}
I kulike ai me na hooko ana ana a ka Pauku 80 o ke Kumukanawai. ke Hoolaha ia aku nei ka lohe e malama ia aua he koho Balota Kuikawa no ka Lunamakaainana e hoopiha ai i ka makalua i hakahaka ma ka make ana o Charles L. Carter ma ka Apana Koho Lunamakaainana Eha, Mokupuni o Oahu, mawaena o na hora 8 A. M. a me 5 P. M. o ka Poakahi ka la 6 o Mei, 1895.
O na Mahele Koho, na Wahi Koho a me na Luna Nana Koho Balota, eia lakou malalo iho:
APANA EHA.
O kela hapa a pau o ka Mokupuni o Oahu e moe ana ma ka Hikina a me ke Komohana o ke Alanui Nuuanu, a me ka laina e holo pololei ana mai ka Pali aku o Nuuanu a hiki i ka Lae o Makapuu.
Mahele Ekahi--O kela hapa a pau o ua Apana la i komo ai o Honolulu, a i ole ia o Kona, a e moe ana ma ka Hikina o alanui Punahou, a me ka laina e holo ana mailaila aku a mauka a makai.
Wahi Koho. Hale Hooulu mea Ka@u o ke Aupuni, hookui ana o na alanui Moi a me Waikiki.
Na Luna Nana: W. L. Howard, A. C. Pestano, John Kea.
Mahele Elua--O kela hapa a pau o ua apana la i komo ai o Honolulu a i ole ia o Kona, a e moe ana mawaena o ka palena komohana o ka Mahele Ekahi a me ka laina e holo ana penei malalo iho: Mai kai loa mai o ke alanui Hema pii ma ke alanui Hema, i na alanui Moi a me Alapai, a mai ke poo o alanui Alapai a hiki i ka pahu hae ma kahi kahiko o na pu ki aloha ma Puowaina; malaila aku ma ka lapa ma ka aoao hikina o ke awawa o Pauoa a hiki i ka piko o ka mauna.
Wahi Koho. Halekula ma alanui Beritania.
Na Luna Nana: J. A. Magoon, W. C. Wilder, Jr., M. I. Sylva.
Mahele Ekolu--O kela hapa a pau o ua apana la i komo ai o Honolulu a i ole ia Kona, a e moe ana mawaena o ka palena komohana o ka Mahele Elua a me alanui Nuuanu, a mauka o alanui Kula a me ka laina e holo pololei ana mai ka huina o na alanui Kula a me Puowaina a hiki i ka pahu hae ma kahi kahiko o na pu ki aloha ma Puowaina.
Wahi Koho. Ma ka Hale i ke komo ana aku i ke kahua o ka luawai i kai nei, ma alanui Nuuanu.
Na Luna Nana: W. H. Hoogs, J. D. Holt, F. P. McIntyre.
Mahele Eha--O kela hapa a pau o ua apana la i komo ai o Honolulu a i ole ia o Kona, a e kau palena ia ana e na Mahele Elua a me Ekolu, ma alanui Beretania a me Nuuanu.
Wahi Koho. Halekula Alii.
Na Luna Nana. J. M. Vivas, James Nott, Jr., S. Decker.
Mahele Elima--O kela hapa a pau o ua apana la i komo ai o Honolulu a i oleia o Kona, a e kau palena ia ana e ka Mahele Elua, ke alanui Beritania, alanui Rikeke a me ke awa.
Wahi Koho. Kapuaiwa Hale.
Na Luna Nana: Alex. Lyle, J. U. Kawainui, C. S. Bradford.
Mahele Eono--O kela hapa a pau o ua apana la i komo ai o Honolulu a i oleia o Kona, a e kau palena ia ana e alanui Rikeke, alanui Beritania, alanui Nuuanu a me ke awa.
Waki Koho. Hale Bele.
Na Luna Nana: Henry Smith, M. McCann, J. S. Ramos.
Mahele Ehiku--O kela hapa a pau o ua apana la i komo ai ka apana Hookolokolo a me Auhau o Koolaupoko, a e moe ana ma ka Hikina a me ka Hema o ka laina e holo ana mai ka Pali o Nuuanu a hiki i ka Lae o Makapuu.
Wahi Koho. Halekula, Waimanalo.
Na Luna Nana: H. Cobb Adams, Aarona Ku,
J. A. KING,
Kuhina Kalaiaina.
2539-6
Kuai o ka Aina Aupuni, ma ka Apana o Kohala Hawaii.
Ma ka Poalima, Mei 7, 1895, hora 12 awakea ma ke alo a ka Hale Mana Hooko e kuai ia aku ai ma ka kudala akea kela hapa o ke Alanui Aupuni kahiko e holo ana maloko mai o na palena o ka mahiko o Kohala, ma ka Apana o Hokala Akau, Hawaii, nona ka ili he 1/@ eka oi iki aku a emi mai paha.
Kumukuai e hoomaka aku ai e koho, he $100.
J. A. KING,
Kuhina Kalaiaina.
Keena Kalaiaina, Aperila 2, 1895.
2540-3ts.
Ua hookohu ia o H. H. Renton Esp., i keia la i Komisina no na Alaliilii a me na Pono Wai o ka Apana o Kohala Akau Mokupuni o Hawaii.
J. A. KING,
Kuhina Kalaiaina.
Keena Kalaiaina, April 2, 1895.
2541-3
Ua hookohuia o Mr. LOUIS WARREN i keia la i hoa no ka Papa Alanui o ka Apana Auhau o Ewa a me Waianae, Mokupuni o Oahu.
J. A. KING,
Kuhina Kalaiaina.
Keena Kalaiaina, Mar. 28, 1895.
2539-3
Ua hookohuia ka poe keonimana malalo iho i keia la, i Komisina Pa no ka Apana o Kohala Akau Mokupuni o Hawaii.
H. L. Holstein, D. H. Kaailau, Robert Hind Jr.
J. A. KING,
Kuhina Kalaiaina.
Keena Kalaiaina, Apr. 2, 1895.
HOOLAHA HUI.
No ka hoopau ana i ka Waikapu Sugar Company, he Hui Hawaii.
Oiai o ka Hui Waikapu Sugar Company, he hui kukulu ia a e ku nei malalo a ma ka mana o ua Kanawai o ko Hawaii Pae Aina, na hooko pono e like me ke kanawai no ia mau mea, a ua hookomo mai ma ke Keena o ke Kuhina Kalaiaina he noi no ka hoopau ana i ua Hui la, me kehahi palapala hoike i hoopili ia mai e like me ke kauoha a ke kanawai.
A no ia mea, ke hoolaha ia aku nei ka lohe i na poe a pau he kuleana ko lakou i keia Hui i ka wa i hala a i keia wa paha, e hookomo mai lakou i ka lakou mau keakea no ka ae ia ana aku o keia noi hoopau ma ke Keena o ka mea nona ka inoa malalo iho ma a mamua ae o ka Poalua, la 29 o Maraki, 1895, a o kekahi mea a mau mea paha i makemake e lohe ponoi ia, e hele mai lakou ma ke Keena o ka mea nona ka ino malalo iho ma ka Hale Mana Hooko, Honolulu, ma ka hora--kakahiaka o ia la, a e hoike mai i ke kumu i manaoia aole e ae ia ke noi.
J. A. KING,
Kuhina Kalaiaina.
Keena Kalaiaina.
2541-3
Kuai o ka Pa Aina Aupuni Mauka o Alanui Green Maluna aku o ka Lua Pohaku ma ka ihona Hema o Puowaina, Honolulu Oahu.
Ma ka Poaha, Mei 2, 1895, hora 12 awakea, ma ke alo o ka Hale Mana Hooko e kuai ia aku ana ma ke kudala akea ka Pa Aina Aupuni ma ka aoao mauka o Alanui Green maluna aku o ka lua pohaku ma ka ihona Hema o ka Puu o Puowaina, Honolulu, Oahu, nona ka ili he 25,300 kapuai kuea, oi aku a emi iki mai paha.
Kumukuai e koho aku ai he $250.
J. A. KING,
Kuhina Kalaiaina.
Keena Kalaiaina, Mar. 29, 1895.
2540-3
KE HOOLAHA ia aku nei ka lohe i ua Luna Aupuni a pau e ohi nei i na uku no na oihana elua a oi aku malalo o ke Aupuni, hookahi o ia mau oihana he Umikumamawale Haneri ($1800) a pii aku iluna o ka makahiki, a i kulike ai me na hooko ana o ka Pauku 4 o na Kanawai 73 o ke Aupuni Kuikawa, aole helu no ia mau uku mawaho ae o ka oihana hookahi e loaa ai ka umikumamawalu haneri dala a pii aku o ka makahiki, hooia ia aku mahope aku o Aperila 1, 1895.
H. LAWS,
2539-4 Luna Hooia Nui.
AHA HOOKOLOKOLO KAAPUNI APANA Ekahi o ko Hawaii Paeaina. Ma ka hooponopono waiwai. Ma ka hana o ka waiwai o KAAEAMOKU (w), o Hana, Maui, i make.
Ma ka heluhelu a me ka waiho ia ana mai o ka palapala kauoha a Kaaeamouku o Hana, Maui i make, i waiho ia mai ma ka la 16 o Aperila, A. D 1895 i keia Aha, a me ka palapala hoopii e noi ana o hooiaiaia ka palapala kauoha a e hoopuka ka palapala lunahooponopono waiwai ia J. W. Davidson, i waiho ia mai e J. W. Davidson.
Ke kauoha ia aku nei, o ka POALIMA, la 17 o MEI A. D. 1895, hora 10 A. M. o ua la la, ma ke Keena Hookolokolo o keia Aha ma Honolulu, Oahu, oia kahi a nie ka manawa i koho ia no ka hooiaio ana i ua palapala kauoha la, a e hoolohe ia ai ua noi la, a ma ia manawa a me ia wahi e hele mai ai ka poe a pau i kuleana e kuo i ua palapala kauoha la a me ka hoopuka ana i ka palapala lunahooponopono waiwai.
Kakauia ma Honolulu, Aperial 16, 1895.
CHARLES F. PETERSON.
Kakauolelo.
2542-3t.
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hooponopono waiwai. Ma ka hana o ka waiwai o MAILIE KAHAI o Honolulu Oahu i make.
Ma ka heluhelu a me ka waiho ia ana mai o ka palapala noi a John A. Cummins Lunahooponopono Waiwai me ka palapala kauoha i hoopili pu ia o ka waiwai Maile Kahai o Honolulu i make, e noi mai ana e aponoia na hoolilo he $2,939.42 a e hoike ana o na mea i loaa iaia he $3,738.95, a e noi ana e nana a e apono ia kela mau mea, a e kanoha ia e mahele ia na waiwai e waiho ana ma kona lima, a e hookuu la oia a me kona mau hope mai ko lakou noho lunahooponopono ana.
Ke kauoha ia nei o ka POAKAHI; la 20 o MEI A. D. 1895 hora 10 A. M. o ua la@la, ma ke Keena @ookolokolo o ka Aha ma Aliiolani Hale, Honolulu, oia kahi a me ka manawa i koho ia no ka hoolohe ana i ua nonoi la a me na papa hoike helu, a o ka poe a pau i pili, e hele mai a e hoike ina he kumu io ka lakou e hoole ia ai ua noi la.
Kakauia ma Honolulu Aperila 9, 1895.
Na ka Aha:
GEORGE LUCAS
2541-3 Kakauolelo.
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hooponopono waiwai. Ma ka hana o ka waiwai o PAUL P. KANOA i make.
Ma ka heluhelu a me ka waiho ia ana mai o ka palapala kauoha a Paul P. Kanoa i make i waiho ia mai, ma ka la 26 o Maraki, 1895, i keia Aha a me ka palapala hoopii e noi ana e hooiaioia ua palapala kauoha la a e hoopuka ia ka palapala lunahooponopono waiwai ia Kaleipua Kanoa, i waiho ia mai e G. N. Wilcox.
Ke kauoha ia nei, o ka POALIMA, la 3 o MEI, A D 1895, hora 10 kakahiaka o ia la, ma ke Keena Hookolokolo o ua Aha la, ma ka Hale Hookolokolo ma Aliiolani Hale, Honolulu oia kahi a me ka manawa i koho ia no ka hooiaio ana i ua palapala kauoha la, a malaila a ma ia wahi e hele mai ai ka poe i kuleana e kue i ua palapala kauoha la, a me ka haawi ana i ka palapala lunahooponopono.
Kakauia ma Honolulu, Maraki 25, 1895.
Na Ka Aha:
GEO. LUCAS,
Kakauolelo.
2539-3
Hoolaha Kooko o ka Moraki a me ke Kuai.
KE HOOLAHA IA AKU NEI KA LOHE I na mea a pau, i kalike ai me na hooko ana o na mana i hookomo ia iloko o kekahi moraki i hana ia e KANELAAULI a me AKALA kana wahine i ka Hutchinson Sugar Planation Company, ma Dekemaba 5, 1893, kop@ia ma ke Keena Kakau Kope Buke 139 aoao $16 a me $17, ke makemake nei ka nui nona ka inoa malalo iho e hooko aku i ua moraki la no ka uhakiia o ka aelike, ola ka hookaa ole ia o ke kumupaa a me ka ukupanee.
Ke hoolaha hou ia aku nei ka lohe, o ka waiwai i paa maloko o ua moraki nei, e kuai ia ak@ ana ma ke kudala akea maka Hale Kudala o Jas. F. Morgan ma Honolulu, Mokupuni o Oahu, ma ka POAONO, la 27 APERILA A. D. 1895, hora 12 awakea o ia la.
O ka waiwai i paa maloko o na moraki la, oia keia malalo iho: O na pono, na pomaikai a me ke kuleana a pau o ua Kanelaauli la a me Akala iloko o keia apana aina e waiho ia ma Kamaoa, Kau, Mokupuni o Howaii a i kuhikuhi pololei loa ia maloko o ka Palapala Sila Nui Helu 6191 Kuleana Helu $75 nona ka ili he 11.@@ mau eka, oi iki aku a emi mai paha: o ua aina la, eia malalo o ka hoolimalima a ua Kanelaauli la a me Akala i ka mea o paa nei i ka moraki i hauala i ka la 30 o Dekemaba 188@ no ka manawa o umukimamalima mau makahiki ma ke $40 o ka makahiki.
THE HUTCHINSON SUGAR PLANTATION COMPANY.
No na mea i koe, e ninau ia Carter & Kinney na loia no Hutchinson Sugar Plantation Company.
Honoululu, Aperila 3, 1895. 25@0-4
KA NUPEPA KUOKOA
@A
Ko Hawaii Paeaina i Huiia
o ka Makahiki $2.00
No Eono Mahina 1.00
Kuike ka Rula.
HOOPUKAIA E KA
PUKA ANA 1 Pule 2 Pule 3 Pule 4 Pule 5 Pule 6 Pule
Iniha.. $1.50 $2.00 $2.50 $3.00 $3.50 $4.00
2 iniha.. 2.00 2.75 3.50 4.00 4.50 5.00
3 iniha.. 2.50 3.50 4.50 5.00 5.50 6.00
4 iniha.. 3.00 4.00 5.00 6.00 6.75 7.50
5 iniha.. 3.50 4.75 6.00 7.00 8.00 9.00
6 iniha.. 4.00 5.50 7.00 8.00 9.00 10.00
O na Oleleo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.
HAWAIIAN GAZETTE CO.
GEO. H. PARIS, Luna Nui.
J. U. KAWAINUI, Luna Hooponopono.
No Honolulu, Oahu, Lakou a pau.
POAONO, APERILA 20, 1895.
Hoohiki ana mai o ke Kuhina Kakina i ka Home.
Ua ku mai nei o Kuhina L. A. Kakina ma ka mokuahi Arawa o ka la 13 aku nei o Aperila. Ua halawai a lulu lima pu makou me ia i kona wa i lele mai ai i ka uapo. He kino ola maikai kona a me ka puipui konekonea, aole hoi he mau nanaina hopepe no kela mau lohe i hoolaha ia e na nupepa Amerika ua kipaku la mai oia e ke Kuhina Gresham wahapaa o Amerika Huipuia.
O ko makau lohe, aole i loaa mai i ke Aupuni Republika kekahi lohe oihana mai ke Aupuni mai o Amerika Huipuia, a i ole ia mai ke Kuhina noho mai paha maanei no kekahi koi mai i ke Aupuni e hoouna aku i ke kauoha i ke Kuhiua Hawaii Mana piha ma Wasinetona e hoi mai no ka oluolu ole ia e ka mana hooko Kalivalana.
Pehea la i pua ai ka uahi ina aole he ahi malalo ae, e pehea la hoi e laha wale ai keia mau lohe ina aole he mau lono i puhee aku mai ke Keena aku o ko na aina e ma Wasitona. A ina he haku hoopunipuni wale iho no keia, alaila o kekahi keia o na Aperila eepa loa i kahakaha ia ma ka moolelo. Ua paa like no na waha o ko kakou Kuhina a me ko Amerika Huipuia ma keia mea ano pui, aohe hoole aku o kekahi aohe ae aku, a pela no hoi kekahi. Nolaila, ke hele nei keia lohe i ka loa a me ka laula me ka maopopo ole o ka mea oiaio.
Lilo ana o ka Banako o Bihopa ia Damon.
Ma ka hoi ana mai o ke Kuhina S. M. Damon i ka Poaona i hala, i ike maopopoia iho ai ke kumu o kana huakai mama aku nei i Kapalakiko, oia ko Mr. C. R. Bishop hoohole ana mai nei e kuai i ka Banako o Bishop & Co. ma Honolulu nei e lilo ia Mr. Damon e hoomaka ana kona noho ona a poo ana mai ka la 1 aku o Iune aenei. O ke kumu waiwai e hoohana ia nei ka Banako he $800,000, oia kai lilo mai nei ia Mr. Damon ma ka ukupanee oluolu, a e hookaa ia no kekahi mau makahiki. Mamuli o ko Mr. C. R. Bihopa lilo ana i Hope Peresidena no ka Banako o Kaleponi, ua makemake oia e hoakoakoa mai i kona mau dala apau malalila, aka ua makemake pu no mae oia e waiho i ke kumu waiwai o kona banako ma Honolulu nei no ka hookau wa ana o keia anaina.
Ua loaa mai la Mr. Damon na hoohoihoi ma keia hana nui mai na banako mai ma Ladana, Canada a me Kapalakiko ma o ko lakou makemake la e noho launa me ka Banako.
He mea hou hauoli keia no keia anaina uo ka lilo ana o keia Banako kahiko a kaulana iloko nei i kekahi keiki hanau o ka aina a he kama hoi i noho lawelawe hana loihi malalo o keia hale hoopukapuka dala, a no ka hoopaa ana mai hoi i ke kumu waiwai e noho no iloke nei o ka aina e kaana ia ai. E hoomaikai ia o Mr. Damon ma ka lilo ana o keia hale malama a hoopukapuka dala nui iloko o ka aina.
Ka Repubalika Hawaii ma ke Alanui Imi ola Lahui
Ua hoihoi ia mai i ka halemai hookoi o Kalihi aenei, he umikumamamalua mau kamalii mai lepera mai Kalaupapa mai no ka lapaau ano hou e huli ia nei e kekahi kauka e ike ia ka hooia ana ia ka mai lepera. Ma ka auina la Poalua iho nei i akoakoa ai ka papa kauka nana mai lepera ma Kalihi no ka noonoo a me ke kukakuka ana i na mea a pau e pili ana i keia ano lapaau e makemake ia nei e hoao aku. Ua nana lakou i na hale e ku nei ma Kalihi, ua apono ua maikai a ua lawa ma na ano apau a me kekahi mau hana hou pakui i hooholo ia. E hoolilo ia ana o Kauka Wayson i kauka nana e lawelawe i keia ano lapaau mai keia manawa aku ahiki i ka wa e hoea mai ai o Kauka Hale mai Kikako mai.
Ma keia e ike iho ai ka lahui, eia no ka Repubalika ma ka imi ikaika ana ma na ano a pau e loaa na palekana i kekahi hapa o ko kakaou lahui i hoopoino ia e keia mai aai, a e pakui mai ana hoi i na mahalo no ka ke au hou mau pomaikai lahui e hooikaika nei. O ka makou le hooho imua aku a hoea i ka holopono ana.
Hana Aloha a ka Repubalika Hawaii.
Ua hoomaopopo ia mai ia makou, ua haawi manawalea aku nei ke Aupuni ia eha mau keena nunui a me eono mau keena pananaiki iho e kekahi mau hale aupuni ma ka pa Hoopae Limahana i kai o Kakaako, i wahi e hoomalumalu ia ai kekahi mau ohana hune haie noho ole o kekahi mau paahao kalaiaina e paa mai nei ma ka hale hoopaahao. Ma keia e ike ai ka lehulehu mai kela a i keia pae o ka Repubalika Hawaii, aole i kaule hope na lima hooko o ke aupuni i ka panee ana aku i na kokua a me na hana maikai i kekahi poe ohana o ka lahui i hoohune ia, me ka nana ole he enemi a he hoaloha ma ke ano kalaiaina. Nolaila ke eo nei i ka Repubalika he mau hoike maopopo loa ana o ka manao nui i ka lahui kumu o ka aina, e komo iho ai ka noonoo ana e like me na hana maikai e panee ia aku ana, pela hoi e pakui ia mai ai.
No ka Hoohuiaina.
Na ka mea pili i ke kumuhana hoohuiaina, ke hoike mai nei ke Kuhina Kakina, aole wa maiaki e ae e like me keia, aka aole mae ona manao e hiki koke ana i ka pahu hopu. Aole no hoi i kauo ia ka ninau hoohuiaina iloko o ka noonoo ana o na aoao kalaiaina. Oiai e kupaa ana na Repubalika me Hawaii a me ka manao o ka hoohuiaina no lakou ia kahua hana, eia nae aole o na Democarata nana aku ma ia ano, a o kekahi o ko kakou mau hoaloha maikai a ikaika loa, he mau lala no ka aoao Democarata.
Ke olelo mai nei hoi kekahi mau nupepa Amerika, ua eiwa hapaumi o ka lahui Amerika i makemake nui e hoohui ia aku o Hawaii no Amerika Huipuia, ma o ka mikiala a hoonaauao maoli ana la a ka Kuhina Hawaii ma ke kumuhana hoohuiaina, i kokua ia e na makamaka a me na hoaloha o Hawaii me Amerika.
A malia paha ma keia koho e ia ana o ko ka lahui Amerika makemake i ka hoohuiaina i lele e ai ko ke Kuhina Gresham hauli a hoomaopopo ina e mau loa o Kakina ma Wasinetona, alaila e lumilumi ia ana oia i waena o ke kio lepo o ka hoowahawaha lahui ia. Nolaila ike e aku nei oia i keia ao eleele e nee mai ana, hooala ia mai la kona noonoo kuaki i keia kilo aupuni oipiopio i hanau ma Hawaii a i hoohanohano ia me ka Repubalika mokupuni ma Wasientona, e lilo ana oia i mea hoowahwaha loa ia iloko o kanaono kumamalima mili ona kanaka, nolaila hakuepa iho la oia, ke oiaio hoi ka na nupepa maou hoolaha, e hoolilo ia Kakina i mea oluolu ole ia a ke kanaka ake holo moho Peresidena hauleule wale. I na oia na hoolala ana a kona inaina pilikino, alaila aole ia he mea e waia ai ko kakou kuhina kiai makala ma ka kakaou hana i hoounauna aku ai iaia e lawelawe no ko kakou, pomaikai.
Na Wa Olelo Waiwai Ole.
Ua nui ko makou lohe i ke kamailio ia a me ka hoolaha ia no hoi ma kekahi mau nupepa i ko ka mana hookolokolo uahea a kukaokoa loa maoli mai ka nanaina noho'na huki like me ka mana hooko, ma o ka manao ia o kela olelo hooholo a ka oihana koa i makemake ai e pahaka ae i na lima lawelawe o ke Aupuni i komo ole iloko o ka pualikoa a me kiai makaainana mamua ae o ka la 6 o Ianuari, a ua wehewehe aku kekahi poe i ko lakou manao ma o ka pane ia a ka mana hookolokolo i ka mana hooko, he hoohaahaa a he hookae i ka mana hooko.
Aole peia ko makou noonoo no ka pane a ka mana hookolokolo. Ua ninaninau no ka mana hookolokolo i na poe hana malalo o ia oihana, ua kakau pakahi mai kela a me keia o ka poe i hoohuoi ia, i na hoike no ko lakou mau hana a me na kulana iloko o na la a ke kaua hohe wale e ola paumeume ana iloko o na la mua o Ianuari. Ua akaka no i ke poo o ka oihana hookolokolo, na ku no lakou me ke kupaa e kakoo i ke Aupuni. Aole i hooana ia keia mau hoike manao pakahi o na peia hana i ka mana hooko, no ka mea, no ka mana hookolokolo ia waiwai. Eia hoi kekahi, o na apono hope loa ana a pau i ko ka mana hookolokolo mau limahana, aia no ia i ka mana e noho hana mai ai. A he mea pono no hoi e mana ia, o ka mana hookolokolo, oia no ka palekai o na kanawai, a aole loa he mea pono e wailana wale ia kona mana, e na puaii koa ma ke ano mana koa. Nolaila, aole e noonoo ia na olelo hooholo mai kekahi mana koa mai, a aole no hoi i hoohaahaa a hookae ia ka mana hooko.
Hoao e noi mai e Hookuu ia Mekia Suwada.
Ua hoouna mai nei kekahi makamaka o Mekia Seward e noho ana ma ka mokuaina o Peniselaveniana, he pili oia i ka paahao ma ka mare ana ala, a he wahi loio haole e holo mai ana i Hawaii nei e noi ai i ke Aupuni e hookuu aku i ka Mekia malalo o na kumu e haalele loa ia Hawaii nei me ka hoi hou ole mai. Aka ua mahuihui wale mai makou, aole loa ke Aupuni e hookipa mai ana i na noonoo no ka ae ana aku e hookuu laelae aku i ke kanaka nana i lawe mai i na pu a me na lako kaua no na kipi hookahuli Repubalika i pau e i ka paopao ia na a-u a huihui akolea ia ae iloko e kahi paa no ka hooluhi mau wale ana i na kino, a i uku panai no ka lakou mau hana puuwai eleele i hoolala ai e luku wale aku i ko lakou mau enemi ina i holo ke Akua o ke kaua me ko lakou aoao.
He Paahao Kalaiaina i Kuikala ia.
Ua hooholo ka Aha Kuhina i keia hebedoma aku nei i hala, e kuikala aku ia V. V. Akepoka mai kona noho ana paahao no ka hewa huna kipi i ahewa ia ai oia ma ka hoopaahao hookahi makahiki, a me ka hoopai uku dala he $1,000, mamuli o ka hoike oihana lapaau a na kauka laikini ia ekolu, ina e hoomau ia aku kona hoopaahao ia ana ma Kawa, alaila e pio ana kona kino na ka make, oiai hoi ina e hookuu ia ana oia e imi i ke ola ma kekahi mau wahi oluolu ma Geremania malia e hooloihi ia kau ana kona ola.
Me ka manao ole o ka Aha Kuhina e lawe kaokoa i ke koikoi o ka huikala ana i keia paahao maluna o ko lakou mau hokua iho, nolaila ua kahea ia he halawai kuikawa i ka la 11 o Aperila o na Aha Hooko a me Kuka no ka noonoo ana i ka mea pono e hana ai ma keia mea. Ua noonoo a hooholo lakou mahope o ka lohe ana i kekahi mau kumu e huikala i keia paahao kalaiaina mai ka noho ana paahao kaliaina mai ka noho ana paahao a me ka uku ana i ka hoopai dala, ke ae nae oia e haalele loa ia Hawaii nei me ka hoi hou ole mai. Ua hoouna ia ka palapala huilkala no ko ka Peresidena kakau moa ana mai e apono ana. Ua manaoia, o ka Poaono i hala, oia kona wa e haalele mai ai i na aekai o Hawaii nei a huna loa aku i kona mau maka i na aina e. Ua hoihoi ia i ka Halemai Moiwahine e lapaau ai, a eia no malaila i keia wa.
Ua lohe mai makou, ua loaa mai ko ka Peresidena apono i keia huikala, ua hali ia aku a heluhelu ia imua o ka paahao popilikia amaimai, me ka manao ua e ae mai ana la oia. Aka mamuli o ka hoapaapa e lawelawe mua oia i kekahi mau hana pili iaia a pau pono mamua o ka haalele ana ia Hawaii nei, nolaila ke kiai mau nei no ke kaiko ma kona wahi e lapaau ia nei ahiki i ka wa e pau ai kana mau hooponopono hana mawaho nei.
Mokuahana nui o ka Ohana o Spreckels.
Ua hoopiiia mai nei o Claus Spreckels makuakane ma Kapalakiko e kana keikikane ponoi C. A. Spreckels no ka laibila. O ka mea nana ka hoopii oia ka hope Peresidena a me ka luna nui o ka Hui Hoomaemae Kopaa, a o ka mea hoopiiia oia ka me akuleana oi loa o na kuleana iloko o ka hui.
O ke kumu o keia hoopii, oia ka olelo i hoopuka ia ma ka la 23 o Maraki e Claus Spreckels imua o kehaki mea o Johnson ka inoa, a o ua olelo la ua pili ia ia ka mea nana ka hoopii, a i mahelehele ia ma na hoopii pakahi penei:
"Ua haawi au i keia keiki he $25,000 me Piladelapia a ua unuhi aku he $250,000 o ko'u mau dala. E hoike aku ana nu i ka moolelo piha i kekahi o keia mau la iho i ike ai ka lehulehu i ko laua mau ano oiaio apau."
No ka mea e pili ana i ka hoopii a ke keiki kue i ka Hui Mokuahi Oceanica, ua hoopiiia ka makuakane no ka olelo ana penei:
"He hana hoinoino inoa wale iho no keia, aohe mea e ae. Ke hoao nei oia a me ka pokii iho ona e lilo ka $2,000,000 mai a'u aku."
O kekahi kumu hoopii e ae, oia ka olelo ana a ka makuakane, o ka banakarupe mai koe o ka mea hoopii @ ka uhaai dala. O na poho i koho ia no keia mau hoopii lehulehu, ala maluna aku o ka $2,000,000
Hoko o ka manawa e hookolokolo ia ana ka hihia papa a ke keiki muli loa Rudolph Spreckels kue i ka Banako o Nevada, aole e hoololi i na palapala o ka mahele iloko o ka Hui Mahiko o Paahau, ua waiho mai la ka loio o Rudolph Preckels, he oleloike i hoohikiia imua o kekahi notari, a mloko olaila na olelo moino haalele loa e pili ana i kona makuakane.
O ka manao maoli o ka hoopii oia ka hoahewa aku ia Claus Spreckels no kona hooikaika e hoopilikia ia ka ino maikai o kana mau keikikane muli elua, a e keakea ia laua mai ka hookaa ana la i ka aie o C. A. Spreckels i kona makuakane. I ka hiki ole ana e hookaa ia ka manawa i aelike ai, alaila o kekahi mau waiwai i hoopaa ia ai a e waiho ia nei ma ka Banako o Nevada, e lilo ana i waiwai no Claus Spreckels.
Beniamina Harrison he moho holo Peresidena.
I ka la 4 o Aperila nei, ma ke kulanakauhale nui o Kikako, ua kukala hooiaio loa ae o Generala J. S. Clarkson, o ka Peresidena i pau Beniamina Harrison he moho holo Peresidena oia. Ua olelo ae ua Generala Clarkson nei, aole oia he moho e haua maoli ana, aka he moho i hookipa e ia, a oia kekahi o na moho holo Peresidena kaulana loa imua o ka lahui. Aka o ka moho a ka aoao Repubalika e wae ae ana i ka 1896, aole i maopopo, eia he mea maopopo loa, e ae ana o Generala Harrison ke wae ia ina e haawi ia aku ana iaia.
Mokuahi Holoholo hou ma ka Moana Pakipika.
Ua hoolaha ia ma Nu Ioka ma ka la 2 o keia malama, ua kuai aku ka "Hui Hooholo Mokuahi o ka Pakipika" i kekahi mokuahi nui ma Enelani nona ka nui he 5000 mau tona. He inoa okoa kona mamua, aka i ka lilo ana mai i na ona hou, ua hoololi a hea ia kona inoa o "Aztec", a eia oia ma ke alanui e hiki ae i Honokaona, a malaila ae i Kapalakiko. Ua makemake nui loa ia no kekahi wa i hala e loaa ona mokuahi o keia ano, aka ua kakali ka Hui aole e kuai e aia a loaa he puu dala, alaila kuai aku i mokuahi. Ke lana nei ko makou manao, aole e nele ana ke kipa mai o keia mokuahi nui ma ke awa nei o Kou i ka wa e kuene pono ia ai iho kona manawa holoholo mawaena o Kapalakiko a me na awa o Iokohama a me Honokaona.
Hoounauna Mau Mokukaua.
Ma ka la 6 o Aperila i manao ia ai e haalele ana ka mokukaua nui kiai kapa kahakai Monterey i ka pa kapili manuwa Mokupuni Liowahine a holo pololei aku no San Diego me ke kipa ole i Kapalakikio. O kona awa maoli i manao ia ai e hoouna o Kalio, Kili. E kipa ana nae oia ma na awa o Mazatlan a me Acapulco, Mekiko. Ua hoouna aku ka Papa Kalepa o Kapalakiko he palapala keakea i ka oihana aumokukaua e kue ana i ka hoouna ana i ka Monterey i kahi mamao loa e hookauwa me ke ano he hoahui ho kakahi aina e aku, oiai au kapili ia keia mokukaua no ke pale ana i na kapakai ma ka home. Ua pane mai ke Kuhina Aumokukaua, e hoouna wale ia aua no ka Monterey i na kai hema me ke kukulu ma@ ole ia aku i na kahua o ko na aina e.
Ke olelo ia mai nei, e hoouna ia aku ana ka mokukaua hou loa Olympia e pani ma ko Piladelapia wahi ma Honolulu, a e hookuu mai iaia e hoi mai e hoomaemae ia ma Mokupuni Liowahine. A me he mea la, e hoouna loa ia aku ana ka mokukaua Piladelapia e pani ma kahi o ka mokukaua Balatimos ma ke ano moku lawehae ma ke hakua o Asia.
Ua hoouna waeaolelo aku o Kuhina Herbert ia Adimarala Kirkland, e noho aliimoku kiekie nei no na manuwa Amerika i hoonohoia ma ke kahua o Europa, e holo awiwi aku me na mokukaua Kapalakiko a me Marblehead i na kapakai o Suria Asia e malama ai i na Misionari Amerika e hopohopo la o luku maewaewa ia. E holo pololei aku ana ka Marblehead mai Gibaralata aku a i Beiruta, a o ke Kapalakiko hoi, mai Palermo aku i Smyrna. Ua hoonaauao ia aku o Adimarala Kirkland e hoolele aku i na koa marina iuka o ka aina me ka lima ikaika ina e ike ana ia he pilikia.
Ua lilo i mea nune nui ia ma Wasinetona ka lohe ia ana, ua ku ae ma Panama ka mokukaua lawehae Beritania o ka moana pakipika Royal Arthur ma kona ala e holo ana i Nicaragua e hooko ia i na koi he $75,000 a Beritania no ke kipaku ana i ke Kanikela Hatch. Ke lawe nei keia mokukaua ia Adimarala Stephenson, he aliimoku kiekie a aia koke no mahope aku ona o Kapena Ferederika French. O keia manuwa kekahi o na pilikua hou lea o ke aumoku Beritania. Aohe mau l@@@ pili oihana i hooia ia ma Wasinetona, moku ka Royal Arthur nee ana, no ka mea aohe mai Wasientona e lohe ia ai ka nee ana o ka mokukaua Adimarala Beritania. O ka @@ @ @@ha e lohe @ la ma Wasientona @@ @@@ o ke kulaua i keia @@, @@@@@@@ @@@ o Beritania nui ma @@@@@@@@, alaila e ala mai ana ua Repubalika a pau o Amerika e kokua ia Nicaragua.
Ka Hui Repubalika Hawaii.
O keia hui kalaiaina o na kauaka Hawaii i kukaiu ia mahope iho o ke kukala ia ana o ke Kumukanawai o ka Repubalika, he hui ia i hookahuaia maluna o ka hoohuiaina me Amerika Huipuia, a me ke kiai i ka noho ana aupuni maemae a maluhia, a me ka hooikaika ana i ka pono kaulike no na kupa o ka aina, oia ke hahua o keia hui e ku nei.
Nolaila, ua hamama ka ipuka no ka poe apau i lawe i ka hoohiki e kakoo i ke Kumukanawai o ka Repubalika o Hawaii e komo ae i laila, a e kaana ai i na hana Kalaiaiana o o ko kakou auna hanau, no ka pomaikai o ka lahui a me ka lehulehu, a ke poloai nei makou ia lahou e komo ae maloko o ua hui nei.
Kela me Keia.
Ua loaa i kekahi mau luina i hoolele uwati ia mai ai i ka auina la Poalua aku nei na palapu mamuli o ka inu ona nui loa, ka hoolapa hakaka a me ke kue ana mai i na makai hoomalu o ka Repubalika. A o kekahi pao ua hei, ua hoohala i ko lakou mau hora lele uwati ma kekahi mau wahi e aku hoehaunele ole.
Ua paa ae nei i ka aho ia ka hale waapa hou o ka Hui Healani e ku kilakila nei makai aku o ka hale o ka Hui Matala ma Kakaako e kokoke me la i ke Alahuki Moku, a he mau wahi hemahema uuku koe o ka hale e hoolako ia aku ai i na mea e oluolu ai ka nanaina, e like me na kukui uwila a pela aku, alaila, o ke komo no ia o ka hale i na la hope paha o keia mahina, a i ole, i na la mua o Mei aku paha.
Eia ke hooulu nui ia nei mawaena o na lala o ka Rui Heihei a me na poe ona lio heihei ka noonoo e malama ia ona heihei nui makahiki ma Kapiolani Paka i ka la 11 aenei o Iune, ka la hoi i kuluma no ia hana i ke au i hala e aku. A nolaila ke hoeikaika nui ia nei e ku ona halawi e lawe ia mai ai ne hoeueu apau e malama io ia ai ona la heihei nui. A ina e ku io ana, alaila e loaa hou ana ona la maka kanaka o Kapiolani Paka.
Ma ke kakahiaka Poaono o keia pule i hala, ua ku mai ka mokuahi Arawa mai Kapalakiko mai me 13 ohua ka@ena a me 18 mau ohua oneki a me na eke leta. Ua hauhili pu maluna ona he 7 mau poe mahuka, aka, mamuli o ka makaelu loa o ka makai kiai uwapo, ua lele ole mai kekahi o lakou i uka nei, a nolaila, ua hali loa ia aku la no lakou ma ke alahele o ka mokuahi i na Panalaau o ka Hema, a malia paha o lewa hou ia mai no lakou ma keia awa, ke ao ole ia iakou e lele aku i kela mau awa malalo.
He anaina ulumahiehie a ohohia nui kai hoopiha ae i ka Halepaikau o ka Repubalika i ka Poaono aku nei i hala, no ke kilohi a me ka nana ana i na kii hooleleaka hoikeike o kekahi mau wahi pana a me na kii kaulana o ko na aina e a me ko Hawaii nei ponoi iho no hoi kekahi, no ka pomaikai o ke kuai ana i mau ohe hoaeae hou loa na ka puali puhi ohe o na lepera. Ua holopono na hana i lawelawe ia ma ia po, a e papahi ia na mahalo maluna o Kapena Cochrane no ka holomua ma na ano apau, oia ma ke ohohia ia a me ka ohi nui ana i na hua i oi aku mamua o $300.
Ua unuhi ia ae ka papa inoa o na kiure o noho mau ana e hookolokolo i ke kau aenei o Mei, a eia iho na kiure Hawaii: W. Chung Hoon, J. Kuhia, J. Crowell, J. Paaulani, A. K. Kunuiakea, C. P Kanakanui, J. Nalua, Hirama Kaaha, H. Kolomoku, Wm. McGurn, Peter Souza, C. B. Dwight, James L. Holt, Jr., J. S. Kawewehi, J. W. Akana, W. K. Waiamau, John Baker, A. Kekai, John Wallace, C. L. Hopkins, D. L. Keliipio. J. Kanaealoha, Aehi K. Akau, M. Keliiaa, C. A. Long, H. E. Cooke, J. Kapali, J. Kaohi, J. U. Kawainui, T. R. Mossman, A. Bishaw, A. Morris, M. P. Robinson, H. Kahalewai, J. U. Joseph, J. J. W. Mahelona.