Ka Nupepa Kuokoa, Volume XXXIV, Number 11, 16 Malaki 1895 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA

 

Ua hookohu ia ka poe keonimana malalo i@ i keia la i mau lala no ka Papa Koho i ka waiwai io o na Aina Aupuni no ka Mokupuni o Oahu

Jacob F. Brown

James G. Spencer

Curtis J. Lyons

 

J.A. KING,

Kunia Kalaiaina.

Keena Kalaiaina, Mar. 9, 1895.

2573-3ts

 

Ua hookohuia aku o A.S. MAHAULU Esq. i keia la i komisina no na Alaliilii a me na Pono Wai no ka Apana o Waialua Mokupuni o Oahu

 

J.A. KING,

Kuhina Kalaiaina.

Keena Kalaiaina, Mar. 5, 1895

2536-3

 

Ua hookohuia aku o MR. JOHN KAHOA i keia la i Luna Pa Aupuni no ka Pa Aupuni ma Manana Apana o Ewa Mokupuni o Oahu ma kehihi o W.S. W@

J.A. KING,

Kuhina Kalaiaina.

Keena Kalaiaina, Mar. 1, 1895.

2536-3

 

Ua hookohuia o HENRY KUALILI i keia la i luna Pa Aupuni no ka Pa Aupuni ma Makiki Apana o Kona Mokupuni o Oahu. makahi o W. Kaapa i waiho mai

J.A. KING,

Kuhina Kalaiaina.

Keena Kalaiaina, Mar. 6, 1895.

2536-3

 

Ua hookohuia o MR. KAHANAUAPO i keia la i Luna e hopu ai i na holoholona helehewa no ka Aapana o Honolulu Mokupuni o Oahu.

J.A. KING,

Kuhina Kalaiaina.

Keena Kalaiaina, Mar. 6, 1895.

2536-3

 

Ua hookohuia i keia la o J. H. KAPUKUI Esq. i Agena Hooiaio Palapala Aelike Paahana no ka Apana o Waimea, Mokupuni o Kauai

J.A. KING,

Kuhina Kalaiaina.

Keena Kalaiaina, Mar.7 1895.

2536-3

 

NA KOHO I SILA IA.

 

E waiho ia mai na koho ma ke Keena o ke Kuhina Kalaiaina a hiki i ka hora 12 awakea o ka Poaono. Maraki 30, 1895. no ka hana ana i ka pauku o ke alanui ma k@ aoao o ke kahawai o Maulua, Hilo akau, Hawaii.

O na kii a me na kuhikuhi ana, e ikeia no ma ke Keena o ka Luna o na Hana Hou a ma ka halekuai o E.W. Barnard Laupahoehoe a ma ka halekuai o ka mahiko ma Papaloa.

Aole e hoopaa ana ke Kuhina Kaiaina iaia e ae ke hoho haahaa loa a koho e ae pah@

J.A. KING,

Kuhina Kalaiaina.

Keena Kalaiaina, Mar. 13, 1895.

2537-3

 

Olelo Hoolaha.

 

Ua makemakela na hooilina o kekahi @ ma'i l@ i make ma ke Kahua Ma'i Lepera Molokai oia o:

1          REV. J PAHIO. no ka Apana o Hilo, Hawaii, a lawe ia i Molokai, Oct. 9,1889,

e kii ae ma ke Keena o ka Papa Ola i ke keena @ o na pono o na mea i make i hoolilo ia malalo o ka Pauku 11 o "Na @ me na Kanawai Hooponopono o ke Kahua Ma'i Lepera," me ka lawe pu mai i na haoia kupono o ko lakou kuleana.

WILLIAM O SMITH,

Peresidena o ka Pana Ola.

Keena o ka Papa Ola, Feb'y. 25, 1895.

2535-3

 

Ua hookohuia i keia la na keonimana mahalo iho i mau hoa no ke Komisina o na Pa no ka Apana o Lahaina, Mokupuni o Maui.

L.M. Baldwin

George H. Dunn

Henry Dickenson,

J.A. KING,

Kuhina Kalaiaina.

Keena Kalaiaina, Feb. 23, 1895.

2535-3

 

Ua hookohuia i keia la o W.T. Monsarrat i Mea Malama Pauda o ke Aupuni a me Luna no ka Pa Ilina o Makiki, ma kahi o George W. C. Jones i waiho mai.

J.A. KING,

Kuhina Kalaiaina.

Keena Kalaiaina, Feb. 21, 1895.

2535-3

 

AHA HOOKOLOKOLO KAAPUNI APANA klima o ko Hawaii Pae Aina. Ma ka Hooponopono Waiwai. Ma ka hana o ka waiwai o KEWIKI o Lihue i make kauoha ole.

Ma ka heluhelu a me ka waihoia ana mai o ka palapala noi a Keaua (w) o Lihue e hoike anaua make kauoha ole o Kewiki o Lihue e ma ka la 23 o Feberuari, 1895, a e noi ana e hoopuka ia ka palapala hookohu Lunahooponopono Waiwai ia Samuel K. Kaeo.

Ua kauohaia o ka POAHA. la 11 o APEKILA 1895, ma ka hora 10 kakakiaka, oia ka manawa i koho ia wahi no e hele mai ai na mea a pau i pili e hoike mai i he kumu, ina he kumu oiaio ko lakou e ae ole ia ai ua noi la. A o keia kauoha e hoolha ia ma ka olelo Haawaii no ekolu hehedoma nee paa ma ke Kookoa he nupena i pai ia ma Honolulu. Kakeuia maNawiliwili, Maraki 9, 1895.

Na ka Aha:

R.W.T. PURVIS,

Kakauolelo

 

A UA HOOKOLOKOLO KAAPUNI APANA Elima Ma ka Hooponopono Waiwai. Maka hana o ka waiwai o MAKAIKAI (k) o Hanalei Kauai i make. Imua o J. Hardy Lunakanawai Kaapuni.

Ma ka heluhelu a me ka waiho ana mai o ka palapala noi a J.W. Lola, e hoike ana oia npo ka Lunahooponopono oiaio a ku i ke kanawai o ka waiwai i olelo ia, a e noi ana e ae ia aku oia e kusi i kekahi aina o ua waiwai la i olelo ia ma o kekahi mau kumu i olelo ia iloko o ua palapala noi la.

Ke kauoha ia nei o ka POALUA, la 19 o MAKAKI Q D 1895, hora 10 A. M. oia ka manawa i kohe ia no ka hoolohe ana i ua noi la imua o ua Lunakanawai la ma ke Keena Hookolokolo o keia Aha ma Lihue, a ma ia manawa a ma ia wahi e hele mai ai ua pilikana kokoke a me na poe a P@ 1 kuleana i ua waiwai la e hoi ke mai ima he humu hekahi e ae ole ia ai ua noi la.

A ke kauoha hou ia aku nei, e hoolaha ia keia kanoha ma ke olelo Hawaii no ekolu hebedoma@ papa ma kke KUOKOA he nupepa i paiia ma Honolulu

JOCOB HARDY,

Lunakanawai Kaapuni Apaua Elima.

2535-3

 

 

KA

NUPEPA KUOKOA

 

Ko Hawaii Paeaina i Huiia

 

o ka Makahiki             $2 00

No Eono Mahina         1 00

Kuike @ Hula

HOOPUKALA E KA

 

PUKA 1 2 3 4 5 6

ANA Pule Pule Pule Pule Pule Pule

Iniha..  $1.50   $2.00   $2.50   $3.00   $3.50   $4.00

2 Iniha..  2.00 2.75     3.50     4.00     4.50     5.00

3 Iniha..  2.50 3.50     4.50     5.00     5.50     6.00

4 Iniha..  3.00 4.00     5.00     6.00     6.75     7.50

5 Iniha..  3.50 4.75     6.00     7.00     8.00     9.00

6 Iniha.. 4.00   5.50     7.00     8.00     9.00     10.00

@ O na Olelo Hoolaha a pau e hoouna ia mai ana no ka hoolaha maloko o keia Nupepa, e hoouna pu mai me ka auhau, a ina aole, aohe hookomo ia.

 

HAWAIIAN GAZETTE CO.

GEO. H. PARIS, Luna Nui.

J. U. KAWAINUI, Luna Hooponopono

N@ Honolulu, Oahu, Lakou a pau.

 

POAONO,      MARAKI 16, 1895

 

He Hoohuiaina ke Kahua o ka Repubalika.

 

O ke kahua kookahi wale iho no o ko ka Repubalika kukulu ia aua maluna o na pukoa kanu o Hawaii, mahope o ko ka moi Hawaii hoopaakiki naaupo haalele he hiki wale no iaia ke hookele ia Hawaii e like me kona makemake haakei alii i hoomahele aku e hahai mahope o ke ala o Rusia, oia ka hoohui ia Hawaii me Amerika Huipuia. Mamuli o ia kumu hookahi i ohohi ai na kamaaina o Honolulu a kii e olokaa ia Liliuokalani mai ka nohoalii aku o Hawaii, a o ke kaa no ia a o ana ilalo o kahawai. No ka mea, o ko Hawaii hoohui ana aku me Amerika Huipuia, ka makua o ko kakou hoonaauao karistiano ia ana a me ka makua nana e hoopomaikai nei ia kakou ma ka piepiele waiwai panailike ana. O na pomikai nui loa e loaa ana ia kakou, oia ka aina, ke oni paa o ke kulana aupuni, ka loaa ona mana nui wikani nana e hoopunana nei me kakou, ko Hawaii hanohano i ka hui ana mai o na dala makena wale nana e wehe ae i kekahi mau hana hou ano nui iloko nei o ka aina e puapuai mai ai he mau kumu wai hou, ka hoopae ia mai oka waeaolelo moana e lohe mau ai kakou i na mea hou me ke ao nei a puni i kela a me keia la, ke alahula mai o ko kakou mau awa kumoku i na moku e kipa mai ana a e puka ana mai ka Akau ka Hema, ka lu iho i na dala na ko kakou mau paahana a me na poe piepiele, ko kakou lilo i kiko waena no na poe mea hana e hele mai ai haawi a kali paha i na kauoha, ke komo nui mai o na kamahele kaaapuni honua waiwai nana ewale iho i na hunahuna o ko lakou lokomaikai no ka lakou mau mea e kupu ae ai ka makemake, a me ia mea aku ia mea aku a na pomaikai e lawe mai ai a hoopae ma na kaiaulu o Hawaii. I loko o keia wa e puke ia mai nei na aupuni liilii, a e hao wale ia mai nei na mokupuni liilii o ka Pakipika nei e na mana aupuni nui o Europa, ao Hawaii wale no ia e kuhao nei, aka aole no i nele ko kakou makaleho ia mai e ia poe aupuni pakaha wale. Nolaila he mea pono ia kakou ke hoahea i ka noonoo no ka pomaikai o ka heluna nui, aole hoi ka hoolaiki wale a lili kuaki iho.

O ka ninau hoohui ia Hawaii me Amerika Huipuia. he ninau ai e ola ana i kela wa keia wa. Aka ke olelo nei kekahi poe he mea pono e hoomau ia ke ano aupuni Repubalia kuokoa ma Hawaii nei, a i ele ia i aupuni hoomalu ia mai e Amerika Huipuia. He mea pono ia kakou ke hooko o ko kakou kumukanawai, a i ole ia e like auanei ko kakou hopena me ko Liliuokalani, ke ake e uhaki wale i ka aelike mawaena o na makaainana a me ia, a eia nae oia kai kuwalawala loa a paa he pio i kela wa.

 

Owai na Enemi o ka Repubalika i koe?

 

O na kanka maoli o ka aina e hoohiki ole nei malalo  ke Kumukanawai o ka Repubalika Hawaii, i hoohemahema i ko lakou pono pili paa ma ka hoohana ole ana i ko lakou pono kalaiaina maluna o ka aina hanau, aole hoi e noho maluna o na oihana hilinai ia o kona aina iho, a i nele hoi i ka pono e noho kiure mai e hookolokolo i na kanaka o ka aina, ke manao nei makou, ua oi aku ka nekoneko a me ke koikoi o ko lakou karaima mamua ae o ka poe i puka a maka aenei ko lakou kipi i ke akea ma ka lakou mau hana naaupo o ka la 6 o Ianuari i pau i ka hopuhopu ia a e paa mai nei ma ke kehena o ke ao nei e auamo i na ehaeha a ke kanawai o ka aina.

O keia poe hoohiki ole, ma ka mea oiaio he mau enemi pula kaumaka lakou no ka Rpubalika, a ke ohamu nei lakou i kela a me keia sekona o ko lakou hanu paumeume ana e pakaha ae i ke ola o ka Repubalika, a ua hiki wale no ke hopuhopu ia lakou i na wa apau a ka hoohuoi e haupu mai ai. No ka mea, ua maopopo no ia lakou, ua kukulu ia ka Repubalika maluna o ke kahua o ke Kumukanawai, ua hilinai ia maloko nie o ka aina a ua mahalo puni ia mai e ko waho. A ua haomahuahua hou ia iho ke karaima o keia poe hoohiki ole ma o ko lakou hoopaahiki wale ana iho no e noho kuikawa pela e hoomau aku i ka hupo o ka poe naaupo, a me ko lakou lohe ponoi ua haalele, hookuu a hoole loa o Liliuokalani i kona kuleana i koe iloko o ke Aupuni o Hawaii i keia wa, a ua kuhikuhi mai i ka poe he mau maka ko lakou e ike ai a he mau pepeiao e lohe ai, hookahi wale no aupuni ku i ke kanawai o Hawaii nei i keia wa, oia ka Repubalika o Hawaii. A ua kuikahi hoi ia e like me ka ke KUOKOA i kuahaua aku ai i'oko o na makahiki elua i hala, "ua make kanu ke aupuni alii ma Hawaii nei," a na ke alii hope nana i hooinalu paewaewa hookiekie iho nei ia oe e Hawaii i hooia mai i ka oiaio oka makou.

Aole makou e hookikina aku ana i kela a me keia, aka ke hookuu nei makou na ka noonoo maikai o ka lahui e akena nei, he lahui naauao o Hawaii e hoohuli i ko lakou manao ma ka aoao o ka pololei e like me ka makou i paio pukahi iho nei ahiki ikeko ana o ka makou mau mea i hoike aku ai imua o ka lahui. "Hookahi oleloao i ka naauao ua lawa ia."

 

Ke Kulana Waiwai o ke Aupuni no Elua Makahiki.

 

Maloko o kekahi nupepa namu kuloko o keia kulanakauhale, i ike ia iho ai na loaa a me na hoolilo aupuni o ka Repubalika no na makahiki 1893 a me 1894. O na loaa aupuni mai na wahi mai a pau no ka 1893 ke hui pu ia me na dala i aie ia aku, ua hiki aku ka huina i ka $1,976,619.31; na loaa hoi o ka 1894, e like me ke ano ma ka makahiki mamua iho, aia ma ka $1,972,135.43, ehoike ana, o ka oi o ko ka 1893 mau loaa i ko ka 1894, he $4,483.88.

O na hoolilo hoi no ka 1893, aia ma ka $2,071,316.93; a o ko ka 1894 mau hoolilo he $1,854,053.08, ehoike ana, he $217,263.89 ka oi o ko ka 1893 mau hoolilo imua o ko ka 1894.

E hoomanao ia nae, ua hookekena ia ke aupuni iloko o ka 1893, e hoo kaa aku i na aie manuunuu a ke au moi i hooili mai ai na ke Aupuni Kuikawa e olokaa aku. Aka ma ka 1894, ua hooponopono ia na mea a pau maluna o ke kahua ku i ka lawelawe oihana waiwai iloko o keia mau makahiki hanupanupa a ke aupuni i alo iho nei me ka hoolohaka ole ia o ka oihana waiwai. He hoike ana i ke kulana hilinai piha ia o ke poo nana e hookele nei i ka oihana waiwai iloko o keia mau makahiki o ka hoalaala kipi e waha ana ma ke kua me he haawe la.

 

Na Hana hou Kulanakauhale.

 

Ua noonoo ka aha kuhina no ka pono e hoakea ae i kekahi mau alanui ano nui o ke kulanakauhale, ae hooloihi hou aku i kekahi mau alanui. Nolaila ke hoonoho ia nei kekahi haole anaaina aupuni e ana ma keia mau alanui e hoolala ia nei, a ola iho keia: E hoakea ae i ke alanui Hotele mai ke 35 a50 kapuai, oia mawaena o na alanui Rikeke a me Nuuanu e hoakea ae i ke alanui Mililani, a e hooloihi aku ahiki i ke kai; e hoakea ia alanui Rikeke mai uka a kai; e hoakea a hoopololei @ ke alanui Uniona; e hoakea i ke alanui Papu mai mauka aku o ke alanui Nuuanu mai ke alanui Hotele aku a Beritania; e weheia ke alanui hou mai alanui Halealii aku a hoea i Beritania, e weheia ke alanui hou mai alanui Halealii aku a hoea i Beritania, e hana ia nei i keia wa, alaila hoakea i ke alanui Kula mai ke 35 a 50 kapuai; e hoakea a hoopololei i ke alanui Puowina ahiki i ke alahuki Moku, e hui ana me ke alanui Moku, e hookamoe like i ke alanui Kula mai Puowina ahiki i Nuuanu me ke alanui oki mawaena o Kukui a me Kula; e hoakea i ke alanui Moi wahine mai Papu aku ahiki i alanui Hema e moe loa aku ahiki i alanui Seridana; e hoakea i ke alanui Beritania ma ka hapa iloko o ke kulanakauhale ahiki i ke 60 kapuai; e hooloihi aku i ke alanui Kukui mai alanui Nuuanu aku ahiki i alanui Liliha, a mai alanui Papu aku ahiki i alanui Puowina mauka o ka Emma Kuoa; e hooloiihi aku ia alanui Beritania ahiki i alanui Lilihia; e pani i kahi alanui olowi ma Ewa iho o Kaumakapili, ma o ka hooloihi ana aku i ke alanui Maunakea ahiki i alanui Vineyard; e hooloihi aku ia alanui Vineyard; e hooloihi aku ia alanui Allen ma ke poo o ka uapo hou ma ka 100 kapuai ke akea, a e hui ana me alanui Aekai ma ke Alahuki Moku; e hoakea i ke alanui Moi ahiki i Kamehameha; e hoakea a hoopololei ae i ke alanui Halemai Pupule; e hana hou ae i ke alanui e mana la i kai mai ke alanui nui aku o Waikiki e iho ai a a'e aku ma ka uapo o ka muliwia o Piinaio; o ke alanui hou ma kapa kahakai makai o na hale mahoe.

O kekahi o keia mau hana hou e nui ana na lilo, aka e oi loa aku ana ina e hoapaapa ia a loihi ka manawa e waiho wale ai.

 

Na Hoopai o na Pio Kipi a me Huna Kipi.

 

Ma ka la 8 o Maraki, ua hoopuka ia mai ka hoopai o keia poe i hopu a hookolokolo ia o ka Aha Koa no ke kipi, penei:

Kiliiona Poepoe, he elima makahiki hoopaahao ma ka hana oolea a me $5,000 hoo pai dala ua hoopau ia ka hoopai dala e ka Peresidena a ua kapae ia ka hoopaahao e kau no nae pela a ke hana hou he hooko wale no.

W. K. Pua, he elima makahiki hoonaahao ma ka hana oolea a me $5,000 hoopai dala ua hoopau ia ka hoopai dala a ua kapae ia ka hoopaahao e kau no pae pela a ke hana hou he hooko wale no.

O Haha, J. Kaolowi, J. K Kamali, J. J. Mathews, Wm. Joseph, Nahinalua, Kaaihue, Henry Enoka, Pihema, Kaholo, Kahananui, Kaniela, J. Pio, J. Kahopuaiki, Wailama, Kakaio a me W. Kauwenaole, ua hoopai ia he elima makahiki hoopaahao ma ka hana oolea a me $5,00 pakahi ua hoopau ia ka hoopai dala e ka Peresidena.

Ma ia la hookahi, ua hoopuka ia mai ka hoopai o keia poe huna kipi mahalo iho i ahewa ia e ka Aha Koa:

Jno. C. Lane, he eono malama hoopaahao ma ka hana oolea a me $100 hoopai dala.

Kaimimoku, he eono malama hoopaahao ma ka hana oolea a me $100 hoopai dala.

Alexander Smith, he oeno malama hoopaahao ma ka hana oolea a me $100 hoopai dala. Ua hoopau ka Peresidena i ka hoopai dala.

Jno. K. Baker, he ekolu malama hoopaahao ma ka hana oolea a me $10.

James Aylett, he hookahi malama hoopaahao ma ka hana oolea a me $50.

Jonah K. Kalanianaole, he hookahi makahiki hoopaahao ma ka hana oolea a me $1000 a e hoopaahao ia a pau ka hoopai dala.

Wm. K. Hutchison, he elua makahiki $500. Ua hoopau ia ka hoopaahao a ua hoemi ia ka hoopai dala @ $250, a e hoopaahao ia a pau ia hoopai dala.

Ma ka la 11 o Maraki nei, ua hoopuka ia mai ka hoopai o keia poe huna kipi malalo iho.

Jno. H. Wise, he ekolu makahiki hoopaahao ma ka hana oolea a me $100 ma ke dala.

S. Kaili, he hookahi makahiki hoopaahao ma ka hana oolea a me $100 ma ke dala.

 

He Hoomanao Walohia na na Komopani koa ia C.L. Carter

 

He huakai hoomanao walohia ka na Komopani Koa Pualu B, A a me C Kiai Lahui Hawaii i ka auina la Sabati i hala, Maraki 10, ma o ka houluulu ana a kai like mai ka Hall Paikau aku o ka Repubalika ma alanui Halealii, no ka hoowehiwehi ana i ka He kupapau o Charles Lunt Carter, he lala no ke komopani B i kiia e ka pu powa a na pegana Anee Alii ma ka po o ka la 6 o Ianuari i hala aku la.

Ua hoonohonoho ia ka huakai, ma o ka lilo ana i ka Puali Makai eleu malalo o Kapena nui R. P. Waipa ke poo, alaila o ka Puali Puhi Ohe mai malalo o Prof. H. Berger, i ukali ia e na komopani koa B, A a me C, a o ka panina me ke kaa lio huli aoao i hoopiha ia oluna me Akukaua Generala Soper a me Mekia Potter o ko ka Peresidena puali ukali, Lutanela Kolonela Fisher, Kapena Ashley (Puuku), Kapena Gartenberg (o ka oihana hoolako kaua,) Kapena Cooper (Kauka o ka Puali) a me Kapena Camara.

Ua kai ka Puali malalo o Mekia McLeod ma alanui Hotele, pii ma alanui Papu, iho ma alanui Beritania a pii ma alanui Nuuanu ahiki i ka lua kupapau o ko lakou hoa make i na kanaka e alualu ana ahiki wale i ka ilina. Ua hoo wehiwehi iho ke komopani nona ke koa make me na pua i maiau noeau ia ke kui ana ma ke ano hoomanao i anoi ia mailoko mai o na pua ano like ole.

Ua maki ia mailoko ae o ke komopani B he eiwa mau koa a ua ki ia he eklou mau kipapa ana e lakou maluna o ko lakou hoa koa i mohai i ke ola no ka pono o ka lehulehu a me ka maluhia maluna o ka aina. Pau keia, alaila ua huli hoi mai ia ka pua no ke kaona nei.

I ke kanu ia ana o ke kino make o C.L. Carter ma ka la 7 o Ianuari, aole i hele kona puali oiai e paa ana ma ke kahua o ka hana.

 

"Mokuahi Kahului"

 

I ke kakahiaka Poalima i hala, ua komo mai ka mokuahi "Kahului" ma keia awa mai he awa mai e hea ia i kona inoa a ua hoopili ia ma ka uapo loihi o ka Pakipika. He mokuahi keia i holo iho nei he mau huakai mawaena o Kapalakiko a me Kahului; a i holo loa mai ianei e hoolawa ai i ka hooii ana e lawa ai ka ukana no ka huli hoi ana aku i ke awa kaulana aku me na mokuahi Mariposa a me Alameda ka nunui, aka ua hoolako ia no nae me na keena ohua papa ekahi e lawa ai no ka iwakalua kumamalima, a me ko na ohua papa elua elawa ai ka umikumamawalu. O ka uku ohua papa akahi, aia ma ka $50, a o ko ka papa alua, aia ma ka $25 ahiki i Kapalakiko. Ma ka hora 10 kakahiaka Poalua iho nei, ua huli hoi loa aku oia no Kapalakike. O kona mau agena o Honolulu nei, o H. Hackfeld & Co., a ua loaa iaia mai keia awa aku na ukana he 6,537 maa eke kopaa. Ua koho ia, o ka la 22 o keia malama, kona wa e hoohiki aku ai i Kapalakiko.

 

Ke Alawaioki o na Kai Akau a me Balatica.

 

O ke alawaioki o na Kai Akau a me Balatica a ka Emepera o Geremania e manao nei e hookelakela ae i Iune aenei, ua hoomaka ia ke oki i Iune o ka 1887, a e hoohui ana ma ka nuku o Elbe ma ke Kai Akau a me Kiel ma ke Kai Balatica. E komo ana ma keia alawaioki na moku nunui. He 61 mau mile ana kona loa, 26 kapuai ka hohonu, 195 kapuai malalo o ka papaku. A oiai o ka holo ana mawaho mai o Elbe a hiki i Kiel he loa nona na mile kokoke e 600 o ke ano hakukoi, nolaila o ka loaa ana o keia aluwai, ua waiwai loa aku ia no ko Geremania aumokukaua. O na lilo i manao ia a paa e hiki ana i ke $40,000,000, a o na lilo paha no ka malama ana i ka makahiki e hiki ana i ka $200,00.

 

Ko Bisimaka Kanawalu la Hanau

 

A ka la 1 aenei o Aperila, e piha ai ke kanawalu makahiki o ke ola ana o ke Kuhikuhi Puuone oi kelakela Bisimaka o Perusia a me Keremania, a o ka hoku alakai hoi o ka mana hooko o ka luaui Emepera Williama I., ke aliiaimoku hoolohe i ke kuhikuhi a kona kilo Aupuni i hauoli loa ai, a o ka puuwai koa hoi nana i hoohui i na Aupuni mokuaina lehulehu o Keremania me Perusia a lilo i aupuni ikaika koa a mana mawaena o na lahui nui o ke ao nei i keia la, a i kupaa hoi iloko o ka noho ana a ke apo o ka hui, no ka manawa e hele aku nei e piha ka hapaha keneturia. Ke lohelohe wale ia aku nei, eia na makaainana Keremania ma Honolulu nei ke hoolala a kukakuka mai nei ke kulaia ana i ka la hanau o ko lakou kanaka loea i ola loihi mai i keia mau makahiki lehulehu a i kahakaha iho i na hana ano nui manuunuu a kona noonoo ihookele ai no ka pono o kona aina makua.

 

Na Telepona ma Europa

 

Ua hoohui ia ae nei na kulanakauhale poo aupuni o Berelina a me Vienna ma ka waea telepone, a eia laua ke kamilio nei ma ia ano, a ke pii mai nei ka paila o na hana no keia ala pokole e kamailio ai me kahi mamao. Ua hoohuiia keia laina waea me Trieste ma ko Auseturia  aoao a me Hamburg ma ko Geremania aoao, nona ka loa kokoke e eiwa haneri mau mile. A ke upu ia aku nei e hoohui koke aku ana o Hamburg me Copenhagen. Nolaila, ke laha loa aku nei keia alahele kamailio ma Europa, aole hoi e kaukai wale no maluna o ke telegarapa like me ka wa i hala.

 

Ka Hele Oihana Dute o Honolulu.

 

Ke hoowehi aku nei makou i keia mau kolamu o ke KUOKOA me ke kii o ka Hale Oihana Dute nuio
Honolulu e ku nei ma ke kihi o na huina alanui Papu a me Alani. Ua kukulu ia keia hale i ke au o Kamehameha IV., a ua pakuiia mai i keia a me keia wa i ike ia ai ua lawa ole ka hale no na waiwai komo mai e hoahu ai, a nolaila ke hele aku nei i ka loa a i ke akea. O ka makaha keia o ke aupuni, kahi e hoahoia ai na waiwai o na aina e mai, a e ohi ia ai na auhau dute maluna o na waiwai i ku i ka auhau ia, aole hoi oia wale, aka e uku pu ana ka poe mea waiwai i ka uku hoolimalima o na waiwai e malama ia ana e ke aupuni maloko o keia hale. He puali nui o na paahaua o ke aupuni maloko o keia buro malalo o ka Oihana Waiwai, e hoomaka ana mai ke poo a me ka hope o ka buro a iho i na kakauolelo, na luna hale papaa, kiai a pela aku. O na dala i hoolilo ia no ke kukulu hou ana i na hale a e pakui mai ai paha i keia makaha o na loaa e hoopuipui nei i ka waihona o ka lehulehu mai na dala dute la i ohila mai keia oihana mai.

 

Ka Home Noho Wasinetona Hale.

 

Ke panee aku nei makou i ke kii o Wasinetona Hale ma alanui Beritania Honolulu, aole ma ke ano he hale hoahu lako pu a me na lako kaua no Liliuokalani, aka ma ke ano oia kekahi o na hale kahiko loa i kukulu ia ma Honolulu nei. Ua hoomaka ia ke kukulu o ke kahua o keia hale me na pohaku ako'ako'a e ka mea nona ka inoa Isaac Adams, no ka makuahine o Kiaaina Dominis, oiai kana kane o Dominis e holoholo kepena ana maluna o ka moku mai Honolulu aku nei a i Kina e piepiele ai a me kekahi mau wahi e aku ma ka Akau a hoi mai no i Honolulu. A mamuli o ka hoohihi a Mrs. Dominis, oiai ua holo pu mai laua me kana kane, i ka noho ana o Honolulu nei a me ka maikai o ka ea, nolaila ua koi oia i kana kane e noho i Honolulu nei a e kukulu i hale e noho paa ai, a e haalele loa i ka home ponoi ma ka mokuaina o Makesuketa, a ua ae kana kane a hooko i ke noi. O ka 1842 paha ka wa i hoonoho ai ke kahua, aka aole nae i paa a hiki i ka hoomaka ana o ka 1846. A ma Augate 5, 1846, ua holo hou o Kepena Dominis maluna o ka moku malalo o kona noho hookele ana, aka mahope o ka haalele ana ia Honolulu nei a hole aku no Kina, aole i lohe hou ia ka pae ana aku o kona moku ma kekahi aina maloo a hoea loa mai i keia wa.

He hale maikai a nani keia i kona mau la mua, a ua ku mai oia e hoowehi i kela wahi o ke kulanakauhale a hiki i keia mau la o ke ao nee mua e aloalo nei, i kia hoomanao no na hana lima ike o ia wa. A o na laau a me na mea kanu e pohai nei ia hale, oia no ka hua o ka Mrs. Dominis makua mau hooikaika ana e kanu i na laau a me na pua hoonani o na kihapai.

Ma ka la 16 o Sepatemaba, 1862, mare ia iho la o Jno. O Dominis me Lydia Kamakaeha Kapaakea, a i lilo mai hoi i Moiwahine ma ka 1891. Ma ka make ana o Makuahine Dominis, ua ili keia hale a me ka pa e hea nei i kela inoa maluna o ke kane a make aku nei hoi ke kane, ua ili loa mai maluna o Liliuokalani Dominis.

 

Moku Okohola Pau-ahi

 

I ke aumoe o ka Poalima o ka hebedoma i hala, Maraki 8, i ka moku okohola "Gayhead" e hakau ana mawaho o Mamala a o kona kapena mauka nei o ka aina kahi i hoaumoe ai, aia hei ua honi ia aku la ka hohono o ke ahi e puapuai mai ana mailalo mai o ka moku, a ua maopapo ma ka huli ia ana aku he pau ahi maoli. Ua hoouna ia mai he waapa iuka nei e hoike ai i keia lohe i ke kapena, a e loaa hoi ona mau kokua ao ke kinai ana e pio. Ua ho'a koke ia ke ahi o ka mahu o ka mokuahi Hiiaka, a ua hoouna pu ia ka lohe i ka mokukaua Amerika Piladelapia. Hoko o iwakalua paha mau minute, wela ae la ka mahu e ka Hiiaka, aka ua hala e aku la nae ka waapa kokua o ka manuwa malalo o Lutanela Werhlich e haawi i na hookauwa ana e hoopio ia ai keia pau ahi i ka moana.

I ka hala ana mai o ka waapa ahailono iuka nei o ka aina, ua hoomau aku ka poe i koe oluna o ka moku e kinai i ke ahi me kahi iliwai uuku palaueka, a i ka hiki ana aku hoi o na kokua mai uka aku nei, oia hoi ka waapa o ka manuwa a me ka mokuahi Hiiaka, ua awiwi ia ke ki ana o ka iliwai a keia mau lima kokua. Mahope o ka hoomau ia ana o ka pauma i ka wai iloko o ka puka nui mawaena me ka manao e pio, aia hoi ua hooholo ia e kolo i ka moku okohola iloko nei o ke awa a kukulu ma kahi kokoke i ka uapo, i hiki ai i na iliwai mai uka mai o ka aina ke hookiki ia mai iluna o ka moku poino. Ua hooko ia pela, a ua kolo io ia mai a kukulu ia ma kahi kokoke i ka uapo, a ua ki ia aku na iliwai a ka oihana kinai ahi o Honolulu a hiki i ka pio ana.

Ma ka Poaono mai, ua malama ke Kanikela Amerika i aha nieniele i ke kumu i puka mai ai keia pau-ahi a hoopanae wale me ka loaaole o ka mea e maopopo ai. Ma ka noho hou ana mai i ka Peakahi nei, ua hopu ia he ekolu mau luina i hoohuoi ia na lakou i puhi i ka moku i ke ahi, a o ko lakou mau inoa, oia o Wm. Bresley, Eiker Ewkowler a me Wm. Geshmannn. Eia nae i ka ninaninau ia no ka lawa ole o ka ike e paa ai.

 

Pake Koikoi o Wailuku Iloko o ka Wiliau

 

O kekahi o na pake koikoi o Wailuku, o Young Hee, ua holapu ia mai nei e ka puhuluhulu hoopono o ia kulanakauhale, no ka hewa kipe i na lala o ka oihana makai o Wailuku. Aia he ewalu mau kumu kue iaia o ke kipe ana i hki aku i ka $120 ka nui, i hoikeia mai ua kipe maoli ma kekahi ano a no kokahi kumu ia hope makai nui Dickey a me Kapena Lindsay ma na manawa kaawale a ma na aia lehulehu. Ua hookolokoloia ua Young Hee nei no hookahi wale no kumu ma ka ia 8 aku nei o Maraki, a po no hoi ka la pau na olelo ike. Ua hoomau mai o Lunakanawai Helekunihi i keia hihia a i ka Poakolu iho nei e noho hou ai ka aha. Mamuli o ko Young Hee kamaaina a ano koikoi iloko o ka mokupuni o Maui, nolaila ua lilo kona hopu a hookolokolooia ana no keia hihia hoopai koikoi i mea kamailio nui ia. Ua pau i ka hoolimalimaia na me Jno. Kalama. A me he mea la i ko makou hakilo aku mai keia mamao, e lie me ke koikoi o ka mai, pela paha i kinikini ai na kauka lapaau, aka e alakai ia ana no ke kahu o ka aha malalo o na oleloike a me ke kanawai.