Ka Nupepa Kuokoa, Volume XXXIV, Number 9, 2 March 1895 — Page 2
| This text was transcribed by: | L. A. Marchildon |
| This work is dedicated to: | Any Canadians calling Hawaii home...I'm so envious !! |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Olelo Hoolaha.
Ua makemakeia na hooilina o kekahi mau ma'i lepera i make ma ke Kahua Ma'i Lepera, Molokai, oia o:
1. REV. J. H. PAHIO, no ka Apana o Hilo, Hawaii, a lawe ia i Molokai Mei 29, 1891, a me
2. KAAUMOANA (k0 no ka Apana o Kipahulu, Maui, a lawe ia i Molokai, Oct. 9, 1889,
e kii ae ma ke Keena o ka Papa Ola i ke koena dala o na pono o na mea i make i hoolilo ia malalo o ka Pauku 11 o "Na Rula me na Kanawai Hooponopono o ke Ka@ua Ma'i Lepera," me ka lawe pu mai i na hooia kupono o ko lakou kuleana.
WILLIAM O SMITH,
Peresidena o ka Papa Ola
Keena o ka Papa Ola, Feb'y. 25, 1895.
2535-3
Ua hookohuia i keia la na keonimana malalo iho i mau hoa no ke Komisina o na Pa no ka Apana o Lahaina, Mokupuni o Maui.
L M Baldwin
George H Dunn
Henry Dickenson,
J. A. KING,
Kuhina Kalaiaina.
Keena Kalaiaina, Feb. 23, 1895.
2535-3
Ua hookohuia i keia la o W. T. Monsarrat i Mea Malama Pauda o ke Aupuni a me Luna no ka Pa Ilina o Makiki, ma kahi o George W. C. Jones i waiho mai.
J. A. KING,
Kuhina Kalaiaina.
Keena Kalaiaina, Feb. 21, 1895.
2535-3
Ua hookohu ia o William Rathburn Esq. i keia la i Komisina no na Alaliilii a me Pono Wai no ka Apana o Koolauloa Mokupuni o Oahu.
J. A. KING,
Kuhina Kalaiaina.
Keena Kalaiaina, Feb. 21, 1895.
2534-3ts.
Ua hookohuia aku o L. A. ANDREWS Esq. i keia la i Lunahoomalu no ka Papa Alanui o ka Apana Auhau o Wailuku, Mokupuni o Maui, ma kahi o C. B. Wells i waiho mai.
J. A. KING,
Kuhina Kalaiaina.
Keena Kalaiaina, Feb. 18, 1895.
2534-3t.
Ua hookohuia i keia la ka poe keonimana no lakou na inoa malalo iho i mau Komisina no na Pa no ka Apana o Waialua, Mokupuni o Oahu.
Eia ka Papa i keia wa:
Henry Wharton,
Andrew Cox,
Alfred Kaili.
J. A. KING,
Kuhina Kalaiaina.
Keena Kalaiaina, Feb. 14, 1895.
2533-3
HOOLAHA HUI.
No ka hoopau ana i ka Waikapu Sugar Company, he Hui Hawaii.
Oiai o ka Hui Waikapu Sugar Company, he hui i kukulu ia a e ku nei malalo a ma ka mana o na kanawai o ko Hawaii Pae Aina, na hooko pono e like me ke kanawai no ia mau mea mea, a ua hookomo mai ma ke Keena o ke Kuhina Kalaiaina he noi no ka hoopau ana i na Hui la, me kekahi palpala hoike i hoopiliia mai e like me ke kauoha a ke kanawai.
A no ia mea, ke hoolaha ia aku nei ka lohe ia na poe a pau he kuleana ko lakou i keia Hui i ka wai hala a i keia wa paha, e hookomo mai lakou i ka lakou mau keakea no ka ae ia ana aku o keia noi hoopau ma ke keena o ka mea nona ka inoa malalo iho ma a mamua ae o ka Poalua, la 29 o Maraki, 1895, a o kekahi mea a mau mea paha i makemake e lohe ponoi ia, e hele mai lakou ma ke keena o ka mea nona ka inoa malalo iho ma ka Hale Mana Hooko, Honolulu, ma ka hora—kakahiaka o ia la, a e hoike mai i ke kumu i manaoia aole e ae ia ke noi.
J. A. KING,
Kuhina Kalaiaina.
Keena Kalaiaina,
2529-8
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hooponopona waiwai. Ma ka hana o ka waiwai o Kaalalo k, i make.
Ma ka heluhelu a me ka waihoia ana mai o ka palapala kauoha a Kaai@lo k, i make i waiho la mai, ma ka la 20 o Feberuari, 1895, i keia aha a me ka palapala hoopii e noi ana e hoo@a@ola @a lunahooponopono waiwai ia Kamakee w, i waihoia mai e ua Kamakee w@ la i oleloia.
Ke kanohaia nei, o ka POALIMA, la 22 o MARAKI, A. D. 1895, hora 10 kakakiaka o la @a, ma ke koena hookolokolo o ua aha la, ma ka Hale Hookolokolo ma Aliiolani Hale, Honolulu oia kahi a me ka manawa i kohoia no ka hooiaio ana i ua palapala kauoha la, a malaila a ma @a wahi e hele mai ai ka poe a pau i kuleana e kue i ua palapala kauoha la, a me ka haawi ana i ka palapala lunahooponopono waiwai.
Hanaia ma Honolulu, Feb. 20, 1895.
Na ka Aha:
GEO. LUCAS,
Kakanolelo.
2@4-3
AHA HOOKOLOKOLO KAAPUNI APANA Elua o ko Hawaii Pae Aina. Ma ka hooponopono waiwai. Ma ka hana o ka waiwai o HAKALAAU o Wailuku, Maui, i make.
Ma ka heluhelu a me ka waihoia ana mai o ka palapala noi a me ka papa hoike helu a Wm. Nawa@. Lunahooponopono o ka waiwai o Hakalaau i make, e noi ana e aponoia na hoolilo he @198, a e hoike ana o na mea i loaa iaia he $2@5, a e noi ana e n@u@@ e aponoia kola mau mea, a e kauoh@a e maheleia na waiwai e waiho aua ma kona lima i ka poe i kuleana i ka waiwai, @ hookuu @ a me kona mau hope.
Ke kauohala nei, o ka POAKOLU, la 13 o MARAKI, A. D. 1@, ma ka hora 10 kakahiaka imua o ua Lunakanawai la ma ke Keena Hookolokolo o ia Aha ma Wailuku, Mokupuni o Maui, oia kahi a me ka manawa i kohoia no ka hooloh@ ana i ua noi la a me na papa hoike helu @ o ka poe a pau i pili malaila, e hele mai a e hoike i ke kumu e ao ole ia ai na noi la, a malaila @ hoike mai ai i na mea i kuleana iloko o ua waiwai la.
Kakauia ma Wailuku, Feberuari 14, 1@
Na ka Aha:
W. G. ARMSTRONG,
Kaka@olelo.
2@
AHA HOOKOLOKOLO KAAPUNI APANA K@hi o ko Hawaii Pae Aina. Ma ka Hoponopono Waiwai. Na ka hana o ka waiwai o Antono Pedro i make kanoha ole.
Ma ka heluhelu a me ka waiho ia ana mai o ka palapala noi a Pipiana ka wahine kanemake a Antone Pedro e olelo ana, o Antono Pedro o @ wa Oahu ua make kauoha ole ma Manana Ewa i olelo mua @a ma ka la 9 o Feberuari A. D. 1@, a e noi ana e hoopuka ia na palapala lunahooponopono waiwai ia Cecil Brown o Honolulu.
Ke kauoha ia nei o ka POALIMA la @5 o MARAKI A. D. 1895, oia ka la i koho ia no ke hoolohe a@a i ua palapala noi la ma ke Keena Hookolokolo o keia Aha ma Honolulu, a m@ ia manawa a ma @a wahi e hele mai ai na mea a pau i pili @ e hoike mai ina h@ kumu ka lakou @ ae ole ia ai ua palapala noi l@.
H@kau@a ma Honolulu Feb. 14, 1895.
Na ka Aha:
GEORGE LUCAS,
2@8@-8 Kakauolelo.
NUPEPA KUOKOA
--@--
Ko Hawaii Paeaina i Huiia
o ka Makahiki $2.00
No Eono Makina $1.00
Kuike ka Rula.
HOO@KAIA E KA
@U@ | 1 2 3 4 5 6
AKA. | Pule Pule Pule Pule Pule Pule
Iniha $ 1.50 $ 2.00 $ 2.50 $ 3.00 $ 3.50$ 4.00
2 Iniha 2.00 2.75 3.50 4.00 4.50 5.00
3 Iniha 2.50 3.50 4.50 5.00 5.50 5.00
4 Iniha 3.00 4.00 5.00 6.00 6.76 7.50
5 Iniha 3.50 4.75 6.00 7.00 8.00 9.00
6 Iniha 4.00 5.50 7.00 8.00 9.00 10.00
O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo @a.
HAWAIIAN GAZETTE CO.
GEO. H. PARIS, Luna Nui.
J. U. KAWAINUI, Luna Hooponopono.
N@ Honolulu, Oahu, Lakou a pau.
POAONO, MARAKI 2, 1895.
Kuailo ia ae.
Ua haalele, hookuu a hoole loa o Liliuokalani i kana mau koi a pau i ka nohoalii o Hawaii me ka manao kaokoa a ua hoohiki iho oia i ke kumukanawai a lilo i makaainana no ka Repubalika me ke kakoo pu ana, me ke kau leo mai i ka lahui Hawaii, o ka Repubalika wale no ke Aupuni ku i ke kanawai o Hawaii nei a e hi ae ka lahui malalo o kona malumalu i maluhia ai. Eia nae, ke lohe nei makou i kekahi mau leo hanehane hupo o kekahi poe, "o kona kuleana no kana i haawi aku la, koe no ko makou." Aole anei o ke kuleana hookahuli aupuni Repubalina wale no koe a lakou e hoopaakiki la oia koe ia lakou?
Komite Koa Ohiuhiu.
Eia ke huli nei he Komite o na pualikoa i koho ai i na luna aupuni kokua ole i ke Aupuni ma keia kaua kipi iho nei a na anee alii, ma ka hanu ana i kela a me keia keena oihana o ke aupuni e ninau ai i ka nui o na luna aupuni a me ka poe lawelawe hana malalo o ke aupuni a me ka nui o ka uku malama pakahi, me kela manao i kuniia iloko o kela poe e kake aku i na luna aupuni i komo ole iloko o kekahi pualikoa, kiai kamaaina a oihana makai mamua ae o ka la 6 o Ianuari 1895.
He mau luna aupuni a he mau mau poe e ae mawaho kekahi i hele aku e haawi i ko lakou mau hookauwa ana malalo o ke Aupuni i ka la 7 imua o ka @amuku a i na poo oihana i komo ole iloko o kekahi o na pualikoa, kiai kamaaina a oihana makai, aka ua hookuuia aku lakou e hoi a hiki i ka wa e kauohaia mai ai, no ka mea aole i lawa na pu no ke kaana ana i na poe a pau i hiki aku e haawi i ko lakou mau kokua i ka Repubalkia.
@e hana maikai no ka manao e huli pono ia na luna aupuni kupaa a me ka ole mahope o ke aupuni i na la oehuehu i hala aku la, aka na ka poe nae e hiki ole ke hoohuoi ia ko lakou manao makewai oihana e ole mamua, a i kuko mua ole o ka palahuli mai o ke kanuku o ka huewai iaia.
He oiaio he poe lawelawe hana no kekahi malalo o ke aupuni i keia mau la aku nei i lawe ole i ka hoohiki e kakoo i ke aupuni, a oia poe ua kupono lakou e kipakuia "e ku a hele pela" mai ka hanaaku, a o na poo oihana e hoopaa ana i na kanaka hoohiki ole malalo o lakou, he mea pono e uhuki pu ia lakou a pau mai ka oihana aku, oiai aohe imi kala ana e pale ae ai.
Mokukuna Wahlburg paa i ka Hopu pio ia.
O ka mokukuna "Wahlburg @ i hoohikihiki malu mai i na pu a me na lako kaua a na Anee Alii kipi i Oahu nei, ua pau mai nei i ka hopu ia e ka Luna D@te o ke awa o Sana Diego, Kaleponia Hema, ma ka la 13 o Feberuari iaia i hookomo aku ai iloko o ke awa, ma o kona hakihaki ana la i na kanawai aupuni kaikawa, oia ka halihali ana i na pu a me na lako kaua i ka pae aina o Hawaii no ko na anee alii kipi aoao. Ua hoomaalea ae o kapena Mathew S. Martin ma o kona hoole ana aohe ike iki a me ke kukala hoopaakiki i ka huakai pepehi kila aku nei. Aka ma na kamakamailio ana kaawale i ka wa hookahi me ke kapena a me ke kuene o ka moku, ua loaa aku la na olelo like ole loa. Olelo ke kuene malie maikai wale no ka lakou huakai a pau wale no. Like no ka laau mau hahai ana i ka moolelo o ke alualu kila ma ka naau, aka like ole ma na wehewehe @pono ana ma na mea lehulehu, e hoaa ana i ka wa e paluku ia aku ai ka ninau no ka nui o ka paakai ma ka moku a me na mea ai. Ua hoike ae ke Kanikela Hawaii Wood ma San Diego, ua hiki loa ke lawelae ia ka hihia akaka loa e kue ikaika ai i ka Wahlburg, a ua hoike aku oia ia Kuhina L. A. Kakina ma na kumu apau i pili i keia hopu ia ana o kela mokukuna e na mana Aupuni Amerika.
E W@ ana ka Niho o ke Kolohe.
Ua loaa mai i ke aupuni ma ka eke leta o ka la Sabati i hala, he lono pili oihana o ka hopu ia ana o ka mokukuna H. C. Wahlburg ma San Diego, Kaleponia. Ua noi mai nei ke Kanikela Hawaii ma Vanekouwa e hoouna aku i na oleloike hoohiki ia e hooia ai i ka hewa o Kapena Martin a me kona poe kanaka ma ka wa kokoke. Ua hoole ke kapena aole oia i launa iki i ka hoohikihiki ana mai i na pu a me na lako kaua a hoolele mai ma Hawaii nei..
Ua loaa i ke aupuni na ike he nui wale e hoahewa ai i na kanaka a me ka mokukuna. Ma ka Charles Warren ike i loaa ai ka inoa o ke kapena a me ka moku. O ka kapena Davies mea hoomanao oia ka hapanui o ka inoa o ka moku e hoomaka ana me ka "W" a e hoopau ana me ka "burg." Ua noho o George Townsend a me Charles Warren maluna o ka mokukuna no kekahi mau la, a malia ina he mea hiki e hoouna ia i Kaleponi e hooiaio ai i ka moku a me kona mau luina. E hoouna aku ana ke aupuni ma keia mokuahi ae o ka la 4 o Maraki i naike e lawa ai ka hoahewa ana ia kapena Martin a me ka poe a pau i hui pu me ia.
Ka ke Komisina Beritania Kauoha.
I ka la 15 o Feberuari maloko o ka Hale Ahaolelo Makaainana o Enelani, ua hoike ae ke Aupuni ua noi aku ke Komisina Beritania Hawes i ke Aupuni ma Honolulu, e hookaulua i ka hooko ana i ka hoopai o ka make maluna o W. H. Rickard i hiki ai i ke Komisina ke hoouna i ka moolelo o ka hookolokolo ia ana i ke Aupuni o Enelani. O ka hoopai o ka make i kau ia, aole i apono ia e ka Peresidena o ka Repubalika Hawaii a na hoonaauao ia aku ke Komisina e noi aku e kaohi iho i ka hooko io ia ana o ka hoopai. Ua hoonaauao pu ia mai ke Komisina, e hana like oia me ke Kuhina o Amerika Huipuia ma Honolulu ka mea i loaa aku na hoonaauao ana i like me ia e kuhikuhi ia nei ia oe iho.
Eia o Rickard ke hoohana ia nei malalo o ka hoopai i aponoia, he hoopaahao ma ka hana oolea.
Aole he Mea e Hopo ai.
Eia ka olelo a ka nupepa Call o Kapalakiko: "Ina i makemake o Peresidena Dole e hoomanao ohohia ia oia ma Amerika Huipuia nei, he pono iaia ke paa aku ia Liliuokalani ma ka home a e au'a aku @aia mawaho o ko makou mau awai haimanao aku."
Aole mea e hopohopo ai. Ina he mau haimanao kekahi i makemake ia e hoohana, ua hiki loa i ke aupuni Hawaii ke lawelawe ponoi maoli a makaa@a aku i ole ai e hana ino ia aku o Amerika Huipuia.
La Hanau o Keoki Wakinekona.
Ua hoomanao ia ma Honolulu nei ka la hanau o Keoki Wasinekona, kela kanaka kaula@a a ko Amerika Huipuia lahui i hoohiwahiwa loa ai, ka mua i ke kaua, ka mua i ka maluhia a o ka mua iloko o ka puuwai o kona lahui kanaka, ma o ke kahiko ana mai o na pahu hae aupuni, na luna aupuni o na aina e a me na Kanikela, ka mokukaua lawe hae Piladelapia a me ko na moku oloko o ke awa, i ke kakahiaha o ka Poalima i hala, Feberuari 22.
Ma ke kakahiaka wale, ua hoohanohano ae ka Puali Puhi Ohe o ka Repubalika i ke Kuhina Amerika Willis ma ko lakou hele ana aku e puhi ohe manawalea no ka hoomanao ana i ka la o ia kanaka nui a kaulana o keia aupuni nui makamaka e noho koke mai nei ma ke@a aoao o ka moana kai akea.
Ma ke awakea ponoi, ua nakolokolo mai la na kipu hoohanoano o na pilikua o ka Piladelpia a me na hapa@ea o uka nei o ka aina no ka la e kuu wehi ana @a hae no ka hoomanao ana i ka la o ke keiki aohe wahahee iloko ona.
Ma ka hora 3:30 auina la, ua malama ia he paani kinipopo pekupeku wawae laukanaka ma Makiki mawaena o na pua'i o Piladelapia a me ko Honolulu. A o ka hopena o ka laua mau aumeume ana, oie ka @o ana i ko ka aina nei a haule ko ke kai poe.
Na Pio i Hookua Loa ia.
O kekahi heluna o na poe i hopu ia i mau pio a hooma@e@a ma ka hale hoopaa lawehala o ke aupuni mamuli o ka hoohuoi ia ua komo pu iloko o ka ohumuhumu ana e hookahuli i ke Aupuni Repubalika ma ke kaua kipi i ala ae ma ka la 6 o Ianuari i hala, ua hookuu ia mai lakou mai kahi paa mai a hiki i Feb. 27, no ka lawa ole o na oleloike e paa ai. Eia ko lakou mau inoa:
J Kalaukoa, S Kila, Aikaha, Kawaiki, D Kahaleohu, Kahune, Kane Kukaula, S Kohinaena, Isaac Kekala, Pila Alapai, Kulae@o, Ohule, Joe Fer@, Henry Fern, Makaualu, Kaina, Kupihea, G K Kaia, Keoni Awa, C Clark, Kaanoi, Kalauohi, J@o Fredenberg, Paiaina.
J K Kaulia, W H Kealakai, J K Kaunamano, W H Kapu, Frank Mahuka, Geo C Kenyon, J Richardson, W H Daniels.
W F Reynolds, S Paaluhi, Kameenui, O Stillman, Antone Rosa, Joe Aea, J. McGuire, J Durrell, C Molteno, Henry F Poor, C B Maile, Geo Jackson.
Na Pio Kuewa i ka Aina E.
He la maka kanaka nui no ka uapo mokuahi Oceanic ma Aina Hou ka la 23 o Feberuari i hala, ka la hoi a ka mokuahi Australia i ahai aku ai i na pio kalalaina no lakou na inoa malalo iho a hookuewa aku i na aina e no ko lakou komo pu ana iloko o ka ohumuhumu a me ka huna ana i ka hoolala kipi, me ke pelu hou ole mai i Hawaii nei. Eia na inoa o na pio i kipakuia a i kau ma ka Australia: A. P. Peterson, C. Creigton, F. Wundenberg, F. H. Redward, P. G. Camarinos, John Radin, James Brown, Nick Peterson, A. Carrianne, Arthur White a me Frank Honeck.
Mai a C. Creigton i mahui ia mai ai, penei iho ke ano o ka palapala hookuewa o na pio:
Oiai, owau o Charles Creigton, he kamaaina no Honolulu, Mokupuni o Oahu, e hoopaaia nei ma ka halepaahao o Oahu no ka hewa o ke komo pu ana i ke kaua kipi hope iho nei; a
Oiai, o ua Charles Creigton la i oleloia mamua ke makemake nei e haalele i na Pae Aina o Hawaii ma a mamua ae o ka la 23 o Feberuari, 1895; a
No ia mea, ke haawiia nei ka ae i ua Charles Creigton la e hana pela maluna o keia kahua e haalele oia ma a mamua ae o ka manawa i olelo mua ia malalo o kona mau lilo ponoi a me ke koi ole mai i ka Repubalika o Hawaii. Ke ae hou ia nei, oiai i ka manawa a ua Charles Creighton la e kaawale ai mai ka Repubalika aku, aole he hoopii e lawe ia mai e kue no kona komo pu ana iloko o ke kaua kipi iho nei, e a no ka Repubalika, a o ka loihi o ia manawa e kaawale ai, aia no ia ma ka oluolu o ke Kuhina o ko na aina e o ua Repubalika la."
Na Pio Ekolu ma Vanekouva.
Ma ka mokuahi Warrimoo nana i halihali aku ia Cranston, Johnstone a me Muller, na pio kalalaina a Hawaii i hopu ai i keia kaua kipi kuloko iho nei o Ianuari a hookuewa ia aku la, ua hoike pu aku ke aupuni i ke Kuhina Hawaii Kakina i ko lakou karaima, oia ko lakou ohumuhumu ana e lawelawe me na mea luku mainoino loa he daimenaita. He oiaio, aole i hookolokolo ia keia poe, aka, ua loaa i ke aupuni na ike e pau ai lakou i ka ahewa ia e li. Ua hoolaha akea ia ko lakou hewa i kipakuia ai mai Hawaii nei aku ma Amerika Huipuia, a ke hoole la nae ua poe kuewa la i ko lakou wahi lihi ike ole iki no ia ohumuhumu ana.
Ua hoopii poho lakou i ka Hui Hooholo Mokuahi Canada—Ausetaralia ma ke $50,000 a ke kuewa hookahi e koi la, no ko ka mokuahi lawe ana aku ia lakou me ka ae ole. Ua hoopaaia ka hui no ia huina dala he $150,000 ka nui.
Ua pale lakou i na olelo hoinoino e hapala wale ia ana no ka malama pono ole a ko aupuni i na paahao ma Honolulu a me ka ekaeka o na keena e hoopaaia ai, aohe oiaio.
Auwehehene Moku au e!
Ma ka la 18 o Feberuari i hala, ua nahu ia o Puamauu wahine e ka mano ia lakou e lawaia upena k@u ma Kaimu, Puna, Hawaii nei, ma ka wawae ke nahu ia ana mai e kona mau niho wakawaka. Hookahi wale no mea i pakele ai, o ka papau o ke kai. Ma Kaimu no i nahu ia ai o Kauhi e ka mano i kekahi wa ae nei i hala, a me he mea la eia no paha oia ke ola nei me ka muumuu o na lima. Eia nae ke hoi hou mai la no ua mano hoohune nei e apuepue mai e loaa ona mau maewaewa hou nana ma keia wahi. Nawai la e hoolaka la i ke kanoa awa i hanu ai ka mano a hoohu'a mai la e imi hele. Auwehehene moku au e!
KA AHA HOOKOLOKOLO KOA.
Feberuari 25, hora 9:30 kakahiaka, na lawe ia mai keia poe malalo iho imua o ka Aha Koa no ka hewa kipi, oia o Sam. Kekaha, William B@ll, Sam. Hakuole, Opunui, Wm. Ahia, Ed Ting Sing, Sam Hola, J Kaaua, Makauahoe, Maui, Dan Ka@ana, Jack Naiwi, Hola Huihui, Sol. Kapiloho, Ban Maele, Wm. Kanakaole, Wahia, Kuniwa, Kiamanu, Wm. Hakalau, Kaauwai, Welewele, T. Ulukou a me Waiola.
Ua ae wale no keia poe i ko lakou hewa me ka loio o@.
Mahope o kela poe maluna ae, ua lawe ia mai la o John C. Lane, i hoopiiia no ka huna hewa, a nolaila ua lawe ia na hoike o na aoao elua a waiho ia. O Neumann ka loio no ka pahao.
Feberuari 26, hora 9:30 kakahiaka ua lawe ia ae keia poe paahao i hoopiiia no ke kipi, oia o Jhn Aea, Henry Rogers, Pahukoa, Kupana, Wm. Oili, J. Kama a me J. Kukalahiwa. Ua ae wale no keia poe i ko lakou hewa.
O David Kekoa, oia kekahi i lawe ia ae, aka ua hoole oia i kona hewa, a nolaila ua lawe ia na hoike o na aoao elua.
Feberuari 27, hora 9:30 kakahiaka, ua lawe ia mai o Jas. Aylett no ka hewa hu@a kipi, a ua ae no oia ua hewa. Ua hoomaha ka aha no ke kali i ka hana hou. Hora 10:15, ua hiki mai he puali lawehala nui malalo iho i hoopiiia no ke kipi, oia o Geo. Townsend, Chas. Warren, Chas; Bartow, S. P. Mio, Bill Ihu, R. Hakuole Silva, Kahimalani, Jos. Ahia, J. Paaoao, Sol Kupihewa, Kawika, Kalua, Sam Kia, Sam Kanahele, Kawelo, Kauli, Naaieono, Limahopu, Kini, Kaohimaunu, Sam Keau, Wm. Olepau a me Niolo. Ua ae keia poe a pau i ko lakou hewa a ua pokole ka hana. He poe keia i ku hoike ma ka aoao o ke aupuni.
He hapalua hora o ka hoo@ah @ ana, ua lawe ia mai o Chas. H. Clark, Wm. F. Kaae, J. K. Kaimi a me J Kahoeka i hoopiiia no ke kipi. Ua ae keia poe i ko lakou hewa, a ua ku hoike ma ka aoao o ke aupuni.
Hora 2:40 auina la, ua lawe ia ae o A. M. Hewitt no ka huna kipi. Ua hoole i ka hewa a @a koho ia Neumann i loio. Ua lawe ke aupuni a me ka paahao i na oleloike.
HAHANA KA HOOPAI O NA ALAKAI KIPI!
35 Makahiki a me $10,000—Puu ka Lae Kahi ke Pohue—Hookuuia Nolena a me Batalamana.
Mahope iho o ka hora 9 o ke kakahiaka o ka Poaono, Feberuari 23, ua hele aku o Mekia Potter, Mekia McLeod a me ka Ilamuku e heluhelu i ka hoopai maluna o na alakai kipi i hookolokolo ia a ku ka hewa e ka Aha Koa penei:
Chas. T. Gulick, hoopaahao ma ka hana oolea no kanakolu kumamalima mau makahiki a me $10,000 hoopai.
W. T. Seward, hoopaahao ma ka hana oolea no kanakolu kumamalima mau makahiki a me $10,000 hoopai.
Robt. W. Wilcox, hoopaahao ma ka hana oolea no kanakolu kumamalima mau makahiki a me $10,000 hoopai.
W. H. Rickard, hoopaahao ma ka hana oolea no kanako@u kumamalima mau makahiki a me $10,000 hoopai.
Samuel Nowlein, hoopaahao ma ka hana oolea no kanakolu kuma malima mau makahiki a me $10,000. Eia nae ua kapae ia kona hoopai, a ua hookuu lanakila ia iwaho nei, mamuli o kona hai pololei ana i na ike i pili i keia kipi.
H. F. Bertelmann, hoopaahao ma ka hana oolea no kanakolu kumamalima makahiki a me $10,000. Eia nae @a kapae ia kona hoopai a ua hookuu lanakila ia iwaho nei, mamuli o kona hai pololei ana i na ike i pili i keia kipi.
T. B. Walker, hoopaahao ma ka hana oolea no kanakolu makahiki a me $10,000.
Carl Widemann, hoopaahao ma hana oolea no kanakolu makahiki a me $10,000.
W. H. C. Greig, hoopaahao ma ka hana oolea no iwakalua makahiki a me $10,000.
Louis Marshall, hoopaahao ma ka hana oolea no Iwakalua makahiki a me $10,000.
James C. Lane, hoopaahao ma ka hana oolea no elima makahiki a me $5,000.
W. C. Lane, hoopaahao ma ka hana oolea no elima makahiki a me $5,000.
Ma ka la 21 o Feberuari i hala, ua pakui hou @a aku i ka huina o na paahao ma ka halepaahao o Kawa he 20 ka nui o ka poe i ahewa ia no ke kipi, oia o @. C. Ulakou, Keki, Keoho, Ai, Kanana, Kekoe, Elia, Sam Hookano, Kahikikolu, Kapena, Waianae, Keawe, Hikilea, Makalena, Kauai, Kalauwalu, Moepali, John Piko, J. H. Bush a me Manuel Rosa. O k@ lakou hoopai a ka Aha Koa i kau ai, he elima makahiki hoopaahao ma ka hana oolea pakahi a me $5,000 pakahi. Ua hookolokolo like la keia poe i hele i ke kahua kaua e paa ai i na pu, aka ua olelo ka hapanui o lakou ua hookikina a hoowalewale ia ko lakou hiki ana ilaila. Mamuli o ke ao a ka Aha Kuhina, @a oluolu i ka Peresidena ka hoemi ana i ka hoopai dala a he hoopaahao wale no ko kela a me keia mea pakahi o lakou.
LILIUOKALANI UA AHEWA IA!
Elima Makahiki me $5,000—Keoni Kamaki Hoopaiia!
Ma ka hora 2 auina la o Feberuari 27, ua komo ae o Mekia Potter i ukaliia e Mekia McLeod iloko o ke keena e hoopaaia nei o Mrs. Liliuokalani Dominis maloko o ka Hale Mana Hooko, a ua heluhelu aku la i ka hoopai a ka Aha Koa i kau ai maluna ona, oia he elima makahiki hoopaahao ma ka hana oolea a me $5,000. Aka, ua hoemi iho ka Peresidena i kona hoopai, e hoole ana aole hana oolea a e hoomau ana i ka hoopai dala. E hoomau ia ana ko Liliuokalani hoopaaia ma kona wahi e paa nei ma ke ano he paahao na ke aupuni malalo o ka mana koa a malia ma kekahi wa aku e hoonee ia aku ai ma kekahi wahi ke manao ia pela. Malaila no o C. B. Wilson a me ka wahine a me P. Neumann kona loio i ka wa i heluheluia ai ka olelo hooholo. E hoomaka ana kona hoopaahao hana ole mai Feberuari 9, 1895 aku.
Mai ka Hale Mana Hooko ak@, ua ho@o o Mekia Portter i ka Hale Paahao o Kawa, a ua heluhelu aku la i ka hoopai o Jno A Cummins, oia he elima makahiki hoopaahao ma ka hana oolea a me $5,000. Aka, ua hoohana ka Peresidena i kona ma@a ma ka hoemi ana i ka hoopai, aole mau makahiki hoopaahao ma ka hana oolea aka e uku oia i ka hoopai dala, alaila, e hookuuia no o Keoni Kamaki. Ua ukuia ka hoopai dala a eia iwaho nei.
Ua heluhelu p@ la aku ka hoopai maluna o kapena Davis, he 10 makahiki ma ka hana oolea a me $5,000; aka mamuli o kona lilo ana i hoike no ke aupuni, nolaila e hoopauia no kona mau hoopai, ke haalele oia i keia aina a hookaawale aku iaia i ko na aina e me ka huli ole mai i hope nei.
J. Paaluhi ka Hoohuiaina.
Mamuli o ko J. Paluhi o Manoa hoike awiwi ana ae i na mana aupuni me ka pololei ma ke ahiahi Poalua, Ianuari 8 i hala, i ko Robert W. Wilcox kipi a me kona poe kanaka iho ana ae ma ke awawa o Manoa ma ka aoao mai o Palolo, ua lulu ae kekahi mau haole kamaaina e noho ana ma na wahi kokoke i Punahou a ua panee aku iaia i na dala he iwakalua kumamalima ma ke ano he hoike no ko lakou mahalo i kana mau hookauwa ana me ka hoike pololei mai. Ua apo aku o Paaluhi i keia mohai o kona hookauwa kulo ana ma ka aoao o ka pone a ua hoomaikai nui aku i ka poe i hookupu mai. Ke hoike nei ke KUOKOA, o Paaluhi, oia kekahi o na kanaka Hawaii mua loa i hoolilo iaia i hoohuiaina mai ke kahuli ana o ke Aupuni Ali@ i Ianuari 1893 mai, a ke kupaa nei no oia ma ia aoao a hiki loa mai i keia mau la a ke kipi i holokake iho nei me ka huli hou ole i hope e lolelua ai ka naau. E mahalo ia ka mea e hoomau aku a hiki i ka hopena.
Ke Kula Kamehameha.
Eia na halekula Kamehameha, ke kilohana o na hale hooaaauao ma ko Hawaii nei pae aina ma ke akea, ka oluolu a me ka maikai o ka ma@au ia ana, ka makana a ke alii hookahi wale iho no o Hawaii nei i hookaawale ai mailoko ae o kona waiwai nui i kahua e ao ia ai a loaa na ike buke a me hanalima akamai i ke keiki Hawaii, ke ku nei e peahi aku e hele mai e komo maloko o kona mau paia, a e loaa na ike e hoomahui aku ai oia no kona alahele e loaa ai ka pomaikai i ke@a mua ak@. Ua makaukau na hale hoonui ike keikikane a me kaikamahine e apo aku a hanai ia oe a ka pokii e upu ana e hoeuneu ae i kou kulana. He emi ka uku, maikai ka malama la ana a aohe mea e hoohalahala ai. E hookuu wale aku nei na makua Hawaii i ka lakou mau kamakahi e nele i na pomaikai a Pauahi puuwai hamama i anoi ai e mohai i kona waiwai no ka ho@ ana ae i ke kulana o na kamalii o kona lahui a me kona aina. O ka makou e kalahele aku nei, hoopiha ae oukou.
Palapala Hooili@ a J T Waterhouse makua
Ma ka Poakahi iho n@i o ke@a hebedoma, ua hoo@ ae ia imua o ka Aha Kaapuni @ ka noho kahu mai o H. F. Cooper, ka palapala hooilina ma ka la 27 o Iulai, 1878, aka ua @ mau p@kui kaawale mahope mai.
Ua hoo@ ia @a waiwai a pau o kela a me ke@a ano maluna o kana wahine @iai @a e @ ina oia e make, @ e ma@ ia ka waiwai ma ka @ lima pakahi @ na kei@ ekolu John Thomas, @ William me ke kaikamahine hookahi e ola nei oia o Mrs. Mary Rice, a me na @ elua Wm. Waterhouse D@ a me Henry D@, na keikika@e a k@na kaikamahine makahiapo i hala e i ka make. Ua hookaawale ka palapala kauoha i na luna hooko kanoha, oia ka wahine a me na keikane ekolu, a e lawelawe lakou me ka bona ole, a e hookuuia lakou aole e waiho mai i papa hoike waiwai imua o @a aha. Ua kauoha pu @a na luna hooko kauoha, e hoomau aku i ka lawelawe ana i ka oihana kalena.
Ma ka p@kui mua, aole e loaa i na moopuna ko laua mau kuleana, aia a hala he makahiki me @apa mahope o ka make ana o ke kupunawahine, a ina e make e kekahi o la@a aole hooilina, alaila hoi@ hou iloko o ka huina waiwai.
Ma ka pakui elua, ua haawa lilo loa ia ka pa aina ma alanui Kula ia Mary Waterhouse R@; ia John Thomas Waterhouse ka pa hale iuka o Nuuanu.
Ma ka pakui ekolu a hope loa, ua haawi lilo loa ia no John thomas a me Henry Waterhouse ka aina waiwai nui loa e poai ia nei e na alanui Nuuanu, Moiwahine, Kalepa a me Kaahumanu, a ia Wm. Waterhouse ka aina ma Cedar Rapids, Iowa, i ike ia ma ka inoa Passmore Conveyance, nona ka nui he 7 mau eka.
Haule Wale i Puna.
Ma ka la 19 o Feb. iho la i hala @a hiki ae imua o ka lunakanawai apana Geo. Clark o Kona Akau, he koi na Dr. Lindly la John Kaelemakule no na dala he kanalima, ($50), he uku no ka hana ana i ka wahine a John Kaelemakule a make ai ma ka la 12 o Dekemaba, 1894. Ma ka nana ana a ka aha i kela kei nui hewahewa a keia kauka, ua haawi oia i ka pono @o ka mea hoopiiia. He mea oiaio, aole i ola ka mai a keia kauka i hana ai, a ua hemahema iki h@i ma kona lawelawe ana i kela ano mai i haawi ia aku nana e hana, a ua manao au, ua kohu pono kela mau hua e kau ae la maluna. He hana mau keia kauka i ka@a hana o keia ano, e k@i ana i ka poe ilihune pu kekahi. He mea pono e nana mai ke aupuni i ke kanaka kupono ma keia wahi a hoonoho mai, aole hoi e like me keia kauka. I kauka hou ko makou ha@oli, i mea makaukau. Me ka mahalo,
DAVID ALAWA,
N. Kona, Hawaii, Feb. 21, 1895.
Na Hua Kuni Ino @
Eia ka Hui Hawaiian Gazette Col, ke hana paka maoli nei i na Hua Kuni Inoa o kela a me keia ano, nui a liilii e like me ka iini a ka manao.
O keia mau Hua Kuni Inoa, ua lawa ia no ke kahakaha ana ma ke kanana a pepa e ae e hoailona ai i ka Inoa a kohu maluna o kekahi mea i makemake ia e kuni a kaha paha.
He like ole na uku o na Papa Kuni Inoa, no ka mea aia no ke kau ia o ka uku a maopopo ke ano o ka Papa Inoa au i makemake ai, he nui a he liilii paha. Aka he oluolu ka uku a he waipahe na kuka ana.
E kipa kino mai e nana i ike kumaka, a i ole ia e hoouna mai i nakanoha ma ke
Keena Hana—Ma @a Halepai HAWAIIAN GAZETTE. Helu @ Alanui Kalepa, Honolulu.
2531-tf