Ka Nupepa Kuokoa, Volume XXXIII, Number 51, 22 December 1894 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha Loio.

 

H. R. HITCHCOCK Notari no ka Lehulehu. Apana Hookolokolo Kaapuni Elua, Kaluaaha, Molokai. 2514-tf

 

W. R. KAKELA, Loio a he Kukua ma ke Kunawai. HE LUNA HOOIAIO PALAPALA. 2270

 

ANTONE ROSA, (AKONI.) Loio a he Kokua ma ke Kanawai. LUNA HOOIAIO PALAPALA. Keena Hana nia Alanu Kaahumanu. 2170.

 

ALLEN & ROBINSON, NA MEA KUAI PAPA O NA ANO A PAU I loaa no ma ka Uwapo o Pakaka, Honolulu, make kumukuai makepono loa, no ka poinaikai o ka lehulehu e makemakeana e ku kuluhala K kipa mai a e ike kumaka 2898-Q

 

WILDER & CO., (WAILA MA. Mea Kuai papa a me na Lako kulukulu hale o na ano a pau, a me na mea e ae a pau e pono ai o ka hale. Kihi o Alanui Moiwahine me Papa. 2396-Q

 

JAMES M. MONSARRAT, (MAUNAKEA. Loio a he Kokua ma ke Kanawai HE LUNA HOOIAIO PALAPALA.

            E hana ia no na Palapala kuai, Palapala Hoolimalima, a me na Palapala Pili Kanawai no ma ka olelo Hawaii. Dala no ka hoale ma ka moraki ioa na Waiwai Paa.

            Keena Hana: Hale Pohaku hou oia ka a iao ma Waikiki o ka Halewai, alanui Ka@. 2370

 

J. T. WATERHOUSE, (WALAKAHAUKI.) Halekuai o na ole Nani Panio! LAKOHAO. Na Lako Hana Mahiko, A PELA AKU HE NUI WALE. Alanui Moiwahine, - - Honolulu. 2896-q

 

Hoolaha i na Ohua Koku,

            O KA POE A PAU E MAKEMAKE ANA K holo ohua maluna o ka mokuahi KINAU a me CLAUDINE mai Honolulu aku, ke kauoha ia nei lakou o kuai inua i na palapala hoimoku (iikiki) ma ke Keena o ka Hui mamua o ke kau ana, a o ka mea e hoolohe ole ana, @ hoouku pakeu hou ia aku ana ia me ka 25 pakeueia pakui mawaho ae o ka uku mau. E hooko pololei loa ia aku ana keia rula mai a mahope aku o Ianuari 1, 1895. No ka pomaikai o ua ohua, e wehe ia ana he keena kuai palapala ma ka uwapo ma na auina la o na la holo o na mokuahi "Kinau" a me "Claudine" WILDERS STEAMSHIP COMPANY, (Hui Mokuahi o Waila.) Honolulu, Dec. 6, 1894. 2528 @

 

Hoolaha a ka Lunahooponopono Waiwai.

            UA HOOKOHU PONO IA MAI KA MEA uona ka iuoa malalo iho i Lunahooponopono no ka waiwai o KEAWEAMAHI, i make kauoha ole o Hilo Mokupuni o Hawaii, ke hoolaha aku nei i ka poe a pau he mau koina ka lakou i ua waiwai la, e waiho mai i ka mea nona ka inoa malalo iho ma ke kena o Hitchcock a me Wilder ma Hilo, Hawaii, maloko mai o na walawa eono mai keia la aku a i ole la e hoole mau loa ia aku no. A o ka poe a pau he aie ko lakou i ka mea i make, ke kauoha ia nei e hookaa koke mai i ka mea nona ka inoa malalo iho. G. K. WILDER. Lunahooponopono o ka Waiwai o Keaweawahi Kakauia ma Hilo, Novemaba 23, 1894. 2522-4

 

Hoolaha Hooko o ka Moraki a me ke Kuai.

            I KULIKE AI ME NA HOOKO ANA O KEkahi moraki i hana ia e PAMAHOA (w) o Honolulu, Mokupuni o Oahu, ma ke la 17 o Aperila A. D. 1883, kopeia ma ke Keena Kakau Kope o ke Aupuni Buke 77 aoao 460, 461 a me 462, ke hoolaha ia aku nei ka lohe i na mea a pau, ke makemake nei ka mea o paa nei i ka moraki e hooko aku no ka uhalia o ka aeliku, oia ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe i na mea a pau, mahope aku o ka pau ana o na hebedoma eha mai keia la aku, e kuai ia aku no ma ke kudala akea ka waiwai i paa maloko o na moraki la ma ka Hale Kudala o Jas. F. Morgan, Honolulu, ma ka POAONO, DEKEMABA 2@, 1894, hora 12 awakea o ia la.

            O ka waiwai i paa ma ua moraki la penei i kuhikuhi ia: O kela apana aina e waiho nei ma Kaoaupa, ma ka aoao makai o Alanui Moiwahine ma Honolulu, a penei na palena: "E hoomaka ma ke kihi Mikina mauka o keia, e pili ana me ka pa o Kalani ma ka lihi makai o ke alanui hele i ka papu (Queen Street) a e holo ana akau 43 deg. Ko@ 63 kapuai ma ke alanui Papu, alaila Hema 56 deg. 30 min. Kom 164 pauku, a pili ana me ka mahele a Kaumu, alaila Hema 30 min. Hikina 23 10 13 kapuai a e nee lima akau he 23 pauku, a me Hema 34@ deg. Hikina 58 pauku, e pili ana me Kaupena a hiki i ke kihi hema o kela, alaila Akau 56 deg. 30 min Hikina e pili ana me ka pa o Kalani a hiki i ka hoomaka ana@ e liko me ka ana a S. P. Kalama i ka 1868 A oia no ka aina kuhikuhi ia ma ka Palapala Sila Nui Helu 5627 i hookahua ia a na Komisina Hoona Aina Helu 214 ia Namuiki, a mai a Michael McInerny a me ka wahine i hoolilo la ai i ua Pamahoa ia ma ka palapala kuai i kakauia i ka la 2@ o Augate A. D. 1872, kopeia ma ka Buke 35 aoao 307 a me 208 ma ke Keena Kakau Kope o ke Aupuni JAMES I. DOWSETT, Mea e paa nei i ka moraki. No @a mea i koe e uluau ia W. A. Kinney, oio no ka  mea e paa nei i ka moraki, Helu 818 Alanui Papu, Honolulu. Honolulu, Novemaba 21, 1894. 25@1-4

 

Kii Hauoli Karisimaka.

 

            O kela kii maluna ae e hoowehi ia aku nei ma keia kolamu, oia na mea hoohauoli no ka la Karisimaka o ka makahiki i ku i na kamalii ke ohaoha aku i na makua e hoomanao mai ana i na kamalii ma keia la kamahao i hanau mai ai ke kino ke Keikialii o ka Maluhia. Nolaila, mamua o ka hoea ana mai o ka helu hou aku o keia pepa, e hoea e mai ana ka la Karisimaka a nalo aku, nolaila ke Aloha Karisimaka e aku nei ke KUOKOA a me ko Hawaii Paeaina i Huiia i kona poe lawe papa a pau, me ka manaolana no ko oukou holomua a me ka hahai ia e ke ola maikai ma keia mua aku.

 

Generala Wiliama Booth

 

            O ke kii keia o Generala Wiliama Booth maluna ae, ka alihikaua nui o ka Puali o ke Ola a makua hoi o keia hoomana pabetizo ole e lawelawe nei i ka hana hoohulihuli i ka poe hele ole i na luakini a me na hale halawai haipule. He iwakalua kumamaiwa aenei mau makahiki o kona hooikaika pauaho ole ana iloko o ka hoomanawanui i na inea. Eia mawaena o ka poe haahaa ka ikaika loa o kana hoomana e hana nei mai a ia aku a i kona mau ahikoa a hiki i na koa. Nui na kanaka kanaka a me haihai kanawai o Ladana i hahai mahope o ka hoomana a keia haole, a ke laha aku nei i Amerika. He Beritania oia ma ka lahui a me ka hanau ana, a eia oia i Amerika Huipuia i keia manawa ma keia hana.

 

No Samoa Mai.

 

            I ka hebedoma hope o Novemaba ua holo awiwi ae he lono hoonaluea noonoo no ka iiuiiu kaua o na poe kipi o Aana a me Atua ma Samoa, ka poe hoi i hoouna palapala ae i Apia e hoike ana i ko lakou makemake e kii hou mai a lawe aku i na papu ma Luatuanui, i pau ai i ka ulupoia e na mokukaua. Aole i upu ia aku e hoea mai ana keia lohe, a me he mea ia ua lawe ia mai keia hana ma o ke ano la e hoopauha ai i ka huakai a ke Komisina Hoona Aina i Lufiluti. I ka manawa o na kanaka maoli o ia apana i ike ai ua naua maka wale ia mai no ka lakou kue aku i ke Komisina me ka manao ole ia mai, ua hooholo iho la lakou ua lanakila ka makou, a i ole ia aole la e hoohuli ia mai ana na pukuniahi o na mokukaua e kue i ka lakou hana hoaano o keia wa.

            Ua hiki ae he lono i Apia i ka la 30 o Novemaba, ua hoolele iho he hakaka mawaena o na aoao kue a olua ma Lefaga a ua haule make iho hookahi ola a oi aku paha. Aohe i maopopo heaha ia ke kumu o ka hkaka, he hoopaapaa kalaisina paha a i ole he hoopaapaa aina paha.

            Nolaila, o ka huakai a ke Komisina Hoona Alua i Lufilufi ua haule pohe wale me ka waiwai ole.

 

Ke Kahu Kula Nui ma Kana Hana.

 

            Ma ka huakai makaikai a hakilo aku nei a ke Kahukula Nui Atkinson i na kula o Hawaii e hoomaka ana mai Kailua ma Kona Akau ahiki i Hakalau ma Hilo ma ke ala ae o Kau a me Puna, aia hoi ua loaa aku na kula aupuni a pau o ia mau apana ua ohuohu pono i na haumana a e hele ana i mua ma ke kulana paapaana. Ma na kula a pau i makaikai kino ia, ua pau wale no na kumukula i ka lawe i ka hoohiki e kakeo i ke aupuni a koe paha hookahi wahi kumukula kamalii aia la i Napoopoo aole i hoohiki o na apana i hele kino ia aku e ike. A keia malama ae, e hoi hou aku ana ke Kahukula nui o kaapuni, i ka hapa i koe o ka mokupuni nui e hoomaka ana mai Laupahoehoe ma Hilo, a e kamoe mai ana no Hamakua a me na Kohala.

 

Aihue ia ke dala a Kekahi Iapana.

 

            Ma ka huakai a ka mokuahi Waila i hoi mai ai i ka la Sabati aku nei i hala mai Maui mai, ua kau mai la kekahi Iapana mai Kahului no ka holo i Honolulu nei a noho iho la ma kona poli e holo nei, he $115 ma ke dala keokeo a me $15 ma ke dala gula. No ka nui o kona ma'i maluna o ka moku ia holo ana mai, ua huna iho oia i kana eke dala mahope o ke kua. Iaia i pauhia ai i ka hiamoe ia po maluna o ka oneki a puoho ae, aia hoi ua nalowale kana eke a ua lilo aku kona waiwai. No ka hiki ole i keia Iapana ke hoomaopopo a ike lihi paha i ka mea nana i aihue i kana eke dala, ka luhi hoi o kona paahana ana no kekahi manawa, nolaila ua poho kona manao e loaa hou ana kana eke dala. Eia nae, ua hoike ia aku keia mau mea a pau i ka oihana makai, eia nae aohe wahi meheu iki e loaa aku ai ka moali o ke kalohe. Aka ua hopu ia iho nei Kekahi luina ao mamuli o ka hoohuoi.

 

Make ma ka Moana Lewa.

 

            Ua komo mai ka moku pea "S G Waila" i ka auina la Poaono i hala iloko o umikumamahiku la holo mai Kapalakiko mai, me kona hae i hoohapa ia. O ke kumu o keia, oia ka make ana o kekahi ohua maluna ona i ka Poaha iho, oia o Lunakanawai S. D. Payon o Sana Iose, Kaleponi. O kona ma'i i make ai, ua hehee ka lolo no ka noonoo nui i kekahi mea. He makahiki paha i hala, make aku la kana keikikane, a ua hookaumaha nui ia kona noonoo nona. Ma Ianuari iho nei o keia makahiki, lawe ia aku la kana wahine ponoi mai kona poli aku a ua pakui hou ia keia mea hookaukaha i kona noonoo o nalu ai, ka mea nana i kapae ae iaia mai ke kupono ae e lawelawe hana. Aka mamuli o ka Mrs. J. S. McGrew hoolana manao ana aku malia paha e loaa iaia ka oluolu ke holo i na paeaina o Hawaii, nolaila ua ae oia e holo mai ia nei me ka ukali pu ia mai e kekahi kaikamahine. Ua ialoa ia ke kino make a e hoihoi hou ia aku ana i ka aina oiwi e moe pu ma na aoao o kana mau mea aloha i lawe e ia aku e ka make.

            O ka hoa hele o ke alanui moana, kaua kaikamahine unaikumamaiwa makahiki, eia ke malama ia nei ma kahi o Kauka McGrew a ke haawi ia nei iaia na mea a pau e oluolu ai oia iloko o kona wa kanikau no ka makua aloha i haalele mai la iaia.

 

E oki ia ke Alawai o Nicaragua.

 

            Ua loaa i ka nupepa 'Manufacturer's Record' o Balatimoa he mau palapala lehulehu mai na Luna Snate a me na Lunamakaainana mai o na Hale Ahaolelo Lahui nui elua o Amerika Huipuia, e hoike ana i ko lakou mau manao no ka pono i ke Aupuni ke haawe i na kokua dala ana e pau koke ai i ka hana ia a puka keia alahele moana heu. Ua haawi pau o Luna Senate John Sherman o ka mokuaina mai o Ohio i kona noonoo kuio no ke oki ana i ke alawai o Nicaragua, a ke manaoio nei oia he mea pono na ke Aupuni o Amerika Huipuia e oki a puka a noho mana iho, no ka mea ke puka ia alawai alaila ua wehe ia he mau makeke hou no ko Amerika Huipuia mau waiwai e lawe ia aku ai. Nolaila e lilo ana na manao wehewehe o keia poe kaukanawai a me kekahi poe koikoi e ae mawaho aku o na hale kaukanawai i kumu nui e hoeueu ia ai ke Aupuni o Amerika Huipuia @ keia kumuhana ano nui.

 

Pakaha hou o Enelani he Mokupuni.

 

            Aole i hoapaapa wale iho o Enelani i kona manawa ma ka okioki ana ia Kina, no ka mea ua pakaha aenei ola a kaili lima nui ae la nona ponoi i ka mokupuni o Chusal, ma ka hema ponoi aku o ke awa kumoku o Sanahai. He wahi mokupuni keia nona ke anapui he kanalima kumamakahi mau mile a nona ka ili he 280 mile kuea a he 250,000 ka nui o ka lahui e noho ana maluna iho, e hoopapau ana ma ka hana mahiai. He ilua lawe ia ana e na Beritania mamua o keia mokupuni, a he elua no ka hoihoi hou ia ana aku ma ke kukai palapala kilo aupuni ia ana O kena kulana ma ke alahele mawaena o Pekina a me Canetona, ua manao ia he kulana maikai a ano nui ma ke ano hoohalua.

 

Ka Hihia Puhi ahi Kolohe o Wailuku.

 

            O ka hihia ano koikoi loa o ke kau kiure kapuni o Maui ma ke kau o Lahaina, eia ka hihia o H. H. Plemmer a me E. R. Biven i hoopiiia no ka hewa puhi kolohe i ke Keena Hana o ka Hui Mahiko o Wailuku ma ka po o ka la 1 o Mei i hala o keia makahiki. Na ke Kiure Haole keia hihia i hookolokolo iho. Ma ka la 13 o Dekemaba nei, ua noho keia hihia imua o ke kiure haole me Hon. J. W. Kalua kahu o ka aha. O ka Hope Loio Kuhina A. G. M. Robertson ma ka aoao o ke Aupuni; a o P. Neumann, A. P. Peterson, C. Creighton a me J. Richardson na loio o na mea hoopiiia. Ua pau ka hapanui o keia la i ka wae a me ke kipaku ana i na kiure, a ma ka hora 4:30 o ia ahiahi, akahi no a loaa na kiure nana e hookolokolo, no lakou keia mau inoa: H. Dickenson, E. B. Carley, W. W. Weed, G. E. Simpson, J. J. Hair, B. D. Baldwin, W. Goodness, D. Rough, Geo. White, A. N. Hayselden, W. B. Fischer a me W. F. Landgraft. Ma keia hihia, he 7 hoike ma ka aoao o ke Aupuni a he 6 ma ka aoao pale. O ka hoike nui nae ma keia hihia, oia o Keliikipi, ka mea i ae aenei ua komo pu oia me na laweala e hookolokolo ia ana ma keia hoolala e puhi i ke ahi, a o ka lua o na hoike ano nui, o C. M. Baldwin, he makai kiu mai Los Angelos mai. Ma na olelo ike a na hoike o ke Aupuni, ua paa ka hihia, aka i ka hoohuahualau ana mai a na loio o ka aoao pale ia Keliikipi, ua hapakue mai la kekahi o kana mau ike ma na mea liilii. A i ke komo ana o na Kiure Hoko o ke keena e noonoo i ka lakou olelo hooholo, he hapaha hora wale no a ua puka mai lakou me ka olelo hooholo e hookuu ana i na mea hoopiiia. Aole i lilo keia olelo hooholo i mea mahalo ia e ka lehulehu o ko Maui poe i akoakoa ae, aka ua hookuu ia kela mau haole o na maiuu o ke kanawai mai ke kiure haole mai, a ina paha he kiure kanaka ke namunamu ia la. Nolaila aohe no he kawai he lolo nae wale ana no.

 

Hale Keaka Pake Hou Loa.

 

            Eia ke kukulu ia nei ma Aaia Honolulu mauka iho o ka Hale Keaka Pake kahiko i pau iho nei i ka wawahiia, he hale laau nui i ano aku no me ka hale keaka mua. Na ka hui o Wo Sing e kukulu nei i ka hale. Na na pake wale no nae e kapili nei malalo o ka aelike e paa iloko o ka malama hookahi. A me he mea la no ia pupuahulu loa o ka manawa ua hoonui ia ka puali nana e paahana nei a hiki i ka lawa ana o hookahi kaau ka nui. He hale keaka no keia no na pake e kukulu ia nei. He hale ana kekahi iluna ma na aoao, a he awai nui palahalaha kahi o ka poe keaka e lawelawe ai i ka lakou mau mea paia kuii.

            I ka lohe ana o ka poe e noho kokoke mai ana i ua hale keaka pake hou nei, ua pii ae ko lakou kue i ka uwai hou ia aku o kela mea hana paiakuli a ko lakou mau wahi. Nolaila, ua lohe mai makou eia ke hana ia mai nei ona paiapaia hoopii kue i ke Kuhina Kalaaina, e papa ana aole e ae ia aku ona laikini no ka wehe ana i ka hana keaka malaila.

 

KA MAKAIKIU LEONE AKA. -: A O :- KA OPIO KUUWALI LIONA -: A O KA :- Hopo ole Nana i Kuekaa na Hana Pohihihi a ka Poe Haihai Kanawai. NONA HOI NA MAKA OOI I LIKE ME KA UVILA, - A ME NA LALA WIKANI KOHU KILA MAGENEKI.

 

MOKUNA II.

 

            "Aole loa au e uluhua iki ana ia oe, oiai ua noa ko'u mau manawa a pau ia oe, a e hana oe e like me kou makemake," wahi a Leone.

            He mea oiaio i kela wa i ua mau ui la e noho nei ma kela wahi, he ui naaoli no laua a i elua, a ua kinikohu ka noho ana a me ke kaunu ana i Waiolohia.

            "E ae mai oe i ka'u noi o Mr. Aka, oia hoi, ua hooholo au me kuu makuakane e lawe ia oe i malihini ua maua, a ma ko maua home oe e noho ai a hiki i kou wa e huli hoi aku ai no kou aina makuahine. E ae mai ana anei oe i kela noi?" wahi a ka ui Ewalina.

            "He mea kaumaha no'u ka hoole ana aku i ka olua poloai lokomaikai, oiai o ka'u hana, he mea hiki ole ke ike wale ia ko'u wahi e noho ai. Aia au imua o ka waha o na pu a na enemi i na wa a pau, nolaila mai kuhihewa mai oe he hoole maoli keia a'u mamuli o ko'u manao maoli iho, aka he hoole ana keia mamuli o ka uahoa o ka'u oihana. Ke hoomaopopo nei oe ia'u, aole o'u launa wale aku me kela a me keia, oiai e huna mau ana au i ke ano maoli o ko'u kulana, a o olua wale no ka'u i ae ai e launa pu. He mea oiaio, o ko'u hauoli maoli ia o ka ae ana aku i kau noi. Ina aole au i hele mai nei mamuli o ka'u oihana, e ae koke no au i kau noi e ka ui waipahe a ko'u mau maka i ike mua ole ai, nolaila mai manao mai oe he awahua kekahi iloko o'u. Aole loa."

            I keia mau hoakaka ana a ka opio Leone, ua pahola ae la ka haikea ano o ma na papalina nohea o ua ui la, a me ka leo nahenahe malie, ua ninau mai la ola:

            "Ina ka paha kakou o pae aku ana i ka aina, aole ka paha e ike hou ana ko'u mau maka i kou mau helehelena?"

            "Aole pela e kuu makamaka maikai. E hele aku ana no au e ike ia olua ma ko olua home, aole nae ma ka manawa e piha ia ana e ko olua mau makamaka e ae, nolaila e hoike mai oe i ka wa kupono no'u e hele aku ai, i ole hoi au e hookui aku me kekahi poe e aku," wahi a Leone Aka.

            "Ina pela, e hana ana au i rula no ko'u hale, aele e ae ia kekahi mea e komo mai ma ko maua wahi mahope iho o ke kani ana o ka hora 8 o ke ahiahi o na la a pau, koe wale no oe. E maopopo ana kela mea i ko'u poe kauwa," wahi a ka ui Ewalina.

 

MOKUNA IV.

 

            Oiai na la o lakou maluna o ka mokuahi, ua ulu ae na manao pipili loa mawaena o na opio, a ma ka nana aku, ua piha kekahi me ke aloha i kekahi, aka ua hoomanawanui no nae ka opio Leone i ke koiikoi ana a kona manao no keia ui nohea. Ua hakilo oia me ke akahele loa i na loina o keia kaikamahine, a ua maopopo iaia o keia no kekahi o na wahine maikai a naauao, e like hoi me kona kulana ui a nani ma ke kino, pela no ma kana mau hana. Aole loa ka hookano iloko o kona naau, aka he hoohaahaa a me ke akahai. Aole o kona waiwai ana he kumu ia e hookiekie ae ai, aole loa. No ia mea, ua hooholo iho ko Leone manao, ina e holopono ana kana hana, alaila ke ole hoi e loaa o ia Ewalina he kane, e nonoiana oia no kona lima, a oia no h@ kona h@a o ko keia noho ana aku.

            Ua maopopo no hoi @ Ewalina ua aloha iaia, e like no hoi me kona aloha iaia, aka ua koho no nae kona naau i ke kumu o ko Leone nonoi ole aku iaia i kela manawa. Nolaila ua noho no oia me ke kali a me ka manaolana.

            O Ewalina hoi ka @ne i hoike aku ai i kona moolelo oiaio a me ke kumu nui o kona lawelawe ana i ka oihana makai kiu. Ia wa a Leone i wehewehe pono aku ai ia Ewalina ma kekahi po ma ka oneki o ka moku, ua kamailio mai la o Ewalina.

            "Ua pololei maoli no ka o papa i olelo ai ia makou ma ka la ma@ kakou i holo mai ai. Ia kakou i hoomaka mai ai e holo, a ia oe h@ e ku ana mahope nei o keia wahi a makou hoi e nonoho ana mamua, ua olelo ae oia ia makou, he kanaka oe no kekahi kulana kiekie loa, a he pualii hoi ma ka hanau ana. He akamai loa o papa i ke kilo ana i ka ouli o na kanaka, a aole e nele kona ike i ka poe maikai a me ka poe ino."

            "Laki maoli hoi ha au i kona kilo ana mai ia'u ma ke ano he kanaka maikai. Oia ka paha kou mea i lilo ai i hoalauna oluolu no'u," wahi a Leone me ka hoomakeaka.

            I na manawa nae a pau a na opio e walea mau ai, aia kekahi kanaka kino loihi e hoomakakiu mau ana ia laua, a e nihi mau ana oia me na kapuai wawae kohu popoki, me ka hoohalo mau ana me ke ake e lohe oia i na kukai olelo ana mawaena o laua. He kanaka kino pahaahaa wale no keia, me na umiumi eleele, a o kona mau maka ke nana aku, ua like loa me ko ka Popoki ka huila me he kukui la, a he waha laula akea me na lehelehe lahilahi, a maloko aku he mau pap@ kepeke liilii, a e uwi mau ana i kela a me keia manawa, e hoike ana he kanaka huhu ino a hoomauhala. He kanaka keia na Ewalina i hoihoi ole loa ai, a ua ano hopohopo oia nona, a ua hoike aku no hoi oia i kela mea i kona makuakane. Ua ao mai hoi kona makuakane laia aole make launa iki me ia kanaka. Ia Ewalina a me Leone e noho ana, ua ike ae la o Ewalina i ua kanaka la e ku mai ana ma kekahi wahi pouliuli o ka oneki, me ke kau pono ana mai a kona mau maka kohu popoki ia laua nei. He mea e ka lele o ko Ewalina oili i kona ike ana aku i ua kanaka la, me he mea la e hoike wale mai ana no kekahi uhane maikai iaia, he manao ino ko kela kanaka ia laua, a he haua hoi kaua e manao ana e hoohana mai me ke ano powa. Ia wa, ua hawanawana aku la oia ia Leone no kana mea i manao ai me na huaolelo pihoihoi. Me ke akahele malie, ua pane aku la o Leone:

            "E kala wale au i hoomaopopo ai no kela kanaka, a ua makaukau au nona i na wa a pau. Ua lili ino loa kela kanaka ia'u, a he makemake loa oia ia oe. Mai hopohopo oe nona, oiai ua lawa ko'u mau lima no ka malama ana ia kaua a elua."

            He nui na la o keia kanaka i kuko ai no Ewalina, a aole ana hana e aku, aka o ka hahai hele wale no iaia me kona makuakane, me kona manao haakei, aia a hiki o Ewalina me kona makuakane i ko laua home, alaila oia ka manawa ana i manao ai e nonoi aku ia Ewalina i wahine nana, a ina e hoole mai ana laua, alaila oia kona wa e lawe koke ai i ko laua ola. Ua hahai oia ia laua mai Parisa aku, a aole oia i haalele iki ia laua a hiki i keia wa. Ua hele no hoi o Ewalina a piha uluhua i ka iko mau iaia, oiai ma na wahi a pau a Ewalina e hele ai a e noho ai paha, aia kela kanaka ma kekahi wahi me ke kiei mau ana a kona mau maka maluna ona. Mamuli o keia hui mau ana o Ewalina me Leone, ua hoopiha ia ka naau o ua kanaka la me ka weli inaina, a ua maopopo no iaia, ua aloha o Ewalina ia Leone; a no ia mea ua hoohiki iho oia e lawe i ke ola o Leone mamua o ka hiki ana o ka moku i ka aina. Ua maopopo wale no nae ia manao o ua kanaka la ia Leone.

            Aole i pau.