Ka Nupepa Kuokoa, Volume XXXIII, Number 31, 4 ʻAukake 1894 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

hoola Loio

Allen & Robinson

@

James M. Monsarrat

@

J. T. Waterhouse

@

Halekuai on na ole Nani Panio!

Lakohao

Na Lako Hana Mahiko

@

- - Honolulu.

239@@

Hoolaha Hope

@

Hoolaha a ka Lunahoo-

ponopono Waiwai

@

            I ka wa e nakulu ai oloko o ka opu me ka eha, a hele moku ka lepo, alaila, e hoao i ka Chamberian's Coile, Cholera a me Diai Roea Remedy laau lapaau a e ol@ aku ana kou mahalo ke ike oe i kona hopena. He oluolu, palekana a puhili ole. He oluolu, palekana a puhili ole He 23 a me 30 keneta o ka omole, a

e kuai ia no ma na halekuai lapaau a pau. Benson Smith & Co., nu agena ma koa Hawaii Paesina. II.

            O ka oi ma ke no holookoa,  Oia ka W.D. Woodring o Bordly Kentucky, e hookaulana nei no ka Chamberlain's Cough Remedy (Laau Kunu).  Ke kamailio nei oia ma kona ike ponoi iho i ka inu ana, oiai o koua a me kona ohana ola ana mai nei no ia mai ka loaa ana i ke kuau koikoi loa a me ko anu, a ua hooholo oia o keia laau lapaau ka oi ma ka honua nei. E kuai ia no ma na Halekuai Laau Lapaao a pau. O Benson, Smith & Co., na agena ma ko Hawaii Pae Aina.

 

Lolena Lauae

Ka Makai Kiu

A o ka mea i kapa mau ia , a i  kaulana nui hoi ma ka waha o na kanaka o

Lima Kila Umuii

 

Ka weli a na poe haihai kanawai, a o ka puuhonua hoi a ka poe ake noho maluhia

F.M

[Mea Kakau]

Mokuna I

            He mea oiaio ma ka hoomaopopo ana a ke alwaiwa opio ua like keia ui me he la aole no kela ao, aka me he anela la no ka malamalama. E kaulono pololei mai ana na maka o ua ui ala iaia nei, a no ia mea, ua houhou koke ae la kekahi mea maloko o ko ia uei houpo, a apoapo ae la ko lauei umauma i ka ua mea he ano eehia.

            I kela wa a ka ui waiauhea i like mai ai i kakou hiwahiwa, ua hoomaka koke mai ia oia e hele pololei mai ma ko ianei wahi e noho ana, a i kona hoea ana mai ma kahi a ka opio e noho ana ua kunou maikai mai la ka lele opio, a ia wa no hoi keia i ku koke ae ai, a kulou hoohaahaa mai la imua o ua lele opio la, a ma ia wa i pane aku ai ka lele opio:

            "Ke ole au e kuhihewa, ke hala wai nei au me Mr. Lolona Lauae, ka makai kiu kaulana a ko'u makuakane i hoike mai ai ia'u, a owau no hoi ke kaikamahine, a keiki kamakahi a ko ' u mau makua, Mr. Make a me Mrs. Make." Ua hoopuka ia keia mau mamala olelo me ke ku i ka nani a moakaka ke hoolohe aku, a w puapuai mau ana ka ola ohelohelo ma kona mau papalina i na wa a pau.

            Ia laua e kamailio ana, ua hoea hou mai la o Mr. Make a me na minoaka ma kona mau papalina, ua pane mai la oia:

            "E kala mai oe ia ' u  e Mr. Lauae, no ko ' u palaka loa, oia hoi ko ' u hoolauna mua ole ana i ka ' u kaikamahine me oe. O keia no ka mea nona kela lei daimana a ' u i lawamai ai mai Inia mai. Nolaila e hoomanao oe e kuu hoalauna opio maikai, I ka nui o ko ' u minamina no kela lei, aka ke lana nei nae ko ' u manao e loaa ana no ia oe kela lei."

            "Ke hoomaikai aku nei au no kou lawe ana ia ' u nei, ka mea hoi o ke kulana haahaa loa, a hoohalike aku me ke kulana o kau kaikamahine, oiai ma ka oiaio maoli, he kauwa au, a aole hoi i kupono e luana pu me kau kaika mahine, oiai ua hiki no ia oe ponoi ke launa mai me a ' u ma ke ano o ka hana, aka  no kou ohana nae, he mea hiki ole kela ma ka hoohalike ana. Nolaila, e ae mai olua e hookuu mai ia ' u, oiai e hele au hoomakaukau no ka ' u hana."

            Mahope iho o ka aua ana mai a na hale, ua noho iki aku lla ka opio no kekahi mau minute pokole, aka ua nonoi hou aku ia no nae keia, aole no kona manoio maoli no ka hele, aka he makemake keia e hoike aku i kona kulana hoohaahaa oiaio, i na mea hanohano. He mea oiaio, i na minute a ka opio I luana ai me kela ui nohea, ua hoomau aku la kona mau onohi maka i ka nani luaole o ka ui "Roselina," oia hoi ka inoa o ua ui la o ke Kakola Make, ka hooilina waiwai hookahi o keia kulanakauhale nui o Nu Ioka.

            I ka hala ana aku o ka opio Lolena, ua huli ae la o Roselina, a pane aku la i kona luaui makuakane: "E kuu papa aloha. He oiaio, mai koæu launa ana me na kanaka opio a pau, ka poe hoi o ke kulana kiekie, aole loa au i ike i kekahi mea o lakou i like ke kulana hoohaahaa, a kulana keonimana e like æia me keia makai kiu opio."

            "He oiaio kela olelo au e kuu aloha, a pela pu no hoi me aæu, oiai i ko ' u ike mua ana iaia, ua hoohauoli koke ia no ko ' u naau nona, oiai aia ma kona helehelena a me kona mau onohi maka na kahoaka o ka hoopono a me ka wiwoole. He oiaio hoi, ua lohe wale no au no kona wiwoolw, aka, ua kuhi nae hoi au he kanaka ia oia i ano kanaka makua iki aku, aka i ko ' u launa pu ana me ia eia ka he keiki opiopio lo, a ke ole au e kuhihewa, ua oi aku no paha kona opiopio imua ou e kuu aloha."

            "Nawai i hoolimalima lala e hana i kela hana?" i ninau mai ai ke kaikamahine.

"Na ' u  no i kauoha aku ia Mr. Kalani e hele aku hoolimalimamiaia me kona makuakane. O ka ' u mea i hilinai ai o kona luaui, oiai ola ka mea i kamaaina ia ' u, a he makai kiu hoi ia i kaulana kahiko i ke akamai a me ka hopo ole, aka ke manao nei nae au, ua oi aku  keia keiki imua o kona makuakane. Eia  nae, he mea maikai no nae ka lawe ana ia laua a elua ma ka hana o keia ano, oiai aole he kanaka aihue haahaa ka mea naua i hana i keia karaima, aka me he la, na kekahi mea o ke kulana kiekie, a i hilinai nui ia, nolaila, aia wale no a loaa na hooia oiaio loa, alaila hiki ke hopu ia ke kanaka oia ano," wahi hoi a ka makuakane.

            "Pehea, ua ane maopopo anei iaia ka mea nana i hana i kela hana?"

            "Ae, ke ole e loaa kekahi mau kuia,  alaila e paa ana ka mea aihue ma ke kakahiala o ka la apopo."

            "Owai ka aihue ana i manao ai?"

            "E hoike no hoi au ia oe, aka e paa loa nae kou waha, mai ole oe a hoopua iki aku i kekahi mea kino kanaka. O ka mea nana i aihue kela lei daimana ou, oia no kela kanaka a ' u i manao ai ua like oia me ka anela, oia hoi o Mr. Kalani."

            "O Mr. Kalani! Ae, aole anei ou hoomanao i kekahi mea a ' u i hoike aku ia oe mamua, no ko ' u makemake ole i kela kanaka?" wahi a ke kaikamahine.

            "Ae, ke hoomanao nei no au, a a ' u hoi i hoohenehene wale aku ai ia oe no la manao ou, aka ke ike nei au i kou pololei e kuu kaikamahine," i hoike mai ai ka makuakane.

            "Aia ma ka helehelena o kela kanaka, a me kana mau kamailio ano hoolo no ka mea e pili ana iaia hoopono a me ka hana pololei a pela wale aku, na komo kahiko iloko o ' u ka hoohuoi, ke kolohe nei kela kanaka. Ina paha he makai kiu e aku kau i hoolimalima ai, alaila he mea oiaio, aole loa e manao ia ana ua paumaele na lima o kela kanaka me na hana ckaeka."

            "Ae, he mea oiaio kau e olelo mai nei e kuu keiki. Ua hai pu mai no hoi kela opio ia ' u, ua manao oia aole wale no o ka lei kana i aihue, aka o ke daia no kekahi o ka banako, nolaila aia a paa kela kanala i ka hopu ia, alaila e hele kino ana au me kela opio (Lolena) e makaikai i na buke helu o ka banako."

            "Auwe! He keu ka a ko kaua laki mamuli o keia opio, aole wale hoi o kaua, aka o na lala e ae no kekahi o na banako."

            Mahope iho o ko laua hoonnea hou ana no kekahi mau minute, ua hookuu aku la ka makuakane i kana kaikamahine e hoi e hooluola iaia iho.

            I ka hala ana hoi o Roselina no kona keena moe, ua hele aku la o Mr. Make ma kahi noho o kekahi o kana mau kauwa a hoike aku la oia ia lakou e ku kiai lakou i ua po la, a e makaala loa hoi no ka mea a mau mea paha e komo mai ana iluko o ka pale hale.

He Kaao Hoonaue Puuwai

Puakaohelo

Kaikamahine Alii.

Ui Oi Kelakela o ka Nani a me ka Maikai.

I Hehi ku na kapu o Kuahielani a me Nuumealani

Ui i Hiolo ai ke Kapu a me ka Mana o ke Kiowai kupuna-kahi e hiolo ai ka nani a me ka maikai o na mea kino kanaka o ka Honua nei.

Ke Kiowai Kapu A Me Ka Mana Kupua E Kiai Ia Ana E Na Honu Alii He Umikumalua; Ua Lilo Ia Mana I Mea Ole I Ka Nani A Me Ka Ui O Hawaii.

Mokuna II

            A hoea mai i keia aina makamaka ole a me ka peheo'i aaho ai, oiai ka ui e hoolohe ana i hone o na leo o na manu, a na ka makahiamoe i hoopale ai i kona loaa ana i ko laua mau leo hone no ka aina moe uhane a kaia loa aku la e kahiamoe nui, a na ka ike ana o na manu i ka hiamoe o ko laua haku alii, i hoopau ae i ko laua himeni ana, a hiamoe aku la lakou apau.

            E waiho kakou ia lakou e hiamoe ana.

            Ma ke ao ana ae oia ua makaukau na mea ai i na makua hookama o na'lii, ma ia moe ana a ao ae, o ka hana maamau i ke kahuhanai o ka ui o ka hoomakaukau no i ka wai holoi no kona hanai. Oiai ka ui e hiolani ana a hala ka hora S, oiai ka ui i ala ae ai mai kona hiaomoe ana, e noho aku ana kona kahu hanai me ka makaukau no kona holoi ana i mau maka ponipo ni, a mw ka nani e noho alii ana maluna o ka ui.

            Oiai na manu e noho ana me ka makaukau no ka laua apana hana  o ka hoomaemae ana o ka ui, ua komo iho la oia i kona mau aahu alii, a naue aku la no ka rumi aina, oiai ka papaaina ua makaukau no na mea ia ono lono. Ua noho iho ia lakou e paina, a mahope o ka paina ana, ua hoi aela lakou no ka rumi hookipa, a malaila lakou i hoohala ai no kekahi mau minute, o ka hana maa mau no i ka ui o ka hele no i ka makaikai ma na wahi aku i koe iaia.

            I pane aku ai ka ui i kona mama maikai a me hooko i na mea a ka ui e makemake ai, e kuu mama maikai, e oluolu oe e ae mai e hele kaua a makaikai i na hale e waiho ai na mea gula a ke alii o ka aiua nei, oiai aia no ia oe ka malama ana oia mau hale, ae wahi a ke kamaainana kaua, a me ka makuahine. E hele kakoou, ia manawa lakou i naue like aku ai no ia mau hale, kahi e waiho ai na waiwai ano nui i ike ma Hawaii nei i kela ano hale a me na waiwai gula, daimana a me na pohaku makamae.

            Oiai lakou e hele nei no ka pa nui hewahewa e ku mai ana mana o takou, oiai na pua e haawi like mai ana i ko lakou mau aala like ole.

            Oiai ka ui e hoomau ana i ka honi ana. Ua puia pu ia lakou e ke a;a waianuhea, aohe he mea a ka ihu, e hoala ae ai, oiai ke ala e noho alii ana ma ko lakou mau ihu pakahi, I hoomanao ae ai ka mea kakau i keia mau lalani mela a ka poe loea.

Auhea wale ana oe la

E ka hanu paoa i ke ala

He ala kuu pua rose la

I mohala i ke awakea

A he keu ka pae epua la

Haaheo i ka ilikai

Akahi au a ike la

Nahala e kapualua

E lua no maua la

Lai pono i ke taona

I honi iho ai ke ala la

Huihui i ka puuwai

Haina ia mai ka puana

O oe a owau haikeau o Moanalua.

            Oiai no lakou e hoomau ana i ka hele ana i mua ni ka pa hale kahi e ku mai ana ka hale e waiho ai on a waiwai, ia lakou i komo aku ai iloko o ka pa, oiai na laau like ole o loko o ka pa e ulu pohai ana ma o a maanei, o ka pa e hua ana i na hua ai ano like ole ma Hawaii nei i uinau aku ai ka ui, mama ea, wai a ke aliiwahine. He pono no ke ai ia keia mau hua ai e pala mai ai nei i mua o ko kakou mau maka, ae, wahi ana i panai pu ia mai ai e ka olomana kane, o na hua ai hea kau i makemake ai e ai , o keia mau laau e pala mai nei ma ka puka o ka hale a,-ae,-he mau laau kapu no keia la e ai a na mau no hoi e ai, i na maua e ono, oiai hoi oe e ono ana ua pono no.

            Oiai no lakou e ku ana ma kahi mamao mai ka hale mai, oiai ka hua e luluu ana ilalo, aohe he helele iho ilalo, aole pela keia, he hiki no i keia laau ke hua apala, aole no e helelei, oia mau no o kona kau ana iluna a hala ka makahiki, a hiki wale no i ka wa e mamao ia ai e lawe na ke alii, oiai elua hele ana a keia mau mea i kahi o ke alii iloko o ka makahiki, e like me ka mea maamau ia laua i na wa a pao.

            Ia wa i kii ia aku ai ua hua nei, a lawe ia mai la i mua o ka ui, oiai lakou e hooomaha ana malalo o ke kahi huinu laau nui e luhe ana kona mau lau i ka honua, ua pa kauna ia na hua na ka mea hookahi o lakou, a o ka ui nae pa kauna ia oia a me elua hua kaka pokeokeo, ua like me eono ana huamoa.

            He nui ka i ' a ma keia aina, he mau i ' a makamaka hou i like no me ko Hawaii nei, oiai lakou i hiki aku ai i kauhale, ua kupa ia ka i ' a, ua palai ia ka i ' a, ua ai waha ka i ' a a lakou nei, oiai ka paina ahiahi. Ua huli hoi aku la lakou no ka rumi hookipa, a malaila lakou i hoolauna iho ai no ia mau hora o ke ahiahi, e hoonanea kamailio ana no na mea aku i koe a ka ui i manao ai e ninau i na kamaaina i ninau ai ka mea nona keia moolelo ia laua. Heaha na mea ano nui o keia aina, a kakou e noho nei.

            Eia ka pane a na kamaaina, o na mea ano nui o keia aina, aia ma keia huli aku o kela mau puu nunui e ku mai nei iwaena o ka aina nei, aia wale no lakou malaila e noho ai, aole lakou e puka mai maanei o ka aina nei.

            Heaha ke kumu k ko lakou hiki ole mai maanei nei?

            He kapu loa keia wahi ia lakou, aia a makemake maua i kahi mea alaila kauoha aku ia lakou e hele mai i o maua nei, aia no hoi a makemake ke alii no kahi mea, alaila kauoha aku ia lakou e hele mai, a na maua no e hai aku ia lakou ua makemake ke alii ia lakou, oia ke kumu e hiki mai ai nei la e lohe oe e kuu alii, o keia maa la e noho nei.

            Heaha ka lakou hana nui e hana nei iloko o keia mau la e nee nei.

            O ka lakou hana, oia no ka eli i na lua dala, a me na lua gula a me daimana, a me ka momi kumukuai nui a me na lua pohaku mabala, a me na mea nani e ae, koe na wahi i papa ia e ke alii. I ko lakou hana ana i kela mau mea ano nui a na paha a i ole ia na lakou paha?

            Na ke alii no kekahi a na lakou no kekahi, i ka maua e mahele ai a kaawale ka ke alii, a kaawale ka lakou. I ka wa e kaawale ka lakou dala, a me ke gula, daimana, momi ame na pohaku mabala a lakou, i hea la ka lakou e kuai ai, a heaha ka waiwai e loaa mai ana ia lakou.

Naleta

' Aole o makou makemake e lawe i ke koikoi o na hala no na mano i hoopuka ia malaloo keia poo e ko makou poe mea kakau .I

He Pane Hoole.

Mr. Lunahooponopono: Aloha oe;

E hoike aku oe maloko o ka nupepa i ka maua pane hoole no mea i ike ia ma ka nupepa Kuokoa e olelo ana. Ua huli aku ka lunakanawai hou o Molokai nei i na puolo o na haole malihini i ku ma ke awa o Pukoo Molokai nei. Ke hoole nei maua ia hoolaha hoopunipuni aole he oiaio oia hoolaha:

            Penei ka oiaio, o maua ponoi kai huli i na puolo o ua mau haole la ma ke kauoha a ko maua poo oihana mamuli o ka hoohuoi i ana he opiuma, oiai ua hele pu mai kela poe haole me Eugini Davechell, ka mea i manao nui ia he lawe malu i ka opiuma, a ma ia huli ia ana e maua aole mea i loaa, aka nae aia no ko makou lanakanawai hou ma ka uwapo ia manawa, e kali ana no kana ukana i hoouna ia mai e Henry Smith kakauolelo o ka aha kiekie, a i loaa ana o kana ukana ua hoi no oia i kona home, a ua ike no nae ua lunakanawai la i keia huli ia ana e maua, a he lehulehu poe malaila oiai he la ku moku ia. O maua iho me ka oiaio, he mau makai no ke Aupuni Ripubalika.

            Kalawaia

J. Kameakua

Ka Huakai Hupo a na Kuhina o ka Aoao Anee ' Alii i ke au o ka noho Moi o Hawaii.

            E ka Nupepa Kuokoa e:-Aloha oe. E oluolu mai ia ' u e kamailio akea aku imua o ko kakou lahui no ka huakai hupo a na kana i ike ia he mau hookele no ko kakou aina aloha i ke au o na Moi i hala ma-o, o ka Moiwahine i hoopau loa ia mai ka noho ' lii ou e Hawaii. Ma keia huakai a keia poe i holo aku nei i America, e maopopo loa ai i ka poe i loaa ka noonoo maikai a me ka naauao maoli, i hoonaauao ia ma Hawaii nei a me na aina E, ka hupo haalele loa o keia poe, i like ia he mau alakai no ka lahui mamua, o H. A. Wilimana he kanaka naauao oia no ke aupuni o Europa i kipa malihini mai ma keia Paeaina i ke au o na Moi Kamehameha a hiki wale mai nei i kela la, ua noho kokua Lunakanawai kiekie, a ua noho kuhina a lawelawe i ka oihana loio, a he kanaka waiwai nui a kuonoonoo no keia aupuni, a ua nui na keiki mai kona mau la hapauea, a malia paha ua pau ka noonoo maikai o ke poo.

            A malia paha oia kona mea i komo poo aku nei me keia mau hupo o Kawaapae, Keoni Kamaki a me Samuela Paka. Ina paha e mau ana kona noonoo maikai, in a paha ua lawe oia ma ke ano lolo kokua no ka Moiwahine, a holomua i ka wa e noonoo ana ka aha Senate o Amerika ma ka la 31 o Mei, holo aku nei o Wilimana me kona mau hoa, e hoohui aku ia Hawaii me Amerika, ai puu dala paha Moi, me ka ike iho no aole he aupuni Moi i koe a he aupuni Ripubalika o Hawaii, a ua ike ia mai e na aupuni o na aina E, holo wale aku nei no keia mau loio hupo, e hamohamo wale aku no ma ke Kuala o Puna. E hoomanao iho ka poe naauao io no Wilimana a me kana mau olelo hookaau o na lai aui ae, aohe lewalewa iho, wahi a Wilimana, a ua pau ka noonoo maikai o ke poo, a ke holo pahua nei kona moku.

            O Samuela Paka, ua hoonauao ia ma ka Punahou, a ua puka mai me ka maikai, aka, iwaena o ko lakou papa i paka mai ai mai Kapunahou mai, aole i kaulana oia he kanaka naauao no ia papakula i homo mai ai. He kanaka waiwai nui mai kona kupunakane mai o Waimea Hawaii, a he kaeaea ma ka moi hihipea o keia mea he waiwai, kanahana mua hoala oia he mahiko ma Paauhau Hamakua Hawaii. poho no, hui me ka on a miliona, hao na kepa ka hau o Lihue, komo i ke aupuni a limuloa, noho i Kuhina nui no Liliuokalani, hapala ka ele na ke kea ka ai, hiolo ka noho Moi o Hawaii, lalama ka aama hole i Amerika, heaha ka hua i kahiki. Ma keia huakai a S. Paka, Wilimana a me K. Kamaki, aole e hiki ia kaou ke hoohalike aku i ko S. Paka hupo e like me ko Wilimana, no ka mea ho opiopio oia a he nele maoli no kona waihona noonoo, a o Wilimana hoi, he kanikoo maoli no, a poina maoli no iaia, a in a o kona wa nno kauka makua kupono, aole oia e aa e holo pu me kela mau hupo o Kawaihae, a no Kawaihae no ia e kapaia he naaupo o Kawaihae. I mea e maopopo ai ka naaupo maoli o Samuela Paka, iaia ma Kaleponi i kela makahiki, ua Taragarapa aku eia ia Nodofa kela haole kakau nupepa, a kakau iho la i ka inoa ---Samuele Paka,---

            Kuhina nui, a i ole Kuhina o kona aina E, me ka ike no ua pau ka noho Moi ana o Liliuokalani, a ua pau ko lakou noho Kuhina ana, eia nae kakau aku la no keia i ka inoa oihana i puehu mua ka hulu i ka makani, nui ka hupo e nalowale ole ai kela huaolelo kaulana o Kawaihae. E like no me ka hiki ole iaia ke hookele i kona moku i America no ka pono o ka noho Moi, oiai nana no i hookele a haule ka Moi, pela no e hiki ole ai iaia ke hapai hou ae iluna.

            No Keoni Kamaki hoi, ke pukonakona o Honolulu, ka eueue o Hawaii ma na ano hana lehulehu o na pualehua o ka uka liwipolena la e no ke iho ai, a ko ' u ka puu. Ua noho kuhina oia i ke ao Kalakaua, a heaha kana hana nui no ka pono o ka lahui? Aole hana, kalele wale no Puna ia Kau, a heaha ka kakou i ike a i olohe i keia mau la? O kela pali nui o Konahuanui ua hiolo mai kona wahi e ku ana, a ke ake nei oia e imi no ka pono o la noho Moi i haule, a oia ke kumu o keia pau nui ana aku nei i America aole anei i hiki ia kakou ke nana ake he hana hupo maoli keia. O ka Keoni Kamaki hana kupono me Samuela Paka, i imi mua laua e hoala mua i ko laua mau hale i hiolo ole, a ku hou iluna a lanakila, pela e hiki ai ia laua ke noonoo no ka hoala hou ana i ka hale ko kakou haku alii i haule ma keia mau ano a pau, he hiki ia kakou ke manao iho, he huakai hupo maoli keia a keia mau keonimana a ka lahui e nana aku ai, aka, oia no paha ka hauoli o na anee alii a pau, e like no me ka lakou e kali lalau nei, a i hui pu ia hoi me ko lakou nei lalau. E hoomanao ka lahui ia Buki i ka huakai hupo mua i ai holo i Amerika e hoae i kona akamai kaleiaina me na haiolelo lehulehu ana, a i ka hoi ana mai, pala ka maia a kuu keiki, a no ka nui o ka hilahila, eueu  ka lehelehe i ka hoino, a pela no hoi keia huakai hupe i holo aku nei.

            E nana aku ana no makou ia lakou, a e hoi mai ana no lakou me na huihui paipu a Lonomuku, he nele, i na o ka lakou huakai imua o Peresidena Dole, a e noi aku i haawina kumau no ka Moiwahine, in a ua naanao maoli, aka, imi aku nei i ka ole Ladana, a he ole no ka mea e loaa ana.

            Me keia mau manao, ke waiho aku nei imua o ka lehulehu i loaa ka noonoo, ke waiho aku nei imua o ka lehulehu i loaa ka noonoo kupono, e hui pu mai me makou ka poe e ku nei a kakoo i keia aupuni maikai ka Ripubalika o Hawaii, me na keiki paahana o ka nupepa Kuokoa ame Paeaina i Hulia ko ' u aloha.

Hawaii, Julai 26, 1894.

            "Makena ua huhu o ka poe anee alii la A.N. Kepoikai no keia hoohiki ana. Hookahi anee alii i lohe ia mai ua hoohiki imua on a, he poe kanalua, he mau haole, elua laua aole i  lohe ia mai ua hoohiki imua on a, he poe kanalua, he mau haole, elua laua aole i hoohiki mamua." O keia ae ka na lono mai ka Malu Hekuawa mai.