Ka Nupepa Kuokoa, Volume XXXIII, Number 29, 21 July 1894 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

Ko Hawaii Paiaina i Huiia

 

No ka Makahiki          $2.00

No Eono Mahina         $1.00

 

Kaika ka Rula

 

Hoopukaia e ka

Hawaiian Gazette Co.

H.M. Whitney, Luna Nui.

J.U. Kawainui, Luna Hooponopono

@ Honolulu, Oahu, Lakou a pau.

 

Poaono            Iulai 24, 1894

KULA SABATI.

@.  Ka wa opio o Iesu. @

A @ a ikaika au la hoi @ i ka naauao, a ma@ ke Akua.

41 H@ kela @ i ka ahaaina @

42 A i ka umikumamalua o kona mau makahiki pue ae la lakou i @ mamuli @ laua o ka ahaaina.

43 A @ mau la, hoi ae ia laua, noho @ o Iesu, ina Ieru@alema, aole @ ike o Iosepa a me kona makuawahine.

44  Manao no laua, aia no ia maloko o ka lua@.  Lele no laua i ko kekahi la hele ana: @ ina iho la laua ia ia mawaena o na hoa@ a me na hoalauna.

45 Aole oia i loaa ia laua, hoi hoa ae la @ e @ ana ia ia.

46 @ kekahi, a hala na la eko@, ike aku la @ ia ia.  @ o ka luakini e noho ana @ o ka poe @ e hoolohe ana ia @ ma hoi ia lakou.

47 A @ ka poe a pau i lohe ia ia, mahalo @ i kona manao a me kana olelo ana.

48 A ike laua @ iho la; a i aku @ @.  E ka ʻ u keiki no @ mai ai pela ia mana?

@ me kou makuakane @ kaumaha

49 I mai la kela @ laua.  No ke aha la olua @ mai nei ia ʻ u?  Aole anei olua i manao @ ma ka ko ʻ u Makua?

50 Aoole laua i ike i ke ano o kaua mea i olelo mai ai ia laua.

51 A iho ae la ia me laua a hikii Nazareta, a noho ia malalo iho o laua; a malama iho la kona makuahine @ @ mea a pau ma kona mau.

            Pauku Gula.  A nui ae la ka naauao a me ko kino o Iesu, a me ko aloha ia e ke Akua a me na kanaka.  Manao Nui.  E pono i na keiki ke malama mau i na makua ma ke Akua.

            Olelo Hoakaka.  O na haawina mamua iho, oia no na hana kupaianaha ma na mahina eono mua i ka wa ola o Iesu.  Ma keia haawina eia ka moolelo o kekahi hana kupaianaha i kona makahiki umikumamalua.  Oia ka mea hookahi i hoikeia e pili ana iaia no na makahiki he kanakolu o kona noho ana ma Nazareta.

            41.  Moliaola-he ahaaina i malama mau ia ma Ierusalema e na kane Iudaio mamuli o ke kanawai, Kan. 16:16, i mea e hoomanao mau ai i ko Iehova hoopanee ana i ka Iseraela ma ko lakou haalele ana ia Algupita, Puk. 12:21-27.  42 Umikumamalua oia ka makahiki i pau ai ka wa kamalii o na keikikane Iudaio he iwakalua ma Hawaii nei.  43 La ehiku, Oihk. 23:5, 6.  Noho  e hoopoina ana i kona home maoli, kona hoolilo ana aku iaia iho ma ke ano holookoa i ko ke Akua.  Ike no ko laua manao wale ana, aia ke keiki e ae.  44 Imi i ka napoo ana o ka la, ka wa o na ohana okoa i akoakoa pu ai.

            I.  Ko Iesu wa kamalii, 40-42.  Heaha ke kulana o Iewsu i kona wa kamalii?  He kumu hoohalike anei eia no na kamalii a pau loa?  Heaha ko Isaia wanana e pili ana ia Iewsu.  Isaia 11:27?  Ihea kahi ua maa i kona mau makua e hele aku ai?  Heaha ke kumu no ko laua pii mau ana ia Ierusalema?  Heaha ka ahaaina m@liaola?  Heaha ka ahaaina ano like no ka ekalesia o Iesu?  Heaha ka palekana kupaianaha a keia ahaaina moliaola i hoomanao ai?  Ua iike ele anei o Iesu me na keiki e ae?  I ka makahiki ehia o ka wa ola ua pau ka wa kamalii o na keiki Iudaio?  Ua hana ino anei o Iesu mamuli o ke ano maa mau o na keiki?  Heaha kekahi mau kumu no ka malama ana i mau la kulaia no ka lahui holookoa?  Heaha kekahi mau mea e hooholo pono ai i ko Iesu naauao, imi pono, ikaika kino, kulana maikai?

            II.  Kona ahaaina moliaola mua, 43-50.  I kona makahiki ehia ua lawe pua ia o Iewsu e kona mau makua i Ierusalema?  Heaha ke kumu no kona kaahele pu ana ia wa?  I ka wa a laua i hoi hou aku ai, heaha kekahi mea i pihoihoi ai laua?  Mahea ko laua imi mua ana i ko laua keiki?  A pau ia, heaha ko laua hana?  Aia mahea o Iesu?  Heaha kona hana?  Pehea ka manao o ka poe kamailio pu?  Heaha ka olelo ninau a Maria?  Heaha kana olelo pane?  He kumu ao anei o Iesu ia wa?  He haumana wale no paha?  Ua manao anei o Maria e hoahewa ia Iesu?  Owai ko Iesu makua?  He aha na mea a na kakaolelo Iudaio i kamailio mau ai?  He aha ke ano o keia olelo mua o Iesu ma ka euanelio?  Ua hoomaopopo anei o Maria i ke ano maoli o keia olelo?

            III.  Ka wa oo o Iesu, 51, 52.  Ihea ko Iesu hele pu ana me kona mau makua mai Ierusalema aku?  Heaha kona ano hana aku ia laua?  Pehea ke ano like o na keiki a pau me ko Iesu?  Heaha ka lima o na kanawai he umi?  Pehea ko Iesu hoomahuahua ana?  Pehea ko Iesu malama ana i na olelo o kona makuahine.  Heaha ko Iesu ano maoli @ kona hoomahuahua ana ma ka @uao?  Ua ano like ole anei ko Iesu ano noho me ko kona mau hoa paani?  Heaha k@ kumu no ko na kamaaina aloha nui ia Iesu?  Heaha k@ kumu no ko Iehova aloha nui ana iaia?  Mahea ko kakou mau keiki hoonaauao ia ana e pili ana i ko lakou makua ma ka lani?  He haawina hana kupono anei no lakou a pau e huli i ka Baibala.  Heaha ko lakou hana kupono mamuli o ko ke Akua kauoha?  O ka paani he @ anei ia o ko ke kamalii hana kupono?  Hiki anei i ke kamalii ke kokua i ko ke Akua hana?  Aole i olelo hou ia ko Iosepa inoa; au lilo anei o Maria i wahine kanemake?  Heaha ko Iesu hana lima?  E pono anei i na kamalii a pau loa ke loaa ko lakou ola kino ma na hana lima?

            Manao Pili.  1 Hiki anei i na kamalii ke pule aku ia Iesu e kokua ae ia lakou e lilo i mau kamalii ano like pu?  2 E pono anei i na kamalii ke hele mau i ka halepule?  3 Ua o@ aku anei ke ano waiwai o ka ike Baibala mamua o ka ike akamai?  4 Ua kupono anei ke ano haipule no na kamalii?  5 O ke ano haipule anei he ano i aloha nui ia?

 

NA LETA

Aole o makou makemake e lawe i ke koikoi o ua hala no na manao i hoopuka ia malalo o keia poo e ko makou poe mea kakau.

 

Ke Ano o na Kanaka a me ko Lakou Nohona ma ka Mokupuni Kailila.

E ke kuokoa e; Alohe oe

            Ma ko ʻ u hiki malihini ana a hehi i ka uapo o Nawiliwili ma kekahi mau malama i hala aku nei, ua hoomaopopo au i ka noho ana o kekahi poe o ko ʻ u lahui ponoi.  Ma kekahi mau la oia mau malama i hala ae nei, ua kipa aku au ma na ekalesia a pau, aole nae he nui o ka poe a ʻ u i launa pu aku ai.  O ka olelo nui wale no a ʻ u e lohe ai, o ka manao hoihoi moi, aole he manao e ae.  O ka poe naauao io maoli, ua olelo akea ae lakou me ka makau ole aole loa e hoi hou ana ka moi a pau keia hanauna.

            Kipa mua au ma Waimea, lohe iho la au elua kahunapule oia ekalesia, oia o Rev. G. L. Kopa a me J. B. Haleole, he hookahi kanaka naauao o laua, oia o G. L. Kopa, aia ma ka aoao o ka pono, a o J. B. Haleole ma ka aoao o ka hoohemahema i kona pono a me kona pomaikai.  He kakaikahi na poe iloko o ka halepule, malia he nui no paha ka poe hele mau i ka pule, aka, ma ko ʻ u Sabati i hiki aku ai, ua ano kawalawala na kanaka.  O ka Hon. J. A. Akina a me kona ohana ka ʻ u i ike iloko o ka halepule, a o ka Lunakanawai o keia apana o J. H. Kapuniai, Esp.  He aina i lako i na mea ai, kalo, alani, papaia, uala, manako, akaakai, a me na ano hua ai e ae. 

            He 3 mahiko o keia apana o Waimea nei.  O na luna aupuni, ua hoohiki lakou e kakoo i ke aupuni e ku nei me ka manao maikai, a e hoole loa aku i ke kukulu ana i ke aupuni moi.  Ma ka olelo a kekahi poe, he poe aloha alii lakou, aole nae he aloha oiaio, ke noho nei ka moi me ka nele, aole kokua ia mai.  Hoopunipuni maoli.

            Apana o Koloa.  Ma keia apana i kukulu mua loa ia ai ka oihana wiliko a mahiko.  Ua hala kahiko o Rev. J. W. Smith, koonei makua kahiko i aloha nui ia, a ua moe pu aku no hoi o Kamika wahine, a ke ola nei na keiki a pau.  O ka Lo@o Kuhina e noho nei, oia kekahi o kana mau keiki, he naauao oia a he aloha i ka lahui.  O Rev. L. H. Mitchell ke kahu o Koloa, aohe piha o ka luakini, he au hoomaloka loa keia o kanaka.  He lima akau ikaika ka lunakanawai no ke kahunapule ma ka oihana pili ekalesia.  Pomaikai na ekalesia oia mokupuni ke lilo na lunakanawai i poe kokua i na kahu ekalesia, e hooholo i ka hana a ke Akua imua.  Ina i manao ko kakou kaikuaana e noho nei ma ka Lunakanawai Kiekie, e loaa keia pono ma na ekalesia a pau mai Hawaii a hiki i Kauai, e pono no iaia e hoopau aku i na lunakanawai e noho kokua ole nei i ka pono no ka mea, aia iloko o kona lima ka mana hoomalu o na ekalesia o keia Paeaina, oia no ka Peresidena o ka Papa o Hawaii nei.

            Apana o Lihue.  Ma keia apana kahi i noho ai na luna aupuni kiekie o ka mokupuni o Kauai, Hon. J. Harlly, makai nui, Hon. Sam W. Wilcox, a me na poe waiwai, na keiki a Abenera Wilcox a me kana aliiwahine i hala e i ka make, Hon. W. H. Rice a me Mrs. Mary S. Rice makua.  Ke noho kahu ole nei ka ekalesia o Lihue, malia paha ua loaa aku nei i keia wa, aole paha.  O Rev. J. B. Hanaike ke komite, ka lunahelu a me auhau o ia apana; o Rev. J. Kanoho ka mea paipai i na poe hele pule ole.  Eha ano hoomana ma ia kihapai.  O ka apana nui keia o na kanaka o na lahui e, aka, o ka apana o Waimea aku nae ka oi ma ka nui o na lahui e, no ka mea na hai mai ka lunahelu a me ohi o 1893 ia ʻ u, he aneane $30,000 auhau i ohi ia oia apana.

            Apana o Kawaihau.  Elua ekalesia iloko o keia apana.  Ekalesia o Kapaa, i na makahiki he 13 i hala, i noho kahu ia e ka makua Rev. J. M. Kealoha, a nana i hookumu a kukulu i ka Ekalesia o Kapaa, a ua waiho oia i ka noho ka huana malalo o kekahi mau nawiliwili ma kona kino.  Ua kahea hou ka ekalesia iaia, a ua hoole ka aha.  Ua @ nei ia kona waiho ana mai i ka noho no ka ekalesia ana i hookumu ai ma ka la 14 o Dekemaba, 1873.  Ma ka nana ana iaia ma ko ʻ u kipa ana ma kona home, he ohana nui kona a me kana aliiwahine, aole i luia iho na Lehua o Luluupali i kona kokoolua, a he mau makua kupono loa laua e noho hou ma kekahi ekalesia o kakou.  O J.  W. Lota ka lunakanawai, he ai mau ka ma ʻ i iaia, o ko ʻ u ike ana aku ia e hele ae ana i ka auau kai me na laau malalo ae o kona poaeae, o kona mau wawae ia he (kookoo).  O S. Kaiu ke alii makai, he kamaaina oia no na malihini kipa aku ma kona home ma Waipouli.  Ua loihi oia ma ka oihana, he 45 makahiki, a ua kanaono paha kona mau makahiki, he koho wale aku no keia, aole au i ninau i kekahi poe ma Kapaa.  Ua kau ka lei nani maluna ona.  O ke poohina ka mea e nani ai ka elemakule.

            Ekalesia o Koolau.  O Rev. S. K. Oili ke kahu, he maikai no oia a me kona poe hoahanau, aohe mau mea ano hou.  Ma keia ekalesia i noho loihi ai o Rev. E. Helekunihi a kahea ia oia no Koloa, a mahope kahea ka ekalesia o Hana iaia, a oia kona ekalesia hope loa i noho kahu ai a waiho maoli.

            Apana o Hanalei.  Maanei i noho ai ka makua Rev. W. P. Alexander a nana i kukulu ka luakini e ku nei ma Waioli, he nui na kahunapule i noho maanei, o Rev. Johnson kekahi i noho maanei, a maanei no hoi i noho kumuao ai o Abenera Wilcox, a ua noho pua me na haumana, ua kapa ia kona kula ke "Kula Hui a Waioli."  Mai keia kula ae e hele ai i Lahainaluna, a no keia kula kekahi poe naauao e noho nei iloko o keia aupuni.  Ua kahiko loa keia halepule a ua kapili ia i ke pili hao, a pale ia oloko i ka hole, a ua nani maoli no; nawai keia nani?  Na na keiki Ona Miliona a A. Wilcox.  He maikai ka nohona o Rev. W. B. Kapu, a o J. Kakina ke alii makai.  O keia luna makai, oia kekahi koo o ke kahunapule, he kanaka naauao a he piha ike oia ma na ulakai kokua ana no na hana pono.

            Me ka mahalo i ka Lunahooponopono o ka nupepa Kuokoa a me Paeaina i Huiia. 

Mose Malihinihele.

Honolulu, Iune 20, 1894

 

HE MOOLELO KAULANA

no

LOLENA LAUAE

 

Ka Makai Kiu

 

A o ka mea i kapa mau ia, a i kaulana nui hoi ma ka waha o na kanaka o

LIMA KILA UMII

 

Ka weli a na poe haihai kanawai, a o ka puuhonua hoi a ka poe ake noho maluhia.

F. M.

(Mea kakau.)

MOKUNA I

            Mamuli o keia mau olelo a ka opio, ua ane kunana ua Ona Miliona la, a mahope o kona kulou ana, ua ea ae la oia, a pane mai la: 

            "Pehea la i maopopo ai ia oe nana i aihue ka lei?"

            "Ma ke ano o kana mau olelo."

            "Pehea kana mau olelo?"

            "Mamua o ka hiki ana ia ʻ u ke hoike aku ia oe, e ae mua mai oe e kakauinoa mai ma keia palapala hoohiki hopu kino."

            "Auwe!  He mea hiki ole ia ʻ u ke hana pela, oiai he kanaka kela a ʻ u i hilinai loa ai, a pela pu no hoi me na lala e ao o ka baneko," wahi a ua Ona Miliona la i hooho ae ai.

            "Ina ua hiki ole ia oe ke hoohiki, alaila aole loa e hiki ia ʻ u ke hoike aku ia oe, a e hele koke ana no au e hoohiki i palapala hopu i keia wa, a e noho oe me ka maopopo ole a hiki i ka wa ou e ike ai ma ka aha hookolokolo."

            "E oluolu hoi oe e kakali iki no kekahi la e aku.  He mea ehaeha loa hoi no ʻ u ka ike ana iaia e lawe ia ana e hoopaa ia ma ka hale paahao me ko ʻ u hui mua ole me ia?"

            E ae aku ana no au i kau nonoi, aka, mai hoike nae oe iaia au hui pu kana no keia mea, a launa iki paha oe me a ʻ u.  Ina oe e ae mai ana i keia kauoha a ʻ u, alaila au hiki no ia ʻ u ke waiho a ka la apopo, alaila hoopuka i ka palapala hopu," wahi a ka opio.

            "ke ae aku nei au i kena kauoha au," wahie a ka Ona Miliona.

            Mahope iho o kekahi mau kamakamailio pokole ana, au haalele mai la ka Makai opio i ka hale o ka Ona Miliona, a hoi pololei aku la oia no kona keena hana.

            I ke ahiahi ana iho, au kipa maila o Mr. Kalani ma ka hale o Mr. Make.

            "Nani wale ko ʻ u hauoli no kou kipa ana mai nei ma keia ahiahi e Mr. Kalani," wahi a Mr. Make.

            "No ka malie maikai no hoi o keia ahiahi, ua ulu ae no hoi ko ʻ u manao e hele mai e hoolauna pu me oe," wahi a Mr. Kalani.

            "Heaha kahi mea hou o keia la?"

            "Aole he mau mea ano nui, aka he wahi mea no nae ka ʻ u i ake nui loa ai e kuka pu aku me oe mamua hoi o ko ʻ u hooko ana, a oia keia:  Oiai au noho kauwa ae nei au malalo ou a me kou mau hoahui no na makahiki he kanakolu a oi, nolaila ua manao au e hookuu mai oukou ia ʻ u mai ka hana mai, au akenui au e hoomaha, nolaila au makemake au e holokaapuni i ke ao nei."

            @ ko Mr. Make lohe ana i keia mau olelo a Mr. Kalani, ua kunahihi koke ae la kona noonoo, a hoomanao koke ae la oia i na olelo a ka opio i olelo aku ai iaia.

            "E makemake ana oe e waiho mai i ka hana e Mr. Kalani?" i ninau mai ai au Ona Miliona la.

            "Ae, oia ko ʻ u manao."

            "Pehea, aole anei he mea pono e kali iki kou haalele ana mai i ka hana a maopopo hoi ka mea e pili ana i kela aihue lei daimana," wahi a ka Ona Miliona.

            Mamuli oia mau huaolelo pokole a ua Ona Miliona la, ua hoomaopopo koke aku la no oia i ka pahola koke ana ae o ka haikea ma na papalina o ua Mr. Kalani la, no laila ua ano hoomaopopo loa ae la oia no na olelo a kahi Makai Kiu opio.

            "Heaha auanei hoi ka mea o ʻ u e noho ai no kela hana, oiai ua waiho aku hoi au i kela hana ma ka lima o kekahi mau makai kiu akamai loa?"  wahi a ua Kalani ia.

            "He mea oiaio no hoi paha ia, ua waiho oe ma ka lima o na makai kiu, aka e hoomanao oe, o oe wale no ka mea i maopopo i kela lei mawaho ae o ʻ u, nolaila he makemake nui loa au e noho iki mai oe a hiki i ka wa e loaa ai o ka mea aihue."

            "Ina au e noho ana a hiki i ka wa e loaa ai o ka aihue i kel mau makai kiu, alaila he mea maopopo e hala hou ana paha ia ʻ u he umi a @ makahiki, oiai ma ko ʻ u hoomaopopo, he hihia pohihihi loa keia, a he pomaikai paha ka loaa o ka mea aihue," wahi a ua Kalani la, me kona hooikaika ana e hookamaemae aku, a ua manao no hoi oia aole i launa iki ka Ona Miliona me ka Makai Kiu.

            "Pehea hoi ina au e olelo aku ana ia oe ua maopopo no ka mea aihue i keia wa, a na ke au o ka manawa e hoike mai i ka mea oiaio loa?" wahi a ka ona miliona.  Mamuli oia mau olelo ana, au ike pono aku la oia i ka haikea ino loa ana ae o ka helehelena o Mr. Kalani, a me ke ano naka o kona kino holookoa.  Ia wa, me ka piha maalea nui o au kanaka la, ua hoao aku la oia e hoomakeaka wale aku i kona haku.

            "Hele hoi ha a maopopo ka mea nana i aihue kela lei keia wa, alaila aole he kanaka ka mea nana i imi, aka he akua."  Ua hoao pu ae la au Kalani la e akaaka, aka ua ano kohu ole nae kana hoao ana e akaaka, nolaila au pane koke mai la ka ona miliona:

            "Heaha keia ano ou e Mr. Kalani? oiai mai ko ʻ u launa mua ana me oe a hoea wale i keia wa, akahi no au a hoomaopopo i kou ano e, nolaila, he mea pono e kuka kaua me ka akahele no kela lei daimana?"

            Ua hoomaopopo loa iho la o Mr. Make, i na ao a me na olelo a ka makai kiu opio, a ua lana mai hoi kona manao, na kana luna nui ponoi io no ka paha i aihue kela lei.

            "Pehea oe e kuu haku i manao ai au ano e ia au?"  i ninau aku ai au Mr. Kalani la me ke ano hookamaemae.

            "He mea hiki ole ia ʻ u ke hoike aku, aka aia no nae ma kou mau hiohiona kekahi mau ouli ano e, a ʻ u hoi i ike mua ole ai maluna ou," wahi a ka ona miliona.

            Aole i pau.

 

            I ka wa e nakulu ai oloko o ka opu me ka eha, a hele moku ka lepo, alaila, e hoao i ka Chamberlain's Colic, Cholera a me Dia@roea Remedy laau lapaau a e oi aku ana kou mahalo ke ike oe i kona hopena.  He oluolu, palekana a puhili ole.  He oluolu, palekana a puhili ole.  He 25 a me 50 keneta o ka omole, a e kuai ia no ma na halekuai lapaau a pau.  Benson Smith & Co., nu Agena ma ko Hawaii Paeaina.

 

He Moolelo Kaao

no

Namakaokapaoo

 

Ke Ahikanana wiwoole o kula i Maui.

 

Ke @ Kaulana i ke @ Imaikalani ka Moi Kauai.

 

Ka mea nana i pulumi pau na kaea@aokauai a puni

 

Ka olali au moana o na kai ewalu o hawaii nei.  Ka hiapaiole o na la i au wale aku la.

 

(Hoopukaia e John K. Hihia. Lihue, Kauai)

 

A La Opio.

            Aia hoi i ka wa i makaukau ai @ na mea a pau loa, kahea mai nei ua alii nei, makaukau, olowalu aku nei hoi ka leo o na koa, ae, ua makaukau, ia wa, kuku mai nei ua mau kanaka nei, ke nana aku i na kino o kela mau kanaka, ulu ko kea, noho ke a ilua, ia wa, ninau mai nei ua mau kanaka nei, pehea ka lealea a ke alii?

            Pane aku nei ke alii, i hookahi o olua e ku, ia wa ku ae nei keia kanaka oia o Keakaleiula, a eia hoi na koa ua makaukau me ka lako pono i ka ihe, a o ka wa ia o ua naita nei o ka ma@ ihe i kuene pono iho ai iaia iho, he kahea wale ko ka ua kanaka nei, pahuna i kuu piko, o ka wa ia o ka ihe a na koa i lele makawalu aku ai kohu pakaua, he puu pale wale no ia no Alakai i kela kaaka, ke nana aku hoi i ua naita la ohi ka lau o ke pahili, ke hele la a poahi ke neki lewa i ka makani, i kau a mea he akamai launa ole i ka alo ana, ka pale ana i keia makawalu ihe e pahu aku nei, ia wa kahea hou ua kanaka nei, pahua i Mahiki, ho ihe ia aia ma ka aoao, ke nana aku i ua kanaka nei, nonoho lua i muliwaa, kahea hou no kela, k@na  ka piko o Wakea, elia i ka hua lepo, he kohu manu au kanaka nei ma ia wahi, i ke kaha mai i ka huku ale.

            O ka hele hoi keia o na ai a keia kanaka aole no i pau, hoomaha keia kanaka, ku mai kona lua, ke paha nei no hoi keia kanaka, kiina i kaupoku o Hanalei, ke lele makawalu la ka ihe, he mea palepale wale loa no ia e na lima o keia kanaka, ke oui la ke kino i o a ianei me he mea la e.

Poahi kaa ana ka luna o Kilauea

Niniu mai Puna kakaa i ke kua wahine

Auku ka ihu o Kau

Piena i ka makani

I ka owaowala mau ia e ka ua nahunahu

Aikena i ka nui o Uwekahuna

Olowalu ka leo o ke kai o Haena

I palepale lima ia e ka ua Kanilehua

Aole au i ana i ka loa o Ohiakalani

I ka iho makawalu a na lae hala o Kookoolau

Laukua ka manao, hopu hewa i ka ukiuki

O kuu aloha a pili no me oe a

            O ka noke hoi keia o keia kanaka a hiki i ka pau ana, i aku nei keia i ke alii, ua pau wau la, ae mai nei ke alii, ae e hoomaha oe, aia hoi oe a maha alaila kuku mai olua, a i keia wa a ke alii e lealea nei me keia kanaka nui, ke iho la ka la ma kela huli o ka poepoe honua, ke halawai la me Kini Uilama.

            O ka noho hoi keia o ianei a maha ia wa kuku ae nei ua mau kanaka nei iluna, o ka pahu ana o ka ihe kai a Manohaokalani, o ka pale ana kai o Keakaleiula, aia hoi i ka wa o ka ihe a Manohaikalani e pahu aku nei i kona hoa, me ka iho makawalu ana, ke iho makawalu la ma o a maanei aohe wahi lele ole a ka ihe, a eia nae, o ia mau makawalu iho a pau e lele aku nei, ua like wale no ia iaia la, me he mea la, he wai hau ia no ke kanaka, a oia ka ua Keakaleiula nei i kaena iho ai iaia iho,

 

He aloalo kuaua au no Hanalei

He hueu, hé eueu no ka manomano

He lala kumu ole no Kahikikolo

Ua luloa e ka ua a oki ka nahele

He hoopakiki wai au no ia uka

He oniu, he okaa, he owala laau no Puukapele

He kilohana no Kauai a puni

E kilaume ana ia Kaukaopua

Kike ka hamale, uwene ke kolopa

Ho iho a paa ke kula o Keawe e

 

            Ae, he like wale no ke akamai o keia may kanaka a ielua, aohe oi o kekahi imua o kekahi, o ka lealea hoi keia o laua nei la a hiki i ka pau ana kahea mai nei ua alii nei, ua pau ka lealea, e hoi kela a me keia i kona hale iho e hooluolu, no ka hele ana i ke kaua  i ka la apopo.  Ke kahua kaua o Kah@ ke kolu o na kaua ana mawaena o Aikanaka me Imaikalani Ke kolu o na manawa i need ai o Imikalani ia Aikanaka Ke manawa mua o ka hele ana o ka kakou koa opio i ke @.

            E ua na makamaka heluhelu o keia kaao, e oluolu mai ko oukou ahonui e hoakaka aku ka mea kakau ma kela wahi no ke ku@ o keia mau alii i kue ai ia laua iho.

            O keia mau alii o Aikanaka a me Imaikalani e noho ana maluna o ka mokupuni o Kauai i kela manawa, he mau alii maikai keia o ka noho ana ia wa, aole o laua kue ia laua iho he kuikahi like ko laua noho ana me na makaainana, he hele aku hele mai, pilikia kekahi, kokua kekahi, a aia hoi i keia manawa he nui a lehulehu wale na alii o Kauai e noho ana iloko o ia wa, a o keia mau alii no hoi, o laua iho la no na alii nui maluna o na lii a pau o ka mokupuni o Kauai.

            Nolaila, ua mahele ia o Kauai iloko o eono mau moku, ekolu moku moku ma ka aoao hikina no Aikanaka la, a ekolu hoi moku ma ka aoao komohana no Imaikalani ie; no laila, ua kapa ia aku laua he mau alii aimoku, aiahupuaa, aiaupuni, a noho no hoi keia alii o Imaikalani ma kona aoao o ka aina ma Kona, a noho mai no hoi kela alii o Aikanaka ma kona aoao ma Puna, hoi a luna o ka puu o Nounou noho, kukulu na hale hana na heiau a mai lele mai o Wailua, i lawe ia ai ka pohaku iluna o keia puu, i hoonoho lalani ia kanaka mailuna mai o Nounou a hiki ilalo o Wailua, pii ka pohaku mai lalo aku nei a hiki i @una o Nounou no ka nui o na kanaka ia wa.

            Aia i kekahi wa a ua alii nei a Aikanaka e noho ana iluna o ka puu o Nounou, kupu ae nei ka manao makemake o ua alii nei e hele aku e noi la Imaikalani i ka loko ia o Nomilu nona, eia keia loko ia ke waiho nei aia i kahakai o Wahiawa, ua kaulana ke a loko ia i ka momona mai kahiko mai a hiki i kela wa.  HE HOOPOLOLEI I KA MOOLELO O NAMAKAOKAPAOO.

            Mr. Lunahooponopono o ka Nupepa Kuokoa e, Aloha oe:

            Aia ma ka helu 27 o ka Nupepa Kuokoa o Iulai la 7, a ma kahi e olelo ana e like me keia:

            Ia wa, kena aku nei oia i kona kukini mama o Keaalele kona inoa, o keia ke kukini mama ma a Imaikalani, aohe on a lua ma Kauai a puni, au pololei ia, hele ma na kukini mama a Aikanaka a pahua, o ka pololei.  hele mai na kukini mama a Aikanaka elua keia mau kanaka, o ke kaiknaaua no me ke kaikaina, a iaia nei pahua ko laua mama oia ka pololei.

            A malalo iho, ia wa hopu aku nei ua Imaikalani nei i ka puku wiliwili o ke ku no ma ka paia o ka halae, a moe ilalo, o ka auhau a paa i ka lima, he manao keia no ke kope ewalu i lawe ai mai nei a hoonoho ma keia wahi, a o na manao o ke kope ehiku aole i pau, aka, komo o ia mai nei nae ka hoomaka ana o ke kope walu eia iho ka pau ana o ke kope ehiku:

            A aia i ka wa o ua wahi kukini nei i hele mai la mai Koloa mai, a alaila, komo mai ka hoomaka ana o ke kope ewalu.

            Ia wa, hopu aku nei ua Imaikalani nei i ka pauku wiliwili; ae, a ma keia wahi e na makamaka e heluhelu nei i keia moolelo, e hoakaka hou aku ka mea kakau i ka manao a me ka makemake o keia alii oia o Imaikalani i kena ai oia i kon kukini mama oia o Kaalele e hele i o Aikanaka la, a eia ka manao:

            Ia wa, olelo aku nei ua alii nei, e hele oe a ia Aikanaka, e olelo aku oe, e hoomoe ke kaua i keia la, a apopo alaila kaua, no ka mea ua pololi ia wau a me ko ʻ u mau koa; a ua kena aku nei wau ia lakou e hele i kai o Wailua e kalua i o; a eia hoi ka mama o keia wahi kukini, holu ka pua o ka mauu, ke kau la, kapalili ka lau o ka laau ke kau la, maa io ae ka manu e lele ana i ka lewa, ua paa aku la, ke ku keia wahi kanaka ma kekahi aoao o kekahi awawa nui hohonu, a ke iliki iho kona mau kapuai wawae i ke peku, ua kau aku la aia ma kela aoao, ke holo la.

            A eia hoi ka huaolelo lokoino a keia alii a Imaikalani i pane aku ai i kona wahi kukini, e hele oe.  a ina e hoi mai oe a au a kuu ipupaka, a alaila, make oe ia ʻ u, a aia kou wahi ia e kau ai o ka lele, a ina e hoi mai oe aole i a, alaila oiaa oe, a oia ke kuleana o au alii nei i hopu ai i kela pauku wiliwili, a moe ilalo, a o ka auhau a paa i ka lima, a hoomaka ai oia ehia i ke ahi, aole no hoi i a ka ipupaka o ua alii nei, a noho mai ana au wahi kukini nei.

MEA KAKAU.

(E pono oe e ka mea kakau e maka mai i na huahelu ma na aoao pakahi o kau kope i ole ai e huikau L.H.)

 

hoolaha kumau.

KA AYER SASEPARILA

Oia ka LAAU oi loa o ka maikai o na mai i hookumu ia mai ke koko ino mai.  Ua oi loa ae hoi, no ka mea, o kona kahua i hookumuia a o ka

Honodorusa Saseparila Oiaio.

            No ka mea, e ka lau nahelehele a me na mea a pau i maa i ka hoohuihui ia, oia na laau oi loa o ka maikai, a no ka mea hoi ua ike ia ka waiwai ia ma ka lapaau ana i na MA ʻ I o ke KOKO ua oi ka

            Ayer Saseparila

ma na mea a pau e hooikaika a e kukulu hou ai i ke kino i hoonawaliwali ia e ka ma ʻ i a me ka eha.

            Ua hoonoono ia ka ai, ua hoopau ia ka ma ʻ i o ka waihona hoowali ai, ua hooikaika ia ke Ake a me ka Puu Hoowali ai, a hoohana maikai ia na lala a pau o ke kino.  Ua hookuke ia mai ke kino ae, ka laau make o ka ALAALA, ua hoola ia na EHA, na PUHA, na RUMATIKA, na MAIHEHE, na HUEHUE a me na ma ʻ i ma ke poo kahe wale o ka hupe, a ma na wahi a pau ke hooia mai nei na Kauka alakai ka maikai o keia laau.  Ke hoola nei ia h@i, a e hoola no hoi ia oe.

 

NO ke KUNU a me ke ANU o ka

Ayer Cherry Pectoral

ka laau lapaau alakai o na ohana.  Io ka NALULU, ka LEPOPAA ka LENA a me kekahi mau mea ino no e ae o ka opu, e lawe i ka

AYER HUAALE CATHARTIC

E makemakenui ia nei e ko ke aupuni.  Hoomakaukauia e Kauka J. Ayer & Co. Lowell, Masekuseta.

 

HOLLISTER DRUG CO.

Na Agena ma ka Paeaina Hawaii

 

KAKELA ME KUKE

 

KA HALEKUAI NUI

 

WAIWAI LIKE OLE

 

NA MEA HANA KAMANA AIPAI

Na lako pili hao kukolu hale,

Na kepa,

Na lei @

Ha ka@

Na Pahi,

Na @

Na L@hulu

Na polo@ala

PALAU LIO

Na mea mahi

Na au @

Na au k@

Na kua bipi

Na lei bipi

Na kaulahao bipi

Na uwea pa

Na kaa palala

Na mea p@

Na i@

Makau me Aho Lawaia

Na iliwai

Na kaula

Na holu pena

Na pulumi

Na pena me ka aila

Na kopa

Na aila mahu

Na pakeke

Na pakeke hao

Na kapu hao

Na panda,

Na kukaepele

Na uwiki a me

Na ipukukui

 

Mikini Humuhumu Kaulana

Wilcox, & Gibbs Hookahi Lopi.

ka REmingten, Elua Lopi.

A me na ukara he nui loa, o kela ano a me keia ano

 

Kakela me Kuke