Ka Nupepa Kuokoa, Volume XXXIII, Number 17, 28 April 1894 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

@zi a Mahope aku o Iune 1, 1893.

NA KAA AHU

NO HONOULIULI.

                                                                                    B         B         A         D

                                                                                    A.M.    P.M.    P.M.    P.M.

P@ALELE IA HONOLULU                                                8:45     1:45     4:35     5:10

HAALELE IA MANANA                                        9:30     2:30     5:10     5:56

HIKI I HONOULIULI                                              9:57     2:57     5:36     6:22

 

NO HONOLULU.

                                                                                    C         B         B         A

                                                                                    A.M.    A.M.    P.M.    P.M.

HAALELE IA HONOULIULU                               6:21     10:43   3:43     5:42

HAALELE IA MANANA                                        6:55     11:15   4:15     6:10

HIKI I HONOLULU                                                 7:30     11:55   4:55     6:45

            A No na Poaono wale no.

            B No keia ame keia ia.

            C Koe na ia Sabati.

            D Koe na Poaone.

 

 

NU HOU HAWAII.

            E wehe ia ana ke kau kiore kaapuni o Honolulu nei ma ka Poakahi, Mei 7 e hiki mai ana.

            Ke lohe lauahea ia mai nei, ua hakahaka ke kulana kokua Luna nui o ka Halemai Pupule o Kalepohaku i keia wa.

            Hookahi wale no lala o ka Ahakuka i hoopaa ole i kona inoa ma ka papa inoa o ka poe kupono i ke koho balota o Honolulu nei, oia o J. Emaluka.

            Mailoko mai o ke 75 poe i hoohiki a kakau inoa no ke koho balota elele hana kumukanawai o ka Apana o Koolaupako, he 43 o lakou he mau Hawaii maoli.

            E malama ia ana ke koho balota elele hana kumukanawai o ka lahui Hawaii ma ka la 2 aenei o Mei, a e hamama ana na pahu balota mai ka hora 8 kakahiaka a hiki i ka hora 5 ahiahi o ia la.

            He mau kauna elua o ka poe hana a kuai bia hoawaaawa i paa i ka hopu ia ma ka la Sabati aku nei, mai na wahi like ole mai o ke kulanakauhale nei.  Ua hoopai ia kekahi poe a ua hookuu ia no hoi kekahi.

            Aohe luna aupuni kiekie o ke Aupuni e noho ana i Honolulu nei i lawe ole i ka hoohiki no ka hoohana ana i ka mana koho balota, o na mea wale no e waiho ana i ka hana ma ka la hope o keia malama.

            Eia ke hoomaemae ia mai nei ke kahua heihei lio o Kapiolani Paka, no ka liuliu i laumania mamua ae o ka la 11 o Iune e hiki mai ana, oiai he la lealea aku ana ia no ka poe puni heihei ma ia kahua.

            Pakele mai pau ka Puali Puhi Ohe o ke Aupuni ma ka Poakolu iho nei, i ka wa a na Aha Hooko a me Kukai noonoo ai i ka haawina no na keiki puhi ole.  He 7 ma ka hoopau loa i ka haawina, a he 8 ma ka hoomau.

            Ua lohe ia, o Mr. H. Laws aku ana ke pani ma kahi o ka Luna Hooia mua, a o Mr. H.W. Severance Kanikela Amerika mua iho nei i ke kau o Peresidena Harrison, oia ke Kakauolelo aku mua o ka Papa Hoonaauao.

            E ku mai ana ka mokuahi “Warrimoo” maanei ma ka la 1 aenei o Mei, mai na Pinalaau mai o k@ Hema, ma kona ala e kikihi lo@ aky ana no Victoria, Beritania Columebia, ke paapaana nae hoi kei, moku m@ka au kai ana, aole hoi pupu holo ole.

            Ua hoi mai maluna o ka “Australia,” oe 10 mau Hawaii Moremont, ke nui a me ka liilii, mai Loko Paa kai mai.  He poe keia i haalele ia anei i ka 1890, aka no ka nui o ka pilikia pololi a hana ole ma ke Ziona hou, ua hoi luuluu mai nei i ke one o Hanakahi.

            He elua mau luna aupuni e uku ia nei ma na tausani o ka makahiki, e waiho mai ana i ka laua mau oihana ma ka la hope o keia malama, ola ka Luna Hooia a me ke Kakauolelo a ka Papa Hoonaauao, a ua paa no keia mau hakahaka elua i na mea i manao ia na laua e hoopiha ae.

            O na poe mahuka elima a ka Arawa i hali mai ai ma kana huakai mua aku nei mai na Panalaau m@i o ka Hema a lawe loa ia ai i Vanekouwa no ka hoole ia ana aku e ko Honolulu nei, ua hoopaaia iloko o ka hale paahao no elua hebedo@@ a pau ia mau la, hookuu ia a@a.  Na ka kanawai Beritania no @@ hoopai.

            I ke kakahiaka Poalua iho nei, ua hoao ae kekahi haole o James Bennett kona inoa e mio maiu mailuna aku o ka mokuahi Australia i kekahi mau tini opiuma, ma kona iho ana mailuna mai e ka mokuahi me kana ukana a holo pipika maloko aku o ka hale hoahu ukana o ka mokuahi e ku nei, kaa Iwaho o ke alanui Papa a hoi i ka hale.  Aka ua ike ia oia e kekahi makai, ua aiualu ia aku e hopu, eia nae ua komo oia iloko @ ka hale hana o Geo. Lucas, kiola i na tini opiuma he 12 ilalo, a kue mai i ka makai ma ka onlu mai i ka pahi pepehi kanaka a hou mai, aole nae i ku ka makai.  No ka hiki ana mai o ka lutanela makai Holi a me ka hana o@les maoli ia, ua haawi pio ka malama opiuma a lawe ia i ka hale hoopaa lawehala.  Eia oia malalo o na hana hewa elua a hoopaa ia nei, he malama opiuma a he lawe ma ka poli i ka mea make.

            Ua loaa mai nei ma ke awa o Ka palakiko i ka la 11 o Aperila, maluna o ka mokuahi “Moiwahine” mai Victoria mai, he mau pahu me 800 mau tini opiuma i hoailona la mawaho no Rev. Father Wendelin o Molokai a ma ka malama ana a na Hoahanau Spreckels.  Ua hoakaka ia he mau pahu buke, aka no ka hoohuoi ia, nolaila ua wehe maoli la a loaa io aku la ka heluna opiuma maluna.  Ke olelo ia la, ua loihi ka hana ia ana pela a akahi no ka loaa poao ana.

 

            Ua komo kakahiaka mai ka mokuahi “Australia” i ka Poaono i hala mai Kapalakiko mai, me 36 mau ohua kapena, 76 mau ohua oneki, 21 mau eke leta a me na waiwai no keia awa.  Mawaena o na ohua koikoi i hoi mai maluna ona, Ke Kuhina Hawaii L.A. Kakina, ka wahine, ke keikikane a me ka makuahine, Hon. Cecil Brown, R. Halstead, L.C. Ables, S. Louisson, Mrs. W.E. foster, W.P. Boyd at me ka wahine a me kekahi poe kamaaina e ae.  Ma keia awakea, e huli hoi aku ai ka Australia no ka awa ona iholo mai ai me kekahi piha ohua nei i helu ia ma na kaau elua.

 

            Ua nui ka olelo ia no ka hana ino o kekahi mau makai kumau o Honolulu nei i na lawehala a lakou e hope ai ma na alani no ka hele uluulu, hahau me ka hewa a palapu ma lala o kekahi mau lawehala.  Ua hiki ae no keia mau hoohalahala imua o na poo o ka oihana makai, a ke hookolokolo maoli ia nei kekahi a ua nieniele pono ia kekahi.  He oihana koikoi maoli no ka makui iaia e hooko ai i kana hana hopu i kekahi poe haihai kanawai.  I kekahi wa, me ka hakoko, aumeume a kuikui puupuu maoli mai o ka lawehala mamua a mahope kanahai mai.  A ua ike no hoi kakou i ka make ana o kekahi makai ikaika i kela malama aku nei i ka lawehala puuwai eleele e hoao ikaika ana e hemo mai ka makai aku, a oiai hoi ka makai e hooko ana me ka maikai.  O ka hopena nae o ia hopu maikai ana i ka mea haihai kanawai, he make no kona kino.  Malia paha o kekahi o keia poe makai e nieniele ia nei, ua pupuahulu no ma ka lawelawe ana, aka aole no nae me ka manao e lawe i ke ola, aka he mea pono no nae e nana ia ke kaulike a me ka pololei io maoli.

 

 

KA HOIKEIKE LAHUI.

            Ma na la Poalima a me Poaono o kela pule aku nei, Aperila 13 a me 14, ua malama ia he “Hoikeike o na Aina a pau” ma Manamana ae nei.  Ua holopono na hana, a ua nui na kanaka o na ano lahui a pau i hele e makaikai i ka hoikeike.  Ua hookaawale ia no ke keena o na Lahui e like me keia ka hoonohonoho ana:

            Hawaii, o Mrs. Haalelea ka luna hoohana i kokua ia e na kaikamahine ui hapahaole.  Ua nui na poe hele ma ke keena Hawaii e hoomakaleho ai i na kamaeu waianuhea o Kakuhihewa.

            Amerika, o Mrs. Dole, wahine a ka Peresidena, ka luna nui.  Ua kakoo ia o Amerika e na kaikamahine ui kaili puuwai o ia lahui, a na hui no na puuwai i kaili ia, ke lele makawalu loa la na okeni ma ia kee@@a.

            Enelani, o Mrs. J.H. Wodehouse, wahine a ke Komisina Pelekane ke poo.  Ua hoakoakoa mai no oia i @a eueu maka waliwali o kona lahui i kaulana i ka nani a me ka ui.

            Sepania, malalo no ia o ka Mrs. Paul Neumann alakai ana.  Mala ila no i halam@ ai na ui o Sepania, he lahui oi kelakela no keia ma na kaikamahine puuwai palupalu.

            I@pa@@, malato no ia o Miss Carrie Castle me na kaikamahine haole @@@@@hio ia i mau kaikamahine Iapana.  He okoa no hui ka ui o na kukamahine Iapana maoli, a he@ani okoa no hoi ko lakou nei.  Ua kahiko ia nae me na kinohinohi Iapana, a he “guru” maoli ke hana aku.

            O Potugala, o Mrs. E.S. Cunha ke poo o keia keena.  He mau kaikamahine Pkkiki maoli ko keia keena, a he uluahewa ka noonoo o na kamahele ke kilohi aku i na papalina o na ui o Madeira o olino mai ana iloko o ka malamalama o na kukui uwi@a.  He lai maoli ke hoinainau aku.

            O Inia malalo no ia o ke alakai ana a kekahi wahine mai Inia mai.  He aupuni kaulana no o Inia i na kaikamahine ui, “pali ke kua mahina ke alo, hoku ka lae,” aka no ka mamao loa, a uuku loa hoi o ka manawa, aole hiki ke kauoha ia na eueu hoomahie nui ia o Inia i hoohanohano ai i ka ahaaina Iubile o Victoria ia malama ia ma Ladana i ka M.H. 1886.

            O Kina, ka “Aina Pua,” ua noho mana ia e Mrs. F.M. Damon, he oiwi no Kina.  Ua houluulu ia ae no kaikamahine o ka Aina Pua, a owai no hoi ka mea puuwai lokomo e kolelo mai he hooni maoli ia no “ka puuwai kapa-li-li-o, ke kilohi aku ia lakou, huki kela huki keia.

            O Aferika ka aina i hoohalala no kona hoikeike ole ia, oiai, aole i nele na ui penopeno o Palauli, “Pohina Waimea i ka uhi a ka noe.”

            Ua olelo ia, ua piha ka $4,244.53, a lawe hoi na lilo he $1,256.46; nolaila o ke koena iho he $2,979.07.  He aneane no e piha ke tausani dala i loaa no ka uku komo, a ke hui mai na loaa o na sikarika a me na punch, (wai hoosanoenoe) puipui loa ka eke.  O keia huina dala nui, e hoolawa like ia aku ana no ka pomaikai o na hui kokua he lehulehu.  Ua kue ae na wahine haole no ke kuai ia o ka “punch” (kela wai hoosanoenoe) ma ke keena Hawaii, aka, ua hooholo hou lakou e lawe a haawi aku no ka Home Hoohanaukeiki Kapiolani.

 

NU HOU KUWAHO

Na Lono mai Wasinetona mai no Hawaii.

E Lawe Hoomalu ana Paha o Amerika

Ina Kue na Aupuni o ae, Lawe koke a Puuloa.

Hala i Kapuapua ka Hoihoi Alii.

            Ma ke ku ana mai o ka mokuahi Australia i ka ia 21 o Aperila, mai Kapalakiko mai, a me ka mokuahi Arawa, i ka la 24 mai o Aperila, mai Vanekouva mai, ua loaa mai ia makou na mea hou maialo iho, a ke panee ia aku nei no ka pomaikai o ko makou poe heluhelu:

            Ua hoi hoomaha mai ne ke Kuhina Hawaii Hon. L.A. Kakina a eia i Honolulu nei, maluna mai o ka mokuahi Australia.  Ua kaukoo pu mai nei kana wahine nohenohea hou ma kana huakai, a ua hoi pu mai ka makuahine o ke Kuhina a me kana keikikane uuku me ka wahine mua.

KA NINAU O HAWAII.

            Wasinetona, Apr. 11-O ke ano maoli o ka papa kuhikuhi hana hou o Hawaii aka Mana Hooko o Amerika Huipuia, oia ke kukulu i aupuni hoomalu maluna o na paeaina o Hawaii.  Ua loaa mai na lono oiaio a pololei loa maluna o keia kumuhana.

            O ka hooko piha ia o ko ka Peresidena makemake, aole e lawelawe koke ia ana.  No keia manawa, o ka wae ana i kahua hoahu lauahu ma keawa o Puuloa, oia ka palena aka Mana Hooko e hele aku ai i keia wa.  O ka hana kuikawa a awiwi a Adimarala Walker ma ka Pakipika o ka hoolawa pono a makaukau i ka wae ana i kahua.

            O kana mau olelo hoonaauao, oia ka hoike koke aku i na makemake o ka Hana Hooko o Amerika Huipuia ia Kuhina Willis, a me ke kokua pu me la luna aupuni ma ka hoopau koke ana a hololea na mea i makemake ia.

            E hiki ana o Adimarala Walker i Honolulu Iwaena o keia pule.  Ua haawi ia aku ka mana iaia e noho iaka o ka aina aole maluna o ka moku lawe hae Piladelpia.  Aole i maepopo pehea la ka loihi o ka manawa e pau i ke Kuhina Willis a me kona alakai mokukaua ma ke@hana.

            O ka olelo i puka ae mai a Admarale Walker aku i kona mau hooloha ma ka la ona i haalele aku ai ia Wasinetona, malia he mei a@o nui ia.  Wa@i Adimarela Walker ma ia manawa: “Oiai o ka han@ imua o’u he ano koikoi, aole nae o’u kanalua e hiki hou mai ana au Wasinetona i ka hoomaka ana o ka haule lau.  Ua pamopopo ia Peresidena Kalivalana a me Kuhina Gresham no kekahi mau manawa i hala, o ka laua mau hoao ana e hoihoi ae i ke aupuni alii ma hawaii, oia ka mea nana i halihali ae i na kulana hakuhoi ma ia aina, ka mea e hoonaluea nei ina aole ia alaila he hooweliweli maoli mai i ko Amerika Huipuia noho ana mana.”

            O na hoolala ana a Liliuokalani, ka ohumu malu loa a Enelani a me na manao kuko a na aupuni o Iapana ame Kina, ua pau i ka hoike piha ia aku e ke Kuhina Willis he eono aenei mau hebedoma i hala.  Ua kuhikuhi mai o Mr. Willis a akaka me ka hooikaika, mamuli o na kulana ano e ma Hawaii i kupono ole no ka pomaikai o Amerika Eluipuia, i makemake ia ai na hana eleu a ikaika he mea pono.  Ua olelo mai oia, i pakui ai i ka mea i ike mau ia no Enelani, he puni alunu, ke pue mai nei hoi na aupuni o Iapana a me Kina, ma ka hookonokono la a ko laua mau makaainana ma Hawaii, ua ake loa laua e loaa ko laua mau pono koho balota a me na mea e ae ma na mokupuni.  Ua manao ia e Mr. Willis me he mea la, o ka manawa koho balota ae nei o Hawaii i Mei, oia ka manawa no ke ala ana mai e hookahakaha keia mau manao kuko o kela mau aupuni kuwaho.

            Me ka nana ole i keia mau kumu a me ke koikoi no ka pono e hapai ia kekahi mau keehina eleu a oolea ma kahi o ka hana, eia nae ua hiki ole i ka Mana Hooko o Merika Huipuia ke lawe i kekahi maa mea e pono ai ke hoohalawai ia no na kulana e pohai mau nei a hiki i keia wa.  O ka makemake o ka Mana Hooko i keia manawa, oia ke kukulu i kahua lanahu ma ke awa o Ewa.

            O keia keehina, ke lawelawe ia nei malalo o kekahi haawi iloko o ke Kuikahi Hawaii o 1887, oia hoi e haawi ana ia Amerika Huipuia i ka mana kaokoa e kukulu a hoomau ma ka mokupuni o Oahu i kahua hoahu lanahu a me kapili moku no ka pomaikai o kona mau moku.  E pau ana ke kuikahi ma Novemaba aenei.

            Ke manaolo nei o Peresidena Kalivalana a me Kuhina nui Gresham, i ka wa a Enelani, Kina a me Iapana e ike ai e kukulu a hoomau aku ana o Amerika Huipula i kahua kapili moku ma ke awa o Ewa n@ kona mau moku, e hoala mai ana kela mau aupuni i na hoohalahala he nui i ka hooko ia ana o ka papa kuhikuhi hana, alaila o ke kukala ana aku i aupuni hoomalu ma Hawaii e kupono ana a pololei.

            O ka mea a ka Mana Hooko i hoike maopopo ole mai ai i kona manaolo maoli no Hawaii i keakeaia ai na nema akea ana.  O ka ahewa ia maloko o ka Aha Senate a ma ka papahele o ka Hale Lunamakaai nana Lahui, he mea hopohopo loa ia kela.

            Wasinetons, Apr. 18.- Ua hoouna aku ka Peresidena i na Ahaolelo Lahui he mau palapala pili ia Hawaii mai a Kuhina Willis mai, e hoike mai ana i na mea ano nui o Hawaii ma ka hapa hope o Maraki, E kahea ia ana ka Ahaelele Hana Kumuhanawai iloko ae nei o Mei, a ke upa aku nei ke aupuni o koho ana na Hawaii a pau ma na koho balota.  Ua kakua pu aku ke Kuhina i ke kukulu ia ana o ka Hui Amerika i Hoolokahiia, a o kona manao nui o ka loaa o ka hoohuiaina me ka hoike pu aku he noho ana maluhia ma Hawaii.

 

UHALU LOA O KALIVALANA.

            Ke olelo nei ka nupepa “Chronicle” o Kapalakiko no ka mea e pili ana i ke kumuhana kukulu kahua hoahu lanahu ma ke awa o Ewa, he hoao ana ia e hoololi ae i ko ka lahui o Amerika noonoo mai ka “pauaka hauhili launa ole mai” a ka Mana Hooko i hoolala ai e hookahuli i ke Aupuni Kuikawa, a e hoihoi hou ia Liliuokalani, ke kumuhana nana i kui palu i ko Kalivalana kau alua a nahoahoa ka lae, e kamailio pakikoele ia nei oia e ka lahui, e kukulu ia mai nei ona mau puali enemi iaia mawaena o kona aoao kalaiaina ponoi, a e lilo nei oia i mea paheneheneia e ke ao holookou.

 

KE ALAWAI OKI O NICARAGUA.

            Ua lawe ia ae e Luna Senate Morgan o ke Komite @ ko na Aina E o ka Aha Senate, he bila e noho hopeai ke aupuni o Amerika Huipuia no ka uku ana i ka ukupanee o na bona e hoopukaia ana e ka Hui Alawai Oki o Nicaragua, no ka ukupanee ma ka 3 keneta o ka makahiki, a aole e hoopukaia na bona a @@ aku mamua o ka $70,000,000.  Ua lawalawaia ka bila a paa no ka nia @ama ana i ka pono o ke Aupuni.  Ina e holopono ana ke oki ia ana o ke alawai a puka, alaila o Hawaii aku ana kekahi o ohi i na pomaikai o la ala holo moana pokole loa mai Europa a me ka hikina o Amerika Huipuia mai, no ka mea eia o Hawaii ma ka waha ponoi aku o ka aoao ma ka moana Pakipika aku nei o ke alawai oki.

 

KOI POHO AELIKE MARE.

            He mau pule ae nei ka noho ana o ka aha hookolokolo kiure ma Wasinetona, no ka hihia koi poho uha ki aelike mare a Miss Pollard kue la Lunamakaainana nui Breckenridge no ka huina he $50,000.  aka, i ka hooholo ana o ke kiure, ua kau lakou he $15,000 ke poho.  Ua hoohalahala ka aoao pale.

           

NA LONO HUIKAU O BERAZILA.

            Ua loaa ae i Nu Ioka ka lohe i ka la 15 o Aperila, mai ka mea kakau nupepa mai o ka Herald ma Rio de Janeiro, ua loaa aku i ke aupuni o Berazila na lono mai Grande do Sul e olelo ana, ua haulele o Adimarala Mello i kona mau mokukaua maloko o kahi ku moku o Santa Catalina, a ua lawe ia mai la e ke aupuni.  O na alakai kipi, ua mahuka aku la i ka hema ma ka aina.

            Ua telegarapa ae hoi ka mea kakau o ka nupepa Herald o Nu Loka e noh@o ana ma Monete Video, ma ka la 15 o Aperila, aole i haawi pio aku o Adimarala Mello i ke aupuni o Urugua.  Ua holo aku i ka akau ma ka Poaha, me na manuwa Ripubalika, Iris, Esperanza, Urano, Mercutio a me elua mau moku e ae i piha me ka ianahu, a me 1,500 mau koa mar@@na, mahope o ka hoolele ana aku ma ke kapakai o Urugua i ko Generala Salgado mahele koa nui me na lako kaue ole i ke ahiahi mamua iho.

 

E ALAPOHO ANA O ENELANI IA SAMOA.

            Eia ka lono hope loa mai Ladana mai, Aperila 5.  O Sir Charles Dilke ka lunahoomalu o ka Papa Panalaau o ka hale Ahaolelo o Enelani.  Ua kamailio oia e pono e paa koke ka uwaea moana a hiki i Ausetralia, oia wale no ka mea e hoonee mau aku ai a pili ia Enelani me ka Panalaau o ka Hema.  Ua heluhelu pu ia kekahi leta loihi mai kekahi haole kamaaina mai i noho he 50 makahiki ma Samoa.  E olelo ana keia leta, he hapakue ke kulana aupuni o Samoa mamuli o ka hooponopono ana o na mana ekolu Amerika, Enelani a me Kelemania.  Ua neoneo ka waihona au puni, a eia no na Samoa ahiu ke luku nei la lakou iho no, aole holomua na hana kalepa.  O ka mea wale no e palekana ai o Samoa e kaili ae o Enelani nona ponoi.  He nui ka waiwai o na Pelekane ma Samoa, a he mea nui la na ka Aha Kuhina o Haku Rosebery e kaana pono ai.

 

 

Hoka Loa ka Poe Nema wale aku.

            Ua mahele mai nei ka puka o ka Hui Hoikeike o ka lua o Pele o Kilauea, ma ka 15 keneta puka o ke dala hookahi.  I ka hoomaka ana mai o ka hoikeike o Kapalakiko, aole nui o ka poe hele mai e makaikai, aka ua pii liilii mai @ kela a me keia wa a hiki i ka 8,000 @ 9000 o ka la.  Mailoko mai o kela heluna ae la o ka poe makaikai, ua komo mai iloko o ke kii lua pele o Kilauea ka hapanui loa o keia he luna, a ua oi aku ka mumulu ia mai mamua ae o na wahi hoikeike e ae oloko o ke kahua hale hoikeike kii.  Ua hooiloilo ia e ka poe palaualelo o Honolulu keia hana hoikeike kii o ka lua o Pele o Kilauea a me ka lawe pu ia ana aku o na kanaka Hawaii ilaila e hoikeike ai.  Eia nae, me keia nemaia, aia ke komo la ka puka i na pakeke o ka poe i kuleana i ua hui la, a o ka hoka iho la ka ka poe palaualelo e hau wale aku ai no ka waha i ka makani.

 

            I ke kakahiaka o ka la 16 o Aperila nei i haalele aku ai ka mokuahi “Arawa” ia Vanekouwa a holo mai la me ka maikai a ku i Honolulu nei i ke awakea Poalua aku la i hala, he 8 mau la holo mai ke awa hope mai.  Ua lawe mai oia no Honolulu nei, he 9 mau ohua kapena a me kekahi mau ukana.  A ma ke aumoe ana iho no, ua holo loa aku oia no Kikane ma ke ala aku o Fuji.

 

            I ka wa e nakulu ai oloko o ka opu me ka eha, a hele moku ka leop, alaila, e hoao i ka CHAMBERI AIN’S COLIC, CHOLERA a me DIAI ROEA REMEDY laau lapaau a e oi ak@ ana kou mahalo ke ike oe i kona hopona.  He oluolu, palekana a puhili @@e.  He oluolu, palekana a puhili ole, He 25 a me 50 keneta o ka omole, a e kuai ia no ma na halekuai lapaau a pau.  BENSON SMITH & CO., na Agena ma ko Hawaii Pae Aina. tf.

 

            “O ka oi ma ke ao holookoa.”  Oia ka W.D. WOODRING O BORDLY KENETUKE, e hookaulana nei no ka Chamberlain’s Cough Remedy (Laau Kunu).  Ke kamailio nei oia ma kona ike ponoi iho i ka inu ana, oiai o kona a me ko kona ohana ola ana mai nei no ia mai ka loaa ana i kekunu koikoi loa a me ke anu, a ua hooholo oia o keia laau lapaau ka oi ma ka honua nei.  E kuai ia no ma na Halekuai Laau Lapaau a pau.   O BENSON, SMITH & CO.,  na Agena ma ko Hawaii Pae Aina.  tf

 

 

MA KA KAUOHA

Kuai a ka Ilamuku.

            MAMULI o ka @@@ loaa ia’u malalo o kekahi Palapala Ohi Waiwai i hoopukaia e ka Aha Kaapuni Ekahi o ko Hawaii Pae Aina ma ka la 9 o Maraki M.H. 1894, e kue ana ia Nakeu Hookano, D.K. Kahuakai i kapaia ma kekani inoa o D W. Kahuakai, D. Kekaulike, (nee D. Kamakauahoa a me Keahona, ua poe hoopilia no ka pomaikai o Margaret Campbell ma ka poe hoopii, no ka huina o $540.60, ua hoomaluia e a’u a e kuai aku ana hoi ma ke kudala mamua iho o “Ka akaua Ha e” Apana o Honolulu, Oahu, ma ka hora 12 o ka POAHA, la 3 o Mei, 1894, i ka mea koho ulekie i na pono a pau, na kuleana a me ua mahele a pau o na poe hoopilia maloko o ke ia mau waiwai malalo iho, ke ole e uku e ia mai ka olelo hooholo i haila ae la, ka ukupanee, na koina a me na lilo.

 

NA WAIWAI NO KE KUDALA.

KO D.K. KAHUAKAI alias D.W. KAHUAKAI.

            1- Kela hale @ ku la maluna o ke kuleana o Bihopa ma Kamanuwai kokoke i ke kihi o ke alanui Nuuanu me Beritania.

            2- Do D W. Kahuakai kuleana iloko o kela apana aina e waiho la ma Kauluwela a i hoakakaia ma ka P.S 5585, P K. 2030, ia Kamoa no Polani, nona ka ili he 6800 kapuai kuea, a i lilo mai hoi ia D.W. Kahuakai a me R.S Kapua ma ka palapala kuai a Liliuokalani a me J. O Dominis kana kane mare, i hanaia ma ka la 6 o Novemaba 1888, i kakauia a ma ka buke 111 aoao 208-9, e paa nei hoi malalo o ka moraki i hanaia ma ka la 29 o Iulai 1891 no $600, ia S.C. Allen, i kakaula hoi ma ka buke 132 aoao 250.

            3- I mahele 1/3 iloko o kela apana alna ma Puuepa, Kohala, Hawaii, nona ka ili he 19 eka me 750 anana kuea, i hoakakaia ma ka P.S. 7257, P. K. 8088 ia Hoomanoloaiua, i hooliloia mai hoi ia d.w. Kahuakai e Keamohuli ma ka palapala kuai i hanaia ma ka la 3 o mei 1886, i kakaui ma ka buke 102 aoao 5 me 6, e paa nei hoi malalo e ka moraki i hanaia ma ka la 25 o Novemaba, 1889,  e A.J. Campbell.  Ua hoopaaia keia palapala ma ka buke 118 aoao 459-60-61.

 

KO NAKEU HOOKANO.

            4- Kela apana aina ma Manua, Kapalama, i hoakakaia ma ka P.K. 2319 ia Nawai, nona ka ili he 69 kapuai kuea.  He mau lio kekahi.

 

KO D. KEKAULIKE aliasD. KAMAKAUAHOA.

            5- Kela mau apana aina e waiho la ma Moanalua i hoakakala ma ka P.S. 3505, P K. 1059, ia Kekaha, i hooliloia mai hoi ia Kekaulike ma ka palapala kuai i hanaia ma ka la 10 o Feberuari, 1879, i kakauia ma ka buke 58, aoao 120-1.  Ke paaia nei ka Apana 2 malalo o ka hoolimalima i hauaia me Henry Holmes no 10 makahiki ua pau ka uku hoolimalima i ka ukuia.  Ua morakiia keia mau apana aina ia Chun Afong no $350, i ka la 22 o Feberuari, 1898, i kakauia ma ka buke 189, aoao 361-2-3.  He moraki hou iho maluna o ia mau apana no $150, i ua C. Afong nei no. i hanaia i ka la 22 o Augate, 1893.

 

KO KEAHONA.

            6- Upena lawaia Upena maikai loa.  Kuike ke kuai ana.  Dala Gula (U.S. Gold. Ua hoopane eia mai keia kudala mai ka la 16 iho nei a i keia la.  Mamuli o ka nonoi ana mai o na loio ma keia haun ua hoopanee hou ia no ka la i hoikela maluna.

            No na mea i koe e ninau la J.M. Monsarrat a i ole ia.

                                                                        A.M. BROWN,

                        Hope Ilamuku o ko Hawaii Aae Aina.

                        Honolulu, Aperila 25, 1894.                           2491 1

 

 

MA KE KAUOHA.

KKuai o ka Pono Hoaaina ma ka Makemake o ka Aina Aupuni Ololi Malalo aku o ka Luawai o Makiki, Honolulu, Oahu.

            Ma ka Poalua, Mei 22, 1894, hora 12 awakea, mamua iho o ke alo e komo aku ai iloko o ka Hale Mana Hooko, e kuai ia aku ai na ke kindala akea ka Pouo Hoaaina ma ka makemake kela apana Aina Aupuni ololi malalo aku o ka Luawai o makiki, Honolulu, Oahu, nona ka ili he 1 2/3 mau eka oi aku a emi mai paha.

            Manawa : Mai ka makahiki a i ka makahiki ahik@ i ka manawa a ke Kuhina Kalai@ina e makemake ai o hoopau ma o ka haawi e ana aku i 90 mau la mamua.

            Kukukuni kiekie : He $25 no ka makahiki e hookaa mua ia ma ka hapalua makahiki.

                                                                                    J.A. KING,

                                                                        Kuhina Kalaiaina.

                        Keena Kalaiaina, April 17, 1894.

                                    2490-3t

 

Kuai o ka Pono Hoaaina ma ka makemake o ka Halekuai ma Alanui Alii e pili ana i ka Hale Keaka Pake

            Ma ka Poalua, Mei 8, 1894, hora 12 awakea na ke alo iho o ka Hale mana Hoko, e kuai ia aku ai ma ke kudala akea, ka Pono Hoaaina ma ka makemake o ka Hale i iohoia ai ma ke ano halekuai ma Alanui Alii ma ka aoao ma Waikiki iho o ka Hale Keaka Pake, Honolulu, Oahu.

            Manawa: Ka pono hoaaina e noho ai mai kela a i koia malama a hiki i ka wa a ke Kuhina Kalaiaina, a i ole ia, a ka hoaaina paha e makemake ai e hoopau ma ka haawi e ana aku i ka hoolaha i 30 la mamua ae.

            Kumukuai Kiekie: He $10 no ka malama me ka hookaa mua ia i kela a me keia malama.

                                                                                    J A. KING,

                                                                        Kuhina kalaiaiua.

                                    keena Kalaiaina, Apr. 6, 1794                         2489-3

 

 

kuai o ka Pono Hoaaina ma ka makemake o ka Hale Keaka Pake.

            Ma ka Poalua, Mei 8, 1894, hora 12 awa kea, ma ke alo iho o ka Hale Mana Hooko, e kani ia aku ai ma ke kudala akea, ka Pono Hoaaina ma ka makemake o ka Hale Keaka Pake e ku nei ma Alanui Alii, Honolulu, Oahu.

            Manawa: Ka pono hoaaina o noho ai mai keia a i keia malama a hiki i ka wa a ke Kuhina Kalaiaina, a i ole ia, a ka hoaaina paha e makemake ai e hoopau ma ka haawi e ana aka i ka hoolaha i 30 mau la mamua ae.

            Kumukuai Kiekie: He $100 no ka malama me ka hookaa mua ia i kela a me keia malama.

                                                                                                J A KING,

                                                                                    Kuhina Kalaiaina.

                                    Keena Kalaiaina Apr. 6, 1894.                                    2489-3

 

 

Hoolaha i ka Poe Koho Balota.

            E noho ana ka Papa Komisina Hoopaa @noa no na Apana Koho Lunamakaainana Elima o Honolulu, ma ke Keena Ahaolelo @loko o ka Hale Hookolokolo i na la a pau, koe ma la Sabati, mai ka hora 10 A.M. ahiki i ka hora 2 P.M., a ma na ahia@i Poaina a me Po@ono mai ka hora 6 ahiki i ka hora 8 P.M., no ka apo ana aku @ na noi hoopaa inoa a me ka hoohiki ana aku i ka hoohiki i hoakaka ia e ka kanawai.  O ka poe a pau e noi malama e hoopaa ia na inoa e koi ia aku ana lakou e hoike mai i ko lakou mau palapala hookaa no na auhau pilikino o 189@, a ole ua hookuu ia paha mai ia mau auhau aku, ma o na palapala la o ia hookuu ia ana.

                                                                        CHAS. T. RODGERS, M.D.,

                                                                                                Lunahoomalu.

Aponoia o J.A. KING,

                        Kuhina Kalaiaina.

            keena Kalaiaina, Maraki 24, 1894.

                                                            2437-3

 

E Pili ana i ka Maui Electric Light and Power Company, i Kaupalenaia.

            Oiai, o ka Maui Electric Light and Power Company, i Kaupalenaia, he hui i kukuihia malalo o na kanawai o ko Hawaii Pae Aina, na hooko pono i na kuhikuhi ana a ke kanawai no ia mau mea, a na hookomo mai ma ke Ke@na o ka Kuhina Kalaiaina he noi e hoopau ana i ua hui nei, me kekahi palapala hoike e like me ke kauoha a ke kanawai.

            A no ia mea, ke hoike ia aku nei i na poe a pau ke kuloana ko lakou i keia hui i oleloia i ka wa i hala a i keia wa paha, e hookomo mai lakou i ka lakou mau keakea no ka ae ia ana aku o keia noi hoopau mamua o ka POALUA, Maraki 20, 1894, a o kekahi a mau mea paha i makemake e lohe ponoi ia ko lakou mau keakea, e hele kino mai lakou ma ko’u keena ma ka Hale o ka Mana Hooko ma Honolulu, ma ka hora 10 kakahiaka o ia la, a e hoike mai i ke kumu i manaoia’i aole kupono ke ae ia ke noi.

                                                                        J.A. KING,

                                                            Kuhina Kalaiaina.

                        Keena Kalaiaina, Ianuari 15, 1894,

                                                                        2487-9

 

 

Hoolaha Hou.

            AHA HOOKOLOKOLO KAAPUNI APANA Elua o ko Hawaii Pae Aina.  Ma ka Hooponopono Waiwai.  Ma ka haua o ka waiwai o WAHINE (k), no Kula, Maui, i make kauoha ole.

            Ma ka heluhelu a me ka waihola ana mai o ka Palapala Noi a Kahaleanu, e hoike ana ua make kauoha ole o Wahine (k), no Kula, Maui, ma Kula, Maui, i ka la....o.................., 1882, a e noi ana e hooponopono ia a e hooholoia ka waiwai i na hooilina.

            Ua kauohala, o ka POAONO, ka la 12 o MEI, M.H. 1894, ma ka hora 10 kakahiaka, oia ka ma nawa i kohola no ka hoolohe ana i ua noi la imua o ua lunakanawai la, ma ka Hale Ho kolokolo ma Wailuku, Maui, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumy olalo ko lakou, e ae ole ia ai ua noi la.

            Kakaula ma Wailuku, Maui, Ko Hawaii Pae Aina, Aperila S.M. 11, 1894.

                                    Na ka aha:

                                                                        G. ARMSTRONG,

                                                            Kakuuolelo Aha Kaapuni Apana Elua.

                                                            2489-3

 

            AHA HOOKOLOKOLO KIEKIE O KO HAwali Pae Aina.  ma ka hana o ka waiwai o GEORGE E. RICHARDSON o Wailuku, Maui, i make.

            Ma ka heluhelu a me ka waihoia ana mai o ka palapala noi a me ka papa hoike helu a Wm. O. Smith, Lunahooko Kauoha o ka palapala kauoha a Geo. E. Richardson o Wailuku Maui, i make, e noi ana e aponoia na hooailo he $6253.88, a e hoike ana o na mea i loaa mai lala he $6394.67, e nana a aponoia kela mau mea, a e kauohala e mahele i ka waiwai e waiho nei ma kona mau lima i ka poe i kuleaua, a e hookuu la ola a me kona mau hop@ mai ko lakou noho ana ma ia mea.

            Ke kauohala nei, o ka POAKAHI, la 14 o Mei, A.D. 1854, hora 10 A.M., ma ke Keena ma ka Hale Hookolokolo ma Honolulu ola kahi a me ka manawa i kohola no ka hoolohe ana i ua noi la a me na papa hoike helu, a o @a poe a pau i pili malaila e hele mai ai a e hoike i ke kumu, ina he kumu kekahi e ae ole la ai ua noi la, a malaila e hoike mai ai i na hoike i ka poe i kaleana i ua waiwai ia.

            Kakaula ma Honolulu, K H. P. A., i keia la 11 o Aperila, A.D. 1894.

                                                Na ka Aha :

2489-3                                                             GEO. LUCAS, Kakauolelo.

 

 

HE MAU AINA NO KE KUAI.

            I KULIKE ai me ka mana o kekahi Kanoha i hoopukala e ka Aha ma o ka Lunakanawai Kiekie Hon. A F Judd, ma ka hihia a William Watson a me kekahi poe e ae kue ia David Watson, nolaila e kuai la aku ana ma ke kudala akea ma ka rumi kudala o James F. Morgan ma ka

POAKAHI, MARAKI 19, 1894.

Hora 12 awakea.

            O kela mau apana aina a pau e waiho la ma Kaneohe, Koolaupoko, Oahu, a i hoakaka pono ia e like me keia: Apana 1, 3 80-100 eka; apana 2, 4 21 eka; apana 3, 37.96 eka; apana 4, 7 33 eka.  O keia mau apana a pau, he mau hapa no ka Palapala Sila Nui Helu 174 ia Paulo F Manini.  Apana 5, 20 eka; apana 6, 20 eka; apana 7, 20 eka; apana 8, 54 50 eka; apana 9, 54.50 eka.  O keia mau apana aina a pau ua hooliloia aku e Kamehameha IV ia David Watson ma o kekahi palapala i hauaia Dekemaba 29, 1862 a i kopeia, Buke 16,  aoao 127 me 128.  maikai ke Kuleana.  Na ka mea kuai mai na lilo hana palapala.

            No na mea i koe e ninau ia William C. Aehi, Loio no ke Komisina, a i ole ia.

                                                                        S.M. KAAUKAI,

                                                                                    Komisina.

Ua Hoopaneeia ke Kudala a ma ka la 28 o Aperila.

            Honolulu, Feberuari 23, 1894.

 

 

PAPA!  PAPA!

AIA MA KAHI O

Lewers & Cooke

(LUI MA)@

Ma ke kahua hema o Alanui Papu me Moi.

E LOAA NO NA

PAPA NOUAIKI

O kela a me keia ano.

Na Pani Puka, na Puka Aniani,

na Olepelepe, na Pou, na O’a,

Na papa Hele, na Papu Ku,

me na Papa Moe he nui loa.

NV PILI HALA O NA ANO A PA@

A me na

WAI HOOHINUHINU NANI

O na ano a pau loa.

Na Balaki o na Ano he Nui Wa

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo ana mawae@@ o Laua a me ka Mea Kuai.

Hele Mai e Wae no Oukou iho.

2396-g

 

 

Hoolaha Hou.

E Haawi i na Keiki Ai Waiu

A ME NA POE OMAIMAI

MELLIN’S

FOR INFANTS AND INVALIDS.

I ka Mea Ai.

He Ai Hooulu Oi Loa

No ka hooulu Kamalii

Ka Hoopohala mai ana

Na Mai ake Pau

Na Opu Ai wali ole.

a me na lelemakulo loaa i na Nawaliwali.

HE

AI MAIKAI LOA,

No na Pokii Hanai Lima ia,

BENSON, SMITH & CO.

Na Agena wale no ma ko Hawaii Pae Aina.