Ka Nupepa Kuokoa, Volume XXXIII, Number 14, 7 April 1894 — Page 3
| This text was transcribed by: | Richard Tavares |
| This work is dedicated to: | In memory of Nora Lala Kamaka |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO
Mai a Mahope aku o Iune 1, 1893
NA KAA AHI
NO HONOLULU
B B A D
A.M. P. M. P. M. P. M.
Haalele Ia Honolulu……….. 8:45 1:45 4:35 5:10
Haalele Ia Makana…………. 9:30 2:30 5:10 5:56
Hiki I Honolulu……………. 9:57 2:57 5:36 6:22
NO HONOLULU.
C B B A
A.M. A.M. P.M. P.M.
Haalele Ia Honolulu………... 6:21 10:48 3:48 5:42
Haalele Ia Manana………….. 6:55 11:15 4:15 6:10
Hiki I Honolulu…………….. 7:30 11:55 4:55 6:45
No na Poaono wale no.
No kela ame keia la.
Koe na la Sabati.
Koe na Poaono.
NU HOU HAWAII.
E pau ana ka noho ana o ke Komisina Hoopaa Inoa o na Apana Elima, o Honolulu nei ma ka la 21 Aperila.
O ka poe Hawaii hoopalaleha i ka hoohana ana i kona pono koho balota, e kapaia lakou ma ka olelo pololei he aloha ole i ko lakou aina a me ka lahui.
Ina aole e paa ka inoa i ka hoopaaia ma ke papainoa o ka poe kupoo i ke koho balota elele hana kumukanawai.
Mamua o na poe hana karaima a me na pupule ke hoonele ia i ka mana koho balota. I keia wa hoi, o ka poe hele ole e hoopaa i ko lakou inoa ma ka papainoa o ka poe kupono i ke koho.
Ua kakau inoa mai nei kekahi poe o Kalawao i ka Papa Ola e noi mai ana e hookohu ia o Dt. Goto (Kauka Iapana) i kauka noho paa ma ia Panalaau. He 861 ka nui o na poe i kakau inoa.
Ua huli hoi aku ka mokuahi Australia no Kapalakiko i ke awakea Poaono aku nei i hala, me ka hoohikihiki pu ana aku i kekahi kaoo nui o na ohua i aneane e elua kaau ka nui a me na waiwai Hawaii he $63,658 ke kumukuai i koho ia.
Ua piholo a make kekahi alii pikimanaoluna o ka mokukaua Iapana “Taka@hiho” iloko nei o ke awa i kakahiaka Poaha iho nei. I hele oia e auau, a i kona luu ana, aole oia i ea hou mai. He mau hora mahope iho ua loaa aku ola kona kino e lana ana. Ma nehinei i manele ia ae ai kona kino wailua ma ka ilina ma Nuuanu.
Ua hoao iho kekahi ohua pake o ka Malulani e hana ino i kona ola i ka wa a ka mokuahi i ku ai ma Maalaca i ke kakahiaka Poalua nei ma ka lele ana iloko o ke kai. E ole e hookuu awiwi ia ka waapa a huki ia ae ma ka lauoho, pakeole ai kona ola. Ua manao ia ua ano hehena ia keia pake no ka mea aole no oia i hookaa i kona uku moku.
I kulike ai me ka palapala kauoha a A. A. Carniot i make ai ma Molokai, nolaila, ua uku aku o Mr. F. A. Schaefer ka lunahooko kauoha o ka waiwai i ka Hui Halema’i Moiwahine i na dala $5,000. O keia puu dala e hoopukapuka ia e na kahu waiwai o ka Halema’i, a o na dala puka e loaa mai ana, e hookaawale ia no ka uku ana i na lilo o kekahi moe oloko o ka halema’I, a malalo o ka hooponopono ana a ke Kanikela Farani ia moe.
Mr. Lunahooponopono: Aloha oe. E oluolu oe e hoike ae ma ke akea, o makou o na hoa o ka aha hui heluhelu Baibala a me Kinai Hoomanamana o Kona Hema, ma o ko makou kakauolelo la, aole i apono ko makou manao i na olelo pelapela i hoolaha ia e kekahi lala o ka Aha H. H. B. a me K. H. o Honolulu, maloko o ka nupepa Holomua, helu 9 o Maraki 3, 1894, e pili ana no na wahine o Kaleponi. Ma ke kauoha a ka Papa Alakai. J. Keala, Kakauolelo. S. Kona, Hawaii, Aperila 2, 1894.
I ka po o ka la 2 o Aperila i malama ai ka poe kuleana iloko o ka Hui Heihei Hawaii i halawai makahiki maloko o ka hale hui Pakipika no ka noonoo i ka hiki ke malamaia na heihei ma ka la 11 o Iune, oia hoi ka la hoomanao o Kamehameha. Mahope o na kuka ana, ua kohoia he komite e hele aku e halawai me Peresidena Dole, a e hoomana aku iaia ina e malamaia ana ka la 11 o Iune i lakulaia aupuni. Ina e ae ia ana i la kulaia aupuni, alaila e hoonohonoho ia ana he papa heihei no ia la. A ina hoi aole e kukala ia i la kulaia, alaila aole no e malamia ana he mau heihei.
Ua hopuia kekahi kanaka Hawaii i ka la Sabati aku nei o Kaaipia kona inoa no ka hooweliweli me ka pu panapana i piha me ka poka o loko i kekani wahine pake ma Kakaako ae nei A no ka makau loa o ka wahine, ua lele ino oia iwaho ma ka pukaaniani me ka hooponopono ole, a ua loaa iaia na ehaeha kuhohonu ma ia lele ana. Eia ke lapaau ia nei ma ka Halemai Moiwahine. I ka wa i hiki aku ai ke Kapena makai haole me na makai e hopu, e paa hele ana no i ka pu e hoikeike ai keia Kaaipia. Ua lono ia he koa kiai oia no ke alii mamua a eia ma ka hale waapa o ke alii e noho nei. A mai ka wa e noho koa kiai ana i loaa ai iaia keia mea make ana e hookahakaha ana. Ua waihola aku la ka hookolokolo o keia hihia a oluolu mai ka mea i eha.
He kula ao lealea Europa ka Daniel Laiana i keia auia la Poaha aku ma Ariona Hale.
Ua hoihoi ia aku ma ka Mikahala o ka Poalua iho nei, na paahana Iapana haalele hana o Kauai i hoopaiia ai e ka aha a lawe ia mai ai i Honolulu nei e hoohana ai a pau na uku hoopai. O ko lakou nui, he 81. E ae ana paha lakou e hana, aole paha.
Ma ka Poaono i hala, ua malama ae o Mr. a me Mrs. J. K. Kaulia he paina hoopumehana i ke komo ana o ko laua hale nani hou i paa iho nei, a e ku nei ma Kapalama. He nui ko laua mau makamaka a me na hoaloha i akoakoa ae e hauoli pu me laua.
E haawi aha mele ana na haumana o ke Kula o Kamehameha ma ka Luakini o Kawaihao i ka hora 7:30 o keia ahiahi. Aole e nele ana ka piha o ke anaina i keia po, oiai he poe keiki hiaai nui ia keia no ka nani a me ka hiehie maoli no o ka lakou mau leo mele.
O ka Poaha iho nei o keia pule ka la e mare ia ai o Miss Blance Dudoid me Chas. K. Lewis ma Moanui, Molokai, ma ka home o Mr. a me Mrs. Chas. V. Dudoit. He nui na poe o Honolulu nei i holo aku i ka ahaaina mare, a aole e nele ka piha hauoli oia la.
Ua aneane e piha ka $1,400 ka loaa o na mea hoonani oloko o ka hale o Hon. C. P. Iaukea ma alanui Beritania i kukala ia ai e Jas. F. Morgan i ka Poakolu iho nei. Ua lilo mua ka hale me ka pa ia Mrs. W. C. Parke no $10,000 i kela mau mahina aku nei. O keia kekahi o na pa nani loa o Honolulu nei.
Ma kekahi la o keia pule i haawi aku ai o Mr. F. A. Schaefer he $5,000 hooilina a A. A. Carnoit (kela haole Farani i make ai ma Kalawao Molokai, he mau mahina ae nei i hala,) i ka Puuku o ka Halema’I Moiwahine. Ma ka olelo kauoha a ka mea i make, e hookaa wale ia keia puu dala i mea kokua i na poe Farani e hoi ana i ka Halema’i.
I ka hora 10 kakahiaka a mahope iho o ka Poalua aku nei, ua pau i keahi ka home ae kai o Mr. H. F. Poor ma Kapiolani Paka. Aohe kanaka o loko o ka hale e noho ana ma ia manawa, a o ka mea nona ka hale, aia iuka o Kapahulu kahi i noho ai. Ua koho wale ia, mahope o ka huli ia ana o ke kumu i pau ai i ke ahi, me he mea la, ua komo ia kela wahi i ka po mamua iho e kekahi poe, ua puhi kika a kikai ka paha a kiola. Mai kahi huna ahi i loaa ai mai ia mea aku i a liilii ai a hiki i ka nui ana holapu maoli. O ka waiwai io o ka hale he $2,000, aka, ua panihakahaka ia no ka $1.500.
Ua hala me ke aloha nui ia ko makou hoa pili o na la opio e uhaiaholo ana i loaa ka ike i makua no keia ola ana, o David Malo, ma Kalauao, Ewa, Oahu, ma ka Poalima, Maraki 30, iloko o ke kanalima o kona mau makahiki o ke ola ana ma keia ao. Ma Kahehuna ola i hoonaauao ia ai i kona mau ia opio, a mailaila aku oia i unuhiia ai no Punahou. I kona hemo ana mai ia punana kaulana mai o ka ike, ua noho kumukula (kuokoa) olelo Beritania oia no Kawaiahao, a he kula aupuni ma Ewa no kekahi manawa. Ua Mahalo nui ia oia ma keia oihana. Mahope mai ua waiho oia ia hana, a lalau ka ilima i ka oo a lio i mea mahiai e hooulu mai i ko ka honua. He mau ohana no kona e opla nei, a me lakou makou e ui pu aku nei i ke kanikau no ka hoa i hala e aku la ma ke ala mau o ke kanaka.
NU HOU KUWAHO
Ma ke ku ana mai o ka mokuahi Monowai i ke ahiahi Poaha nei mai Ausetaralia mai, ua loaa mai keia mau mea hou malalo iho a hiki i Maraki 22:
NO AMERIKA HUIPUIA.
Aole i hapaiia ka noonoo o ka hoike a ke Komite Aha Senate no ka ninau o Hawaii.
O ka Bila Hooponopono Auhau dute hou, ke hoopau nei ia i ka Pauku i kukuluia ai ua kuikahi malalo o ka Bila a Makinale.
Ke olelo mai nei kekahi lono mai Wasinetona mai, ua kukulu ke Aupuni o Amerika Huipuia i kahua hoahu lanahu ma ke awa o Puuloa ma Hawaii. [Oia ka ke Kuokoa i oleolo ai he uhu kaalo i ka maka o kea o nei.]
Eia ke hoolaa kuikuahi hou nei o Amerika Huipia me Kina, a e hoohaiki ana i ka nui o na pake e komo ai iloko o Amerika, a e paiia na kii o na haole Amerika e holo ana i Kina.
Ua oleloia ua uahlu o Peresidena ma ka ninau dala keokeo, a e haawi pio ana mamuli o na hookekeia mai o kona manao.
NO BERAZILA.
Aia no ka Adimarala kipi Da Gama i pio ai iluna o ka mokukaua Pukiki me ka manae e lawe a hoolele aku ma kekahi aupuni Ripubalika e aku, aka, ua hole ua mokukaua la.
NO SAMOA
He kaua mawaena o na Samoa o ka mokupuni o Savaii, oia hoi ko Aana poe a me ko Savaii. He umikumamaha poe i make a he kanakolu i ku a eha o na aoao a elua. Ke ap@hu pu ia la ua poo o na poe pio o kela a me keia aoao e lilo mai ana.
Home Hoohanau keiki Kapiolani.
Ma ka auwina la o kela Poaono aku nei, Maraki 341, i malama ai na kahu waiwai o ka Home Hoohanau keiki Kapiolani no ka pomaikai o ia home. Aneane e eiwa haneri poe i hele ae malaila, a ua hoolawa pono ia ko lakou mau makemake. Ke lawe ia na hoolilo e koe ana he $100,000, a e hooliloia aku ana ia huina dala nui no na mea kupono e hooholomua ai i keia home hoolue o na makuahine Hawaii.
Ua nei ke kokua o na wahine Hawaii ponoi i ka hooholomua ana i keia hana maikai, a me lakou na hoomaikai ana o ka lahui Hawaii holooka. Eia kekahi o na poe i hooikaika no ka ahaaina: Kapiolani, Poomaikalani, Mrs. K. Cuminns, Mrs. F. A. Macfarlane, Mrs. Kahuila Wilcox a me kekahi poe lede Hawaii lehulehu e’ae. He aala ka inoa o na poe hooikaika ma na hana hoopomaikai i ka lahui.
E Hakilo i ka Nee ana o ka Manawa.
(KAKAU IA MAI.)
He mea kahala, aka, he mea oiaio nae, e like me ka hole awiwi o Hawaii nei imua ma na hana kalepa e hoowaiwai ai i ka aina kalaiaina, pel ka awiwi o ka holohope o ka lahui Hawaii.
Iloko o na makahike he aneane e iwakalua i kaahope ae nei, mai ka hooholo ia ana o ke Kuikahi Panailike o Hawaii nei a me Amerika Huipuia, he mau makahiki holomua loa keia o na hana kalepa ma Hawaii nei. Pii nui ka waiwai o na ona mahiko, pii pu me ka waiwai o na aina kula panoa mamua aku o ka na kanaka Hawaii i moeuha ne mua ole ai e hoohua mai ana keia mau aina panoa a wai ole, he mau miliona dala i kela a me keia makahiki. He nui no na kanaka Hawaii naauao o ia mau au, aka, hoopapau lakou i ka walaau ma ka hale ahaolelo, no hai nae ka pono.
Make ia poe kalaiaina, e laa o Kapena ma, Kimona Kaai ma, Pilipo ma make iloka o ka hune me ka nele, a o na poe i hoopapau i ko lakou manawa maka mahi ana i na aina panoa, ke ohi nei no i ka hua.
Ua holomua ka aina mamuli o ka ike hookele o na malihini i maa ma ia hana, holomua loan a malihini a “ku ka paila hana ka haawe” o ko lakou la waihona, a oia mau nele no na kupa o ka aina. No keaha ke kumu? Eia ka haina. Ua holo awiwi loa imua ka aina, aole e hiki i na kamaaina ke ukaii pu me ka awiwi o ka manawa e nee nei, nolaila, kulai ia lakou ma ka paia e na poe hiki ke hele imua e like me na malihini i hoea mai ma ko kakou mau kaiaulu, oiai ua hoomaamaa ia lakou ma ia mau hana e ko lakou mau kupuna o na hanauna, he lehulehu i kaahope aku nei.
He kakaikahi loan a wahi Hawaii i oili ae waluna o ka heluna o na wahi kanaka i koe, a e Mahalo ia poe uuku i kau ae nei ma ia oioina o ka hanohano, ka hilinai ia a me ka Mahalo ia. O ka hapanui ae o ka lahui, me ka ehaeha o ka naau makou e hoomaopopo nei, eia lakou ke nee mau nei i hope. Ua nui loan a malihini naauao a makaukau i hoea mai, a no ia kumu aole he wahi kaawale no na wahi Hawaii.
Aole kakou he lahui hookuonoono, no ka mea, e like me ka nui e loaa mai ana pela no e kaheawai aku ai ka loaa. Pela ka mea i maa i na kanaka, koe kekahi poe kakaikahi.
E nana i na mea e hooholomua ia nei ka aina, e laa na laina mokuahi piliaina, na banako, na alahao kaaahi, na halekuai, na hui mahiko a me kalepa, aole na na Hawaii ponoi e kukulu nei, aka, na na malihini me ka puniu a me ka ekeeke.
Hoolaha Hou.
Aha Hookolokolo Kaapuni Apana Eha o ko Hawaii Pae Aina. Me ke Keena. Ma ka hana o ka waiwai o L. AKAMU o Hili, Hawaii, i make kauoha ole.
Ma ka heluhelu a me ka waihoia ana mai o ka palapala hoi a M. S. Grinbaum & Co., H. Schmidt & Sons, ka poe i aie aku ai o L. Akamu, e olelo ana o ua L. Akamu la, ua make kauoha ole ma Kina ma ka la----o------, A.D. 1890 a e noi ana e kohia ona lunahooponopono no ua waiwai la, a e hoolaha i ka poe a pau i kuleana e hele mai ma ka manawa a ma kahi a keia aha e kuhikuhi ai, e hoike mai ina he kumu kekahi e ae oie ia ai ke noi a na mea hoopii.
Ke kauohaia nei, o ka POALUA, la 1 o MEI, A.D. 1894, oia ka @ anawa i kohoia no ka hoolohe ana i ua noi la imua o ua Lunakanawai la, ma ke Keena Hookolokolo o keia Aha ma Hilo, hora 10 a.m., a ma ia wahi a ma ia manawa e hele mai ai na poe a pau i pili a hoike mai ina ho kumu kekahi e ae ole ia ai ua noi la.
Kakauia ma Hilo, ko H.P.A. Mar. 18, 1894.
Na ka Aha:
DANIEL PORTER
2487-3 Kakauolelo.
AHA HOOKOLOKOLO KAAPUNI APANA Ekahi o ko Hawaii Pae Aina. Ma ke Keena. Ma ka hana o ka waiwai o MOSES BARRETT o Kona, Hawaii, i make kauoha ole.
Ma ka heluhelu a me ka waiho ia ana mai o ka palapala noi a Julia Barrett o Honolulu, Oahu, e olelo ana o Moses Barrett o Kona, Hawaii, ma ka la 7 o Maraki, A. D. 1894, a e noi ana e hoopuka ia ka palapala lunahoponopono waiwai i ua Julia Barrett.
Ke kauoha ia nei, o ka POALIMA, la 27 o Aperila, A.D. 1894, ola ka la i koho ia no ka hoolohe ana i ua noi imua o ua lunakanawai la, ma ke Keena Hookolokolo o keia Aha ma Honolulu, a ma ia manawa a ma ia wahi e hele mai ai na poe a pau i pili a e hoike mai ina he kumu kekahi e ae ole ia ai ua noi la.
Kakauia ma Honolulu, K.H.P.A., Maraki 29, 1894. Na Ka Aha:
GEO. LUCAS,
2487-3 Kakauolelo
Aha Hookolokolo Kaapuni Apa Ekahi o ko Hawaii Pae Aina. Ma ka hana o ka waiwai o L. N. KUAI o Honolulu, Oahu I make kauoha ole.
Ma ka heluhelu a me ka waiho ana mai o Alfred W. Carter, ka Lunahooponopono o ka waiwai i oleloia e noi ana e haawiia aku ona kauoha e kuai i kekahi aina o ka mea i make kauoha ole e waiho ana ma ka mokupuni o Molokai, oia na aina i kuhikuhi pono ia maloko o ka Palapala Sila Nui Helu 2711, Palapala Sila Nui 6299, a me elua mau apaua aina oloko o ka apa 27 Kuleana Hoona Aina 8559 B, nona na eka he 59 01 aku a emi mai paha a e hoike ana i na kumu kupono e kuai ia ai ua waiwai paa la, oia ka hoopau ana i na aie.
Ke kauohaia nei ka poe a pau i pili i ua waiwai la, e hele mai Imua o keia Aha ma ka POALIMA, la 27 o Aperila. A.E. 1894, hora 10 a.m. ma ke Keena Hookolokolo o keia Aha ma Honolulu, a malaila, a ma ia wahi e hoike mai ai i ke kumu e ae ole ia ai ua noi la e kuai ia waiwai paa.
Kakauia ma Honolulu, K.H.P.A. Maraki 23, 1894.
Na ka Aha:
GEO. LUCAS,
Kakauolelo Aha Hookolokolo Kaapuni Apana Ekahi 2487-3
Hoolaha Hou.
Kula Ao Hulahula Haole.
E KUKULU ANA O DANIEL LYONSI PAPA Kula Hulahula Haole no na Hawaii opio a me na aoo ma ka Ariona Hale Ii ka auina ola POAHA, APERILA 12. HORA 3.
Ke poloai ia aku nein a mea a pau e hele mai.
O ka uku he 25 keneta o ka haawina no ka haumana hookahi. 2488-1
OLELO HOOLAHA.
E IKE AUANEI NA KANAKA A PAU, OWAU o ka inoa malalo iho, ke papa aku nei au i na mea halekuai mai Hawaii a Kauai, aole e hoaie mai i kuu wahine mare Hatty Hall ma kuu inoa, aole loa au e hookaa. Oiai, ua haalele mai oia ia’u i kana kane mare, ke papa pu aku nei au i na poe a pau, mai hookipa a malama iaia, a o ka poe hoolohe ole i keia, e hoopii no au ia lakou, o ke kuli ka make, o ka hoolohe ke ola.
SAM HALL.
Kainaliu, North Kona, Hawaii. 2488-2
Hoolaha Hoohui.
KE HOOLAHA ia aku nei ka lohe i na mea a pau, ua hoohui ae nein a mea nona na inoa malalo iho ma kekahi hui ma ka lawelawe ana i ka hana kuai mea ai pake malalo o ka inoa hui o CHONG KEE & COMPANY, ma Honolulu, mokupuni o Oahu.
LOW PAN LUM, Honolulu Oahu.
MAN LEE CHAN, Hong Kong, China.
Ma o Lau You, kona hope.
Kakauia ma Honolulu, K. H. P. A., Maraki
1894 2186-2
Hoolaha Hoopau Hui.
KE HOOLAHA ia aku nei ka lohe i na mea a pau, o ka hui i ku iho nei mawaena o na mes nona na inoa malalo iho i lawelawe ai ma ka oihana Hanai Pipi ma Moanalua a me Maunalua, ma ka mokupuni o Oahu, ko Hawaii Pae Aina, malalo o ka inoa MAUNALUA RANCH COMPANY, ua hoopauia ma ka aelike ana, mai Maraki 1, 1894 mai. A ke hoolaha hou ia aku nei, e hoomauia aku ana ka hana ma ka inoa o SAMUEL M. DAMON, ma kona helu ponoi iho, a nana e uku a lawe i na aie a pau o ua hui la o Maunalua Ranch Company, a e ohi aku i na aie mai a pau i ka hui a me na waiwai i pili i ua hui la.\
Kakauia Maraki 1, 1894.
GEORGE J. CAMPBELL,
2486-2 S. M. DAMON.
Kuai Aina Moraki ma Hilo, Hawaii
E KUAI ia ana ka aina me ka hale, i moraki ia e Hana Makaena ia J. A. Scott, a ua hoopanee ia ke kudala ana ma ka la 6 o keia mahina ahiki i ka la 27 o keia mahina o Maraki, 1894. Nolaila, e kudala ia ana kela aina a me na hale ma kela LA 27 o MARAKI, 1894, ma ka hora 12 o ia la, ma ka Hale Hookolokolo ma Hilo.
J. A. SCOTT,
Ma o D. H. HITCHCOCK la, kona loio.
Hilo, Maraki 10, 1894. 2486-1
Hoolaha a ka Lunahooponopono Waiwai.
O KA MEA nona ka inoa malalo iho nei, ua hookohu pono ia mai e ka Mea Hauohano Jacob Hardy, ka Lunakanawai Kaapuni o ka Apana Hookolkolo Elima o ko Hawaii Pae Aina i Lunahooponopono Waiwai no Kaui (k). o Haena, Apana o Hanalei, Mokupuni o Kauai, i make kauoha ole; nolaila, ke kauoha ia aku nein a poe a pau a ka mea i make i aie aku ai, a o ka poe hoi i aie mai i ka mea i make, e hele mai e kuka me a’u ma ko’u wahi noho ma Hanalei Kauai, maloko mai o na mahina eono mai keia la aku. Ina e hala ka manawa i oleloia me ka hele ole mai o ka poe i hoakaka ia maluna, alaila e hole mau loa ia aku no lakou.
J. KAKINA,
Lunahooponopono Waiwai o Kaui (k) i make.
Hanalei, Kauai, Maraki 21, 1894. 2487-1
UA MAKEMAKE IA
E LOAA ona Keena maloko o kekahi Home Hawaii maloko mai o ke Kulanakauhale a kokoke paha ilaila. O ka manao, o ka loaa o ka olelo Hawaii a me na ano o ka noho ana. Hoike mai i ka uku.
E ninau ma ka HALEPAI KUOKOA.
2487-3
KUAI A KA HOPE MAKAI NUI
O KOOLAULOA, OAHU.
MAMULI o ka mana i loaa ia’u malalo o ka Palapala Ohi Waiwai i hoopukaia e ka Aha Apana o Koolauloa, Oahu, ma ka la 12 o Maraki, 1894, e kue ana ia Lukela Kaaimanu, mea hoopilia, no ka pono o Naloloa, mea hoopii, no ka huina o $42.17, ua hoomaluia e a’u a e kuai ia aku ana ma ke kudala akea ma kea lo iho o ka Hale Hookolokolo o Koolauloa, ma Hauula, ma ka hora 12 awakea o ka POAONO la 28 o Aperila, M. H. 1894, i ka mea koho kiekie i na pono, na pomaikai a me na kuleana a pau loa o Lukela Kaaimanu i oleloia maloko o keia mau waiwai malalo nei, ke ole e ukuia mai ka olelo hooholo i oleloia, ka ukupanee, na koina a me ko’u mau lilo.
Na waiwai e kuai ia aku ana:
1 kaa huila lua ame na ili kaa.
1 Lio (k) kauo kaa.
3 Bipi.
3 Moe (Bedsteads).
F. PAHIA,
Hope Makai Mui o na Koolau, Oahu
2487-3
NA AUHAU I HOOKAA OLE
IA 1893
Maui, Molokai, Lanai, me Kahoolawe.
Keena Auhau, Mahele 2
Maraki 21, 1894
I KULIKE ai me ka Pauku 61, Mokuna LXI., o na Kanawai I 1892, ke hoolaha aku nei au i ka Papa Inoa o ka Poe i hookaa ole i na Auhau a me ka poe Ku i ka Auhau e like me na Papa Inoa Auhau o Keia M hele, i huipuia me na huina a me ua hoopai i koe.
Ona auhau i uku ole ia iloko o hookah mahina e ohi ia no ma ka hoopii.
APANA O HANA.
Pauole ---10 eka, Maoa…………………………………$ 1.60
Ahuna Pake…Pono Hoolimalima me waiwai lewa…….... 2.70
Kaihe Wahineaea --- Waiwai Lewa………………………. 1.60
J. Miki --- 7 ap. P.S. 2309, 2790, 3258, 2625, 3176
1300, 3257, 1-8 eka, Honolulu-iki, Waiwai lewa………… 7.65
Mrs. K. Kahawaii --- 1 Ap. Aina, P.S. 2090
3.12 eka Nahiku, 75-100 eka Nahiku a me Waiwai lewa….. 8.75
Mrs. Kaiminaauao --- 1 Ap. aina @ S. 4645……………….. 2.15
Mrs. Kamaka Papoko --- 1 Ap. aina P. S. 2793…………….. 2.70
Mrs. Kahananui --- 4 Ap. aina P.S. 3281, 3276, 2811, 8223,
hale me waiwai lewa…………………………………………18.10
P. N. Kahokuoluna --- 2 ¼ eka Pookanaka……………………1.05
S Alapai --- Kuleana i ka P.S. 3223…………………………… 3.03
Kaakumokaopio --- Kuleana i ka P.S. 3223…………………… 3.03
Mrs. K. Kahoopii --- 1 55-100 eka Wailua I ap. aina
waiwai lewa i Wailua……………………………………………. 4.35
Aukukino --- 1 ap. aina P.S. 3280……………………………….. 1.60
Mrs. Pilahi --- 1 ap. aina P.S. 3280………………………………. 1.60
Mrs. Kama Beniraaua --- 1 Ap. aina P.S. 2801……………………1.10
John Nakula --- 1 ap. aina P.S. 3260………………………………1.60
Elemakule --- 1 ap. aina P.S. 2793 me waiwai lewa……………….2.15
D. H. Kahakauila & Co. --- waiwai lewa…………………………… 6.00
Awa --- Pono hoolimalima hale me waiwai lewa…………………… 1.60
John Baker --- 8-100 eka Waianu…………………………………… 1.05
Mrs. Helani Asa --- 4 ap. aina P.S. 3812, 3375, 4062, 3341,
hale me waiwai lewa………………………………………………… 11.06
Sam Kamakaono --- 2 ap. aina P.S. 3106, 3352…………………….. 6.44
J. P. Sylva & Co --- halekuai me pono hoolimalima Keanae…………. 1.60
D. Kalili --- 1 ap. aina P.S. 3380………………………………………. 1.60
Mrs. Makakehau --- 1ap. aina P. S. 2619……………………………… 1.05
Ke hooia nei au, o ka papa inoa malaua ae e like me ka papa inoa auhau oia ka papa inoa oiaio ma ko’u ike a me ko’u manaoio.
C. H. DICKEY,
2487-1 Lunahelu Apana Auhau Elua.
Hoolaha hou.
Papa Inoa o ka Poe Ku i ka
Auhau o ka Mokupuni o
Kauai i Hookaa Ole.
I KULIKE ai me ka Pauku 61 Mokuna LXI o na Kanawai o 1892, ke hoolaha aku nei au malalo ino i ika Papa Inoa o ke Poe Ku I ka Auhau i hookaa ole, a me na Auhau a pau e waiho ana aohe i ukuia ma ka la 31 o Inauare, 1894, no ka Apana Auhau Eha, na Mokupuni o Kauai a me Niihau.
“E pakulia niai ka huina o kanalima keneta (50 keneta) ma kela a me keia auhau kaa ole i helu ia a i hoolahaia ma kea no he mau koina.”
APANA O KOLOA.
Kauila, na auhau me 10 pa-keneta 0.77
Kauila, na auhau me 10 pa-keneta 6.65
Kawailukini, na auhau me 10 pa-keneta 5.60
Puni, J W, na auhau me 10 pa-keneta 2.75
Kauwahi, na auhau me 10 pa-keneta 2.20
Kaiewa, na auhau mo 10 pa-keneta 1.10
Kapolei, na auhau me 10 pa-keneta 1.10
Luanine, na auhau me 10 pa-keneta 10.00
Apau, na auhau me 10 pa-keneta 3.96
Nishimura, na auhau me 10 pa-keneta 4.89
Kalaluhi, na auhau me 10 pa-keneta 3.35
APANA O LIHUE
Jose Souza, na auhau me 10 pa-keneta $ 6.76
Kuaua. na auhau me 10 pa-keneta .66
APANA O HANALEI
Mrs. Liliuokalani Dominis, na auhau me 10 pa-keneta $132.00
Waiwai o Ah Wana, na auhau me 10 pa-keneta 4.40
J. K. FARLEY,
Lunahelu Apana Auhau Eha, Mokupuni o Kau @me Niihau 2486-4
Olelo Hoolaha.
OIAI, na hookohu pono ia mai ka mea nona ka inoa malalo ino i Lunahooponopono me ka Palapala Kauoha i hoopili pu-ia no ka waiwai o Naholowaa (w) o Manoa. Honolulu, Oahu i make, ke kauoha ia aku nei na kanaka a pau loa he mau koina ka lakou i ua waiwai nei, e waiho koke mai i ka lakou koi ia’u iloko o na malamal eono mai keia la aku, a ke ole e hanaia pela, e hole mau loa ia aku @o; a o na poe a pau i aie i ua waiwai nei, ke kauohaoia aku nei e hookaa koke mai
SAM’L K AKI.
Lunahooponopono me ka Palapala Kauoha i hoopili pu ia ka waiwai o Naholowaa (w) make.
Honolulu, Maraki 26, 1894. 2487-4
Auhea na Pili a me na Hooilinao D. Keikiokalani.
MA KA KA 21 o Maraki nei, ua make Keikiokalani, he kamaaina no Molikai mai, a i noho loihi ma Kahana, Koolauloa, Oahu a no ka pono o kona mau pili a me kona mau hooilina, ke paa ia nei kekahi mau waiwai o ua D. Kekiokalani nei, e waiho nei ma Kahana i oleloia, e ka mea nona ka inoa malalo. Nolaila, o ka poe a pau i pili ia waiwai, e hele koke mai, a i ole e lilo no i ke aupuni.
F. PAHIA
2487-3 Hope Makai Nui o Koolauloa, Oahu.
Hoolaha Hooko o ka Moraki a me ke kuai.
KE Hoolahaia aku nei ka lohe i kulike ai me ka mana o ke kuai i hookomoia iloko o kekahi moraki i hanaia ma ka la 30 o Oka@oba, A. D. 1890. e Kawawahimoku, Iliku a me Joseph Kaanaana o Waihee, Mokupuni o Oahu, Kahu, kope ia ma ke Keena Kakau Kope o ke Aupuni Buke 129 a ma na aoao 34, 35 a me 36, ke makemake nei ua James M. Monsarrat la, Kahu i oleloia a mea e paa nei i ka moraki, e hooko aku i ua moraki la no ka moraki, e hooko aku i ua moraki ia no ka uhaiia o ka aelike iloko o ua moraki la, oia ka hookaa ole ia o ke kumupaa a me ka ukupanee I ka wa e hookaa ai,
Ke hoolaha @ou ia aku nei ka lohe i na mea a pau, o keia mau aina a pau, ua pono hoaaina a me na pilikaua iloko o ua moraki la a i kuhikuhi ia, e kuai ia aku no ma ke kudala akea ma ka hale kudala o James F Morgan ma alanui Moiwahine, Honolulu, ma ka Poakahi, la 19 o Maraki, A. D. 1894, hora 12 awakea o ia la.
O ka waiwai i paa maloko o ua moraki la, oia keia,
1. O kela apana aina e waiho la iloko o ka ili o Nelu iloko o Waihee, nona ka ili, he 48-100 o ka eka, a oia mo ka aona i kuhikuhiia iloko o ka Palapala Sila nui helu 5402 kuleana hoona aina helu 4405 F. F. ia Ku a i hooliloia aku ia Kaanaana ka Makuakane o Kawawahimoku, Hiku a me Joseph Kaanaana e Kaawa ke cousin a me ka hooilina ponoi ma ke kanawai o ua Ku la ma ika palapala kuai i hanaia i Dekemaba 31, 1881, kope ia iloko o ke keena kakau kope o ke aupuni, Buke 73 a ma na aoao 88 a me 89
2. O kela mau apana aina ekolu e waiho la iloko o na ili o Pupouulu a me kapoho ma ua Waihee la, nona ka ili he 1 ½ mau eka, oia na aina i kuhikuhiia iloko o ka palapala sila nui helu 5357 a kuleana hoona aina helu 4296 ia Mahoe 3 ke kupunakane o Kawawahimoku, Hiku a me joseph Kaanaana
Kuike ked ala, Na uku hana palapala i ka mea e lilo ai. No na mea I koe e ninau ia JAMES M. MONSARRAT, Kahu.
Mea e paa nei I ka Moraki.
Honolulu, Feb, 2, 1894. 2482-4
POAONO, Aperila 14, 1894.
2488-2
Kuai a ka Ilamuku.
MAMULI o ka mana i loaa ia’u malalo o kekahi Palapala Ohi Waiwai i hoopukaia e ka Aha Kaapuni, Apana Hookolokolo Ekahi o ko Hawaii Pae Aina, ma ka la 9 o Maraki, 1894, e kue ana ia N HOOKANO, D. K. KAHUAKAI, D. KEKAULIKE a me KEAHONA, ka poe hoopiiia, no ka pomaikai o Magaret Campbell ma, ka poe hoopii, no ka hina o $54o.6o, ua hoomaluia e a’u a e kuai aku ana hoi ma ke kudala mamua iho o Kalakaua Hale, ma ka Apana o Honolulu, Oahu, ma ka hora 12 o ka POAKOLU, la 16 o APERILA, 1894, i ka mea koho kiekie, i na pono a pau, na kuleana, a me na mahele a pau o na poe hoopiiia maloko o keia mau waiwai malalo iho, ke ole e uku e ia mai ka olelo hooholo i haila ae la, ka ukupanee, na koina a me na lilo.
WAIWAI NO KE KUDALA:
KO D. W. KAHUKAI.
- Ka hoolimalima o kela pa hale ma Kamanuwai, kokoke i ke kihi o ke alanui Nuuanu a me Beretania, i lilo mai hoi ia D. W. Kahuajai malalo o ka palapala i hanaia mawaena o C. R. Bishop a me D. W. Kahuaki ma ka la 1 o Ianuare, 1888; a me na kuleana a pau i hoakakaia malaila.
- Na kuleana a pau o D. W. Kahuakai iloko o kela apana aina e waiho la ma Kauluwela, a i hoakakaia ma ka P. S. 5585, P. K. 2030 ia Kamoa no Polani, nona ka ili he 6800 kapuai kuea, a i lilo mai ai hoi ia . E. Kahuka a me R. S. Kapua malalo o kekahi palapala kuai i hanaia o Liliuokalani a me J. O. Dominis ma ka la 6 o Nov. 1888, a i hoopaaia ma ka buke III, aoao 2089, e paa nei hoi malalo o ka moraki i hanaia ma ka la 29 o Iulai, 1894, no $600 ia S. C. Allen, i kakauia hoi ma ka buke 132, aoao 250.
- 1 mahele @ iloko o kela apana aina ma Puuepa, Kohala, Hawaii, nona ka ili he 19 e ka a me 750 anana kuea, i hoakakaia ma ka P. S. 7257, P. K. 8088, ia Homanoloaana, i hooliloia mai hoi ia D. W. Kahuakai e Keamohuli malalo o ka palapala kuai i hanaia ma ka la 3 o Mei, 1886, a i hoopaaia ma ka buke 102, aoao 5 ne 6.
- Kela apana aina e waiho la ma Hoaeae, Ewa, Oahu, i hoakakaia, ma ka P. S. 783, P. K. 899, ia Kahooweliweli, a i hooliloia mai hoi ia D. W. Kahuakai e Kapoi, ke kaikaia a me ka hooilina oKahooweliweli, ma ka palapala kuai i hanaia ma ka la 18 o Mei, 1875, a I hoopaaia ma ka buke 42, aoao 257-8, 1 eka a me 453 kaulahao kuea, e paa nei hoi i ka moraki i hanaia ma ka la 26 Nov, 1887, a i hoopaaia ma ka buke 108, aoao 886-7, no $225 ia A. Campbell, a ua lilo mai hoi keia moraki ia Margaret Campbell ma, ma ka la 5 o Nov., 1889, mamuli o ka palapala hoolilo i hanaia me ia la e A. J. Campbell, ka Luna Hooponopono o ka waiwai o A. Campbell. Ua hoopaaia keia palapala ma ka buke 118, aoao 459, 460, a me 461.
KO NA KEU HOOKANO.
- Kela apana aina ma Kaaimano a me Manua, Kapalama, i hoakakala ma ka P. K. 2319 ia ………… nona ka ili he 69 kapuai kuea. He mau lio kekahi.
KO D. KEKAULIKE.
- Kela mau apana aina e waiho ia ma Moanalua i hoakakaia ma ka P. S. 3505, P. K. 1059, ia Kekaha, I hooliloia mai hoi ia Kekaulike ma ka palapala kuai i hanaia ma ka la 10 o Feberuari, 1879, i kakauia ma ka buke 58, aoao 120-1. Ke paaia nei ka apana 2 malalo o ka hoolimalima i hanaia me Henry Holmes no 10 makahiki, ua pau ka uku hoolimalima i ka ukuia. Ua moraki ia keia mau apana ia Chun Afong no $350 i ka la 22 o Feberuari, 1893, I kakauia ma ka buke 139, aoao 361, 362 a me 363.
KO KEAHONA.
- Upena lawaia ma Ewa, Halawa uka. He mau waiwai e ae no kea ole i loaa.
Kuike ke kuai ana. Dala Gula (U. S. Gold).
No na mea i koe e ninau ia J. M. MONSARRAT, a i ole i ka Hope Ilamuku.
A. M. BROWN.
HOPE ILAMUKU.
Honolulu, Maraki 16, 1894.
2486-4
Hoolaha Hou
E Haawi i na Kaiki Ai Waiu
A ME NA POE OMAIMAI
MELLIN’S
FOR INFANTS AND INVALIDA.
TRADE DBA ST. @ BORA MARK.
FOOD
I ka Mea Ai.
He Ai Hooulu Oi Loa
No ka hooulu Kamalii
Ka Hoopohala mai ana
Na Mai Ake Pau
Na Opu Ai wali ole.
a mo na elemakule loaa i na
Nawaliwali.
HE
AI MAIKAI LOA,
No na Pokii Hanai Lima ia,
BENSON, SMITH & CO.
Na Agena wale no ma ko Hawaii Pae Aina.
HE MAU AINA NO KE KUAI.
I KULIKE ai me ka mana o kekahi Kauoha i hoopukaia e ka Aha ma o ka Lunakanawai Kiekie Hon. A. F. Judd, ma ka hihia a William Watson a me kekahi poe e ae kue ia David Watson, nolaila e kuai ia aku ana ma ke kudala akea ma ka rumi kudala o James F. Morgan ma ka
POAKAHI, MARAKI 19,1894,
Hora 12 awakea.
O kela mau apana aina a pau e waiho la ma Kaneohe, Koolaupoko, Oahu, a i hoakaka pono ia e like me keia: Apana 1, 3 8-100 eka; apana 2,4 21 eika; apana 3. 37.96 eka; apana 4, 7 35 eka. O keia mau apana a pau, he mau hapa no ka Palapala Sila Nui Helu 174 ia Paulo F. Manini Apana 5, 20 eka; apana 6, 20 eka; apana 7, 20 eka; apana 8, 54 50 eka; apana 9, 54.50 eka. O keia mau apana aina a pau ua hooliloia aku e Kamehameha IV. ia David Watson ma o kekahi palapala i hanaia Dekemaba 29, 1862 a I kopeia, Buke 16, aoao 127 me 128. Maikai ke Kuleana. Na ka mea kuai main a lilo hana palapala.
No na mea i koe e ninau ia William C. Achi, Loio no ke Komisina, a i ole ia.
S. M KAAUKAI.
Komisina.
Ua Hoopaneeia ke Kudala a
ma ka la 28 o Aperila.
Honolulu Feberuari 23, 1894. 2483-3
Hoolaha Hooko o ka Moraki me ke kuai.
Ke hoolaha ia aku nei ka lohe, i kulike ai me ika mana o ke kuai i hookomo ia iloko o kekahi moraki i hookomo ia iloko o kekahi moraki i hana ia ma ka la 20 o Moraki, A. D. 1888, e KAPIA (k) o Honolulu, Oahu, ia J. M. Monsarrat o @a Honolulu la, Kahu, kope ia ma ke Keena Kakau Koppe o ke Aupuni Buke 110 a ma na aoao 135, 136 a me 137 a I hoolilo ia aku e J. M. Monsarrat, Kahu, ia Henri G. McGrew ma ka la 5 o Novemaba A. D. 1890, a oia hoolilo ia ana ua kope ia iloko o ke Keena Kakau Kope Buke 129 aoao 47, a no ka uhaki ia o ka aelike, oia ka hookaa ole ia o ke kumupaa a me ka ukupanee, nolaila ke makemake nei ka mea e paa nei i ka moraki e hooko aku.
Ke hoolaha hou ia aku nei, o kela aina a me na waiwai a pau i kuhikuhi ia maloko o ua moraki la, e kuai ia aku ana ma ke kudala akea ma ka Hale Kudala o James F. Morgan ma ka POAONO, APERILA 14 A.D. 1894, hora 12 awakea.
O ka waiwai e kuai ia aku ana, oia keia malalo iho ponei:
O ka hapakolu i malalo ole ia o kela mau apana aina elua e waiho la ma Kumuhane a me Puea iloko o Kalaepohaku Palama mokupuni o Oahu, nmona ka ili he 3 mau eka 3-34-100 kaulahao kuea, a oia na aina iloko o ka Palapala Sila Nui Helu 2,521 Kuleana Hooua Aina Helu 2,268 i hoopuka ia no Kupahu. O ua mau aina ia ua paa malalo o ka hoolimalima.
Ma ke dala gula o Amerika Huipuia a hookaa ai. Na uku hana palapala i ka mea lilo ai.
No na mea i koe, e ninau ia Carter & Carter.
Kakauia ma Honolulu, Maraki 10, 1894.
CHARLES L. CARTER,
Kahu Malama o H. G. McGrew.
2185-4
He mau Aina Waiwai nui no ke
Kudala.
UA loaa mai ia’u na hoonaauao ana mai a Cecil Brown Esq. mai Kahu, e kuai aku ma ke kudala akea ma ka POAONO, MARAKI 30, 1894, ma kuu Hale Kudala i na waiwai i kuhikuhi ia malalo iho:
MA KA MOKUPUNI O OAHU.
- O kela aina a pau e waiho ia ma Waiau, Ewa, Mokupuni o Oahu a i kuhikuhi pono ia maloko o ka Palapala Sila Nui Helu 168 Kuleana Hoona Aina Helu 9,844 nona ka ili he 1 eka a me 8 44-100 mau kaulahao, a oia aina hookah kai hoolilo ia mai ia Isaac D Iaea ma ke kuai i kope ia ma Buke 142 aoao 483.
- O kela apana aina e waiho la ma Kalihi, Oahu, i olelo mua ia, a i kuhikuhi pono ia ma ka palapala hoolilo a J D Holt Jr. ia Isaac D Iaea i kakau ia i Ianuari 23, 1894 a i kope ia ma ka Buke ----- aoao -----.
- O na pono a pau, na kuleana a me na pomaikai o ua Isaac D Iaea ia iloko o kela apana aina ma Alanui Kamika ma Honolulu, i hoolilo ia mai e Kahalehoe a me kekahi poe e ae ma ka palapala, a I kope ia m ka Buke 127 aoao 214.
- O kela aina e waiho la ma Keena Apana o Koolauloa, Oahum a I kuhikuhi ia iloko o ka Palapala Sila Nui Helu 6,247 Kuleana Hoona Aina Helu 4,329, i hoolilo ia mai i ua Isaac D Iaea nei ma ka palapala e Kuapuu a me Kahinaaukea, a i kope ia ma ka Buke 127 aoao 79.
- O kela aina a pau e waiho la ma Kahuku, Koolauloa, Oahu, a i kuhikuhi pono ia iloko o ka Palapala Sila Nui Helu 341 Ku eana Hoona Aina Helu 4428, i hoolilo la mai i ua Isaac D Iaea nei ma ka palapala o Moses Puamana i kakau ia i Iulai 30, 1890, a me Keliaipale ma ka la 5 o Iulai, 1890, a i kope ia ma ka Buke ----- aoao -----.
- O kela apana aina a pau e waiho la ma Kaupakulua, Makawao, Mokupuni o Maui, i Kuhikuhi pono ia ma ka palapala hoolilo a J. Kaahiki, a i kope ia ma ka buke 127 aoao 417.
- A me nap on, na pomaikai a me ke kuleana o Keahi ka wahine a Isaac D Iaea iloko o kekahi mau apana aina e waiho la ma ka apana o Makawao maka Mokupuni o Maui, a i kuhikuhi pono ia iloko o ka palapala aila nui helu 3039 ia Kekaha, nona ka ili he 809 mau eka, palapala sila nui helu 1213 ia haole, nona ka ili he 22 96-100 mau eka a me ka palapala sila nui helu 1838 ia David Maddox, nona ka ili he 108 9-100 mau eka. O keia mau aina a pau maluna ae, oia na waiwai i hoolilo ia aku ia Cecil Brown e Isaac D Iaea a me kana wahine ma ka palapala i kakauia i Ianuari 24, 1894, a i kopeia ma ka buke 146 a ma na aoao 71-72.
JAS F MORGAN,
2485-2 Luna Kudala
Hoolaha Kuai a ke Kahu Malama
I KULIKE ai me ke kauoha i hoopukaia no ke kuai no na pomaikai o ANA a me ALVINA, he mau keiki oo ole, iloko o kkahi waiwai paa ma Kohala, Hawaii, i hookomoia iloko o ka Aha Hookoloko o Kaapuni o ka Apana Ekolu ma ka hooponopono waiwai, e kuai aku ana ka mea nona ka inoa malalo iho ma ke kudala akea, ma ka hale kudala o UJames F Morgan ma Honolulu ma ka Poaono la 7 o Aperila, 1894, hora 12 awakea o ia la, ia elima hapa umikumamalua kuleana i mahele ole ia o ua Ana a me ua Alvina la iloko o na waiwai i kuhikuhiia malalo iho:
- Palapala Sila Nui Helu 514 ia Kuluehu, he 23 1/3 mau eka ma Ainakea, Kohala.
- Palapala Sila Nui Helu 1548 ia Mahina, he 15 85-100 mau eka, ma Kapaau, Kohala.
- Palapala Sila Nui Helu 4908 Kuleana Hoona Aina Helu 9782 ia Helunanui nona paha ka 7 eka,
O kela mau aina i oleloia ae la ua pili kekahi i kekahi, a o ke kuleana o na keiki oo ole e kuai aku ana me ka paa no i ka hoolimalim ia malalo o ka Hui Mahiko o Kohala no ka @5. o ka eka a he 14 mau makahiki i koe o ka hoolimalima
Kakauia ma Honolulu, Maraki 14, 1894,
HAN SAM,
2485-4 Kahu Malama.
Kuai a ka Hope Makai Nui o Kona
Akau, Hawaii.
MAMULI o ka mana i loaa ia’u malalo o kekahi palapala ohi waiwai i hoopuka ia e ka Aha Apana o Kona Akau, Hawaii, ma ka la 17 o Feberuari, 1894, e kue ana ia Chas. Kaiaiki ka mea hoopii ia no ka pomaokai o Fukuda (k) he Iapana ka mea hoopii no ka huina o $76.
Ua hoomalu ia e a’u a e kuaI aku ana hoi ma ke kudala akea ma kea lo iho o ka Hale Hookolokolo ma Kailua, Kona Akau, Hawaii, ma ka hora 12 awakea o ka POALIMA, APERILA 6, 1894 i ka mea koho kiekie i na pono a me na pomaikai a pau loa e pili ana i ke kuleana hoolimalima o Chas. Kaiaiki ka mea hoopili ia iloko o ka Hui Hoolimalima Aina o IKahaluu, Keauhou 1 me 1 ma Kona Akau, Hawaii, a me na holoholona i hoike ia malalo nei:
1 Lio w nia ola hao ano e uha hope akau mua
1 “ keiki “ “ “ “ “
1 “ “ “ “ “ “ “
1 bipi w me keiki “ “ “ “
1 ekake w keokkeo “ “ “ “
1 “ “ “ hao kuni P “ “ “
Ke ole e uku ia mai ka olelo hooholo i hai ia ae ia, ka ukupanee, me na koina o ka aha, a me na lilo a pau o ka ohiana.
J K NAHALE,
Hope Makai Nui o N Kona, Hawaii.
Hanaia ma Kahaluu, N Kona, Hawaii, Maraki 7 M.H. 1894 2485-4
Hoolaha Hooko@o ka Moraki a
me ke Kuai.
KE HOOLAHA IA AKU NEI KA LOHE I kulike ai me ka @ mana o ke kuai i hookomo ia iloko o kekahi, moraki i hanaia ma ka la 14 o Mei, A.D. 1890, e KUKANA POAIMOKU a me KOPA kana kane a me S. WL KALAAUULA o Lahaina, Mokupuni o Maui, ia James M. Monsarrat o Honolulu, Mokupuni o Oahu, Kahu, kope ia iloko o ke Keena Kakau Kope. Buke 126 ina na aoao 64, 65 a me 66, ke makemake mnei ua James M. Monsarrat @la, Kahu i olelo mua ia, mea e paa nei i ka moraki, e hooko i ua moraki la, no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei ka lohe, o kela mau apana aina a pau, na pono hoaalua a me na pilikana iloko o ua moraki la i kuhikuhi ia, e kuai ia aku no ma ke kudala akea ma ka hae kudala o James F. Morgan, ma Alanui Moiwahine Honolulu, ke hiki aku i ka POAKAHI, la 20 APERILA, M.H. 1894, ma ka hora 12 awakea o ia la.
Penei ke kuhikuhi ana o ka aina i paa maloko o ua moraki la:
- O kela mau apana aina elua e waiho ia ma Pulani a me Nuimalu, Kaupo, ma ua mokupuni la o Maui, a nona ka ili he 63.41 mau eka, a oia na aina i kuhikuhi ia iloko o ka Palapala Sila Nui Helu 2,183 ia Kakahuna ka makuakane o ua Kukana Poaimoku ia a me S. W. Kalaauula.
- O kela apana aina e waiho la ma Nuimalu la nona ka ili he 7.88 mau eka, a oia ka aina i kuhikuhi ia iloko o ka Palapala Sila Nui Helu 2623 Kuleana Hoona Aina Helu 6773 ia Kawahaokaia kupunakane o ua Kukana Poaimoku la a me S. W. Kalaauula.
E hookoe ana a hookaawale ae mailoko mai o ia mau aina i na hapa i kuai ia aku ia K. Kaiaiki e ua Kalaauula la a me kana wahine ma ka palapala hoolilo i hana ia ma Dekemaba 24, 1883, kope ia ma ka Buke 86 aoao 188, ona ka ili he 23.77 mau eka, a ia S. Kaiaiki e ua Kukana Poaimoku la a me Kopa ma ka palapala kuai i hana ia ma Maraki 18, 1884, kope ia ma ka Buke 85 aoao 397. He 3.94 mau eka iloko o ke Kuleana Hoona Alua Helu 6,778 a me @ mau eka iloko o ka Palapala Sila Nui Helu 21@.
JAMES M. MONSARRAT, KAHU,
Mea e paa nei i ka Moraki.
Kuike ked ala. Na uku hana palapala i ka mea e lilo ai. No na mea i koe, e uinau i ka mea e paa nei i ka moraki.
Honolulu, Mar. 6, 1891. 2184-1
Ua hoopaneeia keia kuai maluna ae a ka
Poaono, Aperila 14, 1894.
Hoolaha Hooko Moraki
Mamuli o kekahi mana kuai i heiki ia ina loko o kekahi Palapala moraki i hana a mawaena o D @ NAHINU o S kona, Hawaii, o ka aoao mua, a me Jno O Dominis o ka aoao elua, ma ka la 22 o Iulai, 1891, i kakau kopeia ma ka buke 147 aoao 89---90, a i hoolilo ponoia ia Lau Chong, a mamuli o ka uhaiia ana o na kumu aelike o kela moraki, oia hoi ka uku ole ia o ka ukupanee a me ke kumupaa, nola ia, ke hoolahaia aku nei e ka mea nona ka aoao e lua o ua moraki nei, o hooko au a oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, hoola haia aku na aina i hoikeia ma ia moraki no ke kudala ana, ma ke keena kudala o Jos. F Morgan, ma Honolulu, ma ka la 9 o Aperila, 1894, hora 12, o ia la
No na mea i koe, e ninau ia W @ A@hi, Loio ma ke Kanawai.
Hanaia i kela la 12 o Maraki, 1894
LAU CHONG,
Hope o ka Mea Moraki Mai.
Penei na aina i moraki ia:
- O kela mau aina ma Hookena, S Kona, Hawaii, a i hoakakaia na palena ma ka Palapala Sila Nui 6637 a kuleana 10295 ma ka inoa o Mikakai, he 4 4-100 eka, ua komo pu hoi me na hale, a i ikeia hoi o ka home o D H Nahinu.
- O kela aina i hoakakaia na palena ma ka Palapala Sila Nui helu 1466 ma ka inoa o Henry Clarke, a ma ia aina he 49 eka ma Kauhako, S Kona, Hawaii.
- O kela aina I hoakakaia na palena ma ka palapala sila nui helu 1454 ma ka inoa o William Johnson, a ma ia aina he 237 eka ma Kauhako, S Kona Hawaii. 2485-@
Ua Hoopanee ia keia kuai maluna ae a ka POAKAHI, Aperila, 16, 1894.
2488-2
PAPA! PAPA!
AIA MA KAHI O
Lewes & Cooke
(LUI MA)
Ma ke kahua hema o Alanui Papu
me MOI.
E LOAANO NA
PAPA NOUAIKI
O kela a me keia ano.
Na Pani Puka, na Puka Aniani,
na Olepelepe, na Pou, na O’a,
na Papa Hele, na Papu Ku,
me na Papa Moe he nui loa
NV PILI HALE O NA ANO A PAU
A me na
WAI HOOHINUHINU NANI
O na ano a pau loa.
Na Balaki o na Ano he Nui Wa
Ke hai ia aku nei oukou e@ makamaka a pau, ua makaukau keia mau makamaka o oukou @ hoolawa aku ma na mea a pau @ pili ana ma ka laua oihana no ka Uku Haahaa Loa, @ like me ka mea e holo ana mawaena o Laua a me ka Mea Kuai.
Hele Mai e Wae no Oukou iho.
2396-q