Ka Nupepa Kuokoa, Volume XXXIII, Number 13, 31 Malaki 1894 — Page 3
| This text was transcribed by: | Lynn Mangel |
| This work is dedicated to: | macKenzie and Kendall Mangel |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Mai a Mahope aku o Iune 1, 1893.
NA KAA AHI
NO HONOULIULI.
B B A D
A.M. P.M. P.M. P.M.
HAALELE IA HONOLULU.….………….. 8:45 1:45 4:35 5:10
HAALELE IA MANANA………………… 9:30 2:30 5:10 5:56
@ @ HONUOLIULI………………… 9:57 2:57 5:36 6:22
NO HONOLULU.
C B B A
A.M. A.M. P.M. P.M.
HAALELE IA HONOULIULI……….. 6:21 10:4@ 3.43 5:42
HAALELE IA MANANA…………….. 6:55 11:15 4:15 6:10
EIKI I HONOLULU………………….. 7:20 11:@@4:@@ 6:45
No na Poaono WALE NO.
No kela aino keia la.
Koe na ia Sabati.
Koe na Poaono.
NU HOU HAWAII.
E hoopaa i na inoa a e loaa ka @ @ koho.
E malama ia ana he ahaaina Fea @ ka Home Hoohanau Keiki ma ke alanui Beritania i keia la no ka p@maikai o na makuahine Hawaii e @ @ ia e pulama ia mai ma iahome.
Eia ke noho nei ke Komisina H@paa Inoa o ka poe koho balota o @ apana elinia o Honolulu nei ma ke Keena Ahaolelo kahiko ma ka Hale Mana Hookolokolo, mai ka hora 10 kakahiaka a hora 2 auina la o na la noa a pau. E hele nui ae.
Ma ka Australia o ka Poaono nei i hiki mai ai o Kapena J. J. Brice, ke pani ma kahi o Kapena Nelson oluna o ka mokukaua Amerika Adams ma keia awa. Ua huli hoi aku o Kapena Nelson maluna o ka mokuahi Kina ma ka Poakulu nei.
Ke kamailio nui nei na nupepa namu e kokua ana i na anaina puhi Bana ma ka la Sabati. He hana maikai no ia. E aho ka hele ana e hoolohe i ka leo o na ohe ma ka auina la Sabati mamua o ka lilo o na keiki iwaho o Waikiki e auau kai ai ia la.
Ma keia ahiahi e haawi ana na kaiko o Honolulu nei he anaina hoolealea no ka pomaikai o Mrs. J. Kauhane ma ka Hale Mele Hou. No na mea aku i koe, "e ninau i ka makai" E pono oe o hele i kela ana himeni, ina oe e hoololohe e hopu ia ana oe.
E haawi aha mele ana na haumana o ke Kula o Kamehameha maloko o ka luakini o Kawalahao ma ke ahiahi o keia Poaono ae, Aperila 7. Aole e nele ana ka piha i na poe hele e hoolohe, oiai ne mau keiki eleu loa ko Kamehameha ma ka himeni.
E malama ia ana ka halawai o ka ahahui Euanelio o ka Mokupuni o Oahu ma Ewa ke hiki aku i ka Poakolu, Aperila 4, 1894. Ua makemake ia na lala a pau o ia Ahahui e hiki ae. He 50 keneta ka uku o ke kaamahu no ka hele ana aku a me ka hoi ana mai.
Ma ka Poaono iho nei, i huli hoi mai ai o J. B. Pakele mai kana huakai makaikai aku nei i ka Ipuka Gula. Ua hoi mai oia me ke ola maikai, a haanu@ mai no hoi i na mea naui lehulehu ana i ike ai ma ka Hoikeike o Kaleponi. Pakele o Pakele mai lilo i ka aeto.
Eia ke upu ia aku nei e ku mai ana ka moku Adimarala Pelekane Royal Arthur i keia mau la iho. Ina oia e h@ea mai ana, alaila, e aneane aku ana i like ka ikaika kaua o na aumoku ma Hawaii nei e like me na aumoku ma ke awa o R@ Janeiro i kela mau mahiua aku nei.
Ua hala aku ka mokukaua Pelekane Champion no Hilo i ka Poakolu nei. Ma ka hakilo aku, me he mea la i hele aku nei e hui me ka Royal Arthur ma Alenuihaha. Olelo nae na ahimoku, e hele ana lakou i ka hoomaamaa kipukumahi ma Hilo; nolaila, e ko Hilo, i nauene ka honua a pouli ke ao i ka uahi, mai pioloke k@hihewa no Kilauea, aka e hoomanao ia Champion. (Moho Lanakila).
Ua pani ia na ipuka o ka Heiau o na Paikini i keia pule no ka helu pono ana i na waiwai oloko, oiai ke koikoi mai nei na poe kalepa o Kaleponi i ka lakou $30,000 no na waiwai i hoouna ia mai, a pela pu no hoi me ko Honolulu nei poe kalepa e hoohune aku nei i ka lakou $10,000. Pioloke ka noonoo o ka mea hookele i kahi e loaa ai keia mau huina dala e kaa ai ka aie, aole moe pono o ka noonoo o ka mea huli waiwai.
KUILUA NA PU ALOHA IA PERESIDENA DOLE. - Ma kela Poaono aku nei, Maraki 24, ua malama ao o Peresidena Dole ma ka Hale Mana Hooko he anaina hookipa ia Hope Adimarala R. W. Irwin, ke alii nui o na aumoku kaua Amerika ma ka moena Pakipika nei, a me kona mau ukali. O ke Kuhina Mana Piha o Amerika A. S. Willis kekahi i hiki kino ae, a nana i hoolauna aku ka Adimarala i ka Peresidena o ko Hawaii Pae Aina. Ma ia auina la Poaono no, hora 2, mamuli o ka poloai a ka Adimarala, na hoea kino aku o Peresidena Dole a me kona Aha Kuhina maluna o ka moku lawe hae Philadelphia. Ua uiua nakolokelo na pukuniahi nunui oluna o ua kaeaea la o ke kai i ka hiki ana aku o ka Peresidena, a pela pu no hoi ma kona huli hoi ana mai. Oluolu na kukai aloha ana. He mau kahoaka keia no ka noho kuikahi o Hawaii nuku @me Amerika, ke pukonakona o na mana nui o ke ao nei.
He mau lealea ka i malama ia ma Punahou e na haumana kula malalo o Prof. F. A. Hosmer i nehinei. Mawaena o na keiki Hawaii i komo i na hookuku lele, heihei, a pela aku, oia @ Ed. Hapai, Chris Holt, J. Conradt a me E. Long, a ua eo no ia lakou ka lanakila o kekahi mau hookuku.
Ua loaa mai ia makou ka poloai a Mr. a me Mrs. Chas. V. Dudoit no ka paina mare o Miss Blanche Dudoit me Chas. K. Lewis e malama ia ana ma Moanui, Molokai, i ke awakea o keia Poaha ae, Aperila 5. Me na opio e hoohui ia aku ana ko makou hilinai e molaelae ko laua alahele.
E hele na poe i hookaa i na auhau o Honolulu nei i ke Keena Ahaolelo kahiko ma ka Hale Mana Hookolokolo e hoopaa ai i na inoa @ loaa ka mana e koho balota ai ma ka la 2 a@nei o Mei i na elele hana kumukanawai. Ina aole e hele, alaila ua hoopalaleha oukou i kela mana koho balota i hoomaa ia i na kanaka Hawaii.
Ma ka pule i hala, ua pau i ke ahi elua mau keiki opiopio ma Hana pepe, Kauai. Ua make kekahi a ua pakele mahunehune kekahi. No ka hoohemahema o kahi kupunawahine ke kumu poino, pela ka lohe ia mai. Aole aniani o ke omo o ka ipukukui, a na ka makani i amio aku ka ula o ke ahi a loaa ka paku. Pau ole no ka loma o Hawaii! M@ @ina i kahi hapaha, poino na keiki.
Ma ka wanaao Poakahi iho nei, ua eleu aku la kekahi wahi keiki Pukiki e lalau i kekahi waea e waiho ana ma ke alanui Kukui me ka manao ole ua piha i ka uwila, o ka hopena o kona kuhihewa, ua hoohaalulu ia oia no kekahi mau minute. He uwea keia no ke kukui uwila e hihipea nei ma na alanui ua haule ilalo. Pakele kona ola no ka ikaika loa ole o ka uwila ia manawa.
He nui na lono e pili ana no Hope Adimarala Kirkland ka Alihikaua moana e hele mai ana e pani ma kahi o Ria Adimarala Irwin e hoi aku ana no Wasinetona. Olelo kekahi poe, ua kauoha ia mai oia e Peresidena Kalivalana e hoi i Wasinetona, a olelo hoi kekahi ipoe nupepa, e hoouna ia ana o Kirkland i Berazila ma kahi o Adimarala Benham e kiai i na pono Amerika ma ia mau awa hoonene kaua mau.
Ma ka Poaono iho nei ka huli hoi ana mai o John Lota Kaulukou mai kana huakai pili oihana aku nei i ka mokupuni Kaili La. Haanui mai oia i ka ua o Hanalei, ka aina o ka "Ualoku." Mahalo mai no i ka uwapo hao hou o Wailua, aka ma kona ike eneginia, ina e waikahe ikaika i keia makahiki ae, e lilo ana ia nani a me ia paa i mea ole, oiai wahi ana, "ua kukulu ia ma ke one" - he piha baibala no ka loio.
I ka auna la Poakolu iho nei, i ike ia aku ai ka pioloke mai o na sela o ka "moku" Holomua. Ua kuhihewa na poe e kaalo. ae ana mawaho e holapu ana ka devila (diabolo) la loko, eia ka e olohani ana na luina no ka olokaa ole ia mai o ka lakou wahi o e hala ae ai kau wahi la makaponiu@iu. He makau honua nae kekahi no ka hoopai ia ana o ke Kapena makaaniaui o lakou no ka olelo hoino i ka Mana Hooko.
HULI HOI NO KA HOME ALOHA. - Ua lohe ponoi mai makou e huli hoi ana ke Kuhina Noho o Beritania maanei, oia o Major J. H. Wodehouse a me kona ohana, no kona aina hanau ma Enelani, a he Kuhina hou ke pani ia mai ana ma kona hakahaka. Ua noho loihi keia Kuhina ma ke kapitala o Honolulu nei no na makahiki he 20 a oi, ua kokoke e kani moopuna ma ke one o Kakuhihewa. He pololei wale no kana mau hooko ana i ka pono o Enelani a me kona lanui ma Hawaii nei, a he minamina no hoi ia kainaaina a me kona ohana ke kaawale aku. E hoi ana oia e noho hana malalo o Earl Kimberley, ke Kuhina o ko na Aina E o Enelani i keia wa, oiai he pilikoko oia nona.
Ma ka Poalua nei, i haawi ai ka Aha Koronelo i ka lakou olelo hooholo e pili ana no @a make ana o James Kauhane, ka makai Hawaii wiwo ole i mauna ai i kona ola e hooko pono i na kanawai o ka aina. Ua hooholo ke Kiure Koronelo i "make o James Kauhane ma ka la 21 o Feberuari, 1984, ma Honolulu, Oahu, mai kekahi mau eha kukonukona i loohia iaia mai ka lima mai o J. Caecaeres." Ua kakauinoa ia e Messrs. F. Brown, C. A. Peacock, J. S. Martin, J. Paakaula ame Wm. Higgins. Ua hoike o Herman Kaouli i kana ike e like no me ka moolelo i hoike mua ia iloko o ke KUOKOA. O Kaouli ke kokoolua o Kauhane i ka wa i hopu ai i ke Pauiolo, a pakele mahunehune mai keia iloko no nae o na palapu weliweli. Ua waiho ia aku keia hihia imua o ka Aha Kiure Kaapuni o Oahu nei i keia Kau ae.
Puu ka Lae o ke Kolohe.
I kekahi la o ka hebedoma i hala, ua hopu ia ka lunahooponopono Edmund Norrie o ka nupepa Holomua ma ka olelo haole malalo o ke kanawai hoalaala haunaele, oia hoi ma kona papa ana aku i na kanaka mai Hawaii a Niihau maloko o ka nupepa aole @ hele e koho balota i na moho elele hana kumukanawai e koho ia aku ana a me kekahi mau olelo e ae. Ma ka Poakolu iho nei, ua hookolokolo ia ua ha@le nei i mua o ka Aha Apana o Honolulu a ua hoopaiia he $100 a me $4 koina. Kani pono ka lae o ka ua kolohe.
E Mare hou ana o Kakina.
Ua laulaha ae ma kahi kulanakauhale o Sana Iosepa, mokuaina o Mikigana, Amerika Huipula, e mare hou ana o Lorrin A. Kakina i ka wahine. O ka mea a ka puuwai a ko kakou Kuhina noho ma Wasinetona i anoi ai, oia no o Miss Harriet W. Potter, kekahi opio ui waipahe oia wahi. Aia ua kaikamahine la ke hoomakaukau ia no kona awaialua ia aku me ke kuhikuhi puuone o Hawaii, a he mea na Hawaii nei e hauoli ai ka hoea hou mai oia opuu pua rose mohaha ma ko kakou kihapai, a he lai ia, oiai o ka Paredaiso keia o ka Pakipika.
I ka lohe ana o C. T. Waila, Kanikela nui o Hawaii ma Kapalakiko i keia hoopalau o Kakina me Miss Potter, ua kahaha nui ola, oiai he hoaloha oia no ka paa hou, a ua hui pu mau no hoi oia me laua ma na anaina lehulehu, eia nae aole oia i halia kik ma ko laua nanaina, kukai olelo ana, luana ana paha, aia iloko o laua ka lini o kahi no ke kahi.
Wahi a Waila, ua hoomaopopo au mamuli o na olelo a Kakina me he mea la he hoaloha oia no ka ohana o ka wahine. Ua hele mau oia ma Sana Iosepa, ma kahi o kona poe hoa. I ka wa i weheia ai ke Kii Hoikeike o Kilauea ma Kikako, ua hookohu aku o Kahina ia Miss Potter i Puuku no ka hui. I ka wa i nee mai nei o ke Kii o Kilauea i Kaleponi nei, ua lilo hou no o Miss Potter i Puuku.
"Oiai o Kakina ia nei ua ukali pu au me ia i ka Midwinter Fair." Ua halawai mau makou me Miss Potter, eia nae, aole au i mahui iki i ka laua mau hoolie ana. He kulana honahona ko Miss Potter, a i mohalo nui ia, he palanehe a mikioi kana mau kukai olelo ana.
"Elima ae nei makahiki o ko Kakina noho wahine ole ana. He keikikane kana o eiwa makahiki, he kahaha nui ko'u no keia mea hou, eia nae o Kakina holookoa iho la no ia. Aole ona alaphali wale mai i na mea malu pili aupuni, - a mamuli paha o kona kaulana aupuni, aole ona makemake e lilo laua i mea kamailio nui na na poe puni kamailio."
I kela mau pule aku nei, ua waiho mai o Miss Potter i kona kulana Puuku no ka Hoikeike o Kilauea, a ua huli hoi aku no kona home ma Kikako @ hoomakaukau ai no ko laua awaialua ia. Ma Kikako i launa mua loa ai o Kakina me Miss Potter, aka, mamuli o kona paa i kana hana koikoi ma Wasinetona, aole oia i hoea pinepine ma Kikako.
Aka, iloko o na wa uuku ana i hiki kino ai i Kikako, iloko oia mau sekona pokole oia i ho-a aku ai i ke ahi o ke aloha, a haulehia mai la o Venuse ia Haleakala. O ko Miss Potter mau hoa pilipaa aole laua i lohe mahui iki mamua i keia mau hana, oiai no nae laua e hana pu ana me Miss Potter ma ka hale hoikeike hookahi.
He kaikamahine opio o Miss Potter nona na makahioi he 22, a ua lawa i na ike lehulehu. He kaikamahine punahele oia na A. H. Potter o Mikigana, kekahi o na kamaaina lalawai o ia wahi, a he kaulana ma na mea kalai aina.
I ka wa e nakulu ai oloko o ka opu me ka eha, a hele moku ka lepo, alaila, e hoao i ka CHAMBERI AIN'S COLIC, CHOLERA a me DIA@ ROEA REMEDY laau lapaau a e oi ak@ ana kou mahalo ke ike oe i kona hop na. He oluolu, palekana a puhili @ e. He oluolu, palekana a puhili ole, He 25 a me 50 keneta o ka omole, a e kuai ia no ma na halekuai lapaau a pau. BENSON SMITH & Co., na Agena ma ko Hawaii Pae Aina. tf.
MA KE KAUOHA.
Hoolaha e pili ana i ka O Lima.
Ke kono ia nei na makua, na kahu keiki a me na Kumukula e nana ae i ka Mokuna LXVII o na Kanawai o 1892, aka o ka oi aku nae ma ka pauku malalo iho o ua Kkanawai la, penei:
"Pauku 2. - Aole e hookomo ia kekahi keiki iloko o kekahi Kula Aupuni a kula e ae paha me ka hoike mua ole ia o kekahi palapala hoike o ia ana, a i ole ia, na hoailona o kona o pono ia ana.
"O ke kumu nui a Kumukula paha o kekahi Kula Aupuni a Kula e ae paha nana e hookomo ae ma kekahi Kula i kekahi keiki me ka loaa ole o ia palapala a mau hoailona paha, e kau ia maluna ona ka hoopai o elima dala."
Ma ke kauoha o ka Papa Ola.
WILLIAM O. SMITH,
Peresidena o ka Papa Ola.
Honolulu, Mar. 29, 1894.
2487-3
AHA Hookolokolo Kaapuni Apana Eha o ko Hawaii Pae Aina. Ma ke Keena Ma ka hana o ka waiwai o L. AKAMU o Hilo, Hawaii, i make kauoha ole.
Ma ka heluhelu a me ka waihoia ana mai o ka palapala noi a M. S. Grinbaum & Co., H. Schmidt &Sons, ka poe i aie aku ai o L. Akamu, e olelo ana o ua L Akamu la, ua make kauoha ole ma Kina ma ka la ----o-----, A. D. 1890 a e noi ana e kohoia o@a lunahooponopono no ua waiwai la, a e hoolaha i ka poe a pau i kuleana e hele mai ma ka manawa a ma kahi a keia aha e kuhikuhi ai, e hoike mai ina he kumu kekahi e ae oie ia ai ke noi a na mea hoopii.
Ke kauohaia nei, o ka @OALUA, la 1 o MEI, A. D. 1894, oia ka manawa i kohoia no ka hoolohe ana i ua noi la imua o ua Lunakanawai la, ma ke Keena Hookolokolo o keia Aha ma Hilo, hora 10 a.m. a ma ia wahi a ma ia manawa e hele mai ai na poe a pau i pili a hoike mai ina ho kumu kekahi e ae ole ia ai ua noi la.
Kakauia ma Hilo, ko H.P.A. Mar. 18, 1894.
Na ka Aha: DANIEL PORTER,
Kakauolelo.
2487-3
AHA HOOKOLOKOLO KAAPUNI APANA Ekahi o ko Hawaii Pae Aina. Ma ke Keena. Ma ka hana o ka waiwai o MOSES BARRETT o Kona, Hawaii, i make kauoha ole.
Ma ka heluhelu a me ka waiho ia ana mai o ka palapala noi a Julia Barrett o Honolulu, Oahu, e olelo ana o Moses Barrett o Kona, Hawaii, ua make kauoha ole ma Kona, Hawaii, ma ka la 7 o Maraki, A D 1894, a e noi ana e hoopuka ia ka palapala lunahooponopono waiwai i ua Julia Barrett la.
Ke kauoha ia nei, o ka POALIMA, la 27 o Aperila, A D. 1894, oia ka la i koho ia no ka hoolohe ana i ua noi la imua o ua lunakanawai a, ma ke Keena Hookolokolo o keia Aha ma Honolulu, a ma ia manawa a ma ia wahi e hele mai ai ua poe a pau i pili a e hoike mai ina he kumu kekahi e ae ole ia ai ua noi la.
Kakauia ma Honolulu K H. P. A., Maraki 29, 1894. Na ka Aha:
GEO. LUCAS,
Kakauolelo.
2487-3
Hoolaha Hou.
AHA Hookolokolo Kaapuni Apana Ekahi o ko Hawaii Pae Aina. Ma ka hana o ka waiwai o L. N. KAUAI o Honolulu, Oahu i make kauoha ole.
Ma ka heluhelu a me ka waiho ana mai o Alfred W. Carter, ka Lunahooponopono o ka waiwai i oleloia e noi ana e haawila aku ona kauoha e kuai i kekahi aina o ka mea i make kauoha ole e waiho ana ma ka mokupuni o Molokai, oia na aina i kuhikuhi pono ia maloko o ka Palapala Sila Nui Helu 2711, Palapala Sila Nui 6299, a me elua mau apaua aina iloko o ka apana 27 Kuleana Hoona Aina 8559 B, onoa na eka he 59 oi aku a emi mai paha a e hoike ana i na kumu kupono e kuai ia ai ua waiwai paa la, oia ka hoopau ana i na aie.
Ke kauohaia nei ka poe a pau i pili i ua waiwai la, e hale mai imua o keia Aha ma ka POALIMA, la 27 o Aperila, A D. 1894, hora 10 a.m. ma ke Keena Hookolokolo o keia Aha ma Honolulu, a malaila, a ma ia wahi e hoike mai ai i ke kumu e ae ole ia ai ua noi la e kuai ia waiwai paa.
Kakauia ma Honolulu, K.H.P.A. Maraki 23, 1894.
Na ka Aha: GEO. LUCAS,
Kakauolelo Aha Hookolokolo K apuni Apana Ekahi.
2487-3
AHA HOOKOLOKOLO KAAPUNI APANA Ekahi o ko Hawaii Pae Aina Ma ka hooponopono waiwai @ ka hana o ka waiwai o Aniu i make.
Ma ka heluhelu a me ka waiho ia ana mai o ka palapala noi a me ka papa hoike helu a Yim Quon, Lunahooponopono o ka waiwa a Aniu nona kekahi inoa @ ae o Yim You, i make, o He@ia, Koolaupoko, Oahu, @ noi ana e apono ia na hoolilo he $2886.@9. a e hoike ana o na mea i loaa mai iaia he $264@.75, e nana a e apono ia kela mau mea, a e kauoha ia e mahele i na waiwai @ waiho ana iloko o kona mau lima i ka poe i kuleana, a e hookuu ia oia a me kona mau hope mai ko lakou noho lunahooponopono ana.
Ke kauoha ia nei, o ka POAKAHI, la 23 o Aperila, A. D. 1894, ma ka hora 10 A. M. ma ke Keena ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike helu, a o ka poe a pau i pili malaila e hele mai a e ho ike i ke kumu, ina he kumu io ko lakou e ae ole ia ai ua noi ia, a malaila e hoike mai ai i na hoike i ka poe i kuleana i ua waiwai la.
Kakauia ma Honolulu, i keia la 16 o Maraki, 1894 Na ka Aha:
GEO LUCAS,
Kakauolelo Aha Hookolokolo Kaapuni Apana Ekahi.
2486-3
@
UA MAKEMAKE IA
E LOAA ona Keena maloko o kekahi Home Hawaii maloko mai o ke kulanakauhale a kokoke paha ilai'a. O ka manao, o ka loaa o ka olelo Hawaii a me na ano o ka noho ana. Hoike mai i ka uku.
E ninau ma ka HALEPAI KUOKOA.
2487-3
Auhea na Pili a me na Hooilina o D. Kekiokalani.
MA KA LA 21 o Maraki ne@, ua make o Kekiokalani, he kamaaina no Molokai mai, a i noho loihi ma Kahana, Koolauloa, Oahu, a no ka pono o kona mau pili a me kona mau hooili na, ke paa ia nei kekahi mau waiwai o ua D Kekiokalani nei e waiho nei ma Kahana i oleloia, e ka mea nona ka inoa malalo. Nolaila, o ka poe a pau i pili ia waiwai, e hele @oke mai, a i ole e lilo no i ke aupuni.
F. PAHIA.
Hope Makai Nui o Koolauloa, Oahu.
2487-@
Hoolaha a ka Lunahooponopono Waiwai.
O KA MEA nona ka inoa malalo iho nei, ua hookohu pono ia mai e ka Mea Hanohano Jacob Hardy, ka Lunakanawai Kaapuni o ka Apana Hookolokolo Elima o ko Hawaii Pae Aina, i Lunahooponopono Waiwai no Kaui (k). o Haena, Apana o Hanalei, Mokupuni o Kauai, i make kauoha ole; nolaila, ke kauoha ia aku nei na poe a pau a ka mea i make i aie aku ai, a o ka poe hoi i aie mai i ka mea i make, e hele mai e kuka me a'u ma ko'u wahi noho ma @analei Kauai, maloko mai o na mahina eono mai keia la aku. Ina e hala ka manawa i oleloia me ka hele ole mai o ka poe i hoakaka ia maluna, alaila e hoole mau loa ia aku no lakou.
J. KAKINA,
Lunahooponopono Waiwai o Kaui (k) i make.
Hanalei, Kauai, Maraki 21, 1894.
2487-1
KUAI A KA HOPE MAKAI NUI
O KOOLAULOA, OAHU.
MAMULI o ka mana i loaa ia'u malalo o ka Palapala Ohi Waiwai i hoopukaia e ka Aha Apana o Koolauloa, Oahu, ma ka la 12 o Maraki, 1894, e kue ana ia Lukela Kaaimanu, mea hoopiiia, no ka pono o Naloloa, mea hoopii, no ka huina o $42.17, ua hoomaluia e a'u a e kuai ia aku ana ma ke kudala akea ma ke alo iho o ka Hale Hookolokolo o Koolauloa, ma Hauula. ma ka hora 12 awakea o ka POAONO la 28 o Aperila, M H 1894, i ka mea koho kiekie i na pono, na pomaikai a me na kuleana a pau loa o Lukela Kaaimanu i oleloia maloko o keia mau waiwai malalo nei, ke ole e ukuia mai ka olelo hooholo i oleloia, ka ukupanee, na koina a me ko'u mau lilo.
Na waiwai @ kuai ia aku ana:
1 kaa huila lua a me na ili kaa.
1 Lio (k) kauo kaa
8 Bipi.
3 Moe (Hedsteads).
F. PAHIA,
Hope Makai Nui o na Koolau, Oahu
2487-3
NA AUHAU I HOOKAA OLE
IA 1893,
Maui, Molokai, Lanai me Kahoolawe.
KEENA AUHAU, MAHELE 2
Maraki 21, 1894
I KULIKE ai me ka Pauku 61, Mokuna LXI, o na Kanawai o 1892, ke hoolaha aku nei au i ka Papa Inoa o ka Poe i hookaa ole i na Auhau a me ka poe Ku i ka Auhau e like me na Papa Inoa Auhau o keia Mahele, i huipuia mo na huina a me ua hoopai i koe.
O na auhau i uku ole ia iloko o hookahi mahina e ohi ia no ma ka hoopil.
APANA O HANA.
Paul@ - 10 eka, Maoa………………………………………...….……$1 60
Ahuna Pake…Pono hoolimalima me waiwai lewa………….………… 2 70
Kaihe Wahineaea - Waiwai lewa……………………………………… 1 60
J. Miki - 7 ap. P.S. 2309, 2790, 8258, 2625, 3276 1300, 3257, 1-8
eka, Honolulu-iki, Waiwai lewa…………………………...… 7 66
Mrs. K. Kahawaii - 1 Ap. Aina, P.S. 2090 3.12 eka Nahiku, 75-100
eka Nahiku a me Waiwai lewa……………………………...… 8 75
Mrs. Kalminaauao - 1 Ap. aina P.S. 4656………………………..…… 2 15
Mrs. Kamaka Papoko - 1 Ap. aina P.S. 2793…………………….……2 70
S. Kahananui - 4 Ap. aina P.S. 3281, 3276, 2811, 3223, hale me
waiwai lewa………………………………………………..… 18 10
P. N. Kahokuoluna - 2 1/4 eka Pookanaka………………………..… 1 05
S Alapai - Kuleana i ka P.S. 3223………………………………..… 3 03
Kaakumoka opio - Kuleana i ka P.S. 3223………………………...….. 3 03
Mrs. K. Kahoopii - 1 55-100 eka Wailua 1 ap. aina waiwai lewa i
Wailua……………………………………………………...……4 85
Aukukino - 1 ap. aina P.S. 3254……………………………………..….1 60
Mrs. Pilahi - 1 ap. aina P.S. 3280……………………………………..…1 60
Mrs. Kama Beniraaua - 1 Ap. aina P.S. 2801………………………...….1 10
John Nakula - 1 ap. aina P.S. 3260…………………………………...….1 60
@lemakule - 1 ap. aina P.S. 2793 me waiwai lewa………………………2 15
D. H Kahakanila &Co - waiwai lewa…………………………………….6 00
Awa - Pono hoolimalima hale me waiwai lewa………………….……….1 60
John Baker - 8-100 eka Waianu…………………………………….…….1 05
Mrs. Helani Asa - 4 ap. aina P.S. 3812, 3375, 4062, 3341, hale me
waiwai lewa……………………………………………………...11 06
Sam Kamakaono - 2 ap aina P.S. 3106, 3352…………………………… 6 44
J. P. Sylva &Co - halekuai me pono hoolimalima Keanae………..………1 60
D. Kalili - 1 ap. aina P.S. 3380…………………………………….……..1 60
Mrs. Makakehau - 1 ap. aina P.S. 2619…………………………….…….1 05
Ke hooia nei au, o ka papa inoa malaua ae e like me ka papa inoa auhau oia ka papa inoa oiaio ma ko'u ike a me ko'u manaolo. C. H. DICKEY,
Lunahelu Apana Auhau Eiua.
2487-1
Hoolaha hou.
Papa Inoa o ka Poe Ku i ka Auhau o ka Mokupuni o
Kauai i Hookaa Ole.
I KULIKE ai me ka Pauku 61 Mokuna LXI. o na Kanawai o 1892, ke hoolaha aku nei au malalo iho i ka Papa Inoa o ke Poe Ku i ka Auhau i hookaa ole, a me na Auhau a pau e waiho ana aohe i ukuia ma ka la 31 o Ianuari, 1894, no ka Apana Auhau Eha, na Mokupuni o Kauai a me Niihau.
"E pakuiia mai ka huina o kanalima keneta (50 keneta) ma kela a me keia auhau kaa ole i helu ia a i hoolahaia ma ke ano he mau koina."
APANA O KOLOA.
Kauila, na auhau me 10 pa-keneta 0 77
Kauila, na auhau me 10 pa-keneta 6 65
Kawailukini, na auhau me 10 pa keneta 5 60
Puni, J W, na auhau me 10 pa-keneta 2 76
Kauwahi, na auhau me 10 pa keneta 2 20
Kalewa, na auhau mo 10 pa-keneta 1 10
Kapolei, na auhau me 10 pa-keneta 1 10
Luanine, na auhau me 10 pa-keneta 10 00
Apau, na auhau me 10 pa-keneta 3 96
Nishimura, na auhau me 10 pa keneta 4 89
Kalaluhi, na auhau me 10 pa-keneta 3 35
APANA O LIHUE.
Jose Souza. na auhau me 10 pa-keneta $ 6 76
Kuaua, na auhau me 10 pa-keneta 66
APANA O HANALEI.
Mrs. Liliuokalani Dominia, na auhau me
10 pa keneta $132 00
Waiwai o ah Wana, na auhau me 10 pa-keneta 4 40
J. K. FARLEY,
Lunahelu Apana Auhau Eha, Mokupuni o Kauai
me Niihau.
2486-4
Ololo Hoolaha.
OIAI, na hookohu pono ia mai ka mea nona ka inoa malalo ino i Lunahooponopono me ka Palapala Kauoha i hoopili pu ia no ka waiwai o Naholowaa (w) o Manoa Honolulu, Oahu, i make, ke kauoha ia aku nei na kanaka a pau loa he mau koina ka lakou i ua waiwai nei, e waiho koke mai i ka lakou koi ia'u iloko o na malama eono mai keia la aku, a ke ole e hanaia pela, e hoole mau loa ia aku no; a o na poe a pau i aie i ua waiwai nei, ke kauohaia aku nei e hookaa koke mai SAM'L K AKI,
Lunahooponopono me ka Palapala Kauoha i hoopili pu ia no ka waiwai o
Naholowaa (w) i make.
Honolulu, Maraki 26, 1894
2487-4
Kuai Ai ia Moraki ma Hilo, Hawaii
E KUAI ia ana ka aina me ka hale, i moraki ia e Hana Makaena ia J. A. Scott a ua hoopanee ia ke kudala ana ma ka la 6 o keia mahina ahiki i ka ia 27 o kela mahina o Maraki, 1894. Nolai a, e kudala ia ana kela aina a me na hale ma kela LA 27 o MARAKI, 1894, ma ka hora 12 o ia la, ma ka Hale Hookolokolo ma Hilo.
J. A. SCOTT,
Ma o D. H. HITCHCOCK la, kona loio.
Hilo, Maraki 10 1894.
2486-1
Hoolaha Hoohui.
KE HOOLAHA ia aku nei ka lohe i na mea a pau, ua hoohui aenei na mea nona na inoa malalo iho ma kekahi hui ma ka lawelawe ana i ka hana kuai mea ai pake malalo o ka inoa huilo CHONG KEE & COMPANY, ma Honolulu, mokupuni o Oahu.
LOW PAN LUM, Honolulu Oahu.
MAN LEE CHAN, Hong Kong, China.
Ma o Lau You, kona hope
Kakauia ma Honolulu, K. H. P. A., Maraki, 1894,
2486-2
Hoolaha Hoopau Hui,
KE HOOLAHA ia aku nei ka lohe i na mea a pau, o ka hui i ku iho nei mawaena o na mea nona na inoa malalo iho i lawelawe ai ma ka oihana Hanai Pipi ma Moanalua a me Maunalua, ma ka mokupuni o Oahu, ko Hawaii Pae Aina, malalo o ka inoa MAUNALUA RANCH COMPANY, ua hoopauia ma ka aelike ana, mai Maraki 1, 1894 mai A ke hoolaha hou ia aku nei. e hoomauia aku ana ka hana ma ka inoa o SAMUEL M. DAMON, ma kona helu ponoi iho, a nana o uku a lawe i na aie a pau o ua hui la o Maunalua Ranch Company, a e ohi aku i na aie mai a pau i ka hui a me na waiwai i pili i ua hui la
Kakauia Maraki 1, 1894.
GEORGE J. CAMPBELL,
S. M. DAMON.
2486 2
Hoolaha a ka Lunahooponopono Waiwai.
OIAI, ua hookohu pono ia mai ka mea nona ka inoa malalo iho i Lunahooponopono no ka waiwai o D. H. Nahinu, i make, o Hookena, nolaila, ke hoolaha ia aku nei ka lohe i na poe a pau a ka mea i make i ai@ aku ai, e waiho koke mai i ka lakou mau koina a pau me na hoolalo kupono i ka mea nona ka inoa malalo iho maloko mai o na malama eono mai keia la aku, a i ole ia e hoole mau loa ia aku no; a o ka poe a pau e noho aie nei i ua mea la i make e hookaa koke mai i ka mea nona ka inoa malalo iho ma ke keena hana o H. Hackfeld & Co. ma Honolulu.
C. BOSSE.
Lunahooponopono o ka waiwai o D. H. Nahinu i make.
Honolulu, Mar. 21, 1894.
2486 4
Kuai a ka Ilamuku.
MAMULI o ka mana i loaa ia'u malalo o kekahi Palapala Ohi Waiwai i hoopukaia e ka Aha Kaapuni, Apana Hookolokolo Ekahi o ko Hawaii Pae @ina ma ka la 9 o Maraki, 1894 e kue ana ia N HOOKANO, D K KAHUAKAI, D. KEKAULIKE a me KEA@ON @ ka poe hoopilia, no ka pomaikai o Margaret Campbell ma, ka poe hoopii, no ka huina o $540. O, ua hoomal@ia e a'u a e kuai aku ana hoi ma ke kudala mamua iho o Kalakaua Hale, ma ka Apana o Honolulu Oahu, ma ka hora 12 o ka POAKOLU, LA 16 o APERILA, 1894, i ka mea koho kiekie, i na pono a pau, na kuleana, a me na mahele a pau o na poe hoopiiia maloko o keia mau waiwai malalo iho, ke ole e uku e ia mai ka olelo hooholo i halia ae la, ka ukupanee, na koina a me na lilo.
WAIWAI NO KE KUDALA:
KO D. W. KAHUAKAI,
1 - Ka hoolimalima o kela pa hale ma Kamanuwai, kokoke i ke kihi o ke alanui Nuuanu a me Beritania, i lilo mai hoi ia D W. Kahuakai malalo o ka palapala i hanaia wamaena o C R. Bishop a me D. W. Kahuakai ma ka la 1 o Ianuari, 1888; a me na kuleana a pau i hoakakaia malaila.
2 - Na kuleana a pau o D. W. Kahuakai iloko o kela apana aina e waiho la ma Kauluwela, a i hoakakaia ma ka P. S. 5585, P. K. 2030 ia Kamoa no; olani nona ka ili he 6800 kapuai kuea, a i lilo mai ai hoi ia D. W. Kahuakai a me R. S Kapua malalo o kekahi palapala kuai i hanaia a Liliuokalani a me J. O. Dominis ma ka la 6 o Nov 1888 a i hoopaaia ma ka buke 111, aoao 2089, e paa nei hoi malalo o ka moraki i hanaia ma ka la 29 o Iulai, 1891, no $600 ia S C. Allen, i kakauia hoi ma ka buke 132, aoao 250.
3 - I mahele @ iloko o kela apana aina ma Puupepa, Kohala, Hawaii, nona ka ili he 19 eka a me 750 anana kuea, i hoakakaia ma ka P. S. 7267, P. K. 8088, ia Homanoloaana, i hooliloia mai hoi ia D W. Kahuakai e Keamohuli malalo o ka palapala kuai i hanaia ma ka la 3 o Mei, 1886, a i hoopaaia ma ka buke 102, aoao 5 me 6.
4 - Kela apana aina e waiho la ma Hoaeae, Ewa Oahu, i hoakakaia, ma ka P. S 788, P. K. 899 ia Kahooweliweli, a i hooliloia mai hoi ia D. W. Kahuakai e Kapoi, ke kaikaina a me ka hooilina o Kahooweliweli, ma ka palapala kuai i hanaia ma ka la 18 o Mei, 1875, a i hoopaaia ma ka buke 42, aoao 257 8, 1 eka a me 453 kaulahao kuea, e paa nei hoi i ka moraki i hanaia ma ka la 26 o Nov., 1887, a i hoopaaia ma ka buke 108, aoao @66-7, no $225 ia A. Campbell, a ua lilo mai hoi keia moraki ia Margaret Campbell ma, ma ka la 5 o Nov., 1889, mamuli o ka palapala hoolilo i hanaia ma ia la e A. J. Campbell, ka Luna Hooponopono o ka waiwai o A. Campbell. Ua hoopaaia keia palapala ma ka buke 118, aoao 459, 460, a me 461.
KO NAKEU HOOKANO.
5 - Kela apana aina ma Kaaimano a me Manua, Kapalama, i hoakakaia ma ka P. K. 2319 ia…………….nona ka ili he 69 kapuai kuea. He mau lio kekahi.
KO D. KEKAULIKE.
6 - Kela mau pana aina e waiho la ma Moanalua i hoakakaia ma ka P. S. 3505, P. K. 1059, ia Kekaha, i hooliloia mai hoi ia Kekaulike ma ka palapala kuai i hanaia ma ka la 10 o Feberuari, 1879, i kakauia ma ka buke 58, aoao 120-1. Ke paaia nei ka apana 2 malalo o ka hoolimalima i hanaia me Henry Holmems no 10 makahiki, ua pau ka uku hoolimalima i ka ukuia. Ua moraki ia keia mau apana aina ia Chun Afong no $350 i ka la 22 o Feberuari, 1893, i kakauia ma ka buke 139, aoao 361, 362 me 363.
KO KEAHONA.
7 - Upena lawaia ma Ewa, Halawa-uka. He mau waiwai e ae no koe aole i loaa.
Kuike ke kuai ana. Dala Gula (U S. Gold).
No na mea i koe e ninau ia J. M. MONSARRAT, a i ole i ka Hope Ilamuku.
A. M. BROWN,
HOPE ILAMUKU.
Honolulu, Maraki 16, 1894.
2486-4
Hoolaha Hou.
He Ai Hooulu Oi Loa
E Haawi i na Keiki Ai Waiu
A ME NA POE OMAIMAI No ka hooulu Kamaili
Ka Hoopohaia mai ana
Na Mai Ake Pau
Na Opu Aiwali olo.
MELLIN'S
a me na elemakule iloaa i na
Nawaliwali.
FOR AND
INFANTS INVALIDS HE
TRADE MARK.
FOOD AI MAIKAI LOA,
I ka Mea Ai. No na Pokii Hanai Lima ia.
BENSON, SMITH & CO.
Na Agena wa e no ma ko Hawaii Pae Aina.
HE MAU AINA NO KE KUAI.
I KULIKE ai me ka mana o kekahi Kauoha i hoopukaia e ka Aha ma o ka Lunakanawai Kiekie Hon A F Judd, ma ka hihia a Willaim Watson a me kekahi poe e ae kue ia David Watson, nolaila e kuai ia aku ana ma ke kudala akea ma ka rumi kudala o James F. Morgan ma ka
POAKAHI, MARAKI 19, 1894,
Hora 12 awakea.
O kela mau apana aina a pau e waiho la ma Kaneohe, Koolaupoko, Oahu, a i hoakaka pono ia e like me keia: Apana 1, 3 80-100 eka; apana 2, 4 21 eka; apana 3, 37.96 eka; apana 4, 7 8@ eka O keia mau apana a pau, he mau hapa no ka Palapala Sila Nui Helu 174 ia Paulo F Manini Apana 5, 20 eka; apana 6 20 eka; apana 7, 20 eka; apana 8, 54 50 eka; apana 9, 54.50 eka. O ke a mau apana aina a pau ua hooliloia aku e Kamehameha IV ia David Watson ma o kekahi palapala i hanaia Dekemaba 29, 1862 a i kopeia, Buke 16 aoao 127 me 128. Maikai ke Kuleana. Na ka mea kuai mai na lilo hana palapala.
No na mea i koe e ninau ia William C. Achi, Loio no ke Komisina, a i ole ia
S. M. KAAUKAI,
Komisina.
Ua Hoopaneeia ke Kudala a ma ka la 28 o Aperila.
Honolulu, Feberuari 23, 1894.
2483-3
Hoolaha Hooko o ka Moraki a me ke Kuai.
KE hoolaha ia aku nei ka lohe , i kulike ai me ka mana o ke kuai i hookomo ia iloko o kekahi moraki i hana ia ma ka la 20 o Maraki, A. D. 1888, e KAPIA (k) o Honolulu, Oahu, ia J. M. Monsarrat o ua Honolulu la, Kahu, kope ia ma ke Keena Kakau Kope o ke Aupuni Buke 110 a ma na aoao 135, 136 a me 137, a i hoolilo ia aku e J. M. Monsarrat, Kahu, ia Henri G. McGrew ma ka la 5 o Novemaba A.D. 1890, a oia hoolilo ia ana ua kope ia iloko o, ke Keena Kakau Kope Buke 129 aoao 47, a no ka uhaki ia o ka aelike, oia ka hookaa ole ia o ke kumupaa a me ka ukupanee, nolaila ke makemake nei ka mea e paa nei i ka moraki e hooko aku.
Ke hoolaha hou ia aku nei, o kela aina a me na waiwai a pau i kuhikuhi ia maloko o ua moraki la, e kuai ia aku ana ma ke kudala akea moraki la, e kuai ia aku ana ma ke kudala akea ma ka Hale Kudala o James F. Morgan ma ka POAONO, APERILA 14 A.D. 1894, hora 12 awakea.
O ka waiwai e kuai ia aku ana, oia kela malalo ino penei:
O ka hapakolu i mahele ole ia o kela mau apana aina elua e waiho la ma Kumuhane a me Puea iloko o Kalaepohaku Palama mokupuni o Oahu, nona ka ili he 3 mau eka 3 34-100 kaulahao kuea, a oia na aina iloko o ka Palapala Sila Nui Helu 2,521 Kuelana Hoona Aina Helu 2,268 i hoopuka ia no Kupahu. O ua mau aina la ua paa malalo o ka hoolimalima.
Ma ke dala gula o Amerika Huipuia e hookaa ai. @a uku hana palapala i ka mea e lilo ai.
No na mea i koe, e ninau ia Carter & Carter, Kakauia ma Honolulu, Maraki 10, 1894.
CHARLES L. CARTER,
Kahu Malama o H. G. McGrew.
2485-4
He mau Aina Waiwai nui no ke Kudala.
UA loaa mai ia'u na hoonaauao ana mai a Cecil Brown Esq. mai, Kahu, e kuai aku ma ke kudala akea ma ka POAONO, MARAKI 30, 1894, ma kuu Hale Kudala i na waiwai i kuhikuhi ia malalo iho:
MA KA MOKUPUNI O OAHU.
1. - O kela aina a pau e waiho la ma Maiau, Ewa, Mokupuni o Oahu a i kuhikuhi pono ia maloko o ka Palapala Sila Nui Helu 168 Kuleana Hoona Aina Helu 9,344 nona ka ili he 1 eka a me 8 44-100 mau kaulahao, a oia aina hookahi kai hoolilo ia mai ia Isaac D Iaea ma ke kuai i kope ia ma ka Buke 142 aoao 483.
2. - O kela apana aina e waiho la ma Kaiihi, Oahu, i olelo mua ia, a i kuhikuhi pono ia ma ka palapala hoolilo a J D Holt Jr. ia Isaac D Iaea i kakau ia i Ianuari 28, 1894, a i kope ia ma ka Buke -----aoao--------.
3. - O na pono a pau, na kuleana a me na pomaikai o ua Isaac D Iaea la iloko o kela apana aina ma A anui Kamika ma Honolulu, i hoolilo ia mai e Kahalehoe a me kekahi poe e ae ma ka palapa a, a i kope ia m ka Buke 127 aoao 214.
4 - O kela aina e waiho la ma K@ana Apana o Koolauloa, Oahu, a i kuhikuhi ia iloko o ka Palapala Sila Nui Helu 6,247 Kuleana Hoona Aina Helu 4,329, i hoolilo ia mai i ua Isaac D Iaea nei ma ka palapala e Kuapuu a me Kahinaaukea, a i kope ia ma ka Buke 127 aoao 79.
5 - O kela aina a pau o waiho la ma Kahuku, Koolauloa, Oahu, a i kuhikuhi pono ia iloko o ka Palapala 81 a Nui Helu 341 Ku eana Hoona Aina Helu 4428, i hoolilo ia mai i ua isaac D Iaea nei ma ka palapala @ Moses Puamana i kakau ia @uiai 30, 1890, a me Keliaipale ma ka la 5 o Iulai 1890, a i kope ia ma ka Buke ------aoao---------.
6, - O kela apana aina a pau @ waiho la ma Kaupakulua, Makawao, Mokupuni o Maui, i kuhikuhi pono ia ma ka palapala hoolilo a J. Kaahiki, a i kope ia ma ka buke 127 aoao 417.
7 - A me na pono, na pomaikai a me ke kuleana o Keahi ka wahine a Isaac D Iaea loko okekahi mau apana aina @ waiho la ma ka kapana o makawao ma ka Mokupuni o Maui, a i kuhikuhi pono ia iloko o ka palapala aila nui helu 3039 ia Kekaha, nona ka ili he 309 mau eka palapala aiia nui helu 1213 la Haole, nona ka ili he 22 96 100 mau eka a me ka palapala sila nui helu 1838 ia David Maddox, nona ka ili he 108 9-100 mau eka O keia mau aina a pau maluna ae oia na waiwai i hoolilo ia aku ia Cicil Brown e Isaac D Iaea a me kana wahine ma ka Palapala i kakauia i Ianuari 24, 1894, a i kopeia ma ka buke 146 a ma na aoao 71 72.
JAS F MORGAN
Luna Kudala
2485-2
Hoolaha Kkuai a ke Kahu Malama
I KULIKE ai me ke kauoha i hoopukaia no ke kuai no ua pomaikai o ANA a me ALVINA, he mau keiki oo ole, iloko o kekahi waiwai paa ma Kohala, Hawaii, i hookomola iloko o ka Aha Hookoloko o Kaapuni o ka Apana Ekoiu ma ka hooponopono waiwai, e kuai aku ana ka mea nona ka inoa malalo iho ma ke kudala akea, ma ka hale kudala o James F Morgan ma Honolulu ma ka Poaono ia 7 o Aperila, 1894, hora 12 awakea o ia la, ia elima hapa umikumamalua kuleana i mahele ole ia o ua Ana a me na Alvina ia iloko o na waiwai i kuhikuhiia malalo iho:
1. Palapala Sila Nui Helu 514 ia Kuluehu, he 28 1/3 mau eka ma Ainakea, Kohala.
2. Palapala Sila Nui Helu 1548 ia Mahina, he 15 85-100 mau eka, ma Kapaau Kohala.
3. Palapala Sila Nui Helu 4908 Kuleana Hoona Aina Helu 9782 ia Helunanui nona paha ka 7 eka,
O kela mau aina i oleloia ae la ua pili kekahi i kekahi, a o ke kuleana o na keiki oo ole e kuai aku ana me ka paa no i ka hoolimalima ia malalo o ka @ui Mahiko o Kohala no ka $5. o ka eka a he 14 mau @akahiki i koe o ka hoolimalima
Kakauia ma Honolulu, Maraki 14, 1894.
HAN SAM,
Kahu Malama.
2485 4
Kuai a ka Hope Makai Nui o Kona Akau, Hawaii.
MAMULI o ka mana i loaa ia'u malalo o kekahi palapala ohi waiwai i hoopuka ia e ka Aha Apana o Kona Akau, Hawaii, ma ka ia 17 o Feberuari, 1894, e kue ana ia Chas. Kaiaiki ka mea hoopii ia no ka pomaikai o Fukuda (k) he Iapana ka mea hoopii no ka huina o $76.
Ua hoomalu ia e a'u a e kuai aku ana hoi ma ke kudala akea ma ke alo iho o ka Hale Hookolokolo ma Kailua, Kona Akau, Hawaii, ma ka hora 12 awakea o ka POALIMA, APERILA 6, 1894, i ka mea koho kiekie i na pono a me na pomaikai a pau loa e pili ana i ke kuleana hoolimalima o Chas. Kaiaiki ka mea hoopii la Hoko o ka Hui Hoolimalima Aina o Kahaluu, Keauhou 1 me 2 ma Kona Akau, Hawaii, a me na holoholona i hoike ia malalo nei:
1 Lio w ulaola hao ano e uha hope akau mua
1 " keiki " " " " "
1 " " " " " " "
1 bipi w me keiki " " " "
1 ekake w keokkeo " " " "
1 " " hao kuni P " " "
Ke ole e uku ia mai ka olelo hooholo i hai ia ae la, ka ukupanee, me na koina o ka aha, a me na lilo a pau o ka ohiana
J K NAHALE,
Hope Makai Nui o N Kona, Hawaii.
Hanaia ma Kahaluu, N Kona, Hawaii, Mariki 7 M.H. 1894
24@5-4
Hoolaha Hooko o ka Moraki a me ke Kuai.
KE HOOLAHA IA AKU NEI KA LOHE I kulike ai me ka mana o ke kuai i hookomo ia iloko o kekahi moraki i hanaia nia ka la 14 o Mei, A D 1890 e KUKANA POAIMOKU a me KOPA kana kane a me S W KALAAUULA o lahaina, Mokupuni o Maui, ia James M. Monsarrat o Honolulu Mokupuni o Oahu, Kahu, kope ia iloko o ke Keena Kakau Kope, Buke 126 ma na aoao 64, 65 a me 66, ke makemake nei na James M. Monsarrat la. Kahu i olelo mua ia, mea e paa nei i ka Moraki e hooko i ua moraki la, no ke kumu ka uhaki ia o ka aelike, oia ka hookaa ole ia o ke kumupaa a m@ ka ukupanee i ka wa o hookaa ai.
Ke hoolaha hou ia aku nei ka lohe, o kela mau apana aina a pau, na pono hoaaina a me na pilikana iloko o ua moraki la i kuhikuhi ia e kuai ia aku no ma ke kudala akea ma ka hale kudala o James F Morgan, ma Alanui Moiwahine Honolulu, ke hiki aku i ka POAK HI, la 2 o APERILA, M.H. 1894, ma ka hora 12 awakea o ia la.
Penei ke kuhikuhi ana o ka aina i paa maloko o ua moraki la:
1 - O kela mau apana aina elua e waiho la ma Pulani a me Nuimalu, Kaupo, ma ua mokupuni la o Maui, a nona ka ili he 63.41 mau eka, a oia na aina i kuhikuhi ia iloko o ka Palapala Sila Nui Helu 2,183 ia Kekahuna ka makuakane o ua Kukana Poaimoku la a me S. W. Kalaau ula.
2. O kela apana aina e waiho la ma Nuimalu la nona ka ili he 7.88 mau eka, a oia ka aina i kuhikuhi ia iloko o ka Palapala Sila Nui Helu 2628 Kuleana Hoona Aina Helu 6778 ia Kawahaokaia kupunakane o ua Kukana Poaimoku la a me S. W. Kalaauula.
E hookoe ana a hookaawale ae mailoko mai o ia mau aina i na hapa i kuai ia aku ia K. Kaiaiki e ua Kalaauula la a me kana wahine ma ka palapala hoolilo i hana ia ma Dekemaba 24, 1883, kope ia ma ka Buke 86 aoao 188, nona ka ili he 23.77 mau eka. a ia S Kaiaiki e ua Kukana Poaimoku ia a me Kopa ma ka palapala kuai i hana ia ma Maraki 18, 1884, kope ia ma ka Buke 85 aoao 397. He 3.94 mau eka iloko o ke Kuleana Hoona Aina Helu 6,773 a me 1 1/2 mau eka iloko o ka Palapala Sila Nui Helu 2183.
JAMES M. MONSARRA, KAHU,
Mea e paa nei i ka Moraki.
Kuike ke dala. Na uku hana palapala i ka mea e lilo ai. No na mea i koe, e uluau i ka mea e paa nei i ka moraki.
Honolulu, Mar. 6, 1891. 2484-1
Hoolaha Hooko Moraki
MAMULI o kekahi mana kuai i heikeia maloko o kekahi Palapala moraki i hanaia mawaena o D H NAHINU o S kona, Hawaii, o ka @ aoao mua, a me J@o O Dominis o ka aoao elua, ma ka la 22 o Iulai, 1891, i kakau kopeia ma ka buke --, aoao --, a i hoolilo ponoia ia Lau Chong, a mamuli o ka uhaiia ana o na kumu aelike o kela moraki, oia noi ka uku ole ia o ka ukupanee a me ke kumupaa, nola la, ke hoolahaia aku nei e ka mea nona ka aoao elua o ua moraki nei, e hooko an a oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, hoola haia aku na aina i hoikeia ma ia moraki no ke kudala ana, ma ke keena kudala o Jas F Morgan, ma Honolulu, ma ka la 9 o Aperila, 1894, hora 12, o ia ia
No na mea i koe, e ninau ia W C Achi, Loio ma ke Kanawai.
Hanaia i keia la 12 o Moraki, 1894.
LAU CHONG,
Hope o ka Mea Moraki M@i.
Penei na aina i moraki ia:
1 - O keia mau aina ma Hookona, S Kona, Hawaii, a i hoakakaia na palena ma ka Palapala Sila Nui 6637 a kuleana 10295 ma ka inoa o Mikakai, he 4 4-100 eka, ua komo pu hoi me na hale, a i ikeia hoi o ka home o D H Nahinu.
2 - O kela aina i hoakakaia na palena ma ka Palapala Sila Nui helu 1468 @ia ka inoa o Henry Clarke, a ma ia aina he 49 eka ma Kauhako, 8 Kona, Hawaii.
3 - O kela aina i hoakakaia na palena ma ka palapala sila nui helu 1454 ma ka inoa o William Johnson, a ma ia aina he 237 eka ma Kauhako, S Kona, Hawaii
2485-@
Ua hoopanee ia keia kuai maluna ae a ka
POAKAHI, Aperila 16, 1894,
PAPA ! PAPA
AIA MA KAHI O
Lewers & Cooke
(LUI MA)
Ma ke kanua hema o Alanui Papo
me Moi,
E LOAA NO@ NA
PAPA NOUAIKI
O kela a me keia ano.
Na Pani Puka, na Puka Aniani,
na Olepelepe, na Pou, na O'a,
na Papa Hele, na Papu Ku,
me na Papa Moe he nui loa
@ PILI HALE O NA ANO O PAU
A me na
WAI HOOHINUHINU NANI
O na ano a pau loa.
Na Balaki o na Ano he Nui Wa
Ke hai ia aku nei oukou e na makamaka a pau, ua makaukau keia mau makamaka o oukou @ hoolawa aku ina na mea a pau @ pili ana ma ka laua oihana no ka
Uku Haahaa Loa,
like me ka mea e holo ana mawae@
o Laua a me ka Mea Kuai.
Hele Mai e Wae no Oukou iho,
2896-q