Ka Nupepa Kuokoa, Volume XXXIII, Number 12, 24 March 1894 — Page 2
| This text was transcribed by: | Jean Howard |
| This work is dedicated to: | Cari Iwasaki |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
KUKALA KOHO BALOTA
OIHANA KALAIAINA,
Honolulu, Maraki 19, 1891
I kulike ai me na hooko ana o ka Pauku 2 o ke Kanawai 69 o ke Aupuni Kuikawa o ko Hawaii Pae Aina, oia ke Kanawai i kapaia, “He Kanawai e Hoomaopopo ai no kekahi Aha Hana Kumukanawai,” nolaila, ke hoolaha ia aku nei, e malama ia ana he Koho Balota no na Elele i ka Aha Hana Kumukanawai a puni ka Pae Aina, mawaena o na hora 8 a.m. a me 5 p.m., o ka Poakolu. La 2 oMei, 1894.
O na Apana Kobo, na Mahele, na Wahi Koho a me na Luna Nana Koho Balota, eia lakou malalo iho:
NO KA MOKUPUNI O HAWAII
APANA EKAHI – HILO HEMA.
Oia o Puna a me kela wahi o Hilo a pau ma ka hema a waenakonu o ke Awawa o Pukihae.
Mahele Ekahi O kela hapa o Puna e moe ana mai Kau a hiki a komo pu me Kebena. Wahi koho: Halekula ma Kalapana.
Na Luna Nana J.M. Kauwila, luna@@@malu:
J. Kahoomana
Rufus A. Lyman, Jr.
Mabele elua—O kela hapa o Puna e moe ana mai Kehena a hiki i ka palena o Hilo, koe o Kenau a me Olaa. Wahi koho: Hale Hookolokolo ma Pohoiki.
Na Luna Nana J.E. Eldart, luna!! @@@alu:
Robt. Rycroft,
J.W. Mason
Mahele ekolu—O na aina o Keaau a me Olaa ma Puna, a me kela hapa o Hilo e moe ana mai ka palena o Puna a hiki iwa@@@konu o ke awawa o Pukihae. Wahi koho: Hale Hookolokolo ma Hilo.
Na Luna Nana F.S. Lyman, luna@@@malu:
A.W. Richardson
Chas. Notley, Jr.
APANA ELUA – HILO WAENA
Oia kela hapa o Hilo e moe ana mai ke Awawa o Pukihae ahiki i waenakonu o ke Awawa o Hakalau.
Mahele ekahi—Oia kela wahi e moo ana m@@ ke Awawa o Pukihae ahiki i waonakona o ke Awawa o Honolii. Wahi koho: Halekula ma Haaheo.
Na Luna Nana. J.A. Scott. Lunahoomalu:
J.R. Wilson
Geo. Chalmers
Mahele elua—Oia kela wahi e moe ana mai ke Awawa o Honolii ahiki a me ke komo pu o Kawainui. Wahi koho: Halekula ma Papaikou.
Na Luna Nana...W.W. Goodale, lunahoomalu:
Geo. Weight.
D. Kamai
Mahele ekolu—Oia mai Kawainui aku ahiki a komo pu o Hakalau. Wahi koho: Halekula ma Honomu.
Na Luna Nana. – Henry Deacon, lunahoomalu:
H.V. Patten
J.K. Dillon
APANA EKOLU – HILO AKAU
Oia kela hapa o Hilo a me Hamakua, mai ke awawa o Hakalau a hiki iwaenakonu o ke awawa o Kalapahapuu ma Hamakua (maweena o Kukaiau a me Kainehe) e komo pu ana o Kukaiau a pau.
Mahele Ekahi – Mai ke awawa o Hakalan a hiki ma ka aoao Hamakua o ke awawa o Laupahoehoe. Wahi koho: Hale hookolokolo ma Laupahoehoe.
Na Luna Nana – E W Barnard. lunahoomalu:
L.S. Thompson
G.W. Kaihenui.
Mahele Elua—Mai ke awawa o Laupahoehoe a hiki i ke awawa o Kalapahapuu Wahi koho: Halepule ma Kaala.
Na Luna Nana – W.G. Walker, lunahoomalu:
Robt. Ivers
R. Horner
APANA EHA HAMAKUA
Oia kela hapu i koe Hamakua a me Kohala-hema.
Mahele Ekahi-Mai ke awawa o Kalapahapuu a hiki i ke awawa o Kuaikahia. Wahi Koho: Hale Hookolokolo ma Honokae.
Na Luna Nana—James Renton, lunahoomalu:
R.W. Podimore,
M.V. Holmes
Mahele Elua – Mai ke awawa o Kuaikahia a hiki i ka palena o Kohala. Wahi koho: Halekula ma Kukuihaele.
Na Luna Nana – Wm. Horner, lunahoomalu:
Chas. Williams,
Rev. S. Kaili
Mahele Ekolu—Ka apana o Kohala hema. Wahi koho: Hale Hookolokolo ma Wiamea.
Na Luna Nana – W.S. Vredenberg. Lunahoomalu:
S.H. Mahuka
Lanakila
APANA ELIMA – KOHALA
Oia o Kohala Akau Wahi koho: Hale Hookolokolo ma Kohala.
Na Luna Nana –H.L. Holetein. Lunahoomalu:
Geo. F. Renton
D.S. Kahookano
APANA EONO – KONA
Oia o Kona Akau a me Hema.
Mahele Ekahi – Mai ka palena o Kohala Hema ahiki a me ke komo pu me ka aina o Kealakehe. Wahi koho: Halekula ma alaoa.
Na Luna Nana – W.E. Scott, lunahoomalu:
Sam Haanio
J.K. Nakale.
Mahele Elua – Mai Kealakehe ahiki a me ke komo pu me Kapalaalaea. Wahi koho: Halepule ma Holualoa.
Na Luna Nana – W.J. Wright, lunahoomalu:
Thos. Aiu
Thos N. Haao
Mahele Ekolu – Mai Kapalaalaea ma Kona Akau ahiki a me ke komo pu o Keei ma Kona Hema. Wahi koho: Halekula Aupuni ma Popopiia, Kona. Waena.
Na Luna Nana – Thos. H. Wright, lunahoomalu;
H. Haili,
D. Namanuu
Mahele Eha – Mai Keei ahiki a mo ke komo pu o Hookena. Wahi koho: Hale Hookolokolo ma Hookena.
Na Luna Nana – T.K.R. Amalu, lunahoomalu:
S.M. Kekoa
Rev. G.W. Waiau
Mahele Elima – Mai Honolua ahiki i ka palena o Kau. Wahi koho: Halepule ma Papa.
Na Luna Nana – J. W. Kuaimoku, lunahoomalu:
J.W. Maele,
K.M. Moses Hu.
APANA EHIKU –KAU
Oia o Kau a pau.
Mahele Ekahi –Oia mai ka palena mai o puna ahiki a me ke komo pu ka aina o Ninole. Wahi koho: Halekula ma Pahala.
Na Luna Nana – W.P. Fennell, lunahoomalu:
W.D. Thompson,
J.N. Kapahu
Mahele Elua – Oia ke koena aku o ka Apana o Kau. Wahi koho: Hale Hookolokolo ma Waiohinu.
Na Luna Nana – J.H. Waipuilanik, lunahoomalu:
W.J. Yates
Rev. J. Kauhane
NA MOKUPUNI O MAUI, MOLOKAI, LANAI A ME KAHOOLAWE
APANA EKAHI - MOLOKAI
Oia ka Mokupuni o Molokai.
Mahele ekahi—O kela hapa o Molokai oia o Kalawao a me Kalaupapa. Wahi koho: Helekuai ma Kalaupapa.
Na Luna Nana – Wm. Notley, lunahoomalu;
Thos. K. Nathaniel,
Jno. H. Babcock.
Mahele elua – O ke koena aku o ka Mokupuni o Molokai. Wahi koho: Hale Hookolokolo ma Pukoo.
Na Luna Nana – H.R. Hitchcock, lunahoomalu;
W.A. Kukamana,
Henry Pelua.
APANA ELUA – LAHAINA.
Mahele okahi – Ka Apana o Lahaina. Wahi koho: Hale Hookolokolo ma Lahaina.
Na Luna Nana – Henry Dickinson, lunahoomalu;
D. Kahaulelio,
L.M. Baldwin.
Mahele elua – Ka Apana o Kaanapali. Wahi koho: Halekula ma Honokohau.
Na Luna Nana – R.C. Searle, lunahoomalu;
Hoewaa,
D.H. Kaialiilii.
Mahele ekolu – Mokupuni o Lanai. Wahi koho: Hale ma Maunalei.
Na Luna Nana – S. Kahoohalahala, lunahoomalu;
Palanina,
Kahikiwawe.
APANA EKOLU – WAILUKU AKAU.
Oia kela hapa o Wailuku e waiho ana ma ka akau o ke alanui mai ke awawa mai o Iao (ma ka aoao hema o ke kahawai) a hiki i na puu one; alaila, ma ke kualapa ae o na puu one a hiki i ka nuku o ke muliwai o Wailuku. Wahi koho: Hale Holohau.
Na Luna Nana—Jno. W. Kalua, lunahoomalu;
Geo. Hons,
S.E. Kaleikau.
APANA EHA – WAILUKU HEMA.
Oia kela hapa o ka Apana o Wailuku e waiho ana ma ka hema o ka Apana o Wailuku Akau, a e hookomo pu ana i ka Mokupuni o Kahoolawe a me Honuaula.
Mahele Ekahi—O kela hapa o na Apana la e moo ana mawaena o na Puu. One a me ka mauna a me ka mokupuni pu o Kahoolawe. Wahi koho: Hale Hookolokolo ma Wailuku.
Na Luna Nana – J.S. Dumas, lunahoomalu;
Manuel C. Ross,
D.L. Meyer
Mahele elua – Ka hapa i koe o Wailuku Hema. Wahi koho: Hale Dute ma Kahului.
Na Luna Nana – E.H. Bailey, lunahoomalu.
F.L. Stoltz,
Samuel Maikai.
Mahele ekolu—Ka Apana o Honuaula. Wahi koho: Hale Hookolokolo ma Honuaula.
Na Luna Nana – L. W. Zumwalt, lunahoomalu.
M. Kealoha,
Aukai.
Apana elima – Makawao.
O kela hapa e waiho ana ma ke komohana a me ku hema o ke Awawa o Oopuola a me Huelo a me ke komo pu o ka Apana o Kula.
Mahele ekahi – O kela hapa o ka Apana i oleloia a i ikeia o Kula, a me kela hapa o ka aina o Hamakuapoko e moe la ma ka hema a me ke komohana o ke Awawa o Maliko a mauka o ka laina e holo ana mawaena o ke alanui e moe ana mai Kaluanui a i ka Halepaahao o Makawao, alaila ma ka laina eholo ana mailaila aku. Wahi koho: Hale Hookolokolo ma Makawao.
Na Luna Nana – F.W. Hardy, lunahoomalu.
Jophn Kalama,
Chas. Copp.
Mahele elua –O ke koena aku o ka Apana o Makawao a hiki i ke awawa o Oopuloa. Wahi koho: Halekula ma Hamakuapoko.
Na Luna Nana – C.H. Dickey, lunahoomalu.
H. Laws,
E. Helekunihi.
APANA EONO – HANA.
Oia ke koena aku o ka Mokupuni o Maui.
Mahele ekahi – Kahikinui, Kaupo a me Kipahulu. Wahi koho: Halekula ma Kipahulu.
Na Luna Nana – Patrick McLean, lunahoomalu:
Chas. Lake,
J.K. Piimanu
Mahele elua – Mai Kipahulu a hiki a me ke komo pu o Makapuu. Wahi koho: Hale Hookolokolo ma Hana.
Na Luna Nana – J. K. Iosepa, lunahoomalu;
J.P. Sylva,
F. Wittrock.
Mahele ekolu-Apana o Koolau a hiki i ke awawa o Oopuloa. Wahi koho: Halekula ma Keanae.
Na Luna Nana – James P. Saunders, lunahoomalu;
D.W. Napihaa
MOKUPUNI O OAHU
APANA EKAHI – HONOLULU
Oia kela wahi o ka apana hookolokolo a me auhau o Honolulu, a i ole o Kona, e waiho nei ma ka hema hikina o ka laaina e moe ana mai ka piko o oioina o ka lalani mauna o Konahuanui maluna o ka lapa e hookaawale ana i na awawa o Manoa a me Makiki mai na awawa o Nuuanu a me Pauoa a mawaena aku o ka lua a kipoho paha o ka puu i kapaia o Puowina ahiki i ka pahu hae ma kahi kahiko o na pu ki-aloha, mailaila pololei aku a ka huina o na Alanui Kinau a me Alapai, amwaena aku o Alanui Alapai ahiki i Alanui Moi, mawaena aku o Alanui Moi ahiki i Alanui Hema, mawaena aku o Alanui Hema ahiki i ke kai.
Mahele Ekahi—O kela wahi o ua Apana la e waiho ana ma ka hikina o Alanui Punahou, a ma ka laina e holo ana mauka a makai mailaila aku. Wahi koho: Hale Hooulu Laau o ke Aupuni, huina o na Alanui Moi a me Waikiki.
Na Luna Nana –C.A. Brown lunahoomalu;
J.A. Gilman,
John M. Kea.
Mahele Elua – O kela wahi a pau i koe o kela Apana ne la a waiho ana ma ke komohana o Alanui Punahou a me ka laina e moe ana mailaila mai. Wahi koho: Halekula ma Alanui Beritania.
Na Luna Nana – W.C. Wilder, Jr. , lunahoomalu;
C.H. Luther,
M.J. Sylva, Jr.
APANA ELUA – HONOLULU
O kela awhi a pau o Honolulu, a o Konai oleloia, lma ka akau o ka Apana Ekahi a maloko o kekahi laina mai ka pahu hae ma kahi kipu aloha ma Puowina ahiki i ka huina o na huina alanui Ema me Kula, mawaena o alanui Kula ahiki i alanui Papu ahiki i alanui Beritania, mawaena o alanui Beritania ahiki i ke kahawai o Nuuanu ma ka uwapo o Kamika, alaila mauka mawaena o ke kahawai ahiki i alanui Kula, mawaena o alanui Kula, mawaena o alanui Kula ahiki i ke alanui Liliha, mawaena o ke alanui Liliha ahiki i alanui Kauka, mawaena o alanui Kauka ahiki iluna o ka lapa ma ka aoao akau komohana o ke awawa o Nunanu, a ma ia lapa ahiki iluna o ka piko i kapaia o Lanihuli ma ke kuahiwi o Konahuanui.
Mahele Ekahi – O kela wahi a pau o ua Apana la i oleloia e waiho ana mauka o na alanui Kula a me Kauka a ma ka hikina o alanui Nuuanu. Wahi koho: Ma ka Hale ia ke komo ana aku i ke kahua o ka luawai i kai nei, ma alanui Nuuanu.
Na LunaNana – Chas. L. Carter, lunahoomalu;
J.D. Holt
T.P. Severin.
Mahele elua – O kela wahi a pau o ka Apana i olelo ia e moe ana makai o na alanui Kanka a me Kula a me ke komohana o na alanui Nuuanu a me Kula. Wahi koho: Halekula ma Kauluwela, ma ka aoao ma Ewa o ka uwapo ma alanui Kula ma ke kahawai o Nuuanu.
Na Luna Nana – J. S. Martin, lunahoomlau;
M. Nunes,
S.K. Kane
APANA EKOLU – HONOLULU
O kela wahi a pau o Honolulu, a o Kona i olelo ia, e pili ana me na apana ekahi me elua, malalo mai hoi o kekahi laina mai ke kihi o na alanui Papu a me Beritania a hiki i alanui Likeke, mawaena o alanui Likeke a hiki i ke kai a i kau pale ia makai e ka lihi kai.
Mahele ekahi – Oia kela wahi o ka apana i olelo ia e waiho ana mauka o alanui Beritania. Wahi koho: Halekula o Kahehuna.
Na Luna Nana – Dr. N.B. Emerson, lunahoomalu;
James Nott,
A.B. Peters.
Mahele elua – O kela wai a pau o ka apana i olelo ia e waiho ana makai o ke alanui Beritani. Wahi koho: Kapuaiwa Hale.
Na Luna Nana –Alex. Lyle, lunahoomalu;
J.U. Kawainui,
C.S. Bradfood.
APANA EHA – HONOLULU
O kela wahi a pau o ka apana o Honolulu, a o Kona i olelo ia, e waiho ana ma ka komohana o na Apana Elua a me Ekolu, a maloko o ka laina mai ke kihi o na alanui Kula me Liliha, mawaena o alanui Liliha a hiki i alanui Moi, mawaena o alanui Moi a hiki i ka uwapo ma ke kahawai o Nuuanu, a kaupale ia makai e ka lihi kai.
Mahele ekahi-O kela wahi a pau o ka apana i olelo ia e waiho ana ma ke komohana o alanui Nuuanu. Wahi koho: Hale Kaawai Pake.
Na Luna Nana –C.E.Williams, lunahoomalu:
A.K. Akau,
J. Effinger.
Mahele elua –Oia kela wahi a pau o ka apana i olelo ia e waiho ana ma ka hikina o alanui Nuuanu. Wahi koho: Hale Bele Oihana Kinai Ahi o Honolulu.
Na Luna Nana –Henry Smith, lunahoomalu;
M. McCann,
J.S. Ramos.
Apana elima – Honolulu.
O kahi i koe a pau o Honolulu, ao o Kona, e waiho ana ma ka akau a me ke komohana o na Apana elua a me eha.
Mahele ekahi – Oia kela wahi a pau o ka Apana i oleloia e waiho ana ma ka hikina o ke alanui nui e pii ai i ke Awawa o Kalihi a mauka o ke alanui Moi. Wahi koho: Hale o ka Hui Hawaii Kaa Hapaumi.
Na Luna Nana – Levi Lyman, lunahoomalu;
J.V. Simonson,
George Markham.
Mahele elua -0ia kela wahi a pau o ka Apana i oleloia e waiho ana ma ke komohana o ke alanui e pii ai iuka o ke Awawa o Kalihi a makai o ke alanui Moi. Wahi koho: Halekula Hoopololei.
Na Luna Nana – W.L. Wilcox, lunahoomalu;
J.L. Carter,
S. Paaluhi.
Apaan eono-Koolau.
O ka Apana hookolokolo a me auhau o Koolaupoko. Wahi koho: Hale Hookolokolo ma Kaneohe.
Na Luna Nana –Wm. Henry, lunahoomalu;
E.P. Aikue,
Frank Pahia.
Apana ekahi – Waialua.
O na Apana hookolokolo a me auhau o Koolauloa a me Waialua.
Mahele ekahi –Waialua. Wahi Koho:
Hale Hookolokolo ma Waialua.
Na LunaNana – Edward Hore, lunahoomalu;
Frank Halstead,
E.S. Timoteo.
Mahele elua –Koolauloa. Wahi koho: Hale Hookolokolo ma Koolauloa.
Na Luna Nana –C.H. Judd, lunahoomalu;
J.F. Clay,
Jas Aylett.
Apana ewalu – Ewa.
O na apana hookolohalo a me auhau o Ewa a me Waianae.
Mahele ekahi –Ewa. Wahi koho; Hale Hookolokolo ma Ewa.
Na Luna Nan – Jas. L. Torbert. Lunahoomalu;
Frank Archer,
B. Starr Kapu.
Mahele elua – Waianae. Wahi koho: Hale Hookolokolo ma Waianae.
Na Luna Nana – J. F. Scott, lunahoomalu;
Samuel Andrews
J.K. Kupau.
NA MOKUPUNI O KAUAI A ME NIIAU.
APANA EKAHI –WAIMEA.
Mai ka lae o Puanaaiea a hiki aku a e hookomo ana ia Kalaheo, a me ka Mokupuni o Niihau.
Mahele Ekahi – Mai a e hookomo pu ana ia Kalaheo, a hiki a e hookomo pu ano ia Hanapepe. Wahi koho: Halekula ma Hanapepe.
Na Luna Nana – H.C. Perry, lunaoomalu;
C.D. Pringle,
J.B. Kahaleole.
Mahele Elua – O kela wahi o ka apana i oleloia e waiho ana mai Hanapepe a hiki i ka laina e holo ana mai ke kai a i na mauna ma kahi he 200 mau iwilei ma ke komohana o ka Hale Wiliko o Waimea, a e hookomo pu ana i ke awawa o ka muliwai o Waimea a me kona mau mana. Wahi koho: Hale Hookolokolo ma Waimea.
Na Luna Nana – T. H. Gibson, lunahoomalu;
C.B. Hofgard,
James Kamalenui.
Mahele ekolu – O kela wahi o ka Apana i oleloia e waiho ana mai ka Mahele elua ahiki i ka lae o Puanaaiea. Wahi koho: Halekula ma Kekaha.
Na Luna Nana – Augustus Knudsen, lunahoomlalu;
A.Lindsay,
David Kua.
Mahele eha – O ka mokupuni o Niihau. Wahi koho: Halekula ma Niihau.
Na Luna Nana - E.K. Bull, lunaoomalu;
J.B. Kaomea,
A.W. Kawaiula.
APANA ELUA – LIHUE.
Oia kela wahi a pau o Kauai mai a o hookomo pu ana ia Kalaheo ahiki a e hookomo pu ana ia Hanamaulu.
Mahele ekahi-Ka Apana o Lihue. Wahi koho: Hale Hookolokolo ma Lihue.
Na Luna Nana – R.W.T. Purvis, lunhoomalu;
C.H. Bishop
S.R. Hapuku.
Mahele elua – Ka Apana o Koloa, mai ka palena me Lihue ahiki a me ka hookomo pu i ka aina o Lawai. Wahi koho: Hale Hookolokolo ma Koloa.
Na Luna Nana – J.K. Burkett, lunahoomalu;
A.K. Mika,
E. Strehz.
Apana ekolu-Hanalei.
Oia kela wahi o Kauai mai a me ka hookomo pu ia Wailua a hiki i ka lae o Puanaaiea.
Mahele ekahi – O kela wahi o ka Apana i oleloia e waiho ana mawaena o Waimea a me ka muliwai o Kalihiwai. Wahi koho: Hale Hookolokolo ma Waioli.
Na Luna Nana – J. K. Kaina, lunahoomalu;
C.H. Willis,
S.P. Kalaikini.
Mahele elua – O kela wahi o ka Apana i olelo ia e waiho ana mai ka muliwai o Kalihiwai ahiki a me ka hookomo pu i ka aina o Papaa. Wahi koho: Halekula Aupuni maKilauea.
Na Luna Nana –E.J.G. Bryant, lunahoomalu:
G.W. Mahikoa,
W.E. H. Deverill.
Mahele ekolu – O kela wahi o ka Apana i oleloia e waiho ana mai ka aina o Papaa ahiki a me ka hookomo pu i ka aina o Wailua. Wahi koho: Hale Hookolakolo ma Kapaa.
Na Luna Nana – S.N. Hundley, lunahoomalu:
S. Kaiu,
R.C. Spaulding.
J.A. KING, Kuhina Kalaiaina. 2486-6ts.
Ua hookohuia aku o W.E. SCOTT, Esq. i keia la, i Notari no ka Lehulehu no ka Apana Hookolokolo Kaapuni Ekolu o ko Hawaii Pae Aina.
J.A. KING, Kuhina Kalaiaina, Keena Kalaiaina,
Maraki 15, 1894, 2486-3
KANAWAI 70.
HE KANAWAI E HOOMAOPOPO AI I HAAWINA HOOMAU NO KA WAHINE KANE MAKE A JAMES KAUHANE I MAKE
No ka mea o James Kauhane o Honolulu, Oahu, iho nei ua noho oia ma ke ano he makai, hooko ololei i ka oihana no na makahiki he nui malalo o ke Aupuni Hawaii, a ua lilo aku kona ola oiai oia e hana ana i ka hana ma ia ano makai, a ma ka manawa hoi o hoke ai i kona wiwo ole a hoomanawanui maoli, a no ka mea i k manawa i make ai o James Kauhane i oleloia na koe mai kana wahine o Mele Kauhane me ka loaa ole iaia ka lako e pno ai kona ola ana: nolaila
E Hooholoia e ka Aha Hooko a me ka Aha Kuka o ke Aupuni Kuikawa o ko Hawaii Paeaina.
Pauku 1. Ma keia na haawi mauia na Dala he Elua Haneri me Kanaha i ka makahiki ia Mele Kauhane i oleloia.
Pauka 2. E. hoomaka ana ma ka la kanakolukumamakahi o Maraki. M.H. 1894, e uku aku ke Kuhina Waiwai ia Mele Kauhane i oleloia, mailoko ne o ka Waihona o ka Lehulehu i na dala he iwakalua i ka pau ana o kela a me keia mahina.
Eia no nae hoi, ina e mare hou o Mele Kauhane i oleloia alaila e pau a liko i mea ole ka haawina e haawiia nei iaia.
Pauke 3. E mana keia Kanawai mai kona la e hooholoia ai.
Aponoia i keia la 15 o Maraki, M.H. 1894.
(Kakauinoaia) SANFORD B. DOLE, Peresidena o ke Aupuni Kuikawa o ko Hawaii Pae Aina
(Kakauinoaia) J.A.KING, Kuhina Kalaiaina. 2486-1t
KA
NUPEPA KUOKOA
ME
KO HAWAII PAEINA I HUIIA
No ka Makahiki $2.00
No Eono Mahina 1.00
Kuike ka Rula
PUKA
ANA. 1 2 3 4 5 6
Pule Pule Pule Pule Pule Pule
1 Iniha $ 1.50 $ 2.00 $ 2.50 $ 3.00 $ 3.50 $ 4.00
2 Iniha 2.00 2.75 3.50 4.00 4.50 5.00
3 Iniha 2.50 3.50 4.50 5.00 5.50 6.00
4 Iniha 3.00 4.00 5.00 6.00 6.75 7.50
5 Iniha 3.50 4.75 6.00 7.00 8.00 9.00
6 Iniha 4.00 5.50 7.00 8.00 9.00 10.00
O na Olelo Hoolaha a pau e hoouna la mai aua no ka Hoolaha maloko o keia Nupepa e hoonua pu mai me ka auhau, a ina aole, aohe hookomo ia.
HOOPUKAI E KA
HAWAIIAN GAZETTE CO.
H.M. WHITNEY, Luna Nui
J.U. KAWAINUI, Luna Hooponopono
@@ Honolulu, Oahu, Lakou a pau.
POAONO MARAKI 24, 1894
E Hoonaauao ia Oukou
Ua ku mai ka mokuahi lawe leta “Alameda” i ka la 16 aku nei i hala me ka hoike piha o ka huli ana a ke Komite o ko na aina e o ka Aha Senate i ka ninau o Hawaii nei. A o na mea ano nui a makou i wae ae ai mailoko mai o ka lehulehu o na huaolelo, oia no keia:
Mailoko mai o eiwa mau lala o keia komite nana i nieniele a huli pono i ka ninau o Hawaii, he ehiku o lakou i hoike maopopo loa i ko lakou manao ma ke kokua i ka hoohui mai la Hawaii me Amerika Huipuia, a koe wale aku no he elua mau lala kue.
Ua piha a hu na manao laulaha o ka lahui ma ka aoao o ka hoohui aku i ko Hawaii mau pae moku, a e hiki io mai ana no ka hoohuiaina.
Ua kukulu e la ka hoomalu aupuni, a oia no na hoolala mua o ka hoopalau ana no keia hoohuiaina. A aole loa he mana iloko o Kalivalana, a o kekahi kino uhane e ae e keakea ai e hoouhili i keia hoopalau i hikii ia a paa.
Aole hoi he wahi mamala olelo iloko o keia hoike naauao i haku ia o ke Democarata o na democarala e hoomaikeike mai ana no ka hoihoi hou ae i ka Moiwahine i kipaku ia, a no ke kukulu hou aku paha i aupuni alii ma Hawaii nei.
Nolaila, aohe mea o na makamaka a me na hoaloha a ka aoao hoohuiana ma Hawaiinei e hopohopo ai no ka papahi ia o ka lakou kumuhana me ka lei o ka lanakila a me ke kau ole i kaupoku o Hanalei, no ka mea e hoohui io ia aku ana no ia me ka haule ole.
Ma ko makou ano he alaki lahui makua, he manao akea a he aloha i kela a me keia o ka lahui kumi i alakai hewa ia a i puni wale aku hoi mahope o na apuhi a na poe lopa pokeo wale a e hau aku nei i ka makani, ke ao aku nei e hoopau lakou i keia noonoo hookahi, aohe aupunit alii hou aku ma Hawaii nei.
Koho Ele Hana Kumukanawai
Ke hoopuka aku nei makou i ke kanawai a ke Aupuni i hooholo ai e malama ia e ka lahui i koho balota no ke koho aua i mau elele hana kumukanawai i hoonohonoho ia ma na mahele koho eha, a no lakou ka nui o na elele he umi-kumamawalu pau loa. A ke kono nei makou i ka lehulehu e heluhelu nui a hoomaopopo iho.
E akoakoa ana keia poe elele he umi-kumamawalu (18) a ka lahui a koho aku ai me ka umi-kumama walu (18) lala o na Aha Hooko a me Kuka o ke Aupuni e noho mana nei maloko o kekahi Ahaelele Hana Kumukanawai e kahea a e noho hoomalu ia ana e Peresidena Dole.
Na keia Ahaelele e noonoo a hooholo i ke ano Aupuni no Hawaii ma keia mua aku a me ona kumukanawai e kukulu iho ai ke aupuni. Aole he aupuni ahi hou ma Hawaii nei, ua maopopo loa kela ia makou a me ka poe noonoo no a pau iloko o ka aina. No ka mea, ua make ke aupuni alii ma ka la 14 o Ianuari, 1893, a ua kanu ia ma ka ia 17 ae a nalo loa. A o oukou e ka lahui ka hoike no ia hopena no ka manawa he umi-kumamaha malama loihi i hala. Aole loa i ike ia ma ka mooloelo o ka honua a puni, ua ola hou mai kekahi kupapau i kanu ia no ka manawa pela ka loihi, aole hoi i hoihoi ia kekahi alii i kipaku ia, pela ka loihi o ka manawa o ke olo ana o ka pihe. He olelo oiaio ka Luna Senate Morgan i papahi ai iloko o kana hoike naauao me keia mau huaolelo: “I ka wa e haule ai ka nohoalii ilalo e kekahi aupuni ma ka Poepoe Komohana, ua okaoka, a i ka wa e haaleie mai ai ke kookoo alii, hele no ia hele loa.”
Me na manaoio maopopo loa i hookuene ia iloko o makou aohe aupuni alii hou aku no Hawaiinei i kela mua, nolaila ke kono aku nei makou i ka lahui Hawaii a pau, e hoi mai iloko o ka poai e hooikaika nei no ka pono a me ka pomaikai o ka lahui a me ke kukulu ana i aupuni onipaa ma ke ano e lelele ole ai na oili.
Eia iloko o keia Kumukanawai e noonoo ia aku ana kekahi mau pomaikai oi i loaa ole ia kakou, a no ia mea makou e koi nei i ka lahui e komo pu iloko o ka haku a me ka hooholo ana i kumukanawai no ke aupuni o Hawaii, ka mea hoi i loaa ole i ke lehulehu mamua. Nolaila, ke haawi ia nei ia oukou na mea a pau e ike ai no oukou iho, a o ka oukou hana koe ka apo mai. Oloolo aku no nele.
Waiho o Pohakuhauoli i ke Kuhina Nui o Enelani.
Mawaena o na mea hou ano nui i lona mai ma ka mokuahi “Alameda” o ka Poalima o ka hebedoma i hala, ola no ka hoihoi ana aku ma ka la 3 o Maraki nei i mua o ka Moiwahine Victoria o Beritania nui, o Right Hon. William Gladstone (Pohakuhauoli,) i ke sila malu oia hoi ka hoailona kiekie loa o ka mana lahui, ka oihana kuhina nui o ke Aupuni, no ka eha o ka manawa i hookiekie la ai ma la kulana a me ka eha o ka manawa o kona waiho ana, me ka haalele aku i na hanohano a pau i onou ia mai ai-iaia e ka Moiwahine e lawe i ka inoa alii ahaolelo, puka mai la i waiho nei a noho mawaena o na makaainana kaulana loa ma Enelani a pau, me ka manao e hoohala i kona mau la hope i koe o ke ola ana iloko o ka oluolu. O ke kumu, no ka hapauea a elemakule, no ka mea ua piha iaia ke 84 o na makuhiki i keia wa, a i ke 60 a keu o na makahiki o kona noho mau ana iloko o ka Hale Ahaolelo Makaainana o Enelani ma ka hana kau kanawai no ka aina Makuahine.
Mamua o ka haalele loa ana, ua hoomaikeike aku oia i ke aliiaimoku nona ke Aupuni o Haku Roseberry ka mea kupono e pani ma kona kakaka. Nolaila, ua kahea ia aku o Haku Roseberry e wae i aha kuhi@@, a ua ae mai ola e lawe i kela kulana o ka hilinai ia. Ua hoopaa aku no oia i na lala a pau o ko Pohakuhauoli aha kuhina.
---------
Ua ku mai ma Honolulu nei i ke kakahiaka Poakolu aku nei. Mai Iapana loa mai, ka manuwa Iapana “Takachiho” i like loa kona kii me ko ka “Naniwa.” Ua lohe mai makou, i holo mai nei ola e pani ma ko ka Naniwa wahi, olai he mau malama senei kona ku ana ma Honolulu nei.
He paikau ko na puali koa o ke aupuni i ka po Poalua aku nei ma Uniona Kuea, aka no ke ano poluluhi ua o ia ahiahi aole i pau loa mai na komopani koa i ka puka. O na komopani i hiki mai, ua paikau ia lakou a hoohele ia ma na alanui me ke Puali Puhi One e hoohonehone ana i ka lakou mau le o ohe ma na wahi a na koa i hoohele ia ai.
HE LEO UWALO!
Mai a Amerika Huipuia Mai!
HAALELE IA KA HOIHOI ALII!
Pau Loa ka Manaolana!
Keena Elele Kuhina
o Amerika Iluipuia
Honolulu, Feberuari 14, 1894
Hon. Sanford B. Dole, Kuhina o ko na Aina E.
Aloha: Ua loaa la’u ka hanohano o ka koike ana aku la oe i ka loaa ana mai o kau palapala o keia la no kau pane hou mai i ku’u palapala o ka la 19 o ka malama i hala, a e hoike aku ia oe ma ka la 20 o ka malama i hala, ua hoike ia mai au e ko’u Aupuni, ua waiho ia aku ka ninau o Hawaii iloko o na Ahaolelo Lahui,a o ka’u mau olelo hoonaauao kuikawa ua pau i ka hooko piha ia.
O na kope o na palapala a pau i apo ia iloko o keia holo palapala ana, ua pau i ka hoouna ia aku i Wasinetona.
Me na manao mahoalo kiekie, Owau iho no, Me ka haahaa loa.
ALBERT S. WILLIS,
Elele a me Kuhina Mana Piha o Amerika Huipuia.
O “ka’u mau olelo hoonaauao kukawa ua pau i ka hooko piha ia,” maloko o ka palapala a ke Kuhina Amerika maluna ae, oia no ke kauoha a ka Peresidena e hoihoi ia Liliuokalani malu@a o ka nohoalii. Oia kana mea i imi ai e hoeko a hiki ole. No ia mea, aohe mau hoao hou ana aku a Amerika Huipuia i koe e hoihoi ia Liliu ma kona wahi mua. Aole loa e hoi hou ana o Liliuokalani i Moiwahine.
E ka lahui Hawaii, aole loa he wahi hiohiona iki i kow no ka hoi hou o Liliuokalani i moiwahine, nolaila he mea pono i na Hawaii oiaio a pau ke komo pu ;mai iloko o ke kukulu ana i ke aupuni hou, oia hoi ke aupuni no ka lahui. He mea oiaio e kukulu ia ana he aupuni ripubalika, a ke ao aku nei makou i na Hawaii a pau, e lawe i ka hoohiki, e hoopaa i ko oukou mau inoa ma ke ano he mea kupono i ke koho a e hookomo i ko oukou mau balota no na Elele e hele ana i ka Ahaelele Hana Kumukanawai no Hawaii. Ke haawi ia nei ka manawa maikai no oukou e komo pu mai e kokua i keia hana, a loa aole oukou e koho ana, aole no ke KUOKOA ia hewa, aka maluna iho no ia o oukou. E eu a e aia e na Hawaii a e h@olilo la oukou i mau makaainana no ka ripubalika hou o Hawaii!
Oki na Piko a na Wahi Pepa Anee Alii
Ua hele loa i ke kelepo haalele na hookele o na wahi nupepa Anee Alii Holomua a me Ka Leo, a ke haililli a kuamuamu pilikino aku nei kekahi i kekahi a hue ae la i na in! nekoneko loa a laua i hana ai ma haki malu, a ka poe heluhelu i ike ole ai he waiwai ko lakou iloko o na moolelo ekaeka o ko laua ola an. Aole no he kawai o keia mau wahi pepa a i elua ma na huaolelo a laua e pehi aku nei pehi mai la laua iho, a me kekahi mau manao e ae mawaho e hoolaha ia nei e laua. Aka, me he mea la ke hoohuli ia mai nei ka lehulehu e hookahua iho i ka noonoo, he mau wahi pepa kamalii maoli no keia e hoopuka ia nei, a o koho iho ai na manao ina peneia na alakai o ka aoao anee alii e mokuahana ai ia lakou iho, alaila ua hiki mai ka manawa e hoopau loa ai i ka nana ana aku he pono kekahi i koe no ko lakou aoao maluna o keia mau alakai hakukole e like me ka mea e ike ia nei.
O ka mea hope loa a moukou i mahui mai ai, ke olalo hoi, eia laua pakahi ke anehe nei e oki a kaawale na piko o ka hoahanau, ma ka hoopii ana imua o na aha kanawai o ke aupuni a laua i hana i@o a e paipai mau nei e hookahuli. Ea! Ka paha auanei i ka waha ai ai!
Ua hoohikihiki mai ke Kinau i ka la Sabati aku nei i hala la 18,000 mau eke kopaa, mai ka mahiko wale mai no o Papaikou, Hilo.
Ua panee mai ke kikiha ana aku a ke “Kinau” i kona mau awa ma Maui a me Hawaii mai ka hora 2 a mahope iho o ka hora 5 ahiahi Poalua iho nei. A ua hului aku ola ia 42 mau ohua kapena, he 22 o ia heluna, no ka lua pele pio ole o Kilauea.