Ka Nupepa Kuokoa, Volume XXXIII, Number 10, 10 March 1894 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka NUPEPA KUOKOA

NK

Ko Hawaii Paeaina i Huiia

No ka Makahiki          $2.00

No Eono Mahina         1.00

Kuike ka Rula

HOOPUKAIA E KA

HAWAIIAN GAZETTE CO.

H. M. WHITNEY, Luna Nui.

J. U. KAWAINUI, Luna Hooponopono.

No Honolulu, Oahu, Lakou a pau.

POAONO       MARAKI 10, 1894.

 

KULA SABATI.

1. 12. Mar. 25.             HOIKE HAPAHA.

            Pauka Gula.  Mat. 22:32. Owau no ke Akua o Aberahama, ke Akua o Isaaka, ke Akua o Iakoba.  O ke Akua, aole ia he Akua no ka poe i make, no ka poe ola no.

            Heaha ka buke ma ka Baibala a gakou i huli ai ma na haawina Kula Sabati o keia hapatha?  Heaha ke ano o keia inoa Kinohi?  Heaha ka olelo hoike o Kinohi e pili ana i ka makamua o keia honua?  Pehea i hana ai ke Akua i ke kanaka mua?  Heaha ko ke Akua mau hana okoa ma kona hana kumu ana i ko keia ao?  Heaha ka ke Akua hana ma ka hiku o ka la hana?  Heaha ka huaaina a ke Akua i papa aku ai i ke kanaka mua, Mai ai oe?  Heaha ka hoopai no ka hookuli ana i keia kauoha?  Heaha ka olelo hoowalewale a ka nahesa?  Heaha ka hana pono ole o ka wahine mua?  Heaha na mohai o Kaina a me Abera?  Heaha ke ano okoa o ka hana ma ke kaumaha ana aku i keia mau mohai okoa?  Heaha ko Kaina hana ma kona huhu?  Heaha ke kumu no ko ke Akua manao e hoopau loa i ko ke ao mua ma ke kai a Kahinalii?  Heaha ko ke Akua olelo hoopomaikai ma kona olelo aelike me Noa?  Heaha ka hoailona o ko Noa berita?  Heaha ka olelo kahea no ke Akua mai ia Aberama?  Heaha ka Akua mai ia Aberama?  Heaha ka pomaikai i olelo ia nona?  Heaha ka olelo a ke Akua e pili ana i ko Aberahama manaoio, Kin 15:6?  Ehia na kanaka no ka pono o lakou ua makaukau o Iehova e au'a i kona huhu i ko Sodoma me Gomora?  Pehea i hoopauia ai o Sodoma?

Pehea ko ke Akua hoao ana i ko Aberahama manaoio?  Heaha ko Iakoba moeuhane ma Betela?  Heaha ka olelo hooomaikai i hoopaa hou ia ia lakoba?

            [Ina makemake kekahi kula e maiama i ka halawai nui o ka ekalesia holookoa, eia kekahi haawina kupono.]

            Mareko 16:1-8.  Ko Iesu ala hou ana.

            Olelo Hoakaka.  O ke Sabati a Iesu i ala hou ai oia no ke Sabati mua mahope o ka mahina hou o Maraki paha, o Aperila paha i ka wa kupulau.  O ke Sabati i oleloia oia ke Sabati Iudaio.  O ko kakou Sabati oia no ka la a Iesu i aloha ai.  Ua makemake no wahine e Ialoa ko Iesu kino kupapau me na mea aia mamuli o ka hana hoohanohano maa mau, aole nae i hiki ia lakou ke hooko i ko lakou manao mamua o ke Sabati Iudaio, aole hiki ia lakou ke hana ma ua la la, Ioane 19:39,40.  O ko Iesu hale kupapau, he ana i eli ia ma ka aoao o ke ahuahua.  O ka aneia nana i kamailio i na wahine, oia no ma ka nana aku he opiopio kane, Mat 28:2,5.  Ua oleloia ko Petero inoa ma ke ano kaawale a moakaka, no kona hewa ano nui ma ka hoole ana ia Iesu, kona Haku e ola ai.  I mea e hoolana hou ai i kona inoa pakahi.  Ua kamailio e o Iesu me na haumana e pili ana i kona ala hou ana me ka halawai kino hou ana me lakou ma Galilaia, 1 Kor 15:6.

            I--O ka poe makaikai, 1,2.  Owai ka poe i hele aku ai i ka hale kupapau  o Iesu?  Heaha ka mea au e ike nei e pili ana i kela a me keia wahine i oleloia?  Heaha ko lakou makemake ma keia hana makaala?  Ehia na okoa piha pono a Iesu i moe ai ma ka he?  Heaha ka makemake maoli o ua mau wahine ala?  Heaha kekahi manao hopohopo?  I ka hora ehia ua pau ka la Sabati Iudaio?

            II--Ka pohaku holokaa, 3,4.  Ua pilikia anei na wahine no ka hoopaa ia ana o ka halekupapau?  Owai ka mea oia no ka mua e hoomaopopo ai ua hamama ka puka?  Heaha ka manao o ko Iesu mau hoa e pili ana iaia, Luka 24:19-21.

            III--Ka aneia, 5-8.  Owai ka mea i halawai ai me na wahine imua o o ka halekupapau?  Owai keia opio, Mat 28:2-5?  Heaha kona olelo hoolana?  Heaha kona kauoha?  Heaha ke kumu no ke kahea ana ia Petero kekahi?  Heaha ka manao o na wahine e pili ana i keia olelo hoike?  Heaha ka manao o ka poe lunaolelo ma ko lakou lohe ana i keia mea hou, Luka 24:22.25?

            Manao Pili.  1  Ua pau anei ke aloha no ka make ana o kekahi makamaka?  2  Ua kupono anei ka au'a ana i na hana aloha no ke ano kapu o ka la Sabati?

3  Ke manaoio nei anei oe i ko na anela lawelawe ana no kou pono?  4  Ua hoopauia anei kou mau pilikia mamuli o ko ke Akua hooponopono ana?  Ua paa anei kou manaoio ia Iesu i ala aku ai i ka lani?

 

HE ALII HAWAII OMO KOKO!

E Oki ia na Poo!

E Kahe Hilihili na Koko o na Alakai o Hawaii!

A E HAO WALE IA NA WAIWAI!

Ka Hana a na Pegana!

[Hoomauia]

            Mahope o ka hoomaha ana iho no kekahi manawa, ua hoomau mai oia:  "O keia poe no ke kumu o ke kipi a me ke kumukanawai o o 1887.   Aole loa e loaa ana he mahuhia oiai lakou maanei.  E kipaku ia lakou mai ka aina aku, a i ole ia, e hoopaiia a lawe ia ko lakou waiwai."  Alaila, ua olelo aku au;  "Aohe a'u mau mea e ae e hoike aku ai ia oe i keia wa aia a lohe au mai ko'u aupuni mai, a me he la e ekolu a eha ana paha mau pule."  Aohe mau mea i olelo ia no kekahi mau minute  lehulehu, a ninau aku au iaia ina paha oia e ae mai ana e haawi mai ia'u i na inoa o eha o kona mau hoalohe i hilinai nui loa ai, malia paha iloko o hookahi a elua paha la, e manao no au he hana na'u ka malama ana i kukakuka pu me lakou imua o kona alo.   Ua ae mai oia, a haawi mai la i keia mau inoa iho:  J. O. Carter, John Richard, Joseph Nawahi a me E. C. Macfarlane.

            Ia wa au i ninau aku ai iaia ina paha he mau hopohopo ana kekahi ona  no kona ola ma kona wahi e noho nei ma Wasietona Hale.  Ua pane mai oia he mau hopohopo no, a oiai hoi ua kiai ia kona hale e na hoaloha i hilinai ia i na po a pau, ua hoolako wale ua no lakou me na laau newa, a ua ike pinepine ia hoi kekahi poe me na aahu pualewa wale e poalo mau ana ma kekahi pa iho i pili me kona--he halekula me ka pa nui.

            Ua hoike aku au iaia ua hoomana ia mai au e ka Peresidena e haawi aku iaia ina hoopakele ana, iluna paha o kekahi o na mokukaua, a i ole ia, ma ka Legationa (hale oihana o ke Kuhina Amerika), a ua makemake au iaia e apo koke mai ia haawi kokua ana aku.  Ua hoole mai oia, me ka olelo mai ua manao oia he mea pono nona e hoomau aku no i ka noho ana ma kona wahi noho ponoi no neia wa.  Ia wa no au i olelo aku ai iaia ua hamama keia haawi kokua a ko kakou Aupuni no kona ae i na manawa a pau ana e makemake ai, i ka po a i ke ao paha.

            Ia wa ua pau ka halawai ana mahope iho o kekahi mau kamailio ana no kekahi mau mea pili ole i ka hana i hele mai ai."

KEKAHI MAU OLELO MAWAENA O LILIUOKALANI A ME ALFRED S. WILLIS, KUHINA O AMERIKA HUIPUIA, MA KA LA 16 O DEKEMABA, 1893.

            Mai ia Willis aku.  Nolaila, ke paa nei no anei kou manao hooholo e hoopai ia kela poe haole a pau e like me ka ke kanawai malalo o ke kumukanawai o 1887, oia hoi e hoopai ia lakou i ka hoopai make a e lawe ia ko lakou mau waiwai?

            Ka Moiwahine.  O ko'u manao ina he mau hoololi ae kekahi e hana ia ana aohe lakou e pono ke ae ia e noho mai iloko nei o ka aina, a e lawe ia no nae ko lakou waiwai.

            Mr. Carter.  Alaila, e hookuu wale ana no oe i na mea i olelo ia ma kela halawai mua ana a olua e pili ana i ka hoopai make?

            Ka Moiwahine.  Ae, ma ia ano i olelo ia ae la e a'u.

            Mr. Carter.  Alaila, ua manao oe o ko lakou noho ana mai iloko nei o ka aina e lilo ana ia i mea e hoinoino mau ai i kou noho ana a me kou poe makaainana?

            Ka Moiwahine.  Pela ko'u manao.  A eia hou keia manao o'u, ina lakou e kipakuia mai ka aina aku aole lakou e ae ia e hoi hou mai--o lakou a me ka lakou poe keiki.

            Mr. Carter.  Koe paha kou manao kaia aku mahope.  A i ole e hoopuka ana anei oe i kau olelo paa loa maluna o lakou i keia wa no?

            Ka Moiwahine.  Pela ae la ko'u manao; e kipaku mau loa ia aku lakou a me ka lakou poe keiki.

            Mahope iho la o kekahi mau olelo hou ana; i hoopuka ae ai ka Moiwahine i kona makemake e lawe ia ka waiwai o na poe a pau i komo pu ma ke kukulu ana i ka Aupuni Kuikawa, i mea e hookaa ai i na poho i hoolilo ia e ua aupuni nei ma o ka hoolako ana i na puali koa.  Ua hapai hou mai la o Kuhina Willis i ke kumuhana kalahewa:

            Mr. Willis.  Ke hoomaopopo nei au ma kau olelo, ke hooiaio mai nei oe i ka kaua olelo mua, a ma kau olelo hoi o keia la,  aole oe e ae i kekahi olelo kala hookuu kaokoa loa aole hoi maluna o na kino a me na waiwai o ka poe nana i kakoo a i kokua paha i ke kukulu ana i ke Aupuni Kuikawa, ma ke ano ua manao oe aohe pono ia oe ke hana pela?

            Ka Moiwahine.  Ua manao au aohe e hiki ia'u ke hana pela ke manao aku i ka pono maluhia o ko makou mau makaainana.

            Mr. Carter.  Oia paha keia, o ka noho ana mai o keia poe he mea ia e kau mau mai ai ka weliweli.

            Mr. Willis.  Ke lawe nei anei oe oe i ka Mr. Carter mau olelo nau?

            Ka Moiwahine.  Ae.

            Ma keia wahi na olelo o ka halawai ekolu ana a Kuhina Willis me ka Moiwahine.  Ua hana ia keia ma ke Keena Oihana Kuhina Amerika ma ka la 18 o Dekemaba, he elua la mahope mai o keia halawai i hoike ia ae la mamua,  a o Mr. Carter hou no kekahi i lawelawe pu au ma ia halawai ma ke ano e uwao ai i na manao hoomauhala a ka Moiwahine, i mea e hoi hou ai oia i ka noho alii, oiai pu hoi o Kuhina Willis e hoao a e koi ana la ia i aelike kela hewa piha.  Ua hoomaka ae o Mr. Carter ma o ka olelo anai ke Kuhina kona kahaha nui a ehaeha  "i kona lohe ana i na olelo i hoopuka ia e ka Moiwahine ma kana halawai mua ana me Mr. Willis."

 

NA LETA

            [Aole o makou makemake e lawe i ke koikoi o ua hala no na manao i hoopuka ia malalo o keia poo e ko makou poe mea kakau.]

Owai o Stand For His Own Country?

            I hoolahaia maloko o ka nupepa Ka Oiaio o ka la 16 o Feberuari, Buke 6 Helu 7, Aoao3, nona ke Poo Manao  "Kolekole ka Noa a Kamalii."   Ua maopopo, o oe kekahi o na hoopilimeai nui o ke ao nei e pue mai la i ke anu o ka wai hu o Kauwila.  I nui ko aho i ka luu ana ilalo, pakele oe, oili ae no kekahi manamana wawae ou iluna, ike pono oe i ke kipuka kaula ili poho lalo.  E kuhi ana paha oe i na keiki hoohui aina o Kau he mau puhikole e like la me oe, a lohe ole no hoi ko pepeiao manamana, o na keiki iho ia a "Poha" ka mea i hana a olo ka eke, ka mea i kukulu i ka hale i wahi e kalua ia ai ka puaa.  E like me kou ano hohe wale, pela no oe i huna ai i kou inoa ponoi, no ke ino no o ka inoa pela no i ino ai ka manao, a hoolaha ae nei i ka mea hoopunipuni.  Mai noho a hooni hou mai i ke kahili lau niu.                        Owau iho no,  W. J. Young,  Kau, Hawaii, Feberuari 28, 1894.

 

Hunahuna mea Hou o ka Aina Makani o Kau.

            Ma Punaluu, ma ka la 23 o Feberuari, ua haalele mai ia i keia ola ana o James K. Kekania.  Ua haalele iho oia mahope nei he wahine a me ka ohana nui, kekahi keia o na kanaka kuonoonoo o ka aina nei.

            Nui ka ua iloko o keia mau pule, nui pu me ka hekili a me ka uwila, olelo mai ka poe kilokilo he wai maka ka keia no ke Aupuni Moi o Hawaii nei.  No na keiki o ka Hui Hoohui Aina o Kau nei, he oia mau no lakou i ke alo pali, aohe mea nana e hoone ae, ua lokahi ka manao ma na ano apau, pua kauahi i na keiki Hoohui Aina i kakoo ia e na keiki o ka Lai A Ehu, i hoonoho ia mai e malama i ka maluhia.

            He mau la helu wale no koe, noho mai ke kau kiure Apana III, he ekolu wale no hihia i maopopo o Kau nei oia o Sam Tai, he malama opiuma, Kaapana ke aihue lio, a me H. F. Milis hoao e ki i ka makai i ka pu he mau hihia hoohalahala wale no keia mai ka aha apana o Kau komohana.

            Nui ka maluhia o keia apana i keia wa, aole e like la me na makahiki i kaa hope ae nei, ke huli like mai nei na kanaka i ke alanui o ka hoopono e malama mau ia ana na halawai ma na wahi like ole o na apana, hui pu hoi kekahi me ka manao hoohui aina kokolo ka mole i ka papaku o ka honua.

            Nui ke ohohia ia o ka olelo pane a ka Peresidena Dole ia Kuhina Willis, hao ka mana i ke keiki lalawai o ke Aupuni Kuikawa, o ka makou wale no e kalokalo ae nei, imua a hiki i ka lanakila ana.

            Ua lohe pono ia iho nei o ka hope kumukula a Pahala, he hoauau i kona lio iloko o ka pahu wai e inu ai o na haumana a me kona hoohainu i kana wahi ilio kawau me ke ke kiaha e inu ai o na haumana, he hana hookano maoli no keia a keia wahi haole, aole no i kupono kona noho ana i hope kumukula, oiai he inoa paumaele kona a he hikiwawe ma ka huhu.  Oia no kela i hoike ia ae la maluna no ka hoao ana e ki i ka makai i ka pu, kupono ka papa hoonaauao e nana mai i keia.  Me ke aloha nui i ka lunahooponopono.                    Ka Ua Haao.               Feberuari 28, 1894.

 

Ua Hoohaahaa anei Au i ka Apana o Kohala.

MR. LUNAHOOPONOPONO;

Aloha oe:

            E oluolu mai oe e hookomo iho i keia ma kahi kaawale o ka nupepa Kuokoa me ko Hawaii Paeaina i Huiia, i ike mai ai kona poe heluhelu i ka rula naauao mai ka apana mai o Kohala.  Wahi a lakou, ua hoohaahaa au i ka apana o Kohala nei mamuli o ke'u kakau pololei ana i ko'u wahi e noho nei.  O ka pololei wahi a lakou, ina oe e noho i Hikauhi, kakau iho oe Kaunakahakai.  He piha naauao o Kohala nei i keia mau la a'u e noho nei.  Nau no e Kohala i hoohaahaa ia oe.  Mamuli o kou hoike ana nei i ke akea, i kela mau kauoha hoomakeaka i ko oukou mau elele i hoouna ia ai ma Honolulu.  Aole anei e hiki i ka ike loio o keia elele ke ike iho, ua papa ke kumukanawai o ka 1887 ia mau mea aole e hoana okoa ia?  Ina hoi e hoana okoa ia, alaila o ia hana ana, ua kue i ke kumukanawai.  O na kanawai me ha hapa kanawai e kue ana i ke kumukanawai e ohi auanei lakou i ka puahiohio.  Ina owau ka elele no ia mea ina ua lawe ia e a'u a hookuu aku maluna o na ale o Alenuihaha.  Aole anei he mau loio e ae maloko o keia ahahui olalau?  E hiki ai no la hoi ke kaua iho iwaena o oukou a nalo iho me ka ike ole ia mai e ka lehulehe.

            Ka hue ia ae nei ia i ke akea i mea hoohenehone i ka apana e papahi nei i ka lei o ka haaheo, i like me kuu olelo i ka poe o kuu wahi e noho nei, ke hookahua nei oukou i ko oukou aloha i ka aina maluna o ka wai.  He mea waiwai ole wahi a ke kalaiaina, no ka mea, o ka wai he mea loaa wale no me ka panai ole ia o kekahi mea.  O ka mea loaa wale me ka panai ole ia aku o kekahi mea, aole loa ia he waiwai.  Ina o ke kahua aole waiwai, alaila, o ka hua e loaa mai ana aia ke hookolo ala ka mahope o kona kahua, eia oukou ke lana nei maluna o kaili laumania o ka wai, e lele pauki ana e like me na mokukuna i ka wa pohu.

            Aole ka enekini ka mea nana e hoonee aku imua, o ka holo pokaakaa koe a palemo aku na ohua o luna.   He mea maa mau i na makamaka o keia apana, i ka wa e komo mai ai o kekahi hana hou iloko o ka aina nei, aole i kana mai kona pii emoole ana ma ka papa ekahi o ko Hawaii Pacaina holookoa, holo mua na hana e like me Seneki a me Mude.  E hoouna ana i kona mau elele ma o a maanei o keia Paemoku, e hai ana i ka lamaku o ka malamalama me ka wiwo ole, he wa pokole mahope mai o keia mau pono i ike ia ua maalo koke aku la mai o lakou aku.

            Koe wale iho la no na wahi hapauea e like me a'u e ike nei i keia mau la.  Ano like me ka hee, i kona wa e ike ai i ka leho e hookuukuu ia iho ana, aole i kana mai ka maaa o kona mau aweawe; i kona wa i paa ai i ka lima o ke kanaka lawaia, ua poho iho la kona manaolana i kana mea i hauoli ai.  Aole anei he mea pono ia oe e Kohala e hookuu aku i ke koloka o ka pouli, a aahu iho i ke kihei  o ka malamalama?  Ma ka olelo pilikino ino haalele loa.  Aole loa au e hilahila no ia mea, aka o Kohala, eia ka ke hoi hou nei oukou i hope ma ke kulana holomua o ko Hawaii opio.  No ko oukou puni wale i kahi nupepa oiaio ole a Bush ka makuahine o na olelo ino a pau.  Heaha la ko oukou mea lawe ole i ka Kuokoa me ka Hawaii Paeaina i Huiia?  Ka ipukukui nana e heike nei ka lamaku o ka malamalama ma na kapakai nani ou e Hawaii.  Maanei au mai ka makahiki 1879 a hiki i ka hapa hope o ka 1884 ma ka ano he kamalii kula.  Iloko o ia mau makahiki a'u i noho ai, alawa ae la au, he oi aku keia o ka apana holomua ma na ano a pau, holomua na hana hoonaauao.  Nolaila ua i hiki mai ai ianei, kona lawelawe kalepa ana, na hana pono, piha ka luakini me na hale halawai, holomua na lulu dala a me kekahi i mau hana e ae no, a pela no i ili iho ai keia olelo, Le-i Kohala i ka nuku na kanaka, aka, i kuu hiki hou ana mai nei ma ka hapa hope o ka 1893 iho nei, he mea e ka hehee koke ana iho o keia pono nui a'u i manao ai, he wai mapuna e pipli mau ana.  Ke ike mai nei oukou, eia la o Kohala ke ku nei ma ke kahua o na olelo pelapela, ke hoolako nei ia lakou me na nupepa olalau, ke hoolako nei ia lakou me na nupepa olalau, ke hoolako nei i na haole kahuna moremona hoopunipuni me na olelo malimali, wahi a lakou, aloha aina matou, maitai ta moi tumutanawai.                    Aole i pau.

 

Olelo Hooholo Hoalohaleha.

IA MARY KAUHANE,

            Ka wahine kanemake e noho la iloko o ke kaumaha a me ka luuluu.

Me ko makou ilihia:   

            NO KA MEA, O ka lokomaikai o ke Akua Mana Loa, a me ka launa pu ana mai o kona Uhane Hemolele me kakou, e mau loa ana no ia.  Aia iloko o kona Akua ana, kona mana piha, kona ihiihi, a me kona aloha palena ole, ua kaliea mai la oia ia Kimo Kauhane i kou kokoolua kou hoapili, kau kanemare hoi i aloha nui ia, a hookipa aku la iaia ma keia ao, ma kona poli e maha ai.

            A NO KA MEA HOI, Ma ka manaolana ana o kakou a pau, ma kana mau hana koa a wiwo ole i waiho iho ai mahope nei, a me kona ola i molia ai, ana i hooko ai no ka pono o kona aina a me ka maluhia o ka lehulehu, o keia ka "hoku" hope loa iloko o na hoomanao piha walohia ana nona, a he kiahoomanao poina ole no olua no ka manawa pau ole.  A ia oe hoi e ko makou hoa paahana a lala nui a koikoi o ko makou Ahahui Himeni, a hoa hana kahiko, a hoa luhi hoomawanui pu ma na hana maikai a pau iloko o ka poli aloha o ka Ekalesia makua o Kawaiahao.  Nolaila.

            E HOOHOLOIA:  () makou o na lala a pau a me na hoa hanohano o ka Hui Mele Hawaii Noeau o ke kulanakauhale alii o Honolulu nei, i awaiaulu ia malalo iho o na maawe kaakolu o na hoomanao walohia piha nou, ke kaana like nei lakou me oe me keia mau kanaenae aloha malalo iho;

            E HOOHOLOIA :  Ke komo pu aku nei makou a pau me na hoomanao walohia nona, iloko o ke kanikau nui, ka luuluu paumako, a me ke kaumaha piha kuhohonu o ka ehaeha me oe i hoonele ia mai i ke kane ka hoapili e noho mehameha;

            E HOOHOLOIA :  A ke pule nei makou, me ka hoonani nui i ka Makua Mana Loa, e hoomama mai i kou luuluu a me na haawe koikoi e halii nei maluna o ka ohana i hoonele ia.  A e haawi aku kakou iaia a pau me ka hilinai piha ma ona la e loaa ai ia kakou ka maha;

            E HOOHOLOIA :  I  hookahi kope o keia olelo hooholo i ka wahine kanemake, i hookahi kope i ka nupepa KUOKOA,  a i hookahi kope e kakau ia iloko o ka buke moolelo o ka Ahahui.                  Me ko makou aloha,               HUI MELE HAWAII NOEAU.

 

Man Kamahele Makaikai i ka Wahine o ka Lua, KaluaoPele, Kilauea, a o ke Kamahao o na Kamahao

[Hoomauia]

            A pau keia pihe, ua haalele aku la maua ia keena a hoi mai i kekahi keena mawaho loa, oia no ke keena hoonanea.  Malaila maua i ike iho ai he mau buke e waiho ana maluna o ke pakaukau.  I ko maua wehe ana ae, ike iho la maua i na inoa o ka poe i hiki aku i ka Luapele Kamahao o Kilauea a me kekahi mau moolelo pokole i kakau ia e kekahi poe makaikai no ua wahine nei o ka lua.

            He nui na moolelo ano hooheno maloko o ua buke nei e pili ana no ka wahine aiwaiwa o ia uka i imi e hu ai kou aka e ka mea e heluhelu ana.  Ma ia keena ua halawai maua me kekahi makamaka haole, a ua nenea me ia ma ke kukai olelo ana no na mea e pili ana i ka aiwaiwa o ke ao nei.  Ua ninau mai oia ia maua, ua ike mua anei olua ia Kilaeua nei?  Ua pane aku na kamahele, aole, ka maka mua loa keia o ko maua hiki ana ia nei.  Mamuli o ko maua lohe mau i ka nani kamahao a me ke kilakila o keia luapele, nolaila, ua kono ia ko maua mau lunaikehala me ka hoeueu mau ia o ko maua mau puuwai e naue e ike kumaka i ka nani o ka wahine i ka aiwaiwa i ka luaopele.

            Mahope o na kukai olelo ana me ia.  Ua alakai aku la o Mr. Lee ia maua no ka hoomakaikai ana i ka hale a me na mea a pau e pili ana i ke keena a me na kapuahi hoopumehana.  He waipahe a me ka oluolu pihu kona kamailio ana, a he mea hoi e hoolana ai i ka manao o ka mea makaikai.  E hoike mau mai ana kona mau helehelena i ka nanaina o ka hauoli a me ka hoihoi.

            A pau kona hoikeike a me ke kuhikuhi ana ia maua, ua komo hou aku la maua maloko o ke keena e waiho ana ke pakaukau pahupahu, a oiai no hoi he maamaalea no na kamahele ma ia haua, nolaila, ua ulele iho la ua mau kamahele nei o @luaopele kamahao o ke ao nei.

            Aole iliuliu loa keia paani hoonanea ana, komo ana ka puuwai i piha i ka oluolu, a me kona leo palupalu a hauoli i pane mai ai oia ia maua.  Ua makukau na lio no olua e iho aku ai e ike i ka nani kupaianaha o ka pele ilaio o ka lua.

            O keia ka wa kupono a olua e iho ai me ke alakai, i hiki olua i lalo i ka lua ika manawa maamaama kupono.  A oiai no hoi ke pii mau nei ka ikaika o ke ahi, a ua hu mai ka pele mai ka lua maamau a i kekahi lua mai, nolaila, wahi a ke alakai, he napelepele ka pohakupele, me ka imi pono ana e palekana ai, a he oiaio no ia.

            Mamua o keia hoomakaukau ana, ua uhi mai ka uhiwai a e paa ana i ka noe mai o ao o ka lua, a he nani ke nana aku oe e ka mea makaikai, aole no i loihi loa keia uhi ana o ka uhiwai a me ka noe, ua mao a e la a hoike mai la ka wahine nani hookalaupua o ka lua i kona nani ula wena.

            I keia wa, ua kii aku la maua i ko maua mau kapauweke a lawe mai la a hoopaa maluna o na noholio o ko maua lio.  Ma ka hora 3:50PM. ponoi i kau a e ai maua maluna o ko maua mau lio no ka iho ana ilalo o ka lua.

            O ke alanui  e iho ai ilalo o ka lua he maikai.  Malalo koke aku o ka lua he maikai.  Malalo koke aku o ka hale hookipa (oia ka hale i kapaia ka Volcano House) e ulu ana na kumulaau a e pua ana no hoi ka lehua.  He nani ka nanaina a me ke kupaianaha maoli no o ia mau mea.  A ia maua i hiki loa aku ai ilalo i ka pahoehoe me ko maua alakai, he uliuli hinuhinu ka'u e ike aku, aia hoi ma o a maanei, e puapuai mai ana hoi ka uwahi pele, a he ku i ke kamahao a ano e maoli ka hana a ka mea ike ole ia.  Ma ka hoomaopopo iho a maua, he ahi wale no keia wahi a makou e hele nei, oiai e puka ana ka mahu ma o a maanei o makou.  Ia makou e nee mau aku nei imua, a ia ko'u man maka e nana ana ma o a maanei o na paia o ua lua kaeaea nei a ke kupaianaha nui wale, me ka i ana iho iloko o'u, pomaikai maoli au i ko'u ike ana i na mea kupaianaha o keia lua kaulana i ko ke au holookoa.

            I keia manawa, ua hoohuli a e la au i ka nanaina a ko maua maka ma kahi e puana @a wena ula o ke ahi a ka wahine.  A ia iloko o'u na manao hauoli a me ka olioli no ka ike uku i ke ahi a ka wahine.  I ko makou hiki ana maloko o kekahi pa-pohaku i kokoke loa i ka lua o Halemaumau, lele iho la maua ilalo mai ko maua mau lio mai, a hele aku i ka hale pili no ka hoike ana aku iluna ma ke telepona, eia makou ilalo nei o ka lua o Halemaumau e luakaha ana ma ka nana ana i ka nani o ka pele.  Hora 4:35 PM.

            Aia iloko o ka lua nui o Kilauea, e moe ana he waeaolelo a hiki iluna i ka hale hookipa.  Ua kukulu ia na pou e hoomaloeloe ana i ka uwea maluna o na pahoehoe pele, ma keia ua loaa ke kukai olelo ana me ko luna poe me ka hiki wawe loa, no ka hoike ana aku i na hana pahaohao a ka pele.

            I keia wa ke ike nei na kamahele i ka hana mai a ka pele me ka nani kamahao a kupaianaha maoli.  Aia ke lele mai la ka pele iluna e like me he waipuilani la, a eia hoi kekahi e pahupahu ana e like me na poka o na pu a aia hoi kekahi e like me na poka pahu e lele ana iluna a poha ae la, e hai ana e like me na nalu kekahi, e ohu ana e like me na nalu o ke kai lipolipo kekahi, i ka nana aku i keia mau mea a pau, he mea e ka nani a me ke kamahao.

            Liuliu mai la ko maua alakai me ka olelo pu ana mai ia maua, e hoomakaukau olua no ko kakou hele aku i kahi e a mai la ke ahi.  Ua piha loa ia ka lua i keia mana wa, a he ano na pelepele loa ka pahoehoe e hiki aku ai i kahi o ke ahi.  Ua hu inehinei ka lokoahi.

            Haawi mai la oia he mau pana kuhikuhi pakahi na maua no ka au ana aku iloko o keia kai kupikipiki o o na pahoehoe napelepele.

            Hele aku la oia mamua, a hahai aku la maua mahope, he mau manao hauoli piha loa a me na manao koa ko maua e hele nei @ keia manawa, ia makou i kaa iki aku ai iwaena konu o Halemaumau, i ke aku la makou i ka haale ana ae o ke pele a hu ae la.  Ia manawa ike iho la maua i ka ula wena o ka pahoehoe e like me ka pohaku imu enaena ma kekahi aoao o makou, hoomau aku la makou me ko maua olelo ole aku i ke alakai o maua, ma kona wahi e hele ai malaila no maua e hahai mau nei.  1 ka hala ana o ka elua hapakolu o ke alahele e hiki loa aku ai i ka lokoahi, ke kamahele ke hu ae la ka pele ma kekahi aoao a ke ikaika loa mai nei ka wena o ke pahoehoe ma kekahi aoao a ke pii pu aenei ka wena malalo o ko makou wahi e hele nei, a i ka wa e hou aku ai ke alakai i ka pahoehoe me kana laau, o ka napele aku la no ia.  A ua lilo keia manawa he manawa apuepue no ko makou hiki pono aku i kahi o ka lokopele.

            Ma ka hoomaopopo aku, he wa wale no no ka hu mai o ka pele, oiai ua hele loa a piha ka loko, na ia mea i hoolilo mai i na manao koa wiwo ole iloko o na kamahele i mau manao wiwo a auhee.  Ua pane koke aku au i ko maua alakai, I! ua lawa keia ike ana i ka lua, e hoi kakou, mai kali hou aku.

 

Hoolaha Kumau

KA AYER SASEPARILA

Oia ka LAAU oi loa o ka maikai no na mai i hookumu ia mai ke koko ino mai.  Ua oi loa ae hoi, nu@ ka mea, o kona kahua i hookumu@ a io ka

Honodorusa Saseparila Oiaio.

No ka mea, o ka LAU NAHELEHELE  a me na mea @ pau i maa i ka hoohuihui ia, oia na laau oi loa o ka maikai, a n@ ka mea hoi ua ike ia ka waiwai io ma ka lapaau ana i na MA'I o ke KOKO--ua oi ka

Ayer Saseparila

ma na mea a pau e hooikaika a e kukulu hou ai i ke kino i hoonawaliwali ia e ka ma'i a me ka eha.

            Ua hoonoono ia ka ai, ua hoopau ia ka ma'i o ka waihona hoowali ai, au hooikaika ia ke Ake a me ka Puu Hoowali ai, a hoohana maikai ia na lala a pau o ke kino.  Ua hookuke ia mai ke kino ae, ka laau make o ka ALAALA, ua hoola la na EHA, na PUHA, na RUMATIKA, na MAIHEHE, na HUEHUE a me na ma'i ma ke poo kahe wale o ka hupe, a ma na wahi a pau ke hooia mai nei na Kauka alakai ka maikai o keia laau.

            Ke hoola nei ia hai, a e hoola no hoi ia oe.

No ke KUNU a me ke ANU o ka

Ayer Cherry Pectoral

ka laau lapaau alakai o na ohana.

@o ka NALULU, ka LEPOPAA

ka LENA a me kekahi mau mea inomo e ae o ka opu, e lawe i ka

AYER HUAALE CATHARTIC

E makemakenui ia nei e ko ke ao puni.

Hoomakaukauia e Kauka J. AYER & CO., Lowell, Masekuseta.

HOLLISTER & CO.

Na Agena ma ka Paeaina Hawaii.

28

 

KAKELA

ME

KUKE

 

KA-HALEKUAI-NUI

 

O N@

WAIWAI LIKE OLE

 

NA MEA

HANA KAMANA AIPAI

Na lako pili hao kukuiu hale,

Na kepa,

Na lei ilio,

Na kaniahao ilio,

Na Pahi,

Na Upa,

Na kope huiu,

Na Puiupuiu.

 

PALAU LIO

 

Na mea mahiai,

Na au ho,

Na au koi,

Na kua bipi,

Na lei bipi,

Na kaulahao bipi,

Na uwea pa,

Na kaa palala,

Na mea piula,

Na ipuhao.

 

Makau me Aho Lawaia

 

Na Iliwai

Na kaula,

Na huiu pena,

Na pulumi,

Na pena, me ka aila,

Na kopa,

Na aila mabu

Na pakeke

Na pakeke hao,

Na kapu hao,

Na pauda,

Na kukaepele,

Na uwiki, a me

Na ipukukui.

Mikini Humuhumu Kaulana

Wilcox, & Gibbs Hookahi Lopi,

ka Remington, Elua Lopi.

            A me na ukaua he nui loa, o keia ano @ me keia ano.

 

Kakela me Kuke

2896-0