Ka Nupepa Kuokoa, Volume XXXIII, Number 10, 10 March 1894 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

Mai a Mahope aku o Iune 1, 1893.

 

NA KAA AHI

NO HONOULIULI.

 

B         B         A         D

A.M.    P.M.    P.M.    P.M.

 

HAALELE IA HONOLULU            8:45     1:45     4:35     5:10

HAALELE IA MANA                      9:30     2:30     5:10     5:56

HIKI I HONOULIULI                      9:57     2:57     5:36     6:22

 

NO HONOLULU.

 

C         B         B         A

A.M.    A.M.    P.M.    P.M.

 

HAALELE IA HONOULIULI         6:21     10:43   3:43     5:42

HAALELE IA MANA                      6:55     11:15   4:15     6:10

HIKI I HONOLULU             7:30     11:55   4:55     6:45

 

            No na Poaono wale no.

            No kela a me keia la.

            Koe na ia Sabati.

            Koe na Poaono.

 

NU HOU HAWAII.

 

            Ua koho ia o D. B. Smith i hoa no ka Aha Kuka i ka Poaha iho nei, ma ka makalua hakahaka.

            Ua lono ia mai ua hiki ae o Prof. W. D. Alexander i Kapalakiko ma ke alaloa e hoi ana i ka home nei.

            E hoomaha ana na kula ia aupuni o ka paeaina holookoa mai ka la 6 aku o Aperila a hiki i ka la 23 hoomaka hou.

            Ua loaa aku ke kino o Hookano o Kalepolepo, Maui, e kau ana i ka lewa he ekolu la ka make ana. He alohja wahine ka opiu ma o ka ai ana.

            Moe i kauwewe na nupepa Anee Alii i keia wa, a ke oili pulelo nei ke KUOKOA i keia wa me ka lanakila i papahi ia ma kona mau lapauila.

 

            Ua huli hoi aku ka mokuahi "Austrailia" no Kapalakiko i ke awakea o ka la 3 aku nei, me 23 mau ohua kapena a me na waiwai Hawaii he $62,000 ka waiwai io i koho ia.

 

            He eono kauna ka nui o na ohua kapena a ke Kinau i hoihoi mai ai i kapena a ke Kinau i hoihoi mai ai i ka Poakolu aku nei ma i ka lua o Pele o Kilauea mai. A o lakou a pau, ua olioli wale no i ka ike ana i ka lua Pele pio ole o ke ao nei.

 

            O keia mau hihia laibita elima o Mr. Walter G. Smith, lunahooponopono o ka nupena name "Hoku" i hoopii ia e Mr. Chas. B. Wilson, ua hoopau wale ia e ka aha mamuli o ka waiho ole ia mai o ka palapala hoopii e ka aoao nana ka hoopii.

 

            Naholo liilii e pe@ na anee alii o Honolulu i ka Poalua iho nei, i ka loaa ana mai o na nupepa a me na lono oiaio ua hoopuka ke Komite Aha Senate i ka hoike e kakia ana i ke pani o ka pahu kupapau o ke aupuni alii ma Hawaii nei.

 

            O na lilo o ke kau kiure kaapuni o ka Apana Hookolokolo Ekahi o ka malama o Feberuari aku la i hala, penei no ia: Uku no na kiure Hawaii, he $528; uku no na kiure haole, he $856; na lilo no na hoike ma na hihia hewa, he $199; na lilo e ae, he $55. Huina nui, he $1,638.

 

            E hoike hui ana na Kula Sabati o Moanalua, Kalahamauleo o Ewa a me ka Makani Kaiaulu o Waianae ma ka luakini o Ewa, ke hiki aku i ka Poaha mua o Aperila la 5 hora 10 o ke kakahiaka. Pela mai ke Kahu Kula Sabati nui o Kona Oahu ia makou. Nolaila e naue nui ae na kula e helu papa ia nei.

 

            Ka i no keia mau kuaua koikoi mamua aku nei, na olapa uwila kupanaha a me na hekili paapaaina o na la 22 o Feberuari a mahope mai no hai, eia ka he hoailona na ka po e hoike e mai ana, ua hewa ka honua eia la ua hakukoi ka aina, a ua kii mai nei ke kai lawe a lilo. Auhea ka ike a na kilokilo pauakaaka a na ka poe hoopuniouni e waha @ama ai!

 

            Ua hala aku no ke kau kiure kaapuni o Kauai e wehe ia ana ma Lihui i ka Poakolu iho nei, Maraki 7, ka Hope Loio Kuhina G. K. Wilder a me ka Ilamuku E. G. Hitchcock. Ua lawe pu ia aku ka Luna Leta mua o Hanalei nona ka inoa J. M. Radway i hoopii ia ai no ka hewa aihue i ka waiwai aupuni i haawi ia ai e malama no ka hookolokolo ma keia kau ae la.

 

            Ua komo mai maloko o ke awa o Honolulu i ka hora 7 o ke kakahiaka Poalua aku nei mai Kapalakiko mai, me 5 mau ohua kapena no Honolulu nei, 50 no Iokahama, 8 no Honokaona a me 7 no Sanahai. Ma ia po ia iho no ua niau loa aku oia no na awa o Iapana a me Kina. Ua pakui hou ia aku mai keia awa ka heluna o kona mau ohua, ina o ke kau ana aku o 2 mau ohua kapena a me 54 mau ohua oneki no Kina. Makai ae o uwapo ka Puali Puhi Ohe o ke Aupuni kahi i hookaukaulele ai i ka lakou mau hokeo kani a hiki wale i ka holo ana.

 

            I ka hora 7 o ke kakahiaka Poaha nei, ua manele ia aku @a i ke Aupuni uhane, o Keo Haalou, ka haii leta kahiko loa hoi o ka mokupuni o Oahu no ka hapaha keneturia makahiki, a o ke kamaaina hoi o na pali hauliuli. O Waipio Hamakua kona aina oiwi, a ua lawa iaia ke 73 mau makahiki a hele aku la i ke aia hoi ole mai.

 

            Ua halulu mai i ka hora 8 o ka po Poakolu iho nei ma keia awa, mai na Panalaau mai o ka hema, ka mokuahi Mariposa. Ua lawe mai oia no Honolulu nei ia elua mau ohua kapena, 3 mau ohua oneki a me kekahi mau ukana uuku, a no na aina e, he 63 ohua kapena, na eke leta a me na ukana. Mahope iho o ka hora 3 auina la Poaha mai, ua kikihi loa aku oia no Kapalakiko.

 

            E haawi ana o Mrs. Gans maloko o ka luakini o Kawaiahao i keia po Poalua iho, Maraki 13, i haiolelo no Ladana kahiko a me Ladana hou ku i ka ulumahiehie e lealea ai ke hoolohe aku, a e kukai pu ia ana me na kii nani hooleleaka nunui i hoike ole ia ma Honolulu nei mamua. Nolaila, mai hoohala i keia wa maikai i panee ia mai. O na pomaikai e loaa mai ana, no ka luakini o Kawaiahao.

 

            Ua hiki mai ianei kekahi haole maamaalea i ke kapili waapa o Mr. W. I.  Balls kona inoa, mai Potalana, Orgona mai. Ua lawe pu mai oia i kekahi o kana hana ike lima i mali ai me ka noeu, he waapa hoehoe pukahi hookahi nohona, iwakalua kapuai ko loa, ekolu kapuai ke akea a he umikumakolu iniha ka hohonu. Ua hele imi ola mai nei oia a malia o noho oia ianei.

 

            Ma ke noi a Rev. J. M. Ezera ke Kakauolelo o ka Ahahui euanelio Mokupuni o Oahu nei ia makou, nolaila ke kono aku nei makou i na lala a pau, e noho ana ka halawai mau o ia ahahui maloko o ka luakini o Kaiahamauleo o Ewa, Oahu, ke hiki aku i ka Poakolu mua o Aperila, oia ka la 4. E hele pau ae na lala ma ka manawa a me kahi i hoike ia maluna.

 

            Ua loaa ae mawaena o na kino ola o ka mokuahi "Warrimoo" mahope iho o ka haalele ana aku ia Kikane, he elima mau haole mahuka i pee malu ilalo o ka moku me ka ike ole ia. Oiai, aole e ae iki ia ka hoopae ana mai i na haole mahuka a puakaka ma keia mau kaiaulu, nolaila ua hoopaa ia lakou iloko o kekahi keena i ka wa o ka mokuahi ma Honolulu nei me ka ae ole ia e lele iuka nei, a i ka holo ana aku o ka moku i Vanekouwa, ua lawe loa ia aku lakou no laila, a malia o hoihoi hou ia mai no ma keia ala moana.

 

            Ua lohe laulaha ia ma keia anaina no kekahi anahulu aenei i hala, ua hana aelike iho o Miss Julie o "na kahuli leo lea" o kapuali kulua Albu, me Col. George W. Macfarlane o keia kulanakauhale, no ka hipuu ana ia laua iho ma kela heelua (hipuu) kauaheahe o keia ola ana. Nolaila, ma keia mua iho, e holo aku ana laua no Kapalakiko a malaila e hooko ai i keia aelike hanohano nui wale, ka noho ana iloko o ka hipuu o ke oia ana kane a wahine ma keia honua akea a ka luhiehu i kau ai ka ohu.

 

            Ua ku mai ka mokuahi "Warrimoo" i ka auina la o ka la 4 o Maraki nei ma keia awa, mahope o ka hala ana he mau la o kona me naha ku maanei, mai Kikane a mai Fiji mai, ma kona ala moana e kikihi loa ana no Vanekouwa. Ua haalele no oia ia Kikane i kona manawa i hoolaha ia ai, aka no ka makani pakuikui mamua aku a me ka kupikipikio o ka moana, nolaila ua apa a hala loa kona manawa ku maanei. Ua lawe mai oia no Honolulu nei ia 7 mau ohua kapena a me 4 mau ohua oneki a me na wahi ukana uuku, a no Vanekouwa he 27 mau ohua kapena. Ma ia Poakahi mai no ua holo loa aku oia no kona awa hope.

 

            O ka hana a kekahi makuakane uhane ole ma Honuakaha ne nei, oia no ka pepehi hoomainoino mau ana i kana kaikamahine uuku o ekolu paha makahiki, e kela kanaka hilahila ole, mai kau hou aku kou lima kakauha maluna o ka mea opiopio nona na makahiki i hai ia ae la maluna, oia hoi ekolu; ma ka hili ana me ka laau a me ke kuikui pu ana me kona mau puupuu lima oolea maluna o keia kino opiopio o kela kamaiki, ua hoohalike keia kanaka i kana keiki me na holoholona ahiu o ka waonahele. A i makemake oe e hoopai hou i ko keiki, owau kai makemake e hoopai hou i ko keiki, owau kai makemake e hoopai mai ae oe ia'u, a e loaa no wau ia oe i keia ahiahi ma Kanekina, alaila, hoomaka mai oe e hili a me ke kui ia'u ma na ano apau, owau kai aa aku ia oe e ke na kanaka hilihila ole pepehi wale no i ka mea opiopio. Mai hana hou aku e ke kanaka hilahila ole.

 

Ka Ninau o Hawaii.

 

[Kakauia e J. E. Rankin, D.D., Peresidena o ke Kula Nui o Howard, Washington, D.C.]

 

            1.         He kuhihewa loa ka unuhiia ana mai o ke kuikahi hoehuiaina i waihoia aku e Peresidena Harisona imua o ka Aha Senate. O ka hana oiaio ku i ka hanohano no ka lahui a me ka Aha Senate, oia ka hoouna elele palapala aku e hoomaikeike ana i ka apono ole o ka hoolala hoolala hoohuiaina.

            2.         He kuhiewa loa ka manao ana iho, ua waihoia mai i ka lahui o Amerika Huipuia kekahi ninau no ka uwao ana. Aia he elua mau aoao kaawale e hana aelike no ka waiho i ka aha uwao alaila hiki.

            3.         He kuhihewa loa ka hookohu ia ana o kekahi Komisina me na mana i haawiia ia Mr.  Blount, me ka ae ole o ka Aha Senate. No ka ninau hoohuiaina, he mea pono ke hoouna i Komisina, aka aole me ke kanalua i ka mana o ke Aupuni Kuikawa.

            4.         He kuhihewa loa ke manao aku he hiki i ko kakou Kuhina i hoohanohanoia aku i ke Aupuni Kuikawa, ke lawelawe hana papalua ma ke ano Kuhina a e hooikaika pu i ka hoihoi ae i ka Moiwahine i kipakuia.

            5.         He kuhihewa loa ke manao aku he maua ko kekahi e hookahuli i ke Aupuni Kuikawa maloko mai o na palena o ka maluhia.

            6.         He kuhihewa loa ka hunakele loa ia ana o ka manaoio maoli o ka Mana Hooko o Amerika Huipuia mai ka Aha Senate a mai ka lahui aku.

            7.         He kuhihewa loa ka manao ana aku o ka olelo hooholo a ka lahui o Amerika Huipuia aole ma ka aoao o ka puali wiwo ole nana i hakoko me ke kahe ole o ke koko e like me ko Amerika la mau makua i hookahuli ai i ke aupuni makuahine o Euelani.

            8.         He kuhihewa loa ka manao ana aku he hana hewa ku i ka lahui kai lawelaweia e ko Amerika Kuhina ma Hawaii, oiai na lahui nui aole keakea mai, aka pahola koke mai nae i ko lakou ike ana i ke aupuni Kuikawa.

            9.         He kuhihewa loa ka manao ana aku, o ke kalaiaina o ka papa elua ma Amerika nei a i ole ma Hawaii, ua like a like ia me ka loea poo loihi a lai malie o ke Aupuni Kuikawa.

 

            O ka hana hanohano a Amerika Huipuia no Hawaii, oia ke kahea aku e hoi mai ko Amerika Kuhina ma Hawaii i keia wa, e mihi haahaa aku no ko Amerika Huipuia mau hana kuhihewa, ka ike koke aku i ka Ripubalika ina i kukuluia, a o ka hoohui mai i ka aina, ina oia i makemake e hui me ka mokuaina o Kaleponi. Aohe mea e ae e oi aku ai ka manaolana no ia hopena mamua o ke ku o ke ahua o ka kakou mau hana kuhihewa.

 

Moku Ili a Nahaha Loa ma Keauhou Kau, Hawaii.

 

            Ua haalele aku ia Nukakela, Wale Hema Hou, Ausetaralia, i ka la u o Ianuari i hala o keia makahiki a holo mai ia no Honolulu nei ka mokupea "Hilo," kapena Le Ballister, me ka piha lanahu he 1250 mau tona ka nui no ka hui o Allen a me Robinson o keia kulanakauhale. A ma ka wanaao o ka la 27 o Feberuari, o ka piha ana no hoi ia o na la he kanalima mai ka haalele ana'ku i ke awa o Nukakela, iloko o ka ua a me ka paa i ka noe, me ke kiai makaala, aia hoi ikaia ae la keia moku maluna o kekahi pukoa he 200 paha kapuai ka mamao mai kumupali paa mai o Keauhou ma Kau, Hawaii a paa iho la malaila.

 

            Ua ala ke kapena ma kela po ma ka oneki a kokoke e ao, a ma ka hora 3:30 wanaao, mahope o ke kuhikuhi ana i ka hulipahu i ka ihu o ka moku e kau ai no Honolulu a me ka manao loa ua kaawale ka moku mai ka aina aku, ua hoi aku ia oia e hooluolu. Aohe i liuliu aku ka hoi ana o ke kapena, hoohoia ana e na kiai, eia na nalu mamua e hai nei!" Ua hoao ia e hoohuli ae i ka moku, aka, mamua o ka hooko ia ana, kau ana o mua iluna o ka pukoa, a emoole hoomaka mai la ka onipaa ana o ka moku, no ka mea e lohe ia ana ka hanee o ka lanahu iloko o ke kai mahope o ka moku.

 

            Ua noho ke kapena mai ka hora 4 wanaao a hiki i ka hora 6 iluna o ka moku, a i ka hoomaopopo ia ana aole e hiki ke hoopakele, oiai ke poi mau nei na nalu, nolaila, ua hookikina ia lakou e haalele, ma ka hookuu ia ana i hookahi waapa. Ma hope o ko lakou kau ana iluna o ka waapa, ke kau ana i ka pahu wai a me ka pahu palena, ua haalele lakou i ka moku me ka lawe ole i ko lakou mau lako ponoi koe wale no na wahi aahu i ka ili. Aole lakou i hoao e pae i Keauhou no ke kaikoo, a nolaila, ua hooiho loa lakou no Punaluu. O i holo aku me ka makani a malie wale iho la no hoi nolaila, hoe lima maoli. No ko lakou nui maoli he 14 maluna, ua pihopiholo kahi waapa, a e komo mai ana ua aui aie nolaila ua hoonohoia i hookahi kanaka e ka mau ai i ka liu, a ua anu pu hoi keia poe olulo no ke koekoe.

 

            I ka auwina la o ia Poalua no i ili ai, hiki aku la lakou i Punaluu a hoopaa iho @a i kahi waapa o lakou nei i ka mouo. Emoole piha ae la o uka o kahakai i na kanaka i ka ike ana mai i keia waapa malihini, a he lehulehu wale o lakou i lele iho iluna o na waa a hoe aku la i kahi a ka waapa e iana mai ana. Mawaena o ia poe e holo la e kii, he elua mau haole o Mr. Fennell a me Mr. Stone. I ka lawe ia ana a pae i ka aina, ua hoihoi ia ke kapena a me ka wahine i ka hale o Mr. Fennell, a o na aliimoku a me na luina, ua hoihoi ia i ka hotele e Mr. Stone.

 

            O keia "Hilo," he moku nani a hou loa, a ua hoolako ia me na keena maikai no na ohua. He 644 na tona kona nui, ma Fair Haven, okana o Humboldt, Kaleponi kona wahi i kapili ia ai i ka 1892. O G. F. Smith & Co. a me kekahi poe e ae na ona, a ua oleloia o ka kapena no kekahi mea kuleana i keia moku. O ka waiwai io i kohoia ai, he $65,000, a eia ko oleloia nei aole ka i panihakahaka ia.

 

            Ma ka hoi ana mai o ka mokuahi Malulani i ke ahiahi o Maraki 2 aku nei, ua hoihoi ia mai na aliimoku a me na luina olulo i Honolulu nei, a ua miki ae o Kanikela Generala America Mills e malama ia lakou me ka ai, kahi e moe ai a e hoolako pu aku me na aahu. Oiai ke holo nei keia poe malalo o ka hae Amerika, nolaila e kaa ana no malalo o ia aupuni na lilo no ka hoihoi ana aku ia lakou a Kapalakiko.

 

            O ke kapena a me ka wahine, ua noho aku no laua i Punaluu a mahope e hoi mai ai.

 

            Eia ka poe a pau oluna o ka moku i ka wa i ili ai:

 

            Kapena Le Ballister a me ka wahine, Ral@ Arnett, Edward Olson, Charles Fries, A. Anderson, J. Anderson, B. Visne, Chas. Jacobson, Louis Braehme, John Smith, Thos. Matthews, Thos. McKenzie.

 

Ma'i Puupuu Hebera.

 

            Ua hekau mai ma ka nuku o Mamala i ka la 3 aku nei i hala o Maraki, ka moku kiapa pepehi kohola "Horatio," malalo o ka noho kapena ana no ka manawa o G. L. Donaldson, me ka hae olenalena o kiepaepa ana i ka makani. Ua holo aku o Mr. Reynolds ka Agena o ka Papa Ola a me ke kauka e nana a ua loaa io aku he umikumamakolu poe i loaa i ka ma'i, oia hoi he ehiku i paapaana e ola ana a he eono mea ma'i ano hou. He elua ma'i i make a kiola ia i ka moana. Ua hoihoi ia keia ma'i ma'i a eia ke malamaia mai nei makai o Kahakaaulana me ke kiai loa ia. O ka moku hoi, aia no mawaho o ke awa ia e kukulu ia ai me ke kiai paa ia e ko ka Papa Oia mau kanaka i hoonoho kiai ia. O ke kapena o keia moku, e i ae no mahope a hiki mai.

 

            Ua haalele keia moku okohola ia Kapalakiko i ka la 23 o Novemaba, a holo mai la no onei me ka apa hele ana ma ka moana a hoohiki mai la ianei me keia pilikia.

 

 

Lapalapa ke Ahi Mahope o na kua o Kalivalana a me Gresham.

 

            Ke olelo nei kekahi mau nupepa lehulehu o Amerika Huipuia, ina e hookolokolo ia o Peresidena Kalivalana a me Kuhina nui Gresham imua o kekahi aha hookolokolo lahui no ka ohumu kipi e hookahuli i ke aupuni o Hawaii e ku nei me ka ikaika o na mea kaua, hoopai like ia laua ma ka oleloike a Peresidena Dole hookahi i hue pau aku nei i ka moolelo o ka Amerika Huipuia mau hana lokoino ia Hawaii ma ka palapala wehewehe kumu pakahi i hoouna ia aku ia Mr. Willis ma ka la 11 o Ianuari aku nei i hala, a i apa ia ka hoouna aku i na ahaolelo lahui a pau ka malama hookahi. Aole hookahi kanaka Amerika he wahi puniu noonoo kona i heluhelu i ka palapala a Mr. Dole no ka hana lapuwale a ka mana hooko o ka lahui nui, i komo ole ka hilahila iloko o ka iwihilo no ke aupuni o ka Ripubalika, a o ku kohana wale nei imua o na maka o ke kahakaha ia ma na moolelo no na hana epaepa.

 

            Pololei wale ka manao alakai o kekahi nupepa Amerika a makou i heluhelu ai he mau malama i hala, e koi ana ia Hawaii nei e kuapo Peresidena o Amerika Huipuia me Hawaii, oia hoi keia e hoihoi aku la Peresidena Dole no Amerika Huipuia, a o "kahi kaula piha wela" olaila o Kalivalana ke hoihoi mai no Hawaii nei. Eia wale no ka mea hewa, aole paha o ka makou mea maikai ke kuapo aku no ia piha welu.

 

            Ua hoohui ia ma ka mase e Rev. J. Waiamau, o C. K. Kapaehaole me Mrs. Lehia Reed.

 

            I ka la 26 o Feberuari, ma ke home noho o ka ohana o Pahau ma Kawaiahao, Honolulu nei, ua hoohuiia ae e Rev. J. M. Kealoha ma ke apo gula maemae o ka mare, o Robert Pahau me Miss Mary Bridges.

 

            Ua hoopiha ia e ke anaina nui ulumahiehie ka luakini o Kawaiahao i ka po Poaono aku nei i hala, no ka hoolohe ana i na leo himeni o na kamalii wahine he 120 o ke Kula II nai Kaikamahine, i kokua pu ia mai e Mr. a me Mrs. Turner, Miss Castle, Miss Paty, Prof. Berger a me kana puali pila kuolo. Ua hoike mai na mele a na kamalii i ka hua o na ao maoli ia ana o ia lala o na mea hoonui ike ia lakou me ke kalai pono ia o na leo i paka ia a papalale ole, e like ia me ko lakou milolii ma kekahi mau leo i mele ia ai. Ua hooi loa ia ka olioli a me ka makahehi o ke anaina ma ko Mr. a me Mrs. Chas. Turner komo pu ana mai e houheuhene a hookauaheahe iho i ko laua mau leo i hiki ke hookuu ia a kiekie a puainawele a ke hoenei ia e like me ka makemake. O Miss Paty hoi, me kana wahi pila kuolo ua maamaalea maoli oia a e lilo ana i haku maluna o ia mea kani. O Prof. Berger a ma kona puali, aole loa i haule ma ua hana kokua maikai o keia ano i na wa i hala, a pela no ia e koene mau nei.

 

            O na loaa o ka po, aole ia e emi ana malalo o ka $250.

 

            I ka wa e nakulu ai oloko o ka opu me ka eha, a hele moku ka lepo, alaila, e hoao i ka CHAMBERLAIN'S COLIC, CHOLERA a me DIAI ROEA REMEDY laau lapaau a e oi aku ana kou mahalo ke ike oe i kona hopena. He oluolu, palekana a puhili ole. He oluolu, palekana a puhili ole. He 25 a me 50 keneta o ka omole, a e kuai ia no ma na halekuai lapaau a pau. BENSON SMITH & CO., na Agena ma ko Hawaii Pae Aina.     tf.

 

            "O ka oi ma ke ao holookoa." Oia ka W. D. WOODRING o BORDLY KENETUKE, e hookaulana nei no ka Chamberlain's Cough Remedy (Laau Kunu). Ke kamailio nei oia ma kona ike ponoi iho i ka inu ana, oiai o kona a me ko kona ohana oia ana mai nei no ia mai ka loaa ana i ke kunu koikoi loa a me ke anu, a ua hooholo oia o keia laau lapaau ka oi ma ka honua nei. E kuai ia no ma na Halekuai Laau Lapaau a pau. O BENSON, SMITH & CO., na Agena ma ko Hawaii Pae Aina.

 

Hoolaha Hou.

 

AHA Hookolokolo Kaapuni Apana Elima o ko Hawaii Pae Aina. Ma ka hooponopono waiwai. Ma ka waiwai o MOLUHILANI k. o Kalihiwai, Ilanalei, Kauai, i make kauoha ole.Imua o ka Lunakanawai Kaapuni, ma ke keena.

            Ma ka heluhelu a me ka waiho ana mai o ka Palapala Noi a Hulukaalaui w. o Honolulu, Oahu, e hoike ana ua make kauoha ole o Moluhilani k, ma Kalihiwai, Hanalei, Kauai, i ka 1893, me ka waiho iho he waiwai ma Hanalei, Kauai, kekahi o ko Hawaii Pae Aina i kupono e hooponoponoia, a e noi ana e hoopukaia ka palapala lunahooponopono waiwai i kou mea noi.

            Ua kauohaia o ka POAHA ka la 29 MARAKI M.H. 1894, i ka hora 10 a.m. oia ka manawai i kohoia no ka hoolohes ana i ua noi la imua o ua Lunakanawai la ma ke Keena Hookolokolo o keia Aha ma Lihui, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolahaia ma ka olelo Hawaii i ekolu Pule ma ke Kuokoa nupepa ma Honolulu.

            Kakauia ma Lihue, ko Hawaii Pae Aina, Feberuari 24, A.D. 1894.

                        JACOB HARDY,

2483-3 Lunakanawai Kaapuni Apana Elima.

 

 

A HA KAAPUNI APANA ELIMA O KO Hawaii Pae Aina. Ma ka hooponopono waiwai. Ma ka waiwai o Opae (k), no Hanapepe, Kauai, i make, imua o ka Lunakanawai Kaapuni ma ke Keena.

 

            No ka mea, ma ka la 4 o Ianuari, M H 1894, ua waiho ia mai imua o ka Aha, kekahi Palapala i olelo ia, oia no ke kauoha hope loa o Opae (k) i olelo ia, i make aku la, a me ka palapala hoopii e noi ana e hooiaio ia kela palapala kauoha a e hoopuka hoi ka palapala luna hooko no ua waiho ia mai o J H Kapukui (k).

 

            Nolaila, ua kauoha ia o ka POALUA oia ka la 6 o MARAKI, M H 1894, ma ka hora 10 a.m. ma ka rumi hookolokolo o ia aha ma Lihue, ma Kauai, oia ka la me ka hora e hooiaio ia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Luna Hooko.

 

            A ua kauoha hou ia, e hoolaha no ia mea no na pule ekolu iloko o ke KUOKOA, he nupepa i pai ia a i hoolaha ia ma Honolulu.

 

            Kakauia ma Lihue, Kauai, ko Hawaii Pae Aina, Feberuari 6, 1894.

                                    JACOB HARDY.

Lunakanawai Kaapuni Apana Elima.

            2483-3

 

ILOKO o ka Aha Kaapuni o ka Apana Hookolokolo Ekahi o ko Hawaii Paeaina. Ma ka hana o ka waiwai o NAHOLOWAA (w) o Manoa Honolulu, Oahu, i make.

 

            No ka mea ua waihoia mai i keia la he palapalai oleloia oia no ka palapala kauoha hope loa o ka mea i make me kekahi palapala noi e noi ana e hooiaio ia ua palapala kauoha la, a e hoopukaia kapalapala hookohu lunahooponopono ia S K Aki, o Honolulu i oleloia.

 

            Nolaila, ma keia ke kauohaia nei o ka POALIMA, la 23 o MARAKI, 1894, hora 10 kakahiaka o ia la, ma ka rumi hookolokolo o ua Aha Hookolokolo la, ma Honolulu, oia kahi a me ka manawa i kohoia no ka hoolohe ana i ua palapala noi la a me ka hooiaio ana i ua palapala kauoha hope la i oleloia, a malaila no e hele mai ai na poe a pau i kuleana malaila, a e kue i ka hooiaio ana ina paha he kue ka lakou.

            Na ka Aha:

                        CARLES F. PETERSON,

                        Kakauolelo.

Honolulu, Feveruari 20, 1804.            2482-3

 

ILOKO O KA AHA KAAPUNI, APANA hookolokolo Ekahi o ko Hawaii Paeaina. Ma ka hana o ka waiwai o YIM YOU ANIU, i make kauoha ole, no Heeia, Koolaupoko, Mokupuni o Oahu.

 

            Ma ka waiho ia ana mai o ka palapala noi a me ka papa hoike a Yim Quon, Lunahooponopono o ka waiwai i olelo ia, e noi ana e apono ia na hoolilo he $2,322,44, a e hoike ana i na dala i loaa mai iaia he $2,648.75, a e noi ana e nana a e apono ia ke@a mau mea, a e kauoha ia e mahele ia ka waiwai e waiho ana ma kona lima i ka poe i kuleana, a e hookuu ia oia mai kona noho ana ma ia ano.

 

            Nolaila, ua kauoha ia o ka POALIMA la 16 o MARAKI, 1891, hora 10 kakahiaka, ma ka rumi Hookolokolo o keia Aha ma Honolulu, Oahu, oia kahi a me ka manawa i koho ia no ka hoolohe ana i ua noi la, a me ka papa hoike i olelo ia. O ka poe a pai i pili a kuleana malaila e hele mai a e hoike i ke kumu, ina he kumu @o ko lakou e ae ole ia ai ua noi la, a malaila e hoike mai ai na hoike o ka mea i kuleana i ua waiwai la i olelo ia.

Kakau ia ma Honolulu, Feberuari 2, 1894.

Na ka Aha:

            GEO. LUCAS,

2481-3 Kakauolelo.

 

 

Hoolaha Lunahooponopono Waiwai.

 

O KA mea nona ka inoa malalo iho, ua hoonoho ia mai oia i Lunahooponopono Waiwai no ka Waiwai o HANA HAELO KAPALI w, no Moanalua, Oahu, i make aku nei mamuli o ka olelo hooholo o ka Hon Cooper, Lunakanawai Kaapuni o ka Aha Kaapuni Apana 1 i hoopuka ia ma ka la 19 o Ianuari, 1894. Nolaila, ke kauoha aku nei oia i na mea a pau, ina he aie ko ka mea i make i kekahi e hoike mai i ka lakou bila aie me na hooia oiaio no ia aie iloko o na mahina eono mai keia la aku, ina hoike ole mai, e lilo ia mau aie i mea ole. Ina ua aie kekahi i ka mea i make, e hookaa koke mai ke ole e hoopii ia.

            D. KAPALI,

                        Lunahooponopono Waiwai.

            Honolulu, Mar. 10, 1894.        2482-4

 

 

Hoolaha Hou.

 

E haawi i na Keiki Ai Waiu -

A ME NA POE O MAIMAI

 

MELLIN'S FOOD

For INFANTS and INVALIDS.

I ka Mea Ai.

He Ai Hoou@u @ loa

 

@No ka@hooulu Ka ma@@@

Ka Hoopohaia mai ana

Na Mai Ako Pau

Na Opu Aiwa@@ ole.

 

a me na elemakule i loaa i na Nawaliwali.

 

HE

AI MAIKAI LOA,

 

No na Pokii Hanai Lima ia.

 

BENSON, SMITH & CO.

            Na Agena wale no ma ko Hawaii Pae Aina.

 

 

PALAPALA HOOKOHU HOPE.

 

E IKE auanei na kanaka a pau ke nana mai, owau o Wm. Kajaiawailua, no Kealia, Apana o S. Kona, Mokupuni o Hawaii, e noho nei ma Wailuku, Mokupuni o Maui, ke hana nei au a ke hookohu nei, a ma keia ke hookohu nei au ia Pilipo Haae o Kealia, Kona-hema, Hawaii, i hope no'u, no ka manawa a'u i makemake ai iaia, a iaia no ka ma@a e malama a e hooponopono i ko'u mau waiwai a pau loa e waiho ia malaila a me kekahi mau mea e ae ma ko'u inoa.

 

            I hoike no keia, ke kakau nei au i ko'u inoa a hoopili i ko'u Sila i keia la 23 o Feb. 1894.

                        WM. KAHALAWAILUA.

Kahului, Maui.            2483-3

 

HE MAU AINA NO KE KUAI.

 

I KULIKE ai me ka mana o kekahi Kauoha i hoopukaia e ka Aha ma o ka Lunakanawai Kiekie Hon. A. F. Judd, ma ka hihia a William Watson a me kekahi poe e ae kue ia David Watson, nolaila e kuai ia aku ana ma ke kudala akea ma ka rumi kudala o James F. Morgan ma ka.

 

POAKAHI, MARAKI 19, 1894,

 

Hora 12 awakea.

 

            O keia mau apana ai@a a pau e waiho la ma Kaneohe, Koolaupoko, Oahu a i hoakaka pono ia e like me keia: Apana 1, 3-80-100 eka; apana 2, 4 21 eka: apana 3, 37.96 eka; apana 4, 7 35 eka. O keia mau apaua a pau, he mau hapa no ka Palapala Sila Nui Helu 174 ia Paulo F. Manini. Apana 5, 20 eka; apana 6, 20 eka; apana 7, 20 eka; apana 8, 54 50 eka; apana 9, 54.50 eka. O keia mau apana aina a pau ua hooliloia aku e Kamehameha IV, ia David Watson ma o kekahi palapala i hanaia Dekemaba 29, 1862 a i kopeia, Buke 16, aoao 127 me 128. Maikai ke Kuleana. Na ka mea kuai mai na lilo hana palapala.

 

            No na mea i koe e ninau ia William C. Achi. Loio no ke Komisina, a i ole ia.

            S. M. KAAUKAI,

            Komisina.

 

Ua Hoopaneeia ke Kudala ma ka la 4 o Aperila.

Honolulu, Feberuari 23, 1894.            2483-3

 

Hoolaha Hooko o ka Moraki a me ke Kuai.

 

I KULIKE ai me ka manao ke kuai i hookomoia iloko o kekahi moraki mai a Kamoa mai a ia Mrs. S. S. Robertson, 1 kakauia ma Sepatemaba 21, 1891, kopeia ma ke keena kakau kope o ka Aupuni ma Oahu, Buke 131 aoao 311 me 12, a i hooliloia mai e ia ia Meleana Keliikanakaole, ke hoolaha ia aku nei ka lohe, ke makemake nei ka mea i lilo mai ai ka moraki e hooko aku, no ke kumu ka uhaki ia o ka aelike oia hoi ka hookaa ole ia o ke kumupaa a me ka ukupanee i ka wa e hookaa ai. A ke hoolaha hou ia aku nei, mahope iho o ka pau ana o na hebedoma ekolu mai keia la aku, e kuai ia aku no ka waiwai i paa maloko o ua moraki la me ke kudala akea, ma ka hale kudala o Jas. F. Morgan i ka POAKAHI la 26 o MARAKI, 1891, hora 12 awakea o ia la.

           

            No na mea i koe, e ninau ia.

                        J. A. MAGOON,

            Loio no Meleana Keliikanakaole, mea i lilo mai ai ka moraki.

            Honolulu, Feb. 27, 1894.

 

            O ka waiwai i paa maloko o ua moraki la e kuai ia aku ana, oia kela apana aina e waiho la ma Kapalama-kai, i kunikuhiia penei:

            1 Loi a me Kula. E hoomaka ana ma ke kihi hik. o ka ap. 3 o ka kuleana helu 3144 no Ku a holo aku: Ak. 13.00 kom. 80.5 kap. e pili ana me L.C.A. 3144, ak 69.00 kom 160 4 kap e pili ana me L.C.A. 3144, ak. 27.30 hik 229 kap e pili ana me kakahi wahi o ke konohiki, hem. 48.30 hik 26 8 kap e pili ana me Apana C, hem 9.00 hik 127 4 kap e pili ana me L.C.A. 8856, ak 77.15 hik 54 8 kap e pili ana me L.C.A. 8856, ak 42.00 hik 95.0 kap e pili ana me L.C.A. 8856, ak 64.30 hik 141.9 kap e pili ana me L.C.A. 8856, hem 15.30 kom 66 kap e pili ana me ka auwai, hem 36 30 kom 96.4 kap e pili ana me ka auwai a mailaila aku ma kauna a hiki i ka hoomaka ana. Maloko o ia apana 3/8 eka, a oia ka aina i hooliloia ia Kamoa ma ka palapala kuai a na kahu malama waiwai e Mrs. Bernice Pauahi Bishop, i kakau ia ma Ianuari 1, 1887, kopeia ma ke Keena Kakau Kope, Oahu,Buke 104 aoao 239-240.     2483-4

 

 

Hoolaha Hooko o ka Moraki a me ke Kuai.

 

KE Hoolahaia aku nei ka lohe i kulike ai me ka mana o ke kuai i hookomoia iloko o kekahi moraki i hauaia ma ka la 30 o Okatoba, A. D. 1890, e Kawawahimoku, Iliku a me Joseph Kaanaana o Waihee, Mokupuni o Maui ia James M. Mosarrat o Honolulu Mokupuni, Oahu, Kahu, kope ia ma ke Keena Kakau Kope o ke Aupuni Buke 129 a ma na aoao 34, 35 a me 36, ke makamake nei ua James M. Monsarrat la, Kahu i oleloia a mea e paa nei i ka uhaiia o ka aelike iloko o ua moraki la, oia ka hookaa ole ia o ke kumupaa a me ka ukupanee i ka wa e hookaa ai.

 

            Ke hoolaha kou ia aku nei ka lohe i na mea a pau, o kela mau aina a pau, na pono hoaaina a me na pilikana iloko o ua moraki la a i kuhikuhi ia, e kuai ia aku no ma kudala akea ma ka hale kudala o James F. Morgan ma alanui Moiwahine, Honolulu, ma ka Poakahi, la 19 o Maraki, A. D. 1894, hora 12 awakea o ia la.

 

            O ka waiwai i paa maloko o ua moraki la, oia keia,

 

            1.         O kela apana aina e waiho ia lioko o ka ili o Nelu iloko o Waihee, nona ka ili, he 48-100 o ka ea, a oia no ka aina i kuhikuhiia iloko o ka Palapala Sila nui helu 5402 kuleana hoona aina helu 4405 F. F. ia Ku a i hooliloia aku ia Kaanaana ka makuakane o Kawawahimoku. Hiku a me Joseph Kaanaana e Kaawa ke cousini a me ka hooilina ponoi ma ke kanawai o ua Ku la ma ka palapala kuai i hanaia i Dekemaba 31, 1881, kope ia iloko o ke keena kakau kope o ke aupuni, Buke 73 a ma na aoao 88 a me 89.

 

            2.         O kela mau apana aina ekolu e waiho la iloko o na ili o Pupouuiu a me Kapoho ma ua Waihee la, nona ka ili he 1 1/2 mau eka, oia na aina i kuhikuhiia iloko o ka palapala sila nui helu 547 a kuleana hoona aina helu 4296 ia Mahoe 3 ke kupunakane o Kawawahimoku, Hiku a me Joseph Kaanaana.

 

            Kuike ke dala, Na uku hana palapala i ka mea e lilo ai. No na mea i koe e ninau ia.

JAMES M. MONSARRATT, Kahu.

            Mea e paa nei i ka moraki.

Honolulu, Feb. 20, 1894.        2482-4

 

Hoolaha Hooko Moraki.

 

O KA mea nona ka inoa malalo iho, Ka Western & Hawaiian Investment Co., i kaupalenaia, he liui, ke hoolaha aku nei, ke manao nei oia e hooko aku i ka moraki, no ka uhakiia o na olelo o ka moraki, oia hoi ka uku ole ia o ka aie i hoopaaia, ma kekahi moraki i haawiia iaia e Gilbert Waller, i hanaia ma ka la 31 o Augate, 1888, i kopeia ma ka Buke 112 aoao 167-169, o ka aie i hoopaaia ma ua moraki la, oia no he nota aie $12,000, e uku ia iloko o na makahiki ekolu mai ka la mai i hanaia ai ua moraki la, a e kuai kukala aku ana hoi oia ma ka rumi kudala o Jas. F. Morgan ma Honolulu, ma ka POAKAHI, MABAKI 19, 1894, ma ka hora 12 awakea o ia la, i na waiwai a pau i hoopaaia ma ua moraki la.

 

            O ka waiwai i hoopaa ia ma ua moraki la ke waiho nei ma Kalihi, Oahu, e like penei:

            1.         O kela mau aina a pau loa i hoakakaia ma ka palapala kuai a Joseph Pickford ia Gilbert Waller i oleloia, i hana ia ma ka la 10 o Aperila, 1871, a kope ia ma ka buke 33 aoao 22-28; he 289-1000 eka, a i hoakakaia hoi ma ke Sila Nui Helu 3289; a me 7.51 eka i hoakaia na palena iloko o ua palapala kuai la.

            2.         O na aina a pau i hooliloia i ua Gilbert Waller la ma ka palapala kuai a W. L. Moehonua, i janaia ma ka la 18 o Novemaba, 1876, a i kopeia ma ka buke 49 aoao 131 me 132; he 21 eka 8.10 ruda, a i hoakakaia ma ka palapala sila nui helu 6846.

            3.         O kela aina a pau i hooliloia i ua Gilbert Waller ia ma ka palapala kuai a J. Mott Smith Kuhina Kalaiaina, i hanaia ma ka la 23 o Okatoba, 1877 a kopeia ma ka buke 52 aoao 340 me 342, he 9 2-10 eka, a he apana hoi o ka aina i hoakakaia ma ka palapala Sila Nui Helu 8546.

            4.         O ka aina a pau i hooliloia i ua Gilbert Waller la ma ka palapala kuai a Ema Metcalf Beckley, i hanaia ma ka la 11 o Mei 1881, a kope ia ma ka buke 107 aoao 338 me 339, he 6 28-100 eka i hookaaia hoi ma ke kuleana helu 818.

            5.         O na hale hoi, na pa, na mea hou, na enegini, na ipuhao, na pahu wai, na mekini o na no a pau, a oia hoi na mea a pau e pili ana ai ka Hale Hana Bia o ua Gilbert Waller la i kuku luia ma ua aina la; a o na mea e ae paha ua hoohanaia me ua Hale Hana Bia la a ano e ae paha.

                        Dala Kuike.

            Na ka poe kuai mai e uku no na palapala.

            The Western & Hawaiian Investment Co., Kaupalenaia.

 

                        Ma o Kona Hope,

2481-4 W. W. Hall.

 

Hoolaha no ka Hoolohe ana i ka Hoopii Hooponopono Wai ma Lahaina, Maui.

 

KE HOOLAHA ia aku nei ma keia nei na hoopii o C. F. Horner a me Paul R. Isenberg, e lawelawe aua i ka hana ma ke ano he mau hoahui malalo o ka inoa o ka Pioneer Mill ma Lahaina, imua o ke Komisina o na A@@ Liilii a me na Pono Wai o ka apana o Lahaina, Maui, e kue ana ia Kumuliilii (k), Kalua Kauawaliwali (k), Kukue (k), Kukala (k)(, Ilaika (w), Kauahikaua (k), Wahinepio (w), Kahai (k), Kalua (k), Charles Liilii (k), Henry Hairama (k(, D. Kahaulelio (k), Noa Kahaulelio (k), Keao (k), Kawahamana (w), Kaaeae (k), Kapili (k), Kahooneaina (w), Piimoku (w), Kealo (k), Maikeiki Ihihi (k), Kaleihoomio (w), Kahulikaa (k), Elia (k) Kulu (k), Kukue (k), Puniele (k), Kaminamina (w), A,Pali (k), Will Aholo, Hate Ayers (w), Wm White (k), Henry Smith (k), Kualau (w) Waihoi oahu (k), Kanelauwahine (k), Liliuokalani, Lekua (k), Opuuni (k), Palakiko (k), Kahoino (w), Hoohela (w), Joe Paniole (k), J Waiamau (k), Uilama Hinau (k), Kahalepuna (w), Moku (k), Mrs. Sylva (w), Mrs. Espinda (w), J Espinda, Mrs. F. S. Pratt (w), Kaloiele (k), Mrs. J. F. Brown, G K Halemano (k), S Koko (k), J F Brown, M Makalua Kanekoa (k) C Ahwai

a me na poe e ae a pau loa i kuleana iloko a ua loaa paha ia lakou he mau ponoiloko o ka wai o ke kahawai o Kauauia e hoomaopopo a hooholo a hoopaa aku ia C. F. Horner a me Paul R. Isenberg i oleloia na pono wai iloko o ke kahawai i oleloia e pili ana a no na a@@a i ona ia a i ole ia i nohoia e laua, oia hoi o C F Honer a me Paul R. Isenberg i oleloia, a e hoopau i na ano hana hou a kue kanawai e pili ana i ka lawelawe ana, ke ano o ka loaa ana mai, ka ho anoe aua, hookahe ana a mahele ana i ka wai mai ia kahawai mai i oleloia \, a e noi ana e maheleia ka wai o ke kahawai i oleloia iwaena o na aina a pau i kuleana ia wai e like me na pono mai kahiko mai, ka lawelawe mau ana, me ka mea maa mau, a e hoaia hou ia a kukuluia keano kahiko loa o ka lawe ana i ka wai, laweia we ana, hookahe ana a mahele ana i ka wai a no na koina a me na mea e ae e maha ai i ikeia ua kupono, ke olelo nei na  mea hoopii ua loaa he mau hoopaapaa e pili ana i ka mahele ana, ka lawelawe ana a me ke kuleana iloko o ua wai o ke kahawai i oleloia.

 

            Ke hoolaha hou ia aku nei e hoolohe ia aua ua hoopii nei i oleloia ma ka Poakolu, ka la 7 o Maraki, M. H. 1894, ma ka hora 9:30 o ke kakahiaka ma ka Hale Hookolokolo ma Lahaina i oleloia, a ma ia manawa a ma ia wahi na mea a pau i kuleana iloko o ka hoopaapaa i hai mua ia ae nei a me ka wai o ke kahawai i hai mua ia ae nei e hele ae ai a ke hoolaha aku nei ia lakou a pau e hele ae e hooiaio i ko lakou mau kuleana, a ina aole e hele ae, e hooholoia ana no me ko lakou hiki ole ae.

                        HENRY DICKENSON.

            Komisina Kuikawa no na Aia Liilii a me na Pono Wai no ka apana o Lahaina Mokupuni o Maui.

Lahaina, Feb. 9, M. H. 1894.  2481-3

 

Kuai a ka Hamuku.

 

MAMULI o ka mana i loaa ia'u malalo o kekahi Palapala Ohi Waiwai i hoopukaia e ke Aha Apana o Honolulu, ma ka la 10 o Feberuari, 1894, e kue ana ia Kamakau ka mea hoopiiia, no ka pomaikai o J K Kahookano, mea hoopii, no ka huina o $18.75 ua hoomaluia e a'u a e kuai aku ana hoi ma ke kudala mamua iho o "Ulakoheo" ma ka apana o Honolulu, Oahu, ma ka hora 12 awakea o ka Poakolu, la 21 o Maraki, 1894, i ka mea koho kiekie, i na pono a pau, na kuleana e me na mahele a pau o Kamakau, ka mea hoopiiia maloko o keia.

 

            Waapa lawala me na lako pe'a hoe (3) e wai ho la makai o Ulakoheo, ke ole e uku e ia mai ka olelo hooholo i haiia ae la ka ukupanee, ua koina a me na lilo.

 

                        A. M. Brown,

                        Hope Ilamuku.

Honolulu, Febveruari 19, 1894.          2482-4

 

PAPA! PAPA!

 

AIA MA KAHI O

 

Lewers & Cooke

(LUI MA).

 

Ma ke kahua hema o Alanui! Papu me Moi.

 

E LOAA NO NA

 

PAPA NOUAIKI

 

O keia a me keia ano.

 

Na Pani Puka, na Puka Aniani,

na Olepelepe, na Pou, na O'a

na Papa Hele, na Papu Ku,

me na Papa Moe he nui loa

 

NV PILI HALE O NA AND A PAU

 

A me na

 

WAI HOOHINUHINU NANI

 

O na ano a pau loa.

 

Na Balaki o na Ano he Nui Wa

 

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka lawe oihana no ka

 

Uku Haahaa Loa,

 

E like me ka mea e hele ana mawae@@ o Laua a me ka Mea Kuai.

 

Hele Mai e Wae no Oukou iho.

 

2396-q

 

 

 

 

4 kap e pili ana me L.C.A. 8856, ak 77.15 hik 54 8

 

 

TOP COLUMN 6