Ka Nupepa Kuokoa, Volume XXXIII, Number 5, 3 February 1894 — Ili a Nahaha ka Mokuahi C. R. Bishop. [ARTICLE]

Ili a Nahaha ka Mokuahi C. R. Bishop.

Mawaena o ka hora 2 a meB wanaao aku nei, oiai ka mokuahi C. R. Bishop māwaho mai o na lae aa o Kauai mai Honolulu aku nei i ke ahiahi mamua iho me ka piha ukana no na awa lehulehu ma Kauai, a malalo o ka hookele ana a ka malamamoku, aia hoi ua hoopuiwaia.ua mea a pau o luna o ka mokuahi i ke kamumu ana o ke kila iluna o na kuaau mawaho mai o ka aina paa mawaena o Nawiliwili ame Hanamaulu. He po pouli a ka launa ole a e pa pukiki ana no hoi ka uiakani. Ua palekana na mea a pau o luna o ka mokuahi aole he ola i poino. Ua aaki a paa loa ka mokuahi ma-

waena o na kuaau, aua hopohopoia e nahaha loa ana e hiki ole ai ke hoopakele. Ua hoounaia ka lohe ia Kapena Freeman o *a Iwalani e ku ana ma Nawiliwili e hele akn e hoopakele. .Ua holo aku oia i ke kahua o ka popilikia me ka manao e haawi i na kokua e hoopakele ai, aka, ua pahua a hiki ole. Nolaila, ua hoi mai ka Iwalani a ku i Honolulu nei i ke ahiaW poeleele Poakolu nei me keia mea hou 0 ka ili ana o ka Eihopa. 0 ke kapena mau o keia mokuahi, ua niai a hoonohoia i Honolula nei. A mamuli oka holoholo pinepine o ka malamamoku Andrews a kamaaina 110 hoi i na awa o Kauai, nolaila ua haawiia ka mana hookele oka moku ma ia huakai aku nei iaia. A ke manao la no ia i ka hookokoke ana aku 1 ka aina eia no la oiamawaho ae o Nawiliwili, eia ka uapaewa kona wahi e hele nei. Ua lawe oia ina koikoi a pau o keia ulia maluna iho o kona hokua. 0 ka mokuahi C. li. Bishop, no ka Hui Hooholo Mokuahi Pili Aina la, he 146.79 na tona ka nui, kapiliia ma Kapalakiko, ama ka la 29 o Augate, 1886 kona hiki mua āna mai ma Honolulu nei.

He elua oiia mau ili ana mamua aku nei a akelekele loa maoli no ika pilikia, oia hoi ma na kuaau o Molokai ma kana huakai mua loa a e hoi ana mai Hana mai no Honoluhi, a a o ka lua o ka manawa i pakele ai, ma Mokuleia Oahu nei. 0 keia paha auanei ka ili ana e poino loa ai.