Ka Nupepa Kuokoa, Volume XXXIII, Number 5, 3 February 1894 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KA HUI ALAHAO ME AINA O OAHU

MANAWA HOLO.

Kai a Mahope aku o lune @ 1893

NA KAA AHI

NO HONOLULU

            B         B         A         D

            A.M.    P.M.    P.M.    P.M.

HAALELE IA HONOLULU                        @:45   1:45     4:35     5:10

HAALELE IA MANAWA               9:30     2:30     5:10     6:56

HIKI I HONOLULU                         9:57     2:57     5:36     6:22

 

NO HONOLULU.

            C         B         B         A

            A.M.    A.M.    P.M.    P.M.

HAALELE IA HONOLULU                        6:21     10:43   3:43     5:42

HAALELE IA MANAWA               6:55     11:15   4:15     6:40

HIKI I HONOLULU                         7:30     11:55   4:55     6:45

 

No na Poaono wale no.

No kela ame keia ia.

Koe na la Sabati.

Koe na Poaono.

 

NU HOU HAWAII.

E hoomaka hou ana ke Kula Kamehameha ma ka la 12 ae nei o Feberuari, ola hoi ka la poni moi o ke au i hala e.

 

Ua lohe ia me ka minamina nui o waiho ana mai o Miss McLennan i kona kulana kumu poo no ke Kula Hanai Kaikamahine o Mauna Olu.

 

A keia Poakahi mua iho o Feberuari nei, e wehela ai ke kau kiure kaapuni o Oahu nei ma ka hale hookolokolo, me ka noho kahula e Hon W A Whiting.

 

Ua hoopaneeia ke kulaia o Ianuari 17 o na paahanao Makaweli a ma ka la 20 mai hookuuia e hauoli a lealea no lakou iho ma kekahi mau paani i hoomakaukauia.

 

I ka la 27 o Ianuari, ua puka ae mailoko o ka home o Mr. H. M. von Holt ma Nuuanu, he malihini keikikane hou loa, a ua hoomahuahua ia ka heluna o ka ohana i keia wa.

 

Ua makemakeia i hookahi kope pakahi o ka nupepa Puka La Kuokoa o 1893, mai ka helu 1 a hiki i ka helu 10 a me ka helu 20 no ke akeia e humu i buke. E haawiia ke kumukuai i kenikeni no ke kopo hookahi. O ka mea i loko i kela mau helu, e lawe mai i ko makou keena hana nei.

 

Ua hiki mai o Mons. Verleys ma ke kulana Kanikeia no ka Ripubalika o Farani i Hawaii nei. Eia nae ka mea apiki, o kona hookohu no ke uapuni alii, nolaila, ke noho nei oia ma Hawaii nei i kela mau la ma ke ano aohe luna aupuni no kona aina, aka ma ke ano makaainana Farani.

 

Ke upu ia aku nei, ma kekahi o na mokuahi o na panalaau e kipa mai ana ma keia mau la iho, e hiki mai ai o Mrs. Mary Turner a me kana kane. Ke kaikamahine Hawaii puukani kaulana keia i ka himeni malalo o ka inoa Annis Montague e hele nei, oiai o kona inoa ohana a i kamaaina maanei o Mere Kuke.

 

Ua hoao ae he ewalu mau Hawaii hupo o Molokai i alakai ia e kahi lunamakaainana sifa i pau, e hoole i ka hookaa ana i ko lakou auhau pakahi. Ke oleloia mai nei nae hoi ua hoopilia a hoopaila imua o ka aha apana. Ina pela, ke hele la na hoolilo hupo i na koina o ka aha me ka ike no ke noho mana nei ke Aupuni Kuikawa i keia manawa, a o kona mau kanawai, ua kakia kui nao ia maluna o ka aina aohe mea e hoka ai. O ka hupo alakai hewa oia no ke popoiia ana e na ale o ka hookaumaha hou ia iho.

 

Ua hoi mai nei o Rev. O. H. Kulika a me kana wahine mai Amerika Huipuia mai, e noho ana laua ma Hawaii nei no eono paha malama ka loihi, a e komo pu ana o Mr. Kulika e kokua ma ka hana misiona mawaena o na Iapana ma Hawaii nei. No ka mea, mamuli o kona noho loihi ana ma Iapana no iwakalua makahiki ma ka hana misionari, ua maamaalea oia i ka olelo o ia aina a ua ike i ke ano o ka launa a me ka noho ana o ia lahui, a pela i manao ia ai he kokua kupono oia no ka hana misiona mawaena o na Iapana ma Hawaii nei.

 

I ka auina la Poalua aku nei, ua haawi ae o Mr. a me Mrs. Jas. R. Holt ma ko laua wahi e noho nei ma Kalihi, i ahaaina palala nui, no ka puni ana o ka makahiki mua o ka lana makahiapo, a o ka hua ohaha mua hoi o ko laua mau la opio. Ua hoolaukanaka ia ka laua ahaaina ma o ka nui la o na makamaka a me na hoaloha o na makua i hiki aku e hoohanohano i ka la o ke kamalei. Ua hoolawaia ka poe a pau i hiki aku me ke loena ole, a ua hoomania na hoohialaai o ka la a hiki i ke kani aiuka ana a na moa. E ola loihi ke kaina, ka makou kahoahoa.

 

Ua lohe mai makou, ua hoolilo aku nei o S. Ah Mi o Wailuku, i kona mau hale a me na hoolimalima ma Kahului, ao ka $5,500, i kela Hui Alahao a me Aina o Maui.

 

Ua leta ia mai ia makou mai Hawaii a me Maui mai, ua uhi ia iho o luna o na piko o na elemakule mauna o Hawaii a me Maui e ka hau i keia mau la aku nei.

 

Ke hoola aku nei makou i ka loaa ana mai ia makou i ka apa buke i houluulu ia a pai hou ia ai na palapala a pau a Mr. T. H. Davies i kakau ai no ke kulana kahulihuli ma Hawaii.

 

Ua hoi aku o Rev. E. G. Beckwith a me kona ohana i kona ekalesia hou ma Makawao, a ma ke Sabati Ianuari 21, i haawi ai oia i kana halolelo mua loa ma ke kihapai hou maloko o ka luakini o Paia.

 

O ka la 5 ae nei o Feberuari e hiki mai ana, oia ka la "Konohi," makahiki hou o na Pake. A oiai he maa keia lahui i ke kulala ana i ko lakou la makahiki hou, nolaila, aole no lakou e haule hope ana i ka malama ana ia la.

 

Ke upu ia aku nei ke mokuahi "China" e ku mai ana ma ke awa o Kou nei i keia Poakolu iho mai ke awa mai o Kapalakiko, ma kona ala e kikihi loa ana no kona mau awa holoholo mau ma Iapana a me Kina. He moku holo kela.

 

Ua hoouna ia aku i ka Poakahi maluna o Lehua no ka Hui Mahiko o Ookale, Hilo, he enegini a me elua mile loa o na paipu hao pakuikui 4 iniha ana-waena, no ka pauma ana i ka wai mai ke kahawai o Kawalii a hookahekahe i ka wili o Ookala, no ka mea, he nui ka hune o ka wai malaila.

 

Ua koho o Mr. H. P. Baldwin, o ka nui o na kopaa o loaa ana i ka Hui Mahiko o Makaweli i keia ooko e wili ia nei, e hiki ana i ke 12,300 mau tona. Oiai he maamaalea o Mr. Baldwin i ke koho ana ma keia hana, malia io no e hiki io ana ka nui o na tona kopaa ia huina.

 

Ua hoi mai maluna o ka mokuahi "Australia" o ka Poaono i lele paudi aku la, o J. K. Walamau, kekahi o na kamahele i hoopomaikai nui mai i na poe heluhelu o keia nupepa i ka makahiki i hala me kona peni ponoi, mai kana huakai hoomahuahua ike aku nei ma kana hana noeau, a eia e kakou.

 

I ka la 30 iho nei o Ianuari, piha iho la ia Mrs. Isabella Achi ke kanakolu o kona mau la hanau. Nolaila, ua hoomanao ae oia i kona la hanau hanau ma ka pepehi ana i ka mea maa mau i na kama punahele a hoonuanua iho la la nui na mea kupalu o luna o kona papaaina. Ua noho iho oia me kona mau hoa-ai wae, ka-u pakahi ia iho la lakou a kalokalo ae ia, e hoolohi ia ka lede a i ka papalua o na 30 makahiki mai keia la aku. E hoomanao ia, he loa kela e ka ai i koko a kolopupu hoi.

 

I ka la 20 o Ianuari, ua hoomanao ae o Mr. a me Mrs. J. M. Horner makua, ma ko laua home noho ma Kukaiau, Hamakua, i ka puni ana o na makahiki he kanaha-kumamawalu o ko laua noho ana iloko o ke apo o ka mare. Ua malama ia he anaina luana, a he lealea Europa ma ka home, i haiamu ia mai e ka ohana nui ma ia inoa i noho ma kahi mamao a ma kahi kokoke, na makamaka a me na hoaloha., Ua hoohala ia ka manawa me ka maikai a hiki i ka huli ana a na kau, me ka malama pu ia he papaaina. Kokoke no keia i ka mare Iubile.

 

I ka hora 8:20 o ko kakahiaka Poaono i hala, Ianuari 27, ua ku mai ma Honolulu nei ka mokuahi holo kuwaena "Australia" mai Kapalakiko pololei mai, ke awa ana i haaiele aku ai i ka hora 2 auina la o Ianuari 20. Ua hali mai oia no keia awa, in 42 mau ohua kapena, 46 mau ohua oneki, 81 mau eke leta a me na ukana. I ka wa i haalele aku ai ka mokuahi ia Kapalakiko, ua puka ae he mai ulaili i ke keiki a Mrs. E. B. Maxwell, he ohua kapena, a ua hookaawale koke ia mai ka huikau ana mai me ka lehulehu. I ke ku ana mai nei, ua ola loa ka mea mai, a aole hoi i laha ae mawaena o na poe o ka moku. I ka hora 12 o keia awakea, e huli hoi aku ai ka "Australia" no Kapalakiko.

 

NU HOU KUWAHO

Ma ke ku ana mai o ka mokuahi "Mariposa" i ka Poaono i hala mai Kapalakiko mai; ua loaa mai keia mau mea hou malalo iho:

 

Ua eueu ae la ke kumukuai o ke kopaa ma ka Makeke o Nu Ioka a i ka 3 keneta o ka paona hookahi.

 

Ke makemake nei ka Hui Hoomaemae Kopaa Komohana, e hooili 150,000 tona kopaa Hawaii maluna o na moku a hoouna malalo ae o ka Lae Hao a hiki i Nu Ioka, kahi i manao ia ai malaila e hoomaemae ia ai. O ke kumu o keia no ka hoemi ole iho o ka Hui Alahao i ka uku ukana kaaahi no ke kopaa mai Kapalakiko aku a hiki ma kekahi wahi ma Missouri malalo iho o ka 65 keneta o ka 100 paona kopaa. O ka uku no ke kopaa e lawe ia ai mai Kapalakiko a hiki i Nu Ioka maluna o na moku, he $2.75 o ke tona hookahi.

 

Ua hala aku i Wasinetona he poe elele no na poe kanu ko o Lousiana e keakea ai i ka pakaha ana ae i ka uku kaulele o ke kopaa. Ina aole e hoolohe mai na ahaolelo lahui, alaila makemake lakou i ke dute hoouku ia mai, a ma ia mea e ohi pu ai na poe kanu ko o Hawaii i na pomaikai.

 

Kokoke e holo no Kapalakiko ka Peresidena i pau Harrison e hoomaka i na haiolelo ao kanawai imua o na haumana o ke Kulanui o Stanford.

 

Ua waiho aku nei ka poe koho kumukuai i ka waiwai o Luna Senate Stanford i ka lakou hoike, e kau ana he $8,000,000. Aole i komo pu iloko o keia koho ana na mahele kuleana iloko o ka hui kaa ahi, ka aina nui kana waina, a i ole o Pala Alto. Eia he hoopaapaa no na mahele kuleana kaaahi, no ko Huntington hoole, aole e haawi mai no ke kumu he waiwai hui ia no laua like me Stanford i make. E hoopii ana o Mrs. Stanford i haawi ia mai na mahele, no lakou ka waiwai io i koho ia he $8,000,000.

 

Akahi no a ikeia aku ka paapaana mai e makemake ka paa ana o na hale hoikeike o Kapalakiko, a nolaila e wehe ia ana no ka makaikai ia mai e ka lehulehu ma ka la 27 aku nei o Ianuari. Ina e kalae ana ka la, alaila ua koho ia e hiki ana i ka 150,000 ka nui o ka poe e hele mai ana e ike i ka wehe ia ana o ka hoikeike.

 

KA NINAU O HAWAII.

Eia ka hooponopono aua o keia ninau iloko o na Aha Kaukanawai o ka lahui, mamuli o ke kailiku ia ana aku mai ka mana hooko aku o Amerika Huipuia. A o kekahi mau palapala ano nui i pili i ka ninau o Hawaii nei mai ke Kuhina Willis aku, a i huna loa ia e ka Peresidena mai ko na Ahaolelo Lahui ike ana no ka lihaliha a pegana o na hana maloko, a i makau honua ai o Peresidena Kalivalana ina e ike ia lilo oia i kino oia hoino a kuha ia, ua huai puka nui ia aenei, a ua like io ka hopena e like me ka Kalivalaua i hopohopo a makau loa ai. No ka mea, ua lilo oia i hailona kipu e ki ia nei, aole wale maloko o na nupepa, na hale ahaolelo, na kamakamalilio akea, aka ma na home pu kekahi. I ka nana aku, he pule hoahewa kela a kela lahui i ko lakou poo aupuni, a o ka leo iho la no ia o ke Akua.

 

Ua hooholo ka Papa Kalepa o Kapalakiko, no ka pono e hoohui mai i na pae aina o Hawaii me ka Ripubalika o Amerika Huipuia, a oia wale no ka mea pono e hana ai.

 

KO BERAZILA KULANA.

Aole i loli ae ko Berazila kulana kipikipi no ka hopena maikai. Eia ka Peresidena Peixoto o Berazila ke hoohele nei i kona mau pualikoa a me na mokukaua i mea e keakea aku ai i ko ka enemi lele kaua ana mai i kona mau papu. Ke manao ia aku nei hoi, eia o Adimarala Mello ke hooikaika ino loa nei e lanakila ola, a i ole e holo mahuka aku. Aia no ke haluku la iloko o ke kulanakauhale o Rio na poka pahu a ka enemi, a ua pau i ka make kekahi poe. Oiai e noke ana no i ke kaua na aoa elua, ke lohe pu ia mai nei no hoi, ke makemake la na aoao hakaka a i elua e waiho i keia hana i ka aha uwao.

 

ITALIA A ME NA HAUNAELE KULOKO.

Ke pii nui la ke ano hoohaunaele ma Italia i kela a me keia la. Aia no ke hoomau la na haunaele ma Siciy a ke palahalaha aku la nae ma kekahi mau apana, kahi a na poe paipai a houluulu kipi e peahi la i na ula ahi o ka hoomokuahana. Ke olelo mai nei kekahi lohe, e hoao ia ana kekahi hana uluaoa e hookahuli i ke aupuni alii, a e kukulu i aupuni Ripubalika, i keia mau hebedoma iho. Ua kuahauala ke kanawai koa ma Corrara.

 

[Mai ka Aoao Ekkahi Mai]

HE ALII HAWAII OMO KOKO!

E Oki ia na Poo!

E Kahe Hilihili na Koko o na Alakai o Hawaii!

A E HAO ALE IA NA WAIWAI!

Ka Hana a na Pegana!

Ua olelo aku au, ua hamama keia haawaina iaia i ka po a me ke ao a ko kakou aupuni i waiho aku @, ke makemake oia. Me kekahi mau olelo pilikino mahope iho, ua oki iho la ko maua launa ana. He mea makehewa ia'u ke pakui aka ma ko'u hooki ana, mamuli o ka puaialena nui o na noonoo ana ua kupono ka hana koke ana e pale ia ai na hopena popilikia.

 

Ma ka la 9 o Dekemaba, ua kakau hou aku o Mr. Willis la Mr. Gresham mai ke Keena Oihana Kuhina Amerika aku ma Honolulu nei, he palapala, penei:

 

Aloha oe:-Ma ke kakahiaka o ka la 5 o Dekemaba, ua kipa mai i o u o C B Wilson oia hoi ka Hamuku o ka Moiwahine i ka wa i hookahuli ia ai. Ua ninau aku au iaia heaha kana hana i komo mai ai? Ua pane mai ola, aohe ana hana, "e kali ana ia i na hopena." Ua ninau aku au iaia, "I na hopena hea?" Ua pano mai ia, "ka hoihoi hou ia o ka Moiwahine." Ua ninau aku au iaia i kahi i loaa ai ia lohe. Ua pane mai oia, "Aohe wahi e ae," aka ua manaolana oia no ia mea. Alaila, ua hoohuli ae la au i ke kamailio ana ma kekahi mea e ae.

 

Iaia e ku ana e hoi, ua unuhi ae la he palapala mailoko ae o kona pakeke a haawi mai la ia'u, me ka olelo ana aole i maopopo iaia he pono paha aole paha, a waiho iho la. Ma ka nana ana i ka palapala, ike iho la au, he mau hoolala hana no ka hoihoi ia ana o ka Moiwahine, a oia keia e hoouna pu ia aku nei, penei:

 

I ka wa koke no e loaa mai ai na lono pili aupuni a ano e ae paha, e hoihoi ia mai ana Ke Alii ka Moiwahine me kona Aupuni e like la me ko ka ia 17 o Ianuari, 1893, ma kona kulana mua ma ke ano Aupuni oni paa o ko Hawaiai Pae Aina, alaila, o ka Aha Kuhina ma kela wa e kahea koke i halawai na ka Aha Kuhina, no ka noonoo a hoomakaukau ana i ke ala e hana aku ai malalo oia mau mea, a hooholo i na mea pono no ka malama ana i ka palekana o ke Alii a me kona Aupuni a me ka malama ana i ke ola a me ka waiwai a pau o na kamaaina o keia aupuni a e malama i ka maluhia a me ke kanawai a puni na mokupuni, a me na mea e ae a pau i pili i ka hoihoi hou ia ana mai e like me ka ko ke Alii mau Kuhina i manao ai he kupono, i mea e hiki ai i na kanawaia o ke aupuni ke hooko ia e like me ke ku i ke kumukanawai, a e pale ia ai hoi na hookahe wale ana i na koko a make paha na ola ma o na kuo ulupuni la e hoea mai ana.

 

He mea pono e hoomakaukau e ia no keia mau ouli e hiki mai ana ma ka noonoo ana no keia mau mea hihipea, ma ke akahele mamua o ka hiki io ana mai oia wa. Aohe hopena e ae i nana ia aku o ka maikiai wale no ina e malie a akahele ka hoolala ana, oiai hoi ina e waiho ia peia a hiki i ka manawa hope loa noonoo a hana, e pupuahulu a akaka ole ana a hiki ole ke ko, a malia paha o loaa ka poino koikoi.

 

Mahope o ko ka moiwahine aha kuhina hooholo ana i kekahi papakuhi kuhi hana alaila na lakou e kono aku e noho pu mai e kuka me lakou i keia papaiona o na hoaloha i hakiloia o ke aupuni alii a me ka lahui ma ke ano mau alakai a mau kokua ma na mea a pau e hoea mai ana i ka wa e hoihoi ia ai ke alii a me kona aupuni e like me ke kulana i ka wa i kiola mana ole ia ai oia a hiki i ka manawa e maluhia ai a like me ka wa mua ko kukulu paa ia ma ke ano aupuni i ike ia mai a ku malalo o ke kanawai a aupuni oiaio maoli o ka lahui Hawaii.

 

O keia poe ae la i paa na inoa ma ke ano mau hoa kuka a mau kokua e halawai lakou me ka Aha Kuhina no ka noonoo, kuka a hoololi ana ina i kupono, alaila, apono a hooholo i na hoolala ana i waihoia imua o lakou e ka Aha Kuhina no ka hooholo lea loa ia ana o na mea i heluia ne nei mamua. Mahope o ka hooholo loa ia ana e na aha a i elua, alaila na ka aha kuhina e lawe aku imua o ka Moiwahine no kona apono mai, a e noho mai no na hoa kuka a me na kokua pela e kali ai me ka akoakoa no a hiki i ka wa e hoi mai ai ka aha kuhina mai ko lakou halawai ana me ka moiwahine.

            Aole i pau.

 

"Wailuku, Ian. 27.-He lono ia e holo nei mawaena o na Anee Alii maanei, ua hooholo ke Komite o ka Ahaolelo e apono ana i ke kumuhana a Kalivaiana." [\O ke Komite o ka ahaolelo hea keia? Ka Ahaolelo oki puu a omo koko anei i wae ia e Wilikina? Ina i pili keia Komite i na Ahaolelo lahui o America Huipuia, alaila, he like ole. He okoa no ko ka Hale Lunamakaainana a he okoa ko ka Hale Senate. A he mea maopopo loa i o la honua, aole loa e ae ana keia mau komite e hoihoi i ke alii puni koko ma kekahi nohoalii, olai ua paku ae nei ka noa huna a Kalivaiana, a ua lihaliha loa ka lahui o America Huipuia i kela hana oki puu. L.H.]

 

I ka wa e nakulu ai oloko o ka opu me ka eha a hele moku ka lepo, aiaila, e hoao i ka CHAMBERLAIN'S COLIC, CHOLERA a me DIAEROEA REMEDY laau lapaau a e oi aku ana kou mahalo ke ike oe i kona hop@na. He oluolu, palekana a puhili o e. He oluolu, palekana a puhili ole, He 25 a me 50 keneta o ka omole, a e kuai ia no ma na halekuai lapaau a pau. BENSON SMITH & CO., na Agena ma ko Hawaii Pae Aina. tf.

 

1894

HE MAKANA HOU!

HE WATI KOLUMEBIA!!

E makana i ai ka mea e hoouna mai ana i Umi Dala ($10) no ka Nupepa Kuokoa o ka M. H. 1894.

 

E heluhelu i ka hoola ha hou ma ka Pepa Manawalea..

 

E ninau i ka

 

HAWAIIAN GAZETTE CO.,

HOHOLULU.

Hoolaha Hou.

AHA HOOKOLOKOLO KAAPUNI, APANA Ekahi o ko Hawaii Paeaina-Ma ka hana Hooponopono Waiwai. Ma ka hana o ka waiwai o W. P. KAHALE, o Wailuku, Maui, i make.

 

Ma ka heluhelu a me ka waiho ia ana mai o ka palapala noi a me ka papa hoike helu a William o. Smith. Lunahooko Kauoha o ka palapala kauoha a W. P. Kahale o Wailuku, Maui, i make, e noi ana e apono ia na hoolilo he $1,524.56, a e hoike ana o na mea i loaa iaia he $1,5@5,07, e nana a e apono ia keia mau mea, a e kauoha ia e mahele i na waiwai a pau e hoe nei iloko o kona mau lima, a e hookuu ia oia a me kona mau nope mai ka noho lunahooko kauoha ana no ia waiwai.

 

Ke kauoha ia nei o ka POALIMA, LA 9 o MARAKI, A. D. 1894, ma ka hora 10 kakahiaka, ma ke keena ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike helu i olelo ia, a o ka poe a pau i pili malaila, e hele mai a e hoike i ke kumu, ina he kumu kekahi e ae ole ia ai ua noi la a malaila e hoike mai ai na hoike i na mea i kuleana iloko o ka waiwai i olelo ia.

 

Hanaia me Honolulu, K. H. P. A. i keia la 1 o Feberuari, A.D. 1894

Na ka Aha:

            GEO. LUCAS,

            2479-3t                        Kakauolelo.

 

Hoolaha Hou.

ILOKO o ka Aha Kaapuni, Apana Hookolokolo Ekahi o ko Hawaii Paeaina. Ma ka haua o ka waiwai o ka Moi KALAKAUA, i make.

 

Ma ka waiho ia ana mai o ka palapala noi a me ka papa hoike a G. Trousseau. Luna Hooponopono o ka waiwai i olelo ia, e noi ana e apono ia na hoolilo he $9892.43, a e hoike ana i na dala i loaa mai iaia he $10,491.26, a e noi ana e naua a e apono ia kela mau mea, a e kauoha ia e mahele ia ka waiwai e waiho ana ma @ malima i ka poe i kuleana, a o hookuu ia@ i kona noho ana ma ia ano.

 

Nolaila ua kauoha ia, o ka POAK@ o FEBERUARI, 1894, hora 10 kakahiaka @ ka rumi hookolokolo o keia Aha ma Honolulu, Oahu, oia kahi a me ka manawa i koho ia uo ka hoolohe ana i ua noi la, a me kaipapa hoike i olelo ia. O ka poe a pau i pili a kuleana malaila e hele mai a e hoike i ke kumu, ina he kumu lo ko lakou e ae ole ia ai ua noi la a malaila e hoike mai ai na hoike o ka mea i kuleana i ua waiwai la i olelo ia.

 

Kakau ia ma Honolulu, Ianuari 13, 1894.

            Na ka Aha:

            HENRY SMITH.

2177-3             Kakauolelo.

AHA Hookolokolo Kaapuni Apana Ekahi o ko Hawaii Pae Aina. Ma ka Hooponopono Waiwai. Ma ka hana o ka waiwai o ONO IUKO i make o honolulu, Oahu.

 

O kekahi palapala i olelo ia oia no ka Palapala Kauoha hope loa a Ouo luko i make ua waiho ia mai ma ka la 12 o Ianuari, A. D. 1894, me ka palapala e noi ana e hooponopono ia a e hoopuka ia ka palapala hookohu lunaponopono waiwai ia Kealoha iuko, i waiho ia mai e ia.

 

Ke kauoha ia nei, o ka POAKAHI, la 19 o Feberuari, A. D. 1894, ma ka hora 10 a.m. o ia la ma ke Keena Hookolokolo o kela Aha, ma ka Hale Hookolokolo ma Honolulu o ia kahi a me ka manawa i koho ia no k@iaio ana i ua palapala kauoha la a me ka @ohe ana i ke noi, a malaila a ma ia manawa e hele mai ai ka poe a pau i kuleana a e kue i na palapala kauoha la, a me ka hoopuka ana i ka palapala lunahooponopono waiwai.

 

Hanaia ma Honolulu, K. H. P. A. Ianuari 12, 1894.   Na ka Aha:

            GEO. LUCAS,

2477-3 Kakauolelo.

 

Halawai Makahiki.

E MALAMA IA ana ka halawai makahiki o ka Hui HAWAIIAN FRUIT AND TARO COMPANY ma ke Keena Oihana o ka Hui ma Wailuku, i ka POAKOLU, la 14 o Feberuari, A. D. 1894, hora 10 A.M.

            A. N. KEPOIKAI,

Kakanolelo o ka Hui Hawaiian Fruit and Taro Company.

Wailuku, Maui, Ianuari 25, 1894.

2479-2

 

Hoolaha a na Luna Hooko Kauoha.

OIAI, ua hookohu pono ia mai na mea nona na inoa malalo iho i mau Lunahooko Kauoha ma ka Palapala Kauoha a Maurice Goldberg, o Honolulu, Oahu, i make ka hoolaha aku nei i ka poe a pau he mau koma ka lakou i ka waiwai o ua Maurice Goldberg la, e waiho mai i na mea nona na inoa malalo iho ma ko laua wahi hana ma Honolulu, i hooiaio pono ia ina paha ma ka moraki a nuo e ae, maloko mai o na malama eono mai keia la aku, a i ole i a, e hoole mau loa la aku no. O ka poe a pau i aie mai i ua waiwai la, ke kauoha ia nei lakou e hookaa koke mai.

            T. C. POTTER,

            E. D. TENNEY,

Na Lunahooko Kauoha o ka Palapala Kauoha a

            Maurice Goldberg.

Honolulu, Ian 30, 18914.        2479-4

 

Hoomaka Kula Kamehameha.

E HOOMAKA ANA KE KULA KAMEHAMEHA

-MA KA-

POAKAHI, FEBERUARI 12, 1894

 

O na noi no ke komo mai iloko o ke kula, e hoouna koke mai, me ka hoike pu i ka nui o na makahiki a me ke kulana o ka mea noi, i ke                       KUMULUNA.

2479-2

 

Hoolaha Hooko o ka Moraki a me ke Kuai.

KE HOOLAHA ia aku nei ka lohe i na mea a pau, mamuli o ka mana o ke kuai i hookomo ia iloko o kekahi moraki i hana ia i ka la 28 o Feberuari A. D. 1890, e MANUEL ENOS o Honolulu, Oahu, ko Hawaii Pae Aina, ia William O Smith, Mary S. Parker a me Henry Waterhouse, na kahu Waiwai malalo o ka Palapala Kauoha a W C Lunalilo i make, hoopaa ia maloko o ke Keena Kakau Kope o ke Aupuni ma Honolulu, Buke 123 a ma na aoao 151, 152 a me 153, ke makemake nei ka poe e paa nei i ka moraki e hooko aku no ka uhaki ia o ka aelike, oia ka hookaa ole ia o ke kumupaa a me ka ukupanee.

 

Ke hoolaha ia aku nei ka lohe, mahope aku o ka pau ana o na hebedoma ekolu mai ka la aku o keia hoolaha ana, alaila o ka waiwai i paa maloko o ua moraki la e hoolaha ia aku no ia no ke kuai ma ke kudala akea ma ka hale kudala o Jas F Morgan, ma Honolulu, ma ka POAONO, Feberuari 10, A. D. 1894, ma ka hora 12 awakea.

 

Kuike ke dala. Na uku hana palapala i ka mea e lilo ai.

 

No na mea i koe, e loaa no ia W O Smith, ma alanui Papu.

 

Kakauia ma Honolulu, Ianuari 12, 1894.

            WILLIAM O SMITH,

            MARY S PARKER,

            HENRY WATERHOUSE,\

Na Kahu o ka Waiwai o W C Lunalilo i make.

 

O ka waiwai i paa maloko o ua moraki la, a e kuai ia aku ana, oia kela pahale me na hale a me na mea e pili ana e waiho la ma ka aoao hikina o alanui Makiki, e kokoke aku la i alanui Waila, nona ke akea o ke alo he 120 mau kapuai a me ka hohonu he 370 mau kapuai, oia kekahi hapa o ka Palapala Sila Nui Helu 6305 a me ka hapa o ka aina i lilo i ua Manuel Enos la mai a Walter R Seal mai a i kakau ia ma Iune 27, 1881, kope ia ma ke Keena Kakau Koke, Buke 71 aoao 59.

2477-4

 

Hoolaha Hooko o ka Moraki a me ke Kuai.

KE HOOLAHAIA aku nei ka lohe i na mea a pau, mamuli o ka mana o ke kuai i hookomo ia iloko o kekahi moraki i hana ia i ka la 1 o Ocatoba, A. D. 1887, e HENRY WILLIAMS o Honolulu, Mokupuni o Oahu, ko Hawaii Pae Aina, ia Mary S Parker, W C Parke a me W O Smith, na Kahu o ka waiwai o W C Lunalilo hoopaa ia iloko o ke Keena Kakau Kope o ke Aupuni ma Honolulu, Buke 106 a ma na aoao 205, 206 a me 207, ke makemake nei ka poe no lakou na inoa malalo iho na Kahu o ua waiwai la e hooko aku i ua moraki la no ka uhaki ia o ka aelike, oia ka hookaa ole ia o ke kumupaa a me ka ukupanee.

 

Ke hoolaha hou ia aku nei ka lohe, mahope aku o ka pau ana o na hebedoma ekolu mai ka la aku o keia hoolaha ana, alaila e hoolaha ia aku no ka waiwai i paa maloko o ua moraki la no ke kuai ma ke kudala akea ma ka hale kudala o Jas. F Morgan, ma Honolulu, ma ke POAONO, Feberuari 10, A. D. 1894, hora 12 awakea.

 

Kuike ke dala. Ka uku hana palapala i ka mea e lilo ai.

 

No na mea i koe, e loaa no ia W O Smith, ka Loio no na poe e paa nei i ka moraki.

 

Kakauia ma Honolulu, Ianuari 12, 1894.

            MARY S PARKER.

            WILLIAM O SMITH,

            HENRY WATERHOUSE,

Na Kahu o ka waiwai o W C Lunalino.

 

O ka waiwai i paa maloko o ua moraki la e kuai ia aku ana, oia kela mau apana aina lehulehu i kuhikuhi ia malalo iho:

 

1-Kela pahale e waiho nei ma ka aoao akau o alanui Young ma Honolulu, a oia hoi ka pahale helu 230 ma ka palapala aina aupuni o ka apana o Kulaokahua, nona ke alo he 100 mau kapuai a me 116.7 mau kapuai ka hohonu, a i hoolilo ia i ua Henry Williams la e L Ahlo.

2- O kela apana aina nona ka ili he iwakalua paha mau eka e waiho la ma Kaaawa a me Makaua, Koolauloa, Oahu, i hoolilo ia i ua Henry Williams la ma ke kuai e Kapua, kope ia ma ke Keena Kakau Kope o ke Aupuni Buke 78 aoao 487.\

3-Kela mau apana aina elua, nona ka ili he 1 7-100 mau eka a me 1 59-100 mau eka i kuhikuhi ia iloko o ka Palapala Sila Nui Helu 278 a me 1324, oia na aina i hoolilo ia aku i ua Henry Williams la ma ka palapala i kakau ia I---18, kope ia ma ke Keena Kakau Kope Buke --- ma na aoao ---.           2477-4

 

Hoolaha.

MA KEIA, ua hoomanaia aku o J. K. Nahalo i hope no'u e nana a hana i ua hana a pau loa me he la owau no, no na mea e pili ana i kela aina ma Puukala, N. Kona, Hawaii, i hoakaka ia na palena ma ka Palapala Sila Nui Helu 2410 ma ka inoa o Kuapuu, he 208.66 eka; a o na kofe a pau loa o ka M. II. 1893 a me 1894, ua hoomana ia o J. K Nahale e ohi mai a hoopii paha ma ke kanawai i na poe a pau i kii i ke kofe. A o na poe a pau e paa nei i ke kofe mai ka aina mai, he mea pono e hooponopono lakou me J. K. Nahale, a i oie, e hoopii ia no lakou ma ke kanawai.        Owau no,

            LAU CHONG.

Honolulu, Ianuari 23, 1891                 2478-4

 

Olelo Hoolaha.

UA MAKEMAKE ia no hooilina o AIAI (k) he lepera i make, no Hanapepe, Kauai mai, i lawe ia i Kalawao, Iulai, 1884, e kii ae ma ke Keena Papa Oia i ke koena dala o na pono o ka mea i make me na hooia kupono o ko lakou kuleana.

            WILLIAM O. SMITH,

            Peresidena Papa Ola,

2478-3

 

Hoolaha hou.

Hoolaha Hooko o ka Moraki a me ke Kuai.

KE HOOLAHAIA aku nei ka lohe i pa mea a pau, i kulike ai me ka mana kuai i hookomo ia iloko o kekahi moraki i hana ia i ka la 14 o Okatoba A. D. 1889 e WILLIAM DAVIS o Honolulu, Oahu, ko Hawaii Pae Aina, ia William H. Cornwall o Waikapu, Mokupuni o Maui, kekahi o ko Hawaii Pae Aina, kope ia ma ke Keena Kakau Kope o ke Aupuni ma Honolulu, Buke 119 a ma na aoao 149, 150 a me 151, ke makemake nei o Frances E. Hobron, ke Kahu Waiwai, ka hope o ka mea e paa nei i ka moraki e hooko aku, no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee.

 

Ka hoolaha hou ia aku nei, mahope iho o ka pau ana o na hebedoma ekolu mai ka la aku o keia hoolaha ana, alaila o ka waiwai i paa maloko o keia moraki, e hoolaha ia aku no e kuai ma ke kudala akea ma ka hale kudala o Jas. F. Morgan ma Honolulu, ma ka POAONO, la 10 o Feberuari, A. D. 1894, hora 12 awakea o ia la.

 

Kuike ke dala. Na uku hana palapala i ka mea e lilo ai.

 

No na mea i koe, e ninau ia T. W. Hobron, kihi o na huina alanui Papu a me Kalepa, a i ole ia William O. Smith, Loio no ka moraki.

 

Hana ia ma Honolulu, Ianuari --, 1894.

            FRANCES E. HOBRON, Kahu.

            Hope o ka mea e paa nei i ka moraki.

O ka waiwai i paa maloko o kela moraki, oia kela mau pahele waiwai loa ma alanui Binamu e kokoke aku ia i Punahou, ma ua Honolulu ia, i kuhikuhi ia e like penei malalo iho:

1-O kela pahale ma ke kihi o na alanui Binamu a me Metcalf nona ka ili he 76 100 o ka eka, a i hoolilo ia ia Samuel F. Graham e John H Paty a me Julia A. Paty ma ka palapala hoolilo i kakauia ma Okatoba 11, 1882, kope ia ma ka Keena Kakau Kope Buke 76 a ma na aoao 394 a me 395.

2-O keia pahale, he 153 kapuai ma ke alo oi aku a emi mai paha ma alanui Binamu a noua ka hohona he 200 kapuai, i hoolilo ia ia Samuel F. Graham e B. F. Dillingham ma ka palapala kuai i kakau la i Maraki 29, 1884, kope la ma ke Keena Kakau Kope, Buke 85 a ma na aoao 426 a me 427.

Aia maluna o kela pahale mua, he hale noho maikai 8 mau keena, me ua hale kaa, hale lio a me na hale liilii e ae. He kahua hiehie maikai, a ma ka nanaina he wahi noho oluolu.

 

Eia keia man aina i keia wa malalo o ka G. J. Waller malama ana a ma ka aku hoolimalima he $80 o ka malama.

 

Ua panihakahaka la ua h@ no ka $3,000.

2476-4

 

Kuai a ka Ilamuku.

MAMULI o ka mana i loaa ia'u malalo o kekahi Palapala Ohi Waiwai i hoopuka ia e ka Aha Kaapuni Ekahi o ko Hawaii Pae Aiua, ma ka la 2 o Ianuari, 1894, e kue @ ia Theresa Owana Cartwright a me R W Wilcox, ua mea hoopii ia, no ka pomaikai o R W Holt a me W H Cummings, ua mea hoopii, no ka huina o $296.35, ua hoomalu ia e a, a e kuai aku ana hoi ma ke kudala mamula iho o o Kalakaua Hale, ma ka Apana o Honolulu, Oahu, ma ka hora 12 awakea o ka POAONO, la 24 o Feberuari, 1894, i ka mea koho kiekie, i na pono a pau, na kuleana a me na mahele a pau o Theresa Owana Cartwright a me R W Wilcox, na mea hoopii ia maloko o keia aina e waiho ala ma Waikiki, Oahu, i hoakaka ia maloko o ka palapala kuai a John Kamakaia ia Theresa Owana Cartwright, i hana ia ma ka la 24 o Sepatemaba, 1890, a i ka kau ia ma ka Buke Helu 127, aoao 77, koe nae ka apana i hoolilo ia e ua Theresa Owana Cartwright nei ia F S Lyman, Jr., ma ka palapala kuai i hana ia ma ka la 24 o Sepatemabab, 1890, i kakau ia ma ka Buke Helu 127, aoao 76, he apana hoi ia no ka aina i hoakaka ia maloko o ka Palapala Sila Nui Helu 3219, nona ka ili hookahi eka oi a emi mai puha, e paa nei nae malalo o kekahi palapala noraki i hana ia ma ka la 17 o Novemaba, 1891, e Theresa Owana Cartwright ia C Afong, no $1500.00-100, Buke Helu 182, aoao 388, ke ole e uku e ia mai ka Olelo Hooholo i hai ia ae la, ka ukupanee, na koina a me na lilo.

E. G. HITCHCOCK,

            Hamuku.

Honolulu, Ianuari 19,1894.     2477-5

 

Hale Hana Kopa o Honolulu.

Ua paa aenei ka Hale Hana Spoa Mahu Hou o ka poe no lakou na inoa malalo iho a ua makaukau lakou e hoolawa aka i ka poe piepiele i na

 

Kopa Maikai Loa Maoli

I hookomo ia iloko o na Pahu 100 pauna mai ke 42 a 56 auka Kopa pakahi.

 

Ke hooia nei makou i ka oi o la MAIKAI o ka makou KOPA mamua o na Kopa O waho mai.

 

Ua kuni ia mawaho o ko makou mau Pahu me ka hoailona "HONOLULU SOAP CO." a e

 

Kuai ia e na Halekuai Liilii a Pau.

HUI HANA KOPA O HONOLULU

M. W. McChesney & Sons

Na Egena.

2896

 

PAPA! PAPA!

AIA MA KAHI O

Lewers & Cooke

(LUI MA)

Ma ke kahua hema o Alanui Papu me Moi.

E LOAA NO NA

PAPA NOUAIKI

O kela a me keia ano.

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa

 

NV PILI HALE OINA ANO A PAU

A me na

WAI HOOHINUHINU NANI

O na ano a pau loa.

Na Balaki o na Ano he Nui Wa

Ke hai ia aku nei oukou e @ makamaka a pau, ua makaukau keia mau makamaka o oukou @ hoolawa aku ma na mea a pau @ pili ana ma ka laua oihana no ka @

 

Uku Haahaa Loa,

E like me ka mea e holo ana mawaena o Laua a me ka Moa Kuai.

Hele Mai e Wae no Oukou Iho.

2896-q