Ka Nupepa Kuokoa, Volume XXXIII, Number 4, 27 January 1894 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka

NUPEPA Kuokoa

                                                                            Me                                                              

Ko Hawii Paeaina i Huiia

No ka Makahiki … $2 00

No Eone Mahina … 1 00

Kuike ka Rula

HOOPUKAIA E KA

HAWAIIAN GAZETTE CO.

H. M. WHITNEY, Luna Nui

J. U. KAWAINUI, Luna Hooponopono

@ Honolulu, Oahu, Lakou a pau

Poaono, Ianuari 27, 1894

 

KULA SABATI.

1, G. Feberuari 11. Ko ke Akua olelo aelike me Aberabawa, Kinohi 17:1-9.

Ke kauaiwakowamaiwa o na makahiki o Aberama, ikea mai la o Iehova e Aberama, i mai ia iaia, owau no ke Akua mana, e hele oe imua o ko’a alo a e hemolele oe.

2. A e hoopaa auanei au i ka’u berita mawama o’a a ou: a e hoomahuahua aku ao ia oe a nui loa.

3. Moe iho ia o Aberama ilalo kona alo a kamailio mai la ke Akua me ia, i mai la.

4. Owau no, ea, aia hoi me oe ka’u berita, a e hilo nuanei oe i kupuna no na lahuikanala, he nui loa.

5. Aole oe e hea hou ia o Aberama, aka, o Aberahama koa inoa, no ka mea, ua hoolilo aku no au ia oe i kupuna no na lahuikanaha he uni ioa.

6. A e hoolilo no an ia oe i mea hoolana nei loa, e hoopaka aku auanei au i na lahnikanala mailoko aku ou, a e puka mai no hoi ua ahi aui mailoo aku ou.

7. A e hoopaa no hoi ao i ka’u berita mawaena o’u a ou, a me kau poe mamo mahope oe ua na hananua o lakou, i berita mau loa, i Akua no au nou, a no kau poe mamo mahope au.

8. A e huawi aku no au i ka aina nu e noho walihini nei, i ka aina a pao o Kanaana, nou, a no kau poe mamo mahope ou, i wahi a noho mau ai, a o ao hoi ko lakou Akua.

9. Olelo mai la ke Akua ia Aberahama, no laia, e malama o i kau berita, oe oe a me hau poe mamo mahope ou, ma na hanaunao lakou.

Pauku Gula. Kinohi 15:6. Manaoio aku la ola ia Iehova, a hooili mai ia oia ia mea i pono nona.

Manae Nui. E pono ke paulele kea i ko ke Akua olelo hoopomaikai.

Olelo Hoakaka.

Ua hala he mau makahiki 24 mahope o ka hana i olelo ia ma ka haawina mamua iho. Ua hele aku o Aberahama i Aigupita a noho no ka wa pokole malaila. Ua hoi hou aku oia ia Kanaana, a kaawale o Lota. Ua lawepio ia o Lota a hoopakele ia e Aberahama. Ua halawai kino o Melekezedeka. Ua lilo o Hagara i haiawahine no Aberahama. Ua hanau ia o Isemaela, M. H. 1910. Ma keia haawina hou, ua olelo ia he berita hou nona ka hoailona o ka okipoepoe ia ana. M. H. 1897. Ua noho o Aberahama ma Heberona, he mau mile 20 mai Ierusalema aku ma ka hema.

1. Ikea – ma kekahi ano kino. Mana – hiki ke hooko i kona mau olelo hoopomaikai. Aio – me ka hoomaopopo ana i na kauoha a ke Akua. Hemolei – hoopono, aole hoopunipuni. 3 Moe – no ka eehia a me ka haahaa o na manao. 4 Berita – ka olelo aelika. O Moe – no ka eehia a me ka haahaa o na manao. 5 Aberama – ka makua lunalilo. Aberahama – ka makua o ka lehulehu. 8 Aina – i olelo mua ia, Kinohi 15:18. He hoailona o ka pomakai pau ole ma ka lani, Heb.11:16. Akua – ka huina pau o na pomaikai uhane.

I – Ka olelo hoopomaikai hou, 1-4. Ehia mau makahiko o Aberahama i ka wa i ikea hou ai ke Akua? Owai ka inoa o ke Akua? Heaha ke ano o keia inoa? Heaha kona kauoha ia Aberahama? Heaha ke ano noho o Aberahama ia wa, kuihe paha, hooikaika paha? Heaha ko Aberahama hana i kona wa i lohe ai i ka olelo a ke Akua? Heaha ka pomaikai e loaa ana ia Aberahama mamuli o ko ke Akua olelo paa? Heaha ka manao o ke Akua ma ka hoomahuahua ana i ka poe mamo o Aberahama a lilo lakou i lahui kanaka? Ua kauoha anei ke Akua ia kakou e hemolele ae? Heaha ke ano o keia kauoha? Ua hookoia anei ko ke Akua olelo hoopomaikai ma Isemaeia? Heaha ke kumu no ka poho o ko Sara manao e pili ana i keia keikikane?

II – Ka inoa hou, 5-7. Owai ka inoa hou i loaa ai ia Aberama? Heaha na ano okoa o na inoa elua? He aha ke kumu no keia inoa ano hou? He kumu hou anei ia o ka berita ma ke ano he hoailona paa? Owai ka poe mamo ano elua o Aberahama? Heaha ka olelo o Isesu e pili ana i kekahi inoa hou no kana poe haumana, Hoik 2:17? Owai ka haumana ana i loaa kekahi inoa hou mai a Iesu mai? Heaha kekahi hoailona e ae i loaa ia Aberahama, Kin 15:5? Heaha ka olelo hoopomaikai i ka poe manaoio, Daniela 12:8? Heaha ke kolu o ka hoailona no Aberahama, Kinohi 17:10? Heaha ko ke Akua berita me kakou, Hebera 9:12-14? Heaha ko kakou hana e hana ai, loane 3:14 16?

III – Ka ainalau, 8, 9.  Heaha ka aina a ke Akua i haawi mai ai ia Aberahama ma? Ehia mau makahiki ko lakou haku ana i ua aina la? Ua hooko koke ia anei keia olelo hoopomaikai, 15:13-16? E hooko maoli ia anei keia olelo paa no ka pono o ka lahui Iudaio? Ua lilo o Kanaana i hoailona hookalike ia kakou o ka pomaikai hea? No wai anei ka pomaikai lani ma ke ano he haawina pau ole, 1 Petero 1:1-9? Heaha ko kakou berita hou me ke Akua, Hebera 8:6-13? Pono anei ia kakou kek paulele loa i ka olelo a ke Akua? Heaha ke kuma no kou manaoio?

Manao Pili. 1 Heaha ko ke Akua mana? 2 Ua kaupalena anei ko ke Akua ano aloha i kona ano mana? Owai ka mamo hookahi ma ona la na hookoia keia berita me Aberahama? 4 Ua kanalua anei oe e pili ana i ka olelo paa a ke Akua? 5 Ina paha hookuli kakou, hiki anei ia kakou ke loaa kekauwahi pomaikai mai ke Akua mai?

 

KULAIA LA 17 O IANUARI,

MA KONA A ME KAU

Na Ahaaina Hoomanao

Na Haiolelo a me ua Mahalo

Mamuli o ka lokomaikai o na makamaka mai na Kona a me Kau mai, ua loaa mai ia makou na moolelo piha o na hana kulaia o keia mau wahi ae la maluna no ka la hanau o ke Aupuni Kuikawa o Hawaii, a oia mai keia e kuupauia aku nei:

Joseph U. Kawainui,

Aloha oe:

Ma ka la i olelo ia ae la maluna, oia hoi ka la hanau o ke Aupuni Kuikawa, ua wehe ae ko makou Hope Makai Nui S. Lazaro i paina hoomanao, a e hoohanohano i ua la kaulana nei, a na poe hoohui aina e hauoli mau loa ai ma kona home moho.

Mamuli o ka lohi loa o ka puka ana o ka hoolaha a ke Kuhina Kalaiaina, ua nui ole na mea i hoomakaukau ia, aka, ua lawa no nae na poe i hoea mai.

Mawaena o na iaia o na ahahui i akoakoa mai, na hope Persidena Thos. H. Wright, Thomas N. Haae a me David H. Kahaulelio, ke kakauolelo W. J. Wright,  Puuku, T. K. R. Amalu a me kekahi mau lala e ae he nui wale. Ua komo pu ma keia paina hoomanao kekahi mau iala o ka ahahui aloha aina, a ua hauoli pu ma ka hoohanahano ana i ka la hanau o ke Aupuni Kuikawa.

Ma ka hora 4 p.m. i ka makaukau ana o na mea a pau, ua weheia me ka himeni a me ka pule hoomanao i ke Akua e ka Rev. G. W. Waiau, a mahope mai, ua haawi ia na pu aloha he 21 no ke Aupuni Kuikawa. Ua noho mai la na hoaaloha a pau loa e ai i na mea a pau i hoomakaukau ia e ko makou makamaka aloha, ka hope makai nui S. Lazaro a ua lawa ma na ano a pau.

Ua haawi mai keia mau keonimana he mau olelo paipai, oia o W. J. Wright, Solomon Hanaohano, D. H. Kahaulelio, J. K. Kaupu, R. Makahalupa a me Thos. H. Wright, a mahope o na haiolelo, ua haawi ke anaina holookoa he ekolu huro no ke Aupuni Kuikawa.

Ua hiki kino mai e hoohanohano i ka papa aina ke Kalabu Hookani Pila “Ka Union,” malalo o D. H.Kahaulelio. Ua mau kela hauoli a hiki wale i ka hora 12 o ka po, a ua hoi na mea a pau me ka hoomanao aloha no ke Aupuni Kuikawa.

Ma ka hora 9 p.m., ua komo pu mai ka Hui Hookani Pila o Kealia, a ua kui lima pu me na hauoli poina ole a na keiki hoohai aina o Kona Hema nei.

Thomas N. Haae

Hookena, Kona, Hawaii, Ianuari 18, 1894.

HAIOLELO A. W. J. WRIGHT MA KA LA KULAIA.

Ina laia o ka hui hoohuiaina o Kona Homa, ke haawi aku nei au i ko’u mahalo kiekie ia oukou, no ko oukou haawi ana mai ia’u i ka hanohano o ka wehe ana o keia la.

E na keonimana, ke hoomaopopo iho kakou, o ka piha ana keia o hoo kahi makahiki mai ka hookumuia ana o keia aupuni, a ke ku nei ke Aupuni Kuikawa maluna o kona mau wawae, ke kolo awiwi nei ke aa, ke iho awiwi iho la ka mole me ka aaki paakiki loa iloko o ka lepo ou e Hawaii.

Nolaila, e na keonimana, he hookahi makahiki i hala hope aku nei, he elua mau hiohiona ano nui i hanaia. O ka mua, oia no ka hookahulia ana o ka nohoalii o Hawaii, a kiola ia ka Moiwahine Liliuokalani mai kona noho kalaunu ae. O ka lua, oia ke kukulu ia ana o ke Aupuni Kuikawa, malalo o ka mana o na makaainana. Nolaila, ke ike nei kakou, he elua mau ano hiohiona iloko o keia mau la, oia hoi ke kaumaha a me ka luuiuu ma ka aoao o na aneo alii, a o ka lua, oia ka hauoli a me ka palekana ma ka aoao o ka poe kokua i keia aupuni, a nona hoi ka hanohano o keia la a kakou e hauoli nei.

Nalaila, e na keonimana, aole a’u mau mea ano nui loa e kamailio aku ai ia kakou maluna o ka mahele mua, oia hoi ke kiolaila ana o ka Moiwahine mai kona nohoalii ae, olai, ua kamaaina kakou i na kumu o ka lahui i ala mai ai a kulai aku iaia mai ka noho Moi aku, a oiai no hoi, ua hana mua oia i kona punana a makaukau e like me ka manu i hana i kona punana maluna o na lau laau, pela no ka Moiwahine i hana ai i kona punana Iwaena o ka poe i hilinai ole ia e na makaainana a o ka hopena, ua loaa aku la kana mau hua i ke kanaka kia manu a pau aku la i koalaia.

Aka, ma ka mahele elua, aia au maluna o ia kahua e kakele aku ai i ka’u mau wehewehe ana, oiai, o ko kakou kuleana ia i akoakoa mai nei ma keia la kamahao ka la nui hookahi hoi i palapala ia ma ka moolelo o keia paeaina, ka la i napoo ai ka la kahiko, a puka hou mai la na kukuna o ka la hou.

Nolaila, e na keonimana, e ninau mai paha ananei oukou, heaha la na mea ano nui i hanaia iloko o ka makahiki hookahi i noho mana ai keia Aupuni? Ke  hai aku nei au ia oukou, he nui a lehulehu na mea i hanaia a i hoolala ia, aka, e hoike aku ana au ia oukou i kekahi mau mea ano nui.

1 – O ke kohola ana o ka Hon. S. B. Dole i Peresidena no keia aupuni a me kona mau hoa mana oihana kiekie o ke aupuni, ka lahou hana a me ke kulana.

2 – Ka hoouna ana i na Komisina i Amerika no ka hoao ana e hoohui aku ia kakou, me ka Repubalika nui o Amerika a me ka lakou hana.

3 – Ka hoouna ana mai o Peresidena Kalivalana i ka Hon. J. H. Blount, i elele Kuhina me ka mana piha, e lawelawe i ka hana ninaninau ma Hawaii nei, a me ke ano o kana hana.

4 – Ke koi a Peresidena Kalivalana i ke Aupuni Kuikawa e haalele i ko lakou kulana aupun a e hoihoi aku i ko lakou mana piha i ka Moi Liliu a me ka pane oolea a ka Peresidena Dole e hoole ana i ka mana o Kalivalana e komo mai e hooponopono i na hana kuloko o ke aupuna Hawaii.

5 – Ka hoolala ana o keia aupuni e kuahaua i Repubalika ma Hawaii nei.

Nolaila, e na hoa, e lawe mai kakou i ka mahele mua a e kamailio no ia mea. E na keonimana, ua ike kakou a kamaaina i ke kulana o ka Hon. S. B. Dole, he  kanaka kiekie o ka naauao, he olohe ma ke kanawai, he kaulike ma ka noonoo, a he kupono a he kohu pono no ke kulana ona i hookiekie ia ai, pela no hoi kona mau hoa S. M. Damon, W. O. Smith, J. A. King, L. A. Thurston, E. G. Hitchcock, J. B. Castle, a pela aku, a e hoomaopopo ia no hoi, he poe keia i ike mau ia ko lakou hoopono ma na oihana.

No ka lua hoi, oia ka hoounaia ana o na Komisina no ke kapitala ma Wasinetona, ua maopopo ia kakou ka lakou hana, oiai ua hana ia ka hana.

3 – No ka hoouna ia ana mai o Blount a me kana hoike i hoike hope aku ai, ka hoole ana o ka Aha Senate i kana hoike a me ka lawelawe kino ana o ke  komite i ka hana nieniele, no ka mea, he lalau loa kana hoike.

4 – No ke koi palaualelo a Kalivalana e hoihoi i ka moiwahine maluna o kona nohoalii i hookahuliia, ua maopopo ia kakou, ma ka ike ana ma na nupepa ike ano nui o ka palapala hoohaahaa a Kuhina Willis i ke Aupuni Kuikawa e kono ana ia lakou e haalele i ko lakou mau kulana a e hoihoe ae i ka moiwahine ma ia noho, aka, ua loaa aku ka pane a ka Peresidena Dole e hoole loa ana i kona mana ma ke komo ana mai e hooponopono i na haua kuloko o keia aupuni. E hoomapopo pu ia no hoi, he manawa loihi ke kaawale mai ka wa i loaa mai ai o ke koi a Kalivalana a hiki i ka wa e loaa aku ai o ka pane ma ka aoao o ke aupuni, e hoomaopopo pu ia no hoi, aole loa i palaualelo na alakai o keia aupuni ma ka hoolala ana i ka hana, oiai, ua nui ka wawa ia, i ka wa e loaa aku ai o ka pane hoole ma ka aoao o ke Aupuni Kuikawa, alaila, e hoolele ia mai ana na koa marina o na manuwa Amerika iloko o ke kulanakauhale o Honolulu a e lawe lima nui ae i ka mana a hookau aku ia Liliu ma ka nohoalii. Nolaila, olai e hoomakaukau ia ana ka haina, ke hoomakaukau pa ia la he pualikoa i lawa ka ikaika e pale aku ai i ka ikaika kaua o Amerika ma ke awa o Honolulu, a ua lawa pono me na mea kaua, oia iho la ka wa i hoike ia aki ai o ka pane. Nolaila, e na keonimana, i ka ike ana o Kuhina Willis i keia makaukau, ua hookaulua oia i kona manao lele kaua, a hoouna hou aku la oia i kona aupuni no na ao hou ana, no ka mea, aole loa oia i makemake e hoo i kona mau lima iloko o ke aku e a ana, nolaila, he naauao ia i o la honua. Eia no hoi kekahi, ina e ko ko ka Peresidena makemake ma ka hoihoi hou ana ia Liliuokalani, alaila he mea maopopo aole loa e loaa ana ke kuikahi o ka noho ana maloko o keia mau Paemoku, oiai ua paa loa ko ka Moiwahine manao e hoopai i na poe a pau i kue aku iaia, aka i kanaho wale iho no ia manao ona mamuli o ke kauoha ikaika a Kalivalana iaia e oelo ana, ke ae ole oia e huikala i na mea a pau hala, aiaila e hoopau no ia i kona kokua ana no ka hoihoi hou ana iaia ma ka noho alii. Nolaila, ke ike lea nei kakou ina io e hoi ka Moiwahine me ka loaa ole o keia hoohiki mai iaia mai, alaila e ike no auanei kakou, he la hookahe koko nui ka la o ka moi e lawelawe ai ia hana, a ke hoike pu aku nei no hoi au ia oukou, eia he 6,000 a oi ka nui o na poe ma ka aoao hoohuiaina. Pehea la, ke manao nei anei oukou e moe malie ana keia poe imua o ka aoao aloha aili me ka onioni ole, e like ala me ka hipa oiai oia imua o ke kanaka ako hulu, ke hoole paa aku nei au ia oukou aole loa, aka he la weliweli loa ia ma Hawii nei, ka la e ulu pu ai na pua a pau o ka aina me ke koko o keia lahui oiai he kaua weliweli loa.

            5 – No ka hoolala ana i Ripubalika, ke i aku nei au ia oukou, he ikaika loa keia manao iwaena o na alakai o keia aupuni, i hakalia wale no i ka hana a ka Aha Senate o Amerika, oiai ua hoole maopopo lakou i ka hoike a Mr. Blount, oiai ua mano lakou he hoike aoao kapa haki kana, a e imi wale ana no hoi i na mea a hoahewa ai ia Hon. J. L. Steven ko Amerika Kuhina noho ma Hawaii nei oiai na la o ka hookahuli aupuni ma Hawaiii nei. Malalo oia mau kumu, ua lawe maoli ae no ke Komite o na Aina E, a na lakou ka ninaninau ana i na kamaaina Hawaii e noho ala ma Wasinetona, e laa o P C Jones, Alekanedelo a nui wale aku, nolaila he me maopopo ke koho aku, ke manao ala ka Aha Senate e hoihoi hou mai i ke kuikahi hoohuiaina iloko ola hale a na lakou ka lawelawe ana a ina e like ko lakou manao me ko ka Peresidena, alaila i ka wa e loaa ai na lohe maopopo oia ano, alalia ke ia aku nei au ia oukou, o ka hopena ola hana, e kukala mai ana ke Aupuni Kuikawa la Hawaii nei 1 Ripubalika. Nolaila, eia wale no ka’u ia oukou e kuu mau hoa ma keia hana, e eleu like kakou a e kokua i ke Aupuni Ripubalika i kona la e kukala ia ai, e like ala me ka kakou i ala like mai ai a kokua i ka Hui Hoohuiaina o Kona Hema nei. Noiaila, e na hoa e hele kakou ma ke alanui a kakou i kalai ai no kakou iho.

 

Palapala Hoomaikai a ka Hui Hoohui

Aina o Kona Hema i ka Peresidena S. B. Dole.

I ka Hon. S. B. Dole,

Peresidena o ke Aupuni Hawaii

Me ka mahalo:

            O makou o na lala o ka Hui Hoohui Aina o Kona-hema, Hawaii, ma o ko makou mau luna nui la.

            Hooholola: Ke pahola aku nei makou i ko makou hoomaikai palena ole ia oe no ka piha ana o ka makahiki hookuhi o kou noho hoomalu ana i keia lahui, a ke hoike aku nei i ko makou mahalo kiekie no kou lawelawe pololei a kaulike i ka oihana koikoi a keia lahui i hooili aku ai maluna ou, oiai hoi, ua lawe ae oe i ke koikoi o ka hana maluna iho o kou hokua.

            Hooholoia: E lawe aku oe i ko makou hoomaikai palena ele, a na ke Akua Mana Loa e alakai mau ia o e maluna o ke alanui pololei a me ke paewaewa ole, a i hiki ai hoi ia oe ke hoomalu mau aku i keia lahui me ke kaulike. O makou iho no kau poe kauwa haahaa.

            Thos. H. Wright, Peresidena; Thos. N. Haae, Hope; T. K. R. Amulu, Puuku; S. Lazalo a me G. W. Waiai, Papa Alakai.

Wm. W. Wright, Kakauolelo.

Hookena, S. Kona, Hawaii, Jan. 17. 1894.

 

Ka La 17 o Ianuari ma Kau.

Ua malamaia he anaia haipule makolukolu maloko o ka luakini “Ka Ua Haao” ma ka hora 11 a.m. a pau i ka hora 1 p.m. o ka la 17 o Ianuari, no ka hoomanao ana i ka piha ana o ka makahiki o ke kukulu ia ana o ke Aupuni Kuikawa.

O ka Makua Rev. J. Kauhane ka mea nana i wehe na hana o ka la, i kakoo ikaika ia e ka lunakanawai apana J. H. Waipuilani, Hon. J. N. Kapahu, a me A. Harrison, kumukula olelo Beritania o Pahala. Ua akoakoa ma ia anaina hanohano o lunakanawai J. H. S. Martin, kana lede a me ka ohana, Mr. W. J. Yates, hope makai nui o Kau a me kana lede, na makai o ka Apana, na hoa hanohano o ka Papa Loio, Mr. O. P. Shipman, W. D. Kaaeamoku, a me na makamaka koikoi e ae o ka apana.

Mamuli o ka pokole loa o ka loaa ana o ka lohe no ka hoomanao la kulaia, nolaila, ua hooholo iho la ka poe koikoi o ka apana o Kau e kukulu i kekahi ahaaina nui noa i na ano kanaka a pau ma ka aekai o Punaluu, ma ka ia 20 o keia malama, ua poloai ia na lede hanohano a me na keonimana a pau o ka ua Haao, e hele ma ua papaina la. O ka haiolelo o ia la, ma ka aoao o na Hawaii, oia ka mea mahaloia J. H. Waipuilani, aina e hikiole ia, a i ole, kanalua paha no kona ano luna aupuni, alaila, o ka makua Rev. J. Kauhane.

Ua makana wale aku ka makua Rev. J. Kauhane he hookahi pipi na ka lehulehu o Waiohinu, maka la 17 o Ianuari, a ua makana hou he hookahi pipi ma ka la 20 o Ianuari no ka paina.

Ua paa ka manao o na keiki hoohui aina o ka ua Haao, ina e ku loihi ka Malulani a hiki i ka la 20 o Ianuari, ina ua hoolimalima ia ka Malulani e lawe i na kanaka aole emi malalo o 300, e holo leiea ma ka moana me ka lawe pu ana mai Honuapo a hiki i Punaluu i ka ahaaina, aole oia wale no, aka, e lawe pu aku i na kanaka ma ke alanui kaaahi mai Naalehu a hiki i Honuapo, a malaila aku ma ka Malulani a hiki i Punaluu.

Ua inu ae na keonimana, na luna aupuni i ke ola o ka Peresidena o ke Aupuni Kuikawa o ko Hawaii Pae Aina maloko o na Hotele.

Makehewa ka poe anee alii ke onloni ae, moe malie i ke kai o ko haku.

 

Mau Kamahele Makaikai i ka Wahine o ka Lua, KaluaoPele,

Kilauea, a o ke Kamahao o na Kamahao

[Hoomauia]

A oiai hoi, he haahaa ka aina ma kekahi aoao a me kekahi aoao, a mamua a mahope hoi; eia nae, aole i kahe ia aku ma ia mau wahi haahaa, aka, ua kaheia ma kahi kiekie. He mea hoopahaohao no keia ia kaua e ka malihini ma ka hoomaopono ana iho i ka puka kupaianaha ana mai o ka wai ma ia wahi kiekie o ka aina. O ka mea nona ua la nei a makou e kilohi nei i ka nani o Hao, i kona kulana kilakila hoi ka mea i ike i kana mau hana hoopahaohao. Ma ke koho aku a ke kamahele, he eono paha kapuai ke ana waena o keia luawai, a he umikumamawalu paha kapuai ke ana puni.

Ua haohala ia e makou he manawa maikai kupono ma ka luakaha ana i Hao ma ke kilohi ana i kona mau paia nani a ku kilakila, e haawe mai ana mahope o ke kulanakauhale o Waiohinu, ke one hanau hoi o ko’u mau kupuna, me he mea la e ani pehi mai ana i ka malihini e hele mai e inu i kona wai huihui.

A hala ae la ia manawa maikai, ua huli hoi mai la makou me ka hoomanao mau ana i ua wai nei, ka wai hoohiki a ka malihini. He nani a maikai ke kulana o ka aina mai keia kiekiena a makou e hoi mai nei ke nana mai. Mamua pono o makou e waiho ana he kulanakauhale kilakila a nani o Waiohinu ilalo, a e ku pohai ia ana e na mauna like ole, me ka uhi ana iho o na ao kaulelewa maluna o lakou, a he kamahao no hoi ke ano a me ke kulana o ka aina ia manawa, a he mea no hoi na ke kamahele e poina ole ai i ka manawa mua loa o kona hehi ana i ka lepo o ke one hanau o kona mau kupuna, i eha ai ka ili no ka pono o na moopuna.

Hiki hou makou ma kahi o ka luna kula, koi ikaika mai oia e komo makou iloko o kona hale, no ia mea, na ae aku makou e komo iloko no ka manawa pokole kupono. Ua alakai aku oia ia makou ma kahi o ke kumulaau karisimaka (christmas tree) a i ko makou nana aku he nani maoli no ke kulana o ke kumu laau i hanaia ai. He wa hauoli keia o makou a pau ma ke kukai olelo ana me ia no na mea e pili ana i ua kumulaau karisimaka nei.

Mahope iho o keia hauoli ana malaila, ua alakai loa aku oia ia makou iloko o kona keena aina, a malaila makou i paina mama ai i ka lokomaikai o keia luna kula puuwai oluolu. He mea nui keia iloko iho o maua e nalu nei, a ua olelo iho mana iloko iho no hoi o maua, ua lokomaikai loa mai keia luna kula ia kakou, ma kona hookipa aloha ana aku ia kakou e ai i kona lokomaikai.

Ma ia keena, ua kamailio makou no ke kulana o ka makou oihana. Mai iaia mai i loaa mai ai ia maua kekahi mau hoonaauao maikai ana no na mea e pili ana i kana oihana a me ka maua pu hoi. Hauoli loa makou ia manawa, a he mea hoi na maua e poina ole ai iaia no ia hana maikai ana.

No ka lokomaikai i haawi ia mai ia maua mai ka luna kula mai o Kau, nolaila, ke haawi aku nei maua i ko maua mau hoomaikai kiekie ia oe, a na ke Akua mana loa e kokua a e hoololomua i kau mau hana maikai a pau.

Aole i liuliu mahope iho o keia hauoli maikai ana o ka hoomanao karistiano ana, ua noi aku makou i kona oluolu e hookuu mai ia makou a ua ae mai oia me ka maikai a me  ka waipahe o na olelo.

Kau ae la makou maluna o ko ma kou mau lilo, a holo kainepu aku la me ka elu nui. Ia makou i kaalo ae ai mawaho ae o ka pa o ko makou makamaka maikai, ka hope luna makai o ka apana kaulana o Kau, aia hoi, pae mai la ka leo o na lede maikai me he leo la o na manu iiwi makapolena, a o ke kaohi maoli mai la no ia o makou i na kaulawaha o ko makou mau lio e kainapu ana a o ke ku iho la no ia.

Emoole, hiki aku la makou ma kahi o Mr. Martin, lele iho la ilalo mai na lio iho, hoopaa aku la ia lakou a naue aku la no ka hale. Halawai pu me Mr. Martin, Sam. Kauhane, a me ka makua Kauhane me ka hauoli a me ka Merry Christmas ana ma na lulu lima pumehana ana o ke aloha.

Ua hoolauna aku o Mrs. Martin ia maua i kana mau kaikamahine i pihi i ka oluolu a me ka haahaa, ma o ka lulu lima aloha ana me lakou. He manawa maikai mahope koke iho, ua lawe mai la kekahi o ia mau kaikamahine a kau mai la maluna iho o ko’u poohiwi i kekahi leihala  i wili puia me ka maile, e paoa nohea ana kona ala ma o a maanei, a ua hoolei pu ia aku no hoi he lei i ko’u hoa kamahele.

Ia makou e hoonanea ana me ka hauoli maikai me na makua o ka home, a ia hoi komo ana ko maua hoa alo ehukai o na kai ewalu, Willie White me kona hoa hele moana. He wa piha hauoli loa ia o na hoa a pau. Ua hoolale koke mai no oia i na lede makapalupalu a onaona me na keonimana e wehe aku i ko lakou mau kileo kani uheuhene ma ke mele ana. Ua koi mai oia i ke kamahele e mele aku, a ua mele ia aku e like me kana noi makai. Ua puunaue like ia ia hana nani a maikai loa iwaena like o na lede a me na keonimana.

Ua mele mai na Miss Martin me ko lakou makuahine i kekahi mele i ku i ka ii a ka puuwai e poina ole ai, a he mea hoi na ke kamahele e haaheo ai ke olelo ae, Ua like no a like lakou me na kahuli leo lea o ka uka iuiu.

Mahope o keia nanea hauoli ana, ua kii ia mai la makou no ka hele ana aku i ka papaaina i hoomakaukauia e na lima palupalu palanehe o na Miss Martin. I ko makou hiki ana malaila, auwe ka hewa o na maka i ka uui o na ono e waiho like ole ana iluna o ka papaaina, e hiki ole ai i ke kamahele ke olelo iho, eia ka’u e nuu ai a kena. He papaaina ia i luluu i na hua ohelohelo o Ainahau, a he mea nui na na kamahele e hiipoi ai, a he haawi ai i ko laua hoomaikai kiekie me na mahalo piha i na makua o ia home a me na lede hoi, ka laua mau kaikamahine no na mea maikai i panai ia mai ia maua. Maluna ae o ia mau mea a pau, ke noi ae nei au i ka mea nona keia ia e hoomanaola nei, e kau mai na hoopomaikai o kou uhane aloha maluna o laua a me ko laua mau ohana no ka wa pau ole no na hana maikai ku i ke aloha i hana ia e ia ohana. Ua hoomaula ko makou hauoli piha ana me ka oluolu a me na leo mele like ole, o na ano hou loa i hui pu ia mai me ka piano e kani kikokou ana e like me na manu eanere a me ka lelele ana o ke kulana Amerika, a hiki wale i ka hora 10 p.m. He manawa hauoli phia ia iwaena o makou a pau.

Ua noi aku na kamahele e hookuu ia mai, a ua haawi ia mai ka panai hauoli o ka ae, me na kalokalo mai o na hoopomaikai no ka maua huakai. Ua haawi mai lakou i na hoomaikai me ka lulu-lima aloha ana, a peia no hoi mau i panai aku ai.

Kau maluna o ko maua mau moku holo aina, a kau aku la ka ihu no Naalehu ka home o ko maua kaikuana a makua hoi e luakaha ana i ka olu pohai a na manu.

Ma ka la 26 ae, hora 3:15 a.m., ua puoho ae la maua a hoomakaukau iho la ia maua no ko maua huakai e ike i ke alii wahine o ka lua. Aolo i liulia mahope iho, ua puoho mai ka makua lunakanawai a o ko makou liuliu ae la no ia no ka hele aku i ka maua huakai. Ma ka hora 4 a.m. ponoi i pau ae ai makou maluna o na moku holoaina pauaho ole a naue aku la.

He wa keia e ko ana ka hau, oiai ua kalae na kuahiwi, ua waiho wale na kualona, a me ka haouli ka makua lunakanawai i olelo mai ai nani ka loaa ana ia olaa o keia kakahiaka. Ua panai ia aku ka pane e ke kamahele ma ke ano hooheno, ua ike mai la ka makou i kana pulapula a wehe e ae ia i na ao kaalelewa, he manawa ia no ko makou hauoli ma ka aka ana.

Ua hoomau aku ka makua o ka apana o Kau i ke alakai pauaho ole ana ia maua, me ke kuhikuhi pu ana hoi i na wahi kaulana o ia huli o ka aina. I ko makou hiki ana i Hilea, aia hoi, he nani na malapua makai a mauka o ke alanui i ka nana aku. Hoomanao ae la au no na haole paha ia mau hale.

 

Ua loaa mai ne i ka Hui Hawaiian Gazette Co. (Hale Pai o ke Kuokoa), he papa-pai hou loa mai ka hikina mai o Amerika Huipuia maluna mai o ka moku kalepa “Martha Davis,” a eia ua papa-pai nei ke kuene pono ia nei ma ke kahua kahi i hookaawale ia nona e ku ai oloko nei o ka hale-pai. O ka hale lako loa keia i na mea pai a pau.

 

Hoolaha Humau

 

KA AYER SASEPARILA

Oia ka Laau oi loa o ka maikai no na mai i hookumu ia mai ke koko ino mai. Ua oi loa ae hoi, no ka mea, o kona kahua i hookumua a io ka.

 

Honodorusa Saseparila Oiaio

No ka mea, o ka LA NA HELEHELE a me na mea a pau i maa i ka hoohuihui la  oia na laau oi loa o ka maikai a no ka mea hoi ua ike ia ka waiwai io ma ka lapaau ana i ma’i o ke koko – ua oi ka

 

Ayer Saseparila

ma na mea a pau e hooikaika a e kukulu hou ai i ke kino I hoonawaliwali ia e ka ma’i a me ka eha.

            Ua hoonoono ia ka ai, ua hoopau ia ka ma’i o ka waihona hoowali ai ua hooikaika ia ke Ake a me ka Puu Hoowaii ai, a hoohana maikai ia na lala a pau o ke kino. Ua hookuke ia mai ke kino ae, ka laau make o ka ALAALA, ua hoola ia na EHA, na PUHA, na RUMATIKA, na MAIHEHE, na HUEHUE a me na ma’i ma ke poo kahe wale o ka hupe, a ma na wahi a pau ke hooia mai nei na Kauka alakai ka maikai o keia laau.

            Ke hoola nei ia hai, a e hoola no hoi ia oe.

 

No ke KUNU a me ke ANU o ka

Ayer Cherry Pectoral

ka laau lapaau alakai o na ohana.

No ka NALULU, ka LEPOPAA

ka LENA a me kekahi mau mea inoino e ae o ka opu, e lawe i ka

AYER HUAALE GATHARTIC

E makemakenui ia nei e ko ke ao puni.

Hoomakaukaula e Kauka J. Ayer & Co., Lowell, Masekuseta

 

HOLLISTER & CO.

Na Agena ma ka Paeaina Hawaii

28

 

KAKELA ME KUKE

 

KA – HALEKUAI – NUI

 

O NA

 

WAIWAI LIKE OLE

 

NA MEA

HANA KAMANA AIPAU

Na lako pili hao kukuia hale,

Na kepa,

Na lei ilio,

Na kaulahao ilio,

Na Pahi,

Na Upa,

Na kope haia

Na Pulupaia

 

PALAU LIO

Na mea mahiai,

Na au ho,

Na au koi,

Na kua bipi,

Na lei bipi,

Na kaulahao bipi,

Na uwaa pa,

Na kaa palaia,

Na mea piola,

Na ipuhao.

 

Makau me Aho Lawaia

Na Iliwai

Na kaula,

Na hulu pena,

Na puiumi,

Na pena, me ka aila,

Na kopa,

Na aila mahu

Na pakeke

 

Na pakeke hao,

Na kapu hao,

Na pauda,

Na kukaepele,

Na uwiki, a me

Na ipukukui.

 

Mikini Humuhumu Kaulana

 

Wilcox, & Biggs Hookahi Lopi

ka Remington, Elua Lopi.

A me na ukana he nui loa, o kela ano me keia ano.

 

Kaleka me Kuke

2396-q