Ka Nupepa Kuokoa, Volume XXXIII, Number 1, 6 January 1894 — He Bila Kanawai ano nui Maloko o ka Hale Senate o Amerika Huipuia. [ARTICLE]

He Bila Kanawai ano nui Maloko o ka Hale Senate o Amerika Huipuia.

Waainetona, Dec. 18 —Lehuleliu wale na manawa oke kamakamailio ana o ka poe huli mea hou o ka llui Nupepa Imi Mea llou me na Luna Senate a me na Lunamakaainana ona Ahaolelo Lahui no ka Elele palapala a kaPeresklena 1 hoouna aku ai ina hale no ka mea pili ia Hawaii. Nui a ka launa ole mai no lioi ka nema ana Ripubalika i ka hana a ka Peresidena a me ko hikōu olelo, ua emi hope mai ka mana hooko mai kona kalma mua mai i ku ai he aupuni hoihoi alii a me kekahi mau knmu e ae, oiai hoi na l)emocarata e mahalo ana he elele palapala naauao. Ma keia la hookahi, ua lawe mai o Luna Senate Morgan, ka lunahoomalu o ke Komite o ko na Aina E, iloko o ka Aha Senate, lie bila e pili ana i na aupuni kuikawa. E hookaawale ana, ina e makemake ana o Amerika Huipuia e loaa kekahi noho mana aupuni ana maluna o kekahi aina kuwaho a aina e ae paha ma o ke kuikahi lioohuiaina la a ano e ae paha, alaila, ua hiki no ika Peresidena, ma ke ao a me ka ae mai o ka Alia Senate, e koho i Kiaaina no ia ainaame ona Aha Kuka, ao ka lakou mau hana ua noa i na Ahaolelo lahui ke hooponopono a hoopan. Ua waihoia ka bila i ke Komite o ko na aina e. Ke manao nei makou, he puka keia e wehe mua ia ana no Hawaii e komo aku ai malalo ona eheu oke Aupuni Aeto, a nolaila, e kali la aku ana ka hopena o keia bila kanawai me ka anoi nui ia e ka poe a pau e ake ana no ka holomua a me ka oni paa.