Ka Nupepa Kuokoa, Volume XXXII, Number 52, 30 December 1893 — Ua Kipa Pekole mai o Hon. L. A. Kakina. [ARTICLE]

Ua Kipa Pekole mai o Hon. L. A. Kakina.

Ua ku mai malunao ka Alameda o ka la 22 o Dekemaba nei, ka Elele a me Kuhina Mana PihaoHawaiima Wasinetona, oia o Hon. Lorina A Kakina. He mau la pokole wale 110 kona e noho ai maanei, alaila, hoi awiwi hou aku no Wasinetona. okc kumu o kona holo ana mai, oia ke kuka pu me Peresidena Dole a me kona poe hoa, a me ka makemake e lohe pono i ko lakou manao a e ikemaka ike kulana o na hana ma Honolulu nei.

He maikai ko Kakinaola kino a he nui ka makemake o na makamaka e halawai hou me ia. Ua hai lea mai oia aohe kumu e maka'u hou ai, e hiki ana ia Kalivalana ke hoihoi ika Moiwahine; oiai ua hele a hahana loa ke kue o na hale elua o na Aliaolelo Lahui. Ua piha loa na nupepa o ka aina ika inaina i kana haua hilahila ole. Ua hele a ikaika loa ka manao o ka lahni a me ka Ahaolelo e ]papa loa i kela manao hoihoi alii o Kalivalana.

Ua liai mai oia ua pomaikai loa ka aoao hoohuiaioa i keia hana hooioi mana o Kalivalana. Ina paha oia 1 hana akahele me ka olelo wale no. "ua maopopo ia'u, aohe make hoohuiaina/' ina no paha ua ae wale mai ka Ahaolelo iaia, a nalo aku ka ninau o Hawaii, aole e hapai hou ia ke kokua ma keia kumuhana. Aka nae no kona hele ino loa ina ka hooioi ae e hoihoi i Aupnni Moi ma Hawaii. ua ala ino mai ko ka lahui kue, a ua lilo ke kumuhana o Hawaii i mea nui loa e kuka loihi ia ai. Me he la, i ka hakilo ana aku e hoopomaikai nui mai ana ka Ahaolelo ia kakou.

Ma ko Kakina manao, aole 1 hoomana mai o Kalivalana ia Willis e hoohana i ka mana o na puali mokukaua no ka hoihoi ana i ka Moiwahine. Malia he paipai ikaika wale no kana i haalele ai ke Aupuni Kuikawa. He okoa nae ka manao o Dole ma, ua hoomana ia no o Willis e hana me ka lima ikaika. Nolaila, he pono e kiai mau e pale aku i na enemi. I mau ka makaala.