Ka Nupepa Kuokoa, Volume XXXII, Number 51, 23 Kekemapa 1893 — KA LA KARISIMAKA. [ARTICLE+ILLUSTRATION]

KA LA KARISIMAKA.

0 keia Poakahi iho, ka la o ka Haku, ka Hoola o ke ao nei i hanau mai ai ma ke kiuo ma Betelehema, he wahi kauhale 1 uuku ia i pili kokoke mai i lerusalema, Palesetine. Ua hanau ia oia iloko o ka halelio, a 0 kona wahi moe he wahi e hanaiia ai na lio a me na pipi. Ua hoike e ia mai kona hanau ana ma o ka ike ia ana o kekahi hoku alohilohi hou loa, i ka wa hookahi me ka manawa 1 hanau mai ai ka Mesia. A i kona wa i ikeia ai ma ka hikina, ike iho la ka poe magoi a pau i ke ko ana o ka lakou mea i hai e mai ai mamua no ka hanau ana o lesu. Nolaila, ua malamaia ka la 25 o Dekpmaba e na karistiano a pau o ke ao nei no umikumamalima kenetnria makahiki i hala. i la hauoli a e hoonani aku ai i ke Akua a ia lesu kana keiki, e hoohala ana i ka la īua ka hoakoakoa ana i na ohaua a ma ka hoahaaina ana, i wa hoi e hui ai o na makamaka a me na hoaloha a e paina ai ī na | mea ai maikai oi loa o na ano a pau. 0 na maa mawaena % ko Enelani poe, oia ka lealea hoomana ana. Ma Europa, e malama mau ia aua he anaina lealea hoomana i kela a me keia makahiki ma Eehternach, Luxemburg, Geremania. 0 kekahi mau maa e ae no ka la Karisimaka, o ka hoowehiwehi i na luakini a me na hale noho me na iau nahele uhnli, ka haawi makana i na kamalii i hauoli ai lakou a i hoomanao ai he aloha i kanaka a he malu ma ka honua. He wa hoi ia no na poe eneenemi e hoolaulea ai, a hoopau loa i ko lakou noho opukeemoa ana. Nolaila, he pono ia kakou e hoomanao i ka Hoola, ka mea i iho mai i ka honua nei e hoolilo ia kakou a pau i mau hoaloha nona, a e hoaloha ai kekahi uo kekahi. Nolaila. i ko makou mau poe heluheiu pakahi. ke panee aku nei makou i ke aloha Karisimaka. 0 ke kii maluua ae i hoohalikeia me Saua Nikolaaa, ka haipule i manaoia nana i hali mai i na makana a kaana aku i na kamalii. Ma kekahi mau haie lehulehu. e kaa ana na kamalii i ko lakou mau kakini hakeke a eke lole paha ma kekahi wahi t a ia lakou e hoi ai e moe a ala mai i ke kakahiaka

nui, e loaa aku ana iloko o na kakini na makana a lakou i manao ai na Sana Nikolasa i hookomo iloko o na eke. a no keia kumu i aloha ai lakou iaia a i manao ai he hoaloha oia no lakou. Ke hoea mai ke Karisimaka Lawe pu mai ia me ka hauoli