Ka Nupepa Kuokoa, Volume XXXII, Number 51, 23 December 1893 — Na mea Hou o Hamakua [ARTICLE]

Na mea Hou o Hamakua

He nui loa ka la ma Hamakua nei, a ua pau loa na mea kanu i ka maloo e like me ke ko, kulina, uala, kalo a me kekahi mau mea kanu e ae. Nele loa i ka wai, a ma kahi o ekolu mile iloko o ka ululaau kahi o ka wai e kii ia nei ma ke kaa a ma na lio kekahi poe. Ua hoomaka keia la mailoko mai o Iune a hiki iloko o Novemaba nei, aohe wahi haule ua iki mai, ke hele la a uwe o Kanepuniu i ka wela o ka la. NO NA ALANUI. He nui loa ka mahalo ia o na alanui maanei, aole pela i ka wa o ke aupuni moi, he ino ino, o kahi wale iho no o ka waewae e hele ai malaila wale iho la no. Aka, i ka wa i lilo aenei i ke Aupuni Kuikawa, akahi no a hana ia e like me neia, ke hele oe mai ka pali o Waipio a hiki i kela palena ma o, he nani wale no kela. Pela mai ke awa pae o Honokaa a hiki i na apana aina hookuonoono iuka loa, a aohe wahi hoohalahala a ka maka; he poe Pukiki ka poe nana e malama a e hana hoi ma ka $20 o ka mahina, ma kahi o ka ekolu mile a oi a emi mai paha ka loihi o ka ka mea hookahi e hana ai. NO NA HANAU MAANEI. Ma Honokaa-kai, ua hanau mai o Kaaihue (w) me Mokuau (k) he keiki-kane; ma ia wahi no, na Kaetini (w) ma Waipa k, he keikikane; ma Weha, na Kamala w, me Lonohiwa k, he kaikamahine; ma ia wahi no, na Annie Lono w, me Keeaumoku k, he kaikamahine; ma Kuilei, na Kapuloa w, me J. Keliipuleole, he keikikane; ma kekahi apana o na aina hookuonoono, na Mary Annie w, me Manuela, he keikikane. Eia lakou a pau ke ola nei, hookahi i make, hookahi hoi makuahine i make a ke ola nei ke keiki.

Ma Weha-uka, Novemaba - , make o Kaheana w; ma ia wahi no, Novemaba 21, make o Lono. Kou oiaio, S. B. K. Palau. Honokaa, Haw. Nov. 25, 1893. Ua lawe mai ka mokuahi Pele, i na eka 4,080, mai ka mahiko mai o Makaweli ma Kauai, i ka Poaono i hala, a oia no na kopaa mua o ke oo ko hou i wili ia mai nei o ua mahiko momona nui wale ia. Ua pau i ka haalele mai i ke kakahiaka Poakahi nei, he 3 mau Lutanelamakai a me 22 mau kaiko ku-huina ma hope o ko lakou hoole ana mai, aole e kokua i ke Aupuni Kuikawa i ka wa e kauoha ia aku ai e hooko i na kauoha a ke aupuni ma na ano a pau. Eia na Lutanela ekolu, o Kealakai, Kaiana a me David Nahoolewa, a o na makai hoi, o J. W. Leialoha, D. H. Keliiaa, S. W. Haluapo, S. Mokuahi, I. B. Paakai, M. Kalilikane, J. Puakalehua, E. Moanaliha, C. K.Pa, J. Kahemalani, H. Kaulukou, W. Kauahi, S. Kahoino, J. Keawehawaii, D. Damien, D. Kahaleaahu, G. Baker J. Palau, J. Paia, J. E. Kekipi, S. K. Kahiapo, J. Pomaikai.

I ka wa o [ ] ai oloko o ka opu me ka eha, a hele moku ka lepo, alaila, e hoao i ka CHAMERLAIN'S COLIE, CHOLERA, a me DIAI ROEA REMEDY laau lapaau a e oi aku ana kou [ ] ke ike no i kona hopuna. He oluolu, palekana a puhili ole. He oluolu, palekana a puhili ole. He 25 a me 50 keneta o ka omole, a e kuai ia no ma na halekuai lapaau a pau. [ ] N SMITH & CO., na Agena ma ko Hawaii Pae Aina. t.f. "O ka oi ma ke ao holookoa." Oia ka W. D. WODRING O BORDLY KENETUKE, e hookaulana nei no ka Chamberlain's Cough Remedy (Laau Kunu). Ke kamailio nei oia ma kona ike ponoi iho i ka inu ana, oiai o kona a me ko kona ohana ola ana mai nei no ia mai ka loaa ana i ke kunu koikoi loa a me ke anu, a ua hooholo ola o keia laau lapaau ka oi ma ka honua nei. E kuai ia no ma na Halekuai Laau Lapaau a pau. O BENSON, SMITH & CO., na Agena ma ko Hawaii Pae Aina. tf