Ka Nupepa Kuokoa, Volume XXXII, Number 50, 16 December 1893 — Na poe Hoike hoopunipuni ia Blouni. [ARTICLE]

Na poe Hoike hoopunipuni ia Blouni.

He nui na mea kupono ke noouoo ia maloko o ka Liliuokalani olelo hoike ia B!ount, ka mea a makou e pai nei i keia la. He wahi kamailio ka makou i keia wa. no kona hoike ana i ke'ano kolohe o na kuhina elua, o Petei*son laua o Colburn t ka loio kuhina a me ke kuhina kalaiaina. Ua maopopo ke ano maoli o keia mau kanaka mamua i na mea a pau, aole i huna ia. Aka ke hoahewa ino loa mai nei ka Moiwahine nana i hookohu ia laua e noho ma na oihana kiekieae malama ika maluhia a me ke kuonoono o kona aupuni. Ke hoakaka mai nei o Liliuokalani ia Colburn, he kanaka kolohe oia a nana i kumakaia 1 kona Moiwahine, oiai oia inaloko o kekahi hana koikoi loa e pilikia ai. " Ua hele oia i kona poe enemi e kue aku īaia a e ohumu ana, a kuka pu me lakou i na meae hookahuli ai i kona manao. Ua inaopopo ma keia olelo, aohe wahi naauao o ka Moiwaliine i ka wae ana 1 na kuhina hiki ole ke hilinai ia, a ua koho i na kanaka kumakaia kolohe ua lakou e kiai i na pono o Hawaii nei. a ua kipaku mua iao G. N. W'ilikoki ka mea i hilinai loa ia, a pani ia ma kona hakahaka kela kanaka kumakaia.

0 kona loio-kuhina hoi, o A P. Peterson kekahi mea a ke alii i hoahewa loa ai, no kona hoopunipuni ana iaia me ka olelo ua huli pono oia i kona kumukanawai hou a pau ka hookahi mahina, a ua kupono no; alaila i ka wa e kukala ai, ua hai mai oia aole ia i heluhelu, a he mau mea pono ole maloko. 0 Peterson no hoi kekahi i kuka pu me Colburn a me Kakma ma, ua like kona kumakaia me ko Colburn. No keaha la i wae ai o Liliuokalani 1 kekahi loio kolohe 1 maopopo kona ano i na poe a pau loa, 1 loio kuhina nana e imi i ka maluhia o kona aupuni ame ka noho maemae ana o na kanaka? Ua maopono ke kuinu o kona hookohu ana i kela poe kolohe. uhauha wa)e, i mau kuhina, he poe lakou e ae wale ana i kona man manao lalau a me ka naaupo, aohe minamina i ka pono a me ka hanohano. Ma kanana muaana, he kelakela o Pete!*sou laua o Colburu mawaena o ka poe hoike a pau e kokua ana i ko aupuni Moi a me ka hoahewa aku īa Stevens. He mau hoike maikai anei laua, he pono anei ke hilinai i ua hoike wahahee? Ke hoiko maopopo mai nei ko laua haku wahine, he mau kanaka kolohe loa laua, lie wahahee ahe kumakaia aku. Ke hoahewa nei o Liliuokalani i na hoike pookela ma kona aoao iho. Eia nae ka mea kupanaha loa, oko Gresham hiliuai aua aku i kela poe hoike a Blount i hapuku wale ai i mea hoahewa aku ia Steveus. He nui ka pomaikai i ka hoolahaia ana mai o keia poe hoike a Blouut ma ke akea, a ike na mea a pau i ko lakou ano opala.