Ka Nupepa Kuokoa, Volume XXXII, Number 43, 28 ʻOkakopa 1893 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUI ALAHAO ME AINA O OAHU

MANAWA HOLO.

@ai a Mahope aku o Iune 1, 1893.

NA KAA AHI

NO HONOULIULI

 

                                  B      B      A      D

                                  a.m.    p.m.   p.m.   p.m.

Haalele ia Honolulu              8:45    1:45   4:35   5:10

Haalele ia Manana               9:30    2:30   5:10   5:56

Hiki i Honouliuli                 9:57    2:57   5:36   6:22

 

NO HONOLULU.

                                   C       B      B      A

                                  a.m.     a.m.   p.m.   p.m.

Haalele ia Honouliuli             6:21    10:43   3:43   5:42

Haalele ia Manana                6:55    11:15   4:15   6:10

Hiki i Honolulu                   7:30    11:55   4:55   6:45

 

No na Poaono wale no.

No kela ame keia la.

Koe na la Sabati.

Koe na Poaono.

 

NU HOU HAWAII.

Na ka puali kinipopo Unknown ka lanakila o ka paani ana me ka Matala ma ke kahua o Makiki i ka auina la Poaono i hala.  Unknown 7 mau puni, a o Matala, he 4.

 

Ma Pauoa, Okatoba 19, ua komo ae ka make maloko o ka ohana o Kauka Kaululaau a kaili aku la i ka lana lei aloha he kamalei kane 6 malama wale no.

 

Ua pau i ka hoohiolo ia ka pa pohaku o ka Aina o Kawaiahao i kela mau la aku nei, a ua hooliloia aku i kekahi poe.  Ke ku olohelohe nei ka ilina, aka me he mea la e pa pine ia aku ana a puni.

 

I ke kakahiaka Poakahi nei, ua komo ae ke kanikela nui Amerika Mills, i ukuliia e ka Hope Kanikela Boyd, e ike i ka Peresidena a me ka Aha Kuhina maloko o ka Hale Mana Hooko.

 

Ua waiho mai o Rev. Thomas L. Gulick i kona oihana kahu no ka ekalesia haole o Paia, Maui.  He nui ko makou minamina i ka haalele hou ana o keia makamaka haipule naauao i kona aina hanau.

 

Ua hoike ae ke kanikela hou Amerika Ellis Mills i kona palapala hookohu i ke Aupuni Kuikawa i ka la 19 o Okatoba, a ma ka la 20 mai ua haawi ia aku iaia ka palapala hooia, a ua hapai oia i kana oihana ma ke keena kanikela Amerika.

 

O ka apono ana i na bona e bela ai i na lawehala i hopu ia, aia wale no ia i ka Ilamuku, kona Hope a me ke poo Kapena o ka Oihana Hoomalu.  Pela ia e hoolaha ia mai nei ma ke akea, a e hoomake kona hooko ia mai keia wa aku.

 

Ua kauoha ia o Adimarala Skerrett e haalelo ia Honolulu nei a e hoi i Kapalakiko.  I ka la 6 o Nevemaba oia e hoi aku ai me kona mau ukali.  O Kapena Barker o ka “Piledelapia” ke poo o na aumoku kana Amerika ma Honolulu.

 

Ua loaa aku i ka luna kiai awa iluna o ka moku kialua “W. G. Irwin” i ka Poakahi nei, he 20 mau tini opiuma ua huna ia ma kekahi wahi o ko ke kuke palena.  Ua lawe ia ka opiuma i ka hale dute, a ua hoopuka ia ka palapala hopu no ke kuene no ka hoopae opiuma.

 

Eia ke hoakea ia nei ke komo ana aku o ke alanui Vineyard mai ka uapo aku o Peleula, a e hiki ana keia hoakea ana i ka 15 kapuai.  E lilo aku ana na aina mauka a makai o kela alanui i mau aina waiwai nui, a pela aku ana me na aina mamua ponoi aku o kahi o ke alanui e moi aku ai.

 

Ua hoike mai ka nupepa “Hoku” i ka Poaono i hala, ua hanaia na paa lole makalike holu he umikumamalua me na piku o ka apulu aupuni alii i hoonalowale loa ia.  I ke kiu ana, ua hana ia keia mau aahu koa no ko ka Moiwahine mau koa, me he la i kona manao, ua kokoke mai kona manawa e kau hou ai maluna o ka nohoalii i hoopau la.  He mau kapa keokeo kekahi i hana ia e C. T. Akana, he 30 a 40 paha paa.  Ua like keia me ke kaikamahine i kuai i ua kapa mare, aole nae i loaa mua ke kane hoopalau e mare aku ai.

 

Ua noho ka aha kapena moku Beritania, me ke kuhina Beritania Wodehouse ka lunahoomalu, e hookolokolo ia Kapena Stott no ka ili ana o ka mokuahi Miowera.  Ua hoapono ka aha iaia a hooholo aole nona ka hewa o ka ili ana.  No ka hemahema o na ipukukui ka hewa, a me ka olinolino loa o na kukui uwila, aole hiki i ke kapena ke hoomaopopo ua kokoke loa i uka nei o ka aina.  He nui ka hoohalahala ana o na haole o Honolulu i keia olelo hooholo a ka aha.  Ma ka manao o ka lehulehu o ka poe maamaalea holo moku, ua hewa maoli no o kapena Stott.

 

Ma ka Poakahi nei, ua haawi ae ka Puali A. o na koa o ke Aupuni Kuikawa, i aha lealea Europa maloko o ka Hale Pikau ma Ewa iho o ka halekoa kahiko.  Ua hoowehiwehi ia no hoi oloko o ka hale me na mea hoohiehie o na ahaaina o na lima maiau o ka poe maamaalea ma ia hana.  Mawaena o na mea hoowehiwehi, na kahakahana Amerika a me Hawaii lehulehu wale o na ano nunui a liilii no hoi.  Ua nui ka poe i kukai ae i ka poloai i hoouna ia aku ia lakou.  Ma ka hora 9 ka hoomaka ana o ka lealea a ua hoomau ia aku a hala wale i na hora aumoe.  Malaila ae ke Kuhina Kalailaina a me ka Loio Kuhina, ke Koloneia Super a me kona ukali, ka ukali o ka Peresidena a me kekahi mau aliikoa e ae.

 

Ma ka malama ae nei o Novemaba, e pani ia ana na eke leta o Honolulu nei e hoouna ia ana i ko na aina e, he elua hora mamua ae e ka wa e pani mau ia nei i keia wa.

 

Ehia aliiaimoku i kipaku ia mailuna aku o na nohoalii e ko lakou mau lahui kanaka, i kali no eiwa mau malama loihi i hoihoi hou ia ae iloko o keia mau makahiki aku nei i hala?

 

E ia he pili ke waiho nei, o ke Aupuni Kuikawa wale no ka ke Kuhina Amerika hou Willis e eke mai ai aole ka apulu aupuni alii i pulumi ia mai ka papalina aku o Hawaii.

 

A ka hora 2 auina la o keia Poakolu aku, Novemaba 1, e huli hoi aku ai ka mokuahi hoohikihiki limahana Iapana “Miike Maru” no Iokahama, ke awa hope ona i haalele aku ai.

 

Ua hoopaiia ka lunahooponopono Pukiki o ka nupepa “Uniao,” o Perreira ka inoa, he $50, no ka hoopuka ana i kekahi olelo ino maloko o ia nupepa e pili ana ia Mr. Vivas.  Na ka lunakanawai apana o Honolulu keia i hoopai i ka Poalua nei.

 

I ka la 12 o Okatoba nei, ma ke kulanakauhale o Portland, mokuaina o Oregona, ua hanau mai ka wahine a Kauka John S. Bishop, he keikikane.  Oia iho la ka moopuna kane mua ia loaa ia Rev. S. E. Bishop a me kana wahine, a e hauoli auanei laua i ko laua hii moopuna.

 

Kuwouwou na anee alii i ke kakahiaka onehinei, i ka nui loa o ko lakou hoka i akena mua iho nei, e hoihoi ia ae ana ke alii ke ku mai ka Mariposa.  Ku mai nei ka Mariposa, aohe wahi mea a hooihoi ia ae, a ua oki nae e hookukulo ana me he manu la ua hele a opili i ke ano.

 

He paikau hookahakaha mahina konane ko na puali koa aupuni mawaena o ka hora 7 a me 8 o ka po Poakolu nei, Imua o ke ananina nui o ka poe makaikai e kuku ana ma na hai o ke Kuea Halealii.  A mahope o ka paikau wawae ana ma ke kuea, ua hoohele paikau ia aku lakou ma na alanui me ka puali puhi ohe aupuni e alakai ana mamua.  Pela lakou i hoohele ia ai a hoi nui mai ana.

 

Aole hoi i loaa iki ia’u kekahi laau lapaau e hoopau ae ai i na ehaeha o ka mai rumatica e like me ka Chamberlain Pain Balm laau.  Ua hoohana pu au i keia laau no ko’u kua eha me ka hololea maoli.  Oia kekahi o na laau hamo oi loa o ka maikai a’u i kau ai, a ke hauoli nei au i ka hoikeike aku i ka maikai o keia laau i ko’u mau hoaloha, Mrs. Emily Thorne, Toledo, Washington.  E kuai ia aku no ma na Halekuai Laau Lapaau, Benson, Smith & Co., Na Agena.  2460-tf

 

O ka poe limahana Iapana ma Miike Maru, aole i hookuu ia e pae iuka i ka Poalua a ae mai lakou e like me ka poe e ae i hele mua mai.  Ua olelo ia aole e hookaa lakou mahope i kekahi mau dala 7.50, i hookaa mau ia mamua noloko mai o ko lakou uku paahana.  Ua hoole loa ka poe mahiko, aole e lawe i keia poe limahana pela.  Nolaila ua ae mai na limahana, i ole ai e hoihoi hou ia i Iapana, a ua pau lakou i ka hoolele la i Koholaloa i ka Poalua nei.  I ka Poalima e hoomaka ai ka lawo ia lakou ma na kuaaina.

 

“He hana oluolu ke kuai aku i ka Chamberlain Cough Remedy” (Laau Kunu), wahi a Stickney & Dentler, na mea kuai laau lapaau, Ripublic, Ohio.  “No ka mea, mahope oka inu mua ana i ua laau nei, e kono ia ana oe e kii hou ke makemake oe.  Ua oi aku ka makou mea i kuai ai o keia laau mamua o na laau lapaau e ae a makou e noho agena nei, a he mahalo nui ia mai i na wa a pau no ke ola.  No ke kunu, ke anu a me ka nae, aohe mea e loaa ai kona lua.”  E kuai ia aku no ma na Halekuai Laau Lapaau a pau, Benson, Smith & co., Na Agena.  2460-tf

 

I ka Poalua iho nei, i hookolokolo ia ai o Ed. Devauchelle i mua o ka aha apana o Honolulu nei, no ka hewa hoopae opiuma i hopu ia ai oia he elua aenei hebedoma paha i hala makai iho o ka halepaahao o Kawa, me na tini opium he 49 ka nui.  Mamuli o ka ikaika o na oleloike e akaka ai ka hewa io maoli, i hoopai ia ai ka mea i hoopii ia he $500 a me eono mau malama hoopaahao ma ka hana oolea.  Ua hoohalahala ka paahao i ka olelo hooholo a ua hoopii i ka aha kaapuni.  Mahope koke o ke puka ana o ka olelo hooholo hoopai, ua hoopuka koke ia he palapala hopu no Devauchelle, no ka hewa hou ae, no ke kuai opiuma.  Nolaila, paa hou oia i ka hopu ia.  O kona kokoolua i hopu pu ia ai oia, o Isaaca Cocket, e hookolokolo ia ana i keia la.

 

Ua haawi ae ka puali Kanai Ahi Helu 2 i hoopau ia i ka Papa Ola, he $70 makana, a na lakou e kaana no ka pono o na mai lepera nele loa.  O keia huina dala, ua hookupu manawalea ia e kekahi poe kuonoono o ke kulanakauhale nei, no ke kokua ana e kuai i paa lio no ka Puali Helu 8.  A oiai, ua lawe ke aupuni i na koikoi o ia mea, nolaila ua hoihoi ia aku keia puu dala i ka poe nana i manawalea mai, eia nae ua hoole loa mai lakou i ka lawe hou ana aku.  Mamuli o ka manao o ka puali, ua hooholo lakou e haawi la i ka Papa Ola.  Ua ae ka Papa e lawe, a ua kauoha ia ke Kakauolelo e pahoia aku i ka Puali Helu 2 i ko ka Papa mau hoomaikai.  E ia ka poe nana ia makana:  J. S. Walker, 825; C. O. Berger, $25; F. W. Macfarlane, $10; a me Hyman Bros. $10.

 

NUHOU KUWAHO

Ma ke kuana mai o ka mokuahi “Mariposa,” kapena Hayward, i ka hora 5:30 kakahiaka nui onehinei, Okatoba 27, mai Kapalakiko loa mai, ua loaa mai ia makou na mea hou malalo iho:

 

Ua haalele aku ka mokuahi “mariposa” ia Kapalakiko, i ka hora 4:45 ahiahi o ka la 20 o Okatoba nei a holo mai no Honolulu nei.  Ua haule kona manawa holo hookahi la, no ke kali i na eke leta o Enelani o ka hiki mai.  A loaa mai no hoi, holo mai nei ka moku.

 

Aole i kau mai ka Elele Kuhina hou o Amerika Huipuia, Hon. A. S. Willis ma ka Mariposa o nehinei, no ka mea, aole oia i hiki ae i Kapalakiko ma ka la i holo mai ai ka Mariposa.  Eia ka mea apiki, ke nahaehae mai nei na kamaa, hapaupau loa ka paa-lole keokeo o ka hoohiki ana o na anee alii a ku mai ka Mariposa komo.  Huhewa no hoi.

 

Ua lawe mai oia ia 35 mau ohua kapena no Honolulu nei, 175 mau tona ukana a me na eke leta.  Mawaena o na ohua kamaaina i hoi mai, o Lunakanawai W. Foster, H. M. Whitney, W. W. Goodale, Rev. R. K. Baptist, T. H. Gibson a me ka wahine a me kekahi mau ohua e ae.

 

Ua hali pu mai oia he 5 mau ohua kapena no Samoa, 14 no nukilani a me 26 no kikane.  Mawaena o na ohua o Samoa o Hon. Henry C. Ide, Lunakanawai Kiekie hou o Samoa, a me 3 o kana mau kaikamahine.

 

KA NINA HOOHUI IA HAWAII

Aohe mau nu hou e pili ana i ka ninau hoohui ia Hawaii nei no Amerika i loaa mai ia makou.  O ka mea oiaio, aohe i waiho ae ka Peresidena i kana hoolala hana no keia ninau i ka Aha Senate i keia wa, a me he la e hookuu ia ana ke kau kuikawa o na Ahaolelo Lahui me ka noonoo ole ia o ka ninau hoohui.

 

Ua piha pu na kahua o ka Hoikeike nui o Kikako i ka la 19 o Okatoba i na kamalii kula.  Ma ke awakea, ua hookani ia kela Bele Lanakila e na kamalii no ka hoomanao ana i ko Haku Cornwallis haawi pio ana, ma ka hookani ana i ka haku o ka bele a kanalima kumamakahi mau ke ana, oia hoi he hookahi ke ana no kela a me keia mokuaina a me tertori, a hookahi ke ana no ke ohaoha mai ia Hawaii e komo pu iloko o ka hui o na mokuaina.  O ka nui o na makaikai ia la, he 335,705.

 

Ua telegarapa mai hoi o C. C. Moreno ma ka la 19 o Okatoba, mai Wasinetona mai i ka nupepa “S. F. Chronicle” me ka olelo e hoihoi hou ana o Amerika Huipuia i ka Moiwahine i kipakuia maluna o ka nohoalii o Hawaii.  Aole nupepa e ae ma Kapalakiko i puni e hoolaha aku ia olelo waea wahahee, o ka nupepa Chronicle wale no manua ae.

 

PI NA LAE I KA BILA HOOPAU DALA KEOKEO.

Eia no na hoa o ka Ahaolelo Senate o Amerika Huipuia ke nonoke nei i ka paio hahana, ma ka aoao hoopau i ke kanawai dala keokeo a Seremana a me ka aoao kue i ka hoopau.  Ua moe na hoa iloko o ka hale ahaolelo he 36 mau hora no ke ake e pau na paio ana a koho ia, eia nae, aole i koho a holo mai nei ka mokuahi.

 

PAA NO KE KIAHA AMERIKA.

Ma ka heihei ana i ka la 13 o Okatoba, o ka moku Amerika “Vigilant” me ko Beritania moku heihei “Valkyrie,” no ke kolu o ka manawa, a ua eo hou no i ka moku Amerika, ma ke 49 wale no sekona ka oi imua oka moku Beritania.  Manawa holo o na moku elua no keia pahu heihei he 30 mile o ke awa o Nu Ioka, ma keia holo hope ana, penei no ia:  Vigilant, 3 hora 24 minute 39 sekona; Valkyrie, 3 hora 25 minute 19 sekona.

 

NO SAMOA.

I ka la 22 o Sepatemaba, ua hele na luna aupuni o Samoa i Pagopago me ka mokukaua Beritania, a ua kii i na lii malaila a lawe ma Apia, e hookolokolo ai.  A ua hoounaia no hoi kekahi mokukaua e kii i na lii ma Aunuu.

 

He nui ka mai ulahi ma Samoa, a ua lohe ia he 15 ka nui o na make.

 

O na kanaka nana i luu ma ke awa o Apia a loaa ai na heleuma o na mokukaua i pau ai i ka ili malaila, ua loaa ia lakou ka waapa mahu o ka mokukaua Nipsic, ka moku hoi i pakele mai ai.

 

PAHU KE KIANA PAUDA, HAALULU KA AINA.

He 75 paona kiana pauda ka Rowela i hoopahu ai i ka hora 4 a mahope iho ahiahi Poalua nei, ma kela papa akoakoa ma ka uapo o Burua.  Ua hou ia he ewalu puka he umi kapuai ka hohonu.  He 30 a oi na owili panda i hookomo ia maloko o kela lua keia lua.  Na ka batari uila i hoopahu iloko o ka imo ana a ka maka.

 

Ua puai liilii iluna ke kai hookahi kapuai.  He nui ka haalulu a me ka naka o ka aina a hiki iuka ma alanui Kalepa a me alanui Papu.  Ua hoopoino nui ia ka uapo ma ka ho owa ia ana.  Ua manao ia, ua helelei loa ka paia pohaku maloko o ke kai ma ka aoao ma Ewa o ka uapo no ka mea, ua emi ilalo ka lepo ma ia aoao.  Ua manao o Rowela ua pau loa aku ia kela puu akoakoa i ka weluwelu ka mea nana i keakea na moku nunui i ka pili ana aku i ua uapo la mamua.

 

NA LETA

Aole makou makemake e lawe i ke koikoi o na hala no na manao i hoopuka ia malalo o kela poo e ko makou poe mea kakau.

 

KA NINAU HOOHUI AINA.

HELU 1.

E KE KUOKOA E,

Aloha oe:

E ae mai ia’u i kekahi wahi kaawale o kou mau kolamu, e kamailio aku ma kekahi mau mea e pili ana i ka ninau Hoohui Aina.

 

He mea oiaio, ina e ninau ia ka manao o na kanaka Hawaii maoli a me na hapa Hawaii iloko o ka aina mai o a o, ke ae nei au, aneane o ka eiwa hapaumi o lakou aia ma ka aoao kue i ka hoohui ia Hawaii me Amerika Huipuia; aka, no’u iho, he Hawaii ma ke koko a ma ka hanau ana, ke olelo nei au; o ka mea oi loa aku o ka pono no na kanaka Hawaii a me na lahui e ae iloko o ka aina, oia no e apono ia ka hoohui ia Hawaii me Amerika Huipuia.

 

Ua akaka loa me ke kanalua ole, o ka oihana mahiko, oia ka oihana nui iloko o ka aina; a na ia oihana e haawi nei ke ola i ka poe e lawelawe nei i na oihana e ae, aka ke olelo nei au, oiai kakou e ku ana e like me ia i keia wa, he kulana akaka ole ko ka oihana mahiko, no ka mea, mamuli o ke Kuikahi Panailike i hanaia mawaena o Amerika Huipuia a me Hawaii nei i ka M. H. 1876, a i hooloihi hou ia ma ka la 9 o Novemaba, 1887 no ehiku makahiki, e pau ana ia ma ka la 9 o Novemaba 1894, me hookahi makahiki hou aku, i wa e hoolaha aku ai kela a me keia aoao i kona manao hoopau i ka noho ana malalo o ua Kuikahi Panailike la.

 

Ina paha ma ka la 9 o Novemaba 1894, e hoopau mai ana ka Peresidena o Amerika Huipuia i kela Kuikahi Panailike, alaila, e pau maoli ana ua Kuikahi Panailike la ma ka la 9 o Novemaba 1895; alaila, ina e olelo hou kakou, e hooholoia ana ka.  Hoololi a na Demokalaka e manao nei e hoololi i kela Bila Kanawai a Makinele, oia hoi e kau ia i hookahi keneta dute maluna o na paona kopaa a pau e hookomoia aku ana iloko o Amerika, alaila, ina o ke kumukuai o ke kopaa ia wa he ekolu keneta o ke paona, alaila, ua akaka loa me ke kanalua ole, aohe mahiko o hiki ke ola ma Hawaii nei, alaila, heaha ka hopena, aole anei e hoi hou ana kakou e humu i ka malo.

 

Iua ua ane pilikia na mahiko i keia wa, oiai, aole e uku ana i kela dute o hookahi keneta o ke paona; oia hoi he iwakalua dala o ke tona hookahi, alaila, aole anei e oi loa aku ka poino ina e kau ia mai ana ka auhau dute i iwakalua dala maluna o ke tona hookahi?  Ke olelo nei au o ka mea e hoole mai ana, he hoole kela mamuli o ke kuhihewa maoli.

 

Malia paha, o olelo mai ka poe Pili Alii a kue hoi i ka hoohui aina, ina he mea hoopoino ole i na mahiko ka Hoohui Aina, alaila, pehea hoi o Claus Spreckels, he ona mahiko nui ma Hawaii nei, e kue nei i ka Hoohui Aina?

 

He ninau maikai no keia, a he mea pono e hoakakaia kekahi mau kumu e hiki ai e hoopau ia kekahi mau kuhihewa.

 

O Claus Spreckels, oia no ka ona o ka Hale Hoomaemae Kopaa ma Kaleponi, a o na kopaa ma Hawaii nei, ua pau loa ia Spreckels ka eiwa hapaumi oia mau kopaa, a nana e hoomaemae nei a kuai hou aku; a o kona puka ma ia hana ana aia ma kahi o $2,5000,000 a ka $6,5000,000 i ka makahiki hookahi, me ka nana ole i kona puka mailoko mai o kona mau mahiko; aka, ina e hoohui ia ana o Hawaii nei me Amerika Huipuia, alaila, e pau ana keia puka mai iaia ae; oiai, ina plla, alaila e hiki ana i na mahiko ma Hawaii nei ke hoomaemae i na kopaa ma Hawaii nei, a hoouna aku e kuai ia ma na Makeke o Amerika, alaila e nele ana o Spreckels i kela mau miliona dala puka i ka makahiki hookahi; a oia kumu wale no, ua akaka, he kumu maikai a kupono ko Spreckels kue ana i ka Hoohui Aina no kona pono ponoi, a aole no ka pono o na kanaka Hawaii a me ka poe e ae iloko o ka aina.

 

Malia paha o pane mai ka poe pili alii, ina e hoohui aina, alaila e lilo ana na mahiko i mau Sprockels e holonholona e like me ka kula hanai olelo nei, mamuli o ka pii loa o ka uku o na paahana; he mea makehewa kela mau olelo, oiai, ua haawi ia ia mea ma Amerika Huipuia, oia hoi mamua aku o ke kaua huliamahi ma Amerika Huipuia, e mahi ia ana ke ko ma Louisiana e na kauwa kuapaa; a, mahope o ka hookuu akea ia ana o na nika kuapaa, ua ike ia, ua oi aku ka holomua o na mahiko ma Louisiana mamua o ka wa e hanaia ana e na nika kauwa kuapaa.

 

Ina paha mamuli o ka hoohui ana ia Hawaii me Amerika Huipuia, he kumu ia e pii iki ae ai ka uku o na paahana ma Hawaii nei, alaila, e lilo anei ia i kumu na kakou e kue ai i ka Hoohui Aina?

 

Ke manao nei au me ke kanalua ole; o ka pii ae o ka uku o na paahana oia kekahi o na kumu kokua loa ia ka lahui kanaka a me ke ano o ko lakou noho ana, aole anei he mea hoohauoli i na poola o keia kulanakauhale a me na paahana a pau ke hoomahuahua hou ia ao ko lakou mau uku i iwakalua-kumama-lima pakeneta hou ae mamua o ko keia wa?  Ke hai nei au, e hauoli loa ana lakou ia mea, aka, aole lakou i ike i ka hopena oiaio oia mea, oia ke kumu e kue nei ka hapanui o na kanaka Hawaii i ka ninau Hoohui Aina, aka, ina i maopopo pono i na kanaka Hawaii paahana, na hopena e hiki mai ana ke hoohui ia o Hawaii me Amerika Huipuia, alaila, aole au i kaualua i ka olelo aku, e pau ana ka eiwa-hapaumi o na kanaka Hawaii i ke kokua i ka hooholo ana i ka manao e kokua ia ka Hoohui Aina.  (A uwila hou aku.)

 

Ua pau i ka haihai na au o eha mau pake sifa o Ewa i ke kakahiaka Poakahi nei, ma o ka hoopaia ana o lakou ma ka $100 pakahi.  I akeukeu mai la paha na luna aupuni o Ewa i ke kii ia ana aku o kolaila mau hakihaki kanawai e ko Honolulu nei poe makai a hului loa ia mai i Honolulu nei.

 

HOOLAHA HOU.

Aha hookolokolo apana elima o ko Hawaii pae Aina.  Ma ka hooponopono waiwai.  Ma ka waiwai o Puweuweu Kaukaopua (k) i make kauoha ole.  Imua o ka Lunakanawai Kaapuni ma ke keena.

 

Ma ka heluhelu a me ka waiho ana mai o ka palapala noi a Mrs. Ililani Apo o Hanale, Kauai, e hoike mai ana o Puweuweu Kaukaopua (k) no Hanalei, ua make kauoha ole ma Wainiha Kauai, maka la 11 o Mei, M. H. 1889, a e ni ana e haawi ia ka palapala hookohu Lunahooponopono Waiwai ia Paulo Kaai.

 

Ua kauoha ia o ka Poaha, ka la 9 o Novemaba, M. H. 1893, i ka hora 10, oia ka manawa i kohoia no ka hoolohe ana i ua noi la, imua o ua lunakanawai la ma ke Keena Hookolokolo o keia Aha, ma Lihue, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.  A o keia olelo kauoha e hoolaha ia ma ka olelo Hawaii i ekolu pule ma ke “Kuokoa,” nupepa ma Honolulu.

 

Kakau ia ma Koloa, ko Hawaii Pae Aina, Okatoba 7, M. H. 1893.  Jacob Hardy, Lunakanawai Kaapuni Apana Elima.  2453-3.

 

HOOLAHA HOOKO O KA MORAKI A ME KE KUAI.

I kulike ai me na hooko ana o kekahi moraki i hana ia e Peter Kawaiku a me Kaahalama kana wahine, ma Apreila 10, 1880, ia Chas. R. Bishop no Rebecca K. Panee, kope ia ma ke Keena Kakau Kope ma Oahu, Buke 64 aoao 85, ke hoolaha ia aku nei ka lohe, ke makemake nei ka mea e paa nei i ka moraki e hooko aku, no ka uhai ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.

 

Ke hoolaha hou ia aku nei, mahope iho o ka pau ana o na hebedoma ekolu mai keia la aku, alaila e hoolaha ia aku no ke kuai ma ke kudala akea ka waiwai i paa maloko o ua moraki la ma ka hale kudala o Jas. F. Morgan, ma Honolulu, ke hiki aku i ka Poakolu, Novemaba 22, 1893, hora 12 awakea o ia la.

 

No na mea i koe, e ninau ia J. Alfred Magoon a i ol ia.  Chas. R. Bishop, Kahu no Rebecca K. Panee.  Kakau ia ma Honolulu, Okatoba 26, 1893.

 

O ka aina i paa maloko o ua moraki la, oia kela malalo iho:

 

O kela aina a pau i kuhikuhi ia maloko o ka Palapala Sila Nui Helu 2664, kuleana Helu 3407, nona ka ili he 24 1-5 mau eka, e waiho la ma Mahulua a me Poopoo, Hana, Maui.  2465-4.

 

HOOLAHA HOOKO O KA MORAKI A ME KA KUAI.

I kulike ae me na hooko ana o kekahi moraki i hana ia e Tam Pau Shin ia J. Alfred Magoon, kahu no J. S. Emerson, ma Maraki 15, 1889, kope ia ma ke Keena Kakau Kope ma Oahu, Buke 111, ma na aoao 334 a me 335, ke hoolaha ia aku nei ka lohe i na mea a pau ke makemake nei ka mea e paa nei i ka moraki e hooko aku, no ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.

 

Ke hoolaha hou ia aku nei ka lohe mahope iho o ka pau ana o na hebedoma ekolu mai keia la aku, alaila e hoolaha ia aku no ke kuai ma ke kudala akea ka waiwai i paa maloko o ua moraki la ma ka hale kudala o Jas. F. Morgan, Honolulu, ke hiki aku i ka Poakolu, Novemaba 22, 1893, hora 12 awakea o ia la. 

 

No na mea ia koe, e ninau ia.  J. Alfred Magoon, Kahu o J. S. Emerson, ka mea e paa nei i ka moraki.

Kakau ia ma Honolulu, Okatoba 26, 1893.

O ka waiwai i paa maloko o ua moraki la, oia keia: 

 

O kela hapalua i mahele ole ia iloko o ka apana aina e waiho la ma Waikiki Waena, Honolulu, Oahu, i kuhikuhi ia ma ka Apana 2 iloko o ka Palapala Sila Nui Helu 2614, nona ka ili he 3600 kapuai kuea, oia hoi ka aina i hoolilo ia mai i ua Tam Po Shin a i ole Tam Pau Shin e C Alee ma ka palapala kuai i kakau ia i Dekemaba 15, 18887, kope ia ma ke Keena Kakau Kope, Oahu, Buke 103, aoao 353.  2465-4.

 

HOOLAHA HOOKO MORAKI.

Mamuli o kekahi mana kuai i hoike ia maloko o kekahi palapala moraki i hana ia mawaena o Kahalekou o Keauhou, N. Kona Hawaii, o ka aoao mua, a me H. N. Kakela Kahu Waiwai o ka aoao elua, ma ka la 30 e Maraki, 1886 i kakau kope ia ma ka buke 99, aoao 254 a i hooliioia ia T. B. Cummings, a mamuli o ka uhai ia ana o na kumu aelike o kela moraki, oia hoi ka uku ole ia o ke kumupaa a me ka ukupanee, nolaila, ke hoolaha ia aku nei e ka mea nona ka aoao elua o ua moraki nei, o hooko ana oia ia mana kuai.

 

A ke hoolaha hou ia aku nei, ala mahope aku o na pule ekolu mai keia la aku, alaila, e hoolaha ia aku ua aina i hoike ia ma ia moraki no ke kudala ana ma ke keena kudala o jas. F. Morgan, ma Honolulu, ma ka la 20 o Novemaba, 1898, hora 12 o ia la.

 

No na mea i koe e ninau ia W. C. Aehi, Lolo ma ke kanawai.

Hanaia ia keia la 20 o Okatoba, 1893.  T. B. Cummings,  Hope o ka mea moraki mai.  Penei na aina i moraki ia:

 

O kela aina e waiho la ma Kolulu, Honolulu, Oahu, a i ike ia o ka apana 1 i hoakaka ia ma ke Sila Nui Helu 1235 a kuleana Helu 933 ma ka inoa o Kamae, he 50-100 eka ka ili, a i hoolilo ia i ka mea moraki aku ma ka palapala kuai a Kailihania a me Kaupaakai, i hana ia ma ka la 23 o Augate, 1862, a kope ia ma ka Buke 15 aoao 344.  2465-4.

 

HOOLAHA HOOKO O KA MORAKI A ME KE KUAI.

Ke hoolaha ia aku nei ka lohe i na mea a pau, i kulike ai me ka mana o ke kuai i hookomoia iloko e kekahi moraki i hauala ma ka la 7 o Feberuari, A. D. 1891, e Pele Kamuela a me Samuel Ku kana kane, o Honolulu, ia Bishop & Co. o Honolulu no, hoopaaia ma ke Keena Kakau Kope o ke Aupuni, Buke 132 a ma na aoaoa 74, 75 a me 76, a no ka uhalia ana o ka aelike iloko o ua moraki la ole ka hookaa ole ia o ka ukupanee a me ke kumupaa i ka wa e hookaa ai, nolaila, ke makemake nei ka poe e paa nei i ka moraki e hooko aku i ua moraki la.

 

Nolaila, ke hoolahala aku nei ka lohe, o na aina a pau i kuhikuhila maloko o ua moraki la e kuai ia aku ana ma ke kudala akea maloko o ka hale kudala o James F. Morgan, ke hiki aku i ka Poakolu, Novemaba 12, A. D. 1823, hora 12 awakea o ia la.

 

O na waiwai i paa maloko o na moraki ia.  ola kela:

 

Akahi -O kela apana aina a pau i kuhikuhiia iloko o ka Palapala Sila Nui Helu 2850 nona ka ili he 34-100 eka, e waiho ia ma Moanalua.  Mokupuni o Oahu, a i hooliiola mai i ua Pele Kamuela ia ma ke kuai mai a Kanewahine ma ka la 16 o Iulai, 1887, a i kopeia ma ka Buke 104 aoao 292.

 

Alua- O kekahi hope o kela aina i kuhikuhiia maloko o ka Palapala Sila Nui Helu 2075 e waiho la ma Moanalua, a i hooliioia mai ma ke kuai e like me ia i oleloia maluna, a i kuhikuhi ia iloko o ka palapala a Kilitiano ia Kanewahine ma ka la 11 o Aperila, 1377, a kopela iloko o ka Buke 30 a ma na aoao 110-111.

 

Akolu-O keia hapakolu i mahele ole ia o ka aina i kuhikuhiia iloko o ka Palapala Sila Nui Helu 3073.

 

Ma ke guia o Amerika Huipuia e ukula ai ke kumukuai.  Na uku hana palapala i ka mea e lilo ai.

 

No na mea i koe, e loaa no ma ke Keena Loio o Carter a me Carter. 

Hanaia ma Honolulu, Okatoba @@@@ Bishop & co. Ma o ko lakou Hope la 2465-3 Carter & Carter.

 

HOOLAHA

I KA POE HELA IKE KIOWAI O WAIAKEAKUA, MANOA.

O na poe a pau e makemake ana e hele i ke Kiowai o Waiakeakue ma Manoa, ke hoolahala aku nei e pono e loaa nana ia lakou ka ae ia mai ka mea nona ka inoa malalo iho nei a o na mea a pau e komo hewa ana ma ia wahi me ka ae ole ia e hoopiiia no ma ke Kanawai.  James H. Boyd.

 

Ma ke Keena Afra, Hale Aha Hookolokolo.  Honolulu, Iune 11, @@  2447-tf.

 

HOOLAHA HOOKO MORAKI.

O ka poe noua ka inoa malalo iho.  The Western & Hawaiian Investment Co., kaupalenaia.  he hui i hoohuila malalo o ke kanawai, ke hoolaha aku nei i ke akea ko makemake nei ka hui e hooko aku i ka moraki no ka uhaki ia o ka aelike, oia ka hookaa ole ia o ka ale i hoopaaia, o kekahi moraki i hana i ao Gilbert Waller, ma ka la 31 o Augate, 1885, a i hoopaa ia ma ke Keena Kakau Kope o ke Aupuni Buke 112 a ma na aoao 157-159, o ka aie i hoopaa ia ma na moraki la, he nota aie no ka $12,000:  e hookaa ia iloko o na makahiki ekolu mai ka la mai i hanaia ai o ua moraki la: a e waiho ia aku an no ke kuai ma ka hale kudala o Jas. F. Morgan ma Honolulu, ma ka Poakahi, Novemaba 13, @@, hora 12 awakea kela mau aina a pau i paa maloko o ua moraki la.

 

O ka waiwai i paa maloko o ua moraki la, eia ke waiho nei ma Kalihi, Oahu, a i kuhikuhi ia penei:

 

1. O kela mau apana aina a pau i kuhikuhila iloko o ka palapala hoolilo a Joseph Pickford i ua Gilbert Waller la i hana ia ma Aperila 10, @@@ kope ia ma ke Keena Kakau Kope o ke Aupuni Buke 33 a ma na aoao 22-23, nona ka ili he 289-1000 o ka eka, i kuhikuhiia iloko o ka Palapala Sila Nui Helu 3359, a me 751 mau eka i kuhikuhila ma na mahele a me na mokuna iloko o ua palapala kuai la.
2. O kela apana aina a pau i hooliloia mai i na Gilbert Waller ia ma ka palapala hoolilo a W. L. Moehonua, ma Novemaba 8, 1876, kopeia ma ke Keena Kakau Kope o ke Aupuni Buke 49 a ma na aoao 131-132, nona ka 21 mau eka, 8.10 ruda kuea, i kuhikuhiia iloko o ka palapala sila nui helu 68-16.
3. O kela apana aina a pau i hooliloia mai i ua Gilbert Waller la ma ka palapala kuai a J. Mott Smith, Kuhina Kalaiaina, i hanaia ma Okatoba 23, 1877, kopeia ma ke keena kakau kope o ke aupuni buke 32 a ma na aoao 340-341.  nona ka ili he 92-10 mau eka a oia ka hapa o ka aina i kuhikuhiia maloko o ka palapala sila nui helu 35-46.
4. O kela aina a pau i hoolilo ia i ua Gilbert Waller ia ma ka palapala kuai a Emma Metcalf Beckley, i hana ia ma Mei 11, 1881, kope ia ma ke Keena Kakau Kope o ke Aupuni, Buke 107, a ma na aoao 338-339, nona ka ili he 6 38-100 mau eka, i kuhikuhi ia ma ke Kuleana Hoona Aina 818.
5. A me na halelaau, na hale, nahana hou, na enegini, na ipuhao, na tabu a me na mekini o na ano a pau i pili i ka hale hana oia o ua Gilbert Waller la e waiho nei maluna iho o na aina i hoike ia maluna a me na mea a pau i pili i ua mau aina la ina ua hoohanaia i ua mau hale hana oia ia a ano e ae paha.

Koike ke dala.  Na uku hana palapala i ka mea e lilo ai.  The Western & Hawaiian Investment Co. i kaupalenaia.  Ma o kona Hope ia W. W. Hall.  2464-4.

 

HOOLAHA HOOKO O KA MORAKI A ME KE KUAI.

Ke hoolaha ia aku nei ka lohe i na mea a pau, i kulike ai me ka mana o ke kuai i hookomo ia iloko o kekahi moraki i hana ia ma Ianuari 6, A. D. 1892, e Haekekai (w) a me Kakaio kana kane o Honolulu Mokupuni o Oahu, ia Alexander J Cartwright o ua Honolulu ia no, kope ia ma ke Keena Kakau Kope o ke Aupuni Buke 131 a ma na aoao 412 a me 413 ia Bruce a me A J Cartwright o Honolulu no, na hooilina malalo o ka palapala kauoha a ua Alexander J Cartwright la i make, ke makemake nei e hooko aku i ua moraki ia no ke kumu ka uhaki ia o ka aelike, oia ka uku ole ia o ke kumupaa a me ka ukupanee i ka wa e hookaa ai.

 

Ke hoolaha hou ia aku nei ka lohe i na mea a pau, o na aina a pau, na pono hoaaina a me pilikana i loko o ua moraki la, e kuai ia aku ana ma ke kudala akea ma ka hale kudala o James F. Morgan, ma alanui Moiwahine, Honolulu, ke hiki aku i ka Poakahi, Novemaba 13, A. D. 1893, hora 12 awakea o ia la.

 

O na waiwai i paa maloko o ua moraki la, penei i kuhikuhi ia ai:

O kela apana aina a pau e waiho la ma Kamakela, ma Honolulu i olelo mua ia, a i kuhikuhi pono ia na palena ma ka palapala kuai a E. K. Nahaolelua ia W. C. Aohi, i kakau ia ma ka la 22 o Augate, 1891, a i kope ia ma ke Keena Kakau Kope Buke 141 a ma na aoao 199-201. nona ka ili he 188-1000 o ka eka, a oia kekahi hapa o ka aina i kuhikuhi ia iloko o ka Palapala Sila Nui helu 6245 ia Kalaeokekoi no Kalakini, a i hoolilo ia i ua Haokekai la ma ka palapala hoolilo a ua WC Achi la i kakau ia ma Ianuari 4, 1892, a i kope ia ma ke Keena Kakau Kope Buke 141 a ma na aoao 198-9.

 

Kuike ko dala.  Na uku hana palapala i ka mea e lilo ai.  Bruce Cartwright, A J Cartwright, No na mea i koe e ninau ia J M Monsarrat, loio no Bruce Cartwright a me Alexander J Cartwright.  Kakauia ma Honolulu, Okatoba 14, 1893.  2464-4.

 

HOOLAHA HOOKO O KA MORAKI A ME KE KUAI.

Ke hoikeia aku nei ka lohe i na mea a pau, i kulike ai me ka mana o ke kuai i hookomoia iloko o kekahi moraki i haua ia ma ka la 20 o Maraki, A. D. 1891, e Hoopii (w) o Honolulu mokupuni o Oahu, ko Hawaii Pae Aina, ia Alexander J Cartwright o Honolulu i olelo ia, hoopaaia ma ke Keena Kakau Kope Buke 132 a ma na aoao 135 a me 136, ke makemake nei o Bruce a me A J Cartwright o Honolulu, na hooilina maloko o ka palapala kauoha a ua Alexander J Cartwright la i make, e hooko aku i ua moraki la no ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.

 

Nolaila ke hoolahaia aku nei ka lohe, o keia mau aina a pau na pono hoaaina a me na pilikana i komo iloko o ua moraki la. e kuai ia aku ana ma ke kudala akea ma ka hale kudala o James F. Morgan, ma alanui Moiwahine, Honolulu, ke hiki aku i ka Poakahi, la 13 o Novemaba, A. D. 1893, ma ka hora 12 awakea o ia la.

 

O na waiwai i paa maloko o ua moraki la, penei i kuhikuhiia ai:

 

O kela apana aiua a pau e waiho ia ma Kaliu, kulanakauhale o Honolulu ma ua mokupuni la o Oahu, a i hoakaka ia na palena, penei:

 

E hoomaka ana ma kekahi wahi ma ka aoao makai o alanui Kuakini, 761 mau kapuai ma ka Hikina Hema mai Alanui Liliha mai, a e holo ana me ka meridiana oiaio Hema 48* 41’ kom 108.5 kapuai e pili la i ka Pa Aina 16.  Hema 30* hili 52-2 kapuai pili i ke kuloana.  Akau 48* 41’ 19’ kom 60 kapuai pili i ka Pa Aina 18.  Akau 48*41’ hili 118.7 kapuai pili i ka Pa Aina 18.  Akau 41*19’ kom 60 kapuai pili ma alanui Kuakini ahiki i kahi i hoomaka ai, nona ka ili he 5630 kapuai kuea. oia no hoi ka Helu 17 o na apana aina o Kaliu o S E Bishop i kau helu ia ai ma ka palapala aina o Kaliu, a oia no ka aina i hoolilo la i ua Hoopii (w) nei e ua S E Bishop la ma ka palapala kuai i hana ia 1 Iune 17, 1889. a i kope ia ma ke Keena Kakau Kope o ke Aupuni ma Honolulu, Buke 118 a ma na aoao 47-8.  Bruce Cartwright. A J Cartwright.  Kuike ke dala.  Na uku @@ palapala i ka mea e lilo ai.

 

No na mea i koe e ninau la J M Monsarrat, loio no Bruce Cartwright a me Alexander J. Cartwright.  Kakau ia ma Honolulu, Okatoba 14, 1893.  2464-4

 

HOOLAHA.

E noho ena ka Aha Lunakahiko o na mokupuni o Maui ma ka luakini Kaahumanu, Wailuki, Maui, na ka Poakolu mua o Novemaba, 1893, hora 10.  Nolaila, ke kauohaia aku nei na hoa a pau i kuleana o hele nui mai.  2463-3  O na wahine.

 

UA NALOWALE.

Ua nalowale aku kekahi lio eleele oue io loihi mai ka haio noho aku o Dr. Hyde’s ma ke alanui Beritania, i ka la 2 o Augate nei.  Ina o ka mea a mau mea paha o hoihoi ao ana ma ka lima o ka mea nona ka inoa malalo iho nei, e loaa no iaia ka uku makana.  Walter C. Weedon.  2454-tf.

 

HOOLAHA KOMOHEWA.

Ke papa ia aku nei na poe a pau e noho ana maanei aole e hookuu wale i ko lakou mau pipi a me lio ma ka aina o ka Wili Laiki o Waiau, a pela me na kanaka, na papa ia lakou aole e komohewa maluna o ua mau aina ia mahope aku o ka hora 6 o ka po, a o na poe o luna aku ana ua kue i na kauoha maluna ae, e hoopii ia no lakou e like me ka piha o ke kanawai.  L. Apana, Luna Nui Wili Laiki o Walau.  Walau, Ewa, Oct 21, 1863.  2465-2.

 

HOOLAHA A KA LUNAHOOPONOPONO WAIWAI.

Oiai, na hookohu ia mai ka mea nona ka inoa maialo iho i Lunahooponopono no ka waiwai o Wm Hoster, o Honolulu i make, nolaila ke hoolahaa ia aku nei o ka poe a pau he mau koina ka lakou i ka waiwai o ka mea i make e hoike mai me na hoolalo kupono iloko o ua malama eono mai keia la aku, a i ole la e hoole mau loa i aku no.  A e ka poe a pau i ala mai i ka waiwai o ka mea i make, ke kauoha ia nei lakou.  e hookaa koke mai i ka mea nona ka inoa malalo iho ma ke keena oihana o ka Hui Hana Hau me Alanui Papu, Hooolulu.  L. C. Ables, Lunahooponopono Waiwai o Wm. Ho@ler i make.  Honolulu, Oct. 24 @@  2465-1.

 

EGAN ME GUNN

ALANUI PAPU, @ HONOLULU

E HOOMAKA ANA KE KUAI NUI HOOPAKIKA MAI KA POAKAHI AKU IUNE 20, 1893.

Na Kalakoa maikai loa no ka 30 iwilei @@ Na Keokeo nahenahe he 69 a 70 @@@ Kukaenalo, 16 iwilei no ka $1.00.  Kukaenalo @ iwilei no ka $1.00 Heluhelu nahenahe ma ka 10 a 12 ¼ kaneta o ka iwilei.

Na Lihilihi pale puka aniani he $1.25 $1.50 a $2.00 o ka pau hookahi.

Na Kakini wahine eleele paa ma ka 20 keneta o ka paa hookahi

Na Palemai kane ma ka 25 keneta pakahi.

Na Kamaa paa maikai ma ka $2.00 a $3.00 o ka paa.

Na Palule Keokeo maikai ma ke 75 a 100 keneta pakahi.  2447-tf.

 

HOOLAHA NINAU.

Ina he poe i pili ponoi ma ke koko ia Kamaikuapuu (w) i make iho a ei ma Waiohinu, Kau, Hawaii.  e hoike mai lakou ma ka palapala e hoakaka ana i ke kuauhau ia.  W. F. Allen. Ma Honolulu, Oahu.  2464-4.

 

HOOLAHA A KA LUNAHOOPONOPONO WAIWAI.

Oiai, ua hookohu pono ia mai au i Lunahooponopono no ka waiwai o E Kahulanui (k) no Kailua, N. Kona, Hawaii.  i make kauoha ole, e ka Lunakanawai Hon. S. L. Austin.  nolaila, ke hoolaha ia aku nei, o ka poe a pau he mau koina ka lkou i ka waiwai i ileloia maluna, e waiho koke mai i ka lakou mau koina i hoolaio pono ia iloko o na malama eono mai keia la aku, a i ole e hoole mau loa ia aku no a o na poe i ale i ka mea i make.  ke kauoha ia aku nei lakou e uku mai me ke kali ole.  Kaaihoe (w) Lunahooponopono o ka waiwai o E. Kahuianui i make kauoha ole.  N. Kona, Hawaii, Oct. 10, 1893.  2464-5.

 

SING WO CO.

HELU 43 ALANUI NUUANU

Aia ma keia Halekuai, e loaa ai na lole maikai o na le@e a me na keonimana, a pela no ko na kamalii a me ko na wahine mau mea hoohiehie.

 

Ke kono aku nei makoa ia oukou e kipa kilohi i ka nani o Aipo.

 

SING WO CO.

2436-8@

HALE HANA KOPA O HONOLULU.

Ua paa aenei ka Hale Hana Sopa Mahu Hou o ka poe no lakou na inoa malalo iho a ua makaukau lakou e hoolawa aku i ka poe piepiele i na .

 

KOPA MAIKAI LOA MAOLI

 

I hookomo ia iloko o na Pahu 100 @@ mai ke 42 a 56 auka Kupa pakahi.

 

Ke hooia nei makou i ka oi o ia Maikai ka makou Kopa mamua o na Kopa o waho mai.

 

Ua kani ia mawaho o ko @@ mau Pahu me ka hoailona “Honolulu Soap Co.” a e

 

KUAI IA E NA HALEKUA LIILII A PAU.

HUI HANA KOPA O HONOLULU

M. W. MCcHESNEY & Sons,

Na Egona

2396

 

PAPA!  PAPA

AIA MA KAIU O

LEWERS & COOKS

(LUI MA)

Ma ke kahua hema o Alanui Papu me Moi.

E LOAA NO NA

PAPA NOUAIK

O kela a me keia nui.

Na Pani Puka, na Puka Aninoi, na Olepelepe, na Pou, na O’a, na Papa Hele, na Papu Ku, me na Papa Moe he nui loa

 

NO PILI HALE O NA ANO A PAU

A ME NA

WAI HOOHINUHINU NANI

O ke ano a pau loa.

NA BALAKI O NA ANO HE NUI WA

Ke hai la aku nei oukou e @ makamaka a pau, ua makaukau keia mau makamaka o oukou hoolawa aku ma na mea a @@ pili ana ma ka laua oihana no ka.

 

UKU HAAHAA LOA,

Like me ka mea e holo ana mamua o Lana a wo ka Mea Kuai.  Hele Mai e Wae no Oukou iho.  2896-@