Ka Nupepa Kuokoa, Volume XXXII, Number 42, 21 ʻOkakopa 1893 — Pepehi Kanaka Hou ma Ewa. [ARTICLE]

Pepehi Kanaka Hou ma Ewa.

Ke mau nei kela hana weliweli ma Ewa, o ka pepehi kanaka. Xa ka lapana 1 pepehi ka lapana ma HonouliulL Na ka Hawaii i pepehi i ka Hawaii ma Waiawa. A na ka pake i pepehi i ka pake ma Hoaeae. Na kekahi pake wawahi hale 0 Liung Tao ka inoa. i kipu aku ia Tong Hoon Hu, a o Tong Yong kekahi inoa e ae maloko o ka loi kalo ma Hoaeae mahope o ka wanaao la kapu. Penei ka lohe: I ka hora 1 o ke aumoe. ua hoalaia ka wahine a Tong Young, e kekahi nakeke mahope o kona keena moe. Hoala iho la ia i kana kane, a hele aku la kela a kahea aku "owai kela ?Puka aku la ka powa ma ka puka mahope o ka hale, a holo ma waena, ua hahai pu aku la o Tong mahope ona. Iko Tong puka ana iwaho, huli ae la 0 Yao a kipu mai la iaia no elua ki ana, aole nae i ku.

Ia wa, alualu wiwo ole aku la o Toisg, eia nae, komo aku la o Yao ina ka loi a e hele ana ma kuauna, me ka haule ana iho o kekahi pahu i piha ika waiwai noloko mai o ko Tong hale. la Tong i komo aku ai i ka loi, kipu hou aku la o Yao īa ia, a komo ka poka iloko o kona kino.

Kolo aku la o Tong, aole nae i hiki loa aku i kona hale make e imua o ka puka. Ua manao ia o Yao ua holo i Waianae, a e pee ana paha mauka ona kuahiwi. Ke lana nei ka manao o ka poe makai e loaa ana oia. Uaholoaku ka hope Uamuku a me Kapena Anaru i Ewa i ke kakahiaka nui o ka la Sabati nei.

Ua haawiae nei ka Ilamuku i $100 makana i ka poe e loaa ai kela pake pepehi kanaka o Ewa, nona ka īuoa Liung Yao, ka lima koko hoi nana i kipu ia Tong Youg a lele e ke aho. Aole i loaa keia Yao, eia no ke pee hole nei.

Ua pakui mai nei ka Ahahui pake inoa namu "Unileei Chinese Society ,, o Honolulu nei, i Elua Haneri Dala mawaho o ka $100 makana a ka Ilamuku i haawi ai, no ka hopu ana a hoahewa ia ka pake nana i pepehi a make loa o Tong Yong ma Heaeae, Ewa, i ke aumoe o ka Poaono i hala.