Ka Nupepa Kuokoa, Volume XXXII, Number 42, 21 October 1893 — Kahe nui ka Wai Aniani o Makiki. [ARTICLE]

Kahe nui ka Wai Aniani o Makiki.

Ua holopono ka hana o ka pauma wai mahu mauka ma ka luawai nui ma Makiki. Aia no ka enegine maliu maluna, a o ka pauma aia ilalo loa o ka lua. La hoopii ia ka wai a hiki iluna ma kahi o ka 127 kapuai, a hookahe ia aku la iioko o ka luawai nui. He SOO,OOO ka nui 0 na galani wai o keia punawai e puapuai mai nei i kela a me keia la, a ua lawa no na paipuwai a pau o kela hapa o Honolulu. He wai ono keia aohe mananalo. Ua pono ke hoopiha like ia na paipuwai a pau o Honolnlu Ika wai aniani, i liiki ai ke hookahe nui ia ka wai ma na pa, aole lioi e aua i ka wai e like me keia wa e hele nei na pa-hale a pau ika maloo. He mea hilaliila ka nana ana aku i na pa maikai ma ka pa Hale Mana Hooko a me Aliiolani Hale, ua hele a maloo ka mauu, oiai, ua hele a nui wale ka wai malalo iho o na kapuai wawae o kakou. 0 na pauma mahu wale no ka mea i koe e hoohikihiki mai ai i ka wai a iawa e like me na pauma wai o Honouliuli raa Ewa, na pauma nana e hoopulu la i kela kula panoa wai ole mamua.