Ka Nupepa Kuokoa, Volume XXXII, Number 41, 14 October 1893 — Page 2
| This text was transcribed by: | Mark Christensen |
| This work is dedicated to: | My GG and to Big Guy and his cub.. |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Ua hookohoia aku i keia la o C. H. DICKEY, Esq. i hoa no ka Papa Alanei o ka Apana Aohau o Makawao, Maui. no ka manawa i oe i hoohakakaia mamoli o ka waibo ana @ L. A. Andrews.
J.A. KING.
Kubina Kalaiai@.
Keena Kaiai@na, Oct. 6. 1893.
2@ 3
Ua hookoho ia aku o J. W. KUAIMOKO ESQ, i keia La, i hoa no ka Papa Alanai o ka Apana Anhau o Kona Hema, Hawaii no ka manawa i koe hoohakahaka ia ma ka make ana o D.H. Nahinu.
J.A. KING.
Kuhina Kalaiaina.
Keena Kalaiaina, Sept. 27, 1898.
2461-3
Kuai o ka Pa Aina ma Ainahou, Honilulu, Oahu.
I ka hora 12 awakea o ka POALIMA. Okatoba 27, mamua iho o @ o ka Hale mana Hooko, e kuai ia @ ma ke kadala akea, ka Pa Aina @ ma @ e waibo la ma Alanui Alakea. Honolulu, Oahu. nona ka ili he @ @ kuea oi iki aku a emi mai paha.
Kuho @ e @ aku ai, he $2,000.
J.A. King,
Kuhina, Kalaiaina.
Keena Kalaiaina, Sept. 27, 1893.
2461-3 142-Sept. 29, @ and Oct. 26.
Kuai o na pa Ainu Aupani Elua Mahope aku o Alanui Nuuanu, Honolulu, Oahu.
I ka hora 12 awakea o ka POALIMA, Okatoba 27, 1893, mamua iho o ke alo o ka Hale Mana Hooko, e kuai ia aka ai ma ko kodala akea na Pa Aina Aupuni iloko o ka nina e noho ia nei e T. Sorenson a me J. H. Paty, Alanui N@uanu, Honolulu, Oahu.
Oa Aina I. He 2700 kapuai kuea ka ili, oi iki aku a emi iki mai paha.
Koho kiekiaie hoomaka aku ai, he $20.
J.A. KING.
Kuhina Kalaiaina.
Keena Kalaiaina, Sept. 27, 1893.
2461-3 142-Sept.28, 29 and Oct.26.
Aha Hookolokolo APana Elima o ko Hawaii Pan Aina. Ma ka hooponopono waiwai. Ma ka waiwai o PUWEUWEU KAUKAOPUA @ i make kauoha ole. Imau o ka Luuakauawai Kaapuni ma ke keena.
ma ka heluhelu a me ka waiho aua mai e ka palapala noi a Mrs Hilani Apo o Hanalei, Kauai, o hoike mai ana o Puweuweu Kaukaopua (k) no Hanalei, ua mako kauoha ole ma Wainiha, Kauai, ma ka la 11 o Mei, M. M. 18@9, a e noi ana e haawi ia ka palapala hookohu Lunahooponopono Waiwai ia Paulo Kaai.
Ua kauoha ia o ka POAHA, ka la 9 o NOVEMBA, M H. 1893, ia ka hora 10, oia ka manawa i kohoia no ka hoolohe ana i ua noi ia, imua o ua lunakanawai la am ke Keena Hookolokolo o keia Aha, ma Lihue, a ma ia manawa a ma ia wahi no o hele mai ai na mea a pau i pili o hoike mai i ke kumu, ina he kumu oiaio ko lakom. o ea ole ia ai ua noi la. A o kela olelo kauoha @ hoolaha ia ma ka olelo Hawaii i ekolu pule ma ke "Kuokoa, " nupepa ma Honolulu.
Kakau ia ma Koloa, ko Hawaii Pae Aina, Okatoba 7, M. H. 1893.
JACOB HARDY,
Lunakanawai Kaapuni Apaua Elima.
24@3-3
Aha Hookolokolo Kaapuni Apana Ekahi o ko Hawaii Pae Aina Ma ka hooponopono waiwai. Ma ka waiwai o CHARLOTTE ADAMS i make..
O kekahi palapala i oleloia oia ke kauoha hope loa a Charlotte Adams i make, ua waihoia ma ma ka la 28 o Sepatemba, A.D. 1893, a me kokahi noi pu o noi ana e hooponoponoia. a e hoopukaia ka Palapala Lunahooponopono Waiwai i waihola ma Joseph O. Carter.
Ke kauohaia nei, o ka POALIMA, la 3 o NOEMABA, A.D. 1893, ma ka hora 10 a. m. o ia la. ma ke Kenna Hookolokolo o na Aha ia ma ka Hale Hookolokolo ma Honolulu, oia ka manawa a me kahi e hooiaioia ai ua palapala kauoha ia, a ma ia manawa e hele mai a ka poe i kuleana a e kuo i ua palapala kauoha ia, a me ka hoopukaia ana o ka palapala lunahooponopono waiwai.
Hanaia ma Honolulu, K.H. P.A. Sepatemaba 1893.
Na ka Aha::
GEO. LUCAS,
2462-3 Hope Kakauolelo.
Aha Hookolokolo Kaapuni Apana Ekahi o ko Hawaii Pae Aina Ma ka hooponopono waiwai. Ma ka haua o ka waiwai o S. SAPAHUKAPU o Honolulu, Oahu i make.
Ma ka heluhelu a me ka waihoia ana mai o ka palapala noi a me ka papahelu a J. M. Monsarratt Lunahooponopono a ka waiwai o S. Napahukapu, O honolulu, Oahu i make, e noi ana e aponoia na hoolilo he $1067.39, a e hoike aua o na mea i loaa iaia he $1371, 23, a e noi ana e nana a e aponoia keia mau mea, a e kauohola e maheiela na waiwai e waiho aua ma koua lima a o hookuu ia oia a me kona mau hope mai ko lakou hoho aua lunahooponopono waiwai.
Ke kauohaia nei, o ka POALIMA, la 10 o NOVEMBA, 1893, a ka hora 10 kakahiaka, ma ke keena ma ka Hale Hookolokolo o Honolulu, oia kahi a me ka n=maawa i kohoia no ka hooohe ana i ua noi la, a me na papa hoike helu i oleloia. a o ka poe a pau i pili malaila, e hele mai a e hoike i ke kuu u, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana i ka waiwai i oleloia
Ha@ain ma Honolulu, ko Hawaii Pae Aina, i keia la @ o Pkatoba, 1893.
Na ka aha:
GEO. LUCAS,
@ Hope Kakauolelo.
HOOLAHA
I ka Poe Hele i ke Kiowai o Waiakeakua, Manoa.
O NA POE a pau e makemake ana e hele i ke Kiowai o Waiakeakua. ma Manoa, ke hoolahaia aku nei e pono e loaa mua ia lakou ka ae ia mai ka mea nona ka inoa malalo iho nei. a o na na mea a pau e komo hewa aua ma ia wahi me ka ae ole ia e hoopilia no ma ke Kanawai.
JAMES H BOYD.
Ma ke Keena Aina, Hale Aha Hookolokolo Honolulu, Iune 17, 1893. 2447-@
Olelo Kauoha e Hoolahaia.
Pioneer Mil vs. Kumu@ a me Kalua Kanawaliwali.
KE HOOLAHA ia aku nei ka lohe, ua waiho ia mai imua o'u kekahi hoopii e ka "Pioneer Mil" vs ia kumuli@ a me Kalua Kanawaliwali na n=mea hoopiia. O ka manao nui o ka hoopii. oia no, ua lawe na mea hooiiia i ka wai mai ke kahawai mai o Kauania. apana o Lahaina, Maui, a mai ka auwai mai e holo la, mai ua kahawai ia i olelo ia a hookahekahe ma kekahi mau aina i loaa ole ke kui@ana wai ia manawa, a ua lawe no hoi na mea hooppa i ka wai a oi aku mamua o ko lana kuleana kupono. a he hoo@ ana ae ia o na mea hooila i na pono mea mau, a ua hoopilikiaia na mea kuleana e ae i ka wai o ua kahawai ia.
E hooiohela na keia hoopii imua o'n ma ka rumi hoopkolokolo o ka Aha APana o Lahaina. ma ka POALIMA, OKAOBA 30, 1893, ma ka hora 10 o ke kakakiaka, ola ka manaswa a me kahi i kauahaia ai m=na mea hoopila. A me na mea kuleaua e me a pau e hele mai a e hooiaio i kouakou keleana i ua wau ia. a i ole pela, e nele ana lakou.
A ke kauoha pu ia nei, e kapiilia kehaki Kope o keia Kawoha ma kahi noho o na mea hooilia. ao kekahi, e hoolahaia ma ka Nupeoa KUOKOA a me ka Hawaiian Gazette, aohe emi malalo o elua ule piha pono, mamua au o ka la i hoakakaia ai no ka hoolohe ana i ka hihia i oleloia.
A PAL@
Kouai@na o na Ala@ a ne na Pono Wai o a Apena o Lahaina, Mokupuni o Maui.
Lahaina, Maui, Sept.2@, 18@
KA
NUPEPA KUOKOA Ko Hawaai Paeaina i Huiia
No ka Makahiki . . . $2 00
No Eono Kahina , . . 1 00
Kuike @ Rula
@
ANA@ 1 2 3 4 5 6
Pule Pule Pule Pule Pule Pule
Iniha.. $ 1.50 $2.00 $2.50 $3.00 $3.50 $4.00
2 Iniha.. 2.00 2.75 2.50 4.00 4.50 5.00
3 Iniha.. 2.50 3.50 4.50 5.00 5.50 6.00
4 Iniha.. 3.00 4/00 5.00 6.00 6.75 7.50
5 Iniha.. 3.50 4.75 6.00 7.00 8.00 9.00
6 Iniha.. 4.00 5.50 7.00 8.00 9.00 10.00
O na Olelo Hoolaha a pau e hoo@ ia mai ana no ka Hooiaha maloko o keia Nupepa. e hoouna pu mai me ka nuhau. a ina @ole. @ohe hooomo ia.
HOOPUKALA E KA
HAWAIIAN GAZETTE CO.
H.M.WHITNEY, Luna Nui.
J.U. KAWAINUI, Luna Hooponopono.
No Honolulu, Ohau, Lakou a pau.
POAONO, . . . Okatoba 14, 1893.
Hoi ana mai o Peresidena Dole.
l keia kakahiaka nui Poakolu nei, ua hoi mai o Peresidena Dole o ke Apuni Kuikawa maluna mai o ke aliiwahine aukai "Kinau" me ka ola kino maikai, mahope o kona hoomaha ana aku nei ma ka mokupuni nui o Keawe no ka malama a oi. Ma ka uapo ae ma Kuhina King a me Smith, ka ukali o ka Peresidena, ka puali koa malalo o Kapena Zeigler. ka puali makai malalo o Kapena parker, ka llamuku Hikikoki, ka Hope llamuku Brown a me ke Kapena-poo Andrews a me na hoaloha o ke aupuni, kahi i hoohanohano aku ai i ka hoi ana mai o ka pouhana o ke aupuni hou. Ua hookele ia aku ka Peresidena no ka home maluna o ke kaa elua lio.
Aole i lehulehu na anee alii i hoea ae l ka uapo, no ka mea ua noke iho nei na anee alii o Honolulu i ke kukala, ua mahuka o Dole maluna o ka moku pea aia i Kaleponi no ka makau o hoihoi ia ae ke alii alaila li ia iluna o ka amana. A i ko lakou hoomaopopo ana e i ae no o Mr. Dole i Hawaii. ae e hoi mai ana i Honolulu nei ma ke Kinau o Okatoba 11, nolaila ua noho aku lakou ma na kauhale no ka hoka loa i ka oiaio ole o ka lakou mea i kukala wahahee aku ai mamua.
He Palapala mai a Alekanedero mai.
Wasinetona, Sept. 20, 1893.
Eha la o kp Spreckels noho ana maanei, a ano iho mei kona hoi ana aku la. Ua hoo poino nui kana huakai i kona aoao iho. Ua ike maopopo au aohe oia i halawai pu iki me ka Peresidena, aole no hoi me ke Kuhina nui.
Eia no o Kahia laua o Olesona maanei. O E.C. Makepolena kekahi maanei no na la elua o kela hebedoma i hala e huli ana hoi ina paha e loaa kekahi ike no na mea e hanaia nui.
Aohe mea nui e hiki ke hana ia maanei a pau keia paio hahana ana no ka hoopau loa ana i ke kanawai dala keokeo a Seremana.
O kela palapala i ka nupepa "Herald," he mea wahahee kapili wale ia, a ua maalea no nae ke kapilipili wale ia ana.. Aohe e liuliu, a e hiki aku no o Willis ma Honolulu, a ma ia hope aku e nana nui aku na maka ilaila, no ka mea, oia no ke kikowaena o na hana i manao nui ia.
Ua pomaikai nui au i ka huli pono ana i na mea hou e pili ana i ka moolelo Hawaii.
Ua loaa na mea hou i lawa no na kumumanao elu e heluhelu ai imua o ka Ahahui Moolelo Hawaii.
Me ke aloha,
W. D. Alexander.
E Hooloihiip ana ke Alahao o Oahu a hiki i Kahuku.
I ka auina la Poakolu aku nei ua halawai ka hapanui o na poe mahele kuleana o ka Hui Alahao a me Aina o Oahu, e kuka pu no ka hooloihi koe ana aku i ko lakou alahao. Ua hoi hou mai nei o Mr. Feek, la luna nui o kekahi hui hana alahao ma Keomolewa, a ua kuka hou me Dilinahama ma no ka hoolala ana e hapai ka hui i keia hana.
Ua hoike mai o Feek, e ae ana lakou e hana i ke alahao mai Honouliuli a hiki aku i Waianae, Waialua a me Kahuku. he loa @ ke 54 mau mile. no ua dala @ $13,500 no ka mile hookaiai. E hoolakoia ke alahao i na kaaahi a me na mea e ae a pau e pono ai. Aole na na Feek ma e kuai i na aina kahi e hoomoe ai i ke alahao, aole hoi na lakou e hoopihapiha iki i na pohaku liilii mawaena o na hao nahope o ka paa mua i kinohi.
Ua manaoia. o na lilo a pau e paa loa ai ke alnui me ka hoolako pono ia i na mea a pau, ua like me $900,000. Eia no kekahi mea e pono loa ai keia hoolala ana me Feek ma, ua ae lakou e lawe i ko lakou uku a pau aole ma ke dala maoli. aka, ma na bona aie. he eono hapahaneri ka uku kuala. Eia nae. e ae mua ke aupuni Hawaii e kakoo aku i elua hapakolu o ia uku luala. he 4 keneta ma ke dala hookahi o ka makahiki. Nolaila, ina nele ka Hui Alahao Oahu, aole hiki ke uku. alaila ua ke aupuni Hawaii e kokua mai he $36,000 no kela a me keia makahiki.
Aohe makou i ike i ka manao o na aha aupuni no ka ae ana pela. Malia paha e au'a ana lakou. alaiha. hoopanee hou ia ka hana ana i kela alahao. Eia no kekahi kumu e pono ai ke aupuni e ae pela, aia a paa ke alanao. e manuahua loa ka pomaikai o kanaka a pau ma kahi o ia alanui: e pii loa ana noo hoi ka auhau maluna o ko lakou mau aina a me na hale. Pela no e hoihoi ia mai ai na lilo i ke aupuni o kekahi hapa o ka lilo. ke poho ka Hui Alahao ma ia hana.
Aole nae e poho ana. He hana nui keia a e pomaikai ana ka poe a pau ma Oahu nei. Ina hooholoia keia hana me Feek ma, alaila, e paa okoe ana ke alahao a hiki i Waianae iloko a na malama ekolu. He oolea nae kahana ma ka lea o Keana, e liuliu iki ana oaha ka paa o ia wahi a hiki i Mokuleia.
Ua hoohoka pinepine ia keia hana nui mamua iho nei. Malia oaha o kona wa keia e hooholoia ai imua.
No ka Mokuahi ili Miowera.
Ua aneane e pau ka lanahu o Miowera i ke kiola ia a ua nee hou aku ka moku iluna ma kahi papau. no ka paa ole a na heleuma ke kaohi no ka mea he one wale no. He nui hoi ka aleale ana o ko kai, a he ikaika ka nalu i kekahi manawa ma kona wahi e kuoili nei. Ua huli aku ka ihu i kai e kuhikuhi ana i ka mono hele. O kekahi lala o ka huila ua ike ia maluna o ke kai. He nui no na heleuma e hoopaa ia mei ia ia, aka ua oi aku ka ikaika o na nalu.
I ke awakea Poalima, ua huki pu na moknahi ekolu ia Miowera, oia o Adams, Likeike a ne Hawaii. Ua moku ke kaula huki o Adams ne ke kaui nui o ka paina ana. Ua moku no hoi ke l=kaula huki o Likelike, aole nae i nane o Miowera. I ka hora 2:20 auina la ua haalele na moku i ka huki ana, no ka emi o ke kai.
O ka Hiiaka kekahi i huki pu me kela mau moku ekolu. Maluna o Hiiaka na Kuhina King a me Smith a me kehahi poe luna aupuni e ae.
Ma ka Poaono, ua hooikaika hou o Adams laua o Likelike ma ka huki ana, na makehewa nae ka luhi. Ua aneane pau loa ka manaohana no ka hoopakele ana i ka moku.
Ua hoolimalima na agena o Miowera ia Australia e holo e i ka Poakolu 11, aole e kali a ka 14, a nana e lawe i na ee moku, na eke leta a me na ukana a hiki i Kapalakiko a ua holo ia aku.
Ke Kumu o ka Ili ana o ka Miowera.
Ke waiho nei me ka poiuo maluna o ke ako'ako'a o Puuiki ma ka nuku o ke awa o Honolulu nei. keia mokuahi nui o Miowera. Pehea la i loohia ai oia i keia ulia poino nui? Aohe makani ino, a aohe no hoi he nalu i ka wa i ili ai. Ua lawa na mono a ua a na kukui alakai. ua makaukau ke Pailata ma kona waapa a ua holo koke aku iluna o ka moku. e hookele pololei mai iaia iloko o ke awa. Alaila, heaha ia ke kumu o kona ili ana a poino loa?
Hookahi no kumu nui, o kona hookoke loa ana mai i ka aina me ka malama akahele ole.. Aole i hana akahele ke kapena me ke ana pono i kona wahi i hele ai. Ua holo wikiwike mai i ka wa poeleele me ka makau ole. Ua make make e halawai koke me ke pailata ma kahi kokoke loa i ka nuku e komo ai. i hiki iaia ke komo awiwi mai iloko; me ka hoohuli hou ole i ka ihu o ka moku. Nolaila, ua nana pono i ka hale ipukukui a hoio mai a ike pono ia na ipukukui elua oia ka ulaula a me ka uliuli manaka ma ka Hale Date. O ka hookokoke loa mai no nae ia o Miowera a loaa ia mau kukui alakai u ahui pu ma ke kaha pololei, me ka hele ma lie ana, aole hoi i hole ikaika. Ia wa nae, kahaea mai na luina o mua, "eia ka mouo!" Ia minute aku, o ka ili malie aku ia no ia o ka ihu o ka moku ma kahi papau a ku malie iho la, a na na aui nalu liilii i hoonee aku i ka hope o ka moku a moe pu ma ke ako'ako'a a paa loa malaila.
Eia no hoi kekahi hemahena nui o ka hana, aole i hoao ia ka hohonu. Ina i hana ia pela e ke kapena i kona wa e hookoke ana i ke awa ina ua ike lea ia kona wahi kupono e ku malie ai, me ke komo ole iloko loa a ili. Aia nae a kahea mai ka mea hoolei kepau, "he 30 anana! a he 20 anana!" alaila, e hooki i ke komo hou ana mai o ka poku, a loaa ke pailata.O ua kepau la, ua like ia me ke kookoo o ke kanaka makapo, e haha ai i ka honua a ike i kahi e hele ai. Ua palaka loa nae kahi poe kapena moku i aka haha ana pela me ke kepau. Oia ke kumu i ili ai kela mokuahi nui o China i ka malama o Iulai, a pakele mahune hune no ka hoao ole me ke kepau i ka po. Ua pomaikai kona ili ana ma keal aoao ma Waikiki, a na ka makani a me na ale i hooneenee iaia a hemo ai.
Ua olelo o Adimarala Skerrett i kekahi makamaka, "me he la, o kela poe kapena, aohe o lakou ike i ke ana o kela mea he kepau ana hohonu."
Ma ko kakou hoomaopopo ana i na hemahema o ka n=hai hana, a me ko lakou lalau e poino ai, malaila e naauao ai kakou a pakele i na poino e like pela. E hele kakou a pau me ka makau a me ke akahele loa ma na wahi pouliuli. E haha pono aku i kahi e hele ai.
Eia no hoi kekahi mea nui loa, e kali kakou i na pailata kamaaina nana e alakai, mai hele wale imua me ke alakai ole.
He naauao nui loa keia no ka poe hookele apuini, i ole lakou e hookahuliia.
Heaha ke Kumu i Hemo ole ai o Miowera?
Ke moe nei me ka hemo ole o Miowera ma Puuiki me ka nui o na heleuma e hoopaa ana iaia. Ua pau i ke kiola ia na lanahu he 1400 tona me na pauka hao he 300 tona e mama ae, aka aole nae i lana iki mai. He lehulehu na mokuahi ikaika i huki iaia, aole nae i neeu iki mai. ua paapaaina wale mai na kaula kolo numui i hoopaa ia ai mea huki. Nolaila, e ninau kakou, heaha la ke kumu i holo ole ai kela mau hana, a ua oi loa ka hoonipaa ia e hemo ole ai o ka molu e moe nei i keia la maluna o ke akoakoa?
Ua maopopo i ko makou manao ke kumi i holo ole ai kela hooikaika luhi loa ana. Aole i hooikaika ia i kinohi, i ka wa hapa o ka pilikia. I ka po Poakahi, he 16 kapuai ka hohonu o ke kai malalo o ka moku. O Hiiaka wale no ka mea nana i huki iaia. A nee hou aku ka moku iuka i kahi he 14 wale no kapuai ka hohonu, alaila huki o Waila laua me Hawaii; alaila nee hou aku iuka ma kahi he 13 wale no kapuai ka hohonu o ka wai, ia wa ua komo mai e kokua ma ka huki ana o Aikoku Maru, he moku nui loa. A pela aku na ka manuwa Adamu. Aole i huki na moku nunui, aia wae no a hiki i kona wa pilikia loa.
Ua maopopo ka pono i kela po o ka moku i ili mua ai, o ke kii koke aku ia Hiiaka laua o Aikoku Maru, a me ka mokukaua Adamu, a e huki pu lakou ia Miowera i kona wa ma ke kai he 16 kapuai ka hononu. Ina i hooikaika pu kela poe moku a pau ia wa, ina ua hemo koke oia a holo aku ma kana huakai me ka pomaikai.
Eia no hoi kekahi, ua kiola ia ka lanahu i hoomama ia ae me ka hoopaa mua ole na heleuma e lawa ai i ole na nalu e hoonaueue aku i ka moku e i-ka mai iuka nei. Aia i ka mama iki ana ae, alaila nee hou ka moku iluna ma kahi papau aku. Eia no ka hana e pono ai, e kii i umi a oi mau heleuma nunui mai uka nei aku a e hoonohonoho pono ia lakou ma nae o ka moku a hoopaa loa iaia i hiki ole ke nee mai iloko i ka wa e hemo ai a kona ukana kaumaha. No ka hana ole ia pela, nolaila na lilo ka hoomama ia ana o ka mokuahi i mea e ino loa ai kona kuiana, a paa ioa ma kahi papau.
Eia hou aku kekahi kumu i holo ole ai ka hana. Aole i hoomaka koke i ke kiola ana i ka lanahu me ka awiwi. Ua hana ulolohi loa ia, eha la, a pau aku 100 tona. Eia ka pono, e kii aku iuka i mau haneri kanaka kali lanahu nana e hoopau koke aku i ka puu lanahu a pau i ka la hookahi. Ina i hana awiwi ia pela, me ka hoopaa pu no i na heleuma, ina ua lana pono ka moku a hemo koke aku.
Eia ka hewa., Aole i manao ke kapena he pilikia loa kona moku, uolaila ua minamina oia no ka lilo nui loa i ka hoolimalima i an mokuahi nana e huki aku. Ua minamina no hoi i ka lanahu i ke kiola wale ia i ke kai. Ua maopopo aole i lawa ka noonoo o kela kapeua e hoolanakila ai i kona pilikia nui. Aia a hoomaka kela i ke kahi hana nui e hemo ai ka moku, ua hala ke manawa e pono ai, a poho ka hooikaika ana. Ina ua hana mua ia ina ua makepono.
Nolaila, e nana pono aku kakou i keia hana hawawa ana, a e naauao kakou malaila. Mai hookaulua ma kekahi hana nui koikoi e pona ai. E hana awiwi o hale ka wa pono. E ao kakou apau.
He Poe i Hilinaiia na Keiki Misionari.
He mea mau ma Hawaii nei ka hoino wale aku i ka poe i kapaia ma kela inao he poe "keiki misionari." O ka poe i kapaia ma kela inoa, oia no na keike ponoi a na makua misionari, a me na moopuna aku. Aole hoi o lakou wale no, aka, o na haole lehulehu e ae kekahi i pili pu ia lakou mamuli o ka mare ana, mamuli no hoi o ka launa oluolu pu mau ana maloko o na ekalesia, a me na hui oihana e ae. O ka hapanui o kela poe, he poe haipule a me ka hoopololei ma ka hana. He maikai a me ka hooponoio ko lakou kulana a me ka noho ana ma ka aina.
O kekahi kumu nui i kapaia ai kela poe a pau na keiki misionari, oia no keia, ua ili mai ia lakou na manao alakai o na makua misionari; he haipule, he malama i an kanawai o Iesu, he hooikaika ma na hana a pau e pono ai ka lehulehu.
He nui hoi ko lakou haawi manawalea, a me ka hooluhi pu ana ma na hana maikai o ke aupuni o ke akua. He poe kue ikaika no hoi lakou i ka inu waiona, i ke puhi opiuma, i ka piliwaiwai a me ka noho haumia ana.
O kekahi haawina nui i ili mai i na keiki misionari mai na makua mai, oia no ka hailiili ia a me ka hoino wale ia mai. Ua maa loa na makua misionari i kela mea, o ka hoino ia mai. I na makahiki he 30, a he 50 a he 60 mamua iho nei, ua piha mau ke ea o Honolulu nei i ka uahi eleele o na huaolelo hoino i na misionari. Ke ike nei kakou i keia wa i na olelo penei: "Ea, o na makua misionari, he poe maikai, he aloha, he kokua mau i ka pono, aka, o na keike a lakou, ua haalele i ka aoao maikai o na makua, a he nui wale ke ino o ka lakou mau hana."
Aole pela, e like me ko na makua hooikaila mau ana ma kapono a kue i na hana ano haumia o ka noho ana, pela no ka lakou poe keiki e noho nei. E like loa hoi me na makua i hoino wale ia ai mamua, pela no na keike e hoino ia nei. Ua like me ka Iesu i olelo ai, "E pomaikai ana no oukou ke hoino mai kanaka ia oukou, ke hoomaau mai no hoi, a no'u nei e olelo wahahee mai ai ia oukou i na mea ino a pau."
O kea poe keiki misionari e nuku ia mai nei, oia no ka poe i hilinai loa ia ma Hawaii nei, no ka pololei o ka hana. Penei e akaka ai. Ina paha he makemake kekahi kanaka i kahu malama waiwai no kana wahine a me na keiki mahope o kona make ana, alaila ua makemake oia i kekahi o keia poe keike misionari nana e malama ia waiwai, no ka mea, he poe hilinai ia lakou. Malia paha o ua kanaka la, oiai he ikaika kona kino, ua hailiili wale aku i na keike misnionari, aka, i kona make ana, o keia poe ae la kana peo i hilinai aku ai.
O keia poe keiki misionari, oia no ka peo kelakela i ke aloha aina ma Hawaii nei. He nui wale ko lakou aloha i ka aina hanau a me ka minamina i kono pono, uolaila, lokahi lakou i ka makemake e komo aku o Hawaii punahele malalo iho a ka malu hoopomaikai o Amerika Huipuia.
He mea e pomaikai ai no na kanaka Hawaii a pau ke hilinai aku i keia poe keike misionari aloha, a e hahai pu aku mahope o ka lakou mau alakai ana.
HOOHOKA IA O SPRECKELS!
Aole e Ike ia Cleveland!
NUHAA HOI LUULUU!
I ke Ona o Kaleponi!
Me na Ukulele Hoko o ko Poo!
Ma na mea hou maluna mai o ka mokuahi Alameda i ku mai ai i ka la 29 o Sepatemaba i haia a i hoolahaia aku e makou i ke akea, i keia iho ai ua hiki aku o Claus Spreckels i ke kulanakahale poo aupuni ma Wasinetona, ma kana huakai pekapeka e kue i ka hoohuiia o Hawaii me Amerika Huipuia, a e ao aku hoi i ka mea e hana ai i ka manawa a ua Spreckels nei e hiu kamailio ai me Peresidena Kalivalana.
Mamua mae o ko Spreckels hoea ana ma kana wahi i makemake ai, ua paluku mua ia mai la kona lae e ke kaeaea Kakina ma kekahi palapala hamama loihi i ua Spreckels nei, a maloko o ua palapala hamama la, i omilomiloia ai keia kanaka waiwai nui a kohu me he pepa la iloko o na lima o keia keiki Hawaii koa a hopo ole nui wale.
Ma ke ku ana mai hoi a ka mokuahi Australia ma ka la 7 o Okatoba nei, ua loaa mai la i kekahi hoaloha o ke Aupuni Kuikawa, he palapala mai Wasinetona loa mai, e hoike ana ua noi aku o Spreckels ia Peresidina Kalivalana, ua makemake oia e halawai kamakamilio malu me ia, eia nae na hoohoka ia mai oia. Ua oleloia, o keia hoohokaia ana o Spreckels, oia ka hoohoka ino hilahila loa ia ana i Kahakahaia iloko o ka moolelo o kona ola ana. No keia hoohilahila loa ia ana, ua nuha iho la oia a "hoi luuluu i ke one o Hanakahi" me na ukulele iloko o ke poo, a me ka uhiia o kona mau maka i ole ai e alo-alo o ike aku i na hooheneheneia mai. ua lulu iho la oia i ka lepo o kona mau wawae ia Wasinetona a hoi pupuahulu ae la no Kapalakiko me ka hookaulua ole iho i hookahi manawa.
Nui loa ka hanoli o ka poe e poai koke ana mawaho o ke keena Kuhina Hawaii ma Wasinetona mamuli o ka hoohoka ino ia ana o ka enemi o Hawaii, a o ka lakou mea minamina wale no, o kona noho loihi ole iho i Wasinetona, ina la ua oi loa aku ka maikai o ke kumuhana a ke Aupuni Kuikawa.
Hoohoka ia mai la ka i-a nui o ka aoao anee alii, heaha iho la la auanei ka na i-a liilii. He puupuu ikaika loa keia i kui ia mai la i na maka o ka poe anee alii, ke hele la a uli pu na maka.
Hala ia Kamaaina.
I ka hora 9:30 o ka po Poakahi aku nei, Okatoba 9, ua apo paianehe ole ia mai la e ka make o Mrs. Eliza Anne Cartwright, ma kona wahi hoho ma ka huina o na alanui Beritania a me Alakea, Honolulu nei, no ka palupalu kino maoli oioi ua 70 a oi makahiki. Ola no ka wahine kenemake a Alex. J. Cartright i ako mua ia e ka make i Iulai 12, o ka makahiki i hala aku. Ua haalele aku laua me kana kane ia Amerika Huipuia i ka 1850, holo mai a noho kamaaina no leia aina. Na ka make i pauaho i ko laua noho aloha ana i pauaho i ko laua noho aloha ana ia Hawaii. ua koe mahope nei ka laua mau mamo o Bruce a me Alexander a me na moopuna. Aloha ia kamaaina o ka aina.
Aole hoi i ioaa iki ia'u kekahi laeu iapaau e hoopau ae ai i na ehaeha o ka mai rumatiea e like me ka CHAMBERLAIN PAIN BALM laau. ua hoohaua pu au i keia laau no ko'u kua eha me ka hololea maoii. Oia kekahi o na laau hamo oi ioa o ka maikai a'u i kau ai, a ke hauoii nei au i ka hoikeike aku i ka maikai au i ka hoikeike aku i ka maikai o keia laau i ko'u mau hoaloha, Mrs. Emily Thorne, Toledo, Wahington. E kuai ia aku no ma na Halekuai Laau Lapaau, BENSON, SMITH & CO., Na Agena. 2460-t@
HE PALAPALA ANO NUI!
Na Ka Lunakanawai kiekie i kona Hoaloha ma America.
E HOIKE ANA I KA OIAIO A PAU O KA NINAU HOOHUIANA.
Me ka Hooiloilo, Aohe e Hoi o Liliuokalani i ke Kaluunu.
Ke hoopuka aku nei m@ palapala a Ka Mea @ Kiekie @ Judd, i kakau aku @ loha ma Amerika, oia @ MacArthur, @ mai i Honolulu nei, a he @iksika hei i ke koi e @ Hawaii me Amerika Huip@ pai a @ mu ia keia@ maloko o ka nupepa namu @ Budget," ka nupepa no hoi @ ona ia nei e ia. E heluhelu @ palapala me ka anoi nui ia @ wahi a pau o Hawaii nei. @ palapala la:
Oihana Hookolokolo;
Kualoa, H.I. Aug. 8, 189@
Kolonela C. L. Mae Arthur:
E ke Kolonela Aloha@
Ke hooluolu nei au no @ mau pule ma kuaaina nei, he @ he iwakalua mile mai Honolulu @ ma keia hili o na pali, a oi@ maanei, ua heluhelu iho i ua na man@ o ke Troy Bidget, au i heouna makana mai nei ia'u. Ua hau@ loa au i ka heluhelu ana iho ia mau mea, aka, ua konoia mai au e kakau aku ia oe, a e hoike aku hoi i ko'u mau hoomaikai ana, me ka ap@ ana iho hoi i kau makana. O ka Budget he mea moakaka loa, he nupepa eleu la, a he kuilu @ wehewehe ana ma na @ honu, aole hoi i hoopiha wale @ na pepehi kanaka a me na @ i hoea mai a puni na Mokuain@ Huila, ka mea a kekahi poe @ heluhelu i iika ai ko ike iho. Ua hauoli loa au kau mau palapala pahuna oioi loa e pili ana @ na hana o Hawaii nei. He mal@ wale no na wahi mea kuhihewa i loaa ma o na lono paewaewa @ hiki ai ke hoopau ia.
O kau mau leta, ua poiolei @ aole wale ma ka hoakaka au@ nanaina o Hawaii, aka, ma ke k@ maoli ana, na kau pono ia maluna @ ko makou kahua kalai aupuni, @ pili i na Mokuaina Huiia, me kou @ wehe ana i ka pilikia o ke @ noho ana Ke manaoiana nei @ aole he wahi hana a Noad@ a @ Spreckels e hoopoino mai ai ia makou. ua ike oe, a ua kamaaina @ hoi i ka poe nana i kokua @ keia hookahuli nupini, he nei e hookaawale aku ai i keia @ moku i hoopunana hewa ia eka aupuni Moi, a e apono ana hoi @ hoohui ana aku me na Moku@ Huiia a Amerika i mea e hiki @ loaa ia makoou he kulana @ onipaa, a me la mea, e hiki @ kono aku, @ e kaohi ai hoi i @ mea kumuwaiwai maanei, e @ hana aku i mea e hoopiha ai @ makou @ wahi i hoao mua @.
Ua manao au, ua maop@ aku ia no oe ia lakou, ho poe hoopono, he hookamani ole a he koa no @ Aole e imi ana i ko lakou pono @, aka, i ka pono o na mea a pau@. Ua ike kaulike no o Noadofa ia makou, aka i mea o hooko ia ai kona manao i hooholo mau no ke kue i ka hoohai aina, ua lauwili @ I na mea a pau, i mea e poi@ ai makou.
Ua halawai ka Ahaolelo i @ nei, aia au ma ka apua loa o ke ake no ke Kamuhaua kau ka @ e jhoopau koke ia ana, me ka @ oile ole, a kulana ole hoi, @ hiki i ka Ahailelo he haawi @ kekahi mau noonoo no Hawail uuku. Aole anei ua loi@ @ keia kali ana o makou?
O ke Aupani Kuikawa, ka mea nana i kukulu ae i ko Hawaii mau kuluna hana maikai ae, i oi aku I ko na makahiki loihi i @ mamua. Aohe o'u manao iki e hoihoi hou ana ka Peresidena o Amei ka Moiwahine Liliuokalani, aka, aia waie no a hanala kekahi mau kauoha mana e hoohana ia ai e ka Peresidena, e hike mai ana, aole ia o kona kumu hoohalike alaila, he nui na kino uhane hopohopo wale; o ka oi loa aku nae, aia mawaena o na poe Hawaii, he makau ke ae i ka hoohuiaina, o haule @ ka hoohui hoihoi hou ia ka Moiwahine, a haule mai ka inaina nui maluna o lakou.
Eia au i keia wahi nani nani o Kualoa me Mrs. Judd a me na keiki ehiku, oiai, o ka'u mau keikikane mua elua, ua hala koke aku nei no ka Hikina, e komo i ke Kulanui o Yale.
Kou oiaio,
A.F. Judd.
Ua noi ia mai makou e ke Kakauolelo o na Ahahul Kula Sabiti o Maui e hoolaha aku, e halawai ana ka Ahahui Kula Sabati o na Mokupuni o Maui ma ka luakini Hoole Pope o Kaahumanu, ma ka Apan o Wailuke, Mokupuni o Maui, ke hiki aku i ka hora 10 A.M. o ka Poakahi, Okatoba 30, A.A. 1893. Ua makemake ia na poe a pau i pili ia Aha e akoakoa ae ma kahi e me ka manawa i hoakaka ia maluna. Ua makemake pu la no hoi na haawina n=mau o na Kula Sabati Apana no ka waihona a kela Aha e makaukau pu mai. Eia me a'u na Buke Kumukanawai a me na Rula o kela Aha no ke kuai aku.