Ka Nupepa Kuokoa, Volume XXXII, Number 40, 7 October 1893 — Ka Kakina Palapala Hamama ia Claus Spreckels. [ARTICLE]

Ka Kakina Palapala Hamama ia Claus Spreckels.

Ma ka ia 21 o Sepatemaba, ua hoolaha ae o L. A. Kakina ma Wasinetona i kana palanaia hamama ia Spreckels, Malaila ia i hoahewa hou aku ai iaia no ka imi e hoopilikia i ke Aupuni Kuikawa ma ke koi hookikina ana i kana aie he §95,000 i hoaie ai i ke aupuni o ka Moiwahine. Ua olelo no hoi o Kakina, ua hoonoho ia na koa e malama i na hale aupuni i pale ia aku ai o Spreckels a me na poe kokua e ae o ka aoao moi, i hiki ole ai ia lakou ke hooko i ka lakou mau mea e hooweliweli pinepine ai e hoihoi ae ana lakou i ka Moiwahine me ka lima ikaika, Ua hoike aku o Kakina i ka hekau man ana o ka maluhia a me ke ahua dala nui ma ka'waihona, he mau hooia e akaka ai ka holopono o ke aupuni hou. Ke hooia nei o Kakina no ka poe mahiko, ua makemake lakou a pau me ka aneaue ole o kekahi mea e koe, i ka hapai ana i ko lakou mau ulia me ka nele i na limahana kepa ia, mamua ae o ka hoomanawanui ana e moe wale aku ai no malalo o ka hoomalu aupuni kapulu o ka wa i hala. Ua ike lea o Spreckels, wahi ana, ua ike no hoi na poe mahiko e ae, a ua ike na kanaka o Amerika Huipuia, o ka loaa ana i ka poe uiahiko o Hawaii o kela uku kaulele e haawi ia nei he elua kenei:a o ka paona, e komo mua ana ke kanaka waiwai iloko o ke aupuni o ka laui mamuaoka loaa ana o ua uku kaulelo la i ka poe mahiko.