Ka Nupepa Kuokoa, Volume XXXII, Number 40, 7 ʻOkakopa 1893 — Claus Spreckels ma Wasinetona. [ARTICLE]

Claus Spreckels ma Wasinetona.

Aia kela Ona miliona hoomaemae kopaa ma ke kulanakaahale poo o Wasinetona Amenka Huipuia. Ua hele* oia ilaila e peleapeka aia me ke ao aku ia Peresidena Kalivalana a me kona mau Kuhina, a me na iuna kiekie e noho pu ana ma ka aha Senate. E knhikuhi ana na Ona miliona nei i kela poe hanohano i ka lakou mea pono e hooholo ai no Hawaii nei. aole pono ia lakou e hoohui aku, aka e hoihoi aku no ia Liliuokalani maluna 0 ka nohoaiii. He kanaka waiwai nui no o Spreckles, he ike no i na hana maamaalea e hoahu ai i ke ahua dala a nui. He maamaalea no hoi i ka hoomaemae kopaa a nie ka piepiele aku i ke kopaa. Eia nae kona hemahema o ke&o aku i kela poe koikoi a kiekie ma Wasinetona, ka poe oi- loa ae maluna ona ma ka hanohano o ka noho ana a mo ka niahalo ia e kanaka. He nni ka poe Senate, ioi loa aku ko lakou ike. He poe loeā" ka hapanui o lakou. aka o Spreckels he hapa kona ike, aole i ao nui ia ma na buke. He i ? a nui no paha kela ma Kaleponi ma kona kiowai uuku, e a-u pu ana me kana mau pua i'a liilii malalo ona, hiki aku nae i he i'a uuku o Spreckels, oiai he lehulehu na i'a nunui e a-u pu ana ma ua loko la. Akahi no o Spreckels a hele 1 Wasinetona e ao aku i kela poe kiekie. ī kona hoomaka ana e hoopuka i na olelo e lu helelei wale ia aku ana na olelo hoohenehene a lakou iaia. Nolaila, ua ko ka makemake o ka aoao hoohuiaina, e hele kino ana ko lakou enemi imua o Kalivalana ma, a e ike maka ana lakou i kona ano akena wale a me ka naaupo.