Ka Nupepa Kuokoa, Volume XXXII, Number 40, 7 October 1893 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

 

@ai a Mahope aku o Iune 1, 1893.

 

NA KAA AHI

 

NO HONOULIULI.

 

B                      B                    A                     D

                                                         A. M.               P. M.               P. M.               P. M.

 

HAALELEIA HONOLULU           8:45                1:45                 4:35                   5:10

HAALELEIA MANAWA               9:30                2:30                 5:10                   5:56

HIKI I HONOULIULI                    9:57                2:57                 5:36                   6:22

 

NO HONOLULU.

 

                                    C                     B                     B                     A

                                                         A. M.               P. M.               P. M.               P. M.

 

HAALELEIA HONOLULU           6:21                10:45               3:42                   5:42

HAALELEIA MANAWA               6:55                11:15               4:15                   6:10

HIKI I HONOULIULI                    7:30                11:55               4:55                   6:45

No na Poaono wale no.

No kela ame keia la.

Koe na ia Sabati.

Koe na Poano.

 

NU HOU HAWAII.

            Na Auwaiolimu paha i alakai e kalua puaa e mamua o ka hookuu ana aku i ka nupepa hou e puka i ke akea.

 

            Ua loaa aku mawaena o na puu papa ma Ainahou i keia kakahiaka Poalua nei, he Iapana ua kaawe iaia iho a e lewalewa ana ua make loa.

 

            O ka nui o na waiwai io i puka mai ke awa mai o Kapalakiko a hoouna ia i na Pae Aina o Hawaii mai ka la i o Ianuari a hiki i ka la 31 o Augate aku nei i hala, he $1,900,000.

 

            O na make o Honolulu nei no ka malama o Sepatamaba i hala, penei no la:  he 43 Hawaii, 9 Pake, 4 Pukiki, 2 Iapana, 2 Beritania, 2 Amerika a me 2 o na lahui e ae.  Huina 84.  He 15 make lapaau ole ia o keia eluna ae la.

 

            Aohe moku mai Kaleponi mai e kipa ana ianei, i kukala e ole mai ai na anee alii mamua “e hoihoi ia ae ana ka moiwahine i pau ma keia moku aku.”  Hala ae ana nae ia moku, nee aku ana he moku a hoka maoli.

 

            Ua konini hou mai nei ka “Lei Maewale” nona ka inoa hoohepa Lei Momi ma ka Poaono aku nei o ka @ebedoma i hala, aole hoi ma ke kino i lapu hele ui o kela la keia a mamua aku nei o ke umi a puaa a ana iho nei.  He make paha keia ke kalo a ola i ka oha.

 

            Ma ka paani kinipopo i malama a ma ke kahua o Makiki i ka aui@a la Poaono i halu, mawaena o na @uali Unknowns a me Planters, ua o i ka puali mua, oia hoi he 12 puni a ka mua a he 8 puni a ka puali hope.

 

            I ke kakahiaka nui o ka la 30 o Sepatemaba i hala, ma Honolulu nei, ua hoolue mai la ka wahine a Mr. J. U. Iosepa he keikikane pepu@epu, ka hua mua hoi o ko laua noho @hana ana.  Hoolue hou ia mai i @ehulehu.

 

            Ua hiki mai nei maluna o ka “Waila” o ka la Sabati aku nei i @ala, ka hope makai nui mua L. A. Auaru o Makawao, a e noho mai @na oia e lawelawe i kona kulana @ihana hou, he kapena makai kiekie no ka puali kaiko o Honolulu nei.

 

            I ka ia 27 o Sepatemaba, ua make @@ D. Ioane Kalohi i ka ma’i piva @a Kalawao mamuli o ka hemahema o ka malama ia ana.  Ua hoihoi ia oia ialaila i ka ma’i hookaawale ohana i ka 1872, nolaila he 21 @nakahiki o kona noho ana malaila a make.

 

            E pouli hapa ana ka La i keia Poakahi aku, Okatoba 9, a e ike ia ana ma Honolulu nei.  E hoomaka ana ma ka hora 7:20 kakahiaka; ke kukonukonu aku i ka hora 8:36; a e pau ka pouli ma ka hora 9:50 o ia kakahiaka no.  O lani e ia na aniani i ka uahi ipukukui mamua ae o ka wa e hoike ia aku nei.

 

            Hanapep, Sept. 30. – Aloha oe.  Ma ka la 28 aku la i hala, ua hanau mai o Mrs. Lucy K. Kalaweola, he keikikane uepunepu, a na ke Akua @e hoopomaikai i ke koena k ko olua mau la.  E hoopuka ia ma ka nupepa KUOKOA a me ko Hawaii Pae Aina i huiia, ka ipukukui uwila o ka Pakipaki. – J. B. K.

 

            Aole hoi i loaa iki ia’u kekahi laau lapaau e hoopau ae ai i na ehaeha o ka mai rumataica e like me ka CHAMBERLAIN PAIN BALM laau.  Ua hoohana pu au i keia laau no ko’u kua eha me ka hololea maoli.  Oia kekahi o na laau hamo oi loa o ka maikai a’u i kau ai, a ke hauoli nei au i ka hoikeike aku i ka maikai o keia laau i ko’u mau hoaloha, Mrs. Emily Thorne, Toledo, Washington.  E kuai ia aku no ma na Halekuai Laau Lapaau, BENSON, SMITH & Co., Na Agena.  2460-tf

 

            “He hana oluolu ke kuai aku i ka CHAMBERLAIN COUGH REMEDY” (Laau Kunu), wahi a Stickney & Dentler, na mea kuai laau lapaau, Ripublic, Ohio.  “No ka mea, mau hope o ka inu mua ana i ua laau nei, e kono ia ana oe e kii hou ke makemake oe.  Ua oi aku ka makou mea i kuai ai o keia laau mamua o na laau lapaau e ae a makou e noho agena nei, a he mahalo nui ia mai i na wa a pau no ke ola.  No ke kunu, ke anu a me ka nae, aohe mea e loaa ai kona lua.”  E kuai ia aku no ma na Halekuai Laau Lapaau a pau, BENSON, SMITH & Co., Na Agena.  2460-tf

            Uluahewa mai nei ka hoi na nupepa puka la Hawaii i keia mau la e lohe ia aku nei.

 

            He 104 ka nui o na ma’i lepera o Kalaupapa e hoao ia nei i ka lapaau e Kauka Goto, oia he 50 ma Pauahi Home, he 31 ma ka halemai a me 23 ma hauhale mawaho.  He 24 poe hou e koi mai nei e lapaau ia.

 

            Ina aole e paewaewa ko makou lohe, alaila e hoi mai ana o Peresidena Dole o ke Apuni Kuikawa, mai kona hoomaha ana ma ka mokupuni nui o kona aupuni, ma ke aliiwahine aukai Kinau o keia Poakolu iho-  Aole no nae e nalo a e nakolokolo ana a kui lua na kani aua o na pukuniahi ia kakahiaka.

 

            Ina e paa loa ana ka mokuahi “Miowera” maluna o na ko’a nehe o Puuiki, aole e hemo mai, alaila e holoi ana na kamaaina lawaia o Kaakaukukui i ka inoa o Puuiki a e kapa ia ma ia wahi o Kepuhinauokaoka.  He inoa loihi no keia o ka puana ana, aka ina no e maa iho pau wale ae no, oia hoi no ka nui o na moko poino malaila.

 

            Ma Kohala, ma ka la 24 o Sept. i hala, ua loaa ia Mr. a me Mrs. G. P. Kamauoha he makana nui mai na lani mai, oi@ hoi he kaikamahine mohaha maikai.  O ka ekolu keia o ka laua mau lei mahepe o ka hooma lolo loihi ana o ka makuahine no kekahi mau makahiki loihi.  He maikai no ke ola o ke kama hou.  A ke noi ae nei makou, e hooloihi ia ke ola o ka opuu hou.

 

            Ua haalele mai i keia ola ana o Mrs. Keokiwaiu Koo ma ka hale noho o kana keiki hiapo Geo P. Kamauoha, ma Honopueo, Kohala, i ka la 20 o Sepatemaba, a ua haa lele iho oia he kane a he keiki, a he ohana lehulehu e noho iloko o ke kaumaha e ma ka luuluu.  Ua hiki aku ka nui o kona mau la ma keia noho ana i ke kanalima makahiki a oi aku.

 

            E haawi ana ka Hui Malu nona ka hale pohaku hou e kokoke nei e paa i ke kapili ia, a e ku nei hoi ma ke kihi hikina o na huina alanui Alakea a me Hotele, i aha lealea Europa nui ma ka po o ka la 13 o Novemaba e hiki mai ana.  Oiai, aole e hiki i ka hale hou loa ke ale i ke anaina nui loa e paulehia ana e komo mai e hauoli pu, nolaila ke imi ia nei ona hale nui e pau pono ai me ka hakina ole.

 

            Ua hoomaka ka halihali ohua o ke kaa nui a Mr. F. Smith, mai ka Hotele Poatalana mai ma Nuuanu i ka hora 6:30 kakahiaka o ka Poakolu, a holo a lu ma ka huina o na alanui Moi a me Papu.  A ma ka hora 7 A. M., i holo aku ai mai kai aku nei no ka uku he 5 keneta ahiki i alanui Kauka, a he 5 keneta mailaila aku a ka Hotele.  Mahope aku i kela me keia hora.

 

            Ua hoolana ia iloko o ke kai mai ka pa kapili moku aku o Russell & Co., o Greenock, Sekotia, he moku hao kila hou loa ma ka la 28 o Augate, nona ka nui he 2850 mau tona, a ua kapa ia ka inoa o “Marie Hackfeld.”  Ua kapili ia keia moku no ka Hui o J. C. Pfluger & Co. o Beremana, a e pakui ia aku ana no ka laina moku pea e holoholo nei mawaena o Livapulu a me Honolulu.  He 246 kapuai ka loa, 37 ½ kapuai ke akea a me 22 ½ kapuai ka hohonu.

 

            I ke kakahiaka Sabati aku nei, ua loaa aku ke kino o Keliikanakaole nona kekahi inoa e ae o Kualaula ma kona hale e noho nei ma Iwilei, Honolulu, ua make loa.  Ua inu awa a inu gini keia kanaka me kekahi poe oloko o ka hale i ke ahiahi Poaono aku, a ua hoi no e moe ma kona wahi mau, eia nae ua haalele kana wahine ia po iaia a ua moe ma ka hale e.  I ke kakahiaka nui Sabati ae, ua hoi aku kana Wahine a hoala, eia ka auanei ua make e kela.  Ua noho ke kiure koronelo e niele i ke kumu o kona make hikiwawe ana, a ua hooholo lakou i make no ka alakahola i inu nui ai i ka awa a me ke gini, ka mea nana i hoopaa i ka hanu ana oloko.  He mai mau kona he hano.

 

            Mai ka Poalima mai, Sept. 29, a ka mokuahi Alameda i ku mai ai i Honolulu nei mai Kapalakiko mai, ka hoohapaia ana o ka hae o ke Kanekiela Amerika o Honolulu nei, a e hoomau ia aku ana peia a hala na la he umi.  O ke kumu o keia, mamuli no ia o ke kauoha a ke Kuhina Nui Gresham o Amerika Huipuia i hoopuka ai ma ka la 7 o Sepatemaba, ma ke ane he hoomanao i ka make ana o Hon. Hamilton Fish, ke Kuhina nui nana i hoopiha me ka hanohano i ke keena o ko na alua e no ewalu mau makahiki, malalo o ko Peresidena U. S. Kalani, a i make mai nei ma Nu Ioka i ka la 7 o Sepatemaba.

 

            O ka haole nona ka inoa Richard Stone i hoopai ia ai ma Honolulu i Mei aku nei, no ka hewa kapae i ka hana a ka makai, he eono malama hoopaahao ma ka hana oolea, me $200 hoopai a me $18.50 koina, ua hoopaa ia ma ka hale paahao i ka la 11 o Mei.  Ma ka la @ [?symbol] o Mei no, ua mahuka oia mai ka laina paahao aku ma Puowina oiai e hana ana, holo aku nei i na aina e, hoi hou mai nei ianei maluna o ka moku pea a ku i Hilo.  Ilaila oia i hopu ia ai a lawe loa ia mai i Honolulu nei e hookolokolo ai.  I ka Poakolu nei, ua lawe ia oia imua o ka Aha Apana no ka mahuka mai ka laina paahae aku, kukulu ia na hoike a kau ia ka hoopai he eono malama hoopaahao hou ma ka hana wikani a me $1.30 koina, e hoomaka mai ka pau ana mai o ka hoopai mua.

 

            O kela mau Iapana ewalu o ka mahiko o Ewa i hopa ia ai mamuli o ka hoohuoi ia na lakou i pepehi i ka Iapana makai a make loa ma ka po o ka la 1 o Sepatemaba, a i nieniele loihi ia, ua hookuu loa ia no ka lawa ole o na ike e paa ai ka hihia.

 

            I ko ka hope Kauikela Beritania Thos. R. Walker wa e kaawale aku ai mai Honolulu, e ili aku ana kana mau hana hope kanikela maluna o Mr. Francis M. Swanzy.  Peia ia e hoolaha pili ia mai nei.

 

            O kekahi o na alii ahaolelo koho ia i ke au alii i pulumi ia o Hon. R. D. Walbridge o Wailuku Maui mamua, a i hoi aku nei i Amerika Huipuia, oia kekahi i ike ia iho maloko o ka nupepa Press o Troy, Nu Ioka, e hoike akea ana i kona manao he mea e pomaikai nui ai i keia mua aku no na paemoku o Hawaii a me Amerika Huipia ke hoohui ia.

 

            Ua olepe ia ka puka uahi o ka mokuahi kolomoku Hiiaea mauli o ka hookui ana i ke kaula huki a ka mokuahi Aikoku Maru e huki ana i ka mokuahi poino Miowera, oiai no hoi ka Hiiaka ma kahi kokoke i ka moku poino e haawi ana i kona mau kokua.  Mamuli oia ulia poino, ua hoi puka uahi ole mai ka Hilaka, a eia ka hana hou ana i ka Hui Hale Hana Hao o Honolulu.

 

            Ua pau mai i ka hoolele ia iuka nei o ka aina i ka Poakolu aku nei, mai ka moku ili mai “Miowera,” na ohua kapena he 27, na ohua oneki he 15, na eke leta o Kikane mai he 42 a me na ukana.  O ka poe wale aku no i koe iluna o ka mokuahi popilikia, oia ke kapena, na aliimoku a me na kanaka ponoi o ka moku.  O na lilo o na wahi e moe ai na ohua a me ka lakou mau mea ai e kaukau ai, aia no ia i na agena o ka moku ka hoonakeke aku.

 

                        Ua noi ia mai makou e J. W. K. Kalino, ke Kakauolelo o ka Ahahui Opiopio Imipono Karistiano o na Mokupuni o Maui a me Molokai, e kalahea aku i ke akea, e noho ana ka halawai o keia Ahahui maloko o ka luakini o Kaahumanu ma Wailuku, ke hiki aku i ka hora 10 kakahiaka o ka la 6 o Novemaba aenei, a nolaila ke kono ia nei na hoa a pau a na ahahui apana i kuleana iloko o ka hui nui, e makaala ae ma ka manawa a ma kahi i hoike ia maluna.

 

            Ua hopu ia i ka Poalua nei malalo o na palapala hopu i hoohiki ia , o George Lycurgus, ka ona o ka hotele Sans Souci ma Kapiolani Paka, a me T. A. Simpson, ka luna nui o ua hotele la.  O ka mua, no ka hewa malama hale hookamakama, a o ka hope no ke kuai rama me ka laikini ole.  Ua hookuu ia mai ka mua e noho mawaho nei ahiki mai ka wa hookolokolo no ka bela $250.  He mau la aenei ka mahui ana ia e pau aku ana i ka hopu ia kela mau mea ae la maluna, a o ka hooko io ana iho la ia.

 

            Eia ke hoeueu ikaikai loa ia mai nei ka hookelakela ana i ka heihei waapa nui e malama ia aku ana i ka auina la o keia Poaono ae Okatoba 7, ma ke kaikuono o Ewa , mawaena o na hui wikani i ka hoehoe waapa, ka Healani a me Matala, no ke alualu ana i ka inoa ka moho mokomoko o ka hoehoe waapa ma Hawaii a me ka makana.  No ka pomaikai o ka lehulehu e kakahi ana i ka nana heihei, e hooholo ana ka Hui Alahao a me Aina o Oahu i na lalani kaa halhali ohua ma ia auina la mai Honolulu aku nei e like penei;  Hora 1:45 a me 3:05.  Ua hoemi ia ka uku ohua no ka holo ana aku a me ka hoi ana mai, oia he 50 keneta wale no.  Nolaila, e holo kakou i Ewa’.

 

Palapala Ike Kilakila

A Rusia i ke Aupuni Kuikawa.

 

PAU KUHIKEWA O NA ANEE ALII.

 

E HULI E NA KANAKA AUWANA NEI.

 

OIHANA IMEPERIALA O }

KO NA AINA E,                   }

SANA PETEROBORO, Iulai 28, Augate, 9, 1893.

 

            E Mr. Peresidena:-Aole au i palaka i ka woiho ana aku ma ka manawa kupono, ia Ke Alii ka Emepera, ko’u Haku Makua, i ka palapala i loaa mai ai mai kou keena oihana mai i kakau ia i ka la 24 o Ianuari, 1893, maloko olaila i hoike mai ai oe i kou koho ia ana i Peresidena no ke Aupuni Kuikawa o ko Hawaii Pae Aina a me ka pahola pu mai ma ia manawa i k no makemake e ike aku ke Alii Imeperiala i ke Aupuni Kuikawa.

            Ua loaa ia’u ka hanohano i keia wa e hoike aku ia oe, ke makemake nei ke aupuni Imeperiala e hoomau aku i ka launa hoaloha ana me ka Ripubalika o Hawaii a ke oluolu nei e ike aku i ke Aupuni Kuikawa i kukuluia ma ko Hawaii Pae Aina.

            Ke hoomaikai kino aku nei au ma o ke kahea ia ana mai e hali aku i Kou Mea Mahaloia la noonoo i keia olelo hooholo o ke Aupuni Imeperiala.

            Ke lawe nei au i keia wa maikai, i manwa e panee aku ai ia oe e Mr. Peresidena i na hooia ana o ko’u manao maikai.

(Kakauinoaia)    GIERS

            Ia Mr. Sanford Dole,

Peresidena o ke Aupuni Kuikawa o ko Hawaii Pae Aina.

 

ILI KA MIOWERA MA KA NUKU O MAMALA!

 

PILI LOA I KUAAU KA HOOKELE IA ANA MAI.

                                                                        Poalua, Oct. 3.

            Ua hookokoke loa mai ka makuahi “Miowera” i ka nuku o ke awa o Honolulu i ka hora 8 o ke ahiahi Poakahi, Okatoba 2, mai Kikane mai, e holo ana no Vanekouwa.

            I ka hora 8, ua holo aku ke pailata Lorenzen i kai, aia no nae o “Miowera” mawaho.  Hookokoke loa mai ka moku ahi i ka nuku a ku malie iho la ma ka 20 minute mahope o ka hora S.  Ua ili ma ke akoakoa makai o ka mouo laau ma ka aoao Ewa o ka nuku.  He kai piha nae i kona wa i ili ai.  He 17 kapuai ka hohonu o ke kai malalo iho o kona ihu a me kona hope.  Ua kaulike kona iwi kaele a paa ma na pohaku akoakoa.

            I ka hora 10, hiki aku o Hiiaka me ke Kuhina Kalaiaina a me ka Loio Kuhina a me na mea e ae he nui loa.  He nui ka huki ana Hiiaka i ka mokuahi poino me na kaula nunui, aole nae he neeu mai.

            I ka hora 1 o ke aumoe, ua hoomakaia e kiola aku iwaho i ka lanahu o ka moku he 1,500 tona, i mea e hooomama ai iaia.

            Ua lawe mua ia na helemua iwaho e paa ai i ole e nee hou mai iuka nei ke lana ae ka moku.  He malie loa ke ku ana o ka moku i ka nana aku, me he la e komo maikai mai ana iloko, ua paa loa nae.  Aohe nalu ma ia wahi, ua lana ka manao e hemo ana i ka wa piha hou o ke kai i ke kakahiaka.

            He lehulehu na ahui maia e waiho nei ma ka uapo, e palaho ana ke hoopanee loihi ka holo ana o ka Miowera.  Aole paha e nele ana ka moku i na poino malalo ae, a e hoopanee ia ana paha kona holo hou ana aku.  O ke kumu o kona ili ana, ua kuhikewa o Kapena Stott, aia ka moku mawaho loa aku, eia ka ua pili loa mai ma ka aina me ka ike ole a ili ana ka moku.  Ma kahi a Miowera i ili ai, oia no hoi kahi i ili ai a helelei o Hermione ma ka 1852.  Ekolu makahiki mahope aku i weluwelu ai kekahi moku ma ia wabi hookahi no.  He 12 makahiki i hala ka ili a nahaha ana o ka moku Niagara malaila.  He wahi ino no kela no ka poe malama ole.

                                                Poakolu, Oct. 4.

            Ua mau no ka paa ana o ka mokuahi nui Miowera maluna o ke akoakoa ma ka nuku o ke awa ma Puuiki a hiki i ke kakahiaka o ka Poakolu nei.

            He 17 na hora o ko Eleu hooikaika ana e huki aku iaia, he ole ka neeu mai.  He nui na kaula huki i pau i ka mokumoku.  Hookahi kaula 8 iniha a me hookahi kaula 9 ihina i pau i ka paapaaina.  Alaila lawe hou ia he kaula uwea 4 iniha, hukiia a moku kela, aole oni o mai ka moku.

            Mahope iho, no ka nui o ka huki ana, ua haki na pou o hope o ka moku e hoopaa ai ke kaula huki, a hoopanee ia ka huki ana.  Ua kokua ka mokuahi James Makee ma ia huki ana, a mahope kokua aku o Waila.

            He mau haneri tona lanahu i kiola ia aku iloko o ke kai, a he 50 mau tona pauku hao i lawe ia mai iuka nei.  Aole nae i mama iki ka moku e lana ai.

            Ua lawe o W. E. Rowela i kai i na heleuma nui elua me na kaulahao a hookuu ia mawaho aku o ka hope o ka moku i mea e hoopaa ai i ka moku i ole ai na nalu e hooneenee hou aku iaia iluna o ke ako’ako’a.

            Ua hoolimalima na Agena o ka Miowera i ka mokuahi Iapana Aikoku Maru e holo iwaho i o Miowera la e huki i ke kakahiaka Poakolu nei.

            Ua niuau aku o Davies ma, na Agena o Miowera i na Agena o ka mokuahi Iapana, e ae mai lakou e hoouna ia Aikoku Maru e lawe i na eemoku a me na eke leta i Vanekouwa.  Ua hoole mai lakou a e holo ana no o Aikoku Maru i iapana.

            Aia a pii mai ke kai piha i ke awakea Poakolu, alaila e hooikaika nui hou ia ana e huki ia Miowera.  Ina aole e lana ia manawa, alaila, ua olelo ia, e lawe ana ke kapena i na enegini iuka a e haalele loa ana i ka moku.

            Ua akoakoa nui ae ka poe akamai holomoku ma na uapo, e hakilo ana no keia ulia poino.  Wahi a kekahi, “pehea la e hookuu wale ia ai ka mokuahi waiwai nui, he hapaha miliona dala ka lilo, e wawahi ia e ke kai, oiai na mokuahi ikaikaapau o Honolulu e okuu wale ana ma na uapo?”  Ae, wahi a ka pane aku a ka lua, “o Piladelepia kekahi, ua lawa kona ikaika e huki a hemo loa aku ka hope o Miowera, ke hemo ole mai ka moku okoa aku.”

            Ke hoohalahala nei kekahi, aole i pono ke kukulu ia ana o ka hale kukui ma kahi kokoke iloko o ke awa.  Pono i hale kukui mawaho ma kahi o Miowera i iliai.  Hoahewa kekahi poe i ke Pailata, no ka holo ole iwaho loa e kiai ai no ka holo mai o na moku, aole e kaii a hookokoke loa mai ka moku, a ili paha i ke ako’ako’a.

            Ua mano kekahi poe, o keia ili ana o na mokuahi nui elua, o Kina mamua a hemo aku, ma ka nuku o ke awa, he mea paha ia e lilo ai o Honolulu i awa ino, he wahi pono ole i ke komo ana o na moku nui, a e maka’u ana na Laina mokuahi i ka holo mai i Honolulu nei.

            Ua hoolele ia mai na eke leta he 42 o Kikane mai a ka Miowera i lawe mai ai, a eia iloko o ka hale leta o Honolulu.

                                                Poaha, Oct. 5.

            Ke mau nei no ka paa ana o ka mokuahi nui Miowera maluna o ke ako’ako’a ma Puuiki, aka, aole nae i pau ka manaolana no ka hemo mai.  Ua loaa iaia kekahi poino nui e hiki ole ai iaia ke holo hou aku, ke ole e kapili mua ia, oia hoi ua hemo aku ka pou o hope o kahi e paa ai kona hoe uli, a ua poholo pu me ka hoeuli iloko o ke kai.  Ua manao ia, he poino no ko no papaa hao malalo ae, no ka nui o ko ka mokuahi hookui ana ma na ako’ako’a.

            Aole nae komo mai ke kai iloko o ka moku, no ka mea, ua papalua na papaa papahao malalo ona.  Ua kiola ia i ke kai na lanahu, a ua paapu ae la malalo o ka moku.  Ua huki mau ka mokuahi Waila ia Miowera no 28 mau hora, oia hoi mai ka hora 10 kakahiaka Poalua a hiki i ka hora 2 auina la Poakolu, hoi mai i ka uapo.

            Elua ona kaula kolo nui i paapaaina a hoopaa hou ia.  Ua manao ke Kapena o Waila, ina he aleale ke kai nana e hapai iki ae ia Miowera, ina ua neeu aku.

            Ua holo pu aku ka mokuahi Iapana “Aikoku Mari” i ke kakahiaka nui Poakolu, a huki like me Waila, ma ko laua huki ana nae, ua hooneenee iki ia ma ke awakea i ka wa i piha ai ke kai.  E huki hou ia ana i ka wa kai piha o keia kakahiaka Poaha.  Ua noho pu ka mokuahi Hawaii me Miowera i ka po Poakolu a ao ae Poaha nei.  Ua kaikai ia na helema nui elua i ka Poakolu mailoko mai o ka moku a hookuu ia mawaho aku o kona hope i hoopaa ia ai, aole hoi e hoonee ia mai iuka nei e na aui nalu.  Ua holo nui kekahi poe luina o na mokukau Amerika elua e kokua.  He ekolu mau helmua hou e ae i hookuu hou ia aku iloko o kə kai ma ia ano like mahope mai.

            I keia kakahiaka Poaha, i holo aku ai ka mokukaua Adams iwaho laua me Likelike, e huki pu i ka wa kai piha.  O Piladelefia ka moku ikaika kupono, aole nae hiki iaia ke hookokoke aku, no ka papau o ke kai.  He nui ko Kapana Stott o Miowera hoomaikai ana ia Adimerala Skerrett no kana mau kokua nui ana iaia.

            H 1,000 mau tona lanahu i koe maluna o ka moku i ka Poakolu, a he 500 tona wale no i kiola ia.  Ina e hemo kela lanahu a pau, alaila paha hiki ke hoolana.

            Ua pau ka poe ohua i ka hoolele ia mai iuka nei o ka aina, a aia ma na hotele.  Na na agena o ka moku e uku no ko lakou mau lilo o ka hookipaia ana ma na hotele.  Ua pau na ukana mea ai no Kikane mai i ka lawe ia mai iuka nei a me na ukana a pau o na ohua.

            Ke hooikaika nei na agena o o Miowera, oia no o T. H. Davie & Co-. e hoolimalima i mo kuahi nana e lawe aku i na eke leta a me na ohua a hiki aku i Vanekouva, aole nae i maopopo ka loaa ana ma ka uku makepono.  Ke kuka pu nei lakou me na ona o Waila a me na agena o Aikoku Maru kekahi.  No ka pii loa o ka uku ka mea i kanalua ia ai.

            I ka hora 9 o keia la i loaa ai no lono maopopo mai na agena o ua mau moku la oia keia, aohe moku e hoolimalima ia ana a e kali ana no na ka Australia e halihali i Amerika.

            Poalima, Oct. 6.-Ua puka aku ka mokukaua Amerika Adams i ke kakahiaka enehinei i waho o ka nuku a ma kahi o ka mokuahi poino e haawi i na kokua no ka huki ana e hemo ma ka wa e kai pii ai onehenei.  Ma ka hora 1 auina la, oia ka wa kai pii, ua pupue like i ka huki na mokuahi Adams, Hawaii, Likelike a me Hiiaka a hiki i ka hora 3, aohe wahi mea a neeu mai.  Ua moe aku no ka Adams iwaho o ke awa a ua hoi mai na mokuahi e ae i ke ahiahi nei.

            I ka hora 1:50 o keia anina la e pii hou ai ke kai, a e haawi hou ia ana ka ikaika huki.

            Ua pau mai i ka hoohikihiki ia iuka nei e na kao halihali ukana o Hackfeld & Co., na opeope o na ohua, na ukana a me na lako o ka moku.

            I keia wa, ua ane pauaho kekahi poe i ka noonoo ana no ka hemo, a o kekahi poe hoi aia no he wahi manaolana iki.

            Ua koho ia, o ka waiwai io o ka moku a me na mea a pau loa, aia ma ka $450,000.

            Ua wawa wale ia ae, o ka uku a na agena o ka mekuahi “Aikoku Maru” i kau aku ai no ka lawe ana @ Victoria i na ohua, na eke leta a me na ukana o ka mokuahi “Miowera” e paa mai nei i ke akõakoa o Puuiki, he $20,000; a o ko ka mokuahi “Waila” hoi, he $650 o ka la; a o ka na agena hoi o ka “Miowera” i haawi ai, he $12,000 uku pau.  Ua hoole ia keia mau mea a pau e na aoao elua, a ua kali iho la no a na ka mokuahi Australia e hoohikihiki aku na mea a pau o ka mokuahi poino i America a me na wahi i ae.

 

Hoolaha Hou.

            Aha Hookolokolo Kaapuni Apana Ekahi o ko Hawaii Pae Alua Ma ka Hooponopono waiwai.  Ma ka waiwai o CHARLOTTE ADAMS i make.

            O kekahi palapala i oleloia oia’ke kauoha hope loa a Charlotte Adams i make, ua waihoia mai ma ka la 28 o Sepatemaba, A. D. 189, a me kekahi noi pu e noi ana e hooponoponoia a e hoopukaia ka Palapala Lunahooponopono Waiwai i waihoia mai e Joseph O. Carter.

            Ke kauohala  nei, o ka POALIMA, la 8 o Novemaba, A. D. 1893, ma ka hora 10 a.m. o ia la, ma ke Keena Hookolokolo o ua Aha la ma ka Hale Hookolokolo ma Honolulu, oia ka manawa a me kahi e hooiaioia ai ua palapala kauoha la, a ma ia manawa e hele mai ai ka poe i kuleana a e kue i ua palapala kauoha la, a me ka hoopukaia ana o ka palapala lunahooponopono waiwai.

            Hanaia ma Honolulu, K. H. P. A. Sepatemaba 1893.

Na ka Aha:      GEO. LUCAS,

2452-S             Hope Kakauolelo.

 

Aha HOOKOLOKOLO Kaapuni Apana Ekahi o ko Hawaii Pae Alua.  Ma ka hooponopono waiwai.  Ma ka hana o ka waiwai o S. NAPAKUKAPU o Honolulu, Oahu i make.

            Ma ka heluhelu a me ka waihoia ana mai o ka palapala noi a me ka papahelu a J. M. Monsarratt Lunahooponopono o ka waiwai o S Napuhukapu, o Honolulu, Oahu i make, e noi ana e aponola na hoolilo he $1 067 89, a e hoike ana o na mea i loaa iaia he $1,871.28, a e noi ana e nana a e aponoia keia mau mea, a e kauohoia e maheleia na waiwai e waiho ana ma kona lima a e hookuu ia ola a me kona mau hope mai ko lakou noho ana lunahooponopono waiwai.

            Ke kauohaia nei, o ka POALIMA, la 10 o NOVEMABA, 1893, ma ka hora 10 kakahiaka, ma ke keena ma ka Hale Hookoiokolo o Honolulu, oia kahi a me ka manawa i kohoia no ka hoolohe ana i ua noi ia, a me na papa hoike heiu i oleloia, a o ka poe a pau i pill maialia, e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana i ka waiwai i oleloia.

            Hanaia ma Honolulu, ko Hawaii Pae Aina, i kela la 6 o Okatoba, 1893.

Na ka Aha:

                                                GEO. LUCAS,

2462-3                                                                           Hope Kakauolelo.

 

AHA HOOKOLOKOLO Kaapuni Apana Ekahi o ko Hawaii Pae Aina.  Ma ka hooponopono Waiwai Ma ka hana o ka waiwai o A. K. KAUANUI o Honolulu, Oahu, i make kauoha ole.

            Ma ka heluhelu a me ka waiho ana mai o ka palapala noi a Sera Kauanui, wahine kanemake a ua A. K. Kauanui la, e olelo ana o A. K. Kauanui o Honolulu, Oahu ua make kauoha ole ma Honolulu ma ka la 5 o Sepatemaba, A. D.  1893, a e noi ana e hookupa ia na palapala lunahooponopono waiwai ia James H. Boyd.

            Ke kauoha ia nei, o ka POALIMA, la 8 o NOVEMABA, A D 1893, ola ka la i koho is noka hoolohe ana i us noi la, ma ke Keena Hookolokolo o keia Aha ma Honolulu, a ma ia wahi a ma ia manawa e hele mai ai na poe a pau e hoike ina he mau kumu ke lakou e ae ole ia ai ua noi la.

            Hapa ia ma Honolulu, K. H. P. A. Oct. 6, 1893.

Na ka Aha:

            GEO LUCAS.

2462-3.                         Hope Kakauolelo

 

Olelo kauoha e Hoolahaia,

 

PIONEER MILL vs. KUMULIILII a me KALUA KANAWALIWALI.

KE HOOLAHA ia aku nei ka lohe, ua waiho ia mai iuma o’u kekahi hoopili e ka “Pioneer Mill” vs ia Kukuliilii a me Kalua Kauawaiiwaii na mea hoopila.  O ka manao nui o ke hoopii, oia no, ua lawe na mea hoopilia i ka wai mai ke kahawai mai o Kauaula, apana o Lahaina, Maui, a mai ka anwai mai e holo la, mai ua kahawai la i olelo ia a hookahekahe ma kekahi mau aina i loaa ole ke ku’eana wai ia manawa, a ua lawe no hoi na mea hoopila i ka wai a oi aku mamua o ko laua kuleana kupono.  A he hoololi ana ae ia o na mea hoopiia i na pono maa mau, a ua hoopilikiaia na mea kuleana e ae i ka wai o ua kahawai ia.

            E hooloheia ana keia hoopii imua o’u ma ka rumi hookolokolo o ka Aha Apana o Lahaina, ma ka POALIMA, OKATOBA 20, 1893, ma ka hora 10 o ke kakahiaka, ola ka manawa a me kahi i kanohaia ai na mea hoopilia, a me na mea kuleana e ae a pau e hele mai a e hooialo i ko lakou kuleana i ua wai ia, a i ole peia, e nele ana lakou.

            A ke kauoha pu ia nei, e kapiliia kekahi Kope o keia Kauoha ma kahi noho o na mea hoopilia, a o kekahi, e hoolahala ma ka Nupepa KUOKOA a me ka HAWAIIAN GAZETTE, aohe emi malalo o elua pule piha pono, mamua ae o ka la i hoakakaia ai no ka hoolohe ana i ka hihia i oleloia.

            A PALI.

Komisma o na Alaliliii a me na Pono Wai o ka Apana o Lahaina, Mokapuni o Maui.

Lahaina, Maui, Sept. 28, 1893.                       24@2-2

 

HOOLAHA

I ka Poe Hele i ke Kiowai o Waiakeakua, Manoa.

 

O NA POE a pau e makemake ana e hele i ke Kiowai o Waiakeakua ma Manoa, ke hoolahala aku nei e pono e loaa m@a ia lakou ka ae ia mai ka mea nona ka inoa malalo iho nei, a o na mea a pau e komo hewa ana ma ia wahi me ka ae ole ia e hoopilia no ma ke Kanawai.

            JAMES H BOYD.

Ma ke Keena Aina, Hale Aha Hookolokolo.

Honolulu, Iune 17, 1893.                    2447-tf

 

Ua Nalowale.

UA NALOWALE aku kekahi lio eleele hoelo loihi mai ka hale noho aku o Dr. Hyde’s ma ke alanui Beritania, i ka ia @ o Angaaie nei.  Ina o ka mea a mau mea paha e hoihoi ae ana ma ka lima o ka mea noaa ka inoa malalo iho nei, e loaa no iaia ka uku makina.

24@@-tf                     WALTER C. WEEDON.

 

HOOLAHA HOOKAPU.

KE PAPA A HOOKAPU LOA IA AKU NEI na mea a pau aoie e komohewa a hana ino i ka wai ma ko’u mao aina a pau mai Malauahae a hiki i Paauhau, Hamakua, Hawaii.  O ka poe makemake i wai e kii aku i ka palapala ae ia Kaeha A P Brickwood, a i ole i ka mea nena ka inoa malalo iho.

            E haawi ia no ka uku makana he $25 i ka mea a mau mea nana e hoike mai a e ahewa ia ai ka poe e @ue ana i kela hoolaha.

            W. H. RICKARD.

Honolulu, Sept. 21, 1893.                   2460-4

 

Hoolaha a ka Lunahooponopono Waiwai.

O NA POE A PAU HE MAU KOINA KA Lakou i ka waiwai o KEKAHA i make o Waiehu, Wailuku, Maui, Ko Hawaii Pae Aina, e hoouna koke mai me na hooia kupono i hoophiki ia imua o ka Notari o ka Lehulehu, i ka mea nona ka inoa malaio iho ka mea i hookohu la i Lunahooponopono Waiwai no ka waiwai o ka mea i make, maloko mai o na malama eono, a i ole ia e hooie mau loa ia aku no.  O ka poe a pau i aio i ka waiwai o ka mea i make, e hookaa koke mai ma ka manawa a mamua ae  o ka pau ana o ka eono malama.

            W. H. DANIELS,

Lunahooponopono Waiwai o Kekaha i make.

Wailuku, Maui, Oct. 25, 1893.                       2414-6m

 

Ua Nalowale a Aihue ia

KA PALAPALA HELU 574,080 I HOOPUKA ia e ka Hut Panihakahaka Ola Equitable Assurance Society ia Samuel Makaila.  O keia Palapala ma ke ano o na olelo maloko aole la he mea waiwai no kekahi mea okoa aku o ka mea wale no i hoopuka ia ai.  E haawi ia no ka uku kupono i ka mea e loaa ai a hoihoi mai ia.

            SAMUEL MAKAILA.

Waimea, Kauai.                       2139-4

 

SING WO CO.

 

HELU 43   :     :    ALANUI NUUANU

            Aia ma keia Halekauai, e loaa aina lole maikai o na lede a me na keonimana, a pela no ko na kamalii a me ko na wahine mau mea hoohiehie.

Ke kono aku nei makou ia oukou e kipa kilohi i ka nani o Aipo.

SING WO CO.

2456-S@s.

 

Hale Hana Kopa o Honolulu.

            Ua paa aenei ka Hale Hana Sopa Mahu Hoo o ka poe no kalou na inoa malalo iho a ua makaukau kakou e hoolawa aku i ka poe piopiele i ua.

 

Kopa Maikai Loa Maoli

I hookomo ia iloko o na Pahu 100 @ [one word] mai ke 42 a 56 auka Kopa pakalili.

Ke hooia nei makou i ka oi o la MAIKA @ ka makou KOPA mamua o na Kopa o @@h@ mai.

 

            Ua kuni ia mawaho o ko maka@ mau Pahu me ka hoailono “HONOLULU SOAP CO.,”  ae

 

Kuai ia e na Halekuai Liilii a Pau.

HUI HANA LOPA O HONOLULU

M. W. McChesney & Sons,    Wa Egona.

 

PAPA!   PAPA

 

AIA MA KAHI O

 

Lewers & Cooke

 

(LUI MA),

 

Ma ke kahua hema o Alanui’ Papa me Moi.

 

E LOAA NO NA

PAPA NOUAIKI

 

O kela me keia ano!

 

Na Pani Puka, na Puka Aniani, na Olepelepe, na Pou, na O’a, na Papa Hele, na Papu Ku, me na Papa Moe he nui Loa

HV PILI HALE O NA ANO A PAU

A me na

WAI HOOHINUHINU NANI

O na ano a pau loa

 

Na Balaki o na Ano he Nui Wale

Ke hai ia aku nei oukou e na makamaka a pau, ua makauakau keia mau makamaka o oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo an mawaena o Lana a me ka Mea Kuai.

Hele Mai e Wae no Oukou Iho,                      2396-q

 

EGAN ME GUNN.

ALANUI PAPU, -     -           -           HONOLULU.

E HOOMAKA ANA KE KUAI NUI HOOPAKIKA MAI KA POAKHI AKU IUNE 26, 1893.

 

NA KALAKOA maikai loa no ka 29 iwilei $1.00.  Na KEOKEO nahenahe he 30 @ 75 kaneta o ke apa.  KUKAENALO, 14 iwilei no ka $1.00.  KUKAENALO 13 iwilei no ka $1.00.  HULUHULU nahenahe ma ka 10 a 12 ½ keneta o ka iwilei.

Na LIHILIHI Pale Puka Aniani he $1.25 a $2.00 o ka paa hookahi.

Na KAKINI wahine elele paa ma ka 25 keneta o ka paa hookahi.

Na PALEMAI kane ma ka 26 keneta pekahi.

Na KAMAA paa maikai ma ka $2.50 a $3.00 o ka paa.

Na PALULE KEOKEO maikai ma ke 75 a 100 keneta pakahi.

            2447-tf