Ka Nupepa Kuokoa, Volume XXXII, Number 39, 30 September 1893 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXII. HELU 39. HONOLULU, POAONO, SEPATEMABA 30, 1893 NA HELU A PAU,2461

 

Hoolaha Loio.

 

W. R. KAKELA,

Loio a he Kokua ma ke Kanawai.

HE LUNA HOOIAIO PALAPA.

2370

 

NELLIE M. LOWREY,

NOTARI no ka LEHULEHU

A HE

LUNA HOOIAIO PALAPALA A ME NA PALAPALA HOOHIKI.

            Keena Hana me W.R. Kakela, LOIO, ma ka @ makai o ka Hale Leta, Honolulu 2370

 

J. S. SMITHIES (KAMILA,)

NOTALI no ka LEHULEHU

A HE

Agena Haawi Palapala Mare

Mahukona, Kohala, Hawaii    2378-1v

 

ANTONE ROSA,

(AKONI.)

Loio a he Kokua ma ke Kanawai,

LUNA HOOIAIO PALAPALA.

Keena Hana ma Alanu Kaahumanu.

2870—

 

J.T. WATERHOUS,

(WALAKAHAUKI.)

Halekuai o na Lole Nani Panio!

LAKOHAO.

Na Lako Hana Mahiko,

A PELA AKU HE NUI WALE.

Manui Moiwahine, -- Honolulu.

2396-q

 

JAMES M. MONSARRAT,

(MAUNAKEA)

Loio a he Kokua ma ke Kanawai

HE LUNA HOOIAIO PALALAPA.

            E hana ia no na Palapala Kuai. Palapala hoolimalima, a me na Palapala Pili Kauawai e ne ma ka olelo Hawaii. Dala no ka heaie ma ka moraki ma na Waiwai Paa.

            Keena Hana: Hale Pohaku hou ma ka aoao ma Waikiki o ka Halewai, alanui kalepa. 2370

 

ALLEN & ROBINSON,

Na mea kuai papa o na ano a pau E loaa uo ma ka UWAPO O PAKAKA, Honolulu, make kumukuai makepono loa, no ka pomaikai o ka lehulehu a makemake ana e kukule hale. E kipa mai a e ike kumaka.

2@96-q

 

WILDER & CO., (WAILA MA.)

            Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

Kihi o Alanui Moiwahine me Papu.

2396-q

 

J. HOPP & CO.,

Na Poe Hana ma na Lako Hale o na ano a pau!

Hana Moe, Na Uluna Pulu, Etc.

Noho no ka Hoolimalima ana, ua Lako Hale me ke kumukuai emi,

Honolulu         2396-q

 

KAUKA LEONG KENG TONG,

(L. AKINA.)

            E ike au anei na ano lahui a pau. E noho ana ma ke Aupuni Hawaii, mai na kane, wahine a me na keiki; i loaa i na ma`i o keia a me keia ano, e naue mai i ko`u keena hana, a na`u e hoopau aku i na ehaeha a ka ma`i maluna o oukou e na makamaka, ke hiki ia`u ke lupaao i na ano ma`i a pau: ma`i illoko o ka opa, hu`i ke kino, aki iloko o ka iwi, eha o ke poo, ma`i wahine, a pela aku. Mai hoololohe aku e na hoa, a he hiki la`u ke lapaau i ka ma i hookaawale ohana. Hele mai hookahi, hele mai elua, hele mai no a pau loa: he oluolu ka kuhau. ke hui me ia ma na kukai olelo ana: ua makuakau au e pulama mai @ kono ana mai mai na Mokupuni mai, me ka eleu me ka hikiwawe loa, he makamaka a he hoaloha maikai oukou e na uawaii oiaio.

DR. L. AKINA,

Helu 40, Huina o na Alanui Kamika a me Hotele Honolulu

2405-1

 

KO BIHOPA MA, BANAKO MALAMA DALA

            Elawe no makou i na dala hoomoe ma ka hoaie ana ma ko makou BANAKO Malama Dala malalo o keia mau kumu:

@lua e hoomoe mai ke kanaka hookahi i na dala Elima Haneri, euku no makou i ukupaneo ma ka Elima Hapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe i ekolu mahina, a @ na waiohia paha ke dala a hala na malama ekolu i ka wa e hooponopono ia ai ua helu. Anole ukepanee e helu ia maluna o na dala hakina no na ia elua paha o ka mahina.

            Aole uku paneee e uku ia i ua dala e lawe ia ana maloko o ekolu mahina mai ka wa aka o ka hoomoe ia ana mai.

            He 30 ia mamua ae o ka unuhi ana aku o kekahi kauka i kana mau dala e hoike e mai i ka BANAKO, a e luwe pu ia mai ka buke dala i ka wa e koo ai.

            Aole dala e uku ia, aia wale no ma ke kikoo ka mea kaua i hoomoe mai i ke dala me ka lawe pu tuai i ka buke hoahu dala.

            I ka la mua o Sepatemaba o keia a me keia makahiki e hooponopono ia ai na helu o na mea a pau, a o na uku panee i uku ole ia ma@ o na puu dala a pau e waiho ana me ke @ ole ia, e helu ia ma ka aoao o ka mea hoomoe dala mai i hala na malama ekolu, a ma la wa aku e hui ia me ke kumupaa mua.

            O na pua dala haomoe mai maluna, elima haneri dala, e lawe ia no mamuli o  o aelike ana.

            E hamama ana ka Banako ma na ia a pau o ka hebedona koe na la Sabati a me na la Kulaia.

BIHOPA MA.

Honolulu, Ian  2396-q

 

 

            O ke kii maluna ae, oia no ke kii o Hon. William Ewart (Pohakuhauoli.)

            Ua hanauia Ka mea Hanohano a i mahalo nui ia ka Hon. William Ewart Pohakuhauoli ma ka la 29 Dekemaba, 1809 ma ke kulanakauhale o Livapulu, a o ka eha hoi o na keiki a ka mea Hanohano Sir Keoni Pohakuhauoli, kekahi o na hoa o ka hale Kaukanawai o na olelo (M.P.) me kana wahine, ke kaikamahine a Anaru Lobikana (Andrew Robertson) kekahi o na kanaka koikoi a kaulana o Dingwall, Rosshire.

            Ua hoomakaia ka hoonaauao ia ana o Pohakuhauoli opio ma kona hookomoia ana iloko na Kula Nui o Etona a me Oxford, a i kona manawa i haalele aku ai i ke kulana o ke kamalii a komo mai i ke kulana o ke ano kanaka makua, ua hoomaka mai ka pii awiwi aua o kona makaukau a me kona holomua mamua o kona mau hoa kula, a oia (Pohaku hauoli) ka helu ekahi iwaena o lakou ma ka haku manao ana, ma na ano kumu hana a pau ma ke kula o Etona, a i kona mau la iloko o ke Kula Nui o Oxford, ua ikeia ia kona naauao a me kona noeau makana mau wehewehe ana ma ka manawa e malamaia ai o ka Hui Paio a me ka mana o kana mau olelo.

            Maka makahiki 1832, komo aku la ia i hoa no ka hale kau kanawai olalo no ka manawa mua a oia kekahi iwaena o na kuka ana me ka poe kiekie loa o Enelani a noho malalo o ka malama ana a ke Duke o Nu Kakela.

            Eono mahina mahope mai o kona lawe ana i kona noho maka hale kaukanawai olalo ua hoomaka oia (Pohakuhauoli) i kona haiolelo mua loa maloko oia hale, a na ia haiolelo i kanalako mai i ka noonoo o na hoa oloko oia hale a me na alakai ma na aoao a elua mamuli o ke kuliu a me ka hohonu o kona mau manao. Ma ka makahiki 1834, ua hookohu aku o Robert Peel i ua Pohakuhauoli nei i haku elua no ke keena o ke Kuhina Waiwai. A mai ia manawa mai kona lawelawe ana a ua aneane e pau loa na oihana kuhina like ole iaia, a i keia manawa ana e noho mai nei, o ka eha keia o na manawa ana i noho ai i Kuhina Nui no Beritania Nui.

            I ko Pohakuhauoli noho ana mai ma ke poo o na kuhina, ua hoololi koke oia i na hana a pau malalo o kana mau alakai ana me ka nana ole ia o ka mana o ke kuhina o ko na aina e a me na hana o na aina e ma kona Aupuni.

            Maka hana ana i Aupuni mana a me ka hoololiloli ana i na hemahema, ua ala mai na manao kipikipi o ke kaua, me ke akamai na lanakila ke Kuhina ana, maluhia. Oia kekahi o na hoa kuka o ke Aupuni o Pelekana i ka wa e kaua ana me Rusia i ka makahiki 1854. Lilo hou oia i Kuhiwa i ka wa o ke kaua me ka Moi Kofe.

 

KA EUEU WIWO OLE O

NU IOKA

A I OLE, O KA

Makai Kiu Hale Niwela.

 

MOKUNA XVI.

            I ka noho ana iho o ka lede opio ka noho, aole i paue koke aku ka makai kiu, aka, ua nana pono aku la ia i ka helehelena ui nohea o ka lede imua ona, a e minamina ana hoi kona naau no ke kiola wale ia o na la ui opiopio o keia kaikamahine iloko o na hana karaima. Ike aku la oia i ka haloiloi ana iho o na waimaka ma ka lihilihi maka o ua kaikamahine la. Ia wa hoi oia i pane aku ai:

            “E Mele Balauwina, ua halawai mua no kaua ma kekahi mau manawa manua?”

            Aohe he pane mai o ka wahine opio, nolaila, ua pane hou aku la o Hale: “Ke hoomanao nei no hoi paha oe ia`u ea?”

            “Ke hoomanao nei no au ia oe.” wahi a ka lede opio.

            “Oia no kuu wa i loaa pono ai ia oe e aihue ana i kekahi mau puolo mailoko mai o ka halekuai.”

            I keia wa ua ku ino ae la ka makai kiu iluna, a me kona mau helehelena ano pihoihoi, ua hooho ae la oia i keia mau mamala olelo, “Auwe!” Mamuli o keia mau hana ano e a ka makai kiu, na ano haikea ae la na papalina o ke kaikamahine. Ia wa, ua wehe koke ae la ka makai kiu i na kupee mai na lima ae o ka lede opio me ka wikiwiki loa, a pane aku la ia,

            “Aole ane ou hoomanao i ko hoohiki mua ana mai imua o`u?”

            “Ke hoomanao nei no au,” wahi a ka lede opio.

            “Pehea, ua hooko pono anei oe ia kau hoohiki? Ua hoopunipuni oe ia`u. Ua kuhi loa au i kela wa, he mea oe i maa ole i na hana hewa, aka, ke ike nei nae au he aliiwahine oe no na hana hewa karaima, a he mea hoowalewale hoi no kekahi o na poe ha`iha`i kanawai ino loa ma Amerika nei, a he wahine pepehi kanaka hoi!”

            “Aole loa pela ko`u ano,” wahi a ke kaika mahine i hooho ae ai, me ka puili ana i kona mau lima ma kona alo, a ua hele hoi kona helehelena a haikea.

            “Nolaila, he mea hiki ole ia`u ke pale i ka hopu ana aku ia one no ka hewa pepe o kanaka oia no ka powamalu ia ana o ka Mrs. Balauwina.”

            “Aole loa na`u i lawe i ke ola o Mrs. Balauwina. Pehea la oe i hiki ai ke hoopuka i kekahi mau olelo walania loa e like me kena i kekahi kaikamahine nawaliwali e like me a`u nei?”

            “Aole loa ou nawaliwali i na minute pokole i hala koke ae nei, i ko wa i hoao ai e ki@ kuu poo me kela pu au.”

            “Aole loa au i manao o oe, ina au i maopopo mua o oe, ina ua ahona au e make mamua o ko`u hoao ana e ki ia oe.”

            “Heaha auanei kou kumu e hoopakele wale mai ai ia`u?”

            “Mai ninau mai oe ia`u, he wahine wale no au, aole e hiki ia`u ke pane pololei aku—aole no au e hoike aku ana.”

            “Alaila he hoomeamea wale iho no kuu hoike e ana aku ia oe i mea nou e pakele ai iloko o kela keena halawai? Oiai ia au i hoopuka he hookahi huaolelo i ua po la, o kou hopena iho la no ia.”

            Mamuli o keia mau olelo hope a ka lede opio, he mea oiaio, ua hoopau koke ia ko Hale kuhihewa.

            “Heaha hoi kou mea hai ole mai lia`u i kou kumu e ake ai e hoopkele ia`u?”

            “Ina au e hai aku ana ia oe, aole e nele kou hoowahawaha mai ia`u. He oiaio he oluolu kau mau olelo ia`u mamua, nolaila, ua ino au, a he kupono ole hoi e loaa na kamailio oluolu ana mai ia oe mai. Aka aole no nae au he mo ma ko`u naau koe wale no, ua kaa nu malalo o na alakai ino ana a ka poe hana hewa.”

            “O keia poe ino no anei kekahi o na mea nana i hookokono ia oe e pepehi i kokupunawahine Mrs. Balauwin?”

            “Aole loa au i pepehi ia Mrs. Balauwina! Ua like ku`u hala ole ma ia hihia e like me oe! Aole au i lohe iki no kona make ana a hoea wale i ka la mahope mai o kona pepehi malu ia ana.”

            Mamuli o na olelo hope a ua lede opio, ua anuu hou iho la ko Hale manao hilinai no ua wahine opio la.

            “Ke olelo mai nei oe aole oe i lohe no kela pepehi kanaka a hoea wale i kekahi la mahope mai? Ma ia ano, me he la ua poina oe i ko lawe ponoi ana ae no i ka lono i ka hale oihana makai i ua po la no.”

            Ano e ne la na hiohiona o na maka o ua kaikamahine la, a me he la e noonoo ana oia. Nana mai la oia i ka makai kiu me ke ano poluluhi, a liuliu pane mai la oia:

            “He keu no hoi kela a ka po ino nui wale. Heaha la hoi ko`u ano. He nui na mea a`u i hoomaopopo ai, aka, aole nae he hiki ia`u ke hoomaopopo ae.”

            “Owai ka hoi kela kanaka me oe iloko o ke keena hookipa mahope koke iho no o ko kaua hoea ana mai ka hale oihana makai mai?”

            “Aole loa o`u ike.”

            “He keu ka a ka mea ano e o kou poina ana i kela mea, oiai, e aneane ia ana oe e pepehi malu ia.”

            “Heaha hoi keia o`u, he keu a ko`u palaka loa.”

            “Heaha no hoi kou mea hoike pololei ole mai ia`u?”

            “Heaha ia mea a`u e hoike aku ai?”

            “I kela pepehi kanaka.”

            “Aole loa au i hana i kela hewa.”

            “Aka, ua ike no oe i ka mea nana i hana kela hewa, nolaila, o kou pono wale no o ka hoike mai i kumu nou e pakele ai.”

            “Pehea au e hana ai i pakele ai au?”

“O ka hoike mai i kau mea i ike ai, a ina aole, alaila, e hopu ana au ia oe.”

            “Aole loa a`u mea i ike no keia pepehi kanaka.”

            “Ke ike nai au he makemake loa no oe e huna, a e hooili no i na poino maluna ou.”

            Ia wa, ua hoopili koke ae la ua kaikamahine la i kona lima ma kona waha. Ia wa no hoi, me ka hikiwawe loa ka makai kiu i hopu aku ai i ka lima o ke kaikamahine a nana iho la ia, aohe nae mea oloko.

            “Ua moni aku nei anei oe i kahi mea?”

            “Aole, aka, ina nae oe e hoomau loa mai ana i kau mau olelo hooweliweli, aiaila, aole e nele ko`u moni i kekahi mea.”

            Ike iho la ka makai kiu, he kaikamahine ano e maoli io no keia, nolaila ua kamailio hou aku la oia ma kekahi ano e ae.

            “Aole anei i lohe oe he puu dala nui ke haawi ia ana i ka mea nana e hoike mai ka mea nana i pepehi o Mrs. Balauwina?”

            “Aole loa e hiki ia`u ke kuhi wale ae no i ka mea hewa, ina paha he mau miliona dala ka uku makana.”

            “Ua ike no anei oe ma keia mea, aole loa e hiki ana ia oe ke noho maluna o kou waiwai nui hewahewa?”

            “Ko`u waiwai!” i hooho ae ai ua kaikamahine la.

            Mahope iho, ua pane hou mai la ua kaikamahine la:

            He kea a kou maopopo i ua mea e pili ana ia`u.”

            “Eia ka`u mea i ike, ina oe e hoike ana i ka mea pololei, alaila, o oe ana kekahi o na lede opio pomaikai nui loa o keia kulanakauhale.”

            “Ma ke ano hea?”

            “Ma kou hoike ae ia oe iho, alaila, o ko hoonoho ia ae no ia maluna o ko waiwai nui hewahewa.”

            Noho ekemu ole iho la ua kaikamahine la no kekahi mau minute me he la e noonoo ana, a liiuliu, ua pane mai la oia:

            “E hoike ana au i ka mea oiaio.”

            “Oia hoi paha ka`u mea e ake nui nei o ko hai mai i ka mea oiaio, o kou pomaikai ia.”

            I kela wa kone no, ua kahea koke ia mai la oia e kekahi o kona mau hope ma ka oihana, no kahi mea a lakou i makemake ai e hoakaka ia aku e Hale. Ia wa, ua pane koke aku la ia i ke kaikamahine:

            “E hoomanawanui i ki iho oe no hookahi minute, a hoi hou mai au.”

            I kona oili ana aku mawaho o ke keena, ua kauoha aku la ia i ke kanaka nana oia i kii mai, e ku kiaioia ma ia wahi me ka makaala loa, a aole hoi e ne iki i kekahi mea hookahi e oili aku mailoko aku o ke keena a ke kaikamahine e noho ana.

            Aole i liulin ko Hale hele ana, a hoi koke mai ia no, aka, ua oili koke hou mai la no ia mai loko mai o ua keena la me ke ano pihoihoi o kona nanaina. Ninau koke mai la ia i ke kanaka kiai:

            “Aole anei he mea i puka aku nei i kuu wa i hele aku nei?”

            “Aole hookahi,” wahi a ka pane.

            Ua hookahaha loa la kona naau liai, i kona komo hou ana aku Hoko o ke keena ana i haalele iho ai i ke kaikamahine, aole oia maloko o laila, ua imi oia ma na wahi a pau he ole wale no. Hookolo hele ae la ia a puni na paia o ua keena la, aole loa he wahi hoailona e hoike mai ana iaia no kekahi ipuka a mea e ae paha a kona manao e hoohuoi ae ae, ua lele kana manu ma kekahi o ia mau wahi, aka, ua heo aku ia nae kela.

            Mahope mai o ia mau la, ua hookolo akahele loa ka makai kiu no kahi e loaa ai ua kaikamahine la, aka, ua hoonele wale ia no nae kona iini.

            Ma ia wa, ua hele pinepine aku oia e kuka me na ioio, a me ka lunakanawai pu hoi, a mamuli o keia hooikaika ana, ua hookaulua hou ia ka wa e li ia ai o Walaka Parama. A mamuli hoi oia, ua hookahaha nui ia ka manao o ka lehulehu no keia houlolohi wale ia no o ka wa e hoopa`i ia ai o kela kanaka pepehi kanaka.

Aole i pau.

 

He Moolelo Hawaii

Mokuna X.

            Ka mauliellealii, pili i ko Maui.

            Maulielealii ia Wehelani, o Moikeha a me Olopana; o Moikeha ia Hinaaulua, o Hookamalii a me Kila o Hookamalii ia Keahiula, o Kahai; ia Keheau, o Kuolono; ia Kaneakaleleoi, o Maelo; ia Laulialaa, o Laulihewa; ia Akepamaiklani, o Kahuoi; ia Pelea o Puaakahuoi; ia Nononui o Kukahiaililani; ia Kokalola o Mailikukahi; ia Kanepukoa o Kalonanui a me Kalonaiki. O kalononui ia Kaipuholua o Kalamakua, ia Kelenuinohoapiapi, a Laielohelohe w; ia Piilani, o Piikea w, o Loneapiilani a me Kihaapiilani. O piikeapiilani ia Umialiloa I, o Aihakoko a me Kumalae, e like me ia i hoakakala ma ka helu i hala.

            Uo ka Kalehenui, pili i ko Oahu.

            Kalehehui ia Kahinalu, o Hinakaimauliawa; ia Kahiwakaapu, o Muolani; ia Kao mealani, o Ku-o Mua; ia Kapuaa Mua, o Kawalewaleoku; ia Unaula, o Kaulaulaokalani; ia Kaluaiolowalu, o Kaimihanoku; ia Loe, o Moku a Loe; ia Kapiheolalo; o Kaliaokalani; ia Kuaaohe o Kupualani; ia Kaohiaula, o Kupanihi; ia Kahuaokalani, o Lonopuloku; ia Mumukalauiohua, o Ahuakai; ia Kahilinaokahiki, o Maeuokalani; ia kauluhinalo, o Kapiliokalani; ia Kalaakahina, o Holaulani; la Kaihupeemakua, o Laninulakaihupee; ia Kauhiiliula a Pulani, o Hoalani; ia Kau a Kamakaohua, o Ipuwai a Holani; ia Kaihikapu a Kakuihewa, o Kauakahikuaanaana w; ia Iwikauikaua, o Kaneikauaiwilani k; ia Keakealani w; o Kalanikauleleiaiwi.

            O Iwikauikaua, no Hawaii oia, i noho mua ia Keakamahana, loaa o Keakealani W. A mahope iho, haa lele o Iwikauikaua ia Keakamahana, no ka pepehi ia ana o kona makuanhine a me kana kaikamahine mua e Keakamahana no ke koko alii haahaa, no ka mea ia Keakamahana no ke aupuni; a hele naauauwa o Iwikauikaua no ke aloha i kona makuahine a me ke kaikamahine, a lamalama kukui a Iwikauikaua i ke awakea. A. hiki oia i Hilo, haawi aku oia i ke aupuni o kana wahine i na alii o Hilo. A malaila aku holo oia i Oahu a noho aku la Kauakahikuaanauakane, loaa o Kaneikauaiwilani he alii kapu pio. Nolaila, mahope mai, hoouna aku o Iwikauikaua ia Kaneikauaiwilani kana keiki e holo i Hawaii a noho aku ia Keakealani kona kaikuahine, he kapu moe ko Keakealani. A loaa moi o Kalanikauleleiaiwi a lilo iaia keia mau kapu elua.

            A no ko Keaweikekahialiiokamoku noi ana aku ia Kalanikauleleiaiwi i kapu no kana keiki hiapo no Kaeamamao, i kapia o Kalaninuiaiamamao, ua pii aku ke kapu moe iaia.

            Ka keaunui, pili no 1 ko Hawaii.

            Keaunui, ia Wehelani, o Nuakea; ia Keoloewa a Kamaua, o Kapau a Nuakea; ia Lanileo, o Kamauliwahine; ia laniaiku, o Hualani w; (no Molokai) ia Kanipahu o Hawaii, o Kalohumoku; ia Laamea, o Ikialamea; ia Kalamea, o Kamanawakalamea; ia Kuaiwa a me Kaina o Ehu, a me Onakaina. O Ehu ia Kapohauola, o Ehunuikaimalino; la Kea na o Paula; ia Ahuli, o Panaikaiaiki ia Palena, o Ahulinuikaapeape; ia Koinoho, o Kaihokiha; ia Hualeiakea, o Mokuohualeiakea w; ia Umi a Liloa I, o Akahiakailikapu; ia Kahakumakailua, o e Koihalauwailana w; ia Kewawenuiaumi, o Kanaloakuaana; ia Kaikilani; ia Kaikilani, o Kelilokalani w; ia Keakealani k, o Keakamahana; ia Iwikauikaua, o Keakealani w; a pela aku.

            E nana iki hou kakou mahope no o keia papa.

            Mokuohualeiakea w ia Umi a Liloa, o Akahiilikapu w; ia Hakumakalina, o Koihalauwailana a me Keliiohiohi k, oia ia Ananakookoo, o Akahiakameenoa; ia Keawehanaikawalu, o Keaweikekini; ia Kapulehuawakea, o Koaekea; ia Kuihewa, o Kalehunapaikuwa; ia Ahia, o Lulukawaakekee; ia Kukamaneulu, o Kaupe; ia Kuimeheua, o Nahiolea; ia Inaina, o Kekuanaoa; ia Pauahi nui I kapaia o Kinau w, o Keelikolani, Lota Kapuaiwa, Liholiho, Ka mamalu. O liholiho ia Ema Kaleleonalani, o ka Haku o Hawaii.

            Ka Onakaina kaikaina o Ehu.

            Onakaina ia Kuamakani, o Kanahae; ia Kapiko, o Kuleanakapiko; ia Keanianihooleilei, o Akahiakulelena w; ia Liloa, o Umi a Liloa a pela aku.

            Kekahi mau pua ahi a Piilani ka Moi o Maui.

            Piilani, ia Kumunuiakapokii, o Nihokela; ia Kapumakokoula, o Hikaalani; ia Kehiokaloa, o Hoikapu; ia Kaumaka, o Umikaumaka: ia Liloakaai, o Keliiokaloa w; ia Liloailimaahulani k, o Haki; ia Piiao, o Kauhiapilao; ia Iliki, o Moana; ia Palila, o Kauwa; ia Eia, o C. Kanaina; ia Kekauluohi, o W.C. Lunalilo.

            Ka Kalonaiki, na leilani o Oahu, Kalonaiki ia Kikenui a Ewa, o Piliwale, ia Puakanilea, o Kukaniloko, ia Luia, Kaleimanuia, ia Lupekeahomakalii, o Kahikapu a Manuia; ia Haunui a Kanehoalani, o Kakuhihewa, ia Kahaianui a Kahuailana, (w) a me Kaakaualani (w), o Kanekapu, Kaihikapu a Kakuhihewa a me Kauakakahi nui.

            O Kaihikapu a Kakuhihewa ia Kalua a Hoohila, o Kahoowahaokalani, ia Kawelolauhuki, o Kauakahi a Kahoowaha, ia Mahulua, o Kualii ia Kalanikahimakeialii a me Kukuiaimakalani, o Peleioholani a me Kaapuwai. O Peleioholani ia Lonokahikini, o Kumahana ia—o Kaneoneo, ia Kalakauiokikilo (w) o Kalaniomaiheuila, a me Kalanianoano.

            He nui aku na alii i koe aole i loaa aku ma keia houluulu ana, o na hemahema am keia e kala mai.

No ke kulana o na lii.

1.                    O ka niau pio ke alii kiekie loa, ina he alii niaupio ke kane a he niaupio ka waine, a he kulike kolaua mau kapu alii, alaila, aole e he mo ke kapa o lana i ke kapu o kekahi o laua, a ua pumehana like ko laua mau poli i kekahi a me kekahi a o ka laua mau keiki e hanau mai ana mailoko mai o ko laua mau puhaka he mau alii kapu lakou.

2.                   O ka pio, oia na keiki i hanau ia mai e na alii niau pio, he keiki kane a he kaikamahine, alaila, hohoi iho no laua a nononoho, a hoao kaikunana a kaikuahine, a ua kapa ia he hoao pio, he hoao kapu, he hoao weliweli, he hoao kapu alii, a o ka laua mau keiki e hanau mai ana, he mau keiki Akua, he ahi, he lalapa enaena: aia ma ka po e hiki ai ke kamailio pu me na alii a me na kanaka, he alii pio a he alii niau pio. Penei: O Kamahana ke kane a o Lonokahakini ka wahine kapu pio, loaa mai o Kapueokalani, o Ka neoneo a me Nalanipipio, a ua kapa ia lakou he mau alii pio, he nui ke ia ano alii kapu ma Hawaii nei.

            Pela no hoi o Kamehameha Nui, he alii kane niaupio, hoi iho no oia noho ia kalola kona kaikuahine, he aliiwahine niaupio, loaa mai o Kalanikauiokikilo, he aliiwahine niaupio, nonoho ae laua i Kaneoneo, hauau mai o Kalaniomaiheuila, a me Kalanianoano, a he oi loa aku keia o ke kapu.

3.                   O ke alii Naha. Eia ke ano, hookahi makuahine he aliiwahine niaupio, a elua makuakane, he mau alii kane niaupio laua, a ua nononoho hoao aku laua i ka wahine hookahi, a puka mai na laua he keiki kane a me ke kaikamahine;; a i ko laua hoao ana ae ma ia hope iho, he moi naha ia, aole he pio.

O kalola, he aliiwahine niaupio, noho ia Kalauiopuu, he alii kane niaupio, hanau o Kiwalao he keiki kane. Noho hou aku o Kalole ia Keoua Kalaninuiahilapalapa, he aliiniaupio loaa o Liliha Kekuiapowa III. O Kiwaloa ia Kekuiapoiwa III, loa o Keopuolani, he moe naha keia.

He alii kapu no ke alii naha, aole nae i kulike ko laua kapu alii me ka alii pio; aole no ka hanau pu ana mai e ka makuwahine hookahi, aole e hiki ke hoohoahanau aku, he Akua ko ia la hoa like, he Akua ka hoahanau, a he Akua ka hoa e like ai.

4.                   No ke alii waii, he alii niaupio ka makuakane, a he ahi pio, a he alii naha; a o ka makuahine, he alii hoahanau, a pili hoahanau, a mau kaikaina hoahanau na na makua, a he mau alii ohana alii nui. He alii niaupio ka makuahine, he aliipio, he alii naha; a o ka makuakane, he pili hoahanau mailoko mai o na hoahanau o na makua, a he mau alii kukaulua, a mau ohana alii nui. Ao ka laua mau keiki ke hanau mai, he mau keiki alii wohi. Aole i like ke alii wohi ma ke kulana o ke alii naha; aka, he wahi kulana kanawai iki o maha ai ka i ke kapu o na alii naha, a me ha alii niaupio ma ke kahea ana i ke mele o na alii naha a kapu niaupio; koe nae ke kapu pio a me ke kapu akua, aina i a`e ka wohi iko laua kapu, ua paapaa ike ahi, penei o Kiwalo ke kapu niaupio, a o kamehameha I. ke kapu wohi; noho ia Keopuolani nona ke kapu niaupio (oia hoi ke kapu moe) loaa o Liholiho, Kauikeaouli, a me Nahienaena, no lakou ke kapu naha a me ke kapu niaupio. O @kalani ke kapu wohi.

5.                   Ka La Alii, ua kapaia na alii o Lihue, o Wahiawa, a me Halemano, he poe Lo Alii, no ka malama i ko lakou kapu alii; he poe kupuna alii kapu, he kapu ke kane a me ka wanie, a huipu no laua i ko laua kapu alii a hanau mai na keiki, malama no lakou i ko lakou mau kapu alii, eia nae, nole i noho pu me na alii aimoku, aka, ua noho lakou i ke kuahiwi, a ina e nele i ke alii ole nana e malama e ke aupuni, niaila, aia no hoi malaila e loaa ai na lii nui o ke aupuni a i nele ke alii o ke aupuni I ke alii wahine ole, malaila no e loaa ai. E nana ia Kaukahiailani, ia Mailikukahi, ia Kalona, ia Piliwale, ia Kukaniloko, ia Paakanilea, ia Kaakaualani, Kaau, Laie, Paoakalani, Pakapakaua, a lehulehu wale aku na alii o keia ano I kapaia na Lo Alii.

 

He Hawaii Oiaio i ka Aina Malihini.

 

LA JOLLA PARK HOTEL, JOHNSON A ME RITCHIE, PROPRIETORS.

            San Diego, cal. Sept. 1.—Eia au i San Diego nei me ke ola maikai. E ike no oe i ka hiona o kahi a`u e noho nei mawaho o keia wahi leta. O ka hiona o na mea maluna ae, oia ko`u mau haku.

            O ka`u hana, he lawaia, he $25 o ka mahina; o ko`u uku heenalu, he $10 o ka la hookahi. He oiaio paha, owau ke oki loa o ka ike ole i ka heenalu ilaila (Hawaii), aka nae owau ka helu ekahi i ka heenalu o Kaleponi nei.

            He aina maikai keia, he kaulike na mea a pau. Ua like no au me na poe e ae e noho nei iloko o kiea Hotele.

            O ko`u mau haku, ua kamaaina mua no ia`u ma Honolulu, o Johnson, oia ka ona mua o ka Hotele Hawaii. Aole au e hai aku ana ia oe i ko`u moolelo o ka auwana ana mai i keia manawa, aia a mahope aku.

            No ko`u manao o haohao loa oukou i ke kau leta ole aku, nolaila ke hoouna aku nei au i keia leta ia oe. Manao au e noho au ia nei a pau kela hooilo, alaila i keia kupulau ae e auwana hou ana au i ka hikina, oia hoi i Nu Ioka.

            He oi aku ko`u mahalo i keia wahi mamua o ko kakou ma ka hoomaku ana i na pono pilikino o ke kanaka. Ua malama pu ia no na manu ma koonei mau kanawai, oia ka mea oi kelakela. No ka hiki hou ole aku ia`u ke kakau pono i keia leta no ka nui loa o keia poe haole maanei, ke hooki nei au me ke aloha ia oe a nui loa a meka ohana.

JOHN AHIA