Ka Nupepa Kuokoa, Volume XXXII, Number 38, 23 September 1893 — Ola Kamakapehu o ka Uka, ua Pae ka ia Malihini. [ARTICLE]

Ola Kamakapehu o ka Uka, ua Pae ka ia Malihini.

E ka Nupepa Kuokoa Aloha oe a me kou mau Keiki ulele hua metala, a me kou Luna Hooponopouo. E oluolu oe elawe hele aku i kela mau hua e kau ae la maluna. Ma ka Poakahi la 4 o keia mamala, uapaeae heia nuii malahini ia ka pae i ka uka o Ewa he ia kela ano ke kai loa.

Apenei ka moolelo ma ke kakahiaka nui o ka la i hai ia ae la maluna.

Ua hele a kula kekahi poe i ke kaau papai, ma ka ae kai o kuloloia, ia lakou e kiei ana e halo ana i ka ia waha lepo o Ewa a kaalo ae la lakou ma ka nuku muliwai o Mikiliwai.

E au mai ana ke kanaka mau ka mai, iaia e au mai ana o ka puka mai la no ia o keia mau ia ekolu. He kawakawa Ulua kapapaokamoku a me ka ia malihini loa . He Ahi nui mahaoo. O na ia mua elua maalo aela laua a nalo loa, akula. 0 ka ia hope oia ka ia i alualu īa, ua like me hapaha mile ka loa o kahi i alualu ia ai.

E kolu holo ana i mua, ekolu holo ana i hope, i ka ekolu o ka holo ana i mua, oia ka wa i pa ai o ke poo i ka laau. Oka poe nana e alualu nei, oia o Miss Addie Keoue, Samuela, Keone a me Mi*s. Kahihiku, o ka inoa hope oia ka mea nana ka pauku laau i pa pono ai ke poo. Kona nui, ekolu kapuai a oi, elua kapuai a oi ke anapuni. Ola ka makapehu o ka uka, aloha ae ka aina paia ala i ka hala, hala Elua koa kaulana Hanakaulua a me Kupakea. G. M. Keone Manaka Ewa Sep. 6. 1593.